ပြည်ပကုန်သွယ်မှုသတင်းများ

           ၂၀၂၅ ခုနှစ်၏ ပထမနှစ်ဝက်တွင် ဗီယက်နမ်-စင်ကာပူကုန်သွယ်ရေးတန်ဖိုးမှာ စင်ကာပူ ဒေါ်လာ ၁၉.၅ ဘီလီယံရှိခဲ့ပြီး ၂၀၂၄ ခုနှစ် တူညီသည့်ကာလထက် ၂၈.၅ ရာခိုင်နှုန်းရှိခဲ့ကာ ဗီယက်နမ်သည် စင်ကာပူ၏ ၁၀ ခုမြောက်အကြီးမားဆုံးကုန်သွယ်ရေးမိတ်ဖက်ဖြစ်ကြောင်း စင်ကာပူ၏ Accounting and Corporate Regulatory Authority (ACRA) ၏အဆိုအရ သိရပါ သည်။ စင်ကာပူသည် ဗီယက်နမ်သို့ စင်ကာပူဒေါ်လာ ၁၃.၉ ဘီလီယံတန်ဖိုးတင်ပို့ပြီး ဗီယက်နမ် ထံမှ စင်ကာပူဒေါ်လာ ၅.၅ ဘီလီယံတန်ဖိုးတင်သွင်းကြောင်း သိရပါသည်။ ထိုပထမနှစ်ဝက်တာ ကာလတွင် စင်ကာပူ၏ပြည်တွင်း၌ထုတ်လုပ်သည့်ကုန်ပစ္စည်းတင်ပို့မှုတန်ဖိုးမှာ စင်ကာပူဒေါ်လာ ၃.၉ ဘီလီယံနှင့် ယာယီတင်သွင်းပြီးပြန်လည်တင်ပို့သည့်တန်ဖိုးမှာ စင်ကာပူဒေါ်လာ ၁၀.၁ ဘီလီယံတန်ဖိုးရှိကြောင်း သိရပါသည်။ စင်ကာပူသည် ကုန်သွယ်ရေးပိုငွေ စင်ကာပူဒေါ်လာ ၈.၄ ဘီလီယံရရှိခဲ့ကြောင်း သိရပါသည်။ ဗီယက်နမ်သို့ပို့ကုန်များကြားတွင် HS 85 (လျှပ်စစ်စက် ပစ္စည်း၊ အစိတ်အပိုင်းနှင့်တပ်ဆင်ပစ္စည်းများ)နှင့် HS 27 (လောင်စာ၊ ရေနံနှင့်ဆက်စပ်ပစ္စည်း များ)တို့မှာ စုစုပေါင်းတန်ဖိုးစင်ကာပူဒေါ်လာ ၉.၅ ဘီလီယံရှိကြောင်း သိရပါသည်။ တစ်ချိန် တည်းမှာပင် စင်ကာပူသည် ဗီယက်နမ်ထံမှ HS 85 ကိုစင်ကာပူဒေါ်လာ ၂.၇ ဘီလီယံတန်ဖိုး တင်သွင်းခဲ့ပြီး စုစုပေါင်းတင်သွင်းမှုတန်ဖိုး၏ ၄၉.၈ ရာခိုင်နှုန်းရှိကြောင်း သိရပါသည်။ စင်ကာပူရှိ ဗီယက်နမ်ကုန်သွယ်ရေးအတိုင်ပင်ခံ Cao Xuan Thang က ဗီယက်နမ်၏စင်ကာပူနှင့် ထိပ်တန်း ကုန်သွယ်ရေးမိတ်ဖက်အဖြစ်တည်ရှိနေခြင်းသည် စီးပွားရေးချိတ်ဆက်မှုနက်ရှိုင်းခြင်းကို ရောင်ပြန်ဟပ်ပြီး ထောက်ပံ့မှုကွင်းဆက်၊ ဟာလာဈေးကွက်ဝင်ရောက်ခြင်းနှင့် အစိမ်းရောင်နှင့် ဒစ်ဂျစ်တယ်ကနဦး ဆောင်ရွက်မှုများအစရှိသည့် အပြန်အလှန်အကျိုးရှိသောဧရိယာများတွင် ပူးပေါင်းဆောင်ရွက်မှု အခွင့်အလမ်းသစ်များအတွက် အခြေခံအုတ်မြစ်တစ်ခုဖြစ်ခဲ့ကြောင်း ပြောကြားခဲ့ကြောင်း သိရှိရပါသည်။

