ပြည်တွင်းကုန်သွယ်မှုသတင်း

   စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့၊ “မြို့မဈေး”၌ စားသောက်ကုန်၊ လူသုံးကုန်ပစ္စည်းများရောင်းချလျက်ရှိရာ ၂၀၂၃ခုနှစ်၊ နိုဝင်ဘာလ စတုတ္ထပတ်အတွင်း ရောင်းချနေသောရေထွက်ကုန်ပစ္စည်းဈေးနှုန်းများမှာ ပုစွန်ခြောက်(အချို) (၁)ပိဿာလျှင် ကျပ်(၅၀၀၀၀)၊ ငါးပုတ်သင်ခြောက်(အကြီး) (၁)ပိဿာလျှင် ကျပ်(၁၈၀၀၀)၊ ငါးပုတ်သင်(အသေး)(၁)ပိဿာလျှင် ကျပ် (၁၂၀၀၀)၊ ငါးကြီးသားခြောက် (၁)ပိဿာလျှင် ကျပ်(၄၃၀၀၀)၊ မြီးဆံသွယ်ခြောက်(၁)ပိဿာလျှင် ကျပ်(၁၂၀၀၀)၊ မိသားစုခြောက် (၁)ပိဿာလျှင် ကျပ် (၁၆၅၀၀)၊ လသာခြောက်(အချို)(၁) ပိဿာလျှင် ကျပ်(၁၆၀၀၀)၊ လသာခြောက်(အငန်) (၁)ပိဿာလျှင် ကျပ် (၁၂၅၀၀)၊ ငါးရောင်ခြောက် (၁)ပိဿာလျှင် ကျပ်(၂၀၀၀၀)၊ ပလာတူးခြောက် (၁)ပိဿာလျှင် ကျပ် (၁၀၅၀၀)နှင့် ငါးရံ့ခြောက် အကောင်သေး(၁)ပိဿာလျှင် ကျပ် (၁၅၀၀၀)ဖြင့် အရောင်းအဝယ်ဖြစ်လျက်ရှိကြောင်း ငါးခြောက်ရောင်းချသည့် ဈေးဆိုင်လုပ်ငန်းရှင်ထံမှသိရှိရပါသည်။

DOCA(စစ်ကိုင်း)

     မြန်မာနိုင်ငံစက်သုံးဆီတင်သွင်း/သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီအနေဖြင့် တိုင်းဒေသကြီ/၊ ပြည်နယ်အလိုက် မြို့ကြီးများ၏ ရည်ညွှန်းလက်ကားဈေးနှုန်းများအား  နေ့စဉ် ထုတ်ပြန်ပေးလျက်ရှိပါသည် ။

     စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်တွင် စက်သုံးဆီဆိုင် (၃)ဆိုင်ပုံမှန်ဖွင့်လှစ်ရောင်းချလျက်ရှိပြီး ၂၀၂၃ခုနှစ်၊ နိုဝင်ဘာလ တတိယပတ်တွင် စက်သုံးဆီဈေးနှုန်းများမှာ ဓာတ်ဆီ(92) တစ်လီတာလျှင် (၂၂၁၀)ကျပ်၊ ဓာတ်ဆီ(95)တစ်လီတာလျှင် (၂၃၃၀)ကျပ်၊ ဒီဇယ်(ရိုးရိုး)တစ်လီတာလျှင် (၂၂၃၀)ကျပ်၊ ဒီဇယ် (ပရီမီယမ်) တစ်လီတာလျှင် (၂၃၃၅)ကျပ်ဖြင့် ရောင်းချလျက်ရှိကြောင်းသိရပါသည်။

   နိုဝင်ဘာလ စတုထပတ်တွင် စက်သုံးဆီဈေးနှုန်းများမှာ ဓာတ်ဆီ(92) တစ်လီတာလျှင်    (၂၂၈၅)ကျပ်၊ ဓာတ်ဆီ(95)တစ်လီတာလျှင် (၂၄၂၅)ကျပ်၊ ဒီဇယ်(ရိုးရိုး)တစ်လီတာလျှင် (၂၂၁၀)ကျပ်၊ ဒီဇယ်(ပရီမီယမ်) တစ်လီတာလျှင် (၂၃၀၀)ကျပ်ဖြင့်ရောင်းချကြောင်း၊  ယခင်နိုဝင်ဘာလနှင့် ဒုတိယအပတ်ဈေးနှုန်းတို့ကိုနှိုင်းယှဉ်ပါက ဓာတ်ဆီ (92) တစ်လီတာလျှင် (၇၅)ကျပ်၊ ဓာတ်ဆီ(95)တစ်လီတာလျှင် (၉၅)ကျပ်မြင့်တက်လျက်ရှိပြီး  ဒီဇယ်(ရိုးရိုး) တစ်လီတာလျှင် (၂၀)ကျပ်နှင့် ဒီဇယ်(ပရီမီယမ်) တစ်လီတာလျှင် (၃၅)ကျပ်ကျဆင်းလျက်ရှိကြောင်း ကျွန်းလှမြို့၊ စက်သုံးဆီဆိုင်များမှသိရှိရပါသည်။

