ပြည်တွင်းကုန်သွယ်မှုသတင်း

    ဗီတာမင်ကြွယ်ဝသောသီးနှံများတွင် ငှက်ပျောသီးအစာလည်းအပါအဝင်ဖြစ်သည်။ ငှက်ပျောသီးအမျိုးအစားများမှာ ကွဲပြားမှုရှိသော်လည်း အမျှင်ဓာတ်ပါဝင်မှုများခြင်း၊ ပိုတက်စီယမ်၊ ဗီတာမင်ဘီ၊ ဗီတာမင်စီ၊ မဂ္ဂနီစီယမ်ဓာတ်၊ ကစီဓာတ်၊ ပရိုတင်းဓာတ်နှင့် အဆီဓာတ်များပါဝင်မှုကြောင့် ကျန်းမာကြံ့ခိုင်စေပြီး တစ်နေ့တာလိုအပ်သောခွန်အားများကို ပြန်လည်ဖြည့်တင်းပေးနိုင်သောကြောင့် လူမျိုးဘာသာမရွေးစားသုံးကြသည်။

   ပခုက္ကူဒေသတွင် ပဲမျိုးစုံစိုက်ပျိုးထွက်ရှိနေသည့်အပြင် ငှက်ပျောသီးနှံကိုလည်း စီးပွားဖြစ်စိုက်ပျိုးကြသည်။ ပခုက္ကူခရိုင်အတွင်း၌ ငှက်ပျောစိုက်ဧက (၄၀၀)ကျော်ရှိပြီး ဥယာဉ်ခြံမြေများတွင်လည်းရောနှောစိုက်ပျိုးကြသည်။ ဖီးကြမ်းမျိုး၊ သီးမွှေးမျိုး၊ ရခိုင်မျိုး၊ ငှက်ပျောချဉ်မျိုး၊ တစ်သျှူးမျိုးများကိုစိုက်ပျိုးကြပြီး ထွက်ရှိလာသောငှက်ပျောများကို အခိုင်လိုက် ဒေသတွင်းနှင့် မန္တလေးမြို့ထိတင်ပို့ရောင်းချရကြောင်း သိရှိရပါသည်။

     ငှက်ပျောသီးကို သာသနာပွဲတင်ရာတွင်လည်းကောင်း၊ ငှက်ပျော်ခြောက်အဖြစ် နေလှန်း၍လည်းကောင်း၊ ငှက်ပျောပေါင်းအဖြစ်လည်းကောင်း၊ ဧည့်ခံပွဲများတွင် အချိုပွဲအဖြစ်လည်းကောင်း၊ ကောက်ညှင်းနှင့်ရော၍ ငှက်ပျောဆိုင်းထုပ်များထုပ်၍လည်းကောင်း၊ နေ့စဉ် အာဟာရအတွက်လည်းကောင်း စားသုံးနေသောကြောင့် ပိုမိုတွင်ကျယ်စွာစိုက်ပျိုးထုတ်လုပ်လာသည်ကို သိရှိရပါသည်။

 ပခုက္ကူမြို့မဈေးအတွင်း အရောင်းအဝယ်ဖြစ်နေသောဈေးများမှာ ၂၀၂၃ခုနှစ်၊ ဇူလိုင် (ဒုတိယပတ်) တွင် ဖီးကြမ်းငှက်ပျောသီးတစ်ဖီးလျှင် (၁၃၀၀-၁၅၀၀)ကျပ်၊ ရခိုင်ငှက်ပျောသီးတစ်ဖီးလျှင် (၈၀၀-၁၀၀၀)ကျပ်၊ သီးမွှေးတစ်ဖီးလျှင် (၁၄၀၀- ၁၅၀၀)ကျပ်၊ ငှက်ပျောချဉ်တစ်ဖီးလျှင် (၈၀၀-၁၀၀၀) ကျပ်၊ တစ်သျှူးငှက်ပျောတစ်ဖီးလျှင် (၁၅၀၀-၂၀၀၀)ကျပ်ဈေးရှိခဲ့ပြီး ယခုဩဂုတ် (ဒုတိယပတ်) တွင် ဖီးကြမ်းငှက်ပျောသီးတစ်ဖီးလျှင် (၂၀၀၀-၂၅၀၀)ကျပ်၊ ရခိုင်ငှက်ပျောသီးတစ်ဖီးလျှင် (၁၀၀၀-၁၂၀၀)ကျပ်၊ သီးမွှေးတစ်ဖီးလျှင် (၁၅၀၀-၂၀၀၀)ကျပ်၊ ငှက်ပျောချဉ်တစ်ဖီးလျှင် (၁၂၀၀-၁၃၀၀)ကျပ်၊ တစ်သျှူးငှက်ပျောတစ်ဖီးလျှင်(၂၅၀၀-၃၀၀၀)ကျပ်ဖြစ်နေကြောင်း၊ ပခုက္ကူဒေသတွင် စိုက်ပျိုးမှုမရှိသော ရွှေငှက်ပျော၊ ရွှေငှက်ပျောချဉ်မျိုးများမှာလည်း တောင်ငူဘက်မှ ဝင်ရောက်လျက်ရှိပြီး ရွှေငှက်ပျောတစ်ဖီးလျှင် (၃၀၀၀-၃၅၀၀) ကျပ်ရှိပြီး ရွှေငှက်ပျောချဉ်တစ်ဖီးလျှင် (၂၀၀၀- ၂၅၀၀) ကျပ်ဈေးရှိကြောင်း၊ အရောင်းအဝယ်အနေဖြင့်လည်း ယခင်နှစ်ထက်ပို၍ အရောင်းအဝယ်ဖြစ်နေကြောင်း  ငှက်ပျောရောင်းဝယ်သူလုပ်ငန်းရှင်ထံမှသိရှိရပါသည်။

