ပြည်တွင်းကုန်သွယ်မှုသတင်း

    ပြည်မြို့ရှိဈေးကွက်များတွင် ကွမ်းသီးများရောင်းချမှုမှာ နေ့စဉ်အရောင်းအဝယ်ဖြစ်လျက်ရှိပါသည်။ မြန်မာအမျိုးသားတိုင်းလိုလို ကွမ်းများစားသုံးကြသဖြင့် ကွမ်းရွက်နှင့် ကွမ်းသီးမှာ နေ့စဉ်အရောင်းအဝယ်ဖြစ်လျက်ရှိပါသည်။ ပြည်မြို့ရှိ ကွမ်းသီးအရောင်းဆိုင်များမှာ ကွမ်းသီးကို ရန်ကုန်ဘက်မှဝယ်ယူကြသလို ကော့သောင်းနှင့် ထားဝယ်ဘက်မှလည်း ဝယ်ယူ၍ရောင်းချကြောင်း သိရပါသည်။

      မြန်မာနိုင်ငံတွင် ကွမ်းသီးပင်ကို ပဲခူးတိုင်း (အရှေ့) တောင်ငူ၊ သထုံ၊ ထားဝယ်၊ မြိတ်၊ ဖျာပုံ၊ မန္တလေး၊ ကျိုက္ခမီနှင့် စစ်တွေတို့တွင် အများဆုံးစိုက်ပျိုးကြပါသည်။ ကွမ်းသီးပင်ကို အခြားသီးပင် များဖြစ်သော သရက်၊ ပိန္နဲပင်၊ မရန်းပင် ၊ အုန်းပင်တို့နှင့် ရောနှော၍စိုက်ပျိုးကြပါသည်။ ကွမ်းသီး များသည် သီတင်းကျွတ်၊ တန်ဆောင်မုန်းလနှင့် နတ်တော်လများတွင် ကွမ်းသီးများ ခူးဆွတ်ရပါသည်။ မြန်မာစာဆိုများက " တံတားဦးကကွမ်းနုဝါ၊ ငမျှာကဆေး၊ ကွမ်းသီးတောင်ငူ၊ ကိုင်းထုံးဖြူ၊ ပြည်ရှား သာဝါးလို့ထွေး" ဆိုသည့်စကားအတိုင်း တောင်ငူဘက်မှ ကွမ်းသီးမှာ အကောင်းဆုံး ဖြစ်သည်ဟု သိရပါသည်။ ပြည်မြို့အနေဖြင့် ကွမ်းသီးကို စီးပွားဖြစ်စိုက်ပျိုးခြင်းမရှိဘဲ၊ အိမ်ခြံဝန်းများ အတွင်း အလှအပင်အနေဖြင့် စိုက်ပျိုးကြောင်း သိရပါသည်။

   ၂၀၂၃ခုနှစ်၊ စက်တင်ဘာလ တတိယပတ်အတွင်း၌ ပြည်ဈေးကွက်တွင်ရောင်းချသော ကွမ်းသီးဈေးနှုန်းများမှာ ကော့သောင်းခြမ်း တစ်ပိဿာလျှင် (၄၁၀၀)ကျပ်၊ ထားဝယ်ခြမ်း တစ်ပိဿာလျှင် (၄၃၀၀)ကျပ်ဖြင့် ရောင်းချသလို ကွမ်းသီးစိတ် ဈေးမှာ (အသန့်)တစ်ပိဿာလျှင် (၄၅၀၀)ကျပ်၊ ကွမ်းသီးစိတ် သောင်းပြောင်းရောရာ တစ်ပိဿာလျှင် (၄၀၀၀)ကျပ်ဖြင့် ရောင်းချကြောင်း သိရပါသည်။ ပြည်ဈေးကွက်ရှိကွမ်းသီးများကို ဒေသတွင်း ဖြန့်ဖြူးသလို နယ်များသို့လည်း တင်ပို့ရောင်းချသဖြင့် တစ်နေ့လျှင် ပိဿာချိန် (၈၀)မှ (၁၀၀) အထိ အရောင်းအဝယ်ဖြစ်ကြောင်း သိရပါသည်။