DOCA(စစ်ကိုင်း)

      မကွေးတိုင်းဒေသကြီး၊ ပခုက္ကူခရိုင်၊ ရေစကြိုမြို့မဈေးကြီးတွင် သီးနှံမျိုးစုံ စိုက်ပျိုးထွက်ရှိ သော ပခုက္ကူ၊ မုံရွာ၊ မန္တလေးမြို့နှင့် ရေစကြိုမြို့ရှိ ကျေးရွာများ ညောင်တော၊ ကူတုတ်ရွာမှ သီးနှံအများဆုံး   ဝင်ရောက်ရောင်းဝယ်ဖောက်ကားလျက်ရှိပါသည်။

     ၂၀၂၃ခုနှစ်၊ နိုဝင်ဘာလ(တတိယပတ်)တွင် ရေစကြိုမြို့မဈေးအတွင်း၌ အရောင်းအဝယ် ဖြစ်လျက်ရှိသော အခြေခံစားကုန်ဈေးနှုန်းများမှာ ပဲရောဆီ တစ်ပိဿာလျှင် ကျပ်(၉၃၀၀)၊ ဆုံဆီ တစ်ပိဿာလျှင် ကျပ်(၁၄၀၀၀)၊ ခရမ်းချဉ်သီး(အင်းသီး) တစ်ပိဿာလျှင် ကျပ်(၁၈၀၀ မှ၂၀၀၀)၊ ခရမ်းသီး တစ်ပိဿာလျှင် ကျပ်(၁၈၀၀ မှ၂၀၀၀)၊ အာလူး တစ်ပိဿာလျှင် ကျပ်(၃၅၀၀ မှ ၃၆၀၀)၊ မျှစ်(တောင်ရိုး) တစ်ပိဿာလျှင် ကျပ်(၂၅၀၀ မှ၂၇၀၀)၊  ငရုတ်သီးစိမ်း တစ်ပိဿာလျှင် ကျပ်(၄၀၀၀ မှ ၄၅၀၀)၊ ဆင်ခြေယာငရုတ်သီးခြောက် တစ်ပြည်လျှင် ကျပ်(၂၄၀၀ မှ ၂၆၀၀)၊ ကြက်သွန်နီ တစ်ပိဿာလျှင်ကျပ် (၃၅၀၀ မှ ၃၇၀၀)၊ ကြက်သွန်ဖြူ တစ်ပိဿာလျှင် ကျပ်(၁၃၀၀၀ မှ ၁၄၀၀၀)၊ ဂျင်းတက် တစ်ပိဿာလျှင် ကျပ်(၅၀၀၀ မှ ၅၃၀၀ )၊ ကြက်ဟင်းခါးသီး တစ်ပိဿာလျှင် ကျပ်(၂၀၀၀ မှ ၂၂၀၀)၊ ရုံးပတီသီး တစ်ပိဿာလျှင် ကျပ်(၁၈၀၀ မှ ၂၀၀၀)၊ မေမြို့ပဲသီး(အပြား) တစ်ပိဿာလျှင် ကျပ် (၂၀၀၀မှ ၂၄၀၀)၊ ပဲတောင့်ရှည် တစ်ပိဿာလျှင် ကျပ်(၂၅၀၀မှ ၂၇၀၀)၊ ဂေါ်ရခါးသီး တစ်လုံးလျှင် ကျပ်(၁၇၀မှ ၂၀၀)၊ မုန်လာထုပ် တစ်ထုပ်လျှင် ကျပ်(၁၃၀၀)၊ ကန်စွန်းရွက် တစ်စည်းလျှင် ကျပ် (၅၀)၊ ချဉ်ပေါင်ရွက် တစ်စည်းလျှင် ကျပ်(၁၀၀)၊ ဗူးရွက် တစ်စည်းလျှင် ကျပ်(၁၅၀)၊ နံနံပင် တစ်စည်းလျှင် ကျပ်(၈၀)၊ သံပရာသီးတစ်လုံးလျှင် ကျပ်(၂၅၀)၊ မန်ကျည်းသီးမှည့် အစေ့လွတ် တစ်ပိဿာလျှင် ကျပ်(၃၅၀၀ မှ ၃၇၀၀)၊ မြေပဲဆံ တစ်ပြည်လျှင် ကျပ်(၆၅၀၀)၊ ကုလားပဲခြမ်း(အနီဆံ) တစ်ပြည်လျှင် ကျပ်(၇၆၀၀)၊ ကုလားပဲခြမ်း(အဖြူဆံ) တစ်ပြည်လျှင် ကျပ်(၇၅၀၀)၊ ဆား တစ်ပိဿာလျှင်ကျပ် (၆၀၀)၊ ကြက်သား(CP) တစ်ပိဿာလျှင် ကျပ်(၁၂၀၀၀)၊ ကြက်သား(ဗမာ) တစ်ပိဿာ ကျပ် (၁၅၀၀၀)၊ ဝက်သား တစ်ပိဿာလျှင် ကျပ်(၁၇၀၀၀)၊ ဆိတ်သား တစ်ပိဿာလျှင် ကျပ်(၁၉၀၀၀)၊    အမဲသား တစ်ပိဿာလျှင် ကျပ်(၁၄၀၀၀)၊ ငါးကြင်း တစ်ပိဿာလျှင် ကျပ်(၁၂၀၀၀)ဈေးနှုန်းအသီးသီးဖြင့် အရောင်းအဝယ်ဖြစ်လျက်ရှိကြောင်း ရေစကြိုမြို့မဈေးအတွင်းရှိ ရောင်းချသူဈေးသည်များထံမှ သိရှိရပါသည်။         

