ပြည်တွင်းကုန်သွယ်မှုသတင်း

    မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့အတွင်း အနောက်ဘက်ကျေးရွာများဖြစ်သည့် ကြက်ဖြူတောကျေးရွာ၊ အုန္နဲတန်းကျေးရွာ၊ ညောင်ကုန်းကျေးရွာနှင့် ပြားတုကျေးရွာများတွင် မြေအောက်ရေတွင်းမှရေကို ရေစုပ်စက်ဖြင့်အသုံးပြုပြီး ၂၀၂၃ခုနှစ်၊ နိုဝင်ဘာလမှစ၍ ဆောင်းသီးနှံ (ခေါ်) ဥစိုက်ကြက်သွန်နီများစိုက်ပျိုးလျက်ရှိကြောင်း သိရှိရပါသည်။

    မျိုးဥများအနေဖြင့် ယခင်နှစ် ဇန်နဝါရီနှင့် ဖေဖော်ဝါရီလတို့တွင် မျိုးစေ့ကြဲပတ်၍စိုက်ပျိုးရာမှ ထွက်ရှိလာသည့် ဒေသခေါ်(ဇော်မွှား)မျိုးဥများကိုစိုက်ပျိုးကြောင်း၊ မျိုးဥ(၁)ပိဿာလျှင် ကျပ်(၄၀၀၀) ဖြင့်ဝယ်ယူရကြောင်း၊ (၁)ဧကစိုက်ပျိုးရာတွင် မျိုးဥပိဿာ(၁၀၀မှ ၁၅၀)ပိဿာခန့်ကုန်ကျကြောင်း၊ မျိုးဥ အရွယ်အစားအကြီး/ အသေးပေါ်မူတည်၍ (၁)ဧကလျှင် ကုန်ကျမှုပိဿာမှာ ကွာခြားလျက်ရှိကြောင်း၊ ဖေဖော်ဝါရီလတွင် စတင်ထွက်ရှိမည်ဖြစ်ကြောင်း၊ ယခင်နှစ်တွင် မျိုးဥ(၁)ပိဿာလျှင် ကျပ်(၂၂၀၀) ဝယ်ယူစိုက်ပျိုးရပြီး (၁)ဧကလျှင် ကုန်ကျစရိတ်အနေဖြင့် ကျပ်(၁၀၀၀၀၀၀) ကုန်ကျကြောင်း၊ အထွက်နှုန်းအနေဖြင့် (၁)ဧကလျှင် ပိဿာချိန်(၂၀၀၀-၂၅၀၀) ပိဿာကြားထွက်ရှိပြီး (၁)ပိဿာလျှင် ကျပ်(၁၅၀၀)ဈေးနှုန်းရရှိါကြောင်း၊ ဈေးကွက်အနေဖြင့် တောင်တွင်းကြီးမြို့ပေါ်ရှိ ပွဲရုံများသို့ရောင်းချကြောင်း၊ ယခုနှစ်တွင် ကုန်ကျစရိတ်အနေဖြင့် ကျပ်(၁၅၀၀၀၀၀) ခန့်မှန်းကုန်ကျကြောင်း၊ ရာသီဥတုကောင်းမွန်ပြီး ယခင်နှစ်ကအထွက်နှုန်းအတိုင်းထွက်ရှိပြီး (၁)ပိဿာလျှင် ကျပ်(၂၅၀၀-၂၈၀၀)ဈေးနှုန်းရရှိပါက တောင်သူများအနေဖြင့် အဆင်ပြေမည်ဖြစ်ပါကြောင်း ကြက်ဖြူတောကျေးရွာမှ ကြက်သွန်နီစိုက်တောင်သူတစ်ဦးထံမှသိရှိရပါသည်။

DOCA(မကွေး)

