ပြည်တွင်းကုန်သွယ်မှုသတင်း

            စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် သစ်သီးမျိုးစုံဖြစ်သည့် နာနတ်သီး၊ နဂါးမောက်သီး၊ သရက်သီး၊ ငှက်ပျောသီး၊ လိမ္မော်သီး၊ စပျစ်သီး၊ သခွားမွှေးသီး၊ ပန်းသီး၊ ပန်းသစ်တော်သီး၊ နှင်းသီး၊ ဇီးချိုသီး၊ ပဲစိမ်းစားဥ နှင့် ဖရဲသီးများ ကို  မန္တလေးမြို့မှ မှာယူရောင်းချလျက်ရှိ ကြောင်းသိရ သည်။

            ဇီးချိုသီးကိုတော့ မန္တလေးမြို့တို့မှ မှာယူရောင်းချသော အသီးများရှိသလို မိမိတို့ကန့်ဘလူ ဒေသထွက် ဇီးချိုသီးခြံမှ ဖောက်သည်ယူပြီးရောင်းချခြင်းလည်းဖြစ်ပါသည်။ မန္တလေးမြို့တို့မှ ဖောက် သည် မှာယူရောင်းချသော ဇီးချိုသီးမှာ ပိဿာချိန်(၉/၁၀)ပိဿာခန့် တစ်ဖာလျှင်(၂၀၀၀၀)ကျပ် ဖြင့် ဝယ်ယူရပြီး ဒေသထွက်ဇီးခြံများမှ ဇီးချိုသီးဈေးမှာ တစ်ပိဿာလျှင်(၅၅၀၀/၆၀၀၀)ခန့်ရှိသည့် အတွက် ဈေးကြီး၍ ရောင်းအားနည်းသည့်အတွက် အနည်းငယ်သာမှာယူရောင်းချပါသည်။

            ၂၀၂၅ ခုနှစ်    ယခု ဖေဖော်ဝါရီလ ပထမပတ်တွင် ဖြစ်ပေါ်နေသော ဇီးချိုသီးဈေးနှုန်းမှာ မန္တလေးမြို့မှ မှာယူရသော ဇီးချိုသီးမှာ တစ်ပိဿာ လျှင်(၄၀၀၀)ကျပ်နှင့် ၇၅ကျပ်သားခန့် တစ်ထုတ် လျှင်(၃၀၀၀)ကျပ်၊ ‌ကန့်ဘလူမြို့ဇီးခြံမှ ထွက်ရှိသော ဒေသထွက်ဇီးချိုသီး တစ်ပိဿာလျှင်(၆၀၀၀)ကျပ်၊ ၂၅ကျပ်သားလျှင်(၁၅၀၀)ကျပ်ဈေးဖြင့် အရောင်းအဝယ် ဖြစ်လျက်ရှိကြောင်း ကန့်ဘလူမြို့ ဘုရားကြီး ဈေးဆိုင်တန်းတွင် သစ်သီးမျိုးစုံ ရောင်းချနေသော ဈေးသည်တစ်ဦးထံမှ သိရှိရပါသည်။

DOCA(စစ်ကိုင်း)

ဧရာဝတီတိုင်းဒေသကြီး ရေကြည်မြို့နယ်မှ စိုက်ပျိုးထွက်ရှိသော ထိုင်ဝမ်ဖရဲသီးအဝါ မအူပင်မြို့သို့ ဝင်ရောက်နေပြီး ဖရဲသီးရောင်းချသူများ ရှိကြောင်းသီးရသည်။ ထိုင်ဝမ်မျိုးကို ဝယ်ယူစိုက်ပျိုးပြီး အဝါရောင်ဖရဲသီးများမှာ အခွံစိမ်းစိမ်း၊ အတွင်းသား အဝါရောင်သမ်းနေသော ဖရဲသီးနှင့် အနီရောင်သန်းသော ဖရဲသီးဟူ၍ (၂)မျိုးရှိပြီး ဖရဲသီး အဝါကိုပဲ မှာယူရောင်းချကြောင်း သိရသည်။

