ပြည်တွင်းကုန်သွယ်မှုသတင်း

    ကသာမြို့နယ်အတွင်း ၂၀၂၃-ခုနှစ် ဩဂုတ်လ စတုတ္ထအပတ်  ဈေးကွက်အသီးသီး၌ ရောင်းချလျက်ရှိသော ဆန်ဈေးနှုန်းများမှာ ရွှေဘိုပေါ်ဆန်းတစ်အိတ်လျှင် (၁၂၀၀၀၀)ကျပ်၊ ဧရာမင်းဆန် တစ်အိတ် (၁၁၀၀၀၀)ကျပ်၊ ဧည့်မထ(ဆင်း-၃) တစ်အိတ်လျှင် (၈၅၀၀၀)ကျပ်ဖြင့် ရောင်းချလျက်ရှိပြီး စားသုံးဆီ ဈေးနှုန်းမှာ မြေပဲဆီ တစ်ပိဿာ (၁၆၀၀၀)ကျပ်၊ နှမ်းဆီ တစ်ပိဿာ (၁၅၀၀၀)ကျပ်နှင့် စားအုန်းဆီ တစ်ပိဿာ(၁၂၀၀၀)ကျပ် ရှိကြောင်း သိရသည်။ ဩဂုတ်လ တတိယအပတ်နှင့် ဈေးနှုန်း နှိုင်းယှဉ်ကြည့်ပါက ဆန်ဈေးနှုန်းများမှာ တည်ငြိမ်လျက်ရှိပြီး နှမ်းဆီဈေးနှုန်းမှာ ကျပ်(၁၀၀၀)ခန့် မြှင့်တက်လာကာ မြေပဲဆီနှင့် စားအုန်းဆီဈေးနှုန်းများမှာ တည်ငြိမ်လျက်ရှိသည်ကို တွေ့ရှိရသည်။

    စားဖိုဆောင်သီးနှံ လက်လီဈေးနှုန်းများမှာ ကြက်သွန်နီ (အသစ်) အလုံး အသေး/အကြီး ပေါ် မူတည်၍ တစ်ပိဿာ (၂၅၀၀ မှ ၃၂၀၀)ကျပ်၊ ကြက်သွန်ဖြူ(ရှမ်း) တစ်ပိဿာ (၁၀၀၀၀) ကျပ်၊ အာလူး တစ်ပိဿာ (၃၅၀၀ မှ ၄၀၀၀)ကျပ်၊ ခရမ်းချဉ်သီးတစ်ပိဿာ အလုံး အသေး/အကြီးပေါ် မူတည်၍ (၃၂၀၀ မှ ၃၅၀၀)ကျပ်၊ ဂျင်းတစ်ပိဿာ (၆၀၀၀) ကျပ်၊ ကုလားပဲ တစ်ပိဿာ (၆၈၀၀)ကျပ်၊ ပဲနီလေး တစ်ပိဿာ (၈၀၀၀)ကျပ်၊ ငရုတ်သီးခြောက်(ပု) တစ်ပိဿာ (၂၅၀၀၀) ကျပ်၊ ငရုတ်(စို) တစ်ပိဿာ (၄၀၀၀)ကျပ်ဖြင့် ရောင်းချလျက်ရှိသည်။

     အသား /ငါး ဈေးနှုန်းများမှာ ကြက်သား(CP) တစ်ပိဿာ (၁၁၀၀၀)ကျပ်၊ ဝက်သားတစ်ပိဿာ (၂၂၀၀၀) ကျပ်၊ အမဲသားတစ်ပိဿာ(၁၆၀၀၀)ကျပ်၊ ဆိတ်သားတစ်ပိဿာ (၂၄၀၀၀)ကျပ်နှင့် ငါးကြင်း တစ်ပိဿာ(၈၀၀၀)ကျပ်၊ ကြက်ဥတစ်လုံး (၃၀၀)ကျပ်နှင့် ဘဲဥတစ်လုံး(၃၅၀)ကျပ်ဖြင့် ရောင်းချလျက် ရှိသည်။ အခြေခံစားသောက်ကုန်ဈေးနှုန်းများမှာ ဩဂုတ်လ တတိယအပတ်ရှိ ဈေးနှုန်းများနှင့် နှိုင်းယှဉ် ကြည့်ပါက ကုလားပဲဈေးနှုန်းမှာ ကျပ်(၄၀၀)ခန့်နှင့် ငရုတ်(စို)ဈေးနှုန်းမှာ ကျပ်(၁၀၀၀)ခန့် လျော့နည်းကာ အာလူးဈေးနှုန်းအနေဖြင့် ကျပ်(၃၀၀ မှ ၅၀၀)ခန့် မြှင့်တက်လာကြောင်း တွေ့ရသည်။ အသား/ငါး ဈေးနှုန်းအနေဖြင့် ဝက်သားတစ်ပိဿာ ကျပ် (၂၀၀၀)ခန့် လျော့နည်းလာပြီး ကျန်စားသောက်ကုန်များမှာ ဈေးနှုန်းတည်ငြိမ်လျက်ရှိကြောင်း သိရှိရပါသည်။