 DOCA(မကွေး)

    စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ၏ လမ်းညွှန်ချက်နှင့်အညီ ကရင်ပြည်နယ်၊ စားသုံးဆီကုန်သည်များ၊ စားသုံးဆီလုပ်ငန်းရှင်များအသင်းနှင့် ကရင်ပြည်နယ်၊ စားသုံးသူရေးရာဦးစီးဌာနတို့ပူးပေါင်းပါဝင်ပြီး စားအုန်းဆီလက်လီဈေးကွက်အတွင်း ဖြစ်သင့်ဖြစ်ထိုက်သည့်ဈေးနှုန်းများဖြင့် ရောင်းချစေရေး၊ ဈေးနှုန်းအဆမတန်မြှင့်တင်ရောင်းချခြင်းမပြုလုပ်စေရေးနှင့် စားအုန်းဆီများကို သက်သာသောဈေးနှုန်းဖြင့် စားသုံးသူပြည်သူများဝယ်ယူစားသုံးနိုင်ရေးရည်ရွယ်၍ ရန်ကုန်အထိုင်ရည်ညွန်းလက်ဈေးနှုန်းအပေါ် သယ်ယူခကုန်ကျစရိတ်များပေါင်း၍  ၂%အမြတ်ထက်မပိုသောဈေးနှုန်းဖြင့် စားသုံးသူပြည်သူများအား လူတစ်ဦးလျှင် ၁ပိဿာနှုန်းဖြင့် (၁၄-၈-၂၀၂၃)ရက်နေ့တွင် မဲဘောင်ဈေး၊ ဇွဲမာန်လွင်အခွန်လွတ်ဈေးနှင့် ရေပေါ်ဈေးတို့တွင် လည်းကောင်း၊ (၁၅-၈-၂၀၂၃)ရက်နေ့တွင် ပါးယိုကျေးရွာ၊ တောင်ကလေးကျေးရွာနှင့် သီရိဈေးတို့တွင်လည်းကောင်း၊ (၁၆-၈-၂၀၂၃)ရက်နေ့တွင် ဗုဒ္ဓဟူးအခွန်လွတ်ဈေး၊ မာန်အောင်ဈေးနှင့် အမှတ်(၂)ရပ်ကွက်တွင်လည်းကောင်း၊ (၁၇-၈-၂၀၂၃)ရက်နေ့တွင် ဝါဆိုဦးဈေး၊ အမှတ်(၅)ရပ်ကွက် အောင်နန်းနှင့် ထီလုံကျေးရွာတွင်လည်းကောင်း၊ (၁၈-၈-၂၀၂၃)ရက်နေ့တွင် စက်ပစ်ကွင်းလမ်း၊ ဝန်ထမ်းအိမ်ရာများနှင့် ကန်သာယာရပ်ကွက်များသို့သွားရောက်၍ ဈေးကားဖြင့် တစ်ရက်လျှင် ဈေးကား(၃)စီး၊ တစ်စီးလျှင် စားသုံးဆီပိဿာ (၅၅၀)၊ လူတစ်ဦးလျှင် (၁)ပိဿာနှုန်းစီဖြင့် စားသုံးသူပြည်သူများအား ရောင်းချခဲ့ပြီး စားသုံးသူပြည်သူများကလည်း စနစ်တကျတန်းစီ၍ ဝယ်ယူအားပေးခဲ့ကြကြောင်းသိရှိရပါသည်။

