HighLight News

            ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဖျာပုံခရိုင်ဦးစီးမှူးနှင့် မြို့နယ်တာဝန်ခံတို့သည်ခရိုင်စက်မှု ကြီးကြပ်ရေးဦးစီးဌာနတို့နှင့်  အတူ    ဇွန်လ ( ၂ ) ရက် နေ့တွ် ဖျာပုံမြို့ အောက််ကွင်းကျေးရွာရှိ ရွှေကောင်းစံဆီစက် တည်ဆောက်ထားမှုနှင့် ကြိတ်ခွဲထုတ်လုပ်နိုင်မှု၊ ဈေးနှုန်းဈေးကွက်အခြေအနေများ MSMEs လုပ်ငန်းများ ဖွံ့ဖြိုးတိုးတက်စေရေးအတွက် ကွင်းဆင်းအသိပညာပေးခြင်းများ ဆောင်ရွက်ခဲ့ကြောင်း သိရသည်။

          အဆိုပါ ဆီစက်သည် မြင်းကောင်ရေ(၅၀) HP ရှိပြီး (၂၄)နာရီကြိတ်ခွဲပါက (၃၂၀)ပိဿာ ကြိတ်ခွဲနိုင်ပြီး မြေပဲဆန်(၁)အိတ်၊(၂၅)ပိဿာကြိတ်ခွဲပါက ပဲဆီ(၁၀)ပိဿာရရှိပြီး ပဲဖက်(၁၅)ပိဿာ ရရှိပါသည်။ ပဲဆီ(၁)ပိဿာပြန်ရောင်းဈေးမှ (၁၀၀၀၀)ကျပ်ရရှိပြီး ပဲဖက်(၁)ပိဿာပြန်ရောင်းဈေး မှ(၁၆၀၀၀)ကျပ် ရရှိသဖြင့် မြေပဲဆန်(၂၅)ပိဿာ ကြိတ်ခွဲပြီးတိုင် အကျိုးအမြတ်(၂၀၀၀၀)ကျပ်နီး ပါးခန့်ရရှိပြီး အလုပ်သမားခ၊ သယ်ယူခ၊ မီတာခများ ပြန်လည်နုတ်ပါက ပျမ်းမျှ (၉၀၀၀/၁၀၀၀၀) ကျပ်ခန့်ကျန်ရှိပါသည်။ တစ်နေ့လျှင် ပိဿာ(၃၀၀)ခန့် ကြိတ်ခွဲရပါသည်။ နောက်ပိုင်း ရွှေကောင်းစံ အမှတ်တံဆိပ်ဖြင့် မူပိုင်ခွင့်လျှောက်၍ ဆီဘူးများ ထုတ်လုပ်ဖြန့်ချီသွားမည်ဖြစ်ကြောင်း လုပ်ငန်းရှင်ဦးမျိုးမင်းထွန်းထံမှ သိရသည်။

          ထို့နောက်စားသုံးသူရေးရာဦးစီးဌာနမှ ခရိုင်ဦးစီးမှူးက ဖျာပုံမြို့နယ်အနေဖြင့် ဆီနေကြာများ စိုက်ပျိုးမည့်အစီအစဉ်နှင့် ကုန်အညွှန်းအမှတ်အသားဆိုင်ရာများ၊ ထုတ်ကုန်လုံခြုံစိတ်ချရမှုရှိစေရေးတို့ကို ဆွေးနွေးကာ စားသုံးသူကာကွယ်ရေးဥပဒေပါပြဌာန်းချက်များအား ရှင်းလင်းအသိပညာပေးဆောင်ရွက်ခဲ့ကြောင်း သိရသည်။

DOCA(ဧရာဝတီ)

