ပြည်တွင်းကုန်သွယ်မှုသတင်း

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူခရိုင်ဦးစီး မှူးရုံးအနေဖြင့် စားသုံးသူကာကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေး လုပ်ငန်း များ ဆောင်ရွက်လျှက်ရှိပြီး ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေး လုပ်ငန်းများဖြင့် နိုင်ငံစီးပွားဖွံ့ဖြိုးတိုးတက်စေရန် ဟူသော မျော်မှန်းချက် နှင့်အညီ အသင်းအဖွဲ့များ အစုအဖွဲ့များ ဖွဲ့စည်း ပေးပြီး ပိုမိုအားကောင်းလာစေရေး ပူးပေါင်းဆောင်ရွက်လျက်ရှိပါသည်။ ပွဲရုံးများ၏ သီးနှံဈေးနှုန်းများနှင့် အရောင်းအဝယ်ဖြစ်မှုများကိုလည်း  တင်း/ တန် စာရင်းတို့ဖြင့် အပတ်စဉ်၊ လစဉ်တင်ပြလျက်ရှိပါသည်။

        ကန့်ဘလူပွဲရုံများအနေဖြင့် ဇန်နဝါရီလအတွင်းပွဲရုံသို့ဝင်ရောက် အရောင်းအဝယ် ဖြစ်နေသော သီးနှံအမျိုးအစား၏ ဒေသပေါက်ဈေးနှုန်းများ အဝင် /အထွက် တင်းများ၏ အရောင်းအဝယ်ဖြစ်မှု အခြေ အနေများမှာ ပဲစင်းငုံ(နီ)(၂၆၇၀)တင်း၊ ဈေးနှုန်းမှာ(၈၈၀၀၀)ကျပ်၊ ပဲစင်းငုံ(ဖြူ)(၃၆၀)တင်း ဈေးနှုန်းမှာ (၈၅၀၀၀)ကျပ်၊ ပဲတီစိမ်း(၄၄၄)တင်း ဈေးနှုန်းမှာ(၈၅၀၀၀)ကျပ်၊ ပဲနီ(စွန်တာနီပဲ)(၁၆.၅)တင်း ဈေးနှုန်းမှာ (၉၅၀၀၀)ကျပ်၊ ပဲကြား(ပဲဇီးကွက်)(၃၀)တင်း ဈေးနှုန်းမှာ(၉၅၀၀၀)ကျပ်၊ ပဲလွန်းဖြူ(၉၄.၅)တင်း ဈေးနှုန်း မှာ(၉၀၀၀၀)ကျပ်၊ နှမ်း(နက်)(၁၉၅)တင်း ဈေးနှုန်းမှာ(၂၂၀၀၀၀)ကျပ်၊ နှမ်း(ဖြူ)(၈၇၀)တင်း ဈေးနှုန်းမှာ (၁၁၅၀၀၀)ကျပ်၊ ကုလားပဲ v2(၁၃၂)တင်း ဈေးနှုန်း မှာ(၈၀၀၀၀)ကျပ်၊ 929(၅၆၁)တင်း ဈေးနှုန်းမှာ (၇၇၀၀၀) ကျပ်၊ ထိုင်ဝမ်(၁၈၆)တင်း ဈေးနှုန်းမှာ(၈၀၀၀၀)ကျပ်၊ ဘိလပ်စေ့(၆၄၅)တင်း ဈေးနှုန်းမှာ (၆၅၀၀၀)ကျပ် နှင့် ပြောင်းဆံ(၉၇၅)တင်း ဈေးနှုန်းမှာ(၂၂၀၀၀)ကျပ် အသီးသီးပေါက်ဈေး ရှိကြောင်းသိရသည်။

           ယခုရာသီကာလမှာဆိုလျှင်တော့ ပဲစင်းငုံရာသီဖြစ်သည့်အတွက် အများဆုံးနှင့် အဝင်/ အထွက် အပေါများဆုံးအချိန်ဖြစ်ပြီး ပဲစင်းငုံကို ကန့်ဘလူမြို့ပေါ်နှင့် ကန့်ဘလူ ပတ်ချာလည် ဒေသအသီးသီးတို့မှ ဝင်ရောက်ပြီး မိမိတို့ပွဲရုံမှသီးနှံများကို မန်းလေးမြို့ ဇောတိကပွဲရုံ တစ်ခုတည်းကိုသာ တင်ပို့ရောင်းချလျက်ရှိကြောင်း ကန့်ဘလူမြို့ပေါ်ရှိ  ပွဲရုံပိုင်ရှင်တစ်ဦးထံမှ သတင်းရရှိသည်။