DOCA (ရန်ကုန်)

Vietnam Plus

               ကာတာအခြေစိုက် ကုမ္ပဏီနှစ်ခုဖြစ်သည့် Al Mansour Holding (AMH) နှင့် LCH Investment Group Co., Ltd. တို့မှ ကိုယ်စားလှယ်အဖွဲ့သည် လက်ရှိတွင် ကမ္ဘောဒီးယားနိုင်ငံ ၏ စိုက်ပျိုးရေးနှင့်ခရီးသွားကဏ္ဍများတွင် ရင်းနှီးမြှုပ်နှံမှု အခွင့်အလမ်းများကို ရှာဖွေလျက်ရှိ သည်။ Fahd Al Dosari ဦးဆောင်သော ကိုယ်စားလှယ်အဖွဲ့သည် အထက်လွှတ်တော် ဥက္ကဋ္ဌ Hun San အား ၂၂-၇-၂၀၂၅ ရက်နေ့က ဂါရဝပြုတွေ့ဆုံခဲ့ကြသည်။ အထက်လွှတ်တော် ပြောရေးဆိုခွင့်ရှိသူ Chea Thyrith ၏ ပြောကြားချက်အရ Fahd Al Dosari ၏ ခရီးစဉ်သည် ကမ္ဘောဒီးယား၏ ရင်းနှီးမြှုပ်နှံမှု အခင်းအကျင်း၊ အထူးသဖြင့် စိုက်ပျိုးရေး၊ ခရီးသွားလုပ်ငန်းနှင့် ဧည့်ဝတ်ကျေပွန်မှုတို့ကို ပိုမိုနားလည်လာစေရန်ဖြစ်ကြောင်း Hun San အား ပြောကြားခဲ့သည်။ ကမ္ဘောဒီးယားနိုင်ငံ၏ ဘေးကင်းမှု၊ တည်ငြိမ်မှုနှင့် ငြိမ်းချမ်းသော ပတ်ဝန်းကျင်သည် နိုင်ငံခြားရင်းနှီးမြှုပ်နှံသူများအတွက် ဆွဲဆောင်မှုရှိသော နေရာတစ်ခုဖြစ်စေရန် အဓိကအချက်ဖြစ်ကြောင်း Fahd Al Dosari က အလေးပေးပြောကြားခဲ့သည်။ တုံ့ပြန်သည့် အနေဖြင့် Hun San သည် ကာတာကိုယ်စားလှယ်အဖွဲ့အား နွေးထွေးစွာကြိုဆိုခဲ့ပြီး ကမ္ဘောဒီးယားနိုင်ငံ၏ အလားအလာမြင့်မားသောကဏ္ဍများ အထူးသဖြင့် စိုက်ပျိုးရေး၊ စက်မှုလုပ်ငန်းနှင့် ခရီးသွား လုပ်ငန်းများတွင် ရင်းနှီးမြှုပ်နှံမှုများ ပြုလုပ်ကြရန်  အားပေးတိုက်တွန်းခဲ့သည်။ ကမ္ဘောဒီးယား နိုင်ငံသည် ကမ္ဘာ့ဈေးကွက်သို့ တင်ပို့ရောင်းချရန် ရည်ရွယ်သည့် စိုက်ပျိုးရေးထုတ်ကုန် လုပ်ငန်းများတွင် ရင်းနှီးမြှုပ်နှံမှုများ ပြုလုပ်ရန် အထူးစိတ်ဝင်စားကြောင်း Fahd Al Dosari က ပြောကြားခဲ့ကြောင်း သိရှိရပါသည်။

DOCA(ရန်ကုန်)