              ဧရာဝတီတိုင်း‌ဒေသကြီး၊စားသုံးသူရေးရာဦးစီးဌာန၊ ဖျာပုံခရိုင်ဦးစီးမှူးနှင့် မြို့နယ်တာဝန်ခံ၊ စည်ပင်သာယာရေးအဖွဲ့ဝန်ထမ်းတို့နှင့်အတူ ဇွန်(၁)ရက်နေ့နံနက်(၁၀:၀၀) နာရီအချိန်တွင်  ဈေးကွက်အတွင်းရောင်းချနေသော စားသုံးဆီ လက်လီ /လက္ကား ဆိုင်များ၊ စတိုးဆိုင်များ၊ စားဆီဖြန့်ဖြူးရောင်းချနေသော ကိုယ်စားလှယ်လုပ်ငန်းရှင်များနှင့် တွေ့ဆုံ၍ ဟင်းသီးဟင်းရွက်ဆီ( Vegetable Oil, Cooking Oil )နှင့်စပ်လျဉ်း ညွှန်ကြားချက်(   ၁/၂၀၂၁ )  အားလိုက်နာ ဆောင်ရွက်မှုရှိစေရေး လုပ်ငန်းရှင်များအား ကွင်းဆင်းထပ်မံအသိပေးခဲ့ကြောင်းသိရသည်။

          အဆိုပါလုပ်ငန်းရှင်များအား ဧပြီလ(၇)ရက်နေ့က ကုန်အညွှန်းအမှတ်အသားဖော်ပြခြင်းဆိုင်ရာ အသိပညာပေးဟောပြောခဲ့ပြီး ဖြစ်သော်လည်း ညွှန်ကြားချက်(၁/၂၀၂၁)အရ (၆)လပြည့်ရန် သုံးပတ်သာလိုတော့သဖြင့် ထပ်မံကွင်းဆင်း အသိပေးရခြင်းဖြစ်သည်။ ထို့ပြင် ဖျာပုံမြို့နယ်အတွင်း Goody စားဆီဖြန့်ဖြူးနေသည့် ကိုယ်စားလှယ်နှင့် Meizan ၊ Cook စားဆီကိုယ်စားလှယ်တို့နှင့် ခရိုင်စားသုံးသူရေးရာဦးစီးမှူးရုံး၌ ဟင်းသီးဟင်းရွက်ဆီ (  Vegetable  Oil, Cooking  Oil )နှင့်စပ်လျဉ်း၍ ကုန်အညွှန်းအမှတ်အသားဖော်ပြရာတွင် ကုန်စည်၏အမျိုးအမည်ကို တိကျစွာ မြန်မာဘာသာဖြင့် ဖော်ပြရန်နှင့် ကုန်စည်၏ အသားတင်ပမာဏနှင့် အရွယ်အစားတို့အား မြန်မာ့အလေးချိန်ယူနစ်ဖြစ်သော ပိဿာ၊ ကျပ်သားတို့ကို မြန်မာဘာသာဖြင့် ဖော်ပြရမည်ဖြစ်ပြီး ယခုလ(၂၁)ရက်နေ့ စတင်၍ အာဏာသက်ရောက်မည်ဖြစ်၍ ဆီဘူးများတွင် ညွှန်ကြားချက်အတိုင်းဆောင်ရွက်သွားရန် ဆွေးနွေးခဲ့ပါသည်။ ကိုယ်စားလှယ်များကလည်း ယခုလ(၆)လပိုင်းထွက်ရှိမည့် ဆီဘူးများတွင် ပြည့်ပြည့်စုံစုံပါရှိမည်ဖြစ်ပြီး ယခုဈေးကွက်အတွင်း တွေ့ရှိသည်မှာ လက်ကျန်အဟောင်းများသာဖြစ်၍ ညွှန်ကြားချက်အတိုင်း လက်ကျန်အဟောင်းများပါ ကုန်အညွှန်းအမှတ်အသား ပြည့်စုံစွာဆောင်ရွက်ပေးမည်ဖြစ်ကြောင်း ဆွေးနွေးပါသည်။

          ဟင်းသီးဟင်းရွက်ဆီ (  Vegetable  Oil, Cooking  Oil )နှင့်စပ်လျဉ်း၍ ညွှန်ကြားချက် (၁/၂၀၂၁)အရ(၆)လအချိန်ပေးခဲ့ပြီးဖြစ်၍ ယခုလဇွန်(၂၁)ရက်နေ့မှစတင်၍ အာဏာသက်ရောက်မည်ဖြစ်ပြီး လိုက်နာမှုမရှိပါက စားသုံးသူကာကွယ်ရေးဥပဒေအရ အရေးယူဆောင်ရွက်သွားမည်ဖြစ် ကြောင်း သိရသည်။

DOCA(ဧရာဝတီ)

            ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဟင်္သာတခရိုင်၊ မြန်အောင်မြို့နယ်တာဝန်ခံဦးမြင့်အောင်သည် (၆.၆.၂၀၂၂)ရက်နေ့ နံနက်(၁၀:၀၀) နာရီအချိန်၌ အမှတ်(၃)ရပ်ကွက်၊ နေခြည်ဈေးအတွင်းရှိ ဈေးခေါင်းရုံးတွင် ကုန်မျိုးစုံဆိုင်လုပ်ငန်းရှင် (၅) ဦးအား စားသုံးသူကာကွယ်ရေးအသိပညာပေးဟောပြောခြင်းကို ဆောင်ရွက်ခဲ့သည်။

          ဟောပြောပွဲတွင် မြို့နယ်တာဝန်ခံမှ မြန်မာနိုင်ငံစားသုံးသူကာကွယ်ရေး ကော်မရှင်၏ ညွှန်ကြားချက်အမှတ်(၂/၂၀၁၉)အကြောင်း၊ အခန်း(၁၈)ပါ ကုန်အညွှန်းအမှတ်အသား ဖော်ပြခြင်းဆိုင်ရာ စီးပွားရေးလုပ်ငန်းရှင်များလိုက်နာရမည့်အချက်များအကြောင်း၊ အခန်း(၁၀) ပါ စီးပွားရေးလုပ်ငန်းရှင်၏ တာဝန်များအကြောင်း၊ အခန်း(၂၃)ပါ တားမြစ်ချက်များအကြောင်းနှင့် စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များ အကြောင်းသိရှိလိုပါက www.doca.gov.mm Website တွင် ဝင်ရောက်လေ့လာနိုင်ကြောင်း  စသည်တို့ကို ဟောပြောခဲ့ပြီး၊ တက်ရောက်သူများမှလည်း သိလိုသည်များကို မေးမြန်း၍ စားသုံးသူကာကွယ်ရေး ဥပဒေစာအုပ်နှင့် စားသုံးသူအသိပညာပေး လက်ကမ်းစာစောင်များ ပေးဝေခဲ့ကြကြောင်း သိရှိရပါသည်။

DOCA(ဧရာဝတီ)

            ရခိုင်ပြည်နယ်၊ စားသုံးသူရေးရာဦးစီးဌာန ၊မင်းပြားမြို့နယ်တာဝန်ခံ ဦးမောင်သန်းဝင်း  (ဒု-ဦးစီးမှူး)သည် ၆-၆-၂၀၂၂နေ့ နံနက်( ၉:၀၀) နာရီအချိန်တွင် မင်းပြားမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ဖွင့်လှစ်သည့် လျှပ်စစ်ဝါယာရိန်းသင်တန်းဖွင့်ပွဲတွင် သင်တန်းသား (၂၀)ဦးနှင့် တက်ရောက်လာသည့်ဌာနဆိုင်ရာဝန်ထမ်းများအား အသိပညာပေးဆွေးနွေးခဲ့ပါသည်။

          အဆိုပါသင်တန်းဖွင့်ပွဲ အခမ်းအနားတွင် စားသုံးသူရေးရာဦးစီးဌာနမှ မင်းပြားမြို့နယ်တာဝန်ခံမှ ၂၀၁၉-စားသုံးသူကာကွယ်ရေးဉပဒေပြဌာန်ချက်ပါ စားသုံးသူအခွင့်အရေး(၈)ချက်နှင့် စားသုံးသူများ၏ တာဝန်များအား ရှင်းလင်းပြောကြားပြီး စားသုံးသူများအနေဖြင့် မိမိတို့၏ အခွင့်အရေးများအား တောင်းဆိုတတ်ရန်လိုအပ်ပါကြောင်း  စားသုံးသူများသည် ကုန်စည်/ဝန်ဆောင်မှုများအား ဝယ်ယူသုံးစွဲရာတွင် နစ်နာဆုံးရှုံမှုများနှင့် ပတ်သက်၍ စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ (CICC)ကို ဖွင့်လှစ်ပြီး စားသုံးသူနှင့် လုပ်ငန်းရှင်များအကြား စေ့စပ်ညှိနှိုင်းဖြေရှင်းပေးခြင်းများ ဆောင်ရွက်လျှက်ရှိပါကြောင်း စားသုံးသူများအနေဖြင့် သတင်းအချက်အလက်မှန်ကန်ပြည့်စုံသော  ကုန်ပစ္စည်းများကိုသာ ရွေးချယ်ဝယ်ယူကြရန်လိုအပ်ပါကြောင်း ဘေးအန္တရာယ်ဖြစ်စေနိုင်သည့် ကုန်ပစ္စည်းများအား ရှောင်ကြည်သင့်ကြောင်း အသိပညာပေး ဆွေးနွေးခြင်းနှင့် စားသုံးသူကာကွယ်ရေး ဉပဒေပါ ပြဌာန်ချက် လက်ကမ်းစာစောင်များအား ဖြန့်ဝေပေးအပ်ခဲ့ကြောင်း သိရှိရပါသည်။