DOCA(စစ်ကိုင်း)

            ၂၀၂၄ ခုနှစ်၊ စစ်ကိုင်းတိုင်းဒေသကြီး ၊ ကန့်ဘလူခရိုင် ၊ ကန့်ဘလူမြို့ မြို့မစည်ပင်သာယာဈေး ကွက်အတွင်းသို့ ဒေသထွက်ခရမ်းချဉ်သီးများနှင့်ရှမ်းပြည်နယ် အောင်ပန်းတို့မှထွက်ရှိသော ခရမ်းချဉ်သီးများကို မန္တလေးတိုင်းဒေသကြီးမှ မှာယူရောင်းချပြီး အရောင်းအဝယ်ဖြစ်လျက်ရှိကြောင်း သိရှိရပါသည်။

           ခရမ်းချဉ်သီးများသည် ယခုအချိန်အခါကာလဖြစ်သည့် ဆောင်းရာသီတွင် မိမိတို့ဒေသထွက် ခရမ်းချဉ်သီးများ ဈေးကွက်အတွင်းသို့ ဝင်ရောက်ကာ လှိုင်လှိုင်ထွက်ရှိလာသည့်အတွက် ဒေသတွင်း ခရမ်းချဉ်သီးများကိုသာ မှာယူရောင်းချရပါသည်။ ဒေသထွက်ခရမ်းချဉ်သီးမှာ အချိန်ကြာမြင့်စွာထားလျှင် ပုတ်လွယ်ပြီး အထားမခံသည့်အတွက် အကြိုက်နည်းကြပေမဲ့ ဈေးနှုန်းအနေဖြင့် သက်သာသောကြောင့် ယခုအခါမှာတော့ ဒေသထွက်ခရမ်းချဉ်သီးများကိုသာ လှိုင်လှိုင်ဝယ်ယူရောင်းချလျက်ရှိကြောင်းသိရှိရ ပါသည်။

          ၂၀၂၅ ခုနှစ်၊ ယခင် ဇန်နဝါရီလ နောက်ဆုံးအပတ်တွင် ဒေသထွက်ခရမ်းချဉ်သီး ဈေးနှုန်းအနေဖြင့် ရိုးရိုးဗမာခရမ်းချဉ်သီး တစ်ပိဿာလျှင်(၂၀၀၀)ကျပ်၊ ၂၅ကျပ်သားလျှင်(၅၀၀)ကျပ်နှင့် ထိုင်ဝမ် ခရမ်းချဉ်သီး အလုံး အကြီး/အသေး ပေါ်မူတည်၍ တစ်ပိဿာလျှင်(၁၅၀၀/၁၈၀၀)ကျပ်ဖြစ်ကာ (၂၅)ကျပ်သားလျှင် (၄၀၀/၅၀၀)ကျပ် ဈေးနှုန်းဖြင့် အရောင်းအဝယ်ဖြစ်လျက်ရှိခဲ့ပြီး ယခု ၂၀၂၅ ခုနှစ်၊ ဖေဖော်ဝါရီလ ပထမအပတ်တွင် ဒေသထွက်ခရမ်းချဉ်သီး ဈေးနှုန်းအနေဖြင့် ရိုးရိုး ဗမာခရမ်းချဉ်သီး တစ်ပိဿာလျှင် (၁၈၀၀/ ၂၀၀၀)ကျပ်၊ ၂၅ကျပ်သားလျှင်(၅၀၀)ကျပ်နှင့် ထိုင်ဝမ်ခရမ်းချဉ်သီး အလုံး အကြီး/အသေး ပေါ်မူတည်၍ တစ်ပိဿာလျှင်(၁၃၀၀/၁၅၀၀)ကျပ်ဖြစ်ကာ (၂၅)ကျပ်သားလျှင်(၄၀၀)ကျပ် ဈေးနှုန်းဖြင့် အရောင်း အဝယ် ဖြစ်လျက်ရှိပြီး ယခင် ဇန်နဝါရီလ နောက်ဆုံးအပတ် ဈေးနှုန်းနှင့် နှိုင်းယှဉ်ကြည့်မည့်ဆိုပါက  ခရမ်းချဉ်သီး ဈေးနှုန်း တစ်ပိသာလျှင်(၂၀၀/၃၀၀)ကျပ် ကျဆင်းလျက်ရှိပြီး အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(စစ်ကိုင်း)

