ပြည်တွင်းကုန်သွယ်မှုသတင်း

          မကွေးတိုင်းဒေသကြီး၊ ပခုက္ကူခရိုင် ဦးစီးမှူးရုံးမှ ဒုတိယခရိုင်ဦးစီးမှူးနှင့် ဝန်ထမ်း(၃)ဦး တို့သည် ပခုက္ကူမြို့ပေါ်ရှိ ဘိလပ်မြေလက်လီ၊ လက်ကား အရောင်းဆိုင်များသို့ (၂၈.၁.၂၀၂၅)ရက်နေ့၊ နံနက်(၁၀:၀၀)နာရီအချိန်တွင် ဈေးကွက်အတွင်းရှိ ဘိလပ်မြေများ ပစ္စည်းပြတ်လပ်မှုရှိမရှိ၊ ဈေးနှုန်းကြီးမြင့်မှုရှိ/ မရှိ ကွင်းဆင်းစစ်ဆေးခဲ့ကြောင်းသိရသည်။

          ထိုသို့ကွင်းဆင်းစစ်ဆေးရာတွင် ပခုက္ကူမြို့ရှိ ဘိလပ်မြေလက်လီ၊ လက်ကားအရောင်းဆိုင် များတွင် ပစ္စည်းပြတ်လပ်မှုမရှိကြောင်း ဘိလပ်မြေကြံ့နှစ်ကောင် တစ်အိတ်လျှင် ကျပ်(၂၀၀၀၀)၊ အပါချီ တစ်အိတ်လျှင် ကျပ်(၂၁၀၀၀)၊ အယ်လဖာတစ်အိတ်လျှင် ကျပ်(၂၁၀၀၀)ရှိကြောင်း ဈေးနှုန်းများအား ယခင်တစ်ပတ်နှင့် ယခုတစ်ပတ်နှိုင်းယှဉ်ပါက ဘိလပ်မြေဈေးနှုန်းများမှာ တစ်အိတ်လျှင် ကျပ်(၃၀၀၀) ခန့်ဈေးနှုန်းမြင့်တက်နေကြောင်း ဈေးကွက်မှသိရှိရပါသည်။

DOCA(မကွေး)

          ဧရာဝတီတိုင်းဒေသကြီးအတွင်း ပြည်တွင်း၊ ပြည်ပဈေးကွက်ဝယ်လိုအားရှိသော (တံမြက်စည်း ကုန်ကြမ်း) ကိုင်းဘောမှာ သဘာဝအလျှောက် အလေ့ကျပေါက်ရောက်လျက်ရှိပြီး ရာသီပေါ်ဒေသ ထွက်ကုန်တစ်ခုအဖြစ် ဇန်နဝါရီလပထမပတ်မှစတင်၍ ဈေးကွက်ဝင်ရောက်လျက်ရှိရာ ဖေဖော်ဝါရီလပိုင်းတွင် ပစ္စည်းလှိုင်လှိုင်ထွက်ရှိပြီး ကိုင်းဘောအပင်မှအဖူးများ ပွင့်သွားလျင် အရည်အသွေးကျဆင်းပြီး မတ်လကုန် ဧပြီလဆန်းရောက်လျှင် ကိုင်းဘောရာသီမှာ ပြီးဆုံးသွားကြောင်း ဈေးကွက်မှသိရသည်။

          ကိုင်းဘောအဓိကထွက်ရှိရာဒေသများမှာ တောင်စောင်းတောင်ကုန်းများရှိသော ချောင်းသာ၊ ငွေဆောင် ၊ မော်တင်ကားလမ်းဘေးရှိ သီဟိုဠ်ခြံ၊ ရာဘာခြံများ ပင်လယ်ကမ်းခြေဒေသဝန်း ကျင်ကျေးရွာများနှင့် ငပုတောမြို့နယ်အတွင်းရှိ ဟိုင်းကြီးကျွန်းဝန်းကျင်ကျေးရွာများတွင် အများဆုံးထွက်ရှိပြီး ကိုင်းဘောရာသီရောက်လျှင် ကုန်ကြမ်းထွက်ရှိရာ ကျေးရွာများတွင် အဝယ်ဒိုင်များဖွင့်လှစ်၍ ပုသိမ်မြို့ နှင့် သာပေါင်းမြို့ပေါ်ရှိ နှစ်ပတ်လည်တံမြက်စီးပြုလုပ်သော လုပ်ငန်းရှင်များနှင့် ရန်ကုန်မြို့သို့ နှစ်စဉ် တင်ပို့ရောင်းချလျက်ရှိကြောင်း သိရသည်။

