၁၅.၇.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
နေပြည်တော်၊ ရန်ကုန်၊ မန္တလေး နှင့် ပုသိမ်မြို့ကြီးများ၏ အခြေခံစားကုန်(လက်လီ)၊ ပြည်ပပို့ကုန်၊ စက်သုံးဆီ နှင့် ရွှေဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယနေ့ ကာလတူ နှိုင်းယှဉ်၍ ပြုစုတင်ပြအပ်ပါသည်။
တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြအပ်ပါသည်။
တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန်ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။
သာယာဝတီခရိုင်၊ မင်းလှမြို့နယ်တွင် ၂၀၂၃ခုနှစ်၊ မေလ၊ နောက်ဆုံးအပတ်ထိ ချင်းတစ်ပိဿာလျှင် ၅၀၀၀ကျပ်သာရှိခဲ့သော်လည်း ဇွန်လဆန်းမှ ဇွန်လ၊ တတိယအပတ်ထိ ချင်းတစ်ပိဿာလျှင် ၁၀၀၀၀/-ကျပ်ဖြစ်၍ ဈေးနှုန်း ၂ဆခန့်မြင့်တက်လာကြောင်း ဈေးကွက်အတွင်းရှိ ကုန်စုံဆိုင်များမှသိရှိရပါသည်။ မင်းလှမြို့နယ်ရှိ ချင်းဈေးကွက်အခြေအနေမှာ ဇွန်လ၊ နောက်ဆုံးအပတ်နှင့် ဇူလိုင်လ၊ ပထမအပတ်တို့တွင် ဈေးနှုန်းမှာ တစ်ပိဿာလျှင် ၂၀၀/-ကျပ်ခန့် အနည်းငယ်စီမြင့်တက်နေကြောင်းသိရှိရပါသည်။
မင်းလှမြို့မဈေးကွက်အတွင်းသို့ ရန်ကုန်ဘုရင့်နောင်ပွဲရုံများမှ အလေးချိန်ပိဿာ (၁၀) ပိဿာဝင်ခြင်းများဖြင့်လည်းကောင်း၊ အချိန် (၂၀) ပိဿာဝင်အိတ်များဖြင့်လည်းကောင်း၊ တစ်ပတ်လျှင် ပိဿာ (၁၅၀) မှ (၂၀၀) ပိဿာခန့်အဝင်ရှိနေပါသည်။ အရောင်းအဝယ်အနေဖြင့် ဒေသတွင်းရှိ လက်လီဝယ်ယူသူအနည်းငယ်ဖြင့်သာအရောင်းအဝယ်ရှိနေပါကြောင်း ဈေးကွက်အတွင်းမှသိရှိရပါသည်။
DOCA(ပဲခူး)
၁၄.၇.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
ညောင်လေးပင်မြို့၊ စည်ပင်သာယာမြို့မဈေး၌ ရောင်းချလျက်ရှိသော ဂေါ်ဖီထုပ်၊ ပန်းဂေါ်ဖီ၊ ရွှေဖရုံသီး၊ ရွှေပဲသီး၊ ဗိုလ်စားပဲ၊ မုန်လာဥနီ၊ မုန်ညှင်း၊ ခရမ်းချဉ်သီးနှင့် အာလူးသီးနှံများမှာ ရှမ်းပြည်နယ်၊ အောင်ပန်းမြို့မှဝင်ရောက်ကြောင်း သိရှိရသည်။