               ကွမ်းရွက်ကို တနင်္သာရီတိုင်း၊ မြိတ်မြို့တွင် အိမ်တွင်း တနိုင်တပိုင်လုပ်ငန်းအဖြစ် စိုက်ပျိုးလျက်ရှိပြီး အခြားမြို့နယ်များသို့လည်းတင်ပို့ရောင်းချလျက်ရှိပါသည်။ အဓိကအား ဖြင့် ရန်ကုန်နှင့် မန္တလေးတိုင်းများသို့တင်ပို့ရောင်းချလျက်ရှိပါသည်။ ကွမ်းရွက်စျေးကွက်ကိုကြည့်လျှင် မြိတ်မြို့တွင်ကွမ်းချော၊ ကွမ်းကြမ်းဟူ၍ နှစ်မျိုးရှိနေပြီး ကွမ်းချော(ယာကွမ်း) ကိုအဓိကစိုက်ပျိုးလျက်ရှိပါသည်။ ကွမ်းချောတစ်ခါကောက်လျှင် အပင်သစ်ဖြစ်ပါက (၁၅) ရက်တစ်ကြိမ်ကောက်လေ့ရှိပြီး အပင်အို(ဟောင်း)ဖြစ်ပါက တစ်လတစ်ကြိမ်ခန့်သာကောက်ကြကြောင်း သိရှိရပါသည်။

            ကွမ်းရွက်စျေးနှုန်းမှာ ယခင်လတွေက စျေးနှုန်းအသင့်တင့်သာရရှိသော်လည်း ယခုလ ၂၀၂၅ခုနှစ်၊ ဇန်နဝါရီနောက်ဆုံးပတ်နှင့် ဖေဖော်ဝါရီလအစများတွင် စျေးကောင်းရရှိလာခဲ့ ကြောင်းသိရှိရပါသည်။ ယခင်လကွမ်းရွက်လက်ကားစျေးနှုန်းမှာ တစ်စည်းလျှင် (၆၀၀) ကျပ် ခန့်ရှိရာမှ ဖေဖော်ဝါရီလအစတွင် (၁၂၀၀) ကျပ် ထိစျေးနှုန်းရရှိနေကြောင်းသိရှိရပါတယ်။

             ကွမ်းရွက်တစ်စည်းတွင် အရွက်(၅၀)ပါရှိပြီး ကွမ်းချော(ယာကွမ်း)(အရွက်ကြီး) လက်ကားစျေး တစ်စည်းလျှင် (၁၂၀၀)ကျပ်၊ ကွမ်းချောအငယ် လက်ကားစျေးတစ်စည်းလျှင် (၅၀၀)ကျပ်နှင့် လက်ကားကွမ်းကြမ်းတစ်စည်းလျှင်(၄၀၀)ကျပ်ခန့် ရှိနေကြောင်း အခြားတိုင်း၊ ပြည်နယ်များနှင့် လက်လီတင်ပို့ရောင်းချပါက အရွက်ကြီး တစ်စည်းလျှင် (၁၅၀၀)ကျပ်၊ အငယ်တစ်စည်းလျှင် (၈၀၀)ကျပ်ဖြင့် ရောင်းချလျက်ရှိကြောင်း သိရှိရပါသည်။

DOCA(တနင်္သာရီ)

