ပြည်တွင်းကုန်သွယ်မှုသတင်း

            ဇီးဖြူသီးသည် မြန်မာနိုင်ငံတွင် လူသိများသော သစ်သီးတစ်မျိုးဖြစ်ပြီး ဆေးဖက်ဝင်အပင် ဖြစ်လည်းထင်ရှားပါသည်။ မြန်မာနိုင်ငံ၏ ပူပြင်းခြောက်သွေ့သော ဒေသများတွင် ပိုမိုဖြစ်ထွန်းပြီး ကန့်ဘလူခရိုင်၌လည်း ဇီးဖြူပင်များ အလေ့ကျပေါက်နေသည်ကို နေရာအနှံ့အပြားတွင်တွေ့ရသည်။ ဇီးဖြူပင်များကို နေအိမ်ခြံစည်းရိုးများ၌လည်းကောင်း၊ လယ်တော၊ ယာတောများတွင် စိုက်ပျိုးပြီး မိမိတို့အိမ်တွင် စားသုံး၍ပိုလျှံသည့်အသီးများကို ဇီးဖြူသီးအစိုနှင့် ဇီးဖြူသီးအခြောက်ပြုလုပ်၍ ကန့်ဘလူမြို့မဈေးတွင် ရောင်းချကြောင်း သိရသည်။

             ဇီးဖြူသီးသည် အနံ့အရသာထူးခြားပြီး ချဉ်ဖန်သောအရသာရှိသည့်အတွက် လူကြိုက်များ သောအသီးတစ်မျိုးဖြစ်သည်။ ထို့ကြောင့် ဇီးဖြူသီးကို ဇီးဖြူသီးအစိမ်းထောင်း၊ ဇီးဖြူသီးသနပ်နှင့် ဇီးဖြူသီးကို ကြာရှည်အသုံးပြုနိုင်ရန် အခြောက်လှန်း၍လည်း စားသုံးကြသည်။ ယခုအခါ ကန့်ဘလူမြို့၊ မြို့မဈေးတွင် ဇီးဖြူသီးအစိမ်း နို့ဆီဘူး(၁)ဘူးလျှင်(၃၀၀)ကျပ်၊ (၁)ပြည်လျှင် (၂၂၀၀) ကျပ်၊ ဇီးဖြူသီးအခြောက် (၁)ဘူးလျှင် (၁၀၀၀)ကျပ်၊ (၁)ပြည်လျှင် (၇၇၀၀)ကျပ်ဖြင့်ရောင်းချလျက် ရှိကြောင်း ကုန်စိမ်းရောင်းချသူများထံမှ သိရှိရပါသည်။

DOCA(စစ်ကိုင်း)       

ပဲခူးတိုင်းဒေသကြီး (အနောက်ပိုင်း) ပြည်ခရိုင်၊ ပြည်မြို့နယ်တွင် ခရမ်းချဉ်သီးများလှိုင်လှိုင် ပေါ်များလာ၍ ဈေးနှုန်းများကျဆင်းလာကာ စားသုံးသူပြည်သူများ ဝယ်လိုအား များပြားလာ ကြောင်း သိရပါသည်။ ပြည်မြို့ မြို့မစည်ပင်သာယာဈေးကြီးနှင့် အခြားဈေးများတွင် မှော်ဇာ၊ ပုတီးကုန်း၊ အင်းမမြို့နှင့် အခြားကျေးရွာများ၊ ပြည်မြို့အနီးတဝှိက်ရှိ တပိုင်တနိုင်စိုက်ပျိုးသော ခရမ်းချဉ်သီးစိုက်တောင်သူများမှ တိုက်ရိုက်လာရောက်ရောင်းချသလို ကုန်စိမ်းဒိုင်များမှတဆင့် ပြန်လည်ရောင်းချကြပါသည်။ ယခုလ ဇန်နဝါရီလ ပထမပတ်စတင်၍ ဈေးနှုန်းများတဖြည်းဖြည်း ကျဆင်းလာကာ ယခုပတ် ဇန်နဝါရီလ နောက်ဆုံးပတ်တွင် ကိုင်းခရမ်းချဉ်သီး (တောသီး) နှင့် ထိုင်ဝမ် ခရမ်းချဉ်သီး(ရှမ်းသီး)များ ဈေးနှုန်းပြန်လည်ကျဆင်းလာသောကြောင့် ဝယ်လိုအားများပြီး အရောင်း အဝယ်ဖြစ်ကြောင်း သိရပါသည်။ ယခင်လက ကိုင်းခရမ်းချဉ်သီး (တောသီး) တစ်ပိဿာလျှင် ကျပ် (၈၀၀၀)ကျပ်၊ ထိုင်ဝမ်ခရမ်းချဉ်သီး (ရှမ်းသီး) တစ်ပိဿာလျှင် ကျပ် (၅၀၀၀) ရှိသော်လည်း ယခု ဇန်နဝါရီလ ဒုတိယပတ်တွင် တစ်ပိဿာလျှင် ကျပ် (၃၀၀၀) နှင့် ထိုင်ဝမ် ခရမ်းချဉ်သီး (ရှမ်းသီး) တစ်ပိဿာလျှင် ကျပ် (၁၅၀၀) ထိ ဈေးနှုန်းများကျဆင်းလာသောကြောင့် ဝယ်လိုအားများလာပြီး အရောင်းအဝယ်ပိုမိုဖြစ်လာကြောင်း သိရှိရပါသည်။

