ပြည်တွင်းကုန်သွယ်မှုသတင်း

          ကျောက်ဆည်မြို့နယ်သည် စိုက်ပျိုးရေးကို အဓိကထားလုပ်ကိုင်သောဒေသတစ်ခုဖြစ်သည့် အတွက်သီးနှံမျိုးစုံစိုက်ပျိုးဖြစ်ထွန်းပါသည်။သီးနှံမျိုးစုံစိုက်ပျိုးသည့်အနက် ရာသီမရွေးစိုက်ပျိုးနိုင်ပြီး ရာသီမရွေးစားသုံးနိုင်သော စျေးကွက်ဝယ်လိုအားရှိသည့် သ‌င်္ဘောပင်များကိုလည်းတိုးချဲ့စိုက်ပျိုးလာ ကြပါသည်။သ‌င်္ဘောစိုက်ပျိုးရာတွင် မျိုးကောင်းမျိုးသန့်များရွေးချယ်ပျိုးထောင်၍ ပျိုးပင်များဖြစ်ထွန်း လာပါကမြေကျင်းတူး၍ ၂ပေခြား ၃ပေ ခြားစိုက်ပျိုးကြပါသည်။(၁)ဧကလျှင် အပင်(၂၀၀၀)ကျော် ဝင်ဆံ့ပြီး တစ်ပင်အသီးတင်မည်ဆိုပါက သ‌င်္ဘောသီး (၂၅-၄၀)လုံးအထိ ထွက်ရှိကြောင်း၊ (၁)ဧက အထွက်နှုန်းအနေဖြင့်အလုံးရေ(၄၀၀၀-၅၀၀၀)ကျော်အထိ ထွက်ရှိကြောင်း ၊ (၁)ဧကကုန်ကျစရိတ် အနေဖြင့် မျိုး ၊ သွင်းအားစု ၊ လုပ်သားခအပါအဝင် စုစုပေါင်း(၁၅-၁၆)သိန်းကျပ် အထိရှိပြီး မြေဆီ မြေသြဇာကျွေးသည့်အပေါ်မူတည်၍ အသီးအပွင့်များဝေဆာပြီး အပင်သက်တမ်းကြာနိုင်ကြောင်း၊ အများဆုံးစိုက်ပျိုးသောမျိုးများမှာ ထိုင်ဝမ်သ‌င်္ဘောမျိုးများဖြစ်ကြာင်း၊ ထိုင်ဝမ်သ‌င်္ဘောပင်မှာ အပင်ပုမျိုး ဖြစ်ပြီး အသီးများအမြောက်အများသီး၍ အလုံးများသန့်ကြောင်း ၊ သ‌င်္ဘောခြံများမှာ အများအားဖြင့် သ‌င်္ဘောသီးအမှည့်ကို ဦးစားပေးရောင်းချကြကြောင်း ၊ သ‌င်္ဘောသီးများကို စိုက်ခင်းထဲအရောက် လာ‌ရောက်ဝယ်ယူသူများရှိသလို မှာယူသောမြို့များသို့လည်း တင်ပို့ရောင်းချပေးလျှက်ရှိကြောင်း ၊ ရောင်းတမ်းမဝင်သော အသီးစိမ်းများကို သ‌င်္ဘောသီးထောင်း ၊ သ‌င်္ဘောသီးသုပ် ရောင်းချသူများမှ လာ‌ရောက်ဝယ်ယူကြကြောင်း၊ သ‌င်္ဘောသီး လက်လီစျေးနှုန်းအနေဖြင့် အမှည့်(အကြီး)တစ်လုံးလျှင် (၂၅၀၀)ကျပ်၊ (အလတ်)တစ်လုံးလျှင်(၁၅၀၀)ကျပ်အထိ ရောင်းချရပြီး လက်ကားစျေးနှုန်းအနေဖြင့် အမှည့်(အကြီး) တစ်လုံးလျှင် (၂၀၀၀)ကျပ်၊ (အလတ်)တစ်လုံးလျှင်(၁၃၀၀)ကျပ်အထိ ရောင်းချရ ကြောင်း  ၊ သ‌င်္ဘောသီးအစိမ်း တစ်လုံးလျှင် ဖောက်သည်စျေးအနေဖြင့် အလုံး အကြီး၊အသေးပေါ် မူတည်၍(၄၀၀-၅၀၀)ကျပ်အထိ ရောင်းချရကြောင်း ၊ နွေရာသီတွင် သ‌င်္ဘောသီးမှည့် ဖျော်ရည်များ အရောင်းသွက်၍ ဝယ်လိုအားများကြောင်း၊ သ‌င်္ဘောသီးအစိမ်းကို ရခိုင်သုပ်၊ဗမာသုပ်အဖြစ် စားသုံးကြ ပါသည်။သ‌င်္ဘောသီးစားသုံးခြင်းဖြင့် ဓါတ်တိုးဆန့်ကျင်ပစ္စည်းများကြွယ်ဝပြီး ရောင်းရမ်းမှုကိုလျော့ကျ စေခြင်း၊အရွယ်တင်နုပျိုနိုင်ခြင်း စသည့်အကျိုးကျေးဇူးများရရှိစေပါသည် ။ သ‌င်္ဘောသီးအမှည့် နှင့် သ‌င်္ဘောသီးအစိမ်းကို စားသုံးသူများ ကြိုက်နှစ်သက်ပြီး ဝယ်ယူစားသုံးကြသဖြင့် တောင်သူဦးကြီးများ အနေဖြင့် ဝင်ငွေတိုးစေသော သ‌င်္ဘောပင်များကို တိုးချဲ့စိုက်ပျိုးသင့်ပါကြောင်း ရေးသားတင်ပြအပ်ပါ သည်။

