ပြည်တွင်းကုန်သွယ်မှုသတင်း

   စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ခရိုင်စီမံအုပ်ချုပ်ရေးအဖွဲ့၏ အစီအစဉ်ဖြင့် ကန့်ဘလူမြို့နယ် အထွေထွေအုပ်ချုပ်ရေးဦးစီးဌာန၊ စားသုံးသူရေးရာဦးစီးဌာန စသည့်ဌာနဆိုင်ရာတာဝန်ရှိသူများ၏ ကြီးကြပ်မှုဖြင့်  ကန့်ဘလူခရိုင် ဆီလုပ်ငန်းရှင်များအသင်းမှ (၂၅.၂.၂၀၂၄) ရက် နံနက် ၀၈:၃၀ နာရီက ကန့်ဘလူမြို့ ၊ ကန့်ဘလူခရိုင်စုပေါင်းရုံးတွင် စားအုန်းဆီများကို ဈေးနှုန်းသက်သာစွာဖြင့် ဌာနဆိုင်ရာဝန်ထမ်းများအား ရောင်းချပေးခဲ့ကြောင်း သိရှိရပါသည်။

  ထိုသို့ စားအုန်းဆီများ ရောင်းချပေးရာတွင် ဌာနဆိုင်ရာဝန်ထမ်းများအနေဖြင့် စားအုန်းဆီများကို သက်သာသောဈေးနှုန်းဖြင့် ဝယ်ယူစားသုံးနိုင်စေရန်အတွက် စားအုန်းဆီ (၁)ပိဿာလျှင် ၆၀၀၀ ကျပ်နှုန်းဖြင့် ဝန်ထမ်းတစ်ဦးလျှင် (၁)ပိဿာနှုန်း လက်ဝယ်အရောက်ရောင်းချပေးပြီး လူဦးရေ (၁၆၅၀)ဦးအတွက် စားအုန်းဆီ ၁၆၅၀ ပိဿာရောင်းချပေးခဲ့ကြောင်း ကန့်ဘလူခရိုင် ဆီလုပ်ငန်းရှင်များအသင်းထံမှ သိရှိရပါသည်။

DOCA(စစ်ကိုင်း)

            ကန့်ဘလူမြို့တွင်ရောင်းချနေသော သစ်သီးဝလံများမှာ ကန့်ဘလူမြို့နယ်၊ ကျွန်းလှမြို့နယ်၊ မြစ်ကြီးနားမြို့နှင့် မန္တလေးမြို့ရှိသစ်သီးပွဲရုံများမှ အသီးသီး ဝင်ရောက်လျက်ရှိပါသည်။

       ၂၀၂၄ခုနှစ်၊ ဖေဖော်ဝါရီလ စတုတ္ထပတ်တွင် ဖြစ်ပေါ်လျက်ရှိသော သစ်သီးဝလံဈေးနှုန်း များမှာ ပန်းသီး(ရိုးရိုး) အသေး(၁)လုံးလျှင် (၈၀၀)ကျပ်၊ ပန်းသီး(အိတ်စွပ်) အကြီး (၁)လုံးလျှင် (၂၅၀၀)ကျပ်၊  စပျစ်သီး(အလုံးကြီး) (၁)ပိဿာလျှင် (၁၆၀၀၀)ကျပ်၊ ပန်းသစ်တော်သီး (၁)လုံး လျှင် (၃၀၀၀)ကျပ်၊  ဖီးကြမ်းငှက်ပျောသီး (၁)ဖီးလျှင်(၂၀၀၀)ကျပ်၊ မြစ်ကြီးနားမှ ထွက်ရှိသော ခွန်စိမ်း ရိုးရိုး (၁)ဖီးလျှင် (၁၅၀၀)ကျပ်၊ ဖရဲသီး (၁)လုံးလျှင်(၅၀၀၀)ကျပ်၊ မက်မန်းသီး(၁) ပိဿာ လျှင် (၄၅၀၀)ကျပ်၊ စတော်ဘယ်ရီသီး(၁)ပိဿာလျှင် (၁၂၀၀၀)ကျပ်၊ ထောပတ်သီး(၁)လုံးလျှင် (၁၀၀၀)ကျပ်၊ သခွားမွှေး(၁)လုံးလျှင် (၂၅၀၀)ကျပ်ဖြင့် ရောင်းချရသောကြောင့် ယခင်အပတ်နှင့် နှိုင်းယှဉ်ပါက ယခင်အပတ်ထက် ပန်းသစ်တော်သီး (၁)လုံးလျှင် (၅၀၀)ကျပ်၊ ဖီးကြမ်းငှက်ပျော သီး(၁)ဖီးလျှင်(၇၀၀)ကျပ်၊ ဖရဲသီး (၁)လုံးလျှင် (၂၀၀၀)ကျပ် ဈေးနှုန်းမြင့်တက်ကာ ပန်းသီး (ရိုးရိုး) အသေး(၁)လုံးလျှင် (၂၀၀)ကျပ်၊  မြစ်ကြီးနားမှ ထွက်ရှိသော ခွန်စိမ်း ရိုးရိုး (၁)ဖီးလျှင် (၅၀၀)ကျပ်ဈေးနှုန်းကျဆင်းပြီး ကျန်သစ်သီး ဈေးနှုန်းများမှာ  ပုံမှန်အတိုင်း အရောင်းအဝယ်ဖြစ် လျက်ရှိကြောင်း ကန့်ဘလူမြို့တွင် ရောင်းချလျက်ရှိသော သစ်သီးဆိုင်များမှ သတင်းရရှိပါသည်။

