ပြည်တွင်းကုန်သွယ်မှုသတင်း

        ၂၀၂၃ ခုနှစ် ဩဂုတ်လ တတိယအပတ်အတွင်း မုံရွာမြို့နယ်အတွင်း အခြေခံစားကုန်များဖြစ်သော ရွှေဘိုပေါ်ဆန်း ဆန်တစ်ပြည် (၅၆၀၀) ကျပ်၊ ဧရာမင်းဆန်တစ်ပြည် (၅၅၀၀)  ကျပ်ဖြင့် အရောင်း အဝယ်ဖြစ်လျက်ရှိပါသည်။ စားအုန်းဆီ တစ်ပိဿာလျှင် (၉၉၀၀) ကျပ်၊ မြေပဲဆီ တစ်ပိဿာလျှင် (၁၃၅၀၀)ကျပ်၊ နှမ်းဆီ တစ်ပိဿာလျှင် (၁၂၀၀၀) ကျပ်တို့ဖြင့် အရောင်းအဝယ် ဖြစ်လျက်ရှိပါသည်။ ကြက်သွန်နီ လက်လီတစ်ပိဿာလျှင် (၁၈၀၀) ကျပ်မှ (၂၀၀၀) ကျပ်ထိ၊ ကြက်သွန်ဖြူ လက်လီ (ဗမာ) တစ်ပိဿာလျှင် (၉၅၀၀) ကျပ်မှ (၁၀၀၀၀) ကျပ်ထိ၊ ကြက်သွန်ဖြူ (ရှမ်း) တစ်ပိဿာလျှင် (၇၅၀၀) ကျပ်မှ (၈၀၀၀) ကျပ်ထိ၊ ကြက်သွန်ဖြူ(ကြူကုတ်) တစ်ပိဿာလျှင် (၈၅၀၀)ကျပ်မှ (၉၀၀၀) ကျပ်ထိ၊ ချင်းတက် တစ်ပိဿာလျှင် (၅၀၀၀) ကျပ်မှ (၆၀၀၀) ကျပ်ထိ၊ ငရုတ်ခြောက် အမျိုးအစားအလိုက်  (၁၄၀၀၀)  ကျပ် မှ (၁၅၀၀၀) ကျပ်ထိ၊ အာလူး တစ်ပိဿာလျှင် (၂၉၀၀) ကျပ် မှ (၃၀၀၀) ကျပ်ထိ၊ ခရမ်းချဉ်သီး တစ်ပိဿာလျှင် (၂၄၀၀) ကျပ်မှ (၂၅၀၀)ကျပ် တို့ဖြင့် အရောင်းအဝယ်ဖြစ်လျက်ရှိပါသည်။

    ကြက်ဥလက်လီဈေးနှုန်းများမှာ ကြီး တစ်လုံး (၃၀၀) ကျပ်၊ သေးတစ်လုံး (၂၅၀) ကျပ်၊ ဘဲဥ(ကြီး) တစ်လုံး (၄၀၀) ကျပ်၊ သေးတစ်လုံး (၃၅၀) ကျပ်ရှိသည်။ မုံရွာမြို့၏ သား/ ငါးဈေးနှုန်းများမှာ ကြက်သား (CP) တစ်ပိဿာလျှင် (၁၂၀၀၀) ကျပ်မှ  (၁၃၀၀၀) ကျပ်ထိ ၊ ကြက်သား (ဗမာ) တစ်ပိဿာလျှင် (၁၄၀၀၀) ကျပ်၊ ဝက်သား တစ်ပိဿာလျှင် (၁၉၀၀၀) ကျပ်မှ (၂၀၀၀၀) ကျပ်ထိ၊ အမဲသား တစ်ပိဿာလျှင် (၁၈၀၀၀) ကျပ်မှ (၁၉၀၀၀)ကျပ်ထိ၊ ငါးမြစ်ချင်းတစ်ပိဿာလျှင် (၈၀၀၀) ကျပ်၊ ငါး ကြင်းတစ်ပိဿာလျှင် (၁၀၀၀၀) ကျပ် တို့ဖြင့် အရောင်းအဝယ်ဖြစ်နေကြောင်း သိရပါသည်။

   ဩဂုတ်လ တတိယအပတ်အတွင်း အခြေခံစားကုန်ဈေးနှုန်းများနှင့် ယခင်အပတ်ဈေးနှုန်းများ နှိုင်းယှဉ်လျှင် ရွှေဘိုပေါ်ဆန်း ဆန်တစ်ပြည် (၁၀၀) ကျပ်၊ ဧရာမင်း ဆန်တစ်ပြည် (၃၀၀) ကျပ်၊ စားအုန်းဆီ တစ်ပိဿာလျှင် (၄၀၀) ကျပ် ဈေးတက်လျက်ရှိပြီး ကျန်အခြားအခြေခံစားကုန်ဈေးနှုန်းများမှာ ကွာဟမှုမရှိကြောင်း မုံရွာမြို့နေ ဈေးရောင်းချသူများထံမှ သိရှိရပါသည်။

DOCA(စစ်ကိုင်း)

