ပြည်တွင်းကုန်သွယ်မှုသတင်း

      မကွေးတိုင်းဒေသကြီး၊ ပခုက္ကူခရိုင်သည် စပါးစိုက်ဧကနည်း၍ ဆန်လိုဒေသဖြစ်သော်လည်း ဆီထွက်သီးနှံများနှင့် ပဲအမျိုးမျိုး စိုက်ပျိုးထုတ်လုပ်လျက်ရှိပါသည်။ ဆီထွက်သီးနှံဖြစ်သော မိုးမြေပဲ သီးနှံမှာ ပခုက္ကူမြို့နယ်တွင် (၂၅၁၄၆)ဧက၊ ရေစကြိုနယ်တွင် (၉၃၂၂)ဧက၊ မြိုင်မြို့နယ်တွင် (၅၆၄၇၈)ဧက၊ ပေါက်မြို့နယ်တွင် (၅၀၃၀၇)ဧက၊ ဆိပ်ဖြူမြို့နယ်တွင် (၁၁၄၉၃)ဧက စုစုပေါင်း (၁၅၂၇၄၆)ဧက စိုက်ပျိုးပြီးစီးကြောင်း စိုက်ပျိုးရေးဦးစီးဌာန၏ စာရင်းများအရ သိရှိရပါသည်။

    မိုးမြေပဲ (၃လ)ကို ၂၀၂၃ခုနှစ်၊ မေလတွင် စိုက်ပျိုးပြီး ယခုစက်တင်ဘာလတွင် စတင်ရိတ်သိမ်းနေပြီဖြစ်ပါသည်။ တစ်ဧကလျှင် မြေပဲအတောင့်ကို စိုက်ပျိုးပါက (၃)တင်းမှ (၃)တင်းခွဲ အထိ ကုန်ကျကြောင်း၊ အဆန်ကို စိုက်ပျိုးပါက တစ်တင်း၊ တစ်တင်းခွဲခန့် ကုန်ကြောင်း၊ တစ်ဧက ကုန်ကျစရိတ်အနေဖြင့် ယခင်နှစ်က ကျပ်(၃၅၆၅၀၀) ရှိခဲ့သော်လည်း ယခုနှစ်တွင် သွင်းအားစုများ၊ ထွန်ယက်ခ၊ လုပ်သားခများ ဈေးမြင့်လာသောကြောင့် ယခုနှစ်တွင် ကျပ် (၇၇၇၀၀၀)ခန့် ကုန်ကျကြောင်းသိရှိရပါသည်။ တစ်ဧကအထွက်နှုန်းအနေဖြင့် (၄၀-၄၅)တင်းခန့် ထွက်ရှိကြောင်း၊ မြေပဲဈေးနှုန်းအနေဖြင့် မြေပဲတောင့်အစို တစ်တင်းလျှင် ကျပ်(၂၃၁၀၀)၊ မြေပဲ (ဗြန့်လုံးဆန်အဟောင်း) တစ်ပိဿာလျှင် ကျပ်(၇၂၀၀-၇၂၅၀)၊ အဖြူလုံးသစ် တစ်ပိဿာလျှင် ကျပ် (၆၅၀၀-၆၆၀၀)၊ မြေပဲဆုံဆီ တစ်ပိဿာလျှင် ကျပ်(၁၆၀၀၀)ရှိသောကြောင့် သွင်းအားစုများ ဈေးမြင့်လာ၍ ကုန်ကျစရိတ်မြင့်လာပြီး ရောင်းဈေးပါ မြင့်တက်လာသော်လည်း ယခုမြေပဲအစို တောင့်ဈေးနှင့်ပင် တစ်ဧက   ကျပ် (၂၆၀၀၀၀) ကျော်အမြတ်ရရှိပြီး မြေပဲများ အခြောက်လှန်း၍ မြေပဲဆံများ ကြိတ်ခွဲရောင်းချချိန်တွင် တောင်သူများ ပို၍အကျိုးအမြတ်ရရှိမည်ဖြစ်ပါသည်။

