ပြည်တွင်းကုန်သွယ်မှုသတင်း

   မင်္ဂလာတောင်ညွန့်မြို့နယ်၊ ကြက်/ဘဲဈေးတွင်ရောင်းချနေသော ကြက်/ဘဲများမှာ ပဲခူးတိုင်းဒေသကြီး၊  ဧရာဝတီတိုင်းဒေသကြီး၊ ရန်ကုန်တိုင်းဒေသကြီးအတွင်းရှိ မြို့နယ်များမှ ခြံဖမ်းဈေးစနစ်ဖြင့်လည်ကောင်း၊  အရောက်ပို့စနစ်ဖြင့်လည်ကောင်း အသီးသီးဝင်ရောက်လျက်ရှိကြောင်းသိရှိရပါသည်။ ကြက်/ဘဲဈေးတွင် ၂၀၂၃ခုနှစ်၊ နိုဝင်ဘာလ၊ စတုတ္ထပတ်တွင် အရောင်းအဝယ်ဖြစ်လျက်ရှိသောဈေးနှုန်းများမှာ ကြက်အရှင်၊ အိမ်မွေးကြက် ၁ပိဿာလျှင် ကျပ်(၁၇၀၀၀/၁၈၀၀၀)၊ အသားတိုးကြက် ၁ပိဿာလျှင် ကျပ်(၆၃၀၀/၆၄၀၀)၊ မွေးမြူရေးကြက်(ထီး/မ) ၁ပိဿာလျှင် ကျပ်(၇၅၀၀/၈၀၀၀)၊ ဘဲအရှင် ၁ပိဿာလျှင် ကျပ်(၇၅၀၀/၇၆၀၀)၊ ချယ်ရီဘယ်ရီဘဲ ၁ပိဿာလျှင် ၉၀၀၀ကျပ်ဖြင့် ကုန်အဝင်ပိဿာချိန် (၇၄၅၀၀)ပိဿာရှိပြီး အရောင်းအဝယ်ဖြစ်ပေါ်လျက်ရှိကြောင်းသိရှိရပါသည်။ ြင့် ကုန်အဝင်ပိဿာချိန် (၇၄၅၀၀)ပိဿာရှိပြီး အရောင်းအဝယ်ဖြစ်ပေါ်လျက်ရှိကြောင်းသိရှိရပါသည်။  

DOCA(ရန်ကုန်)

