ပြည်တွင်းကုန်သွယ်မှုသတင်း

   မကွေးတိုင်းဒေသကြီး၊ ပခုက္ကူခရိုင်၊ ပခုက္ကူကုန်စည်ဒိုင်တွင် အညာဒေသမှ အဓိကစိုက်ပျိုးထုတ်လုပ်သော ပဲစဉ်းငုံနီ၊ ပဲတီစိမ်း၊ ကုလားပဲမျိုးစုံ၊ ပဲနီပြား၊ ထောပတ်ပဲ၊ ပဲလွန်း၊ တခြားပဲနှင့် နှမ်းမျိုးစုံများအရောင်းအဝယ်ဖြစ်လျက်ရှိပါသည်။ ၂၀၂၃ခုနှစ်၊ စက်တင်ဘာလ(ဒုတိယပတ်)တွင် ပဲမျိုးစုံကုန်စည်ဒိုင်ပြတ်ဈေးမှာ ပဲစဉ်းငုံနီတစ်တင်းလျှင် ကျပ်(၁၀၂၀၀၀-၁၂၇၀၀၀)၊ ကုလားပဲဝါလုံးကြီး(  929 )တစ်တင်းလျှင် ကျပ် (၈၉၀၀၀)၊ ပဲတီစိမ်းကြီးမှာ အရည်အသွေးကိုလိုက်၍ တစ်တင်းလျှင် ကျပ်(၄၀၀၀၀-၅၅၀၀၀)၊ ပဲတီစိမ်း -သေးတစ်တင်းလျှင် ကျပ် (၄၀၀၀၀-၅၈၅၀၀)၊ ကုလားပဲဖြူလုံးကြီး(v6)တစ်တင်းလျှင် ကျပ် (၉၄၀၀၀)၊ ပဲဇီးကွက်တစ်တင်းလျှင် ကျပ်(၅၄၀၀၀-၅၅၀၀၀)၊ နှမ်းညိုတစ်တင်းလျှင် ကျပ်(၁၀၃၀၀၀)၊ နှမ်းနီ(ယော)တစ်တင်းလျှင် ကျပ်(၁၀၁၀၀၀)၊ နှမ်းဝါ(ယော)တစ် တင်းလျှင် ကျပ်(၁၀၇၀၀၀)၊ မန်ကျည်းသီးမှည့်တစ်ပိဿာလျှင် ကျပ်(၇၈၀၀)ဖြင့် ဥပုသ်နေ့မှလွဲ၍ အရောင်းအဝယ်ဖြစ်နေကြောင်း ကုန်စည်ဒိုင်မှသိရှိရပါသည်။

  ယခုအပတ်၏ အရောင်းအဝယ်ဖြစ်မှုမှာ ပဲစဉ်းငုံနီ(၇၀၀)အိတ်၊  ကုလားပဲဝါလုံးကြီး(929) (၃၀၀)အိတ်၊ ကုလားပဲဝါလုံးကြီး(၂၅၀)အိတ်၊ ပဲတီစိမ်းသေး(၂၅၀၀)အိတ်၊ ကုလားပဲဖြူလုံးကြီး (v6) (၃၀၀)အိတ်၊ ပဲဇီးကွက်(၅၀၀)အိတ်၊ နှမ်းညို(၁၄၀၀)အိတ်၊ နှမ်းနီ(ယော)(၁၈၀၀)အိတ်၊ နှမ်းဝါ (ယော)(၁၀၀၀)အိတ်၊ မန်ကျည်းသီးမှည့်ကုန်ချိန်(၃၀၀၀) တို့အရောင်းအဝယ်ဖြစ်နေပါသည်။

     ပဲနှမ်းတင်ပို့မှုအနေဖြင့် မြန်မာပြည်အောက်ပိုင်း ရန်ကုန်တိုင်းဒေသကြီးသို့ အဓိကတင်ပို့ပြီး ယခုအပတ်တွင် ပဲတီစိမ်းမှာ အများဆုံးဖြစ်ပြီး တခြားပဲများမှာ ပဲယင်း၊ ကုလားပဲအမျိုးမျိုးနှင့် နှမ်းညိုများတင်ပို့လျက်ရှိကြောင်း ကုန်သည်ပွဲစားများထံမှသိရှိရပါသည်။

DOCA(မကွေး)