  မြေပဲဆံကို ဆီကြိတ်ရာတွင်သာမက မြေပဲယိုများ၊ မြေပဲဆားလှော်များ၊ မြေပဲဆန်ကို ကြိတ်၍ရသော ကြိတ်ဖတ်များကို နှမ်းဖတ်ချဉ်အဖြစ်လည်းကောင်း ထုတ်လုပ်ရောင်းချလျက်ရှိပါသည်။ မြေပဲပင်မှထွက်ရှိသော မြေပဲရိုး၊ မြေပဲမှော်များကိုလည်း တိရိစ္ဆာန်စာအဖြစ်လည်း အသုံးပြုနိုင်သောကြောင့် မြေပဲသီးနှံကို တွင်ကျယ်စွာ စိုက်ပျိုးလျက်ရှိကြောင်း သိရှိရပါသည်။

DOCA(မကွေး)

    အောင်လံကုန်စည်ဒိုင်တွင် နှမ်းဈေးကွက်အနေဖြင့် နှမ်းနက်(စမုံ)မှာ (၄၅)ပိဿာ(၁)အိတ်လျှင် ယခင်အပတ်(၁၃-၉-၂၀၂၃)ရက်နေ့တွင် ကျပ်(၂၆၀၀၀၀-၃၃၀၀၀၀)ဖြစ်ပြီး ယခုအပတ်(၁၉-၉-၂၀၂၃) ရက်နေ့တွင် ကျပ်(၂၆၀၀၀၀-၃၂၀၀၀၀)ဖြစ်၍ ကျပ်(၁၀၀၀၀)ဈေးလျော့ခဲ့ပါသည်။ နှမ်းနီ ယခင်အပတ် တွင် ကျပ်(၂၈၅၀၀၀)ဖြစ်ပြီး ယခုအပတ်တွင် ကျပ်(၃၀၀၀၀၀)ဖြစ်၍ ကျပ်(၁၅၀၀၀)ဈေးမြင့်ခဲ့ကြောင်း၊   နှမ်းဖြူမှာ ယခုအပတ်တွင် ကျပ်(၃၀၀၀၀၀)ဈေးနှုန်းဖြင့် အနည်းငယ်ဝင်ရောက်လျက်ရှိကြောင်း၊ အရောင်းအဝယ်ပမာဏအနေဖြင့် (၄၅)ပိဿာဝင်အိတ်များဖြင့် နှမ်းနက်(စမုံ)(၁၇၅၀)အိတ်၊ နှမ်းနီ (၂၈၀)အိတ်၊ နှမ်းဖြူ(၁၅၀)အိတ်တို့ အရောင်းအဝယ်ရှိခဲ့ပါကြောင်း အောင်လံကုန်စည်ဒိုင်မှသိရှိရ ပါသည်။

    ပဲမျိုးစုံဈေးကွက်အနေဖြင့် ကုလားပဲ(မြကြေး)မှာ (၂၀)ပိဿာ(၁)တင်းလျှင် ယခင်အပတ်တွင် ကျပ်(၉၂၀၀၀)ဖြစ်ပြီး ယခုအပတ်တွင် ကျပ်(၉၁၀၀၀)ဖြစ်၍ ကျပ်(၁၀၀၀)ဈေးလျော့ခဲ့ပါသည်။ ပဲတီစိမ်း ယခင်အပတ်တွင် ကျပ်(၄၈၀၀၀-၅၈၀၀၀)ဖြစ်ပြီး ယခုအပတ်တွင် ကျပ်(၅၅၀၀၀-၆၀၀၀၀) ဖြစ်၍ ကျပ်(၂၀၀၀-၇၀၀၀)ဈေးမြင့်ခဲ့ကြောင်း၊ မတ်ပဲ ယခင်အပတ်တွင် ကျပ်(၇၇၀၀၀)ဖြစ်ပြီး ယခု အပတ်တွင် ကျပ်(၇၉၀၀၀)ဖြစ်၍ ကျပ်(၂၀၀၀)စသည်ဖြင့် အသီးသီးဈေးမြင့်ခဲ့ပါသည်။ ကုလားပဲ(H-L) ယခင်အပတ်တွင် ကျပ်(၉၃၀၀၀)ဖြစ်ပြီး ယခုအပတ်တွင်လည်း ကျပ်(၉၃၀၀၀)၊ ပဲကြီး ယခင်အပတ်တွင် ကျပ်(၉၆၀၀၀-၁၀၀၀၀၀)ဖြစ်ပြီး ယခုအပတ်တွင်လည်း ကျပ်(၉၆၀၀၀-၁၀၀၀၀၀)ဖြစ်၍ ဈေးနှုန်း ပြောင်းလဲမှုမရှိပဲ အရောင်းအဝယ်ပမာဏအနေဖြင့် (၃၀)ပိဿာဝင်အိတ်များဖြင့် ပဲတီစိမ်း(၁၉၀၀) အိတ်၊ မတ်ပဲ(၂၂၀)အိတ်၊ ကုလားပဲ(H-L)(၁၁၅၀)အိတ်၊ ကုလားပဲ(မြကြေး)(၉၀၀)အိတ်၊ ပဲကြီး(၃၆၀) အိတ်တို့အရောင်းအဝယ်ဖြစ်ခဲ့ပါသည်။