              မေမြို့ပန်းသည် အခိုင်လိုက်အစုလိုက်ပွင့်သောပန်းမျိုးဖြစ်ပါသည်။ ပန်းအရောင်မှာ အဖြူ၊ အနီ၊ ပန်းရောင်း၊ ဗေဒါရောင်တို့ရှိပါသည်။ မျိုးစေ့ပုလင်းများမှာယူပြီး စိုက်ပျိုးကြပါသည်။ မြန်မာအခေါ် ရိုးစိမ်းဖြူ၊ ကျောက်နီ၊ ချင်းမိုင်စသဖြင့် အပွင့်အရောင်ပေါ်မူတည်၍ ခေါ်ကြပါသည်။ နေရောင်ခြည်အပြည့်အဝရရှိမှုကို ကြိုက်နှစ်သက်ပါသည်။ အေးလွန်းသည့်အခါတွင်လည်း ပန်းများ ပွင့်နှုန်းလျော့တတ်ကြပါသည်။ ပန်းမျိုးစေ့ကို ဘောင်များဖြင့် ပျိုး‌ထောင်ထားရပါသည်။ ပျိုးထောင် ပြီး (၁၅)ရက်ခန့်အကြာတွင် စိုက်ကွင်းအတွင်းသို့ စတင်စိုက်ပျိုးနိုင်ပါသည်။ မေမြို့ပန်းများကို အပင်လိုက် နှုတ်စည်း၍ဈေးများတွင် ရောင်းချကြပါသည်။ အပင်ကြီးထွားမှုနှင့် အပွင့်အရောင် အသွေးပေါ်မူတည်၍ ဒေသအလိုက်ဈေးနှုန်းမတူညီနိုင်ပါ။ မေမြို့ပန်းစိုက်ပျိုးသည့် ဒေသများမှာ မြန်မာပြည်အနှံ့အပြားတွင် စီးပွားဖြစ်စိုက်ပျိုးကြပါသည်။ ပြည်ဒေသနှင့် အနီးတဝိုက်ရှိ ရွာများဖြစ်သော မှော်ဇာရွာ၊ တောင်လုံးညိုရွာနှင့် ရွှေတောင်မြို့နယ်အတွင်းရှိ ကျီးသဲ၊ မြို့မစသည့် ဒေသများတွင်လည်း မေမြို့ပန်းများကို စီးပွားဖြစ်စိုက်ပျိုးကြပါသည်။ ဒေသထွက် မေမြို့ပန်းများကို ပန်းဒိုင်များသို့ လိုင်းကားများဖြင့် လာရောက်ရောင်းချကြပါသည်။ ပန်းဒိုင်များမှတစ်ဆင့် ပန်းများကို ရန်ကုန်၊ မင်္ဂလာဒုံ၊ ထောက်ကြန့်စသည့် ဒေသများသို့ ပြန်လည်ရောင်းချကြပါသည်။ မေမြို့ပန်းများသည် အရောင်အသွေးပေါ်မူတည်ပြီး ဈေးနှုန်းအမျိုးမျိုးရှိပါသည်။ မေမြို့ပန်း(၅)ပင်ပါ တစ်စည်းလျှင် (၁၀၀၀)ကျပ်နှုန်းဖြင့် ဈေးကွက်အတွင်း အရောင်းအဝယ်ဖြစ်နေကြောင်း သိရှိရပါသည်။

DOCA(ပဲခူး)

         ပြည်ကုန်စည်ဒိုင်တွင် ဇန်နဝါရီလတွင် ပဲတီစိမ်း၊ ပဲစဉ်းငုံ၊ ဘိုကိတ်ပဲသစ်များ အဝင်ရှိပြီး ကျန်ကုလားပဲ၊ ပဲကြီး၊ မတ်ပဲသီးနှံများမှာ လက်ကျန်ပဲများကိုသာ အရောင်းအဝယ်ပြုလုပ်လျက်ရှိပါသည်။

မတ်ပဲ

        ပြည်ကုန်စည်ဒိုင်၏ ဇန်နဝါရီလပထမပတ်တွင် မတ်ပဲတစ်တင်းကို (၁၀၂၅၀၀)ကျပ်ဖြင့် ရန်ကုန်အဝယ် တစ်ရက်ကို အိတ်(၂၅၀)ခန့် အဝယ်ရှိပါသည်။ ဇန်နဝါရီလ ဒုတိယပတ်တွင် မတ်ပဲဈေး ကျပြီး ပဲတစ်တင်းကို (၉၉၀၀၀)ကျပ်ဖြင့် ရန်ကုန်အဝယ်တစ်ရက်ကို အိတ်(၂၀၀)ခန့်ရှိပါသည်။ တတိယပတ်တွင် မတ်ပဲတစ်တင်းကို (၉၇၀၀၀-၉၈၀၀၀)ကျပ်ဖြင့် တစ်ရက်ကို အိတ်(၂၀၀)ခန့် ရန်ကုန်အဝယ်ရှိပါသည်။ စတုတ္ထပတ်တွင် မတ်ပဲတစ်တင်းကို (၉၈၀၀၀)ကျပ်ဖြင့် ရန်ကုန်တင်ပို့မှုမှာ တစ်ရက်ကို အိတ်(၂၅၀)ခန့်ရှိပါသည်။

