ပြည်တွင်းကုန်သွယ်မှုသတင်း

      အောင်လံကုန်စည်ဒိုင်တွင် နှမ်းဈေးကွက်အနေဖြင့် နှမ်းနက်(စမုံ)(၄၅)ပိဿာ(၁)အိတ်လျှင် ယခင် အပတ် (၁၃-၁၂-၂၀၂၃)ရက်နေ့တွင် ကျပ်(၂၈၀၀၀၀-၃၃၀၀၀၀)ဖြစ်ပြီး ယခုအပတ်(၁၉-၁၂-၂၀၂၃) ရက်နေ့ တွင်လည်း ကျပ်(၃၁၀၀၀၀-၃၄၀၀၀၀)ဖြစ်၍ ကျပ်(၁၀၀၀၀-၃၀၀၀၀) ဈေးမြင့်ခဲ့ကြောင်း၊ နှမ်းပြာ ယခင်အပတ် တွင်  ကျပ်(၂၈၀၀၀၀)ဖြစ်ပြီး ယခုအပတ်တွင် ကျပ်(၃၀၀၀၀၀)ဖြစ်၍ ကျပ်(၂၀၀၀၀)စသည်ဖြင့် အသီးသီးဈေး မြင့်ခဲ့ပါသည်။ နှမ်းဖြူမှာ ယခင်အပတ်တွင် ကျပ် (၂၉၀၀၀၀-၃၀၀၀၀၀)ဖြစ်ပြီး ယခုအပတ်တွင်လည်း ကျပ် (၂၉၀၀၀၀-၃၀၀၀၀၀)၊ နှမ်းနီ ယခင်အပတ်တွင် ကျပ်(၂၈၀၀၀၀)ဖြစ်ပြီး ယခုအပတ်တွင်လည်း ကျပ် (၂၈၀၀၀၀)ဖြစ်၍ ဈေးနှုန်းပြောင်းလဲမှုမရှိဘဲ အရောင်းအဝယ်ပမာဏအနေဖြင့် (၄၅)ပိဿာဝင်အိတ် များဖြင့် နှမ်းနက်(စမုံ)(၁၃၅၀)အိတ်၊ နှမ်းနီ(၁၁၀)အိတ်၊ နှမ်းဖြူ(၉၀)အိတ်၊ နှမ်းပြာ (၃၆၀)အိတ်တို့ အရောင်းအဝယ် ရှိခဲ့ပါကြောင်း အောင်လံကုန်စည်ဒိုင်မှ သိရှိရပါသည်။

         ပဲမျိုးစုံဈေးကွက်အနေဖြင့် မတ်ပဲ(၂၀)ပိဿာ(၁)တင်းလျှင် ယခင်အပတ်တွင် ကျပ်(၉၁၀၀၀)ဖြစ် ပြီး ယခုအပတ်တွင် ကျပ်(၉၂၀၀၀)ဖြစ်၍ ကျပ်(၁၀၀၀)ဈေးမြင့်ခဲ့ကြောင်း၊ ကုလားပဲ(H-L) ယခင်အပတ်တွင် ကျပ်(၉၂၅၀၀) ဖြစ်ပြီး ယခုအပတ်တွင် ကျပ်(၉၂၇၀၀)ဖြစ်၍ ကျပ်(၂၀၀)ဈေးမြင့်ခဲ့ကြောင်း၊ ပဲတီစိမ်း ယခင် အပတ်တွင် ကျပ်(၆၁၀၀၀)ဖြစ်ပြီး ယခုအပတ်တွင် ကျပ်(၆၁၅၀၀)ဖြစ်၍ ကျပ်(၅၀၀)ဈေးမြင့်ခဲ့ကြောင်း၊ ဘိုကိတ်ပြာ ယခင်အပတ်တွင် ကျပ်(၆၈၀၀၀)ဖြစ်ပြီး ယခုအပတ်တွင် ကျပ်(၇၅၀၀၀)ဖြစ်၍ ကျပ်(၇၀၀၀) စသည်ဖြင့် အသီးသီးဈေးမြင့်ခဲ့ပြီး ပဲစဉ်းငုံ(နီ)မှာ ယခင်အပတ်တွင် ကျပ်(၁၀၀၀၀၀)ဖြစ်ပြီး ယခုအပတ်တွင် ကျပ်(၉၄၅၀၀-၉၅၀၀၀)ဖြစ်၍ ကျပ်(၅၅၀၀-၅၀၀၀)ဈေးလျောခဲ့ပါသည်။ ကုလားပဲ(မြကြေး) ယခင်အပတ် တွင် ကျပ်(၉၁၀၀၀)ဖြစ်ပြီး ယခုအပတ်တွင်လည်း ကျပ်(၉၁၀၀၀)၊ ပဲကြီး ယခင်အပတ်တွင် ကျပ်(၁၂၅၀၀၀-၁၃၀၀၀၀)ဖြစ်ပြီး ယခုအပတ်တွင်လည်း ကျပ်(၁၂၅၀၀၀-၁၃၀၀၀၀)ဖြစ်၍ ဈေးနှုန်းပြောင်းလဲမှုမရှိဘဲ  အရောင်းအဝယ်ပမာဏအနေဖြင့်  (၃၀)ပိဿာဝင်အိတ်များဖြင့် မတ်ပဲ(၁၂၀)အိတ်၊ ဘိုကိတ်ပြာ(၁၁၀) အိတ်၊ ကုလားပဲ(H-L)(၁၇၀၀)အိတ်၊ ကုလားပဲ(မြကြေး)(၈၃၀)အိတ်၊ ပဲကြီး(၂၀၀)အိတ်၊ ပဲတီစိမ်း(၁၈၅၀) အိတ်၊ ပဲစဉ်းငုံနီ(၂၃၀)အိတ်တို့ အရောင်းအဝယ်ဖြစ်ခဲ့ပါသည်။

