ပြည်တွင်းကုန်သွယ်မှုသတင်း

     မိတ္ထီလာမြို့မှာ ရန်ကုန်-မန္တလေး၊ အဝေးပြေးကားလမ်းကြီး၊ ပုဂံ-တောင်ကြီးလမ်းနှင့် မိတ္ထီလာ-မြင်းခြံလမ်းတို့ဆုံရာ လမ်းဆုံလမ်းခွတွင် တည်ရှိသောမြို့တစ်မြို့ဖြစ်ပါသည်။ ကုန်တင်ယာဉ်ကြီးများမှာ မိတ္ထီလာမြို့မှ အခြားမြို့အသီးသီးသို့ ကုန်စည်များသယ်ယူပို့ဆောင်လျက်ရှိရာ ကားခစျေးနှုန်းများမှာ ကုန်ကျစ် ၁ပိဿာလျှင် ၁၂ဘီးကား (အဆင်း) မိတ္ထီလာမှ ရန်ကုန်သို့ ၁၃၀ကျပ်၊ မိတ္ထီလာမှ မန္တလေးသို့ ၇၀ကျပ်၊ ၆ ဘီးကား (အဆင်း) မိတ္ထီလာမှ ရန်ကုန်သို့ ၁၅၀ကျပ်၊ မိတ္ထီလာမှ ပဲခူးသို့ ၁၁၅ကျပ်၊ မိတ္ထီလာမှ မော်လမြိုင်သို့ ၁၆၀ကျပ်၊ ၂၂ဘီးကား (အဆင်း) မိတ္ထီလာမှ ရန်ကုန်သို့ ၁၂၀ကျပ်၊ မိတ္ထီလာမှ ဘားအံသို့  ၂၀၀ကျပ်ရှိပြီး ကုန်ကျစ် ၁ပိဿာလျှင် ၁၂ဘီးကား (အတက်) ရန်ကုန်မှ မိတ္ထီလာသို့ ၁၁၀ကျပ်၊ မန္တလေးမှ မိတ္ထီလာသို့ ၆၀ကျပ်၊ ၆ဘီးကား (အတက်)  ရန်ကုန်မှ မိတ္ထီလာသို့ ၁၃၀ကျပ်၊ ပဲခူးမှ မိတ္ထီလာသို့ ၁၀၀ကျပ်၊ မော်လမြိုင်မှမိတ္ထီလာသို့ ၁၃၀ကျပ်၊ ၂၂ဘီးကား (အတက်) ရန်ကုန်မှ မိတ္ထီလာသို့ ၁၀၀ကျပ်စျေးနှုန်းရှိကြောင်းသိရှိရပါသည်။

DOCA(မန္တလေး)

    မန္တလေးမြို့ ၃၄လမ်း၊ (၇၄-၇၆) လမ်း၊ ချမ်းအေးသာစံမြို့နယ်အတွင်းရှိ တရုတ်ညဈေးတန်းတွင် နေ့လယ် (၃း၃၀)နာရီအချိန်မှ ည (၇:၀၀)နာရီအအချိန်ထိ တရုတ်အစားစားနှင့်သစ်သီးမျိုးစုံရောင်းချသော ညနေဈေးလေးဖြစ်ပါသည်။ အခြားရက်များထက် တရုတ်နှစ်သစ်ကူးပွဲတော်ရက်နီးလာသဖြင့် တရုတ်ရိုးရာပစ္စည်းများ၊ အသီးအနှံများ၊ ကောက်ညှင်းဖြင့်ပြုလုပ်သော၊ ရိုးရာနှစ်သစ်ကူးတင်ရာတွင် မပါမဖြစ်သော အီကွေ့ကောက်ညှင်းမုန့်ဝိုင်းများမှာ အရောင်းသွက်လျက်ရှိပါသည်။ မန္တလေးမြို့အနီးတဝိုက်ဒေသများမှထွက်ရှိသည့် ထိုင်ဝမ်ဆီးသီး(၁၀)လုံးလျှင် (၁၅၀၀-၂၀၀)ကျပ်၊ မာလကာသီး ၁လုံးလျှင် (၇၀၀-၁၀၀၀)ကျပ်၊ သင်္ဘောသီး၁လုံးလျှင် (၂၅၀၀-၃၀၀၀)ကျပ်၊ ဖရဲသီးတစ်လုံးလျှင် (၃၀၀၀-၄၀၀၀)ကျပ်၊ သခွားဝါသီး ၁လုံးလျှင် (၂၀၀၀)ကျပ်၊ နဂါးမောက်သီးတစ်လုံးလျှင် (၁၅၀၀-၂၀၀၀)ကျပ်၊ စတော်ဘယ်ရီသီး ၂၅ကျပ်သားလျှင် (၄၀၀၀)ကျပ်တို့ဖြင့်လည်းကောင်း၊ တရုတ်ဘက်မှဝင်ရောက်လာသည့် ပန်းသစ်တော်သီးတစ်လုံးလျှင် (၂၅၀၀-၃၅၀၀)ကျပ်၊ ပန်းသီးတစ်လုံးလျှင် (၂၀၀၀-၂၅၀၀) ကျပ်၊ စပျစ်သီး ၂၅ကျပ်သားလျှင်(၄၅၀၀-၅၀၀၀)ကျပ်၊ လီမွန်သီးတစ်လုံးလျှင် (၂၀၀၀-၂၅၀၀)ကျပ်၊ လိမ္မော်သီးတစ်လုံးလျှင် (၂၅၀၀-၃၀၀၀)ကျပ်၊ ပန်းလိမ္မော် ၂၅ကျပ်သားလျှင် (၃၅၀၀-၄၀၀၀)ကျပ် စသည့်ဈေးနှုန်းအသီးသီးဖြင့် ရောင်းချလျက်ရှိကြောင်းသိရှိရပါသည်။