Source: Khmer Times

               ဥရောပသမဂ္ဂ (EU) အနေဖြင့် မှန်ကန်သောအကြောင်းရင်းမရှိဘဲ တရုတ်စီးပွားရေးလုပ်ငန်းများ၏ တရားဝင်အကျိုးစီးပွားများကို ထိခိုက်အောင်လုပ်ဆောင်ခြင်းအား ရပ်တန့်ရန် တိုက်တွန်းခဲ့ပြီး ယင်းတို့၏ တရားဝင်အခွင့်အရေးများနှင့် အကျိုးစီးပွားများကို ကာကွယ်ရန် အတွက်လိုအပ်သော အစီအမံများကို လုပ်ဆောင်သွားမည်ဟု ထုတ်ပြန်ခဲ့သည်။ ပုံမှန် သတင်းစာရှင်းလင်းပွဲတွင် မေးမြန်းရာတွင် “နိုင်ငံတကာ ဥပဒေတွေကို အခြေခံခြင်းမရှိသလို ကုလသမဂ္ဂလုံခြုံရေးကောင်စီကလည်း ခွင့်ပြုထားခြင်းမရှိတဲ့ တစ်ဖက်သတ် ဒဏ်ခတ်ပိတ်ဆို့မှုတွေကို တရုတ်နိုင်ငံအနေနဲ့ အစဉ်တစိုက်ဆန့်ကျင်ကန့်ကွက်ကြောင်း အလေးအနက်ပြောကြားလိုပါတယ်” ဟု တရုတ်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူက ပြောကြားခဲ့သည်။ ယူကရိန်း အကျပ်အတည်းနှင့် စပ်လျဉ်း၍ ပြောကြားရာတွင် တရုတ်နိုင်ငံအနေဖြင့် ငြိမ်းချမ်းရေး ဆွေးနွေးပွဲများကို အထောက်အကူပေးရန် ကတိကဝတ်ပြုကြောင်း၊ ပဋိပက္ခဖြစ်ပွားနေသည့် နိုင်ငံများအား လူသေဆုံးစေနိုင်သော လက်နက်များကို ဘယ်သောအခါမှ ထောက်ပံ့ခဲ့ခြင်းမရှိ ကြောင်း၊ အရပ်ဘက်-စစ်ဘက် နှစ်မျိုးသုံးပစ္စည်းကိရိယာများ တင်ပို့မှုအပေါ် တင်းတင်း ကျပ်ကျပ် ထိန်းချုပ်ထားကြောင်း ထည့်သွင်းပြောကြားခဲ့သည်။ တရုတ်နိုင်ငံနှင့် ရုရှားနိုင်ငံတို့မှ စီးပွားရေးလုပ်ငန်းများအကြား ပုံမှန်ကူးလူးဆက်ဆံမှုများနှင့် ပူးပေါင်း ဆောင်ရွက်မှုများကို ကြားဝင်စွက်ဖက်ခြင်း သို့မဟုတ် ထိခိုက်အောင်လုပ်ဆောင်ခြင်း မပြုသင့်ကြောင်း ၎င်းက ထပ်လောင်းပြောကြားခဲ့ကြောင်း သိရှိရပါသည်။

DOCA(ရန်ကုန်)

Source: Xinhua

            ကမ္ဘောဒီးယားနိုင်ငံနှင့် ဗြိတိန်နိုင်ငံတို့အကြား နှစ်နိုင်ငံကုန်သွယ်မှုသည် ပထမနှစ်ဝက်တွင် ကန်ဒေါ်လာ ၅၁၅ သန်းအထိ ရောက်ရှိခဲ့ပြီး တစ်နှစ်ထက်တစ်နှစ် ၁၃ ရာခိုင်နှုန်း တိုးမြင့်လာခဲ့သည်။ ၂၀၂၅ ခုနှစ်၊ ဇန်နဝါရီလမှ ဇွန်လအထိ ကမ္ဘောဒီးယားနိုင်ငံသည် ဗြိတိန်ဈေးကွက်သို့ ဒေါ်လာ ၄၈၉ သန်းတန်ဖိုးရှိ ကုန်ပစ္စည်းများတင်ပို့ခဲ့ပြီး တစ်နှစ်ထက်တစ်နှစ် ၁၄.၆ ရာခိုင်နှုန်း တိုးမြင့်လာခဲ့ကြောင်း ကမ္ဘောဒီးယားနိုင်ငံ၊ အကောက်ခွန်နှင့် အခွန်ကြီးကြပ်မှု ဦးစီးဌာန(GDCE) မှ ထုတ်ပြန်ချက်များအရ သိရသည်။ ကမ္ဘောဒီးယားနိုင်ငံသည် UK သို့ ကုန်ပစ္စည်း ကန်ဒေါ်လာ ၂၅.၇ သန်းဖိုး တင်ပို့ခဲ့ပြီး ယခင်နှစ်အလားတူကာလထက် ၈.၇ ရာခိုင်နှုန်းလျော့ကျခဲ့ကြောင်း အစီရင်ခံစာတွင် ဖော်ပြထားသည်။ UK သို့ တင်ပို့ရာတွင် အဓိကအားဖြင့် အဝတ်အထည်၊ ဖိနပ်၊ အိတ်၊ စက်ဘီးနှင့် စိုက်ပျိုးရေးထွက်ကုန်များပါဝင်ပြီး UK မှ ကမ္ဘောဒီးယားသို့တင်ပို့ရာတွင် မော်တော်ယာဉ်များ၊ စက်ယန္တရားများ၊ လျှပ်စစ်ပစ္စည်းများနှင့် လျှပ်စစ်ပစ္စည်းများပါဝင်ကြောင်း အစီရင်ခံစာအရ သိရှိရပါသည်။