DOCA(စစ်ကိုင်း)

   ဘားအံမြို့၊ ရေပေါ်စံပြဈေး၌ ရောင်းချနေသော ပုစွန်ခြောက်၊ ငါးခြောက်များမှာ မွန်ပြည်နယ်၊ ကျိုက္ခမီမြို့နယ်၊ ရေးမြို့နယ်၊ ရန်ကုန်မြို့နှင့် မန္တလေးမြို့တို့မှ အသီးသီးဝင်ရောက်လျက်ရှိကြောင်းသိရပါသည်။ ငါးခြောက်နှင့် ပုစွန်ခြောက်ဈေးနှုန်းများမှာ ထွက်ရှိရာဒေသအပေါ်မူတည်၍သော်လည်းကောင်း၊ အရည်အသွေးကိုလိုက်၍သော်လည်းကောင်း အနည်းငယ်ကွာခြားလျက်ရှိပါသည်။

    ဩဂုတ်လ၊ စတုတ္ထအပတ်တွင်ဖြစ်ပေါ်နေသော ဈေးနှုန်းများမှာ ပုစွန်ခြောက်(အကြီး) တစ်ပိဿာလျှင် ၆၀၀၀၀ကျပ်၊ ပုစွန်ခြောက်(အလတ်) တစ်ပိဿာလျှင် ၄၀၀၀၀ကျပ်၊ ပုစွန်ခြောက်(အသေး)တစ်ပိဿာလျှင် ၂၀၀၀၀ကျပ်၊ ပုစွန်ခြောက်အခွံပါ အမှုန့်ခြောက်တစ်ပိဿာလျှင် ၁၀၀၀၀ကျပ်၊ ငါးနှပ်ခြောက်တစ်ပိဿာလျှင် (၂၀၀၀၀-၂၅၀၀၀)ကျပ်၊ ငါးရောင်အသားမျှင်ခြောက်တစ်ပိဿာလျှင် ၂၇၀၀၀ကျပ်၊ ငါးအိပေါင်တစ်ပိဿာလျှင် ၁၀၀၀၀ကျပ်၊ ငါးဗြတ်လုံးတစ်ပိဿာလျှင် ၁၄၀၀၀ကျပ်၊ ငါးရောင်တစ်ပိဿာလျှင် ၂၀၀၀၀ကျပ်၊ ငါးတန်ခြောက်တစ်ပိဿာလျှင် ၁၆၀၀၀ကျပ်၊ ငါးနီတူခြောက်တစ်ပိဿာလျှင် (၁၆၀၀၀-၂၀၀၀၀)ကျပ်၊ ငါးလျှာဖြတ်တစ်ပိဿာလျှင် ၁၅၀၀၀ကျပ်၊ ငါးခွေးလျှာခြောက်တစ်ပိဿာလျှင် ၁၀၀၀၀ကျပ်၊ မီးတန်သွယ်ခြောက်တစ်ပိဿာလျှင် (၁၅၀၀၀-၁၇၀၀၀)ကျပ်၊ တီလားဗီးယားငါးခြောက်(အချို)တစ်ပိဿာလျှင် ၁၇၀၀၀ကျပ်၊ ငါးရွှေခြောက်တစ်ပိဿာလျှင် ၁၅၀၀၀ကျပ် စသည်ဖြင့် အသီးသီး ဈေးနှုန်းများဖြစ်ပေါ်လျက်ရှိကြောင်း ရေပေါ်စံပြဈေးတွင် ရောင်းချနေသော ငါးခြောက်ကုန်သည်များထံမှသိရှိရပါသည်။

DOCA(ကရင်)

