ပြည်တွင်းကုန်သွယ်မှုသတင်း

     ရန်ကုန်တိုင်းဒေသကြီး၊ ဘုရင့်နောင်ကုန်စည်ဒိုင်၌ ၁.၁၂.၂၀၂၃ မှ ၅.၁၂.၂၀၂၃ ရက်နေ့အတွင်း ဖြစ်ပေါ်ခဲ့သော အခြေခံစားသောက်ကုန်ဈေးနှုန်းများမှာ ကြက်သွန်ဖြူ(ကြူကုတ်-ရှယ်) ၁ ပိဿာလျှင် အမြင့်ဈေး ၁၀၀၀၀/- ကျပ်မှ အနိမ့်ဈေး ၁၀၈၀၀/- ကျပ်ထိလည်းကောင်း၊  ကြက်သွန်ဖြူ(အောင်ပန်း ထူး-၂) ၁ပိဿာလျှင် ၁၁၅၀၀/- ကျပ်ဖြင့်လည်းကောင်း၊ ကြက်သွန်ဖြူ(အောင်ပန်း ထူး-၃) ၁ပိဿာလျှင် ၁၂၅၀၀/- ကျပ်ဖြင့်လည်းကောင်း၊ ကြက်သွန်ဖြူ(အောင်ပန်း ထူး-၄) ၁ပိဿာလျှင် ၁၃၀၀၀/- ကျပ်ဖြင့်လည်းကောင်း၊ ကြက်သွန်ဖြူ(အောင်ပန်း ထူး-၅) ၁ပိဿာလျှင် ၁၃၅၀၀/- ကျပ်ဖြင့်လည်းကောင်း၊ ငရုတ်သီး (ဆင်ဖြူကျွန်း-ပု) ၁ ပိဿာလျှင် ၁၄၀၀၀/- ကျပ်မှ ၁၆၀၀၀/- ကျပ်ထိ လည်းကောင်း၊ ငရုတ်သီး (အိမ်မဲ-ရှည်) ၁ ပိဿာလျှင် ၆၀၀၀/- ကျပ်မှ ၇၀၀၀/- ကျပ်ထိ လည်းကောင်း၊ငရုတ်သီး(ပန်းရဲ-သစ်) ၁ ပိဿာလျှင် ၇၀၀၀/- ကျပ်မှ ၉၀၀၀/-ကျပ်ထိလည်းကောင်း၊ ငရုတ်သီး မြစ်ဝ(ပု)    တစ်ပိဿာလျှင် ၁၄၀၀၀/-ကျပ်မှ ၁၆၀၀၀/- ကျပ်ထိလည်းကောင်း၊ မန်ကျည်းသီး (ကပ်ပွင့်)  ၁ ပိဿာလျှင် ၁၁၀၀/- ကျပ်မှ ၁၂၀၀/- ကျပ်ထိ လည်းကောင်း၊ မန်ကျည်းသီး (အသား) ၁ ပိဿာလျှင် ၁၉၀၀/- ကျပ်မှ ၂၅၀၀/- ကျပ်ထိ လည်းကောင်း၊ ကြံသကာ (အိတ်သွတ်စ) ၁ ပိဿာလျှင် ၃၂၅၀ ကျပ်ဖြင့် လည်းကောင်း၊ ကြံသကာ (သစ်) ၁ ပိဿာလျှင် ၄၁၅၀/- ကျပ်ဖြင့် လည်းကောင်း၊  သကြား (ပြည်တွင်း) ၁ ပိဿာလျှင် ၃၇၇၀/- ကျပ်မှ ၃၇၉၀/- ကျပ်ထိ လည်းကောင်း၊ ထန်းလျက် (တောင်သာ) ၁ ပိဿာလျှင် ၄၁၀၀/- ကျပ်မှ ၄၂၀၀/- ကျပ်ထိ လည်းကောင်း၊ ထန်းလျက် (ညောင်ဦး) ၁ ပိဿာလျှင် ၄၅၀၀/- ကျပ်မှ ၄၇၀၀/- ကျပ်ထိ လည်းကောင်း၊ ရေစကြို ထန်းလျက် ၁ ပိဿာလျှင် ၅၆၀၀/- ကျပ်မှ ၅၆၅၀/-ကျပ်ထိလည်းကောင်း၊ အာလူး (တရုတ်) ၁ ပိဿာလျှင် ၂၈၀၀/- ကျပ်ဖြင့်လည်းကောင်း၊ ကြက်သွန်နီ (ဆိပ်ဖြူ) ၁ ပိဿာလျှင် ၂၄၀၀/- ကျပ်မှ ၃၉၀၀/- ကျပ်ထိလည်းကောင်း အသီးသီး ဖြစ်ပေါ်ခဲ့ပြီး အခြေခံ စားသောက်ကုန်များမှာ ဈေးနှုန်း အနည်းငယ်သာ အတက်အကျ ဖြစ်လျက်ရှိပြီး အောင်ပန်းကြက်သွန်ဖြူဈေးနှုန်းနှင့်ထန်းလျက်ဈေးနှုန်းများ ပြန်လည်မြင့်တက်လာကြောင်း တွေ့ရှိရပါသည်။