    မြေပဲလုံးဆန်ဖြူ(၁)ပိဿာလျှင် ယခင်အပတ်တွင် ကျပ်(၆၂၀၀-၆၄၀၀)ဖြစ်ပြီး ယခုအပတ်တွင် ကျပ်(၆၆၀၀-၆၇၀၀)ဖြစ်၍ ကျပ်(၃၀၀-၄၀၀)ဈေးမြင့်ခဲ့ကြောင်း၊ မြေပဲတောင့်အစို (၁)တင်းလျှင် ယခင် အပတ်တွင်  ကျပ်(၁၈၀၀၀-၂၀၀၀၀)ဖြစ်ပြီး ယခုအပတ်တွင် ကျပ်(၁၈၀၀၀-၂၂၀၀၀)ဖြစ်၍ ကျပ်(၂၀၀၀) စသည်ဖြင့် အသီးသီးဈေးမြင့်ခဲ့ပြီး အရောင်းအဝယ်ပမာဏအနေဖြင့်  မြေပဲလုံးဆန်ဖြူ(၅၅၀)အိတ်၊ မြေပဲ လုံးဆန်နီ(၂၅၀)အိတ်၊ မြေပဲတောင့်အစိုတင်း(၄၇၀၀)ခန့် အရောင်းအဝယ်ရှိခဲ့ပါကြောင်း၊ နှမ်းဖြူနှင့် မြေပဲလုံးဆန်နီမှာ အနည်းငယ်ဝင်ရောက်လျက်ရှိပြီး အခြားသီးနှံများမှာ ပုံမှန်အရောင်းအဝယ် ဖြစ်လျက်ရှိကြောင်း အောင်လံကုန်စည်ဒိုင်မှ သိရှိရပါသည်။

DOCA(မကွေး)

   မကွေးတိုင်းဒေသကြီး၊ ပခုက္ကူခရိုင်မြို့မစည်ပင်ဈေးတွင် ပခုက္ကူမြို့နယ်အတွင်းရှိရွာများနှင့် ကမ္မ၊ မြစ်ခြေရှိနယ်များမှ ဟင်းသီးဟင်းရွက်ဈေးသည်များ၊ ပခုက္ကူကျွန်း၊ ရေတောင်ဘက်ရှိ မြင်းကျွန်း၊ လေးလံကျွန်း၊ ဘောလုံးကုန်ကျွန်းနှင့် မန္တလေးတိုင်းဒေသကြီးအတွင်းရှိ ကျောက်ပန်းတောင်း၊ ပုပ္ပါးတို့မှ လာရောက်အရောင်းအဝယ်ဖြစ်နေကြောင်း မြို့မဈေးးနှင့် အမှတ်(၂)ဈေးနှင့် ကိုဗစ်(၁၉)ဈေးမှ ဈေးသည်များထံမှသိရှိရပါသည်။