  ရှမ်းပြည်နယ်(မြောက်ပိုင်း)၊ ပလောင်ကိုယ်ပိုင်အုပ်ချုပ်ခွင့်ရဒေသ၊ နမ့်ဆန်မြို့နယ်အတွင်းရှိ မန်လုံး၊ ဟူးမန်း၊ ကုန်းသာ၊ ပိန်းလုံးကျေးရွာများတွင် နေထိုင်လျက်ရှိသော မိသားစုဝင်တချို့မှာ လက်ဖက်လုပ်ငန်းအပြင် တောင်ယာစပါးများပါ စိုက်ပျိုးလာကြကြောင်းသိရပါသည်။

 လက်ဖက်တောင်သူများမှာ လက်ဖက်လုပ်ငန်းကို အဓိကအားထားလုပ်ကိုင်ကြသော်လည်း ဝမ်းစာအတွက် တစ်နိုင်တစ်ပိုင် တောင်ယာစပါးများစိုက်ပျိုးလာကြသည်မှာ ယခင်နှစ်ထက် ပိုမိုများပြားလာကြောင်းသိရပါသည်။

  တောင်ယာစပါးများ စိုက်ပျိုးလာပုံအဆင့်ဆင့်မှာ တပို့တွဲလ၊ တပေါင်းလများတွင် တောခုတ်ရှင်းလင်းပြီး တန်ခူးလတွင် စပါးမျိုးစေ့များကို စတင်စိုက်ပျိုးကြောင်း နယုန်လတွင် တစ်ကြိမ်၊ ဝါခေါင်လတွင် တစ်ကြိမ် ပေါင်းရှင်းကြကြောင်း၊ တန်ဆောင်မုန်းလမှသာလျှင် စပါးများရိတ်သိမ်းကြကြောင်း၊ စပါးများစိုက်ပျိုးခြင်းကြောင့် မိသားစုများလုံလောက်စွာစားသုံးနိုင်ပြီး အဆင်ပြေလျက်ရှိကြောင်းသိရှိပါသည်။  

DOCA(ရှမ်း)

  ရှမ်းပြည်နယ်(မြောက်ပိုင်း)၊ လားရှိုးမြို့တွင် ဩဂုတ်လ၊ တတိယအပတ်အတွင်း ဓာတ်မြေဩဇာဈေးနှုန်းများမှာ မြင့်တက်လျက်ရှိပြီး လူသုံးများသည့်တံဆိပ်များနှင့် ဈေးနှုန်းများမှာ ရွှေတောင်ပုလဲ(၅၀) ကီလိုဂရမ်တစ်အိတ်လျှင် (၈၈၀၀၀)ကျပ်၊ အာမို (၁၅) ပတ်လည် (၅၀) ကီလိုဂရမ်တစ်အိတ်လျှင် (၁၅၀၀၀၀)ကျပ်၊ အာမို (၁၆) ပတ်လည် (၅၀) ကီလိုဂရမ်တစ်အိတ်လျှင် (၁၅၂၀၀၀)ကျပ်ဈေးဖြင့် အသီးသီးအရောင်းအဝယ်ဖြစ်နေကြောင်းနှင့် ယခင်အပတ်ထက် ဈေးနှုန်းမြင့်တက်လျက်ရှိကြောင်းသိရရှိပါသည်။

  ပိုးသတ်ဆေးဈေးနှုန်းများမှာလည်း အလားတူမြင့်တက်လျက်ရှိရာ ငှက်ကြီးတောင်(၁၀၀)စီစီတစ်ဘူးလျှင် (၂၀၀၀၀)ကျပ်၊ အလန်း(၅၅)wp (၁၀၀) ဂရမ်တစ်ဘူးလျှင် (၁၂၀၀၀)ကျပ်၊ ဖိုစ့်တင်းအီးစီ (၁၀၀)စီစီတစ်ဘူးလျှင် (၅၂၀၀)ကျပ်ဖြင့် အရောင်းအဝယ်ဖြစ်နေကြောင်းသိရပါသည်။

    ဓာတ်မြေဩဇာနှင့်ပိုးသတ်ဆေးဈေးနှုန်းများမှာ ယခင်အပတ်နှင့်နှိုင်းယှဉ်လျှင် ဈေးနှုန်းများမှာ မြင့်တက်လျက်ရှိသော်လည်း စိုက်ပျိုးရေးရာသီဖြစ်သောကြောင့် အရောင်းအဝယ်သွက်လျက်ရှိကြောင်း လေ့လာသိရှိရပါသည်။