၂၀၂၃ခုနှစ်၊ ဇူလိုင်လ၊ ပထမပတ်တွင် ဂေါ်ဖီထုပ်တစ်ပိဿာလျှင် ကျပ်၁၂၀၀၊ ပန်းဂေါ်ဖီတစ်ထုပ်လျှင် ကျပ်၈၀၀မှ ကျပ်၁၂၀၀အတွင်း၊ ရွှေပဲသီးတစ်ပိဿာလျှင် ကျပ်၅၀၀၀မှ ကျပ်၆၀၀၀အတွင်း၊ ဗိုလ်စားပဲတစ်ပိဿာလျှင် ကျပ်၃၀၀၀၊ မုန်လာဥနီတစ်ပိဿာလျှင် ကျပ်၃၀၀၀၊ မုန်ညှင်းတစ်ပိဿာလျှင် ကျပ်၂၀၀၀၊ ခရမ်းချဉ်သီးတစ်ပိဿာလျှင် ကျပ်၁၅၀၀မှ ကျပ်၁၈၀၀အတွင်း၊ အာလူးတစ်ပိဿာလျှင် ကျပ်၃၀၀၀မှ ကျပ်၃၂၀၀အတွင်းဖြင့် ရောင်းချနေပြီး ဒေသထွက်ဟင်းသီးဟင်းရွက်များဖြစ်သော ကန်စွန်းရွက် (တရုတ်) တစ်စည်းလျှင် ကျပ်၁၀၀မှ ကျပ်၂၀၀အတွင်း၊ ချဉ်ပေါင်ရွက်တစ်စည်းလျှင် ကျပ်၅၀မှ ကျပ်၂၀၀အတွင်း၊ ဆလပ်ရွက်တစ်စည်းလျှင် ကျပ်၂၅၀မှ ၃၀၀အတွင်း၊ ပဲသီးတစ်စည်းလျှင် ကျပ်၂၅၀မှ ကျပ်၃၀၀အတွင်း၊ ဘူးသီးတစ်လုံးလျှင် ကျပ်၁၀၀၀မှ ကျပ်၁၅၀၀အတွင်း၊ ခရမ်းသီး (အရှည်) တစ်ပိဿာလျှင် ကျပ်၁၆၀၀မှ ကျပ်၂၀၀၀အတွင်းနှင့် ငရုတ်သီးစိမ်းတစ်ပိဿာလျှင် ကျပ်၂၀၀၀တို့ဖြင့် အရောင်းအဝယ်ဖြစ်နေကြောင်းသိရပါသည်။
DOCA(ပဲခူး)
သာယာဝတီခရိုင်၊ သာယာဝတီမြို့နယ်တွင် ကိုယ်တိုင်စိုက်ပျိုးမွေးမြူထုတ်လုပ်သူများ၏ နေ့စဉ် ရောင်းချနေသည့် ကုန်ပစ္စည်းဈေးနှုန်းများမှာ (၄-၇-၂၀၂၃) ရက်နေ့တွင် ဆန်တစ်ပြည်လျှင် ၂၈၀၀ကျပ်ဈေးနှုန်းဖြင့် ဆန် (၆) အိတ်၊ ဆီတစ်ပိဿာလျှင် ၅၀၀၀ကျပ်နှုန်းဖြင့် ဆီပိဿာချိန် ၆၀ပိဿာ၊ ကြက်ဥတစ်လုံးလျှင် ၂၃၀ကျပ်နှုန်းဖြင့် ကြက်ဥ ၄၀၀လုံး၊ ကြက်သားတစ်ပိဿာလျှင် ၈၀၀၀ကျပ်နှုန်းဖြင့် ပိဿာချိန် ၃၀ပိဿာ၊ ဝက်သားတစ်ပိဿာလျှင် ၁၄၀၀၀ကျပ်နှုန်းဖြင့် ဝက်သားပိဿာချိန် ၅၀ပိဿာ၊ ငါးတစ်ပိဿာလျှင် ၄၅၀၀ကျပ်ဈေးနှုန်းဖြင့် ငါးပိဿာချိန် ၃၀ပိဿာနှင့် ဟင်းသီးဟင်းရွက်များဖြစ်သည့် သခွားသီး၊ ဗုံလုံသီး၊ ရွှေဖရုံသီး၊ ချဉ်ပေါင်ရွက်နှင့် ကန်စွန်းရွက်များကို ဈေးနှုန်းသက်သာစွာရောင်းချပေးလျက်ရှိကြောင်း သိရှိရပါသည်။
DOCA(ပဲခူး)