DOCA(ပဲခူး)

ရွှေတောင်မြို့၊ မင်းတဲကျွန်းအုပ်စု၊ မင်းတဲကျွန်းကျေးရွာရှိ တောင်သူဦးအောင်ဝင်း၏ ခရမ်းချဉ်သီး စိုက်ခင်းသို့ (၃.၂.၂၀၂၅)ရက်နေ့ နံနက်(၁၀)နာရီတွင် သွားရောက် ဈေးနှုန်းအခြေအနေနှင့် အကျိုးအမြတ်သိရှိနိုင်ရန် ကွင်းဆင်းလေ့လာခဲ့ပါသည်။ ကိုင်းခရမ်းချဉ်သီး (ချက်ပြား) သီးမျိုးဖြစ်ပြီး ဒေသမျိုးကိုစိုက်ပျိုး၍ ပျိုးရက် (၂၀)ရက်ထိ ပျိုးပြီးမှ တစ်ပင်နှင့်တစ်ပင် (၃)ပေခြားပြီး စိုက်ရပါသည်။ တန်ဆောင်မုန်းလတွင်စတင်စိုက်ပျိုးပြီး ပြာသိုလတွင် စတင်ခူးဆွတ် ရပါသည်။ စိုက်ဧက (၃) ဧကရှိပြီး တစ်ခါခူးဆွတ်လျှင်အချိန် (၂၀၀)ကျော်ခူးဆွတ်ရရှိပြီး အသီးပေါ်မူတည်၍ (၃)ရက်ခြားတစ်ခါ ခူးဆွတ်ရပါသည်။ ခရမ်းချဉ်သီးထွက်ပေါ်ချိန်တွင် ဒိုင်များမှ စိုက်ခင်းထိလာရောက်၍ (၁)ပိဿာလျှင် (၁၈၀၀)ကျပ်ဖြင့်ဝယ်ယူပြီး လက်လီပြန်လည် ရောင်းချကြ ပါသည်။ လက်လီဈေးမှာကိုင်းခရမ်းချဉ်သီး (၁)ပိဿာကို (၄၀၀၀)ကျပ်ဖြင့် ရောင်းချနေကြပါသည်။ ကိုင်းခရမ်းချဉ်သီး ခူးဆွတ်မှုကြာချိန်မှာ ၁လခွဲမှ၂လခွဲလောက် ကြာပြီး ကုန်ကျစရိတ်စုစုပေါင်း (၅)သိန်းဝန်းကျင် ကုန်ကျပြီး အကျိုးအမြတ်မှာ အရင်းနဲပြီး အမြတ်များ များရရှိကြောင်း သိရှိရပါသည်။

DOCA(ပဲခူး)

