ပြည်တွင်းကုန်သွယ်မှုသတင်း

         တောင်ငူမြို့ ညောင်ပင်လေးဈေးရှိ ဟင်းသီးဟင်းရွက်ဈေးတွင် ငရုတ်သီးစိမ်း (ကျောက်စိမ်းသီး)မှာ တစ်ပိဿာလျှင် ၂၅၀၀ ကျပ်မှ ၃၀၀၀ ကျပ်၊ ငရုတ်သီးစိမ်း (မိုးထောင်သီး)မှာ တစ်ပိဿာလျှင် ၆၀၀၀ ကျပ်မှ ၇၀၀၀ ကျပ်၊ ကုလားအော်သီးမှာ တစ်ပိဿာလျှင် ၁၆၀၀၀ ကျပ်မှ ၁၈၀၀၀ ကျပ်ဖြင့်  ဈေးနှုန်းတည်ငြိမ်နေပါသည်။ 

        ခရမ်းသီး (အဖြူ)မှာ ယခင်အပတ်က တစ်ပိဿာလျှင် ၁၈၀၀ ကျပ်မှ ၂၀၀၀ ကျပ် ရှိရာမှ ယခုအပတ်တွင် တစ်ပိဿာလျှင် ၁၀၀၀ ကျပ်မှ ၁၅၀၀ ကျပ်အထိ၊ ခရမ်းသီး(အညို)မှာ ယခင်အပတ်က တစ်ပိဿာလျှင် ၂၀၀၀ ကျပ်မှ ၂၅၀၀ ကျပ်အထိ ရှိရာမှ ယခုအပတ်တွင် တစ်ပိဿလျှင်  ၁၂၀၀ ကျပ်မှ ၁၇၀၀ ကျပ်အထိဖြင့် ဈေးနှုန်းကျဆင်းပါသည်။

        ဒေသသခွားသီးမှာ တစ်ပိဿာလျှင် ၁၁၀၀ ကျပ်မှ ၁၃၀၀ ကျပ်၊ ရှမ်းပြည်သခွားသီးမှာ ယခင်အပတ်က တစ်ပိဿာလျှင် ၁၃၀၀ ကျပ်မှ ၁၅၀၀ ကျပ်အထိဖြင့် ဈေးနှုန်းတည်ငြိမ်နေပါသည်။  ခရမ်းချဉ်သီး(ရှမ်းပြည်သီး)မှာ ယခင်အပတ်က တစ်ပိဿာလျှင် ၁၂၀၀ ကျပ်မှ ၁၅၀၀ ကျပ်ရှိရာမှ ယခုအပတ်တွင် တစ်ပိဿာလျှင် ၁၄၀၀ ကျပ်မှ ၁၂၀၀ ကျပ်အထိဖြင့် ဈေးနှုန်းအနည်းငယ်တက်သွားပြီး ခရမ်းချဉ်သီး (ဒေသသီး)မှာ တစ်ပိဿာလျှင် ၃၂၀၀ ကျပ်မှ ၃၅၀၀ ကျပ်အထိ ဖြင့် ဈေးနှုန်းတည်ငြိမ်နေပါသည်။

           နံနံပင်မှာ တစ်ဆယ်ကျပ်သားလျှင် ၄၀၀ ကျပ်ဖြင့် ဈေးနှုန်းတည်ငြိမ်နေပြီး မုန်ညှင်းဖြူ မှာ ယခင်အပတ်က တစ်ပိဿာလျှင် ၂၀၀၀ ကျပ်မှ ၂၂၀၀ ကျပ်ရှိရာမှ ယခုအပတ်တွင် တစ်ပိဿာလျှင် ၁၈၀၀ ကျပ်မှ ၂၀၀၀ ကျပ်၊ မုန်လာဥဖြူမှာ ယခင်အပတ်က တစ်ပိဿာလျှင် ၂၀၀၀ ကျပ်မှ ၂၂၀၀ ကျပ်ရှိရာမှ ယခုအပတ်တွင် တစ်ပိဿာလျှင် ၁၆၀၀ ကျပ်မှ ၂၀၀၀ ကျပ်အထိ ဈေးနှုန်း ကျဆင်းပြီး မုန်လာဥနီမှာ တစ်ပိဿာလျှင် ၂၅၀၀ ကျပ်မှ ၂၈၀၀ ကျပ်အထိဖြင့် ဈေးနှုန်း တည်ငြိမ်နေပါသည်။