       မြေပဲလုံးဆံဖြူ(၁)ပိဿာလျှင် ယခင်အပတ်တွင် ကျပ်(၅၈၀၀)ဖြစ်ပြီး ယခုအပတ်တွင် ကျပ် (၆၁၅၀)ဖြစ်၍ ကျပ်(၃၅၀)ဈေးမြင့်ခဲ့ကြောင်း၊ မြေပဲလုံးဆံနီ(၁)ပိဿာလျှင် ယခင်အပတ်တွင် ကျပ် (၅၈၀၀)ဖြစ်ပြီး ယခုအပတ်တွင် ကျပ်(၆၇၀၀-၆၈၀၀)ဖြစ်၍ ကျပ်(၉၀၀-၁၀၀၀)ဈေးမြင့်ခဲ့ကြောင်း၊  မြေပဲ တောင့်အစို(၁)တင်းလျှင် ယခင်အပတ်တွင်  ကျပ်(၂၁၀၀၀-၂၃၀၀၀)ဖြစ်ပြီး ယခုအပတ်တွင် ကျပ်(၂၅၀၀၀-၂၈၀၀၀)ဖြစ်၍ ကျပ်(၄၀၀၀-၅၀၀၀)စသည်ဖြင့် အသီးသီးဈေးမြင့်ခဲ့ပါသည်။ အရောင်းအဝယ်ပမာဏ အနေဖြင့် (၃၀)ပိဿာဝင် အိတ်များဖြင့် မြေပဲလုံးဆံဖြူ(၈၀၀)အိတ်၊ မြေပဲလုံးဆံနီ(၃၅၀)အိတ်၊ မြေပဲတောင့် အစိုတင်း(၄၅၀၀)ခန့် အရောင်းအဝယ်ရှိခဲ့ပါကြောင်း၊ အပတ်စဉ်ပုံမှန်ရန်ကုန်မြို့နှင့်မန္တလေးမြို့များသို့ တင်ပို့ရောင်းချလျက်ရှိကြောင်း၊ ဝါသီးနှံမှာ ယခင်အပတ်တွင် ကျပ်(၃၁၀၀-၃၂၀၀)ဖြစ်ပြီး ယခုအပတ် တွင် ကျပ်(၃၁၀၀-၃၂၅၀)ဖြစ်၍ ကျပ်(၅၀)ဈေးမြင့်ခဲ့ပြီး ဝါပိဿာချိန်(၂၈၀၀၀)ပိဿာ အရောင်း အဝယ်ရှိခဲ့ပါ ကြောင်းနှင့် ယခုရာသီအချိန်အခါမှာ ဝါသီးနှံများလှိုင်လှိုင်ထွက်ရှိသည့်အချိန်အခါဖြစ်ပြီး အမြင့်ဈေးနှုန်း များဖြင့် အရောင်းအဝယ်ဖြစ်လျက်ရှိပါကြောင်း အောင်လံကုန်စည် ဒိုင်မှ သိရှိရပါသည်။