    ၂၀၂၃ခုနှစ်၊ စက်တင်ဘာလ တတိယပတ်အတွင်း ရှမ်းပြည်နယ်(အရှေ့ပိုင်း)၊ ကျိုင်းတုံမြို့ရှိ အခြေခံစားသောက်ကုန်များဖြစ်သော ရွှေဘိုပေါ်ဆန်မွှေး(သိင်္ဂီ) တစ်ပြည်လျှင် ၇၀၀၀ကျပ်၊ ဧည့်မထ (ဒေသ)ဆန်တစ်ပြည်လျှင် ၃၉၅၀ကျပ်ဖြင့် အရောင်းအဝယ်ဖြစ်လျက်ရှိပါသည်။ စားဖိုဆောင်စားသောက်ကုန်များအနေဖြင့် ကြက်သွန်နီတစ်ပိဿာလျှင် ၄၀၀၀ကျပ်၊ ကြက်သွန်ဖြူ(ကြူကုတ်) တစ်ပိဿာလျှင် ၁၀၀၀၀ကျပ်၊ (ရှမ်းစ)တစ်ပိဿာလျှင် ၁၁၀၀၀ကျပ်၊ ငရုတ်သီးခြောက်(ရှည်)တစ်ပိဿာလျှင် ၁၈၀၀၀ကျပ်၊ ခရမ်းချဉ်သီးတစ်ပိဿာလျှင် ၂၅၀၀ကျပ်၊ အာလူးတစ်ပိဿာလျှင် ၄၀၀၀ကျပ်၊ မန်ကျည်းသီးမှည့်တစ်ပိဿာလျှင် ၄၀၀၀ကျပ်နှင့် ချင်းတစ်ပိဿာလျှင် ၆၀၀၀ကျပ် စသည်ဖြင့် ရောင်းဝယ်လျက်ရှိပါသည်။

   စက်တင်ဘာလ တတိယပတ်၌ စားသုံးဆီဈေးနှုန်းများအနေဖြင့် စားအုန်းဆီတစ်ပိဿာလျှင် ၇၆၀၀ကျပ်နှင့် ပဲဆီ(ရိုးရိုး) တစ်ပိဿာလျှင် ၁၆၀၀၀ ကျပ်၊ ကြက်ဥဈေးမှာ တစ်လုံးလျှင် ၃၀၀ကျပ်နှင့် ဘဲဥတစ်လုံးလျှင် ၄၀၀ကျပ်ဖြင့် ရောင်းဝယ်လျက်ရှိပါသည်။ အသားငါးဈေးနှုန်းများမှာ ကြက်သား (CP) တစ်ပိဿာလျှင် ၁၄၀၀၀ကျပ်၊ ဝက်သားတစ်ပိဿာလျှင် ၂၂၀၀၀ကျပ်၊ အမဲသား တစ်ပိဿာလျှင် ၂၄၀၀၀ကျပ်၊ ငါးကြင်းတစ်ပိဿာလျှင် ၁၅၀၀၀ကျပ်၊ ငါးမြစ်ချင်းတစ်ပိဿာလျှင် ၁၃၀၀၀ကျပ်ဈေးနှုန်းတို့ဖြင့် ရောင်းဝယ်လျက်ရှိကြောင်းသိရှိရပါသည်။

   ယခင်စက်တင်ဘာလ ဒုတိယအပတ်ဈေးနှုးန်တို့နှင့်နှိုင်းယှဉ်ပါက ကြက်သွန်နီ၊ အာလူး၊ စားအုန်းဆီဈေးနှုန်းတို့မှာ အနည်းငယ်မြင့်တက်လျက်ရှိကြောင်း၊ ငရုတ်ခြောက်(ရှည်)မှာ ဈေးနှုန်းအနည်းငယ်ကျဆင်းသွားပြီး ကျန်အခြေခံစားသောက်ကုန်များမှာ ဈေးနှုန်းတည်ငြိမ်လျက်ရှိကြောင်းသိရှိရပါသည်။

DOCA(ရှမ်း)

     ရန်ကုန်တိုင်းဒေသကြီး၊ အရှေ့ပိုင်းခရိုင်၊ မင်္ဂလာတောင်ညွန့်မြို့နယ်ရှိ ကြက်/ဘဲဈေးတွင် ရန်ကုန်မြို့တော်စည်ပင်သာယာရေးကော်မတီ၏ ကြီးကြပ်မှုဖြင့် နေ့စဉ်စားသုံးသူပြည်သူများထံသို့ ကြက်/ဘဲများ လက်လီလက်ကားဖြန့်ဖြူးရောင်းချပေးလျက်ရှိပါသည်။

         စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဝန်ထမ်းများသည် ၄.၉.၂၀၂၃ ရက်နေ့ (၀၉:ဝ၀) နာရီအချိန်တွင် မင်္ဂလာတောင်ညွန့်မြို့နယ်ကြက်/ဘဲဈေးသို့ ဈေးတာဝန်ခံများနှင့် အတူ ရောင်းချလျက်ရှိသော ကြက်/ဘဲဈေးနှုန်းများအား ဈေးကွက်ဈေးနှုန်းစုံစမ်းခဲ့ရာ ဈေးကွက် အတွက်လိုအပ်လျက်ရှိသော ကြက်/ဘဲများကို ပြည်နယ်/တိုင်းများမှ ဈေးသို့အရောက်ပို့စနစ်ဖြင့် လည်းကောင်း၊ ရန်ကုန်တိုင်းဒေသကြီးမြို့နယ်များရှိ ကြက်/ဘဲမွေးမြူရေးခြံများသို့သွားရောက်၍ ခြံဖမ်းစနစ် ဖြင့်လည်းကောင်း၊ အသီးသီးရောင်းဝယ်ဖြန့်ဖြူးလျက်ရှိပြီး ပိုလျှံသော ကြက်/ဘဲများ ကိုလည်း လိုအပ်လျက်ရှိသော ပြည်နယ်/တိုင်းများသို့ ပြန်လည်တင်ပို့ရောင်းချလျက်ရှိပါသည်။

      ထိုသို့ပြန်လည်ရောင်းချလျက်ရှိသော ကြက်/ဘဲဈေးနှုန်းများမှ အိမ်မွေးကြက် ၁ ပိဿာလျှင် (၁၂၅၀၀/၁၃၀၀၀) ကျပ်၊ အသားတိုးကြက် ၁ ပိဿာလျှင် (၅၃၀၀/၅၄၀၀) ကျပ်၊ မွေးမြူရေးကြက် ထီး/မ ၁ ပိဿာလျှင် (၇၅၀၀/၉၀၀၀) ကျပ်၊ တောဘဲ/ဓါတ်ဘဲ ၁ ပိဿာလျှင် (၇၅၀၀/၇၆၀၀) ကျပ်၊ ချယ်ရီဘယ်ရီ ၁ ပိဿာလျှင် (၉၀၀၀) ကျပ်ဖြင့် အသီးသီးလက်လီ/လက်ကားရောင်းချလျက်ရှိပြီး၊ တစ်နေ့လျှင် ကုန်ချိန် ပျမ်းမျှစုစုပေါင်း (၇၂၈၆၀) ပိဿာခန့်ရောင်းချလျက်ရှိ‌ကြောင်း  သိရှိရပါသည်။

DOCA(ရန်ကုန်)

   ၂၀၂၃ခုနှစ်၊ စက်တင်ဘာလ(၁၄)ရက်နေ့၊ နံနက်(၀၈း၀၀)နာရီအချိန်မှစတင်၍ မကွေးတိုင်းဒေသကြီးအစိုးရအဖွဲ့၏ စီစဉ်ကြီးကြပ်မှုဖြင့် မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်းမှဝယ်ယူရရှိသော စားအုန်းဆီများအား မကွေးတိုင်းဒေသကြီးဆီကုန်သည်နှင့်ဆီလုပ်ငန်းရှင်များအသင်းအနေဖြင့် စားအုန်းဆီ(၁)ပိဿာလျှင် ကျပ်(၄၅၀၀)ဖြင့် မကွေးမြို့၊ အောင်မေတ္တာရပ်ကွက်၊ အဝေရာလမ်းနှင့် သစ်တောလမ်းထောင့်၌ အိမ်ထောင်စု(၁၁၀၀)စုအတွက် စားအုန်းဆီ(၁၁၀၀)ပိဿာ၊ မြို့ဟောင်းရပ်ကွက်၊ ဗိုလ်ကုန်းကျောင်းအတွင်း၌ အိမ်ထောင်စု(၁၁၈၀)စုအတွက် စားအုန်းဆီ(၁၁၈၀)ပိဿာ၊ ရွာသစ်ပွဲကြို(၁၅)လမ်း နှင့် နတ်မောက်လမ်းထောင့်၌ အိမ်ထောင်စု(၆၈၀)စုအတွက် စားအုန်းဆီ(၆၈၀)ပိဿာရောင်းချပေးခဲ့ရာ စုစုပေါင်းအိမ်ထောင်စု (၂၉၆၀)၊ စားအုန်းဆီ(၂၉၆၀)ပိဿာရောင်းချပေးနိုင်ခဲ့ကြောင်းသိရှိရပါသည်။