DOCA(ကရင်)

    ဆိပ်ဖြူမြို့ ကြက်သွန်နီဈေးကွက်သို့ ၂၀၂၃ခုနှစ်၊ ဩဂုတ်လ(၇)ရက် မှ (၁၄)ရက်ထိ (ဒုတိယ) ပတ်အတွင်း နေ့စဉ်ကုန်ချိန် ပိဿာ (၃)သောင်းခန့်၊ (၁)ပတ်အတွင်း စုစုပေါင်း ပိဿာ(၂)သိန်းခန့်၊ ကုန်စည်ဒိုင်တွင် ဝင်ရောက် အရောင်းအဝယ်ဖြစ်လျက်ရှိကြောင်း သိရှိရပါသည်။

      ယခု ဩဂုတ်လ(ဒုတိယ)ပတ်အတွင်း ကြက်သွန်နီ(၁)ပိဿာဈေးနှုန်းမှာ အမြင့်ဈေး ထိပ်စ (ရှယ်) ကျပ်(၂၂၅၀ မှ ၂၀၇၅)၊ အလတ်စ ကျပ်(၂၀၀၀ မှ ၁၈၀၀)၊ အနိမ့်ဈေး ကျပ်( ၁၇၅၀ မှ ၁၆၀၀) ဈေးနှုန်းအသီးသီးဖြင့် အရောင်းအဝယ်ဖြစ်ခဲ့ပါသည်။ ယခင် တစ်ပတ်တွင် ကြက်သွန်နီ ထိပ်စ အမြင့် ဆုံးဈေးမှာ (၁)ပိဿာလျှင် ကျပ်(၂၁၀၀ မှ ၁၉၅၀)ဈေးနှုန်းဖြင့် အရောင်းအဝယ်ဖြစ်ခဲ့၍ ယခု(၁)ပတ် တွင် ထိပ်စ(ရှယ်) (၁၅၀)ကျပ်၊ အလတ်စနှင့် အသေးစ (၁၀၀)ကျပ်ခန့် ဈေးနှုန်းမြင့်တက်၍ အရောင်းအဝယ် ဖြစ်ခဲ့ပါသည်။

     ဆိပ်ဖြူမြို့မှ ကြက်သွန်နီများကို ရန်ကုန်ဘုရင့် နောင်ပွဲရုံသို့ ကုန်ချိန်အများဆုံး စီးဆင်းလျက် ရှိပြီး ပြည်ပတင်ပို့မှုနည်းကြောင်း ကြက်သွန်နီ ဈေးကွက်မှ သိရှိရသည်။ ယခု ဩဂုတ်လ(ဒုတိယ) ပတ်အတွင်း ကြက်သွန်နီ စုစုပေါင်း ပျမ်းမျှပိဿာ (၃)သိန်းခန့်၊ (၁၀၀၀၀)အိတ်၊ တန်ချိန်(၄၉၀)ခန့် ကုန်စည်စီးဆင်းခဲ့ကြောင်း ဈေးကွက်မှ သိရှိရပါသည်။

      ဆိပ်ဖြူမြို့ ပတ္တမြားဈေးအတွင်းရှိ ဈေးတန်းများတွင် ကြက်သွန်နီ အရွယ်အစား အရည်အသွေးလိုက်၍ (၁)ပိဿာလျှင် လက်လီဈေး (၂၈၀၀ မှ ၂၂၀၀)ကျပ်ဈေးဖြင့် အရောင်းအဝယ်ဖြစ်ကြောင်း သိရှိရသည်။ 

DOCA(မကွေး)

   ဘားအံမြို့၊ မြို့မဈေးတွင်ရောင်းချနေသော သစ်သီးဝလံများမှာ ရှမ်းပြည်နယ်၊ တောင်ကြီးမြို့၊ မန္တလေးမြို့၊ ရန်ကုန်မြို့နှင့် မြဝတီမြို့ရှိ သစ်သီးဝလံပွဲရုံများမှ အသီးသီးဝင်ရောက်လျက်ရှိကြောင်းသိရှိရပါသည်။