DOCA(မန္တလေး)

မန္တလေးတိုင်းဒေသကြီး၊ မြင်းခြံခရိုင်၊ မြင်းခြံမြို့တွင် ထန်းလျက်ပွဲရုံ(၅)ရုံခန့်ရှိပြီး ထန်းလျက် ပွဲရုံများသို့ လှောင်ထန်းလျက်များ ပုံမှန်ဝင်ရောက်လျက်ရှိနေကြောင်းနှင့် အရောင်းအဝယ်သွက် သော်လည်း လိုသလောက်ဝယ်ယူ၍မရကြောင်း ထန်းလျက်ပွဲရုံလုပ်ငန်းရှင်တစ်ဦးထံမှ သိရှိရပါ သည်။

ထန်းလျက်လုပ်ငန်းတွင် ထန်းဖိုထန်းလျက်၊ ထန်းမထန်းလျက်နှင့် ညှပ်ထန်းလျက်ဟူ၍ သုံးမျိုးရှိကြောင်း၊ ထန်းဖိုထန်းလျက်သည် တပို့တွဲ၊ တပေါင်းလများတွင် စတင်ထွက်ရှိပြီး ကဆုန်၊ နယုန်လများတွင် ထန်းဖိုရာသီပြီးဆုံးကြောင်း၊ ထန်းမထန်းလျက်သည် နယုန်၊ ဝါဆိုလများတွင် စတင်ထွက်ရှိပြီး တော်သလင်းလတွင် ပြီးဆုံးကြောင်းနှင့် ထန်းဖို၊ ထန်းမ ရာသီပြီးဆုံးပြီးနောက် ထန်းနို့ချောင်းကို လှီးဖြတ်ညှပ်၍ ရရှိသည့်ထန်းရည်ကို ချက်လုပ်ရာမှထွက်ရှိသည့် ညှပ်ထန်းလျက် သည် တော်သလင်း၊ သီတင်းကျွတ်လများတွင် ထွက်ရှိပါကြောင်း၊ ထန်းဖို၊ ထန်းမနှင့်ညှပ်ထန်းလျက် များ ထွက်ပေါ်သည့် ရာသီချိန်များတွင် ထန်းလျက်ထွက်ရှိမှုများပြီး ရောင်းလိုအားများသဖြင့် ထန်းလျက်ဈေးနှုန်းများမှာ ပုံမှန်သာရှိခဲ့ကြောင်းသိရှိရပါသည်။ တန်ဆောင်မုန်း၊ နတ်တော်၊ပြာသိုလ များသည် ထန်းလျက်ထွက်ပေါ်ချိန်မဟုတ်သည့်အတွက် သိုလှောင်ထားသော လှောင်ထန်းလျက် များသာ အရောင်းအဝယ်ဖြစ်ကာ ရောင်းလိုအားနည်းပြီး ဝယ်လိုအားများသဖြင့် ယခုကာလများ သည် ထန်းလျက်ဈေးအမြင့်ဆုံးကာလ ဖြစ်ကြောင်းသိရှိရပါသည်။ ထန်းဖို၊ ထန်းမ ထွက်ပေါ်ချိန် များတွင် တစ်ပိဿာလျှင် ၄၅၀၀-၅၅၀၀ကျပ် ဝန်းကျင်ဖြင့် စတင်အရောင်းအဝယ်ဖြစ်ခဲ့ပြီး ညှပ်ထန်း လျက်များထွက်ပေါ်ချိန်တွင် တစ်ပိဿာလျှင် (၄၀၀၀)ကျပ်ဖြင့်ဈေးငြိမ်လျက်အရောင်းအဝယ်ဖြစ် ခဲ့ကြကြောင်း၊ ယခုနတ်တော်လတွင် လှောင်ထန်းလျက်များကို လက်ကားဈေး (၇၅၀၀)ကျပ်နှုန်းနှင့် လက်လီဈေး (၈၃၀၀/၈၈၀၀)ကျပ်နှုန်းဖြင့် ရောင်းဝယ်လျက်ရှိကြောင်းသိရှိရပါသည်။

