ပြည်တွင်းကုန်သွယ်မှုသတင်း

စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ရှိ မြို့မဈေးနှင့် အသီးမျိုးစုံရောင်း ချနေသည့်ဆိုင်များတွင် တည်သီးများကို လှိုင်လှိုင်ရောင်းချနေကြောင်း သိရသည်။ တည်သီးများ ကိုမန္တလေးမြို့ရှိ သစ်သီးပွဲရုံများမှမှာယူရောင်းချလျက်ရှိ‌ကြောင်း သိရသည်။

တည်သီးသည် လိမ္မော်ရောင်တောက်တောက်လေးနဲ့ အညွာတံစိမ်းစိမ်းလေး သို့မဟုတ် ခပ်ညိုညိုအရောင်လေးကြောင့်  မျက်စိထဲမှာစွဲဆောင်မှုရှိပြီး ခန္ဓာကိုယ်အတွက် အထောက်အကူ ပြုကာ ချိုချိုကြွပ်ကြွပ်လေးနဲ့ အရသာလေးလေးပင်ပင်ရှိသောကြောင့် လူကြိုက်များပြီး သရေစာ အဖြစ် လူကြီးလူငယ် မရွေးဝယ်ယူစားသုံးကြကြောင်း၊ ၂၀၂၅ ခုနှစ်၊ ဖေဖော်ဝါရီလ ပထမပတ် အတွင်း ရောင်းချနေသော တည်သီးဈေးနှုန်းမှာ တည်သီး(၁)လုံးလျှင်(၃၅၀၀)ကျပ်နှင့် တည်သီး (၃)လုံးလျှင်(၁၀၀၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း ကန့်ဘလူမြို့တွင်ရောင်းချ လျက်ရှိသော သစ်သီးဆိုင်များမှသတင်းရရှိပါသည်။         

DOCA(စစ်ကိုင်း)

          စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်အတွင်းရှိ ကျေးရွာများ နှင့် ကန့်ဘလူမြို့ ပေါ်ရပ်ကွက်မျာမှ တောင်သူများသည် စပါး၊ ပဲမျိုးစုံ၊ ပြောင်း၊ နှမ်းနှင့် စားဖိုဆောင် သီးနှံမျိုးစုံတို့ကို စိုက်ပျိုးသည့် လုပ်ငန်းလုပ်ကိုင်ကြရာ ချဉ်ပေါင်ရွက်ကိုလည်း စိုက်ပျိုးရောင်းချလျက် ရှိပါသည်။

          ၂၀၂၅ ခုနှစ်၊ ဖေဖော်ဝါရီလ ‌ပထမအပတ်တွင် ချဉ်ပေါင်ရွက် ဈေးနှုန်းများမှာ ချဉ်ပေါင်ရွက် တစ်ပိဿာလျှင်(၂၀၀၀)ကျပ်၊ (၂၅)ကျပ်သားလျှင်(၅၀၀)ကျပ်၊ (၁၀)ကျပ်သားလျှင် (၂၀၀)ကျပ် ဈေးနှုန်း ဖြင့် အရောင်းအဝယ်ဖြစ်လျက်ရှိသောကြောင့် သိရသည်။

DOCA(စစ်ကိုင်း)

ကန့်ဘလူခရိုင်၊ ကန့်ဘလူမြို့တွင် စိုက်ပျိုးရေးကို အဓိကလုပ်ကိုင်လျက်ရှိရာ မိမိတို့ အိမ်ခြံ ဝင်းအတွင်းနှင့် တောင်ယာမြေများတွင် တစ်နိုင်တစ်ပိုင်အနေဖြင့် စားဖိုဆောင်သီးနှံများကို  စိုက်ပျိုး သည့်အနက် ဆူးပုတ်ရွက်သည်လည်း တစ်မျိုးပါဝင်ပါသည်။

ယခု ဖေဖော်ဝါရီလ ပထမအပတ်တွင် ဆူးပုတ်ရွက် ဈေးနှုန်းအနေဖြင့် ဆူးပုတ်အစည်း (၁)စည်းလျှင်(၄၀၀)ကျပ်၊ (၂)စည်းလျှင်(၇၀၀)ကျပ်ဈေးနှုန်းဖြင့် အရောင်းအဝယ်ဖြစ် လျက်ရှိ ကြောင်း  ကုန်စိမ်းဈေးသည်တစ်ဦးထံမှ သိရပါသည်။

DOCA(စစ်ကိုင်း)

          စစ်ကိုင်းတိုင်းဒေသကြီး၊ ကန့်ဘလူခရိုင်အတွင်းရှိ ကျေးရွာများတွင် စပါး၊ ပဲမျိုးစုံနှင့် စားဖိုဆောင် သီးနှံများကို စိုက်ပျိုးရောင်းချကြရာ ပဲကြီးသည်လည်း ကန့်ဘလူမြို့ပေါ်ရပ်ကွက်နှင့် ကန့်ဘလူမြို့နယ် အတွင်းရှိ ကျေးရွာများမှ စိုက်ပျိုးပြီး လာရောက်ရောင်းချကာ ဈေး‌ကောင်ရရှိ၍ အရောင်းအဝယ် ဖြစ်လျက်ရှိ ကြောင်းသိရ သည်။