DOCA(စစ်ကိုင်း)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူ မြို့နယ်တာဝန်ခံရုံးအနေဖြင့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်ရန်”ဆိုသည့် ဌာန၏ မျှော်မှန်းချက်တာဝန်ကိုလည်း အကောင်အထည်ဖော်ဆောင်ရွက်လျက်ရှိရာ ကန့်ဘလူမြို့၊ မြို့မဈေးတွင် ငါးမျိုးစုံရောင်းချလျက်ရှိပြီး ဖေဖော်ဝါရီလ စတုတ္ထပတ်အတွင်းဖြစ်ပေါ်နေသော ငါးလက်လီဈေးနှုန်းများမှာ ငါးရံ့အကောင်လိုက် တစ်ပိဿာလျှင် (၁၂၀၀၀)ကျပ်၊ တီလားဗီးယားအကောင်သေး တစ်ပိဿာလျှင် (၆၀၀၀)ကျပ်၊ တီလားဗီးယားအကောင်ကြီး တစ်ပိဿာလျှင် (၈၀၀၀)ကျပ်၊ ငါးကြင်း တစ်ပိဿာလျှင် (၉၅၀၀)ကျပ်၊ ငါးဖယ် တစ်ပိဿာလျှင် (၈၀၀၀)ကျပ်၊ ငါးမုတ် တစ်ပိဿာလျှင် (၆၅၀၀) ကျပ်၊ ငါးမြင်း တစ်ပိဿာလျှင် (၆၅၀၀)ကျပ်၊ ငါးဘတ် တစ်ပိဿာလျှင် (၁၉၀၀၀)ကျပ်၊ ငါးဂျောင်း တစ်ပိဿာလျှင် (၁၂၀၀၀)ကျပ်၊ ငါးအုံတုံ တစ်ပိဿာလျှင် (၁၀၀၀၀)ကျပ်၊ ငါးအုံတုံခုတ်သား တစ်ပိဿာလျှင်  (၁၈၀၀၀)ကျပ်၊ ငါးမြင်းခုတ်သား တစ်ပိဿာလျှင် (၁၀၀၀၀)ကျပ်၊ ငါးကြင်းခုတ်သား တစ်ပိဿာလျှင် (၁၆၀၀၀)ကျပ်၊ ငါးဖယ်ခြစ် တစ်ပိဿာလျှင် (၁၈၀၀၀)ကျပ်၊  ပုစွန်ထုပ်တစ်ပိ ဿာလျှင် (၃၂၀၀၀)ကျပ်ဖြင့် အရောင်းအဝယ်ဖြစ်လျက်ရှိပါသည်။

   ငါးဈေးနှုန်းများအား ဖေဖော်ဝါရီလ စတုတ္ထပတ်နှင့်နှိုင်းယှဉ်ပါက ငါးဈေးနှုန်းများမှာ ငါးအုံတုံ တစ်ပိဿာလျှင် (၁၀၀၀)ကျပ်နှင့် ငါးဘတ် တစ်ပိဿာလျှင် (၁၀၀၀)ကျပ်ဈေးနှုန်းကျဆင်းပြီး ကျန်ငါးဈေးနှုန်းများမှာ ပုံမှန်အတိုင်း အရောင်းအဝယ်ဖြစ်လျက်ရှိကြောင်း ကန့်ဘလူမြို့မဈေးအတွင်း ရောင်းချလျက်ရှိသောငါးဒိုင်များမှ သတင်းရရှိပါသည်။