         ကန်စွန်းရွက်မှာ တစ်စည်း ၁၅၀ ကျပ်၊ ၁၀ စည်းယူလျှင် ၁၂၀၀ ကျပ်၊ ချဉ်ပေါင်ရွက်မှာ တစ်စည်း ၁၀၀ ကျပ်၊ ၁၀ စည်းယူလျှင် ၈၀၀ ကျပ်၊ ကင်မွန်းချဉ်ရွက်မှာ တစ်စည်းလျှင် ၂၀၀ ကျပ်၊ ၁၀ စည်းယူလျှင် ၁၆၀၀ ကျပ်ရှိကြောင်း သိရပါသည်။

DOCA(ပဲခူး)

  ပဲခူးတိုင်းဒေသကြီး၊ တောင်ငူခရိုင်၊ တောင်ငူမြို့၊ အမှတ်(၂၂)ရပ်ကွက်၊ ရန်ကုန်-မန္တလေး လမ်းဘေးရှိ ထိပ်တန်း ငါးရှဥ့်ပွဲရုံသည် ၁၉၉၇ ခုနှစ်ကတည်းက လုပ်ငန်းစတင် တည်ထောင်ပြီး ငါးရှဥ့်ရောင်းဝယ်ရေးလုပ်ငန်းလုပ်ကိုင်သည်မှာ ၂၆ နှစ်တိုင်ခဲ့ပြီ ဖြစ်ပါသည်။ ငါးလုပ်ငန်းဦးစီးဌာနတွင် ငါးရှဥ့်ဝယ်ယူစုဆောင်းခွင့်လိုင်စင် ရယူထားပြီး ဦးစီးဌာန၏ မူဝါဒနှင့်အညီ ဆောင်ရွက်နေပါသည်။

    တောင်ငူမြို့နယ်တွင် မြစ်များ၊ ချောင်းများ၊ ဆည်ကြီးများ၊ အင်းအိုင်များ တည်ရှိနေသောကြောင့် ငါးရှဥ့်မြှုံးထောင်သူများအနေဖြင့် ဝင်ငွေရရှိနေကြပါသည်။ အင်းအိုင် များမှာ စီလောင်အင်း၊ မုံဇလိမ်အင်း၊ အထက်မယင်း/အောက်မယင်းအင်း၊ ယောက်သဝအင်း၊ ငါးပြားဆယ်ပေပင်ပေါက် အင်း၊ ကျေးအင်း၊ မြစ်ကြီးပေါက်အင်း၊ ငနောက်ချောင်းအင်းနှင့် ငဒင်အင်းတို့ဖြစ်ကြပါသည်။ ၎င်းအင်းများအပြင် မိုးစပါးစိုက် လယ်ကွင်းကြီး ၅၈၀၆၄ ဧက ရှိနေခြင်းသည် သဘာဝအလျောက် ငါးရှဥ့်မွေးမြူထားခြင်းဖြစ်ပါသည်။ မိုးရွာသွန်းမှုများသည့် ဇူလိုင်၊ ဩဂုတ်၊ စက်တင်ဘာလများတွင် ငါးရှဥ့်ဝယ်ယူမှု ပိုမိုရရှိသည်ဟု သိရပါသည်။

     ငါးရှဥ့်လာရောက်ရောင်းချသူများသည် အနည်းဆုံး ၈၀ ကျပ်သားမှ အများဆုံး ၆ ပိဿာအထိ လာရောက်ရောင်းချကြပါသည်။ ထိပ်တန်းပွဲရုံအနေဖြင့် ဈေးကွက်ဝင်သည့် အကောင်ကြီးများကိုသာ ဝယ်ယူပါသည်။ တစ်ရက်လျှင် ၄၅၀ ပိဿာအထိ ဝယ်ယူရရှိပါသည်။ ငါးရှဥ့်တစ်ပိဿာလျှင် ၈၅၀၀ ကျပ်ဖြင့် ဝယ်ယူပါသည်။ ဝယ်ယူရရှိသော ငါးရှဥ့်များကို မန္တလေးသို့ နေ့ချင်းပို့ပါသည်။

