ပြည်တွင်းကုန်သွယ်မှုသတင်း

         ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့၊ စည်ပင်သာယာဈေးတွင်းရှိသော ချင်းဈေးနှုန်းများမှာ စက်တင်ဘာလ ဒုတိယပတ်တွင် ချင်း(၁၀)ကျပ်သားလျှင် ၁၀၀၀ကျပ်ရှိခဲ့ပြီး ဇူလိုင်လ နောက်ဆုံးပတ်တွင် (၁၀၀၀) ကျပ်ရှိနေပါသည်။ အောက်တိုဘာလ တတိယပတ်တွင်လည်း  ချင်းဈေးနှုန်းမှာ   (၁၀၀၀)ကျပ်ဈေးနှုန်းဖြင့် ဈေးနှုန်းတည်ငြိမ်နေပါသည်။

          ကြက်သွန်ဖြူဈေးနှုန်းများအနေဖြင့် စက်တင်ဘာလ နောက်ဆုံးပတ်တွင် ကြက်သွန်ဖြူ (ကြူကုတ်) ၁၀ကျပ်သားလျှင် ၂၀၀၀ကျပ်၊ ယခု အောက်တိုဘာလ ဒုတိယပတ်တွင်လည်း ဈေးနှုန်းအပြောင်းအလဲမရှိဘဲ ဈေးနှုန်းတည် ငြိမ်နေပါသည်။

          ကြက်သွန်ဖြူ(ရှမ်းစ) ဈေးနှုန်းအနေဖြင့် စက်တင်ဘာလ နောက်ဆုံးပတ်တွင် (၁၀) ကျပ်သားလျှင် (၁၃၀၀-၁၅၀၀)ကျပ်ပေါက်ဈေးရှိနေပြီး ယခုအောက်တိုဘာလ ဒုတိယပတ်တွင် ကြက်သွန်ဖြူ (ရှမ်းစ) ၁၀ကျပ်သားလျှင် ၁၅၀၀ကျပ်ဈေးတို့ဖြင့် အရောင်းအဝယ်ဖြစ်နေပါသည်။ ကြက်သွန်ဖြူဥတစ်လုံးဈေးကွက်လည်းရှိနေပြီး တစ်ဆယ်ကျပ်သားလျှင် ၂၀၀၀ကျပ်ဈေးနှုန်းဖြင့် အရောင်းအဝယ်ဖြစ်နေကြကြောင်းသိရှိရပါသည်။

DOCA(ပဲခူး)

    မကွေးတိုင်းဒေသကြီး၊ ပခုက္ကူမြို့ပေါ်တွင် မန်ကျည်းသီးမှည့်အသစ်များ ရှားပါးချိန်ဖြစ်ပြီး မန်ကျည်းသီးမှည့် အဟောင်းများ ဈေးကွက်တွင် ဈေးအမြင့်ဖြင့် အရောင်းအဝယ်ဖြစ်လျက်ရှိပြီး အဓိကအားဖြင့် ယောနယ်ဒေသများနှင့် ကျောက်ပန်းတောင်းမြို့၊ ဆိပ်ဖြူမြို့၊ မြိုင်၊ ကမ္မနှင့် မြစ်ခြေမြို့များမှ ထွက်ရှိ၍ နေ့စဉ်ဝင်ရောက်အရောင်းအဝယ်ဖြစ်လျက်ရှိကြောင်း သိရသည်။

   ၂၀၂၄ခုနှစ်၊ အောက်တိုဘာလ(ပထမပတ်)တွင် မန်ကျည်းမှည့် အသား တစ်ပိဿာလျှင် လက်ကားဈေး ကျပ်(၇၀၀၀)၊ လက်လီဈေး ကျပ်(၈၀၀၀)ဈေးဖြင့် အရောင်းအဝယ်ဖြစ်ပြီး ယခင် စက်တင်ဘာလ(စတုတ္ထပတ်)နှင့် ဈေးနှုန်းနှိုင်းယှဉ်ပါက ဈေးအတက် အကျမရှိ  အရောင်းအဝယ် ဖြစ်လျက်ရှိကြောင်း၊ ယခုအချိန်တွင် ဒေသတွင်း မန်ကျည်းသီးစိမ်းများ လှိုင်လှိုင်ပေါ်ချိန်ဖြစ်၍ မန်ကျည်းသီးမှည့်ကို အိမ်ရှင်မများအနေဖြင့် စားသုံးမှုနည်းကြောင်း၊ မန်ကျည်းသီး သုံးစွဲမှုနည်း၍ လက်လီဝယ်ယူမှု အရောင်းအဝယ်အေးကြောင်း၊ မန်ကျည်းသားများကို ပခုက္ကူမြို့ပေါ်ရှိ စားသောက် ကုန်လုပ်ငန်းရှင် လှောင်လက်သမားများမှ ကုန်ဝင်နည်းသောကြောင့် ဝယ်ယူထားရှိပြီး ပြန်လည် ရောင်းချကြကြောင်း၊ အကြော်ဆိုင်၊ အကင်ဆိုင်များမှ မန်ကျည်းသီး အချဉ်ရည်များ ပြုလုပ်ရန်အတွက် ဝယ်ယူခြင်း၊ မန်ကျည်းဖျော်ရည် လုပ်ငန်း များနှင့် မန်ကျည်းတော်ဖီ လုပ်ငန်းရှင်များမှလည်း အများအပြားဝယ်ယူသည့်အပြင် ရန်ကုန်မြို့နှင့် မန္တလေးမြို့များသို့လည်း တင်ပို့လျက်ရှိကြောင်း သိရှိရပါသည်။