       ပန်းဂေါ်ဖီစိမ်းများကို ပြည်မြို့အနီးတစ်ဝိုက်ရှိရွာများဖြစ်သော ချောင်းနားတန်း၊ ပိုးခေါင်ရွာ များနှင့် ပြည်မြို့‌ပေါ်ဥယျာဉ်ခြံများဖြစ်သော ရှမ်းစုရွာ၊ ချင်းစု၊ ဥယျာဉ်စုရွာများတွင် တစ်နိုင်တစ်ပိုင် စိုက်ပျိုးလျက်ရှိပြီး ယခုဖေဖော်ဝါရီလ ပထမအပတ်တွင် ပြည်မြို့ပေါ်လက်လီဈေးများသို့ ရက်ခြား အပွင့် (၄၀-၅၀)ခန့် တင်သွင်းရောင်းချလျက်ရှိနေကြောင်းသိရပါသည်။ ပေါ်ဦးပေါ်ဖျားမို့ ပြည်မြို့ပေါ် ဈေးကွက်အတွင်း ဈေးကောင်းလျက်ရှိပြီး ပန်းဂေါ်ဖီစိမ်း တစ်ပွင့်လျှင် ကျပ်(၁၅၀၀)နှုန်းထိ ရရှိပြီး ဖေဖော်ဝါရီလလယ်ခန့်တွင် လှိုင်လှိုင်ထွက်ပေါ်မှာဖြစ်ကာ တစ်ပွင့်လျှင် ကျပ်(၇၀၀-၈၀၀) နှုန်းများဖြင့်သာ ရောင်းချရတော့မည်ဖြစ်ကြောင်း သိရသည်။

DOCA(ပဲခူး)

       ယခုဇန်နဝါရီနောက်ဆုံးပတ်တွင် ကြက်သွန်နီအဓိကစိုက်ပျိုးရာ မကွေးတိုင်းမှ မိုးစိုက်ကြက် သွန်နီများ ဝင်ရောက်မှုများနေကြောင်းသိရပြီး တစ်ရက်လျှင် အောင်လံ၊ တောင်တွင်း၊ စစ်တလင်း ဘက်မှ ကြက်သွန်နီပိဿာချိန် (၇၀၀၀)ခန့် ရေနံချောင်းကြက်သွန်နီ ပိဿာချိန် (၄၀၀၀) ခန့်နှင့် ဆိပ်ဖြူ၊ ပခုက္ကူဘက်မှ ကြက်သွန်နီ ပိဿာချိန် (၅၅၀၀)ခန့် အဝင်ရှိပြီး စုစုပေါင်း တစ်ရက်ကိုပိဿာ ချိန် (၁၆၅၀၀)ခန့် အဝင်ရှိနေကြောင်း သိရှိရပါသည်။ အဝင်များ လှိုင်လှိုင်ဝင်ရောက်နေသဖြင့် ပြည် ဈေးကွက်အတွင်း ပစ္စည်းလက်ကျန်များနေပြီး ဈေးနှုန်းမှာ မြို့သစ်ဈေး (၂၇၀၀-၃၃၀၀-၃၅၀၀-၃၈၀၀) ကျပ်နှုန်းရှိပြီး၊ ပျမ်းမျှ တစ်ပိဿာလျှင် ယခင်က ဈေးနှုန်းနှင့် နှိုင်းယှဉ်ပါက (၃၀၀)ကျပ်ခန့် ကျဆင်းသွားပါသည်။ အရောင်းအဝယ်အားဖြင့် အိတ်ဆွဲဝယ်ရောင်းသမားများး ဒေသတွင်းလက်လီ ဝယ်လက်သမားများနှင့် သာယာဝတီခရိုင်၊ ပန်းတောင်း(ဥသျှစ်ပင်)၊ ဧရာဝတီ(ကြံခင်း၊ မြန်အောင်) တို့ဘက်သို့ နယ်ကျော်စီးဆင်းမှုအဖြစ် ကားလမ်း၊ ရေကြောင်းလမ်းတို့ဖြင့် အရောင်းအဝယ်ဖြစ်လျက် ရှိနေသည်။ ဈေးနှန်းများမှာ ပြည်ပွဲရုံ လက္ကားဈေး တစ်ပိဿာလျှင် (ကြီး၊ လတ်၊ သေး) ကျပ်(၃၅၀၀-၃၀၀၀-၂၈၀၀)တို့ဖြင့် မြို့ပေါ်လက်လီဈေးများတွင် ကျပ်(၃၉၀၀/၃၆၀၀-၃၄၀၀/၃၀၀၀-၃၂၀၀)နှုန်း တို့ဖြင့် အသီးသီးရောင်းဝယ်လျက်ရှိကြောင်း သိရပါသည်။

DOCA(ပဲခူး)