    ရန်ကုန်တိုင်းဒေသကြီးသို့ ပြည်နယ်နှင့် တိုင်းဒေသကြီးအသီးသီးမှ ဝင်ရောက်လာသည့် ကြက်သွန်နီများသည် အနောက်ပိုင်းခရိုင်၊ စားသုံးသူရေးရာဦးစီးဌာနကွပ်ကဲမှုအောက်ရှိ ဘုရင့်နောင်ကုန်စည်ဒိုင်သို့  နေ့စဉ် မော်တော်ယာဉ်များဖြင့် ဝင်ရောက်လျက်ရှိပါသည်။ ပွဲရုံများ၏  ကြက်သွန်နီလက်ကျန်အခြေအနေတို့ကို အမှန်ကန်ဆုံးသိရှိနိုင်ရန်အတွက် ဘုရင့်နောင်ပွဲရုံဝင်းအတွင်းရှိ  ကြက်သွန်နီပွဲရုံ (၄၀) အနက် Random စနစ်ဖြင့် ပွဲရုံ (၁၀) ရုံအား မေးမြန်းချက်များအရလည်းကောင်း၊ ဘုရင့်နောင်ကုန်စည်ဒိုင်သို့ ကြက်သွန်နီ နေ့စဉ်ဝင်ရောက်မှုစာရင်းများအရလည်းကောင်း၊ ကြက်သွန်နီလက်ကျန်အခြေအနေကို နေ့စဉ် စုံစမ်းလျက်ရှိပါသည်။ ၂၀၂၃ခုနှစ်၊ နိုဝင်ဘာလ (၁၁) ရက်နေ့မှ နိုဝင်ဘာလ (၁၇) ရက်နေ့အထိ ဘုရင့်နောင်ကုန်စည်ဒိုင်သို့ ကြက်သွန်နီဝင်ရောက်ရာဒေသများဖြစ်သည့် ဆိတ်ဖြူ၊ တောင်သာဒေသတို့မှ ကြက်သွန်နီ (၆၈၄၀၀၀) ပိဿာဝင်ရောက်ခဲ့ပြီး (၆၀) ရာခိုင်နှုန်းခန့် ပြန်လည်စီးထွက်မှုရှိကြောင်းသိရှိရပါသည်။ ထို့ကြောင့် ကြက်သွန်နီလက်ကျန်မှာ (၂၇၃၆၀၀)ပိဿာကျန်ရှိကြောင်း ကုန်စည်ဒိုင်သတင်းအရသိရှိရသည်။ ဆိတ်ဖြူကြက်သွန်နီ (အသစ်) အချောတစ်ပိဿာလျှင် ကျပ်၂၅၀၀၊ အသန့်တစ်ပိဿာလျှင် ကျပ် ၃၁၀၀၊ အကြီးတစ်ပိဿာလျှင် ကျပ်၃၅၀၀၊ ရှယ်တစ်ပိဿာလျှင် ကျပ်၃၆၀၀၊ တောင်သာကြက်သွန်နီ (အသစ်) အချောတစ်ပိဿာလျှင် ကျပ်၂၀၀၀၊ အသန့်တစ်ပိဿာလျှင် ကျပ်၂၆၀၀၊ အကြီးတစ်ပိဿာလျှင် ကျပ်၃၀၀၀နှင့် ရှယ်တစ်ပိဿာလျှင် ကျပ်၃၁၀၀  စသည်ဖြင့် ဈေးနှုန်းအသီးသီးရှိကြောင်း စုံစမ်းသိရှိရပါသည်။

DOCA(ရန်ကုန်)

    မှော်ဘီမြို့နယ်တွင် ဒေသထွက် စပါးသီးနှံအဓိကစိုက်ပျိုးပြီး မိုးစပါးလျာထားဧက (၃၈၀၈၄)ဧက၊ စိုက်ဧက (၃၈၀၉၇)ဧကဖြင့် (၁၃)ဧကပိုလျှံစိုက်ပျိုးထားရှိပြီး ၂၀၂၃ခုနှစ်၊ နိုဝင်ဘာလအတွင်း ရိတ်သိမ်းဧက (၁၅၈၄၉)ဧက၊ အထွက်နှုန်း (၇၅.၁၁)ဧက၊ အထွက်တင်း (၁၁၉၀၃၄၀)တင်းထွက်ရှိခဲ့ပါသည်။ ဆင်းသုခစပါးကို ပထမအများဆုံးစိုက်ပျိုးပြီး ဧရာမင်းစပါးကို ဒုတိယအများဆုံးစိုက်ပျိုးလျက်ရှိရာ အထွက်နှုန်းကောင်းမွန်ပြီး ပြည်တွင်းစားသုံးမှုဖူလုံကာ ပြည်ပသို့လည်းပို့ဆောင်နိုင်ရန်အတွက် စိုက်ပျိုးလျက်ရှိကြောင်းသိရှိရပါသည်။

DOCA(ရန်ကုန်)