DOCA(ပဲခူး)

   ပဲခူးတိုင်းဒေသကြီးအစိုးရအဖွဲ့၏ လမ်းညွှန်ချက်အရ တောင်ငူမြို့ ဘုရင့်နောင် ဈေးအနီးတွင် ကိုယ်တိုင်စိုက်ပျိုးမွေးမြူထုတ်လုပ်သူများတိုက်ရိုက်အရောင်းဈေးဖွင့်လှစ်၍ ဆန်၊ သားငါးနှင့် ဟင်းသီးဟင်းရွက်များအား သင့်တင့်သောဈေးနှုန်းဖြင့် ရောင်းချပေးလျက်ရှိရာ မည်သူမဆို လွတ်လပ်စွာလာရောက် ဝယ်ယူနိုင်ပါသည်။

     ၂၀၂၃ခုနှစ်၊ စက်တင်ဘာလ ၁၄ ရက်နေ့တွင် တောင်ငူမြို့နယ် ဆန်ကုန်သည်နှင့် ဆန်စက်ပိုင်ရှင်များက ဆန်တစ်ပြည်လျှင် ၂၆၀၀ ကျပ်နှုန်း၊ လူတစ်ဦးလျှင် နှစ်ပြည်နှုန်းဖြင့်လည်းကောင်း၊ မွေးမြူရေး ထုတ်ကုန်လုပ်ငန်းရှင်များက ကြက်သား တစ်ပိဿာလျှင် ၁၀၀၀၀ ကျပ်၊ ဝက်သား တစ်ပိဿာလျှင် ၁၅၀၀၀ ကျပ်ဖြင့်လည်းကောင်း ရောင်းချပေးလျက်ရှိပါသည်။

     တစ်ပိုင်တစ်နိုင်စိုက်ပျိုးသူများက ဟင်းသီးဟင်းရွက်များကို ရောင်းချပေးလျက်ရှိရာ ခရမ်းသီး (အညို) တစ်ပိဿာလျှင် ၁၄၀၀ ကျပ်၊ ခရမ်းသီး (အစိမ်း) တစ်ပိဿာလျှင် ၈၀၀ ကျပ်၊ ခရမ်းချဉ်သီး တစ်ပိဿာလျှင် ၁၆၀၀ ကျပ်၊ ဂေါ်ဖီ တစ်ပိဿာ ၈၀၀ ကျပ်၊ ကြက်ဟင်းခါးသီး တစ်ပိဿာ ၁၂၀၀ ကျပ်၊ နံနံပင် ၁၀ ကျပ်သား ၈၀၀ ကျပ်၊ ကုလားအော်သီး ၁၀ ကျပ်သား ၈၀၀ ကျပ်၊ ပန်းဂေါ်ဖီထုပ် တစ်ပွင့် ၇၀၀ ကျပ်နှင့် ရုံးပတီသီး (အတောင့် ၃၀ ပါ)တစ်စည်း ၂၅၀ ကျပ် ရောင်းချကြောင်း သိရပါသည်။

DOCA(ပဲခူး)

      တောင်ငူမြို့သို့ အခြားအရပ်ဒေသများမှ ရာသီအလိုက် သီးနှံများတင်ပို့ရောင်းချလျက်ရှိရာ ယခုအခါ ရှမ်းပြည်နယ်မှ သရက်သီးအစိမ်းနှင့် အမှည့်များကို သစ်သီးဆိုင်များတွင် ရောင်းချနေသည်ကို တွေ့ရပါသည်။

         သရက်သီးအစိမ်းမှာ ၂၅ ကျပ်သားလျှင် ၁၀၀၀ ကျပ်၊ တစ်ပိဿာလျှင် ၃၅၀၀ ကျပ်ဖြင့် ရောင်းချပြီး ရင်ခွဲသရက်သီးအမှည့်မှာ တစ်လုံးလျှင် အသေး ၅၀၀ ကျပ်၊ အလတ် ၇၀၀ ကျပ်နှင့် အကြီး ၁၀၀၀ ကျပ်ရှိပါသည်။ ၁၀ လုံးယူလျှင် ဈေးနှုန်းအနည်းငယ်လျော့ပါသည်။