      ငါးရှဥ့်ထည့်သည့် ဖော့ဘူးကြီးများကို တဆင့်ဝယ်ယူသည့် ဒိုင်ကြီးများက ပေးပို့ပါသည်။ ထိပ်တန်းပွဲရုံမှ မန္တလေးမြို့ရှိ ဒိုင်ကြီးများသို့ ရောင်းချသည့်အခါ တစ်ပိဿာလျှင် ၉၀၀၀ ကျပ်ရရှိပါသည်။ မန္တလေးမြို့ရှိ ငါးရှဥ့်ဒိုင်ကြီးများက ပို့ကုန်လိုင်စင်လျှောက်ထား၍ မူဆယ်နယ်စပ်စခန်း၊ ချင်းရွှေဟော်နယ်စပ်စခန်းများမှတဆင့် တရုတ်နိုင်ငံသို့ တင်ပို့သည်ဟု သိရပါသည်။ တောင်ငူမြို့နယ်မှ ထွက်ရှိသော ငါးရှဥ့်များသည် ပြည်ပပို့ကုန်အဖြစ် နိုင်ငံခြားဝင်ငွေ ရရှိနေကြောင်း သိရပါသည်။

DOCA(ပဲခူး)

     ပဲခူးတိုင်းဒေသကြီး ၊ သာယာဝတီခရိုင်အတွင်းရှိ မြို့နယ်များသည် ပဲခူးရိုးမတောင်ခြေများအနီးရှိ ဝါးရုံတောများမှ မျှစ်များရရှိပါသည်။ မျှစ်များလှိုင်လှိုင်ထွက်ရှိသော မိုးဦးကျကာခါစ၊ ဇွန်၊ ဇူလိုင်လများသည် မျှစ်အပေါဆုံးထွက်ရှိသော လများဖြစ်ပါသည်။ တောင်ပေါ်တောများမှ အများဆုံး စားသုံးသော မျှစ်အမျိုးအစားများမှာ သိုက်မျှစ်၊ ကြသောင်းမျှစ်၊ မျှင်မျှစ်၊ ဝါးဖြူမျှစ် တို့ဖြစ်ကြပါသည်။ ကျေးလက်တောရွာများတွင် စိုက်ပျိုးထားသော ဝါးပိုးဝါးမျှစ်များကို  မျှစ်ချဉ်ထည့်၍ ရောင်းချလေ့ရှိကြသည်။

      သိုက်မျှစ်များသည် အရင်ဦးဆုံးပေါ်သော မျှစ်ဖြစ်ပြီး ပေါ်စအချိန်တွင် ဈေးကွက်တွင် ဈေးကောင်းရရှိပါသည်။ မျှစ်များကိုကြော်စား၍လည်းကောင်း ၊ အိုးကြီးများတွင်ထည့်၍လည်းကောင်း ၊ ကော်ပုံးကြီးထဲများတွင် ဆားထည့်၍ တစ်နှစ်ပတ်လုံးစားသုံးရန် ဝယ်ယူထည့်ထားလေ့ရှိပါသည်။ ကြသောင်းမျှစ်များကိုတော့ အချိုချက်စား၍ လည်းကောင်း ၊ ကြော်စား၍လည်းကောင်း စားသုံးလေ့ရှိကြပါသည်။ သိုက်မျှစ်နှင့် ဝါးဖြူမျှစ်များကိုတော့  ငါးပိရည် တို့စရာအဖြစ် စားသုံးလေ့ရှိကြပါသည်။ သိုက်မျှစ်များပေါ်စအချိန်တွင် တစ်ဆယ်ကျပ်သားလျှင် ၅၀၀ ကျပ်ဈေးဖြင့် ဝယ်ယူရပါသည်။ ကြသောင်းမျှစ်နှင့် မျှင်မျှစ်တို့ပေါ်စအချိန် တစ်ပိဿာလျှင် ၂၀၀၀ ကျပ်၊ လှိုင်လှိုင်ပေါ်ချိန်တွင် ၈၀၀ ကျပ် မှ ၁၀၀၀ ကျပ်၊ ဝါးဖြူမျှစ်တစ်ပိဿာ ပေါ်စအချိန်တွင် ၂၀၀၀ ကျပ်၊ လှိုင်လှိုင်ပေါ်ချိန်နှင့် ယခုအချိန်ထိ တစ်ပိဿာလျှင် ၁၆၀၀ ကျပ် ဈေးဖြင့် ဝယ်ယူစားသုံးနေကြပါသည်။ ဝါးပိုးမျှစ်ချဉ် တစ်ဆယ်ကျပ်သားလျှင် ၄၀၀ ကျပ်ဈေးဖြင့် စားသုံးနေကြပါသည်။ မျှင်မျှစ်(ခေါ်) မျှစ်နီများကို ဒေသတွင်းစားသုံးနိုင်ရုံမက ရန်ကုန်မြို့ကြီးများသို့လည်း တင်ပို့ရောင်းချလျက်ရှိကြောင်း သိရှိရပါသည်။ ရာသီစာမျှစ်များကို နှစ်ခြိုက်စွာ ဝယ်ယူစားသုံးကြကြောင်း သိရှိရပါသည်။