DOCA(စစ်ကိုင်း)

     မကွေးတိုင်းဒေသကြီး၊ သရက်ခရိုင်၊ ကံမမြို့၊ မြို့မစည်ပင်ဈေးအတွင်း (၁၆-၂-၂၀၂၄)ရက်နေ့မှ (၂၂-၂-၂၀၂၄)ရက်နေ့အတွင်း ရောင်းချလျက်ရှိသော အခြေခံစားသောက်ကုန်များ၏ လက်လီဈေးနှုန်းများမှာ ပုသိမ်ပေါ်ဆန်းမွှေးတစ်အိတ်လျှင် ကျပ်(၁၄၅၀၀၀)၊ ရွှေဘိုပေါ်ဆန်းမွှေးတစ်အိတ်လျှင် ကျပ် (၁၈၀၀၀၀)၊ မနောသုခတစ်အိတ်လျှင် ကျပ်(၉၀၀၀၀)၊ မှော်ဘီတစ်အိတ်လျှင် ကျပ်(၉၅၀၀၀)၊ ရိုးနီတစ်အိတ်လျှင် ကျပ်(၁၂၀၀၀၀)၊ နှမ်းဆီတစ်ပိဿာလျှင် ကျပ်(၁၅၀၀၀)၊ ပဲဆီတစ်ပိဿာလျှင် ကျပ်(၁၆၀၀၀)၊ စားအုန်းဆီတစ်ပိဿာလျှင် ကျပ်(၆၀၀၀မှ ၆၂၀၀)၊ ကြက်သွန်နီတစ်ပိဿာလျှင် ကျပ်(၂၅၀၀)၊ ကြက်သွန်ဖြူတစ်ပိဿာလျှင် ကျပ်(၁၅၀၀၀)၊ ကုလားပဲတစ်ပိဿာလျှင် ကျပ် (၇၀၀၀)၊ အာလူးတစ်ပိဿာလျှင် ကျပ်(၃၂၀၀)၊ ချင်းတစ်ပိဿာလျှင် ကျပ်(၆၀၀၀)၊ ဆားတစ်ပိဿာလျှင် ကျပ်(၅၀၀)၊ ငရုတ်သီးခြောက်တစ်ပိဿာလျှင် ကျပ်(၁၅၀၀၀)၊ ငရုတ်သီးစိမ်းတစ်ပိဿာလျှင် ကျပ်(၃၀၀၀)၊ ခရမ်းချဉ်သီးတစ်ပိဿာလျှင် ကျပ် (၁၀၀၀)၊ ကြက်သား(စီပီ)တစ်ပိဿာလျှင် ကျပ်(၁၂၀၀၀)၊ကြက်သား(မြန်မာ) တစ်ပိဿာလျှင် ကျပ် (၁၅၀၀၀)၊ ဝက်သားတစ်ပိဿာလျှင် ကျပ် (၁၃၀၀၀)၊ အမဲသားတစ်ပိဿာလျှင် ကျပ် (၁၃၀၀၀)၊ ဆိတ်သားတစ်ပိဿာလျှင် ကျပ် (၁၆၀၀၀)၊ ငါးကြင်းတစ်ပိဿာလျှင် ကျပ် (၁၀၀၀၀)၊ ငါးမြစ်ချင်းတစ်ပိဿာလျှင် ကျပ် (၇၅၀၀)၊ ကြက်ဥတစ်လုံးလျှင် ကျပ် (၂၀၀)၊ ဘဲဥတစ်လုံးလျှင် ကျပ် (၄၀၀) စသည့်ဈေးနှုန်းအသီးသီးဖြင့် ရောင်းချလျက်ရှိကြောင်းသိရှိရပါသည်။