          ၂၀၂၅ ခုနှစ်၊ ယခင် ဇန်နဝါရီလ နောက်ဆုံးပတ်အတွင်း ဖြစ်ပေါ်နေသော ကန့်ဘလူမြို့၏ ပဲကြီးအစိုညှစ် ဈေးနှုန်းများမှာ ပဲကြီးအစိုညှစ် တစ်ပြည်လျှင်(၁၂၅၀၀)ကျပ်၊ ပဲကြီးအစိုညှစ် နို့ဆီ တစ်ဘူး လျှင်(၁၆၀၀)ကျပ်ဈေးဖြင့် ရောင်ချလျက်ရှိပြီး ၂၀၂၅ ခုနှစ်၊ ယခု ဖေဖော်ဝါရီလ ပထမပတ်အတွင်း ဖြစ်ပေါ်နေသော ကန့်ဘလူမြို့၏ ပဲကြီးအစိုညှစ် ဈေးနှုန်းများမှာ ပဲကြီးအစိုညှစ် တစ်ပြည်လျှင် (၁၀၀၀၀)ကျပ်၊ ပဲကြီးအစို ညှစ် နို့ဆီ တစ်ဘူးလျှင်(၁၃၀၀)ကျပ်ဈေးဖြင့် အရောင်းအဝယ်ဖြစ် လျက်ရှိသောကြောင့် ယခင် ဇန်နဝါရီလ နောက်ဆုံးပတ်နှင့် နှိုင်းယှဉ်ကြည့်မည်ဆိုပါက ပဲကြီးအစိုညှစ် တစ်ပြည်လျှင်(၂၅၀၀)ကျပ် ကျဆင်းလျက် ရှိပြီး အရောင်းအဝယ် ဖြစ်လျက်ရှိကြောင်း သိရသည်။

DOCA(စစ်ကိုင်း)

          စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်အတွင်းတွင် ကုန်စိမ်း သီးနှံအစုံ ရောင်းချလျက်ရှိရာ  ရာသီပေါ်အသီးအရွက် များဖြစ်သည့် တမာရွက်၊ ချဉ်ပေါင်ရွက်၊ ကန့်လန့်ဖူး၊ နံနံပင်၊ ပဲကြီးအစို၊ ဘိုစားပဲအစို၊ စားတော်ပဲစို ၊ ဓေါပတ်ပဲစိုမုံလာသီး၊ ပန်းမုံလာ၊ မုံလာထုတ်၊ ခါကြက်ဥ၊ ခရမ်းသီး၊ သံပုရာသီး၊ နှင့် ခရမ်းချဉ်သီး စသည့်သီးနှံများရောင်းချလျက်ရှိကြောင်းသိရသည်။

          တမာရွက် အမျိုးအစား အမျိုးမျိုးရှိရာ ခြံစည်းရိုးတမာ၊ ရေတမာနှင့် စားတမာ ဟူ၍ ရှိသည့်အနက် စားတမာဖူး/တမာရွက်သည် လူတိုင်းနီးပါး ကြိုက်နှစ်သက်သော အရွက်တစ်မျိုးဖြစ်ပြီး ထမင်းမြိန်စေ သော အရန်ဟင်းကြမ်းတစ်မျိုးအဖြစ် အသုံးပြုကြပါသည်။ လူအများ စားသုံးသော တမာဖူး/တမာရွက်ကို အသုံးပြုမှုအနေဖြင့် တမာဖူး/တမာရွက်ကို ရေနွေးဖြင့်ပြုတ်ဖျောပြီး ဇီးသီး၊ မန်ကျီးသီးမှည့် သရက်သီး ခြေက်အချည်တို့ဖြင့် စိမ်ထားပြီးသော အဖူးအရွက်ကို ငပိရည်ကျို၊ ခရမ်းချဉ်သီးငပိချက်တို့နှင့် တို့စားကြသလို၊ တမာဖူး/တမာရွက်ကို မြေပဲဆံထောင်း ၊ ပုဇွန်ခြောက်ထောင်းတို့နှင့် သုပ်စားကြသည် ကိုလည်းတွေ့ရှိရပါသည်။ တမာဖူး/တမာရွက်ကို ယခု ဇန်နဝါရီလ နောက်ဆုံးအပတ်တွင်သာ ဈေးကွက် အတွင်းသို့ စတင်ဝင်ရောက်ပြီး အရောင်းအဝယ်ဖြစ်လျက်ရှိပါသည်။

          ၂၀၂၅ ခုနှစ်၊ ယခင် ဇန်နဝါရီလ နောက်ဆုံးပတ်အတွင်း ဖြစ်ပေါ်နေသော ကန့်ဘလူမြို့၏ တမာဖူး/တမာရွက် ဈေးနှုန်းများမှာ တမာဖူး/တမာရွက် တစ်ပိဿာလျှင်(၈၀၀၀)ကျပ်၊ (၁၀)ကျပ်သား ခန့် တစ်ပုံလျှင်(၁၀၀၀)ကျပ် ဈေးဖြင့် ရောင်းချခဲ့ပြီး ၂၀၂၅ ခုနှစ်၊ ယခု ဇန်နဝါရီလ နောက်ဆုံးပတ်အတွင်း ဖြစ်ပေါ်နေသော ကန့်ဘလူမြို့၏ တမာဖူး/တမာရွက် ဈေးနှုန်းများမှာ တမာဖူး/တမာရွက် တစ်ပိဿာ လျှင်(၇၀၀၀)ကျပ်၊ (၁၀)ကျပ်သားကျော်ကျော် တစ်ပုံလျှင်(၁၀၀၀)ကျပ် ဈေးဖြင့် ‌အရောင်းအဝယ် ဖြစ် လျက်ရှိသောကြောင့်ယခင် ဇန်နဝါရီလ နောက်ဆုံးပတ်ဈေးနှုန်းဖြင့် နှိုင်းယှဉ်ကြည့်မည်ဆိုပါက အနည်း ငယ်ကျဆင်းလျက်ရှိပြီး အရောင်းအဝယ်ဖြစ်လျက်ရှိကြောင်း သိရသည်။

DOCA(စစ်ကိုင်း)