ဖရဲသီးရောင်းချမှုများနှင့်ပတ်သတ်၍ ဖရဲသီးကို နှစ်ပတ်လည်၏ နိုဝင်ဘာလမှ ဇွန်လအထိ ရောင်းချကြောင်း ရောင်းချသည့်အခါတွင် ရေကြည်မြို့နယ်မှ ဖရဲစိုက်ခင်းများ လေ့လာစုံစမ်းပြီး စိုက်ခင်းအထိသွားရောက်ပြီး အခင်းပြတ်ဝယ်ယူ၍ တဆင့်ပြန်ရောင်းချကြောင်း ရောင်းချသည့် သက်တမ်း (၅) နှစ်ကျော်ရှိပြီး ယခုဖရဲသီးများကိုတော့ ရေကြည်မြို့နယ်ဖရဲစိုက်တောင်သူများနှင့် နှစ်စဉ်ချိတ်ဆက်ဝယ်ယူပြီး ဖရဲသီး ၁ဧကလျှင် ဖရဲသီး အလုံး ၂၀၀၀-၂၅၀၀လုံးအထိ ထွက်ရှိကြောင်း ပြောပြသည်။  မအူပင်မြို့ ၃လမ်းတွင် တဆင့်ပြန်လည် ရောင်းချခြင်းဖြစ်ကြောင်း၊ ဝယ်ယူသည့်အခါ အလုံးအကြီးအသေးအလိုက် တစ်လုံးလျှင်ငွေကျပ် လက်ကားဈေး အလုံးကြီး (၅၀၀၀)ကျပ်၊ အလုံး လတ် (၄၀၀၀) ကျပ်၊ အလုံးသေး (၃၀၀၀)ကျပ်အထိဝယ်ယူ၍ ရောင်းချသည့်အခါ တစ်လုံးတွင် အမြတ်ငွေ (၅၀၀) ကျပ်မှ (၁၀၀၀) ကျပ်အထိ ရရှိသဖြင့် အဆင်ပြေလျက် ရှိကြောင်း ထိုင်ဝမ် ကျောက်စီမ်းဖရဲသီး ရောင်းချသူ ကိုမွန်းဟန်မှပြောပြ၍ သိရှိရသည်။

DOCA(ဧရာဝတီ)

           စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်အတွင်းရှိ ကျေးရွာများနှင့် မြို့ပေါ် ရပ်ကွက်များတွင် ဒေသအတွင်းထွက်ရှိသည့် မျှစ်များ လှိုင်လှိုင်ထွက်ရှိချိန်တွင် မျှစ်ချဉ်/မျှစ်ချိုများကို နှစ်ပတ်လည်ရောင်းချရန်အတွက် စဉ့်အိုးများ၊ အင်တုံများ၊ ပလပ် စတစ်အကြည်အိပ်များနှင့် သိပ်ထားပြီး ဒေသထွက်မျှစ်ချဉ်ကို ရောင်းချလျက်ရှိကြောင်း သိရသည်။

          ၂၀၂၅ ခုနှစ်၊ ယခင် ဖေဖော်ဝါရီလ ‌ပထမပတ်အတွင်း ကန့်ဘလူမြို့မဈေး၌ ဖြစ်ပေါ်နေသော မျှစ်ချဉ် ဈေးနှုန်းမှာ မျှစ်ချဉ် တစ်ပိဿာလျှင်(၆၀၀၀)ကျပ်၊ (၅၀)ကျပ်သားလျှင်(၃၀၀၀)ကျပ်နှင့် (၂၅)ကျပ် သားလျှင်(၁၅၀၀)ကျပ် တို့ဖြင့် အရောင်းအဝယ်ဖြစ်နေကြောင်း ကန့်ဘလူမြို့၊ မြို့မဈေးတွင် မျှစ်ချဉ်ရောင်းချနေသော ဈေးသည်တစ်ဦးထံမှ သိရှိရပါသည်။

DOCA(စစ်ကိုင်း)

            စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် မိသားစုစားဝတ်နေရေးအတွက် သစ်သီးမျိုးစုံဖြစ်သည့် နာနတ်သီး၊ နဂါးမောက်သီး၊ သရက်သီး၊ ငှက်ပျောသီး၊ လိမ္မော်သီး၊ စပျစ်သီး၊ သခွားမွှေးသီး၊ ပန်းသီး၊ ပန်းသစ်တော်သီး၊ ဇီးချိုသီး၊ ပဲစိမ်းစားဥ နှင့် ဖရဲသီးများ ကို  မန္တလေးမြို့မှ မှာယူရောင်းချလျက်ရှိ ကြောင်းသိရသည်။