     ယခင်အပတ်ဈေးနှုန်းတို့နှင့်နှိုင်းယှဉ်လျှင် ယခုအပတ်တွင် ကြက်သွန်ဖြူ ကျပ်(၂၀၀၀)၊ ငရုပ်သီးစိမ်း ကျပ်(၂၀၀)၊ ကြက်သွန်နီ ကျပ်(၁၀၀) ဈေးနှုန်းမြင့်တက်လာပြီး ခရမ်းချဉ်သီး ကျပ်(၈၀၀)၊ အာလူး ကျပ်(၂၀၀)  စသည်ဖြင့် ဈေးနှုန်းအသီးသီးကျဆင်းသွားကြောင်း၊ ကျန်အခြေခံစားသောက်ကုန်များမှာ ဈေးနှုန်းအတက်အကျမရှိဘဲ ပုံမှန်ရောင်းချလျက်ရှိကြောင်း၊ ဆန်၊ဆီ၊ ကြက်သွန်ဖြူ၊ အာလူး စသည့်ကုန်ပစ္စည်းခြောက်များကို ပြည်ခရိုင်၊ ကြက်သွန်နီများကို သရက်ခရိုင်နှင့် ခရမ်းချဉ်သီး၊ ငရုတ်သီးစိမ်းများကို ကံမမြို့နယ်ကျေးရွာများမှ ဝယ်ယူရောင်းချကြောင်း ဈေးရောင်းချသူ ဒေါ်သန်းထွေးထံမှသိရှိရပါသည်။

DOCA(မကွေး)

    မကွေးတိုင်းဒေသကြီး၊ အောင်လံမြို့၊ အောင်လံကုန်စည်ဒိုင်တွင် ၂၀၂၄ခုနှစ်၊ ဖေဖော်ဝါရီလ (တတိယပတ်) အတွင်း လယ်ယာထွက်ကုန်သီးနှံမျိုးစုံဖြစ်သည့် နှမ်းနှင့်ပဲမျိုးစုံသီးနှံများ ပုံမှန်အရောင်းအဝယ်ဖြစ်လျက်ရှိရာ နှမ်းနက်(စမုံ) (၄၅)ပိဿာပါ (၁)အိတ်လျှင် ကျပ်(၃၅၀၀၀၀/-၃၈၀၀၀၀/-)ဖြင့် အိတ် (၁၂၅၀)ကိုလည်းကောင်း၊ နှမ်းပြာ(၄၅)ပိဿာပါ (၁)အိတ်လျှင် ကျပ်(၃၄၀၀၀၀/-)ဖြင့် အိတ် (၃၅၀)ကိုလည်းကောင်း၊ နှမ်းနီ(၄၅)ပိဿာပါ (၁)အိတ်လျှင် ကျပ်(၃၄၀၀၀၀/-)ဖြင့် အိတ်(၁၅၀)ကိုလည်းကောင်း၊ နှမ်းဖြူ(၄၅)ပိဿာပါ (၁)အိတ်လျှင် ကျပ်(၃၅၀၀၀၀/-)ဖြင့် အိတ်(၈၀)ကိုလည်းကောင်း၊ ကုလားပဲ(HL) (၁)တင်းလျှင် ကျပ်(၉၃၀၀၀/-၉၆၀၀၀/-)ဖြင့် (၃၀)ပိဿာပါ အိတ် (၇၀၀)အိတ်ကိုလည်းကောင်း၊ ကုလားပဲ(မြကြေး) (၁)တင်းလျှင် ကျပ်(၉၃၀၀၀/-၉၆၀၀၀/-)ဖြင့် (၃၀)ပိဿာပါအိတ် (၄၀၀)အိတ်ကိုလည်းကောင်း၊ မတ်ပဲ(၁)တင်းလျှင် ကျပ်(၉၆၅၀၀/-၉၉၅၀၀/-) ဖြင့် (၃၀)ပိဿာပါ အိတ်(၁၈၀)အိတ်ကိုလည်းကောင်း၊ ပဲစင်းငုံနီ(၁)တင်းလျှင် ကျပ်(၁၂၃၂၀၀/-၁၂၈၀၀၀/-)ဖြင့် (၃၀)ပိဿာပါ အိတ် (၁၇၀၀)အိတ်ကိုလည်းကောင်း၊ ဘိုကိတ်ပြာ(၁)တင်းလျှင် ကျပ်(၆၆၀၀၀/-၇၈၅၀၀/-)ဖြင့် (၃၀)ပိဿာပါ အိတ်(၁၀၀)အိတ်ကိုလည်းကောင်း၊ ပဲတီစိမ်း(ဆောင်း) (၁)တင်းလျှင် ကျပ်(၇၀၀၀၀/-၇၅၀၀၀/-)ဖြင့် (၃၀)ပိဿာပါ အိတ်(၅၀၀)အိတ်ကိုလည်းကောင်း၊ ပဲတီစိမ်း(မိုး) (၁)တင်းလျှင် ကျပ်(၆၀၀၀၀/-၆၃၀၀၀/-)ဖြင့် (၃၀)ပိဿာပါ အိတ်(၁၀၀)အိတ်ကိုလည်းကောင်း၊ ပဲကြီး(၁)တင်းလျှင် ကျပ်(၁၂၂၅၀၀/- ၁၂၃၀၀၀/-)ဖြင့် (၃၀)ပိဿာပါ အိတ်(၁၉၀) အိတ်ကိုလည်းကောင်း၊ မြေပဲလုံးဆံ(ဖြူ)(၁)ပိဿာလျှင် ကျပ်(၆၉၀၀/-၆၉၅၀/-)ဖြင့် (၃၀)ပိဿာဝင်အိတ် (၃၅၀) အိတ်ကိုလည်းကောင်း၊ မြေပဲလုံးဆံ(နီ) (၁)ပိဿာလျှင် ကျပ်(၇၈၀၀/-၈၀၀၀/-)ဖြင့် (၃၀)ပိဿာဝင်အိတ် (၇၀)အိတ်ကိုလည်းကောင်း၊ မြေပဲတောင့်အစို (၁)တင်းလျှင် ကျပ်(၂၇၀၀၀/-၂၈၀၀၀/-)ဖြင့် (၃၀၀၀)တင်းကိုလည်းကောင်း၊ ဝါ(၁)ပိဿာလျှင် ကျပ်(၃၃၀၀/-၃၅၀၀/-)ဈေးနှုန်းဖြင့် ပိဿာ(၁၅၀၀၀) စသည်ဖြင့် အသီးသီးအရောင်းအဝယ်ရှိခဲ့ပါသည်။