DOCA(ပဲခူး)

     ပဲခူးတိုင်းဒေသကြီး၊ သာယာဝတီခရိုင်၊ မင်းလှမြို့နယ်တွင် ၂၀၂၃ခုနှစ်၊ စက်တင်ဘာလ၊ ဒုတိယပတ်အတွင်း အခြေခံစားသောက်ကုန်ဖြစ်သော ရွှေဘိုပေါ်ဆန်း တစ်ပြည်လျှင် ၆၅၀၀ ကျပ် မှ ၇၀၀၀ ကျပ်၊ မနောသုခ(ဆန်ကာတင်)တစ်ပြည်လျှင် ၃၅၀၀ကျပ်မှ ၃၇၀၀ကျပ် ၊ ကြက်သွန်နီလက်လီ ဈေး(ကြီး) တစ်ပိဿာ ၃၈၀၀ကျပ်၊ (လတ်) တစ်ပိဿာ ၃၅၀၀ကျပ်၊ (သေး) တစ်ပိဿာ ၃၂၀၀ကျပ်၊ ကြက်သွန်ဖြူ(ဗမာ)တစ်ပိဿာလျှင် ၁၂၀၀၀ကျပ်၊ ကြက်သွန်ဖြူ (ကြူကုတ်) တစ်ပိသာလျှင် ၉၀၀၀မှ ၁၀၀၀၀ကျပ်၊ ဂျင်းတစ်ပိဿာလျှင် ၇၀၀၀မှ၈၀၀၀ကျပ်၊ ငရုတ်သီးခြောက် တစ်ပိဿာလျှင် ၁၇၀၀၀/ ကျပ်၊ အားလူးတစ်ပိဿာလျှင် ၃၀၀၀ မှ၃၂၀၀ကျပ် ဈေးနှုန်း ရှိနေပါသည်။

     ကြက်ဥလက်လီ ဈေးနှုန်းများမှာ(ကြီး) တစ်လုံးလျှင် ၂၈၀ ကျပ်၊ ကြက်ဥ(လတ်) တစ်လုံးလျှင် ၂၆၀ကျပ်၊ ကြက်ဥ(သေး) တစ်လုံးလျှင် ၂၅၀ကျပ်၊ ကြက်သား(စီပီ) တစ်ပိဿာလျှင် ၁၀၀၀၀ကျပ်၊ ကြက်သား(ဗမာ) တစ်ပိဿာလျှင် ၁၈၀၀၀ကျပ်၊ ငါးမြစ်ချင်း တစ်ပိဿာလျှင် ၈၀၀၀ ကျပ် အသီသီးရောင်းဝယ်နေကြကြောင်း သိရှိရပါသည်။

DOCA(ပဲခူး)

   မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ပေါ်၌ ၂၀၂၃ခုနှစ်၊ စက်တင်ဘာလအတွင်း အရောင်းအဝယ်ဖြစ်လျက်ရှိသော အိမ်သုံးဆေးဝါးများ၏ဈေးနှုန်းများမှာ Decolgen (၁၀)လုံးပါ(၁) ကတ်လျှင် ကျပ်(၁၈၀၀)၊ Civit အလုံး(၁၀၀)ပါ(၁)ဘူးလျှင် ကျပ်(၂၅၀၀)၊ Paracetamol (၁၀)လုံးပါ (၁)ကတ်လျှင် ကျပ်(၃၀၀၀)၊ Biogesic (၁၀)လုံးပါ(၁)ကတ်လျှင် ကျပ်(၁၂၀၀)၊ Amoxicillin (၁၀)လုံးပါ (၁)ကတ်လျှင် ကျပ်(၈၀၀)၊ Enervon-C (၄)လုံးပါ(၁)ကတ်လျှင် ကျပ်(၁၆၀၀)၊ Burmeton အလုံး (၁၀၀)ပါ (၁)ဘူးလျှင် ကျပ်(၂၀၀၀)၊ Cetirizine (၁၀)လုံးပါ (၁)ကတ်လျှင် ကျပ်(၃၀၀)၊ ဓာတ်ဆား MPF (၁)ထုပ်လျှင် ကျပ်(၃၅၀)၊ သီးစုံဓာတ်ဆား Royal-D (၁)ထုပ်လျှင် ကျပ်(၃၅၀)၊ Oramin-G (၅) လုံးပါ (၁)ကတ်လျှင် ကျပ်(၃၀၀၀)၊ Becozinc (၁၀)လုံးပါ (၁)ကတ်လျှင် ကျပ်(၃၈၀၀)၊ Vitahome (၁၀)လုံးပါ (၁)ကတ်လျှင် ကျပ် (၂၀၀၀)၊ SaRa (၁၀)လုံးပါ (၁)ကတ်လျှင် ကျပ်(၉၀၀)၊ Vitacee (၁၅) လုံးပါ (၁)ကတ်လျှင် ကျပ်(၃၀၀၀)၊ Flemex (၁၀)လုံးပါ (၁)ကတ်လျှင် ကျပ်(၃၃၀၀)၊ Solmux (၄)လုံးပါ (၁)ကတ်လျှင် ကျပ်(၁၃၀၀)၊ Woods (၁)ဘူးလျှင် ကျပ်(၉၀၀၀)၊ Alaxan (၁၀)လုံးပါ (၁) ကတ်လျှင် ကျပ်(၂၀၀၀)၊ Mixagrip (၄)လုံးပါ (၁)ကတ်လျှင် ကျပ်(၁၁၀၀)၊ Vitamin-C 100 mg (၁)လုံးလျှင် ကျပ်(၅၀)၊  Zinc (၁)လုံးလျှင် ကျပ်(၅၀)၊ Becozinc (၁)လုံးလျှင် ကျပ်(၃၈၀)၊ Zincovit (၁)လုံးလျှင် ကျပ်(၃၀၀) ဈေးနှုန်းအသီးသီးဖြင့် အရောင်းအဝယ်ဖြစ်လျက်ရှိပါသည်။

     ယခင်ဩဂုတ်လနှင့် ဈေးနှုန်းနှိုင်းယှဉ်ချက်အရ ယခုစက်တင်ဘာလအတွင်း၌ Civit နှင့် Paracetamol မှာ ကျပ် (၁၀၀၀)၊ Burmeton နှင့် Flemex တို့မှာ ကျပ် (၈၀၀)၊ Decolgen၊ Oramin-G နှင့် Alaxan တို့မှာ ကျပ် (၅၀၀)၊ Enervon-C၊ Vitahome နှင့် SaRa တို့မှာ ကျပ်(၄၀၀)  ဈေးနှုန်းများမြင့်တက်၍ ကျန်ဆေးဝါးများမှာ ဈေးငြိမ်နေပြီး အရောင်းအဝယ်ဖြစ်လျက်ရှိကြောင်း ဆေးနှင့်ဆေးပစ္စည်းရောင်းချသူများထံမှသိရှိရပါသည်။

DOCA(မကွေး)