အညာဒေသတွင် ညောင်ဦးမြို့နယ်၊ ရေစကြိုမြို့နယ်တို့သည် ထန်းလျက်အများဆုံးထွက်ရှိရာ မြို့နယ်များဖြစ်ပြီး ညောင်ဦးမြို့နယ်၊ ရေစကြိုမြို့နယ်၊ တောင်သာမြို့နယ်၊ မလှိုင်မြို့နယ်၊ နွားထိုးကြီးမြို့နယ် ကျောက်ပန်းတောင်းမြို့နယ်၊ ငါန်းဇွန်မြို့နယ်စသည့် မြို့နယ်အစုံမှ မြင်းခြံမြို့ရှိ ထန်းလျက်ပွဲရုံများသို့ လက်ရှိကာလအတွင်း တစ်ရက်လျှင်ပျမ်းမျှကုန်ချိန် ပိဿာ (၃၀၀၀) ခန့် ဝင်ရောက်လျက်ရှိပါကြောင်းနှင့် မြင်းခြံမြို့ရှိပွဲရုံများမှ ရန်ကုန်မြို့သို့သာ တင်ပို့ရောင်းချကြကြောင်း သိရှိရပါသည်။ “ထန်းလျက်တစ်ပိဿာ၊ဆန်တစ်ပြည်”ဟု ထန်းတောင်သူများ၏ ဆိုရိုးရှိပြီး ယခုအခါ ထန်းလျက် တစ်ပိဿာရောင်းရဈေးသည် ဆန်တစ်ပြည်မက ရရှိနေသဖြင့် ထန်းတောင်သူများ တွက်ခြေကိုက်ပြီး စားဝတ်နေရေးအဆင်ပြေလျက်ရှိနေကြောင်း၊ ယခုနှစ်အပါအဝင်သုံးနှစ်ခန့် ထန်းလျက်ဈေး ကောင်းခဲ့သဖြင့် လာမည့်နှစ်တွင်လည်း ထန်းတောင်သူများအနေဖြင့် ထန်းလျက် ကိုပိုမိုထုတ်လုပ်ရန် စိတ်အားထက်သန်လျက်ရှိနေကြကြောင်း ထန်းလျက်ပွဲရုံ လုပ်ငန်းရှင်တစ်ဦး၏ ပြောပြချက်အရ သိရှိရသည်။

DOCA(မန္တလေး)