DOCA(ရခိုင်)

       ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ မအူပင်မြို့နယ်တာဝန်ခံ ဦးအောင်ဇော်ဦးနှင့် ဝန်ထမ်းများသည် (၆.၆.၂၀၂၂) နေ့နံနက် (၁၀:၀၀) နာရီအချိန်တွင်  မအူပင်မြို့နယ် ထနီးကျေးရွာအုပ်ချုပ်ရေးမှူးရုံးတွင် ငါးလုပ်ငန်းရှင်များနှင့်တွေ့ဆုံ၍ စားသုံးသူကာကွယ်ရေးဥပဒေအကြောင်း အသိပညာပေး  ဟောပြောဆွေးနွေးခဲ့ပါသည်။

           အဆိုပါဟောပြောပွဲတွင် စားသုံးသူကာကွယ်ရေးဥပဒေ၏ အခန်း(၂)ပါရည်ရွယ်ချက်၏ စားသုံးသူအခွင့်အရေးများ အပြည့်အဝရရနိုင်စေရန်၊ စားသုံးသူကာကွယ်ရေးနှင့်စပ်လျဉ်း၍ အသိပညာပေးလုပ်ငန်းများ ကျယ်ကျယ်ပြန့်ပြန့်ဆောင်ရွက်နိုင်စေရန်၊ စားသုံးသူကာကွယ်ရေးနှင့်စပ်လျဉ်း၍ တိကျမှန်ကန် ရှင်းလင်းသည့် သဘာဝအချက်အလက်များ ဖြန့်ဝေအသိပေးခြင်းကို ဆောင်ရွက်ရန်၊စားသုံးသူများ ဘေးအန္တရာယ်ကင်းရှင်းစေရေးနှင့် စိတ်ကျေနပ်မှုရရှိစေရေးတို့အတွက် အာမခံချက်ပေးနိုင်သော အရည်အသွေးမြင့်မားသည့် ကုန်စည်(သို့မဟုတ်)ဝန်ဆောင်မှုများကို ဖော်ဆောင်ဖြည့်ဆည်းနိုင်စေရန်နှင့် စားသုံးသူကာကွယ်ရေးဥပ‌ဒေပါ အခန်း(၁၀)ရှိ စီးပွားရေးလုပ်ငန်းရှင်၏ တာဝန်များမှ ကုန်စည်(သို့)ဝန်ဆောင်မှုများ၏အာမခံချက်၊ သတ်မှတ်ချက်များနှင့် စပ်လျဉ်း၍ ရိုးရှင်းမှန်ကန် သောသတင်းအချက်အလက်များပေးပို့ခြင်း၊ စားသုံးသူကို ခွဲခြားမှုမရှိပဲ ဖြောင့်မတ်မှန်ကန်စွာ ဆက်ဆံခြင်း၊ စီးပွားရေးလုပ်ငန်းလုပ်ကိုင်ရာတွင် စီးပွားရေးကျင့်ဝတ်စည်းကမ်းနှင့်အညီ ဖြောင့်မတ်မှန်ကန်စွာ ဆောင်ရွက်ခြင်းစသည့်အချက်များကို အလေးပေး၍ အသိပညာပေးဟောပြောခဲ့ပြီး ငါးလုပ်ငန်းရှင် (၂၅)ဦး တက်ရောက်ခဲ့ကြောင်း သတင်းရရှိပါသည်။

DOCA(ဧရာဝတီ)