ပဲတီစိမ်း

         ဇန်နဝါရီလပထမပတ်တွင် ပဲတီစိမ်းသစ်တစ်တင်းကို (၉၀၀၀၀)ကျပ်ဖြင့် တစ်ရက်ကို အိတ်(၆၀၀)ခန့် ရန်ကုန်အဝယ်ရှိပါသည်။ ဒုတိယပတ်တွင် ပဲတီစိမ်းဈေးအေးပြီး ပဲတစ်တင်းကို (၉၀၀၀၀)ကျပ်ဖြင့် တစ်ရက်ကို မန္တလေးအဝယ်အိတ် (၅၅၀)ခန့်ရှိပါသည်။ ဇန်နဝါရီလတတိယပတ်တွင် ပဲတီစိမ်းတစ်တင်းကို (၉၉၀၀၀)ကျပ်ဖြင့် မန္တလေးအဝယ်တစ်ရက်ကို အိတ်(၂၀၀)ခန့် ရှိပါသည်။ စတုတ္ထပတ်တွင် ပဲတီစိမ်းတစ်တင်းကို (၉၉၀၀၀)ကျပ်ဖြင့် မန္တလေးအဝယ်အိတ်(၂၀၀)ခန့်ရှိပါသည်။

ပဲစဉ်းငုံ

         ဇန်နဝါရီလပထမပတ်တွင် ပဲစဉ်းငုံတစ်တင်းကို (၉၆၅၀၀)ကျပ်ဖြင့် ပဲစဉ်းငုံသစ်များအဝင်ရှိပြီး တစ်ရက်ကိုအိတ်(၄၀၀)ခန့် ရန်ကုန်အဝယ်ရှိပါသည်။ ဒုတိယပတ်တွင် ပဲစဉ်းငုံတစ်တင်းကို (၉၀၀၀၀-၉၁၀၀၀)ကျပ်ဖြင့် တစ်ရက်ကို အိတ်(၃၅၀)ခန့် ရန်ကုန်အဝယ်ရှိပါသည်။ ဇန်နဝါရီလတတိယပတ်တွင် ပဲစဉ်းငုံတစ်တင်းကို (၉၃၀၀၀)ကျပ်ဖြင့် ရန်ကုန်အဝယ်တစ်ရက်ကို (၃၅၀)ခန့် ရန်ကုန်အဝယ်ရှိပါသည်။ စတုတ္ထပတ်တွင် ပဲစဉ်းငုံတစ်တင်းကို (၉၆၀၀၀)ကျပ်ဖြင့် ရန်ကုန်အဝယ် တစ်ရက်ကို အိတ်(၃၀၀)ခန့် ရှိပါသည်။

ကုလားပဲ

       ဇန်နဝါရီလ ပထမပတ်တွင် ကုလားပဲ(HL)တစ်တင်းကို (၉၈၀၀၀)ကျပ်ဖြင့် မြို့တွင်းနှင့် နယ်စုံအဝယ်တစ်ရက်ကို အိတ်(၂၅၀)ခန့် အဝယ်ရှိပါသည်။ ဒုတိယပတ်တွင် ကုလားပဲ(HL) တစ်တင်းကို (၉၇၀၀၀-၉၈၀၀၀)ကျပ်ဖြင့် မြို့တွင်းအဝယ်တစ်ရက်ကို အိတ်(၂၅၀)ခန့် ရှိပါသည်။ တတိယပတ်တွင် ကုလားပဲ(HL)တစ်တင်းကို (၉၄၀၀၀-၉၅၀၀၀)ကျပ်ဖြင့် မြို့တွင်းအဝယ် တစ်ရက်ကို အိတ်(၂၀၀)ခန့် အဝယ်ရှိပါသည်။ စတုတ္ထပတ်တွင် ကုလားပဲ(HL)တစ်တင်းကို (၉၂၀၀၀)ကျပ်ဖြင့် မြို့တွင်းနှင့် နယ်စုံအဝယ်တစ်ရက်ကို အိတ်(၂၅၀)ခန့်ရှိပါသည်။