DOCA(ရန်ကုန်)

Source: Khmer Times

             ကမ္ဘာဒီးယားနိုင်ငံ၊ စိုက်ပျိုးရေး၊ သစ်တောနှင့် ရေလုပ်ငန်းဝန်ကြီးဌာနမှ နိုင်ငံခြားရေးဝန်ကြီး Prak David နှင့် ယူနန်ပြည်နယ် အစိုးရအဖွဲ့၏ ဒုတိယအတွင်းရေးမှူး Wang Xiangang တို့ ကမ္ဘောဒီးယားနှင့် ယူနန်တို့အကြား စိုက်ပျိုးရေးပူးပေါင်းဆောင်ရွက်မှုကို မြှင့်တင်ရန်နှင့် တိုးချဲ့ရန် တွေ့ဆုံဆွေးနွေးမှုများဆောင်ရွက်ခဲ့ကြသည်။  တွေ့ဆုံစဉ် David မှ ကိုယ်စားလှယ် အဖွဲ့အားကြိုဆိုခဲ့ပြီး ယူနန်ပြည်နယ်နှင့် ကမ္ဘောဒီးယား-တရုတ် စိုက်ပျိုးရေးကဏ္ဍတွင်ပူးပေါင်းဆောင်ရွက်မှု၏ အောင်မြင်မှုများကို အလေးပေးပြောကြားခဲ့သည်။ လယ်ယာစီးပွားရေးနှင့် စိုက်ပျိုးရေးသုတေသနလုပ်ငန်းများ တိုးချဲ့ဆောင်ရွက်နိုင်ရေး အလားအလာများကိုလည်း အလေးပေးဆွေးနွေးခဲ့ကြောင်း David ကပြောကြားခဲ့သည်။ ဒေသတွင်းဘက်စုံစီးပွားရေး ပူးပေါင်းဆောင်ရွက်မှု (RCEP)၊ နှစ်နိုင်ငံအကြား လွတ်လပ်သောကုန်သွယ်မှုသဘောတူညီချက် (FTA) များ၊ နှစ်နိုင်ငံလုံး၏ စီးပွားရေးတိုးတက်မှုကို မြှင့်တင်ရန်အတွက် အလားအလာရှိသော ကမ္ဘောဒီးယားလယ်ယာထွက်ကုန်များကို တရုတ်နိုင်ငံနှင့်နိုင်ငံတကာဈေးကွက်များသို့ တင်ပို့ရောင်းချရာတွင် ရင်းနှီးမြှုပ်နှံမှုအခွင့်အလမ်းများ ရှာဖွေရန် ယူနန်ကိုယ်စားလှယ်အဖွဲ့အား တောင်းဆိုချင်ကြောင်း David က ဆက်လက်ပြောကြားခဲ့သည်။ တုံ့ပြန်သည့်အနေဖြင့် Wang Xiangang က ကမ္ဘောဒီးယားနှင့်ယူနန်ပြည်နယ်ကြား စိုက်ပျိုးရေးကဏ္ဍတွင် ပူးပေါင်း ဆောင်ရွက်မှုကို မြှင့်တင်ရန်နှင့်တိုးချဲ့ရန် အာရုံစိုက်ထားကြောင်း၊ Prak David ၏ အဆိုပြုချက် များကိုအပြည့်အဝထောက်ခံပါကြောင်းနှင့် နှစ်ဖက်ကြားလယ်ယာကုန်သွယ်မှုကို ပိုမိုချဲ့ထွင်နိုင်စေရန် အထောက်အပံ့များ ပေးမည်ဖြစ်ကြောင်းပြောကြားသည်ဟု သိရှိရပါသည်။
DOCA(ရန်ကုန်)
Source: Khmer Times