   ထိုသို့‌ရောင်းချပေးရာတွင် စနစ်တကျရှိစေရေးအတွက် အထွေထွေအုပ်ချုပ်ရေးဦးစီးဌာန၊ စားသုံးသူရေးရာဦးစီးဌာန၊ စည်ပင်သာယာရေးအဖွဲ့၊ ရပ်ကွက်အုပ်ချုပ်ရေးမှူးများ၊ မကွေးတိုင်းဆီကုန်သည်နှင့်ဆီလုပ်ငန်းရှင်များအသင်းဝင်များပူးပေါင်းဆောင်ရွက်ခဲ့ကြပြီး စားအုန်းဆီရောင်းချရာနေရာများသို့ မကွေးတိုင်းဒေသကြီးအစိုးရအဖွဲ့၊ ဝန်ကြီးချုပ်သီရိပျံချီဦးတင့်လွင်နှင့် အစိုးရအဖွဲ့ဝင်ဝန်ကြီးများလာရောက်ကြည့်ရှုအားပေးခဲ့ကြောင်းသိရှိရပါသည်။

DOCA(မကွေး)

   မကွေးတိုင်းဒေသကြီးသည် မြန်မာနိုင်ငံ၏ဆီအိုးကြီးဟုတင်စားရလောက်အောင် ဆီထွက်သီးနှံဖြစ်သော နှမ်း၊ မြေပဲတို့အား အဓိကစိုက်ပျိုးကြသော်လည်း စပါးကိုဆည်ရေရရှိသည့် တောင်တွင်း၊ မြို့သစ်နှင့် မြစ်အနောက်ဘက်ရှိ ပွင့်ဖြူနှင့်စလင်းမြို့များတွင်သာ အများအပြားစိုက်ပျိုးကြ၍ ဆန်လိုတိုင်းဒေသကြီးဖြစ်ရာ စပါးအဓိကစိုက်ပျိုးထွက်ရှိရာ အခြားတိုင်း/ ပြည်နယ်များမှတင်သွင်းရပါသည်။