          မန္တလေးကုန်စိမ်းစျေးကွက်အတွင်း သံပုရာသီးနှင့် သံပုယိုသီးဝင်ရောက်မှုမှာ   ဇန်နဝါရီလ နောက်ဆုံးပတ်တွင် ပုံမှန်ဝင်ရောက်ကြောင်း သိရပါတယ်။ စျေးကွက်အတွင်း ရောက်ရှိလာသည့် သံပုရာသီးမှာ  တောင်အင်းမြောက်အင်း ကျေးရွာ၊ မီချောင်းတပ်ကျေးရွာတို့မှာ စိုက်ပျိုးထွက်ရှိ သည့် အသီးများနှင့် သံပုယိုသီးမှာ ရွှေစာယံကျေးရွာ၊  မီးသွေးဘုတ်ကျေးရွာတို့မှ စိုက်ပျိုး ထွက်ရှိသည့် အသီးများပိုမိုဝင်ရောက်ပြီး၊မန္တလေးတိုင်းဒေသကြီးအတွင်းအခြားမြို့နယ်များနှင့်စစ်ကိုင်းတိုင်းဒေသ ကြီး တို့မှလည်း   ဝင်ရောက်ကြောင်း   သိရှိရပါတယ်။သံပုရာသီးနှင့် သံပုယိုသီးများမှာ မိုးရာသီတွင် ပိုမိုထွက်ရှိပြီး၊ ဆောင်းရာသီတွင် ထွက်ရှိမှုလျော့ကျသည့်အတွက် စျေးအနည်းငယ်မြင့်ကြောင်း သိရှိရပါတယ်။သံပုရာသီးနှင့်သံပုယိုသီးများအား သံပုရာဖျော်ရည်၊သံပုရာယို၊သံပုရာချဉ်ဖတ်၊ အသုပ် မျိုးစုံနှင့်သရေစာတို့တွင်ထည့်သွင်းစားသုံးခြင်း၊လူသုံးကုန်နှင့် ကျန်းမာ‌‌ရေးဓါတ်စာအဖြစ် စားသုံး ခြင်းတို့ကြောင့်တစ်နှစ်ပတ်လုံးသုံးစွဲမှုများသည့်သီးနှံဖြစ်ကြောင်း သိရပါတယ်။မန္တလေးမြို့၊၄၁ လမ်း၊ ကုန်စိမ်းသီးနှံများ လက္ကားရောင်းချသည့်စျေးတွင် အသီးအရွယ်အစားအလိုက် စျေးအနည်းငယ် ကွာခြားမှုရှိပြီး၊ ဇန်နဝါရီလနောက်ဆုံးပတ်အတွင်းဖြစ်ပေါ်လျက်ရှိသော  သံပုရာသီး လက္ကားစျေးမှာ ၂၅လုံးလျှင် ၃၀၀ဝိ/- နှင့် ၄၀၀ဝိ/- စျေး၊  သံပုယိုသီးလက္ကားစျေးမှာ ၂၅ လုံးလျင် ၁၅၀ဝိ/- နှင့်   ၂၀၀ဝိ/-စျေး၊သံပုယိုနှင့်သံပုရာချဉ်ထုတ်တစ်ထုတ်(တစ်ပိဿာပါ)လျင်  လက္ကားစျေး ၂၀၀ဝိ/- နှင့် ၄၀၀ဝိ/- စျေးအသီးသီးရောင်းချလျက်ရှိပြီး၊ လက်လီစျေးမှာ သံပုရာသီးတစ်လုံးလျင် ၂၀ဝိ/- နှင့် ၂၅ဝိ/-စျေး၊သံပုယိုသီးတစ်လုံးလျှင် ၁၀ဝိ/- နှင့် ၂၀ဝိ/- စျေးတို့ဖြင့် ရောင်းချလျက်ရှိကြောင်း ကုန်စိမ်း ရောင်းချသူတစ်ဦး၏ ပြောပြချက်အရ သိရှိရပါတယ်။

DOCA(မန္တလေး)