   ၂၀၂၃ခုနှစ်၊ ဩဂုတ်လ၊ စတုတ္ထအပတ်တွင်ဖြစ်ပေါ်လျက်ရှိသော သစ်သီးဝလံဈေးနှုန်းများမှာ နဂါးမောက်သီးတစ်လုံးလျှင် (၇၀၀)ကျပ်မှ (၁၀၀၀)ကျပ်အထိ၊ စပျစ်သီး(အလုံးကြီး) တစ်ပိဿာလျှင် ၂၂၀၀၀ကျပ်၊ ပန်းသီး(ရိုးရိုး) တစ်လုံးလျှင် (၁၀၀၀)ကျပ်မှ (၁၅၀၀)ကျပ်အထိ၊ ပန်းသီး(ယိုးဒယား) တစ်လုံးလျှင် (၂၀၀၀)ကျပ်၊ ပန်းသစ်တော်တစ်လုံးလျှင် (၂၈၀၀)ကျပ်၊ သရက်သီးတစ်လုံးလျှင် (၁၀၀၀)ကျပ်၊ မာလကာသီးတစ်လုံးလျှင် (၁၀၀၀)ကျပ်၊ ဆန်းကစ်သစ်တစ်လုံးလျှင် (၁၅၀၀)ကျပ်၊ ဖီးကြမ်းငှက်ပျောတစ်ဖီးလျှင် (၁၅၀၀)ကျပ်မှ (၂၀၀၀)ကျပ်အထိ၊ သီးမွှေးငှက်ပျောတစ်ဖီးလျှင် (၂၅၀၀)ကျပ်မှ ၃၀၀၀)ကျပ်အထိ၊ ဩဇာသီးတစ်လုံးလျှင် (၇၀၀) ကျပ်၊ ကြက်မောက်သီးတစ်ကီလိုလျှင် (၇၀၀၀) ကျပ်၊ ဖရဲသီးတစ်လုံးလျှင် (၃၀၀၀)ကျပ်မှ (၄၀၀၀)ကျပ်အထိ၊ နာနတ်သီး(ကြီး)တစ်လုံးလျှင် (၂၀၀၀) ကျပ်၊ နာနတ်သီး (သေး)တစ်လုံးလျှင် (၁၀၀၀)ကျပ်၊ ဒူးရင်းသီး (ကြီး) တစ်လုံးလျှင် (၁၀၀၀၀)ကျပ်၊ ဒူးရင်းသီး(သေး) တစ်လုံးလျှင် (၅၀၀၀)ကျပ်ဖြင့် အသီးသီးအရောင်းအဝယ်ဖြစ်လျက်ရှိကြောင်း ဘားအံမြို့၊ မြို့မဈေးတွင်ရောင်းချလျက်ရှိသော သစ်သီးဆိုင်များထံမှသိရှိရပါသည်။

DOCA(ကရင်)