DOCA(မကွေး)

    ပဲခူးတိုင်ဒေသကြီး၊ ပြည်ခရိုင်၊ ပေါက်ခေါင်းမြို့နယ်အနေဖြင့် (၂၀၂၃-၂၀၂၄) ဘဏ္ဍာနှစ်တွင် ကြံစိုက်ဧကမှာ (၂၀၀၀၀)ဧကကျော်ရှိပြီး ယခုအချိန်တွင် ကြံများထွက်ပေါ်လာပြီဖြစ်၍ သကြားစက်များသို့တင်ပို့ရောင်းချကြောင်းသိရပါသည်။ ယခုနှစ်တွင် ကြံအထွက်နှုန်းအနေဖြင့် တစ်ဧကလျှင် (၃၇)တန်ခန့်ထွက်ရှိပြီး ယခင်နှစ်တွင်လည်း တစ်ဧကလျှင် (၃၇)တန်ခန့်ထွက်ရှိ၍ အထွက်နှုန်းတူသော်လည်း ဈေးနှုန်းကွားခြားကြောင်း တွေ့ရပါသည်။ ပေါက်ခေါင်းမြို့ရှိ ကျေးရွာများမှထွက်ရှိသော ကြံများကို အင်ငါးခွသကြားနှင့် နဝဒေးသကြားစက်သို့ တင်ပို့ရောင်းချကြပါသည်။ ကြံဈေးနှုန်းအနေဖြင့် တစ်တန်လျှင် (၁၂၅၀၀၀)ကျပ်ဈေးဖြင့် ရောင်းဝယ်လျက်ရှိပြီး ယခင်နှစ်တွင် ကြံတစ်တန်လျှင် (၇၅၀၀၀)ကျပ်ဈေးနှုန်းဖြင့် အရောင်းအဝယ်ဖြစ်ခဲ့၍ ယခုနှစ်တွင် ကြံဈေးနှုန်းများမြင့်တက်လာသည်ကိုတွေ့ရပါသည်။ ထိုကြောင့် ကြံစိုက်သူတောင်သူများအနေဖြင့် ကြံအထွက်နှုန်းလည်းကောင်းပြီး ဈေးကောင်းလည်းရရှိ၍ အကျိုးအမြတ်များရရှိကာ တွက်ချေကိုက်သောနှစ်ဖြစ်ကြောင်းသိရပါသည်။

DOCA(ပဲခူး)

     ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်၊ သိမ်ဖြူဈေးကြီးသို့ ဘုရင့်နောင် ကုန်စည်ဒိုင်နှင့် ရှမ်းပြည်နယ်တို့မှ ကြက်သွန်ဖြူ၊ ကြက်သွန်နီများသည် ကား/ရထားတို့ဖြင့် နေ့စဉ်ဝင်ရောက်လျက်ရှိပြီး လက်လီ/လက်ကားပြန်လည်ရောင်းချလျက်ရှိရာ ၇.၁၂.၂၀၂၃ မှ ၁၃.၁၂.၂၀၂၃ ရက်အတွင်း ကြက်သွန်နီ(ဆိပ်ဖြူ)အဝင် ၂၆၉၅၀ ပိဿာနှင့် ကြက်သွန်ဖြူ (ကြူကုတ်) ၇၁၀၀ ပိဿာ ဝင်ရောက်ခဲ့ကြောင်းနှင့် ကြက်သွန်နီ(ဆိပ်ဖြူ) လက်ကားဈေးမှာ တစ်ပိဿာလျှင် ၂၀၀၀/- ကျပ်မှ ၅၂၀၀/- ကျပ်ထိဖြစ်ပြီး ကြက်သွန်ဖြူ (ကြူကုတ်) လက်ကားဈေးမှာ တစ်ပိဿာလျှင် ၁၂၀၀၀/- ကျပ်မှ ၁၇၀၀၀/- ကျပ်ထိ ဖြစ်ပေါ်ခဲ့ပြီး ၁၄.၁၂.၂၀၂၃ ရက်မှ ၂၀.၁၂.၂၀၂၃ ရက်ထိ ကြက်သွန်နီ(ဆိပ်ဖြူ)အဝင် ၃၁၈၅၀ ပိဿာနှင့်ကြက်သွန်ဖြူ(ကြူကုတ်) ၇၉၀၀ ပိဿာဝင်ရောက်ခဲ့ပြီး ကြက်သွန်နီ(ဆိပ်ဖြူ) လက်ကားဈေးမှာ ၁ ပိဿာလျှင် ၂၇၀၀ ကျပ်မှ ၄၆၀၀ ကျပ်ထိဖြစ်ပြီး ကြက်သွန်ဖြူ (ကြူကုတ်) လက်ကားဈေးမှာ ၁ ပိဿာလျှင် ၁၂၀၀၀ ကျပ်မှ ၂၀၀၀၀/- ကျပ်ထိဖြစ်ပေါ် ခဲ့ကြောင်း သိရှိရပါသည်။