          ယခင်နှစ် ကိုင်းဘောရာသီအဖွင့်ဈေးမှာ ကိုင်းဘောတစ်ဘောကိုကျပ် ၁၅၀၀ဝိ/-၁၇၀၀ဝိ/- ဈေး သာ ရှိသော်လည်း ယခုနှစ်ဈေးမှာ ကိုင်းဘောတစ်ဘောကို ကျပ် ၂၅၀၀ဝိ/-၃၀၀၀ဝိ/- ဝန်းကျင်ဈေးဖြင့် ဝယ်ယူလျက်ရှိပြီး အဝယ်ဒိုင်မှ ဝယ်ယူထားသော ကိုင်းဘော များကို အနု/အလတ်/အရင့် အမျိုးအစား ခွဲခြား၍ အနု/အလတ်ကို ရန်ကုန်မှတစ်ဆင့် ပြည်ပနိုင်ငံများသို့ တင်ပို့ရောင်းချနေမှုရှိပြီး ကိုင်းဘော အရင့်များကို ပြည်တွင်းတွင် တံမြက်စည်းပြုလုပ်ရာတွင် အသုံးပြုကြောင်း ကိုင်းဘောရာသီချိန်တွင် ကိုင်းဘောထွက်ရှိရာ ကျေးရွာများရှိ ဒေသခံများမှ ကိုင်းဘော ခုတ်ယူရောင်းချခြင်းဖြင့် တစ်နေ့လျှင် ကျပ် ၁၅၀၀ဝိ/-၂၀၀၀ဝိ/- ဝန်းကျင်မှ ကျွမ်းကျင်သူများမှာ ကျပ် ၂၅၀၀ဝိ/- ဝန်းကျင် အပိုဝင်ငွေ ရရှိလျက်ကြောင်း ပုသိမ်/ငွေဆောင်ကားလမ်း စိန်တောင်ကျေးရွာနေ ကိုင်းဘောအဝယ်ဒိုင်မှ သိရသည်။

DOCA(ဧရာဝတီ)

             ၂၀၂၅ခုနှစ်၊ ဇန်နဝါရီလ(၃၀)ရက်နေ့၊ နံနက် (၇း၀၀)နာရီအချိန်တွင်  မြိတ်မြို့၊ အောက်ရေပုန်းရပ်၊ စာကြည့်တိုက်အ‌ရှေ့၌ ရပ်ကွက်နေပြည်သူများအား စျေးနှုန်းသက်သာစွာဖြင့် ဝယ်ယူရရှိနိုင်ရန် စားအုန်းဆီနှင့်အတူ အခြေခံစားသောက်ကုန်များအား ရောင်းချပေးခဲ့ပါသည်။ အခြေခံစားသောက် ကုန်များရောင်းချရာတွင် ဆန်၊ ကြက်ဥ၊ ဆား၊ ချဉ်ပေါင်ရွက်၊ ကြက်သွန်နီ၊ ပဲခြမ်း၊ ငရုတ်သီးမုန့်၊ မန်ကျည်းသီးတို့ပါဝင်ပြီး မြိတ်ခရိုင်စားသုံးသူရေးရာဦးစီးဌာနအပါအဝင်၊ မြို့နယ်စီမံ အုပ်ချုပ်ရေးအဖွဲ့၊ သမဝါယမ၊ စည်ပင်၊  စသောဌာနဆိုင်ရာများမှ ပူးပေါင်းဆောင်ရွက်ပေးခဲ့ကြောင်း သတင်းရရှိပါသည်။

DOCA(တနင်္သာရီ)

စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ရှိ မြို့မဈေးနှင့် အသီးမျိုးစုံရောင်း ချနေသည့်ဆိုင်များတွင် နှင်းသီး(ခေါ်)လောင်ကန်သီများကို လှိုင်လှိုင်ရောင်းချနေကြောင်း သိရသည်။နှင်းသီး(ခေါ်)လောင်ကန်သီးများကို  စစ်ကိုင်းတိုင်းဒေသကြီး၊ စစ်ကိုင်းမြို့မှဝယ်ယူ ရောင်းချလျက်ရှိ‌ကြောင်း သိရသည်။