      ၁၆.၁၂.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

   ၁၅.၁၂.၂၀၂၃ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

   အောင်လံကုန်စည်ဒိုင်တွင် နှမ်းဈေးကွက်အနေဖြင့် နှမ်းနက်(စမုံ)(၄၅)ပိဿာဝင်(၁)အိတ်လျှင် ယခင်အပတ် (၂၉-၁၁-၂၀၂၃)ရက်နေ့တွင် ကျပ်(၂၈၀၀၀၀-၃၂၀၀၀၀)ဖြစ်ခဲ့ပြီး ယခုအပတ်(၅-၁၂-၂၀၂၃)ရက်နေ့တွင် ကျပ် (၂၈၀၀၀၀-၃၃၀၀၀၀)ဖြစ်၍ ကျပ်(၁၀၀၀၀)ဈေးနှုန်းမြင့်တက်ခဲ့ပါသည်။ နှမ်းဖြူမှာ ယခင်အပတ်တွင် ကျပ် (၂၉၀၀၀၀-၃၀၀၀၀၀)ဖြစ်ခဲ့ပြီး ယခုအပတ်တွင်လည်း ကျပ်(၂၉၀၀၀၀-၃၀၀၀၀၀)၊ နှမ်းပြာမှာ ယခင်အပတ်တွင်  ကျပ်(၂၈၀၀၀၀)ဖြစ်ခဲ့ပြီး ယခုအပတ်တွင်လည်း ကျပ်(၂၈၀၀၀၀)၊ နှမ်းနီမှာ ယခင်အပတ်တွင် ကျပ်(၂၈၀၀၀၀) ဖြစ်ခဲ့ပြီး ယခုအပတ်တွင်လည်း ကျပ်(၂၈၀၀၀၀)ဖြစ်၍ ဈေးနှုန်းပြောင်းလဲမှုမရှိဘဲ အရောင်းအဝယ်ပမာဏအနေဖြင့် (၄၅)ပိဿာဝင်အိတ်များဖြင့် နှမ်းနက်(စမုံ)(၂၈၀၀)အိတ်၊ နှမ်းနီ(၁၉၀)အိတ်၊ နှမ်းဖြူ(၁၅၀)အိတ်၊ နှမ်းပြာ(၄၇၀)အိတ်တို့အရောင်းအဝယ်ရှိခဲ့ပါကြောင်း အောင်လံကုန်စည်ဒိုင်မှသိရှိရပါသည်။

    ပဲမျိုးစုံဈေးကွက်အနေဖြင့် မတ်ပဲ(၂၀)ပိဿာဝင်(၁)တင်းလျှင် ယခင်အပတ်တွင် ကျပ်(၈၆၀၀၀)ဖြစ်ခဲ့ပြီး ယခုအပတ်တွင် ကျပ်(၈၉၀၀၀)ဖြစ်၍ ကျပ်(၃၀၀၀)ဈေးနှုန်းမြင့်တက်ခဲ့ကြောင်း၊ ပဲတီစိမ်းမှာ ယခင်အပတ်တွင် ကျပ် (၅၂၅၀၀)ဖြစ်ခဲ့ပြီး ယခုအပတ်တွင် ကျပ်(၅၄၀၀၀)ဖြစ်၍ ကျပ်(၁၅၀၀)ဈေးနှုန်းမြင့်တက်ခဲ့ကြောင်း၊ ဘိုကိတ်ပြာမှာ ယခင်အပတ်တွင် ကျပ်(၅၄၀၀၀)ဖြစ်ခဲ့ပြီး ယခုအပတ်တွင် ကျပ်(၆၁၀၀၀)ဖြစ်၍ ကျပ်(၇၀၀၀) ဈေးနှုန်းမြင့်တက်ခဲ့ကြောင်း၊ ကုလားပဲ(H-L)မှာ ယခင်အပတ်တွင် ကျပ်(၉၀၀၀၀)ဖြစ်ခဲ့ပြီး ယခုအပတ်တွင် ကျပ်(၉၁၀၀၀)ဖြစ်၍ ကျပ်(၁၀၀၀) ဈေးနှုန်းမြင့်တက်ခဲ့ကြောင်း၊ ကုလားပဲ(မြကြေး)မှာ ယခင်အပတ်တွင် ကျပ်(၈၉၀၀၀)ဖြစ်ခဲ့ပြီး ယခုအပတ်တွင် ကျပ် (၉၀၀၀၀)ဖြစ်၍ ကျပ်(၁၀၀၀) စသည်ဖြင့် အသီးသီးဈေးနှုန်းမြင့်တက်ခဲ့ပြီး ယခု၂၀၂၃ခုနှစ်၊ ဒီဇင်ဘာလတွင် ပဲစဉ်းငုံနီစတင်ထွက်ပေါ်လျက်ရှိပြီး ယခုအပတ်အတွင်း ကျပ်(၁၀၀၀၀၀)ဈေးနှုန်းဖြင့် အရောင်းအဝယ်ဖြစ်လျက်ရှိပါသည်။ ပဲကြီးမှာ ယခင်အပတ်တွင် ကျပ်(၁၂၈၀၀၀-၁၃၂၀၀၀)ဖြစ်ခဲ့ပြီး ယခုအပတ်တွင် ကျပ်(၁၂၅၀၀၀-၁၃၀၀၀၀)ဖြစ်၍ ကျပ် (၂၀၀၀ -၃၀၀၀)ဈေးနှုန်းလျော့နည်းခဲ့ပြီး  အရောင်းအဝယ်ပမာဏအနေဖြင့်  (၃၀)ပိဿာဝင်အိတ်များဖြင့် မတ်ပဲ(၃၆၀)အိတ်၊ ဘိုကိတ်ပြာ(၂၂၀)အိတ်၊ ကုလားပဲ(H-L)(၁၀၀၀)အိတ်၊ ကုလားပဲ(မြကြေး)(၈၀၀)အိတ်၊ ပဲကြီး(၄၇၀)အိတ်၊ ပဲတီစိမ်း(၁၇၀၀)အိတ်၊ ပဲစင်းငုံနီ(၃၂၀)အိတ်တို့အရောင်းအဝယ်ဖြစ်ခဲ့ပါသည်။