၂၂.၈.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

(၂၂.၈.၂၀၂၃) ရက်နေ့အတွက် တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန်ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစုထားမှုကို အောက်ပါ .pdf တွင် ဝင်ရောက်ကြည့်ရှုနိုင်ပါသည် -

    သထုံခရိုင်အတွင်းရှိ မြို့နယ်များ၌ ဩဂုတ်လ၊ ဒုတိယအပတ်တွင် စပါး၊ ဆန်ဈေးနှုန်းများမှာ အတက်ဘက်သို့ဦးတည်ခဲ့ပါသည်။ သထုံခရိုင်အတွင်းမှ အခြားတိုင်းဒေသကြီးနှင့် အခြားခရိုင်မြို့နယ်များသို့ ဆန်စီးထွက်မှုနှုန်းမှာ မော်လမြိုင်သို့ (၃၄၀၀) အိတ်ခန့်၊ ကရင်ပြည်နယ်သို့ (၃၅၀၀) အိတ်ခန့်၊ စုစုပေါင်း (၆၉၀၀) အိတ်ခန့်၊ တန်ချိန်အားဖြင့် (၃၃၃) တန်ခန့်စီးထွက်ခဲ့ပါသည်။ ၂၀၂၃ခုနှစ်၊ ဩဂုတ်လ၊ တတိယအပတ်တွင် မော်လမြိုင်သို့ (၃၃၀၀) အိတ်ခန့်၊ ကရင်ပြည်နယ်သို့ (၃၅၀၀) အိတ်ခန့်၊ စုစုပေါင်း (၆၈၀၀) အိတ်ခန့်၊ တန်ချိန်အားဖြင့် (၃၂၈) တန်ခန့်စီးထွက်ခဲ့ပြီး ယခင်အပတ်နှင့်နှိုင်းယှဉ်ပါက ပုံမှန်အတိုင်း စီးထွက်ခဲ့ပါသည်။

    သထုံခရိုင်အတွင်းသို့ ဩဂုတ်လ၊ ဒုတိယအပတ်တွင် ဆန်စီးဝင်မှုနှုန်းမှာ ရန်ကုန်တိုင်းဒေသကြီးမှ (၁၂၀၀) အိတ်ခန့်၊ ပဲခူးတိုင်းဒေသကြီးမှ (၁၇၀၀) အိတ်ခန့်၊ စုစုပေါင်း (၂၉၀၀) အိတ်ခန့်၊ တန်ချိန်အားဖြင့် (၁၄၀) တန်ခန့်စီးဝင်ခဲ့ပြီး ယခုဩဂုတ်လ၊ တတိယအပတ်တွင် ရန်ကုန်တိုင်းဒေသကြီး မှ (၁၃၀၀) အိတ်ခန့်၊ ပဲခူးတိုင်းဒေသကြီးမှ (၁၇၀၀) အိတ်ခန့်၊ စုစုပေါင်း (၃၀၀၀) အိတ်ခန့်၊ တန်ချိန်အားဖြင့် (၁၄၅) တန်ခန့်စီးဝင်ခဲ့ပြီး ယခင်အပတ်နှင့်နှိုင်းယှဉ်ပါက ပုံမှန်အတိုင်း စီးဝင်လျက်ရှိပါသည်။

      သထုံခရိုင်အတွင်း ဩဂုတ်လ၊ တတိယအပတ်တွင်ဖြစ်ပေါ်နေသော စပါးဆန်ဈေးနှုန်းများမှာ ဒေသပေါက်ဈေးအနေဖြင့် ကျားပျံဟိုတယ် တင်း (၁၀၀) လျှင် (၃၀၀၀၀၀၀) ကျပ်ခန့်၊ ပေါ်ဆန်းဝါ တင်း (၁၀၀) လျှင် (၂၉၀၀၀၀၀) ကျပ်ခန့်၊ ကမာကြည် တင်း (၁၀၀) လျှင် (၂၆၅၀၀၀၀) ကျပ်ခန့်၊ ဧည့်မထ တင်း (၁၀၀) လျှင် (၂၃၀၀၀၀၀) ကျပ်ခန့်နှင့် ကျားပျံဟိုတယ် (၂၄) ပြည်ဝင် ဆန်တစ်အိတ်လျှင် (၁၁၀၀၀၀) ကျပ်ခန့်၊ ပေါ်ဆန်းဝါတစ်အိတ်လျှင် (၁၀၅၀၀၀) ကျပ်ခန့်၊ ကမာကြည်တစ်အိတ်လျှင် (၉၀၀၀၀) ကျပ်ခန့်၊ ဧည့်မထတစ်အိတ်လျှင် (၇၅၀၀၀) ကျပ်ခန့်ရှိပြီး ယခုအပတ်တွင် စပါး/ဆန်ဈေးနှုန်းမှာ အတက်ဘက်သို့ အနည်းငယ်ဦးတည်လျက်ရှိကြောင်းသိရှိရပါသည်။

DOCA(မွန်)