    မကွေးတိုင်းဒေသကြီးအတွင်း ဧရာပဒေသာစပါးကိုအဓိကစိုက်ပျိုးကြပြီး ၂၀၂၃ခုနှစ်၊ စက်တင်ဘာလ (တတိယပတ်)တွင်ဖြစ်ပေါ်နေသော ဧရာပဒေသာစပါးဈေးမှာ(၁)တင်းလျှင် ကျပ်(၃၆၀၀၀)ဖြစ်ပြီး ဆန်ဈေးနှုန်းများမှာ မကွေးခရိုင်မှ ဆန်(ပေါ်ဆန်းမွှေး)(၂၄)ပြည်ပါ (၁)အိတ်လျှင် ကျပ်(၁၅၇၅၀၀)၊ ဆန်(ဧရာပဒေသာ) (၂၄)ပြည်ပါ (၁)အိတ်လျှင် ကျပ်(၁၃၉၀၀၀)၊ ဆန်(မနောသုခ) (၂၄)ပြည်ပါ (၁)အိတ် လျှင်ကျပ်(၉၈၀၀၀)၊ ဆန်(ရတနာတိုး) (၂၄)ပြည်ပါ (၁)အိတ်လျှင် ကျပ်(၇၅၀၀၀)၊ မင်းဘူးခရိုင်မှ ဆန်(ပေါ်ဆန်းမွှေး) (၂၄)ပြည်ပါ (၁)အိတ်လျှင် ကျပ်(၁၄၀၀၀၀)၊ ဆန်(ဧရာပဒေသာ) (၂၄)ပြည်ပါ (၁) အိတ်လျှင် ကျပ်(၁၅၀၀၀၀)၊ ဆန်(မနောသုခ) (၂၄)ပြည်ပါ (၁)အိတ်လျှင် ကျပ်(၉၀၀၀၀)၊ သရက်ခရိုင်မှ ဆန်(ပေါ်ဆန်းမွှေး) (၂၄)ပြည်ပါ (၁)အိတ်လျှင် ကျပ်(၁၂၀၀၀၀)၊ ဆန်(ဧရာပဒေသာ) (၂၄)ပြည်ပါ (၁)အိတ်လျှင် ကျပ်(၁၀၆၀၀၀)၊ ဆန်(မနောသုခ) (၂၄)ပြည်ပါ (၁)အိတ်လျှင် ကျပ်(၈၀၀၀၀)၊ အောင်လံခရိုင်မှ ဆန်(ပေါ်ဆန်းမွှေး) (၂၄)ပြည်ပါ (၁)အိတ်လျှင် ကျပ်(၁၅၅၀၀၀)၊ ဆန်(ဧရာပဒေသာ)(၂၄) ပြည်ပါ (၁)အိတ်လျှင် ကျပ်(၁၁၀၀၀၀)၊ ဆန်(မနောသုခ) (၂၄)ပြည်ပါ (၁)အိတ်လျှင် ကျပ်(၇၃၀၀၀)၊ ဆန် (ရတနာတိုး) (၂၄)ပြည်ပါ (၁)အိတ်လျှင် ကျပ်(၆၅၀၀၀)၊ ချောက်ခရိုင်မှ ဆန်(ပေါ်ဆန်းမွှေး)(၂၄)ပါ ပြည်(၁)အိတ်လျှင် ကျပ်(၁၆၀၀၀၀)၊ ဆန်(ဧရာပဒေသာ) (၂၄)ပြည်ပါ (၁)အိတ်လျှင် ကျပ် (၁၆၀၀၀၀)၊ ဆန်(မနောသုခ) (၂၄)ပြည်ပါ (၁)အိတ်လျှင် ကျပ်(၉၀၀၀၀)၊ ဆန်(ရတနာတိုး) (၂၄)ပြည်ပါ (၁)အိတ်လျှင် ကျပ်(၇၀၀၀၀)၊ ပခုက္ကူခရိုင်မှ ဆန်(ပေါ်ဆန်းမွှေး) (၂၄)ပြည်ပါ (၁)အိတ်လျှင် ကျပ်(၁၄၅၀၀၀)၊ ဆန် (ဧရာပဒေသာ) (၂၄)ပြည်ပါ (၁)အိတ်လျှင် ကျပ်(၁၅၀၀၀၀)၊ ဆန်(မနောသုခ) (၂၄)ပြည်ပါ (၁)အိတ်လျှင် ကျပ်(၉၀၀၀၀)၊ ဆန်(ရတနာတိုး) (၂၄)ပြည်ပါ (၁)အိတ်လျှင် ကျပ်(၆၈၀၀၀)၊ ဂန့်ဂေါခရိုင်မှ ဆန် (ပေါ်ဆန်းမွှေး)(၂၄)ပြည်ပါ (၁)အိတ်လျှင် ကျပ်(၁၇၀၀၀၀)၊ ဆန်(ဧရာပဒေသ) (၂၄)ပြည်ပါ (၁)အိတ်လျှင် ကျပ်(၁၃၅၀၀၀)၊ ဆန်(မနောသုခ)(၂၄)ပြည်ပါ (၁)အိတ်လျှင် ကျပ်(၁၀၅၀၀၀)တို့ဖြင့် အရောင်းအဝယ်ဖြစ်လျက်ရှိကြောင်းသိရှိရပါသည်။

    မကွေးတိုင်းဒေသကြီး၊ မကွေးမြို့သို့ ၂၀၂၃ခုနှစ်၊ စက်တင်ဘာလအတွင်း (တတိယပတ်အထိ) အခြားတိုင်းဒေသကြီး/ ပြည်နယ်များမှဆန်စီးဝင်မှုမှာ  စပါးအဓိကစိုက်ပျိုးထွက်ရှိသည့် ဧရာဝတီတိုင်းမှ ဆန်(၂၄၉၈၀)အိတ်၊ မန္တလေးတိုင်းမှ (၃၆၀)အိတ်၊ ရန်ကုန်တိုင်းမှ (၁၁၇၀)အိတ်၊ ပဲခူးတိုင်းမှ(၂၄၂၄) အိတ်နှင့် ရခိုင်ပြည်နယ်မှ (၂၀၀၀)အိတ်၊ စုစုပေါင်း(၃၀၉၃၄)အိတ်၊ (၁၅၄၇)တန်နှင့် ပခုက္ကူမြို့သို့ ရေလမ်းခရီးဖြင့် ဧရာဝတီတိုင်းမှ ဆန်(၆၂၀၀၀)အိတ်၊ (၃၁၀၀)တန်စီးဝင်ခဲ့ကြောင်းသိရှိရပါသည်။

DOCA(မကွေး)