      ဇီးပန်းသီးဟု လူသိများသောပန်းသီးမှာ ၂၅ ကျပ်သားလျှင် ၂၀၀၀ ကျပ်ရှိပြီး တစ်ပိဿာ ၇၅၀၀ ကျပ်ဖြင့်ရောင်းချပါသည်။ ရိုးရိုးပန်းသီးမှာ အလုံးအကြီး အသေးပေါ်မူတည်ပြီး တစ်လုံးလျှင် ၅၀၀ ကျပ်မှ ၈၀၀ ကျပ်အထိရှိပါသည်။ တရုတ်ပန်းသီးမှာ တစ်လုံးလျှင် ၁၀၀၀ ကျပ်မှ ၁၂၀၀ ကျပ် အထိရှိကြောင်းနှင့် အရောင်းအဝယ်မှာ ပုံမှန်အတိုင်းရှိကြောင်း သိရပါသည်။

DOCA(ပဲခူး)

    တောင်ငူမြို့တွင် အခြေခံစားသောက်ကုန်များဖြစ်သော မြေပဲဆီမှာ တစ်ပိဿာလျှင် ၁၇၀၀၀ ကျပ်ဖြင့် ဈေးနှုန်းတည်ငြိမ်နေပြီး စားအုန်းဆီမှာ တစ်ပိဿာလျှင် ၅၀၀၀ ကျပ်ဖြင့် ရောင်းချလျက်ရှိပါသည်။

  ကြက်သွန်နီမှာ ယခင်အပတ်က တစ်ပိဿာလျှင် အသေး ၂၈၀၀ ကျပ်၊ အလတ် ၃၂၀၀ ကျပ်၊ အကြီး ၃၆၀၀ ကျပ်၊ တရုတ်ကြက်သွန်နီ ၃၅၀၀ ကျပ်ရှိရာမှ၊ ယခုအပတ်တွင် တစ်ပိဿာလျှင် အသေး ၂၄၀၀ ကျပ်၊ အလတ် ၂၈၀၀ ကျပ်၊ အကြီး ၃၂၀၀ ကျပ်နှင့် တရုတ် ကြက်သွန်နီ ၃၂၀၀ ကျပ်ဖြင့် ဈေးနှုန်းအနည်းငယ်ကျဆင်းပါသည်။

 ကြက်သွန်ဖြူမှာ တစ်ပိဿာလျှင် အသေး ၈၀၀၀ ကျပ်၊ အလတ် ၈၅၀၀ ကျပ်နှင့် အကြီး ၉၀၀၀ ကျပ်ဖြင့် ဈေးနှုန်းပြန်လည်ကျဆင်းပြီး တရုတ်ကြက်သွန်ဖြူ ၉၀၀၀ ကျပ်ဖြင့် ဈေးနှုန်း တည်ငြိမ်နေပါသည်။

    အာလူးမှာ တစ်ပိဿာလျှင် အသေး ၂၂၀၀ ကျပ်၊ အလတ် ၂၆၀၀ ကျပ်၊ အကြီး ၃၀၀၀ ကျပ်၊ တရုတ်အာလူး ၃၅၀၀ ကျပ်ရှိရာမှ ယခုအပတ်တွင် တစ်ပိဿာလျှင် အသေး ၂၀၀၀ ကျပ်၊ အလတ် ၂၂၀၀ ကျပ်၊ အကြီး ၂၃၀၀ ကျပ်၊ တရုတ်အာလူး ၂၈၀၀ ကျပ်ဖြင့် ဈေးနှုန်း အနည်းငယ် ကျဆင်းပါသည်။

   ငရုတ်သီးခြောက် အပုမှာ တစ်ပိသာလျှင် ၂၀၀၀၀ ကျပ်မှ ၂၂၀၀၀ ကျပ်၊ ငရုတ်သီးခြောက် အရှည်မှာ ယခင်အပတ်က တစ်ပိဿာလျှင် ၁၃၀၀၀ ကျပ်မှ ၁၄၀၀၀ ကျပ်နှင့် ငရုတ်သီးခြောက်အပွမှာ တစ်ပိဿာလျှင် ၂၀၀၀၀ ကျပ်မှ ၂၂၀၀၀ ကျပ်ဖြင့် ဈေးနှုန်းတည်ငြိမ်နေပါသည်။

