တောင်ငူမြို့ ညောင်ပင်လေးဈေးရှိ ဟင်းသီးဟင်းရွက်ဈေးတွင် ငရုတ်သီးစိမ်း (ကျောက်စိမ်းသီး)မှာ တစ်ပိဿာလျှင် ၅၀၀၀ ကျပ်မှ ၆၀၀၀ ကျပ်ရှိရာမှ ယခုသြဂုတ်လဒုတိယပတ်တွင် တစ်ပိဿာလျှင် ၃၀၀၀ ကျပ်မှ ၄၀၀၀ ကျပ်အထိ ဈေးနှုန်းကျဆင်းပါသည်။ ငရုတ်သီး စိမ်း(မိုးထောင်သီး)မှာ ယခင်အပတ်က တစ်ပိဿာလျှင် ၃၀၀၀ ကျပ်မှ ၄၀၀၀ ကျပ်ရှိရာမှ ယခု သြဂုတ်လဒုတိယပတ်တွင် တစ်ပိဿာလျှင် ၆၀၀၀ ကျပ်မှ ၇၀၀၀ ကျပ်အထိ ဈေးနှုန်းမြင့်တက်ပြီး ကုလားအော်သီးမှာ တစ်ပိဿာလျှင် ၁၆၀၀၀ ကျပ်မှ ၁၈၀၀၀ ကျပ်ဖြင့် ဈေးနှုန်း တည်ငြိမ် နေပါသည်။
ခရမ်းသီး (အဖြူ)မှာ ယခင်အပတ်က တစ်ပိဿာလျှင် ၁၆၀၀ ကျပ်မှ ၁၈၀၀ ကျပ် ရှိရာမှယခုသြဂုတ်လဒုတိယပတ်တွင် တစ်ပိဿာလျှင် ၁၃၀၀ ကျပ်မှ ၁၅၀၀ ကျပ်အထိ၊ ခရမ်းသီး (အညို)မှာ ယခင် အပတ်က တစ်ပိဿာလျှင် ၁၈၀၀ ကျပ်မှ ၂၀၀၀ ကျပ်ရှိရာမှ ယခုသြဂုတ်လ ဒုတိယပတ်တွင် တစ်ပိဿာလျှင် ၁၆၀၀ ကျပ်မှ ၁၈၀၀ ကျပ်အထိဖြင့် ဈေးနှုန်းအနည်းငယ် ကျဆင်းပါသည်။
ဒေသသခွားသီးမှာ ယခင်အပတ်က တစ်ပိဿာလျှင် ၆၀၀ ကျပ်မှ ၈၀၀ ကျပ်အထိရှိရာမှ ယခုသြဂုတ်လဒုတိယပတ်တွင် တစ်ပိဿာလျှင် ၁၀၀၀ ကျပ်မှ ၁၁၀၀ ကျပ်အထိ၊ ရှမ်းပြည်သခွား သီးမှာ ယခင်အပတ်က တစ်ပိဿာလျှင် ၈၀၀ ကျပ်မှ ၁၀၀၀ ကျပ်ရှိရာမှ ယခုသြဂုတ်လဒုတိယပတ် တွင် တစ်ပိဿာလျှင် ၁၂၀၀ ကျပ်မှ ၁၄၀၀ ကျပ်အထိ ဈေးနှုန်းအနည်းငယ်မြင့်တက်ပြီး ဂေါ်ဘီမှာ တစ်ပိဿာလျှင် ၁၀၀၀ ကျပ်မှ ၁၂၀၀ ကျပ်အထိဖြင့် ဈေးနှုန်းတည်ငြိမ်နေပါသည်။
ခရမ်းချဉ်သီး(ရှမ်းပြည်သီး)မှာ တစ်ပိဿာလျှင် ၁၇၀၀ ကျပ်မှ ၂၀၀၀ ကျပ်၊ ခရမ်းချဉ်သီး (ဒေသသီး)မှာ ယခင်သြဂုတ်လဒုတိယပတ်က တစ်ပိဿာလျှင် ၃၂၀၀ ကျပ်မှ ၃၅၀၀ ကျပ်ရှိရာမှ ယခု သြဂုတ်လဒုတိယပတ်တွင် တစ်ပိဿာလျှင် ၃၅၀၀ ကျပ်မှ ၄၀၀၀ ကျပ်အထိ ဈေးနှုန်း မြင့်တက်ပါသည်။
နံနံပင်မှာ တစ်ဆယ်ကျပ်သားလျှင် ၅၀၀ ကျပ်ဖြင့် ဈေးနှုန်းတည်ငြိမ်နေပြီး မုန်ညင်းဖြူမှာ ယခင်အပတ်က တစ်ပိဿာလျှင် ၁၈၀၀ ကျပ်မှ ၂၀၀၀ ကျပ်အထိရှိရာမှ ယခုသြဂုတ်လ ဒုတိယပတ်တွင် တစ်ပိဿာလျှင် ၂၅၀၀ ကျပ်မှ ၂၈၀၀ ကျပ်၊ မုံလာဥဖြူမှာ ယခင်အပတ်က တစ်ပိဿာလျှင် ၁၀၀၀ ကျပ်မှ ၂၀၀၀ ကျပ်ရှိရာမှ ယခုသြဂုတ်လဒုတိယပတ်တွင် တစ်ပိဿာလျှင် ၂၂၀၀ ကျပ်မှ ၂၅၀၀ ကျပ်အထိ၊ မုံလာဥနီမှာ ယခင်အပတ်က တစ်ပိဿာလျှင် ၂၀၀၀ ကျပ်မှ ၂၂၀၀ ကျပ်ရှိရာမှ ယခုသြဂုတ်လဒုတိယပတ်တွင် တစ်ပိဿာလျှင် ၂၅၀၀ ကျပ်မှ ၂၈၀၀ ကျပ်အထိဖြင့် ဈေးနှုန်းအနည်းငယ်မြင့်တက်ပါသည်။
ကန်စွန်းရွက်မှာ တစ်စည်း ၁၅၀ ကျပ်၊ ၁၀ စည်းယူလျှင် ၁၂၀၀ ကျပ်၊ ချဉ်ပေါင်ရွက်မှာ တစ်စည်း ၁၀၀ ကျပ်၊ ၁၀ စည်းယူလျှင် ၆၀၀ ကျပ်၊ ကင်မွန်းချဉ်ရွက်မှာ တစ်စည်းလျှင် ၁၅၀ ကျပ်၊ ၁၀ စည်းယူလျှင် ၁၂၀၀ ကျပ်ရှိကြောင်း သိရပါသည်။
DOCA(ပဲခူး)