ပခုက္ကူကုန်စည်ဒိုင်တွင် ပခုက္ကူဒေသမှ စိုက်ပျိုးထွက်ရှိသော ပဲစဉ်းငုံနီ၊ ကုလားပဲ၊ မတ်ပဲ၊ ပဲယင်း၊ စွန်တာနီ၊ ပဲလွန်းပြာနှင့် အခြားပဲမျိုးစုံများ အရောင်းအဝယ်ဖြစ်နေပါသည်။ ၂၀၂၃ခုနှစ်၊ ဇူလိုင်လ(ပထမပတ်)တွင် ပဲဈေးနှုန်းများမှာ ပဲစဉ်းငုံနီ တစ်တင်းလျှင် ကျပ်(၉၈၀၀၀-၉၈၈၀-၁၀၀၁၀၀)၊ ကုလားပဲဝါ လုံးကြီး(929) တစ်တင်းလျှင် ကျပ်(၈၂၅၀၀)၊ ကုလားပဲဖြူလုံး (V2/V6) တစ်တင်းလျှင် ကျပ်(၈၃၆၀၀-၈၄၃၀၀)၊ ပဲတီစိမ်းကြီးမှာ အရည်အသွေးပေါ်မူတည်ပြီး တစ်တင်းလျှင် ကျပ်(၄၇၀၀၀-၅၄၀၀၀)၊ ပဲဇီးကွက် တစ်တင်းလျှင် ကျပ်(၄၆၅၀၀-၄၆၈၀၀)၊ ပြောင်းဖူးစေ့(CP) တစ်တင်းလျှင် ကျပ်(၁၉၂၀၀)၊ပဲယင်းနီ တစ်တင်းလျှင် ကျပ်(၇၄၃၀၀)၊ မတ်ပဲ တစ်တင်းလျှင် ကျပ် (၅၀၀၀၀-၅၉၀၀၀)၊ နှမ်းဖြူ တစ်တင်းလျှင် ကျပ်(၁၁၅၀၀၀)၊ မန်ကျည်းတောင့် တစ်ပိဿာလျှင် ကျပ် (၈၀၀)ဖြင့် ဥပုသ်နေ့မှလွဲ၍ နေ့စဉ်ကုန်စည်ဒိုင်တွင် အရောင်းအဝယ်ဖြစ်နေပါသည်။
ယခုတစ်ပတ်၏ အရောင်းအဝယ်ဖြစ်မှု အိတ်ရေမှာ ပဲစဉ်းငုံနီ (၁၅၀၀)အိတ်၊ ကုလားပဲ ဝါလုံးကြီး (929) (၃၀၀)အိတ်၊ ကုလားပဲဖြူလုံး (V2/V6) (၁၅၀၀)အိတ်၊ ပဲတီစိမ်းကြီး (၂၅၀၀)အိတ်၊ ပဲဇီးကွက် (၂၅၀)အိတ်၊ ပဲယင်းနီ (၁၀၀)အိတ်၊ ပြောင်းဖူးစေ့(CP) (၂၀၀)အိတ်၊ မန်ကျည်းတောင့် ကုန်ချိန် ပိဿာ(၁၅၀၀၀)ကျော် အရောင်းအဝယ်ဖြစ်နေပြီး တင်ပို့မှုအနေဖြင့် မြန်မာပြည်အောက်ပိုင်းနှင့် ပြည်ပနိုင်ငံများသို့ တင်ပို့နေကြောင်း ကုန်သည်များထံမှ သိရှိရပါသည်။
DOCA(မကွေး)
စားဖိုဆောင်သီးနှံတစ်မျိုးဖြစ်သည့် ကြက်သွန်နီကို မိုင်းလုံရပ်ကွက်၊ ရွာတန်းရှည်ရပ်ကွက်၊ မှုံပြာကျေးရွာ၊ လင်ဖုံလေးကျေးရွာတို့တွင် အများဆုံးစိုက်ပျိုးလျက်ရှိပြီး ယခုဇူလိုင်လဒုတိယပတ်တွင် ဈေးကွက်အတွင်း ဖြစ်ပေါ်နေသော ကြက်သွန်နီဈေးနှုန်းမှာ တစ်ပိဿာလျှင် အလုံးအသေးအကြီးအမျိုးအစားလိုက်၍ တစ်ပိဿာလျှင် (၂၅၀၀) ကျပ်မှ (၃၅၀၀)ကျပ်အထိ အရောင်းအဝယ်ဖြစ်လျက်ရှိကြောင်းနှင့် ယခင်ဇူလိုင်လ(ပထမပတ်)နှင့် နှိုင်းယှဉ်လျှင် ဈေးနှုန်းတည်ငြိမ်လျက်ရှိပြီး ဈေးကွက်အတွင်း ဈေးကောင်းရလျက်ရှိပြီး အရောင်းအဝယ်သွက်လျက်ရှိကြောင်း နောင်ယားဈေးအတွင်းရှိ ကြက်သွန်နီရောင်းချနေသူတစ်ဦးထံမှ သိရပါသည်။
DOCA(ကယား)