   မြေပဲလုံးဆံဖြူ(၁)ပိဿာလျှင် ယခင်အပတ်တွင် ကျပ်(၅၆၀၀)ဖြစ်ခဲ့ပြီး ယခုအပတ်တွင် ကျပ် (၅၅၅၀)ဖြစ်၍ ကျပ်(၅၀)ဈေးနှုန်းလျော့နည်းခဲ့ကြောင်း၊ မြေပဲလုံးဆံနီ(၁)ပိဿာလျှင် ယခင်အပတ်တွင် ကျပ် (၅၆၅၀)ဖြစ်ခဲ့ပြီး ယခုအပတ်တွင် ကျပ် (၅၅၀၀)ဖြစ်၍ ကျပ်(၁၅၀) စသည်ဖြင့် အသီးသီးဈေးနှုန်းလျော့နည်းခဲ့ပါသည်။ မြေပဲတောင့်အစိုမှာ (၁)တင်းလျှင် ယခင်အပတ်တွင်  ကျပ်(၁၈၀၀၀-၂၀၀၀၀)ဖြစ်ခဲ့ပြီး ယခုအပတ်တွင်လည်း ကျပ်(၁၈၀၀၀-၂၀၀၀၀)ဖြစ်၍ ဈေးနှုန်းပြောင်းလဲမှုမရှိဘဲ အရောင်းအဝယ်ပမာဏအနေဖြင့် (၃၀)ပိဿာဝင် အိတ်များဖြင့် မြေပဲလုံးဆံဖြူ(၉၅၀)အိတ်၊ မြေပဲလုံးဆံနီ(၂၀၀)အိတ်၊ မြေပဲတောင့်အစို တင်း(၄၅၀၀)ခန့်အရောင်းအဝယ်ရှိခဲ့ကြောင်း၊ အပတ်စဉ် ပုံမှန် ရန်ကုန်မြို့နှင့်မန္တလေးမြို့များသို့ တင်ပို့ရောင်းချလျက်ရှိကြောင်း၊ ဝါသီးနှံမှာ ယခင်အပတ်တွင် ကျပ်(၃၀၀၀-၃၀၅၀)ဖြစ်ခဲ့ပြီး ယခုအပတ်တွင် ကျပ်(၃၀၅၀-၃၁၀၀)ဖြစ်၍  ကျပ်(၅၀)ဈေးနှုန်းမြင့်တက်ခဲ့ပြီး ဝါပိဿာချိန်(၂၃၀၀၀)ပိဿာအရောင်းအဝယ်ရှိခဲ့ကြောင်း အောင်လံကုန်စည်ဒိုင်မှသိရှိရပါသည်။

DOCA(မကွေး)

    မကွေးတိုင်းဒေသကြီး၊ အစိုးရအဖွဲ့၏လမ်းညွှန်မှာကြားချက်ဖြင့် သရက်ခရိုင်စီမံအုပ်ချုပ်ရေးအဖွဲ့ဥက္ကဋ္ဌနှင့် ဆီကုန်သည်ကြီးများအသင်းတို့၏ စီမံပေးမှုအရ (၆-၁၂-၂၀၂၃)ရက်နေ့၊ နေ့လယ်(၁၄း၀၀)နာရီအချိန်မှစတင်၍ ကံမမြို့၊ အမှတ်(၁)၊ (၂)၊ (၃)၊ (၄)ရပ်ကွက်များရှိ အိမ်ထောင်စုများနှင့် ဇီးတောကျေးရွာ၊ ကညင်တိုင်းကျေးရွာတို့ရှိ အိမ်ထောင်စုများအား သက်သာသောဈေးနှုန်းဖြစ်သည့်  စားအုန်းဆီ(၁)ပိဿာလျှင် ကျပ်(၅၇၀၀)ဈေးနှုန်းဖြင့် စားအုန်းဆီများရောင်းချပေးခဲ့ပါသည်။  

   ထိုသို့ရောင်းချပေးနေမှုအား ကံမမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ၊ အတွင်းရေးမှူးနှင့် အဖွဲ့ဝင်များဦးဆောင်၍ မြို့နယ်အထွေထွေအုပ်ချုပ်ရေး၊ မြို့နယ်ရဲတပ်ဖွဲ့၊ မြို့နယ်စည်ပင် သာယာရေးအဖွဲ့၊ မြို့နယ်မီးသတ်ဦးစီးဌာန၊ မြို့နယ်အဆင့်ဌာနဆိုင်ရာအရာရှိများနှင့် စားသုံးသူရေးရာဦးစီးဌာနမှဝန်ထမ်းများ ပူးပေါင်းဆောင်ရွက်ခဲ့ကြောင်းသိရှိရပါသည်။

DOCA(မကွေး)