ပြည်တွင်းကုန်သွယ်မှုသတင်း

          တနင်္သာရီတိုင်းဒေသကြီးသည် မြန်မာနိုင်ငံတောင်ဘက်စွန်း ပင်လယ်ထွက်ပေါက်ရှိရာ တိုင်း ဒေသကြီးဖြစ်သဖြင့် ဒေသခံအများစုသည် ရှပ်များကို ရေငုတ်၍လည်းကောင်း၊ ရေကျသည့် အချိန် တွင် သဲတောင်ပြင်‌ပေါ်တွင် တူးဖော်၍လည်းကောင်း ဖမ်းယူကာ ရှပ်အစိုများအား ပြည်တွင်း စျေးကွက်များတွင် ရောင်းချခြင်းများ၊ နေလှန်ကာ ရှပ်အခြောက်များပြုလုပ်ကာ မြန်မာနိုင်ငံနေရာ အနှံ့အပြားသို့ တင်ပို့ရောင်းချလျက်ရှိပါသည်။

          တနင်္သာရီတိုင်းဒေသကြီးအတွင်း ပုလောမြို့နယ် ခန္တီရွာ၊ ရှပ်ပုံရွာများတွင် ရှပ်အခြောက် အများဆုံးထွက်ရှိပါသည်။ ယခုနှစ်မှာ ရေးမြို့နယ်ဘက်မှအဝင်နဲပြီး ပုလောဘက်မှ အဝင်အများဆုံး ဖြစ်သည်။ အစိမ်းခြောက်ဟုခေါ်သော အကောင်ကြီးအပြား ရှပ်ခြောက် (၁)ပိဿာလျှင် (၇၅၀၀၀) ကျပ် ၁ဗူးစျေးနှုန်းမှာ (၄၀၀၀)ကျပ်နှင့် အပြုတ်ခြောက်ဟုခေါ်သော အကောင်ငယ်အလုံး ရှပ်ခြောက် (၁)ပိဿာလျှင်(၅၀၀၀၀)ကျပ် ၁ဗူးစျေးနှုန်းမှာ (၄၀၀၀)ကျပ် ရှိကြောင်းသိရှိရပါသည်။

DOCA(တနင်္သာရီ)

တနင်္သာရီတိုင်းဒေသကြီးသည် ပင်လယ်ရေလုပ်ငန်းများဖြင့် အသက်မွေးဝမ်းကျောင်း ပြုလုပ် သည့် တိုင်းဒေသကြီးဖြစ်သည့်အတွက် စီးပွားရေးကောင်းမွန်သဖြင့် ကထိန်အလှူမင်္ဂလာပွဲများကို ခြိမ့်ခြိမ့်သဲကျင်းပပြုလုပ်လေ့ရှိပြီး အလှူအတန်းများတွင် ကျွေးမွေးရန်အတွက်  ဒေသမှထွက်ရှိသော ငါး‌ခြောက်များသည် အရေးပါသော အစားအစာတစ်ခုအဖြစ် ပါဝင် လျက်ရှိပါသည်။ ထို့အပြင် အခြား ဒေသများသို့ တင်ပို့ရောင်းချနေသဖြင့် ထားဝယ်မြို့ ပေါ်ရှိ ငါးခြောက်စျေးကွက်အခြေအနေမှာ ရောင်းအားကောင်းမွန်လျက်ရှိပါသည်။ယခု ဖေဖော်ဝါရီလအတွင်း ထားဝယ်စျေးကွက်တွင် ငါးခြောက်အမျိုးအစားများစွာရှိသော်လည်း ဒေသအတွင်း စားသုံးမှုများပြားသည့် ငါးရောင်းခြောက် (ခေါ်) ဒလုံးခြောက် တစ်ပိဿာလျှင် (၃၅၀၀၀)ကျပ်၊ ငါးလက်ဝါးခြောက် (‌ခေါ်) စာဗျန့်ခြောက် တစ်ပိဿာလျှင် (၂၉၀၀၀)ကျပ်နှင့် ငါးအူမျှင်းခြောက် (ခေါ်) အူကြီး ခြောက်တစ်ပိဿာ လျှင် (၆၅၀၀၀)ကျပ် အသီးသီးစျေးနှုန်းများရှိကြောင်းသိရှိရပါသည်။