    ပခုက္ကူမြိုမဈေး၊ အမှတ်(၂)ဈေးနှင့် ကိုဗစ်(၁၉)ဈေးတို့တွင် ရောင်းဝယ်နေသော ကုန်စိမ်းသီးနှံများမှာ ခရမ်းသီး၊ ခရမ်းချဉ်သီး၊ ငရုတ်သီးစိမ်း၊ ပန်းဂေါ်ဖီ၊ ခဝဲသီး၊ ဂေါ်ဖီထုပ်၊ ဂေါရခါးသီးနှင့် တခြားသီးနှံများအရောင်းအဝယ်ဖြစ်နေပါသည်။ ခရမ်းသီးတစ်ပိဿာဈေးမှာ ကျပ် (၂၄၀၀)၊ ခရမ်းချဉ်သီးမှာ ရှမ်းပြည်နယ်မှလာသော အင်းလေးသီးမှာ တစ်ပိဿာလျှင် ကျပ် (၁၈၀၀-၂၀၀၀)၊ ကျောက်ပန်းတောင်းထိုင်ဝမ်သီးတစ်ပိဿာလျှင် အမျိုးအစားကိုလိုက်၍ ကျပ်(၂၀၀၀-၂၂၀၀-၂၃၀၀)၊ ငရုတ်သီးစိမ်းမှာ မိတ္ထီလာသီးတစ်ပိဿာလျှင် ကျပ်(၂၅၀၀)၊ ငရုတ်သီးစိမ်းရွှေအပ်သီးတစ်ပိဿာလျှင် ကျပ် (၃၀၀၀)၊ ခဝဲသီးတစ်ပိဿာလျှင် ကျပ် (၄၀၀-၅၀၀-၇၀၀)၊ ပန်းဂေါ်ဖီမှာ အပွင့်အရွယ်အစားကိုလိုက်၍ တစ်ပွင့်လျှင် ကျပ်(၈၀၀-၉၀၀-၁၀၀၀)၊ ဂေါ်ဖီတစ်ထုပ်လျှင် ကျပ်(၁၃၀၀)၊ ဂေါ်ရခါးသီးတစ်လုံးလျှင် ကျပ်(၁၅၀-၂၀၀)၊ ပဲတောင့်ရှည်တစ်ပိဿာလျှင် ကျပ်(၂၄၀၀-၂၆၀၀)၊ မုန့်လာဥနီတစ်ပိဿာလျှင် ကျပ်(၂၀၀၀-၂၅၀၀)၊ ကျောက်ဖရုံသီးတစ်လုံးလျှင် ကျပ်(၃၀၀-၄၀၀-၅၀၀)၊  ချဉ်ပေါင်ရွက်တစ်စည်းလျှင် ကျပ်(၅၀)၊ ရေကန်စွန်းရွက်တစ်စည်းလျှင် ကျပ်(၅၀)၊ ဆူးပုပ်ရွက်တစ်စည်းလျှင် ကျပ်(၂၅၀-၃၀၀)၊ ကင်မွန်းချဉ်ရွက်(၁၀)စည်းပါ တစ်စည်းလျှင် ကျပ်(၅၀၀)နှင့် အသားငါးဈေးမှာ မွေးမြူရေးကြက်တစ်ပိဿာလျှင် ကျပ်(၁၂၀၀၀)၊ ကြက်သား(ဗမာ)တစ်ပိဿာလျှင် ကျပ်(၁၇၀၀၀)၊ ဝက်သားတစ်ပိဿာလျှင် ကျပ်(၁၉၀၀၀)၊ ဆိတ်သားတစ်ပိဿာလျှင် ကျပ်(၂၂၀၀၀)၊ ငါးမြစ်ချင်းတစ်ပိဿာလျှင် ကျပ်(၇၅၀၀)၊ ငါးကြင်းတစ်ပိဿာလျှင် ကျပ်(၉၅၀၀)နှင့် ပုစွန်ထုပ်တစ်ပိဿာလျှင် ကျပ်(၂၅၀၀၀)ဖြင့် ရောင်းဝယ်ဖောက်ကားလျက်ရှိကြောင်း ဈေးသည်များထံမှသိရှိရပါသည်။

DOCA(မကွေး)