DOCA(မကွေး)

    မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ ကုန်စိမ်းသီးနှံဈေးကွက်သို့ ရှမ်းပြည်နယ် အောင်ပန်းနှင့် ပေါက်ဒေသထွက် အာလူးများ ဝင်ရောက်အရောင်းအဝယ် ဖြစ်လျက်ရှိပါသည်။ အာလူး သီးနှံသည် ပြည်သူအများ စားသုံးမှုမြင့်မားလျက်ရှိပြီး စားဖိုဆောင်သီးနှံအဖြစ် စားသုံးမှုအပြင် ဒေသတွင်း ကုန်ကြမ်းအာလူးသီးနှံမှတစ်ဆင့် တန်ဖိုးမြှင့်ထုတ်ကုန်အဖြစ် အာလူးကြော်ထုတ်လုပ်မှု လုပ်ငန်းများလည်း တွင်ကျယ်စွာ ဆောင်ရွက်လျက်ရှိ၍ အာလူးသီးနှံမှာ ဒေသတွင်းသုံးစွဲမှုများ၍ အရောင်းအဝယ်သွက်လျက်ရှိကြောင်း ဈေးကွက်မှသိရသည်။

   ၂၀၂၄ခုနှစ်၊ အောက်တိုဘာလ(ပထမပတ်)တွင် အာလူးအလုံးအရွယ်အစားနှင့် အရည်အသွေးလိုက်၍ အာလူး(အလုံးကြီး)ရှယ် တစ်ပိဿာလျှင် ကျပ်(၇၀၀၀)၊ အာလူး(အလုံးလတ်) တစ်ပိဿာလျှင် ကျပ်(၅၀၀၀)၊ အာလူး(အလုံးသေး) တစ်ပိဿာလျှင် ကျပ်(၃၀၀၀)ဈေးဖြင့် အရောင်းအဝယ်ဖြစ်လျက် ရှိပြီး ယခင် စက်တင်ဘာလ(စတုတ္ထပတ်)တွင် အာလူး(အလုံးကြီး)ရှယ် တစ်ပိဿာလျှင် ကျပ် (၆၀၀၀)၊ အာလူး(အလုံးလတ်) တစ်ပိဿာလျှင် ကျပ်(၄၀၀၀)၊ အာလူး(အလုံးသေး) တစ်ပိဿာလျှင် ကျပ် (၂၀၀၀)ဈေးဖြင့် အရောင်းအဝယ်ဖြစ်၍ ဈေးနှုန်းနှိုင်းယှဉ်ရမည်ဆိုလျှင် အာလူးတစ်ပိဿာလျှင် ကျပ်(၁၀၀၀)ခန့် ဈေးတက်ပြီး အရောင်းအဝယ်ဖြစ်လျက်ရှိကြောင်း၊ မိုးတွင်းကာလဖြစ်၍ လမ်းပန်းဆက်သွယ်ရေးအခက်အခဲများကြောင့် ဈေးကွက်သို့ ကုန်ဝင်ရောက်မှုနည်းပြီး ဝယ်ယူစားသုံးမှုမြင့်မားခြင်းကြောင့် ဈေးတက်ရခြင်းဖြစ်ကြောင်း  သိရှိရပါသည်။

DOCA(မကွေး)