    အင်းစိန်မြို့နယ်ရှိ တညင်းကုန်းလက်ကားဈေးကြီးအတွင်းသို့ ၂၀၂၃ခုနှစ်၊ နိုဝင်ဘာလ(၁၅)ရက်နေ့မှ နိုဝင်ဘာလ(၂၁)ရက်နေ့အတွင်း ညောင်တုန်း၊ မှော်ဘီ၊သာရဝေါ၊ ညောင်နှစ်ပင်ကျေးရွာ၊ ကြာကန်စုကျေးရွာ၊ နေပြည်တော်၊ တပ်ကုန်း၊ ရွှေဒါး၊  မင်္ဂလာဒုံ၊ အင်းစိန်၊ ခရမ်း၊ သုံးခွ၊ ပြည်၊ လက်ပံတန်း၊ မင်းလှ၊ ဝါးနက်ချောင်း၊ မော်လမြိုင်၊ မန္တလေး၊ အုတ်ဖိုနှင့် ရှမ်းပြည်နယ်တို့မှ ဟင်းသီးဟင်းရွက်နှင့် သစ်သီးဝလံပန်းမန်များ အများဆုံးဝင်ရောက်ရောင်းချနေကြောင်းသိရှိရပါသည်။ ထိုသို့ဝင်ရောက်ရာတွင် ယခုရက်သတ္တပတ်အတွင်း ခရမ်းချဉ်သီးထိုင်ဝမ်(တစ်ပိဿာ)လျှင် ကျပ် (၁၂၀၀မှ ၁၈၀၀) အတွင်း၊ ဂေါ်ဖီထုပ်(တစ်ထုပ်)လျှင် ကျပ် (၄၀၀မှ ၁၃၀၀) အတွင်း၊ ပန်းဂေါ်ဖီ(တစ်ထုပ်)လျှင် ကျပ် (၇၀၀မှ ၁၈၀၀) အတွင်း၊ အာလူး(တစ်ပိဿာ)လျှင် ကျပ် (၃၂၀၀မှ ၃၈၀၀) အတွင်း၊ မုန့်လာဥနီ(တစ်ပိဿာ)လျှင် ကျပ် (၃၃၀၀မှ ၅၅၀၀) အတွင်း၊ ရွှေဖရုံသီး(တစ်လုံး)လျှင် ကျပ် (၉၀၀မှ ၅၄၀၀) အတွင်း၊ ဘူးသီး(တစ်လုံး)လျှင် ကျပ် (၁၀၀၀မှ ၂၀၀၀) အတွင်း၊ မုန်ညှင်း(ထုပ်)(တစ်ပိဿာ)လျှင် ကျပ် (၂၅၀၀မှ ၃၅၀၀) အတွင်း၊ ကြက်သွန်နီ(ဆိပ်ဖြူ)တစ်ပိဿာလျှင် ကျပ် (၂၇၀၀မှ ၃၇၀၀) အတွင်း၊ ကြက်သွန်ဖြူ(ရှမ်း)(တစ်ပိဿာ)လျှင် ကျပ် (၁၂၀၀၀မှ ၁၄၀၀၀) အတွင်း၊ ကြက်သွန်ဖြူ (ကြူကုတ်) (တစ်ပိဿာ) လျှင် ကျပ် (၁၂၀၀၀မှ ၁၅၀၀၀) အတွင်း၊ ချင်း(တစ်ပိဿာ)လျှင် ကျပ် (၄၅၀၀မှ ၅၅၀၀) အတွင်း၊ ဆလပ်ရွက် (တစ်စည်း) လျှင် ကျပ် (၃၀၀မှ ၄၀၀) အတွင်း၊ ချဉ်ပေါင်ရွက်(တစ်စည်း)လျှင် ကျပ် (၁၀၀မှ ၁၅၀) အတွင်း၊ ခရမ်းသီး  (ရှည်) (တစ်ပိဿာ) လျှင် ကျပ် (၁၃၀၀မှ ၁၈၀၀) အတွင်း၊ သံပရာသီး(တစ်လုံး)လျှင် ကျပ် (၈၀မှ ၂၀၀) အတွင်း၊ ငရုတ်သီးစိမ်း (ကျောက်စိမ်း) (တစ်ပိဿာ)လျှင် ကျပ် (၃၈၀၀မှ ၄၅၀၀) အတွင်း၊ ဖရဲသီး (အကြီး၊ အလတ်၊ အသေး)တစ်လုံးလျှင် ကျပ် (၁၅၀၀မှ ၆၀၀၀) အတွင်းဖြစ်ကြောင်းသိရှိရပါသည်။ တညင်းကုန်းလက်ကားဈေးကြီးအတွင်းသို့ ယခုရက်သတ္တပတ်အတွင်း သံပရာသီးအလုံးပေါင်း(၁၅၂၈၉၅)ကျော်၊ ခရမ်းသီး(ရှည်) (ပိဿာ) (၃၄၁၁၀)ကျော်၊ ဘူးသီးအလုံးပေါင်း (၁၆၄၄၀)ကျော်၊ ရွှေဖရုံသီးအလုံးပေါင်း(၆၆၅၀)ကျော်၊ ဂေါ်ဖီထုပ်ပေါင်း (၆၄၆၀၀)ကျော်၊ ပန်းဂေါ်ဖီထုပ်ပေါင်း (၅၅၁၆၆)ကျော်၊ မုန်ညှင်းထုပ်(ပိဿာ) ပေါင်း(၈၀၉၀)ကျော်နှင့် ဖရဲသီးလုံးပေါင်း(၃၁၆၁၆)ကျော် စသည်ဖြင့် အသီးသီးကုန်အဝင်ရှိကြောင်းသိရပါသည်။