DOCA(တနင်္သာရီ)

          ဌက်ပျောသီးသည် လူတို့အတွက် အဟာရဓာတ်ဖြည့်စွမ်းသော အစားအစာတစ်ရပ်ဖြစ်သည်။ ဌက်ပျောပင်မျိုးပေါင်း(၇၀)နီးပါးရှိသည့်အနက် မြန်မာနိုင်ငံ၌ ထင်ရှားသော ဌက်ပျောမျိုးများမှာ  ထောပတ်၊ ရခိုင်၊ နံ့သာပု၊ သီးမွှေး၊ ဖီးကြမ်း၊ သူငယ်စာ၊ ပျားရည်ဆမ်း၊ ရသာရုံ၊ မယားမန်း၊ ဌက်ပျော ချဥ်၊ ရွှေနီနှင့် ဝက်မလွတ်တို့ဖြစ်သည်။ ဌက်ပျောသီးပျားအုံး၊ ဌက်ပျောဆနွင်းမကင်း၊ ဌက်ပျောကြော် များပြုလုပ်၍ အချိုပွဲများအဖြစ်စားသုံးကြသကဲ့သို့ မနက်စာအနေဖြင့်လည်း လက်ဖက်ရည်နှင့် လည်းစားသုံးကြသည်။ ထားဝယ်ဒေသတွင် အထွက်များဆုံး ဌက်ပျောသီးများမှာ ဆင်အံသီး၊ ဖီးကြမ်း သီးများ ဖြစ်ကြသည်။ အိမ်ခြံဝန်းထဲတွင် အသီးသီးစိုက်ပျိုးထားကြလေ့ရှိပြီး ရပ်ကွက်စျေးများထဲတွင် တစ်နိုင်တစ်ပိုင်ရောင်းချကြသည်။ ထားဝယ်စျေးကွက်တွင် ဌက်ပျောသီး ဆင်အံသီးတစ်ဖီးလျှင် (၃၅၀၀-၄၅၀၀)ကျပ်၊ ဖီးကြမ်းသီးတစ်ဖီးလျှင် (၄၅၀၀-၅၀၀၀)ကျပ်ရှိပြီး ရွှေဌက်ပျောသီးတစ်ဖီးလျှင် (၅၀၀၀-၆၀၀၀) ကျပ်ရှိကြောင်းသိရှိရပါသည်။

DOCA(တနင်္သာရီ)

           စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ မဈေးအတွင်းတွင် ကုန်စိမ်းသီးနှံအစုံ ဖြစ်သည် ပန်ဂေါ်ဖီ၊ ‌ဂေါ်ဖီထုတ်၊ ‌ရွှေပဲသီး၊ မုံညှင်းထုတ်၊ ပန်းငရုပ်ပွသီး၊ တိုင်ထောင်ဘိုစားပဲသီး၊ ဂေါ်ရခါး သီး နှင့် ခါကြက်ဥတို့ကို ရောင်းချလျက်ရှိရာ ‌ရွှေပဲသီးကို မန္တလေးမြိူ့မှ မှာယူရောင်းချကြောင်း သိရသည်။

        ကန့်ဘလူမြို့ မြို့မဈေးတွင် ‌ရွှေပဲသီးကို ရောင်းချလျက်ရှိရာမှ  ‌ရွှေပဲသီးကို လူကြိုက်များပြီး အမျိုးမျိုးအသုံးပြုကြပုံမှာ ရွှေပဲသီးကို အစိမ်းကြော်ကြော်စားခြင်း၊ ရွှေပဲသီးကို ပန်း‌ဂေါ်ဖီ၊ ဂေါ်ဖီထုတ် တို့ဖြင့်‌ရောကြော်ခြင်း၊ ရွှေပဲသီးကို စားသောက်ဆိုင်များမှ ကြာဆံကြော်၊ ခေါက်ဆွဲကြော်၊ ထမင်းကြော်တို့ ကြော်ရာတွင် အသုံးပြုခြင်းဖြစ်သည့်အတွက် ဈေးကြီးသော်လည်း ‌ရောင်ရကြောင်းသိရပါသည်။