     မကွေးတိုင်းဒေသကြီး၊ ပခုက္ကူခရိုင်အတွင်းရှိ ဆိပ်ဖြူမြို့နယ် ရွာသစ်၊ အနောက်ပိုင်း ရပ်ကွက်အုပ်စု၊ ချောင်းမကြီးအုပ်စုအတွင်းရှိ ကျေးရွာများတွင် နှစ်စဉ် သီးနှံမျိုးစုံ ရာသီအလိုက် စိုက်ပျိုးကြပြီး ကြက်သွန်နီ မိုးစိုက်(ဥစိုက်)၊ ဆောင်းစိုက်(ပင်စိုက်)အပြင်၊ အစေ့ပက်(မျိုးဥယူ)စိုက်ပျိုး မှုကိုလည်း နှစ်စဉ် စိုက်ဧက(၅၀)ခန့် စိုက်ပျိုးကြောင်း၊ ဧရာဝတီမြစ်ရိုးတစ်လျှောက် သဲနုန်းမြေများနှင့် ယောချောင်းနံဘေးရှိ သဲမြေများတွင် ဘောင်တင်အကန့်ဖော်စနစ်ဖြင့် ရေသွင်း ရေဖြန်း စိုက်ပျိုး ကြောင်း၊ ဒီဇင်ဘာ၊ ဇန်နဝါရီလတွင်စိုက်ပျိုးပြီး မတ်၊ ဧပြီလတွင် တူးဖော်ကြောင်း၊ မျိုးစေ့မှတစ်ဆင့် တိုက်ရိုက်မျိုးဥယူခြင်းဖြစ်၍ သက်တမ်း(၄)လခန့်ကြာမြင့်ကြောင်း၊ တောင်သူများ အနေဖြင့် ကြက်သွန်မျိုးဥတူးဖော်ပြီး (၇)လခန့်ထိ သိုလှောင်ထားရှိပြီး အောက်တိုဘာလတွင် (မိုး)ကြက်သွန်နီ ဥစိုက်ပျိုးချိန်ရာသီရောက်မှသာ အရောင်းအဝယ်ဖြစ်ကြောင်း၊ ဒေသတွင်းလက်ရှိ အရောင်းအဝယ် ဖြစ်သော ဈေးနှုန်းဈေးကွက်ပေါ်မူတည်၍ မျိုးဥဈေးနှုန်းများမှာလည်း ပြောင်းလဲမှုရှိကြောင်း သိရှိရ သည်။

   စိုက်တောင်သူများအနေဖြင့် (၀.၃)ဧကမှ (၁)ဧကထိ စိုက်ပျိုးကြောင်း၊ (၁)ဧကလျှင် ကြက်သွန်နီမျိုးစေ့(၁၂)ပြည်ခန့် ကုန်ကျကြောင်း၊ ကျဲပက်မှုအထူအပါးပေါ်မူတည်၍ မျိုးစေ့ကုန်ကျမှု တောင်သူတစ်ဦးချင်းမတူညီကြောင်း၊ စိုက်ပျိုးချိန် မျိုးစေ့တစ်ပြည်လျှင် ကျပ်(၁၂၀၀၀၀)ဈေးဖြင့် ဝယ်ယူ စိုက်ပျိုးရ၍ မျိုးစေ့ဈေးနှုန်းကြီးမြင့်ခြင်းကြောင့် ကုန်ကျစရိတ်များကြောင်း၊ (၁)ဧကလျှင် ကျပ်သိန်း(၂၀)ခန့် ကုန်ကျကြောင်း၊ အထွက်နှုန်းအနေဖြင့် ကြက်သွန်နီပိဿာချိန် (၁၀၀၀-၁၂၀၀)ခန့် ထွက်ရှိကြောင်း၊ မျိုးဥ အကြီးအသေးအရွယ်အစားလိုက်၍ ဇော်မွှား၊ ဇော်သန်၊ ကြမ်းကျွံ အမျိုးအစား သုံးမျိုးခွဲခြားရောင်းချကြောင်း၊ တစ်ဧကလျှင် ကျပ်(၂၅)သိန်းခန့် ရရှိကြောင်း သိရှိရသည်။

    ယခု(မိုး)ကြက်သွန်နီဥစိုက် စိုက်ပျိုးရာသီချိန် ရောက်ရှိ၍ ဒေသတွင်း ကြက်သွန်နီ မျိုးဥ ဈေးကွက်တွင် ဇော်မွှားတစ်ပိဿာလျှင် ကျပ်(၄၅၀၀)၊ ဇော်သန် တစ်ပိဿာလျှင် ကျပ်(၃၀၀၀)၊ ကြမ်းကျွံ တစ်ပိဿာ ကျပ်(၂၇၀၀)ဈေးဖြင့် အရောင်းအဝယ်ဖြစ်လျက်ရှိပြီး ယခင်နှစ် အရောင်းအဝယ် ဖြစ်ခဲ့သော ကြက်သွန်နီမျိုးဥဈေးနှုန်းမှာ ဇော်မွှားတစ်ပိဿာလျှင် ကျပ်(၄၅၀၀)၊ ဇော်သန် တစ်ပိဿာ လျှင် ကျပ်(၃၅၀၀)၊ ကြမ်းကျွံ တစ်ပိဿာလျှင် ကျပ်(၂၉၀၀)ဈေးဖြင့် အရောင်းအဝယ်ဖြစ်ခဲ့ကြောင်း၊  တစ်ဧကလျှင် ကျပ်(၂၂)သိန်းခန့် အကျိုးအမြတ်ရရှိကြောင်း သိရှိရသည်။