   ပဲကြီး၊ ကုလားပဲသီးနှံတို့မှာ သီးနှံအသစ်ထွက်ရှိလျက်ရှိပြီး ပဲတီစိမ်း(မိုး)နှင့်(ဆောင်း)တွင် ပဲတီစိမ်း(ဆောင်း)သီးနှံများသာ လက်ကျန်ရှိသည့်အတွက် အရောင်းအဝယ်ရှိပြီး နှမ်းသီးနှံဈေးနှုန်းမှာ ဖေ‌ဖော်ဝါရီလ(ပထမပတ်)မှ ယခု(တတိယပတ်)အတွင်း ဈေးနှုန်းများတည်ငြိမ်လျက်ရှိပြီး အရောင်းအဝယ်ပုံမှန်မျှသာဖြစ်လျက် ပဲမျိုးစုံသီးနှံကိုလည်း ဖေဖော်ဝါရီလ (ဒုတိယပတ်)ဈေးနှုန်းတို့နှင့်နှိုင်းယှဉ်ပါက ဈေးနှုန်းအနည်းငယ်ကျဆင်းခဲ့ပြီး အရောင်းအဝယ်ခပ်ပါးပါးမျှသာရှိကြောင်းနှင့်  ပဲတီစိမ်း၊ မတ်ပဲ၊ ဘိုကိတ်ပြာ၊ ပဲစင်းငုံနီနှင့် ဝါသီးနှံတို့ကို ရန်ကုန်မြို့သို့လည်းကောင်း၊ နှမ်းကို မန္တလေးမြို့သို့လည်းကောင်း၊ ကုလားပဲနှင့် ပဲကြီးတို့ကို အောင်လံမြို့နယ်တွင်းရှိ ကုလားပဲခွဲစက်များသို့ ပေးပို့ရောင်းချရကြောင်း၊ မြေပဲလုံးဆံနီနှင့် မြေပဲလုံးဆံဖြူတို့ကို အောင်လံနှင့် သရက်မြို့နယ်ရှိ ပဲကြော်လုပ်ငန်းရှင်များသို့ ပေးပို့ရောင်းချလျက်ရှိကြောင်း အောင်လံကုန်စည်ဒိုင်မှသိရှိရပါသည်။

DOCA(မကွေး)