           ကန့်ဘလူမြို့မဈေးအတွင်းရှိ ရွှေပဲသီး ဈေးနှုန်းမှာ ယခု ၂၀၂၅ ခုနှစ်၊ ဖေဖော်ဝါရီလ ပထမအပတ်တွင် ရွှေပဲသီး တစ်ပိဿာလျှင်(၈၀၀၀)ကျပ်၊ ၅၀ကျပ်သားလျှင်(၄၀၀၀)ကျပ်နှင့် ၂၅ကျပ်သား လျှင်(၂၀၀၀) ကျပ် ဈေးနှုန်းများဖြင့် အရောင်းအဝယ်ဖြစ်လျက်ကြောင်း ကုန်စိမ်းသီးနှံအစုံ ရောင်းချသူများထံမှ သိရှိရပါသည်။

DOCA(စစ်ကိုင်း)

             စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်အတွင်းရှိ ကျေးရွာများတွင် ခါကြက်ဥ (ဗမာ)မျိုးကို တစ်ပိုင်တစ်နိုင် မိသားစုအိမ်ခြံမြေများတွင်သာ စိုက်ပျိုးကြပြီး မိမိတို့ဒေသတွင်း ကျေးရွာများနှင့် ကန့်ဘလူမြို့၊ ကျွန်းလှမြို့ ဈေကွက်အတွင်းသို့ ပို့ဆောင်ရောင်းချကြကြောင်းသိရသည်။

            ကန့်ဘလူမြို့၊ မြို့မဈေးတွင် ကုန်စိမ်းရောင်းချနေသူများသည် ခါကြက်ဥများကို ရောင်းချ လျက်ရှိရာ ခါကြက်ဥ(ဗမာ)ဥမှာ ဒေသတွင်းမှ ထွက်ရှိပြီး ဈေးနှုန်းမှာ တစ်ပိဿာလျှင် (၄၀၀၀)ကျပ် ၂၅ကျပ် သားလျှင်(၁၀၀၀)ကျပ်၊ ခါကြက်ဥ (ဗမာ) ဥသေး တစ်ပိဿာလျှင်(၃၅၀၀)ကျပ် ၂၅ကျပ်သားလျှင်(၉၀၀) ကျပ် ဈေးနှုန်းများဖြင့် ရောင်းချလျက်ရှိပြီး ယခု ၂၀၂၅ ခုနှစ်၊ ဖေဖော်ဝါရီလ ပထမအပတ်တွင် ခါကြက်ဥ(ဗမာ)ဥကြီး တစ်ပိဿာလျှင်(၃၀၀၀)ကျပ် ၂၅ကျပ်သားလျှင်(၁၀၀၀)ကျပ်၊ ခါကြက်ဥ (ဗမာ) ဥသေး တစ်ပိဿာ လျှင်(၂၅၀၀)ကျပ် ၂၅ကျပ်သားလျှင်(၇၀၀)ကျပ် ဈေးနှုန်းများဖြင့် ရောင်းချလျက်ရှိပြီး ယခင် ဇန်နဝါရီလနောက်ဆုံးအပတ်နှင့် နှိုင်းယှဉ်ကြည့်ပါက ခါကြက်ဥဈေးနှုန်း တစ်ပိဿာလျှင် (၁၀၀၀) ကျပ် ကျဆင်းလျက်ရှိပြီး အရောင်းအဝယ်ဖြစ်နေကြောင်း ကုန်စိမ်းသီးနှံအစုံ ရောင်းချသူများထံမှ သိရှိရပါသည်။

DOCA(စစ်ကိုင်း)