           ကုလားပဲသီးနှံမှာမန္တလေးစျေးကွက်အတွင်းအ‌ရောင်းသွက်သည့်ကုန်စည်ုဖြစ်ပြီး၊ ပြည်တွင်း စျေးကွက်တွင် စားသုံးမှုများပြားပြီး၊ပြည်ပတင်ပို့သည့်အမယ်တစ်မျိုးဖြစ်ပါတယ်။ မန္တလေးတိုင်း ဒေသကြီးအတွင်း အောင်မြေသာစံခရိုင်၊ အမရပူရခရိုင်၊ ပြင်ဦးလွင်ခရိုင်၊ ကျောက်ဆည်ခရိုင်၊ မိတ္ထီလာခရိုင်၊ ရမည်းသင်းခရိုင်၊ မြင်းခြံခရိုင်နှင့် ညောင်ဦးခရိုင်တို့တွင် ဆောင်းသီးနှံကုလားပဲအဖြစ် နိုဝင်ဘာလမှ စတင်စိုက်ပျိုးလျက်ရှိပြီး၊ ဖေဖော်ဝါရီလ လယ်ခန့်တွင် ခူးဆွတ်နိုင်မည်ဖြစ်ကြောင်း သိရပါတယ်။ မန္တလေးတိုင်း‌ဒေသကြီးအနေဖြင့် ပဲမျိုးစုံအဓိက စိုက်ပျိုးထွက်ရှိသည့် တိုင်းတစ်ခုအပါ အဝင်ဖြစ်ပြီး၊၂၀၂၄-၂၀၂၅ ခုနှစ်တွင် ပဲမျိုးစုံစိုက်ပျိုးမှုအနေဖြင့် စိုက်ပျိုးမှုပေါင်း (၁၃၇၆၂၅၃)ဧကဖြစ် ကြောင်းသိရပါတယ်။ကုလားပဲစားသုံးမှုအနေဖြင့်၊ ကုလားပဲလုံး၊ကုလားပဲခြမ်း၊ ကုလားပဲအစိမ်းမှုန့်၊ ကုလားပဲအကြက်မှုန့်၊ ကုလားပဲကြော်၊ကုလားပဲသုံးစွဲသည့်စားသောက်ကုန်များ၊ ကုလားပဲပင်ပေါက်၊ ကုလားပဲဟင်းရည်၊ အသားများဖြင့် တွဲဖက်၍ ချက်စားခြင်း၊ ကြော်စား၊ နှပ်စား၊ အသုပ်အဖြစ် စားခြင်း၊ အရည် သောက်ချက်စားသုံးခြင်း၊ ကုလားပဲကြော်အား လက်ဖက်နှင့်တွဲဖက်၍ စားသုံးကြ ကြောင်း သိရပါတယ်။ ကုလားပဲသီးနှံမှာ အဟာရဓာတ်များစွာပါဝင်ပြီး၊ အသားဓာတ်နှင့် ကစီဓာတ် တို့ ပါဝင် သည့်အတွက် သတ်သတ်လွတ်စားသုံးသူများမှ အသားအစားထိုးစားသုံးသင့်တဲ့ အစားအစာတစ်မျိုး ဖြစ်ပါတယ်။ဆောင်းသီးနှံကုလားပဲမှာ တစ်နှစ်ပတ်လုံး ပြည်တွင်းစားသုံးမှု စျေးကွက်တွင် သုံးစွဲမှုများသည့်အမယ်ဖြစ်ပြီး၊ပြည်ပသို့ တင်ပို့သည့်စျေးကွက်လိုအပ်ချက်များသည့် ပဲတစ်မျိုးဖြစ်ကြောင်း သိရပါတယ်။ဒေသအသီးသီးမှထွက်ရှိသည့်ပဲ၊ပြောင်း၊နှမ်းသီးနှံမျိုးစုံ ဝင်ရောက် လျက်ရှိသည့် မန္တလေးပွဲစား၊ကုန်သည်စက်ပိုင်များမဟာကထိန်တော်အသင်းတွင် ဇန်နဝါရီလ နောက်ဆုံးပတ်အတွင်း ဖြစ်ပေါ်လျက်ရှိသည့်ကုလားပဲ အမျိုးအစားအလိုက်ပေါက်စျေးများမှာ တစ်တန်လျှင် ကုလားပဲ (ဗမာ) ၂၈၃၀၆၀၃ ကျပ်၊ကုလားပဲ(ထိုင်ဝမ်) ၂၈၃၀၆၀၃ ကျပ်နှင့် ၂၈၀၈၈၂၉ ကျပ်၊ကုလားပဲဖြူ(လုံးကြီး) ၂၆၇၄၁၉၂ ကျပ်၊တစ်ပိဿာပေါက်စျေးများမှာ  ကုလားပဲ(ဗမာ) ၄၆၂၂ ကျပ်၊ ကုလားပဲ (ထိုင်ဝမ်)၄၆၂၂ကျပ် နှင့် ၄၅၈၇ ကျပ်၊ကုလားပဲဖြူ(လုံးကြီး) ၄၃၆၇ ကျပ်အသီးသီး ဖြစ်ပေါ်လျက်ရှိပြီး၊စျေးနှုန်းအနေဖြင့် ရက်အလိုက်အနည်းပြောင်းလဲမှု ရှိနိုင်ကြောင်းသိရပါတယ်။ ကုလားပဲသီးနှံမှာ ပြည်တွင်းစျေးကွက်တွင် အရောင်းသွက်သည့်ပဲတစ်မျိုးဖြစ်ပြီး၊ ပြည်ပတင်ပို့သည့် သည့်စျေးကောင်းရသီးနှံတစ်မယ်ဖြစ်ကြောင်း တင်ပြလိုက်ရပါတယ်။   