   မကွေးတိုင်းဒေသကြီး၊ ပခုက္ကူခရိုင်၊ ပခုက္ကူကုန်စည်ဒိုင်တွင် အညာဒေသမှ အဓိကစိုက်ပျိုးထုတ်လုပ်သော ပဲစဉ်းငုံနီ၊ ပဲတီစိမ်း၊ ကုလားပဲမျိုးစုံ၊ ပဲနီပြား၊ ထောပတ်ပဲ၊ ပဲလွန်း၊ တခြားပဲနှင့် နှမ်းမျိုးစုံများအရောင်းအဝယ်ဖြစ်လျက်ရှိပါသည်။ ၂၀၂၃ခုနှစ်၊ စက်တင်ဘာလ(ဒုတိယပတ်)တွင် ပဲမျိုးစုံကုန်စည်ဒိုင်ပြတ်ဈေးမှာ ပဲစဉ်းငုံနီတစ်တင်းလျှင် ကျပ်(၁၀၂၀၀၀-၁၂၇၀၀၀)၊ ကုလားပဲဝါလုံးကြီး(  929 )တစ်တင်းလျှင် ကျပ် (၈၉၀၀၀)၊ ပဲတီစိမ်းကြီးမှာ အရည်အသွေးကိုလိုက်၍ တစ်တင်းလျှင် ကျပ်(၄၀၀၀၀-၅၅၀၀၀)၊ ပဲတီစိမ်း -သေးတစ်တင်းလျှင် ကျပ် (၄၀၀၀၀-၅၈၅၀၀)၊ ကုလားပဲဖြူလုံးကြီး(v6)တစ်တင်းလျှင် ကျပ် (၉၄၀၀၀)၊ ပဲဇီးကွက်တစ်တင်းလျှင် ကျပ်(၅၄၀၀၀-၅၅၀၀၀)၊ နှမ်းညိုတစ်တင်းလျှင် ကျပ်(၁၀၃၀၀၀)၊ နှမ်းနီ(ယော)တစ်တင်းလျှင် ကျပ်(၁၀၁၀၀၀)၊ နှမ်းဝါ(ယော)တစ် တင်းလျှင် ကျပ်(၁၀၇၀၀၀)၊ မန်ကျည်းသီးမှည့်တစ်ပိဿာလျှင် ကျပ်(၇၈၀၀)ဖြင့် ဥပုသ်နေ့မှလွဲ၍ အရောင်းအဝယ်ဖြစ်နေကြောင်း ကုန်စည်ဒိုင်မှသိရှိရပါသည်။

  ယခုအပတ်၏ အရောင်းအဝယ်ဖြစ်မှုမှာ ပဲစဉ်းငုံနီ(၇၀၀)အိတ်၊  ကုလားပဲဝါလုံးကြီး(929) (၃၀၀)အိတ်၊ ကုလားပဲဝါလုံးကြီး(၂၅၀)အိတ်၊ ပဲတီစိမ်းသေး(၂၅၀၀)အိတ်၊ ကုလားပဲဖြူလုံးကြီး (v6) (၃၀၀)အိတ်၊ ပဲဇီးကွက်(၅၀၀)အိတ်၊ နှမ်းညို(၁၄၀၀)အိတ်၊ နှမ်းနီ(ယော)(၁၈၀၀)အိတ်၊ နှမ်းဝါ (ယော)(၁၀၀၀)အိတ်၊ မန်ကျည်းသီးမှည့်ကုန်ချိန်(၃၀၀၀) တို့အရောင်းအဝယ်ဖြစ်နေပါသည်။

     ပဲနှမ်းတင်ပို့မှုအနေဖြင့် မြန်မာပြည်အောက်ပိုင်း ရန်ကုန်တိုင်းဒေသကြီးသို့ အဓိကတင်ပို့ပြီး ယခုအပတ်တွင် ပဲတီစိမ်းမှာ အများဆုံးဖြစ်ပြီး တခြားပဲများမှာ ပဲယင်း၊ ကုလားပဲအမျိုးမျိုးနှင့် နှမ်းညိုများတင်ပို့လျက်ရှိကြောင်း ကုန်သည်ပွဲစားများထံမှသိရှိရပါသည်။