နှင်းသီး(ခေါ်)လောင်ကန်သီးသည် အရည်ရွှမ်း၍ ချိုပြီးအရသာရှိသော အသီးဖြစ်သော ကြောင့်သရေစာအဖြစ် စားသုံးကြကြောင်း၊ ၂၀၂၅ခုနှစ်၊ ဇန်နဝါရီလ စတုတ္ထပတ်အတွင်း  နှင်းသီး(ခေါ်)လောင်ကန်သီးဈေးနှုန်းမှာ နှင်းသီး(ခေါ်)လောင်ကန်သီး (၂၅)ကျပ်သားလျှင် (၅၀၀၀)ကျပ်နှင့် နှင်းသီး(ခေါ်)လောင်ကန်သီး (၁)ပိဿာလျှင် (၂၀၀၀၀)ကျပ်ရှိခဲ့ရာ နောက်ဆုံး အပတ်အတွင်း နှင်းသီး(ခေါ်)လောင်ကန်သီး (၂၅)ကျပ်သားလျှင် (၄၀၀၀)ကျပ်နှင့် နှင်းသီး(ခေါ်) လောင်ကန်သီး (၁)ပိဿာလျှင် (၁၆၀၀၀)ကျပ်ဖြင့် ရောင်းချကြောင်း၊ ယခင်အပတ်ဈေးနှုန်းများ နှင့်ယှဉ်ပါက ဈေးနှုန်းအနည်းငယ်ကျဆင်းသွားကြောင်း၊ လူကြီး လူငယ်မရွေး ကြိုက်နှစ်သက် သောကြောင့်ရောင်းအားကောင်းကြောင်း ကန့်ဘလူမြို့တွင် ရောင်းချလျက်ရှိသော သစ်သီးဆိုင် များမှသတင်းရရှိပါသည်။     

DOCA(စစ်ကိုင်း)

          စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ရာသီပေါ်သီးနှံများကိုစိုက်ပျိုး ရောင်းချလျက်ရှိကြောင်း၊ ထိုင်ဝမ်ဖူးစားပြောင်းများကို နေအိမ်ခြံဝင်းများ၌လည်းကောင်း၊ ယာကွက် များ၌လည်းကောင်း တစ်နိုင်တစ်ပိုင် စိုက်ပျိုးရောင်းချလျက်ရှိကြောင်း သိရသည်။

ထိုင်ဝမ်ဖူးစားပြောင်းများကို ကန့်ဘလူမြို့မဈေးရှိ ကုန်စိမ်းသည်များတွင်လည်းကောင်း၊ ရပ်ကွက်အတွင်းလှည့်လည်ရောင်းချသည့် ဈေးသည်များတွင်လည်းကောင်း၊ ပြောင်းဖူးအစိမ်းနှင့် အပြုတ်ဟူ၍(၂)မျိုးရောင်းချလျက်ရှိကြောင်း၊ ပြောင်းဖူးစိမ်းကို စားသောက်ဆိုင်များနှင့် အိမ်ရှင်မ များကဟင်းချက်ရာ၌ ဝယ်ယူအသုံးပြုကြောင်း၊ ၂၀၂၅ခုနှစ်၊ ဇန်နဝါရီလ နောက်ဆုံးအပတ်အတွင်း  ကန့်ဘလူမြို့မဈေးတွင် ပြောင်းဖူးကို လက်လီ၊ လက်ကားရောင်းချနေသည့် လုပ်ငန်းရှင်တစ်ဦး၏ ပြောပြချက်အရ ပြောင်းဖူးအစိမ်းအကြီး(၁)ဖူးလျှင် (၆၀၀)ကျပ်၊ အသေး(၁)ဖူးလျှင်(၅၀၀)ကျပ်ဖြင့် ရောင်းချလျက်ရှိကြောင်း၊ တစ်ဆင့်ဝယ်ယူပြီး ပြောင်းဖူးများကိုပြုတ်၍ ပြန်လည်ရောင်းချသူများ သည်ပြောင်းဖူး ပြုတ်အကြီး(၁)ဖူးလျှင်(၁၀၀၀)ကျပ်၊ အသေး(၁)ဖူးလျှင်(၈၀၀)ကျပ်ဖြင့် ရောင်းချ လျက်ရှိကြောင်း သတင်းရရှိပါသည်။

DOCA(စစ်ကိုင်း)