DOCA(ရှမ်း)

  ၂၀၂၃ခုနှစ်၊ ဩဂုတ်လ၊ ဒုတိယပတ်အတွင်း ရှမ်းပြည်နယ်(အရှေ့ပိုင်း)၊ ကျိုင်းတုံမြို့ရှိ အခြေခံစားသောက်ကုန်များဖြစ်သော ရွှေဘိုပေါ်ဆန်မွှေး(သိင်္ဂီ) တစ်ပြည်လျှင် ၆၃၀၀ကျပ်၊ ဧည့်မထ (ဒေသ)ဆန်တစ်ပြည်လျှင် ၃၆၀၀ကျပ်ဖြင့် ရောင်းဝယ်လျက်ရှိပါသည်။ စားဖိုဆောင်စားသောက်ကုန်များအနေဖြင့် ကြက်သွန်နီတစ်ပိဿာလျှင် ၃၀၀၀ကျပ်၊ ကြက်သွန်ဖြူ(ကြူကုတ်) တစ်ပိဿာလျှင် ၉၀၀၀ကျပ်၊ (ရှမ်းစ)တစ်ပိဿာလျှင် ၉၀၀၀ကျပ်၊ ငရုတ်သီးခြောက်(ရှည်)တစ်ပိဿာလျှင် ၁၉၀၀၀ကျပ်၊ ခရမ်းချဉ်သီးတစ်ပိဿာလျှင် ၃၀၀၀ကျပ်၊ အာလူးတစ်ပိဿာလျှင် ၄၀၀၀ကျပ်၊ မန်ကျည်းသီးမှည့်တစ်ပိဿာလျှင် ၄၀၀၀ကျပ်နှင့် ချင်းတစ်ပိဿာလျှင် ၄၀၀၀ကျပ် စသဖြင့်ရောင်းဝယ်လျက်ရှိပါသည်။

   ကျိုင်းတုံမြို့တွင် ဩဂုတ်လ၊ ဒုတိယအပတ်၌ စားသုံးဆီဈေးနှုန်းများအနေဖြင့် စားအုန်းဆီတစ်ပိဿာလျှင် ၈၂၀၀ကျပ်နှင့် ပဲဆီ(ရိုးရိုး) တစ်ပိဿာလျှင် ၁၆၀၀၀ကျပ်၊ ကြက်ဥတစ်လုံးလျှင် ၂၇၀ကျပ်နှင့် ဘဲဥတစ်လုံးလျှင် ၃၈၀ကျပ်ဖြင့် ရောင်းဝယ်လျက်ရှိပါသည်။ အသားငါးဈေးနှုန်းများမှာ ကြက်သား (CP) တစ်ပိဿာလျှင် ၁၄၀၀၀ကျပ်၊ ဝက်သားတစ်ပိဿာလျှင် ၂၂၀၀၀ကျပ်၊ အမဲသားတစ်ပိဿာလျှင် ၂၄၀၀၀ကျပ်၊ ငါးကြင်းတစ်ပိဿာလျှင် ၁၄၀၀၀ကျပ်၊ ငါးမြစ်ချင်းတစ်ပိဿာလျှင် ၁၂၀၀၀ကျပ်ဈေးနှုန်းများဖြင့် ရောင်းဝယ်လျက်ရှိကြောင်းသိရှိရပါသည်။

    ကျိုင်းတုံမြို့၏ အခြေခံစားသောက်ကုန်ဈေးနှုန်းများသည် ယခင်ဩဂုတ်လ၊ ပထမအပတ်နှင့်နှိုင်းယှဉ်ပါက ရွှေဘိုပေါ်ဆန်မွှေး(သိင်္ဂီ)၊ ဧည့်မထ(ဒေသဆန်)၊ ကြက်သွန်ဖြူ(ရှမ်းစ)၊ ကြက်သွန်ဖြူ (ကြူကုတ်)၊ ကြက်ဥနှင့် ဘဲဥဈေးနှုန်းတို့မှာ အနည်းငယ်မြင့်တက်လျက်ရှိပြီး ကျန်အခြေခံ စားသောက်ကုန်များ၏ဈေးနှုန်းများမှာ တည်ငြိမ်လျက်ရှိကြောင်းသိရှိရပါသည်။

DOCA(ရှမ်း)