DOCA(မန္တလေး)

               မန္တလေးတိုင်းဒေသကြီးအတွင်းနေကြာသီးနှံကို ရမည်းသင်းခရိုင်နှင့် ကျောက်ဆည် ခရိုင်တို့တွင် အများဆုံးစိုက်ပျိုးပါသည်။၂၀၂၃-၂၀၂၄ ခုနှစ်တွင် ဧက(၁.၇)သိန်းစိုက်ပျိုးရန် လျာထားသော်လည်း (၁.၈) သိန်းကျော်စိုက်ပျိုးမှုရှိခဲ့ရာ လျာထားချက်ထက် ဧက (၂၀၀၀)ကျော် ပိုမိုစိုက်ပျိုးခဲ့ပြီး ပျှမ်းမျှအထွက်နှုန်း(၂၃.၉၆)တင်းဖြင့် အထွက်တင်းပေါင်း (၄၃)သိန်းကျော် ထွက်ရှိခဲ့ပါသည်။နေကြာတစ်ဧကစိုက်ပျိုးမှုကုန်ကျစရိတ်အနေဖြင့် (၄)သိန်း‌ကျော်ခန့်ကုန်ကျပြီး၊ ဈေးကောင်းရရှိခဲ့သဖြင့်တောင်သူများ တွက်ချေကိုက်မှုရှိသောသီးနှံဖြစ်ပါသည်။ ယခုနှစ်တွင် စိုက်ဧက(၁.၈)သိန်းကျော် စိုက်ပျိုးရန်လျာထားကြောင်းသိရှိရပါသည်။ မန္တလေးတိုင်းဒေသကြီး အတွင်းရှိ ဆီစက်များအနေဖြင့် နေကြာကို မန္တလေးကုန်စည်ဒိုင်မှ တစ်ဆင့်ဝယ်ယူကြပြီး ရောင်းဝယ်ကြိတ်ခွဲလျက်ရှိပါသည်။နေကြာဆီကြိတ်ခွဲ ထုတ်လုပ်မှုအနေဖြင့် နေကြာစေ့တစ်တင်း ကြိတ်ခွဲပါက နေကြာဆီ (၂.၅ မှ ၃) ပိဿာထွက်ရှိပါသည်။တိုင်းဒေသကြီးအတွင်းသို့ နေကြာ သီးနှံများ နယ်စုံမှဝင်ရောက်မှုရှိပြီး တိုင်းတွင်းဒေသများဖြစ်သော တံတားဦး၊ မန္တလေးမြို့နှင့် အနီးတစ်ဝိုက်ဒေသများ၊စစ်ကိုင်းတိုင်း(မြင်းမူ)၊ ရှမ်းပြည်နယ်တောင်ပိုင်းနှင့်မြောက်ပိုင်း၊ ကချင် ပြည်နယ်(မိုးကောင်း၊မိုးညှင်း)ဒေသများမှဝင်ရောက်လေ့ရှိပါသည်။မန္တလေးကုန်စည်ဒိုင်ဈေးကွက် တွင် လက်ရှိဖြစ်ပေါ်နေသောဈေးနှုန်းများမှာ ဆီနေကြာ(၂၇)ပိဿာဝင် တစ်အိတ်လျှင် (၁၇၅၀၀၀-၁၈၀၀၀၀)ကျပ်၊ နေကြာဆီ တစ်ပိဿာလျှင် (၁၄၅၀၀-၁၅၀၀၀)ကျပ်၊ နေကြာဖတ် (၁)ပိဿာလျှင် (၃၇၀၀-၃၈၀၀)ကျပ်ဈေးရှိပြီး၊ ယခင်နှစ်ကာလတူ ဈေးနှုန်းများအနေဖြင့် ဆီနေကြာ (၂၇)ပိဿာဝင် တစ်အိတ်လျှင် (၁၂၀၀၀၀-၁၂၅၀၀၀)ကျပ်၊ နေကြာဆီ တစ်ပိဿာ လျှင် (၁၃၀၀၀)ကျပ်၊ နေကြာဖတ်(၁)ပိဿာလျှင်(၁၈၀၀-၁၈၅၀)ကျပ်ဈေးရှိကြောင်း ကုန်စည်ဒိုင် ဈေးကွက်မှသတင်းရရှိပါသည်။

DOCA(မန္တလေး)