          ၂၀၂၅ ခုနှစ်၊ ယခု ဖေဖော်ဝါရီလ နောက်ဆုံးပတ်အတွင်း ဖြစ်ပေါ်နေသော ကန့်ဘလူမြို့၏ ပန်းသီး ဈေးနှုန်းများမှာ အလုံးအကြီး/အသေး ပေါ်မူတည်၍ ပန်းသီးအကြီး(၁)လုံးလျှင်(၂၅၀၀)ကျပ်၊ ပန်းသီး အသး တစ်လုံးလျှင်(၂၀၀၀)ကျပ်ဈေးဖြင့် ‌အရောင်းအဝယ် အရောင်းအဝယ်ဖြစ်လျက်ရှိကြောင်း ကန့်ဘလူမြို့ ဘုရားကြီးဈေးဆိုင်တန်းတွင် သစ်သီးမျိုးစုံ ရောင်းချ နေသော ဈေးသည်တစ်ဦးထံမှ သိရှိရပါသည်။

DOCA(စစ်ကိုင်း)

    မြန်မာနိုင်ငံ၏ အထက်အညာဒေသဖြစ်သည့် မန္တလေးတိုင်း‌ဒေသကြီး ၊ ကျောက်ဆည်ခရိုင် သည်အပူပိုင်း‌ဒေသဖြစ်သည့်အတွက် အပူပိုင်းတွင် ပေါက်ရောက်တက်သော ဆေးဖတ်ဝင်အပင် တစ်မျိုးဖြစ်သည့် သမားမုန်းသည့် ဆေးဘက်ဝင် သမုန်းပွင့်များဖူးပွင့်လျက်ရှိပါသည် ။ ဖူးပွင့်နေသော သမုန်းပွင့်လေးများအား သေချာစွာခူးယူ၍ အပွင့်အစိမ်းအတိုင်း ရောင်းချကြသလို အဖူးအပွင့်လေး များကိုရေနွေးဖြင့်ဖျော၍ ရောင်းချကြပါသည်။ ယခု ဖေဖော်ဝါရီလ နှင့် မတ်လများတွင် ဖြိုင်ဖြိုင် ထွက်ပေါ်လေ့ရှိပါသည် ။ ရာသီပေါ်သမုန်းပွင့်များကို ဆေးဖက်ဝင်သောကြောင့် စားသုံးသူများ   ကြိုက်နှစ်သက်ကြပါသည် ။  သမုန်းပွင့်ပြုတ်ပြီးသားများကို ဈေးထဲတွင် အနေတော်အပုံလေးများပုံ၍ တစ်ပုံလျှင်(၅၀၀-၁၀၀၀)ကျပ်အထိ ရောင်းချရကြောင်း၊ ပိဿာဖြင့် ဝယ်ယူမည်ဆိုပါက သမုန်းပွင့် ပြုတ်ပြီးသား(၁)ပိဿာလျှင်(၂၀၀၀၀)ကျပ်အထိ ရောင်းချရကြောင်း ၊ ရောင်းချသူများမှာ နေ့စား အလုပ်သမားများမှ မိသားစုဝင်ငွေတိုးရန်အတွက် ခူးဆွတ်၍ရောင်းချခြင်းဖြစ်ပါသည်။ ပြုတ်ပြီးသော သမုန်းပွင့်အရွက်နုနုလေးများကို ကတ်ကြေးဖြင့် နုတ်နုတ်ညှပ်၍ မြေပဲဆံထောင်း ၊ ကြက်သွန်နီ ၊ ကြက်သွန်ဖြူများဖြင့် ဆီမွှေးသပ်ပြီး သုပ်၍စားကြသလို အတို့အနေဖြင့်လည်း စားသုံးကြပါသည်။ တစ်နှစ်မှတစ်ခါသာပေါ်သော သမုန်းပွင့်များမှာ ဆေးဖက်ဝင် အဟာရတန်ဖိုးလည်းမြင့်မားသည့် ခံတွင်းမြိန်စေသော သမုန်းပွင့်များကို ဝယ်ယူစားသုံးသင့်ပါကြောင်း ရေးသားတင်ပြအပ်ပါသည်။

DOCA(မန္တလေး)