DOCA(ရန်ကုန်)

    ထိုင်းဆန်စျေးနှုန်းများမှာ ၁၀၀မှတ် ဘီဂရိတ်ဆန်တစ်တန်လျှင် အမေရိကန်ဒေါ်လာ၅၉၇ဖြင့်လည်းကောင်း  ၂၅မှတ် ဆန်တစ်တန်လျှင် အမေရိကန်ဒေါ်လာ ၅၆၀ဖြင့်လည်းကောင်း စျေးနှုန်းအနည်းငယ်မြင့်တက်သွားပြီး ပေါင်းဆန်စျေးနှုန်းမှာ အမေရိကန်ဒေါ်လာ၅၈၃ဖြင့် စျေးနှုန်းအနည်းငယ်ကျဆင်းလျက်ရှိကြောင်းသိရှိရသည်။

      ဗီယက်နမ်ဆန်ဈေးနှုန်းများမှာ ၅မှတ်ဆန်တစ်တန်လျှင် အမေရိကန်ဒေါ်လာ၆၅၇ဖြင့်လည်းကောင်း၊ ၂၅မှတ် ဆန်တစ်တန်လျှင် အမေရိကန်ဒေါ်လာ၆၄၇ဖြင့်လည်းကောင်း စျေးနှုန်းမြင့်တက်လျက်ရှိပြီး ဆန်ကွဲစျေးနှုန်းတို့ကိုဖော်ပြထားခြင်းမရှိပါ။

     အိန္ဒိယဆန်စျေးနှုန်းများမှာ ၅မှတ်ဆန်နှင့် ၂၅မှတ်ဆန်ဈေးနှုန်းတို့ကို ဖော်ပြထားခြင်းမရှိပါ။ ပေါင်းဆန်တစ်တန်လျှင် အမေရိကန်ဒေါ်လာ၅၀၂ဖြင့် ဈေးနှုန်းကျဆင်းနေကြောင်း သိရှိရပါသည်။

      ပါကစ္စတန်ဆန်စျေးနှုန်းများမှာ ၅မှတ် ဆန်တစ်တန်လျှင် အမေရိကန်ဒေါ်လာ၅၇၂ ဖြင့်လည်းကောင်း၊ ၂၅မှတ်ဆန်တစ်တန်လျှင် အမေရိကန်ဒေါ်လာ၄၉၀ဖြင့်လည်းကောင်း၊ ပေါင်းဆန်စျေးနှုန်းမှာ အမေရိကန်ဒေါ်လာ၅၅၀ဖြင့် ဈေးနှုန်းတည်ငြိမ်လျက်ရှိပြီး ဆန်ကွဲစျေးနှုန်းတို့ကို ဖော်ပြထားခြင်းမရှိပါ။

DOCA(ရန်ကုန်)