DOCA(မန္တလေး)

     မင်္ဂလာတောင်ညွန့်မြို့နယ်၊ ကြက်/ဘဲဈေးတွင်ရောင်းချနေသော ကြက်/ဘဲများမှာ ပဲခူးတိုင်းဒေသကြီး၊  ဧရာဝတီတိုင်းဒေသကြီး၊ ရန်ကုန်တိုင်းဒေသကြီးအတွင်းရှိ မြို့နယ်များမှ ခြံဖမ်းဈေးစနစ်ဖြင့်လည်ကောင်း၊  အရောက်ပို့စနစ်ဖြင့်လည်းကောင်း အသီးသီးဝင်ရောက်လျက်ရှိရာ ကြက်/ဘဲဈေးတွင် ၂၀၂၄ခုနှစ်၊ ဖေဖော်ဝါရီလ ပထမပတ်အတွင်း အရောင်း အဝယ်ဖြစ်လျက်ရှိသော ဈေးနှုန်းများမှာ ကြက်အရှင်၊ အိမ်မွေးကြက် ၁ပိဿာလျှင်  (၁၆၀၀၀ /၁၇၀၀၀) ကျပ်နှင့် ကုန်အဝင်ပိဿာ (၂၉၀၀)၊ အသားတိုးကြက် ၁ပိဿာလျှင် ၇၂၀၀ /၇၃၀၀ ကျပ်ဖြင့် ကုန်အဝင်ပိဿာ (၅၆၀၀၀)၊ မွေးမြူရေးကြက်(ထီး/မ) ၁ပိဿာလျှင် ကျပ် (၆၀၀၀ / ၁၀၀၀၀) ကျပ်ဖြင့် ကုန်အဝင်ပိဿာ (၂၇၀၀၀) ၊ ဘဲအရှင် ၁ပိဿာလျှင် ကျပ်(၉၅၀၀/ ၁၀၀၀၀) ကျပ်ဖြင့် ကုန်အဝင်ပိဿာ (၂၀၀)၊ ချယ်ရီ/ဘယ်ရီဘဲ ၁ပိဿာလျှင် (၆၅၀၀/၇၀၀၀) ကျပ်ဖြင့် ကုန်အဝင်ပိဿာ (၇၀၀) တို့ဖြင့် စုစုပေါင်းကုန်အဝင်ပိဿာချိန် (၈၆၈၀၀) ရှိကြောင်းသိရှိရပါသည်။  

    အဆိုပါဈေးနှုန်းများကို ၂၀၂၄ခုနှစ်၊ ဇန်နဝါရီလ နောက်ဆုံးပတ်ဈေးနှုန်းနှင့်နှိုင်းယှဉ်ကြည့်လျှင် အသားတိုးကြက်နှင့် မွေးမြူရေးကြက်ဈေးနှုန်းများမှာ ဈေးနှုန်းမြင့်တက်လာပြီး ကုန်အဝင်ပိဿာပြောင်းလဲခြင်းမရှိဘဲ  ပုံမှန်အတိုင်း ကုန်စည်စီဆင်းလျက်ရှိကြောင်းသိရှိရပါသည်။

DOCA(ရန်ကုန်)