    အောင်လံကုန်စည်ဒိုင်တွင်နှမ်းဈေးကွက်အနေဖြင့် (၄၅)ပိဿာ(၁)အိတ်လျှင် ယခင်အပတ် (၉-၈-၂၀၂၃)ရက်နေ့တွင် နှမ်းနက်(စမုံ)မှာ ကျပ်(၂၈၀၀၀၀မှ ၃၀၀၀၀၀)ဖြစ်ပြီး ယခုအပတ် (၁၅-၈-၂၀၂၃)ရက်နေ့တွင် ကျပ်(၂၉၀၀၀၀မှ ၃၁၀၀၀၀)ဖြစ်၍ ကျပ်(၁၀၀၀၀)မြင့်တက်ခဲ့ပြီး (၁၃၅၀)အိတ် အရောင်းအဝယ်ရှိခဲ့ပါကြောင်း အောင်လံကုန်စည်ဒိုင်မှ သိရှိရပါသည်။

     ပဲမျိုးစုံဈေးကွက်တွင် မတ်ပဲ ယခင်အပတ်တွင် ကျပ်(၇၄၀၀၀) ဖြစ်ပြီး ယခုအပတ်တွင် ကျပ်(၇၅၀၀၀)ဖြစ်၍ ကျပ်(၁၀၀၀)ဈေးမြင့်ခဲ့ကြောင်း၊ ကုလားပဲ(H-L) ယခင်အပတ်တွင် ကျပ် (၈၉၅၀၀)ဖြစ်ပြီး ယခုအပတ်တွင် ကျပ်(၉၁၀၀၀) ဖြစ်၍ ကျပ်(၁၅၀၀)ဈေးမြင့်ခဲ့ကြောင်း၊ ကုလားပဲ (မြကြေး) ယခင်အပတ်တွင် ကျပ်(၈၉၀၀၀)ဖြစ်ပြီး ယခုအပတ်တွင် ကျပ်(၉၀၀၀၀)ဖြစ်၍ ကျပ် (၁၀၀၀) စသည်ဖြင့် အသီးသီးဈေးမြင့်ခဲ့ပါသည်။ ပဲတီစိမ်း ယခင်အပတ်တွင် ကျပ်(၅၅၀၀၀မှ ၅၇၀၀၀)ဖြစ်ပြီး ယခုအပတ်တွင် ကျပ်(၅၂၀၀၀မှ ၅၆၀၀၀) ဖြစ်၍ ကျပ်(၁၀၀၀မှ ၃၀၀၀)ဈေးလျော့ခဲ့ကြောင်း၊ ပဲကြီး ယခင်အပတ်တွင် ကျပ်(၉၅၀၀၀မှ ၉၈၀၀၀)ဖြစ်ပြီး ယခုအပတ်တွင်လည်း ကျပ်(၉၄၀၀၀မှ ၉၅၀၀၀)ဖြစ်၍ ကျပ် (၁၀၀၀မှ ၃၀၀၀)ဈေးလျော့ခဲ့ပြီး အရောင်းအဝယ်ပမာဏအနေဖြင့် (၃၀)ပိဿာဝင် အိတ်များဖြင့် မတ်ပဲ (၂၂၀)အိတ်၊ ကုလားပဲ(H-L) (၅၅၀)အိတ်၊ ကုလားပဲ (မြကြေး) (၄၀၀)အိတ်၊ ပဲကြီး(၂၈၀)အိတ်၊ ပဲတီစိမ်း (၁၈၀၀) အိတ်တို့ အရောင်းအဝယ်ရှိခဲ့ပါသည်။

    မြေပဲလုံးဆံ(ဖြူ)မှာ (၁)ပိဿာလျှင် ယခင်အပတ်တွင် ကျပ်(၇၃၀၀)ဖြစ်ပြီး ယခုအပတ်တွင် ကျပ်(၇၃၅၀)ဖြစ်၍ ကျပ်(၅၀)ဈေးမြင့်ခဲ့ပြီး (၃၀)ပိဿာဝင်အိတ်များဖြင့် (၁၉၀)အိတ် အရောင်း အဝယ်ရှိခဲ့ပါကြောင်း၊ မြေပဲတောင့်(အစို)မှာ အောင်လံမြို့အတွင်း ရောင်းဝယ်မှု မရှိသေးသော်လည်း အနောက်ဘက်ကမ်း သရက်မြို့အတွင်းရှိ ကျေးရွာများမှ (၁)တင်းလျှင် ကျပ်(၂၀၀၀၀ မှ၂၃၀၀၀)ဖြင့် လာရောက်ရောင်းချလျက်ရှိနေပါကြောင်း၊ နယ်ဝင်သာရှိပြီး တစ်ခြားဒေသသို့ တင်ပို့ရောင်းချမှု မရှိသေးပါကြောင်းနှင့် နှမ်း၊ ပဲမျိုးစုံသီးနှံများအား ရန်ကုန်မြို့နှင့် မန္တလေးမြို့များသို့တင်ပို့ ရောင်းချ ရပါကြောင်း အောင်လံကုန်စည်ဒိုင်မှ သိရှိရပါသည်။

DOCA(မကွေး)