DOCA(မကွေး)

    ၂၀၂၃ခုနှစ်၊ စက်တင်ဘာလ တတိယပတ်အတွင်း ရှမ်းပြည်နယ်(အရှေ့ပိုင်း)၊ ကျိုင်းတုံမြို့ရှိ အခြေခံစားသောက်ကုန်များဖြစ်သော ရွှေဘိုပေါ်ဆန်မွှေး(သိင်္ဂီ) တစ်ပြည်လျှင် ၇၀၀၀ကျပ်၊ ဧည့်မထ (ဒေသ)ဆန်တစ်ပြည်လျှင် ၃၉၅၀ကျပ်ဖြင့် အရောင်းအဝယ်ဖြစ်လျက်ရှိပါသည်။ စားဖိုဆောင်စားသောက်ကုန်များအနေဖြင့် ကြက်သွန်နီတစ်ပိဿာလျှင် ၄၀၀၀ကျပ်၊ ကြက်သွန်ဖြူ(ကြူကုတ်) တစ်ပိဿာလျှင် ၁၀၀၀၀ကျပ်၊ (ရှမ်းစ)တစ်ပိဿာလျှင် ၁၁၀၀၀ကျပ်၊ ငရုတ်သီးခြောက်(ရှည်)တစ်ပိဿာလျှင် ၁၈၀၀၀ကျပ်၊ ခရမ်းချဉ်သီးတစ်ပိဿာလျှင် ၂၅၀၀ကျပ်၊ အာလူးတစ်ပိဿာလျှင် ၄၀၀၀ကျပ်၊ မန်ကျည်းသီးမှည့်တစ်ပိဿာလျှင် ၄၀၀၀ကျပ်နှင့် ချင်းတစ်ပိဿာလျှင် ၆၀၀၀ကျပ် စသည်ဖြင့် ရောင်းဝယ်လျက်ရှိပါသည်။

   စက်တင်ဘာလ တတိယပတ်၌ စားသုံးဆီဈေးနှုန်းများအနေဖြင့် စားအုန်းဆီတစ်ပိဿာလျှင် ၇၆၀၀ကျပ်နှင့် ပဲဆီ(ရိုးရိုး) တစ်ပိဿာလျှင် ၁၆၀၀၀ ကျပ်၊ ကြက်ဥဈေးမှာ တစ်လုံးလျှင် ၃၀၀ကျပ်နှင့် ဘဲဥတစ်လုံးလျှင် ၄၀၀ကျပ်ဖြင့် ရောင်းဝယ်လျက်ရှိပါသည်။ အသားငါးဈေးနှုန်းများမှာ ကြက်သား (CP) တစ်ပိဿာလျှင် ၁၄၀၀၀ကျပ်၊ ဝက်သားတစ်ပိဿာလျှင် ၂၂၀၀၀ကျပ်၊ အမဲသား တစ်ပိဿာလျှင် ၂၄၀၀၀ကျပ်၊ ငါးကြင်းတစ်ပိဿာလျှင် ၁၅၀၀၀ကျပ်၊ ငါးမြစ်ချင်းတစ်ပိဿာလျှင် ၁၃၀၀၀ကျပ်ဈေးနှုန်းတို့ဖြင့် ရောင်းဝယ်လျက်ရှိကြောင်းသိရှိရပါသည်။

   ယခင်စက်တင်ဘာလ ဒုတိယအပတ်ဈေးနှုးန်တို့နှင့်နှိုင်းယှဉ်ပါက ကြက်သွန်နီ၊ အာလူး၊ စားအုန်းဆီဈေးနှုန်းတို့မှာ အနည်းငယ်မြင့်တက်လျက်ရှိကြောင်း၊ ငရုတ်ခြောက်(ရှည်)မှာ ဈေးနှုန်းအနည်းငယ်ကျဆင်းသွားပြီး ကျန်အခြေခံစားသောက်ကုန်များမှာ ဈေးနှုန်းတည်ငြိမ်လျက်ရှိကြောင်းသိရှိရပါသည်။

DOCA(ရှမ်း)