DOCA(မကွေး)

    မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့၌ ၂၀၂၃ခုနှစ်၊ နိုဝင်ဘာလ(ဒုတိယပတ်)တွင် ဘိလပ်မြေဈေးကွက်မှာ ပုံမှန်အရောင်းအဝယ်ရှိနေပြီး ဈေးနှုန်းမှာ အောက်တိုဘာလ နောက်ဆုံးပတ်မှ ဈေးနှုန်းအတိုင်း၊ ကြံနှစ်ကောင် ဘိလပ်မြေတစ်အိတ်လျှင် ကျပ်(၈၆၀၀)၊ အယ်လဖာဘိလပ်မြေတစ်အိတ်လျှင် ကျပ်(၈၇၀၀)ဈေးရှိကြောင်း သိရှိရသည်။

     ဓာတ်မြေဩဇာနှင့် ပိုးသတ်ဆေးဈေးနှုန်းမှာလည်း အရောင်းအဝယ်ပုံမှန်ရှိနေပြီး အသုံးများ သော ဓာတ်မြေဩဇာလောက်သာဈေးအနည်းငယ်တက်ပြီး ကျန်အမျိုးအစားများမှာ ဈေးနှုန်း တည်ငြိမ်နေကြောင်း သိရှိရသည်။

     အရောင်းအဝယ်ဖြစ်နေသော ဓာတ်မြေဩဇာဈေးနှုန်းများမှာ အာမိုယူရီးယား(50)kgပါ တစ် အိတ်လျှင် ကျပ်(၉၇၀၀၀)၊ ဩဘာယူရီးယား(50)kgပါ တစ်အိတ်လျှင် ကျပ်(၁၀၀၀၀၀)၊ ရွှေနဂါး ယူရီးယားတစ်အိတ်လျှင် ကျပ်(၈၅၀၀၀)၊ တရုတ်တီစူပါသံကွင်း(50)kgပါ တစ်အိတ်လျှင် ကျပ် (၉၅၀၀၀)၊ တရုတ်ပုလဲရွှေတောင်(50)kgပါ  တစ်အိတ်လျှင် ကျပ်(၉၅၀၀၀)၊ မြန်မာဩဘာ ရွှေကော မက်(50)kgပါ တစ်အိတ်လျှင် ကျပ်(၁၂၀၀၀၀)၊ အာမိုကွန်ပေါင်း(50)kgပါ တစ်အိတ်လျှင် ကျပ် (၁၅၂၀၀၀)၊ ဩဘာကွန်ပေါင်း (50)kg ပါ တစ်အိတ်လျှင် ကျပ်(၁၅၇၀၀၀)၊ ကောမက်ကွန်ပေါင်း (၁၅း၁၅း၁၅)(50kg)ပါ တစ်အိတ်လျှင် ကျပ်(၁၅၇၀၀၀)၊ တရုတ်အာမို(၁၆း၁၆း၁၆) (50kg)ပါ တစ်အိတ်လျှင် ကျပ်(၁၃၂၀၀၀)အသီးသီးဖြင့် ပုံမှန်အရောင်းအဝယ်ရှိနေပါသည်။