ပဲကြီး

       ဇန်နဝါရီလ ပထမပတ်တွင် ပဲကြီး(ရွှေကျွန်း)တစ်တင်းကို (၈၅၀၀၀)ကျပ်၊ ပဲကြီး(ကုန်းပဲ) တစ်တင်းကို(၈၀၀၀၀)ကျပ်ဖြင့် မြို့တွင်းပဲကြော်သမားများ တစ်ရက်ကို အိတ်(၃၀၀)ခန့် အဝယ်ရှိ ပါသည်။ ဒုတိယပတ်တွင် ပဲကြီး (ရွှေကျွန်း)တစ်တင်းကို (၈၅၀၀၀)ကျပ်၊ ပဲကြီး (ကုန်းပဲ) တစ်တင်းကို (၈၀၀၀၀)ကျပ်ဖြင့် မြို့တွင်းအဝယ်တစ်ရက်ကို အိတ်(၂၅၀)ခန့် ရှိပါသည်။ တတိယပတ်တွင် ပဲကြီး(‌ရွှေကျွန်း)တစ်တင်းကို (၈၅၀၀၀)ကျပ်၊ ပဲကြီး(ကုန်းပဲ)တစ်တင်းကို (၈၀၀၀၀)ကျပ်ဖြင့် မြို့တွင်းပဲကြော်သမားများအဝယ်တစ်ရက်ကို အိတ်(၃၀၀)ခန့်အဝယ်ရှိပါသည်။ စတုတ္ထပတ်တွင် ပဲကြီး(ရွှေကျွန်း)တစ်တင်းကို (၈၅၀၀၀)ကျပ်၊ ပဲကြီး(ကုန်းပဲ)တစ်တင်းကို (၈၀၀၀၀)ကျပ်ဖြင့် မြို့တွင်းပဲကြော်သမားများ အဝယ်တစ်ရက်ကို အိတ်(၂၅၀)ခန့်ရှိပါသည်။

ဘိုကိတ်

         ဇန်နဝါရီလ ပထမပတ်တွင် ဘိုကိတ်ပဲတစ်တင်းကို (၈၀၀၀၀-၈၁၀၀၀)ကျပ်ဖြင့် မြို့တွင်းနှင့် ရန်ကုန်အဝယ်တစ်ရက်ကို အိတ်(၁၀၀-၁၅၀)ခန့် ရှိပါသည်။ ဒုတိယပတ်တွင် ဘိုကိတ်ပဲ တစ်တင်း ကို (၈၀၀၀၀-၈၁၀၀၀)ကျပ်ဖြင့် မြို့တွင်းအဝယ်တစ်ရက်ကို အိတ်(၁၀၀)ခန့် ရှိပါသည်။ တတိယ ပတ်တွင် ဘိုကိတ်တစ်တင်းကို (၈၁၀၀၀-၈၂၀၀၀)ကျပ်ဖြင့် မြို့တွင်းနှင့် ရန်ကုန်အဝယ်တစ်ရက်ကို အိတ်(၁၅၀)ခန့်ရှိပါသည်။ စတုတ္ထပတ်တွင် ဘိုကိတ်တစ်တင်းကို (၈၃၀၀၀)ကျပ်ဖြင့် မြို့တွင်းအဝယ် တစ်ရက်ကို အိတ်(၁၅၀)ခန့်ရှိပါသည်။

         ပြည်မြို့ကုန်စည်ဒိုင်တွင် မတ်ပဲ၊ ပဲတီစိမ်း၊ ပဲစဉ်းငုံ၊ ကုလားပဲ၊ ပဲကြီး၊ ဘိုကိတ်ပဲများမှာ အရောင်းအဝယ်သွက်လျက်ရှိကြောင်းသိရှိရပါသည်။

DOCA(ပဲခူး)