   မြေပဲဆန်(အနီ)မှာ တစ်ပိဿာလျှင် ၁၀၀၀၀ ကျပ်၊ မြေပဲဆန် (အဖြူ)မှာ တစ်ပိဿာလျှင် ၉၂၀၀ ကျပ်၊  ကုလားပဲခြမ်းမှာ တစ်ပိဿာလျှင် ၆၃၀၀ ကျပ်ဖြင့် ဈေးနှုန်းတည်ငြိမ်နေကြောင်းနှင့် အရောင်းအဝယ်မှာ ပုံမှန်အတိုင်းရှိကြောင်း သိရပါသည်။

DOCA(ပဲခူး)

     စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်၊ မိတ္ထီလာစည်ပင်သာယာရေးနယ်နိမိတ်အတွင်းရှိ မိတ္ထီလာမြို့မဈေးတွင် ခရိုင်စီမံအုပ်ချုပ်ရေးအဖွဲ့နှင့်ပူးပေါင်း၍ ကုန်စျေးနှုန်းကျဆင်းရေးနှင့် ပြည်သူလူထုများ ပြင်ပပေါက်စျေးများထက် သက်သာသောနှုန်းထားများဖြင့် ဝယ်ယူစားသုံးနိုင်‌ရေးရည်ရွယ်၍  (၁၉-၉-၂၀၂၃) ရက်နေ့တွင် မိတ္ထီလာမြို့၊ ကွက်သစ်စျေး၌ စားသောက်ကုန်ပစ္စည်းများကို ဒေသခံပြည်သူများအား စိုက်ပျိုးမွေးမြူဖြန့်ဖြူးသူများ၏ ဈေးနှုန်းသက်သာစွာရောင်းချနေမှုကို ကြည့်ရှုစစ်ဆေးခဲ့ကြပါသည်။

    ထိုသို့ရောင်းချရာတွင် အမဲသားတစ်ပိဿာလျှင် (၁၂၀၀၀) ကျပ်၊ ဝက်သားတစ်ပိဿာလျှင် (၁၆၀၀၀) ကျပ်၊ ဆိတ်သားတစ်ပိဿာလျှင် (၂၀၀၀၀) ကျပ်၊ ကြက်သား(အသားထုတ်) တစ်ပိဿာလျှင် (၁၀၀၀၀) ကျပ်၊ ကြက်သား (အရိုး/အသား) တစ်ပိဿာလျှင် (၉၀၀၀) ကျပ်၊ ငါးကြင်းတစ်ပိဿာလျှင် (၁၂၀၀၀) ကျပ်၊ ငါးမြင်းတစ်ပိဿာလျှင် (၁၈၀၀၀) ကျပ်၊ ငါးတန်တစ်ပိဿာလျှင် (၈၀၀၀) ကျပ်၊ ငါးမြင်းချင်းတစ်ပိဿာလျှင် (၇၀၀၀) ကျပ်၊ ငါးခူတစ်ပိဿာလျှင် (၆၅၀၀) ကျပ်၊ တီလားဗီးယားတစ်ပိဿာလျှင် (၇၅၀၀) ကျပ်၊ ရေချိုပုစွန်တစ်ပိဿာလျှင် (၂၂၀၀၀) ကျပ်၊ ကြက်ဥတစ်လုံးလျှင် (၂၅၀) ကျပ်၊ ဘဲဥတစ်လုံးလျှင် (၂၅၀) ကျပ်၊ ဆန် (မနောသုခ) တစ်ပြည်လျှင် (၃၁၅၀) ကျပ်၊ ဆန် (ဧည့်မထ) တစ်ပြည်လျှင် (၂၅၀၀) ကျပ်၊ စားအုန်းဆီတစ်ပိဿာလျှင် (၄၄၀၀) ကျပ်နှင့် ဆားတစ်ပိဿာလျှင် (၄၀၀) ကျပ်တို့ဖြင့် ရောင်းချပေးနေကြောင်းသိရှိရပါသည်။

DOCA(မန္တလေး)