    တိုက်ကြီးမြို့နယ်၌ သီးထပ်စွမ်းအားဆောင်းသီးနှံစိုက်ပျိုးထုတ်လုပ်ရာတွင် စပါးနှင့် အခြားသီးနှံများကိုလည်းစိုက်ပျိုးပါသည်။ (၂၀၂၂-၂၀၂၃) ခုနှစ်တွင် နွေစပါး (၄၄၇၆၁)ဧက စိုက်ပျိုးခဲ့ပြီး (၂၀၂၃-၂၀၂၄) ခုနှစ်တွင် (၄၆၄၉၂)ဧကလျာထား၍ (၂-၂-၂၀၂၄) ရက်နေ့ထိ (၃၅၂၈၉)ဧကစိုက်ပျိုးပြီးစီးပြီး (၁၁၂၀၃)ဧကစိုက်ရန်ကျန်ရှိပါသည်။ မြေပဲကို (၇၁၉)ဧကစိုက်ပျိုးပြီးစီးခဲ့ပြီး ယခုနှစ်တွင် နေကြာ (၅၄၂)ဧက၊ မတ်ပဲ (၃၅၈၇၃)ဧကလျာထားသော်လည်း (၄၄၇၉၄)ဧကအပြင် (၈၉၂၁)ဧကတိုး၍ စိုက်ပျိုးနိုင်ခဲ့ပါသည်။ ပဲတီစိမ်းကို (၂၅၀၀)ဧက လျာထားသော်လည်း (၄၂၀)ဧကစိုက်ပျိုးပြီးစီးပြီး (၂၀၈၀)ဧကကျန်ရှိကြောင်း၊ ပိုက်ဆံလျော်ကိုမူ (၅၀၀)ဧကလျာထားခဲ့ပြီး (၂၆၆)ဧကစိုက်ပျိုးခဲ့ပြီးဖြစ်ပါသည်။ (၂၀၂၃-၂၀၂၄) ခုနှစ် ရာသီကုန်၌ လယ်မြေ(၁၂၄၁၄၃)ဧကတွင် သဲဆန်ကုန်းကြော (၈၉၆၀)ဧကနုတ်ပြီး စိုက်ပျိုးနိုင်သောလယ်မြေ (၁၁၅၁၈၃)ဧကတွင် လယ်သီးထပ် (၂-၂-၂၀၂၄) ရက်နေ့ထိ (၈၈၇၇၈) ဧကစိုက်ပျိုးပြီး နွေစပါးလျာထားချက်အပေါ် ကျန်ဧက (၁၁၂၀၃)ဧကစိုက်ပျိုးပြီးပါက (၉၉၉၈၁)ဧကစိုက်ပျိုးနိုင်မည်ဖြစါသဖြင့် လယ်ယာ မြေပေါ် သီးထပ်စွမ်းအား (၈၆.၈၀%)ထိ တိုက်ကြီးမြို့နယ်တွင် စိုက်ပျိုးရေးလုပ်ငန်းကို အဓိကထားဆောင်ရွက်နေကြောင်းသိရှိရပါသည်။

DOCA(ရန်ကုန်)

     ရန်ကုန်တိုင်းဒေသကြီး၊ တောင်ပိုင်းခရိုင်၊ သန်လျင်မြို့နယ်ရှိ  သီလဝါစက်မှုဇုန်၊ Wilmar ဆီကန်မှတစ်ဆင့် ရန်ကုန်တိုင်းဒေသကြီးအတွင်း မြို့နယ်များနှင့်အခြားတိုင်းဒေသကြီး ပြည်နယ်များရှိ ကိုယ်စားလှယ်များသို့ စားအုန်းဆီများ နေ့စဉ်ထုတ်ပေးလျက်ရှိပါသည်။ စားအုန်းဆီအား ပြည်တွင်းဈေးကွက်၌ ရောင်းဝယ်ဖောက်ကားရာတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားအုန်းဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ၏ အပတ်စဉ်ထုတ်ပြန်ထားသော အခြေခံလက်ကားရည်ညွှန်းဈေးနှုန်းအရ လက်ကားပြန်လည်ဖြန့်ဖြူးရောင်းချသူများအနေဖြင့် ဒေသအရောက်ဈေးနှုန်းများအပေါ်  (၂)ရာခိုင်နှုန်းအမြတ်ထက်မပိုသောဈေးနှုန်းဖြင့် ဈေးကွက်အတွင်းသို့ ပြန်လည်ဖြန့်ဖြူးရောင်းချစေရေး ဈေးနှုန်းအဆမတန်မြှင့်တင်ရောင်းချခြင်းများမပြုလုပ်စေရေးတို့အတွက်လည်း ဝန်ထမ်းများက ကွင်းဆင်းကြပ်မတ်ဆောင်ရွက်လျက်ရှိကြောင်းနှင့် (၂၉-၁-၂၀၂၄)ရက်နေ့မှ (၃-၂-၂၀၂၄)ရက်နေ့အထိ ဆီကုမ္ပဏီ(၂၁)ခုနှင့် စားအုန်းဆီတန်ချိန် (၅၉၃၄.၂၃၈)တန်ထုတ်ပေးခဲ့ကြောင်းသိရှိရပါသည်။

DOCA(ရန်ကုန်)