   ဈေးကွက်အနေဖြင့် ဒေသတွင်း ကြက်သွန်နီ စိုက်တောင်သူများမှ ဝယ်ယူခြင်းအပြင် အခြားမြို့နယ်များဖြစ်သည့် ချောက်၊ ဆင်ဖြူကျွန်း၊ စလင်း၊ ပွင့်ဖြူ မြို့နယ်ရှိ စိုက်တောင်သူများမှ လည်း ကျေးရွာများအထိဆင်း၍ လာရောက်ဝယ်ယူကြောင်း၊ မျိုးဥစိုက်တောင်သူများအနေဖြင့် ရောင်းချချိန် ဈေးကောင်းရရှိ၍ အကျိုးအမြတ် များစွာရရှိကြောင်း သိရှိရသည်။ ကြက်သွန်နီသီးနှံ သည် ဆိပ်ဖြူမြို့နယ်၏ အဓိကဒေသထွက်ကုန်တစ်မျိုးဖြစ်၍ ဒေသဖွံ့ဖြိုးရေးနှင့် နိုင်ငံစီးပွား မြှင့်တင်ရေးကို  အဓိကအထောက်အပံ့ ဖြစ်စေသော  သီးနှံဖြစ်သည့်အပြင်  ဒေသခံပြည်သူများကိုလည်း အလုပ်အကိုင် အခွင့်အလမ်းများစွာ ရရှိခြင်းကြောင့် ကြက်သွန်နီ ဥစိုက်/ပင်စိုက် အပြင်အစေ့ ပက်မျိုးဥယူ စိုက်ပျိုးခြင်းကိုလည်း နှစ်စဉ်မပြတ် ဒေသစီးပွားဖြစ်စိုက်ပျိုးကြောင်း ရွာသစ်ရပ်ကွက်ရှိ စိုက်တောင်သူတစ်ဦးထံမှ သိရှိရပါသည်။

DOCA(မကွေး)

          တောင်ငူမြို့တွင် ကြက်သွန်နီဈေးနှုန်းမှာ ယခင်စက်တင်ဘာလ လဆန်းပိုင်းတွင် တစ်ပိဿာလျှင် အသေး ၂၀၀၀ကျပ်၊ အလတ် ၂၃၀၀ကျပ်၊ အကြီး ၂၅၀၀ကျပ်ရှိခဲ့ရာမှ ယခုအောက်တိုဘာလ၊ ပထမအပတ်တွင် တစ်ပိဿာလျှင် အသေး ၁၈၀၀ကျပ်၊ အလတ် ၂၀၀၀ကျပ်ဖြင့် ဈေးနှုန်းအနည်းငယ်ကျပြီး အကြီးမှာ တစ်ပိဿာလျှင် ၂၅၀၀ကျပ်ဖြင့် ဈေးနှုန်းတည်ငြိမ်လျက်ရှိပါသည်။

            ကြက်သွန်ဖြူမှာ ယခင်စက်တင်ဘာလ လဆန်းပိုင်းတွင် တစ်ပိဿာလျှင် အသေး ၁၀၀၀၀ကျပ်၊  အလတ် ၁၂၀၀၀ကျပ်၊ အကြီး ၁၃၀၀၀ကျပ်ရှိခဲ့ရာမှ ယခုအောက်တိုဘာလ၊ ပထမအပတ်တွင် တစ်ပိဿာလျှင် အသေး ၉၀၀၀ကျပ်၊ အလတ် ၁၀၀၀၀ကျပ်၊ အကြီး ၁၂၀၀၀ကျပ်ရှိသဖြင့် ဈေးနှုန်းအနည်းငယ်ကျဆင်းလာပါသည်။

              ငရုတ်သီးခြောက် အပု/အရှည်မှာ တစ်ပိဿာလျှင် ၁၂၀၀၀ကျပ်မှ ၁၅၀၀၀ကျပ်အထိ၊ ငရုတ်သီးခြောက်အပွမှာ တစ်ပိဿာလျှင် ၂၀၀၀၀ကျပ်မှ ၂၂၀၀၀ကျပ်အထိဖြင့် ဈေးနှုန်းတည်ငြိမ်နေကြောင်း တောင်ငူမြို့ရှိ ကုန်စုံဆိုင်များမှသိရှိရပါသည်။

DOCA(ပဲခူး)