     ပိုးသတ်ဆေး ဈေးနှုန်းများအနေဖြင့် ယခုရာသီတွင် ဈေးအနည်းငယ်ကျလာသည်ကို တွေ့ရသည်။ အာမိုမက်နီဖော့(500)cc တစ်ဘူးလျှင် ကျပ်(၂၈၅၀၀)၊ အာမိုစတား (၁)လီတာ တစ်ဘူးလျှင် ကျပ်(၄၁၀၀၀)၊ အာမိုအီမာ(၁)လီတာဘူး တစ်ဘူးလျှင် ကျပ်(၃၃၅၀၀)၊ အာမိုမင်းမဟော် (၁၀၀)cc တစ်ဘူးလျှင် ကျပ်(၁၀၀၀၀)၊ ဩဘာပို့စ် (၂၅၀)cc တစ်ဘူးလျှင် ကျပ်(၁၁၀၀၀)၊ ဩဘာအဆီဖိတ် (500)gပါ တစ်ထုပ်လျှင် ကျပ်(၂၁၀၀၀)၊ ဩဘာငှက်ကြီးတောင်(၁၀၀)cc တစ်ဘူးလျှင် ကျပ် (၁၆၈၀၀)၊ ဩဘာငှက်ကြီးတောင်(၂၅၀)cc တစ်ဘူးလျှင် ကျပ်(၄၀၀၀၀)၊ မင်းမဟော်ဖော်ယူဘိုး (500)cc တစ်ဘူးလျှင် ကျပ်(၂၉၀၀၀)၊ မင်းမဟော်ဖော်ယူဘိုး (250)cc တစ်ဘူးလျှင် ကျပ်(၁၆၀၀၀) ဈေးနှုန်းအသီးသီးရှိပြီး အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(မကွေး)

    မိုးအကုန်ဆောင်းအကူးတွင် ရာသီပေါ်သီးနှံမျိုးစုံထွက်ရှိလျက်ရှိရာ ယခုလတ်တလောတွင် မြေလွတ်၊ မြေရိုင်းများနှင့် လယ်ကန်သင်းဘေးများတွင်စိုက်ပျိုးထားသော ချဉ်ပေါင်ပင်များမှ ချဉ်ပေါင်ဖူးများထွက်ရှိလျက်ရှိပါသည်။ တောင်သူအများစုမှာ မိသားစုအပိုဝင်ငွေရရှိစေရန် ဗမာချဉ်ပေါင်နှင့်အဖူးပါစားသုံးလို့ရသော ဒေသအခေါ် ဘိလပ်ချဉ်ပေါင်များကို အများဆုံးစိုက်ပျိုးကြပါသည်။ အဖူးမှာ အခွံအစိမ်းနှင့် အခွံနီချဉ်ပေါင်ဖူးဟူ၍ အမျိုးအစား(၂)မျိုးရှိရာ အစိမ်းရောင်အဖူးမှာ လူကြိုက်များ၍ အရောင်းသွက်ကြောင်း၊ ဈေးနှုန်းမှာ ချဉ်ပေါင်ဖူး(၁)ပြည်လျှင် (၂၀၀၀)ကျပ်ခန့်အထိရောင်းချနေရပြီး ယခင်နှစ်ချဉ်ပေါင်ဖူဈေးနှုန်းမှာ (၁)ပြည်လျှင် (၉၅၀)ကျပ်ဖြင့်သာရောင်းချခဲ့ကြောင်း၊ ချဉ်ပေါင်ဖူးများကို ခူးဆွတ်ပြီးအစေ့နှင့် အဖူးအခွံအဖြစ်  ပြန်လည်ခွဲထုတ်ပေးရပါသည်။ (၁)ပြည်လျှင် အခွံခွာခ (၃၀၀)ကျပ်ပေးရပါသည်။ ချဉ်ပေါင်ပင်ပေါ်မူတည်၍ ချဉ်ပေါင်အထွက်နှုန်းကွာခြားမှုရှိကြောင်း၊ ချဉ်ပေါင်ဖူးများကို နီးစပ်ရာမြို့များနှင့် ပတ်ဝန်းကျင်ရွာများမှ လာရောက်ဖောက်သည်ယူ၍ တစ်ဆင့်ပြန်လည်ရောင်းချကြကြောင်း၊ မြေလွတ်မြေရိုင်းများတွင် စိုက်ပျိုးသောချဉ်ပေါင်ပင်များမှ အဖူးအပွင့်များကိုခူးယူ၍ ရောင်းချကြပြီး တောင်သူများအတွက် အပိုဝင်ငွေရရှိသောကြောင့် ချဉ်ပေါင်ဖူးပင်ကိုစိုက်ပျိုးသင့်ပါကြောင်း ရေးသားတင်ပြလိုက်ရပါသည်။

DOCA(မန္တလေး)