     စစ်ကိုင်းတိုင်းဒေသကြီး မုံရွာမြို့ရှိ ဈေးများတွင် ယခုရက်သတ္တပတ်အတွင်း ‌ရွှေဘိုပေါ်ဆန်း (တစ်အိတ်)လျှင် ၁၃၅၀၀၀ကျပ်၊  ဧရာမင်း(ဆန်)(တစ်အိတ်)လျှင် ၁၃၈၀၀၀၀ ကျပ်၊ ဧည့်မထဆန် (တစ်အိတ်)လျှင် ၉၅၀၀၀ မှ ၉၆၀၀၀ ကျပ်၊ ပဲဆီ(တစ်ပိဿာ)လျှင် ၁၃၄၅၀-၁၃၅၀၀ ကျပ်၊ နှမ်းဆီ (တစ်ပိဿာ)လျှင် ၁၃၅၀၀ ကျပ်၊ နေကြာဆီ(တစ်ပိဿာ)လျှင်၁၃၅၀၀ကျပ်၊ စားအုန်းဆီ (တစ်ပိဿာ) လျှင် ၉၈၀၀ မှ ၉၉၀၀ကျပ်၊ ဆား(တစ်ပိဿာ)လျှင် ၇၀၀ မှ ၈၀၀ ကျပ်၊ ငရုတ်ခြောက် (တစ်ပိဿာ) ၁၈၀၀၀ မှ ၁၉၀၀၀ ကျပ်၊ ကြက်သွန်နီ (တစ်ပိဿာ) ၂၂၀၀ မှ ၂၃၀၀ ကျပ်၊ ကြက်သွန်ဖြူ (ရှမ်းစ) (တစ်ပိဿာ) ၇၃၀၀ မှ ၇၅၀၀ ကျပ်၊ ကြက်သွန်ဖြူ (ကြူကုတ်) (တစ်ပိဿာ) ၈၃၀၀ မှ ၈၅၀၀ ကျပ်၊ အာလူး(တစ်ပိဿာ) ၂၅၀၀ မှ၂၆၀၀ ကျပ်၊ မန်ကျည်းသီးမှည့် (တစ်ပိဿာ) လျှင် ၃၈၀၀ မှ ၄၀၀၀ ကျပ်၊ နနွင်းတက် (တစ်ပိဿာ) လျှင် ၅၈၀၀ မှ ၆၀၀၀ ကျပ်၊ ခရမ်းချဉ်သီး (တစ်ပိဿာ) ၂၂၀၀ကျပ်၊ ဂေါ်ဖီထုပ်(တစ်ထုပ်)၁၅၀၀ကျပ်၊ ပဲသီး(ပဲထောင့်ရှည်)(တစ်စီး) ၇၀၀ကျပ်၊ ကြက်သား (တစ်ပိဿာ) လျှင် ၁၀၀၀၀ မှ ၁၂၀၀၀ ကျပ်၊ ဝက်သား (တစ်ပိဿာ)လျှင် ၁၈၀၀၀ မှ ၂၀၀၀၀ ကျပ်၊ အမဲသား (တစ်ပိဿာ) လျှင်၁၆၀၀၀ မှ ၁၇၀၀၀ကျပ်၊ ဆိတ်သား(တစ်ပိဿာ)လျှင် ၂၄၀၀၀ မှ ၂၆၀၀၀ကျပ်၊ ငါးမြစ်ချင်း(တစ်ပိဿာ) လျှင် ၇၅၀၀ မှ ၈၀၀၀ကျပ်၊ ကြက်ဥ (၁)လုံးလျှင် ၂၆၀ ကျပ်၊ ဘဲဥ (၁)လုံးလျှင် ၄၀၀ ကျပ်၊ ဖရဲသီး (ကျောက်စိမ်း) (၁)လုံးလျှင် ၁၅၀၀ မှ ၂၀၀၀ ကျပ်၊ ဖရဲသီး (၂၁၁) (၁)လုံး လျှင် ၄၀၀၀ ကျပ်၊ သခွားမွှေး(၁)လုံးလျှင် ၁၅၀၀မှ ၂၀၀၀ ကျပ်အတွင်း အသီသီးဈေးရှိကြောင်း သိရသည်။

       ယခင်ပတ်နှင့် နှိုင်းယှဉ်ပါက အခြေခံစားကုန်ဖြစ်သော ဆန်နှင့် ဆီ၊ ကြက်သွန်နီ၊ ကြက်သွန်ဖြူဈေးနှုန်းများ အနည်းငယ် မြင့်တက်နေပါကြောင်း၊ ဈေးနှုန်းမြင့်တက်ရခြင်းမှာ ဆန်၊ ကြက်သွန်နီနှင့် မြေပဲဆီအနေဖြင့် တောင်သူလက်ကျန်နည်းပါးနေပြီး အဝယ်များနေခြင်း၊ ကြက် သွန်ဖြူ(ရှမ်းစ)၊ (ကြူကုတ်)နှင့် အာလူး ဈေးနှုန်းမြင့်တက်ရခြင်းမှာ စစ်ကိုင်းတိုင်းဒေသကြီးအနေဖြင့် ကြက်သွန်ဖြူ(ရှမ်းစ)၊ (ကြူကုတ်)နှင့် အာလူးသီးနှံများကို ဒေသတွင်းစိုက်ပျိုး ထုတ်လုပ်မှုမရှိဘဲ ရှမ်း(တောင်)မှ ဝယ်ယူရောင်းချရ၍ ဈေးနှုန်းအနည်းငယ် မြင့်တက်ရသော်လည်း ဈေးကွက်အတွင်း ပစ္စည်းပြတ်လပ်မှုမရှိကြောင်း၊ စားအုန်းဆီဈေးနှုန်းများ ရည်ညွှန်းဈေးပေါ်မူတည်၍ ဈေးနှုန်းအပြောင်းအလဲရှိပါကြောင်း ချင်းတွင်းရတနာဈေးရှိ လက်လီလက်ကား ရောင်းဝယ်ဖောက်ကား ရောင်းချနေသော ကုန်သည်များထံမှ သိရှိရသည်။ 

DOCA(စစ်ကိုင်း)