DOCA(ရန်ကုန်)  

      ၁၉.၁၂.၂၀၂၃ရက်နေ့တွင် မင်္ဂလာဒုံခရိုင်၊ ရွှေပြည်သာမြို့နယ်တွင်ရှိသော အိမ်ဆောက်ပစ္စည်းအမျိုးမျိုးရောင်းချနေသည့် ဦးကျော်မင်းဆိုင်သို့ နေ့စဉ်သံချောင်းဈေးနှုန်းများ စုံစမ်းလျက်ရှိရာ သံချောင်းအမျိုးအစားများဖြစ်သော HRB-400, HRB-500,H-Beam, I-Beam နှင့် Hollow ဈေးနှုန်းများမှာ HRB-400 တွင် ပြည်တွင်းဖြစ်နှင့် နိုင်ငံခြားဖြစ် အမျိုးအစားနှစ်မျိုးရှိပါသည်။ HRB-500,H-Beam, I-Beam နှင့် Hollow များသည် နိုင်ငံခြားဖြစ်သာရှိပြီး ယခင်တစ်ပတ်ထက် ယခုတစ်ပတ်တွင် (၁၀၀၀၀ မှ ၁၅၀၀၀) ကျပ်ထိ ဈေးနှုန်းအနည်းငယ်မြင့်တက်လျက်ရှိရာ ထိုသို့ ဈေးနှုန်းတက်ရခြင်းမှာ ပွင့်လင်းရာသီ ဖြစ်သဖြင့်ဆောက်လုပ်ရေးလုပ်ငန်းများ တွင်ကျယ်စွာ လုပ်ကိုင်လာသောကြောင့် ဖြစ်ပါသည်။

DOCA(ရန်ကုန်)  

    စစ်ကိုင်းတိုင်းဒေသကြီး ကန့်ဘလူခရိုင်၌ ၂၀၂၃ခုနှစ်၊ ဒီဇင်ဘာလ စတုတ္ထပတ်အတွင်း ဖြစ်ပေါ်ခဲ့သောစပါး၊ ဆန်ဈေးနှုန်းများမှာ ရွှေဘိုပေါ်ဆန်းစပါး(အသစ်) တင်း(၁၀၀)လျှင် ငွေကျပ် ၂၉၀၀၀၀၀၊ ဧရာမင်းစပါး(အသစ်) တင်း (၁၀၀)လျှင် ငွေကျပ်၂၀၀၀၀၀၀နှင့် ရွှေဘိုပေါ်ဆန်း ဆန်(အသစ်)၂၄ပြည်ပါ တစ်အိတ်လျှင် ငွေကျပ်၁၀၀၀၀၀၊ ရွှေဘိုပေါ်ဆန်းဆန်(အဟောင်း) ၂၄ပြည်ပါတစ်အိတ်လျှင် ငွေကျပ်၁၂၅၀၀၀၊ ဧရာမင်းဆန်(အသစ်) ၂၄ပြည်ပါတစ်အိတ်လျှင် ငွေကျပ်၉၀၀၀၀၊ ဧရာမင်းဆန်(အဟောင်း)၂၄ပြည်ပါတစ်အိတ်လျှင် ငွေကျပ်၁၂၅၀၀၀နှင့် ရွှေဝါထွန်းဆန် ၂၄ပြည်ပါတစ်အိတ်လျှင် ငွေကျပ်၇၀၀၀၀ဖြင့် အရောင်းအဝယ်ဖြစ်ခဲ့ကြောင်း ဒေသခံဆန်စက်လုပ်ငန်းရှင်များထံမှသိရှိရပါသည်။

DOCA(စစ်ကိုင်း)