DOCA(ရန်ကုန်)        

   ကရင်ပြည်နယ်၊ ဘားအံမြို့ပေါ်ရှိ ရေပေါ်ဈေးသို့ မန္တလေးတိုင်းဒေသကြီး၊ ကျောက်ဆည်ခရိုင်၊ တံတားဦးမြို့နယ် မကျည်းတောကျေးရွာမှ ပဲမြစ်များ ဒီဇင်ဘာလပထမအပတ်မှစတင်၍ ဈေးကွက်အတွင်း စတင် ဝင်ရောက်လာကြောင်း သိရပါသည်။ မကျည်းတောဒေသမှ ထွက်ရှိသော ပဲမြစ်များသည် အခြားဒေသမှ ထွက်ရှိသော ပဲမြစ်များထက် အရသာမှာ ချိုဆိမ့်ပြီးစေးပိုင်နေသောကြောင့် ယခုလိုဆောင်းရာသီ  ပဲမြစ်ပေါ်ချိန်တွင် တံတားဦးဒေသထွက် မကျည်းတောပဲမြစ်မှာ လူသိများထင်းရှားကြောင်း သိရသည်။ ဘားအံမြို့ပေါ်ရှိ စျေးများတွင် အရောင်းအဝယ်ဖြစ်နေသော ပဲမြစ်စျေးနှုန်းများမှာ အရွယ်အစားအလိုက် တစ်ပိဿာလျှင် ၄၅၀၀- ၅၀၀၀ ကျပ်နှုန်းဖြင့် ရောင်းချလျက်ရှိကြောင်း သိရသည်။

    ပဲမြစ်တွင် Vitamin D, Calcium, magnesium, antioxidant ဓာတ်များစွာ ပါဝင်သဖြင့် ပဲမြစ်တို့ကို စားသုံးခြင်းဖြင့် အမြင်အာရုံအားကောင်းစေခြင်း၊ ဆီးချိုရောဂါ ဖြစ်ပွားမှုကို ကာကွယ်စေခြင်း၊ ပန်းနာရင်ကျပ်ရောဂါမှ ကာကွယ်စေခြင်း၊ အိုမင်းရင့် ရော်ခြင်းကို ကာကွယ်စေခြင်း၊ အဆီကျစေခြင်း၊ ကိုယ်ဝန်ဆောင်များ ကိုယ်ဝန်ဆိပ်တက်ခြင်းမှ ကာကွယ်စေခြင်း စသည့်အကျိုးအာနိသင်များကို ရရှိစေကြောင်း သိရသည်။ ပဲမြစ်ပြုတ်သည် ချို၊ အီ၊ စိမ့် အရသာများအပြင် အစေးဓာတ်ပါဝင်သည့်အတွက် အရသာရှိပြီး လူအများနှစ်သက်စွာစားသုံးကြသော ရာသီစာ အစားအစာတစ်မျိုးဖြစ်ကြောင်း သိရသည်။

DOCA(ကရင်)

    စားသုံးသူရေးရာဦးစီးဌာန၊ ဘီးလင်းမြို့နယ်တာဝန်ခံသည် (၁-၁၂-၂၀၂၃) ရက်နေ့နှင့် (၂-၁၂-၂၀၂၃) ရက်နေ့တို့တွင် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့်ပူးပေါင်း၍ ဘီးလင်းမြို့နယ်၊ မင်္ဂလာဈေး၊ ကန်သာယာရပ်ကွက်၊ ဘိုးရာဇာရပ်ကွက်နှင့် နှင်းပုလဲကျေးရွာတို့၌ စားဆီများရောင်းချနေမှုအား ဈေးကွက်စောင့်ကြည့်စစ်ဆေးခဲ့သည်။

  ထိုသို့ ဈေးကွက်စောင့်ကြည့်စစ်ဆေးရာတွင် မွန်ပြည်နယ်ဆီကုန်သည်နှင့်ဆီလုပ်ငန်းရှင်များအသင်းမှခွဲဝေရရှိသော ဆီများကို ဘီးလင်းမြို့နယ်၊ ဘိုးရာဇာရပ်ကွက်နှင့် နှင်းပုလဲကျေးရွာရှိ ကုန်စုံဆိုင်များတွင် တစ်ပိဿာလျှင် (၅၅၀၀) ကျပ်ဖြင့် လူတစ်ဦးလျှင် တစ်ပိဿာနှုန်းဖြင့်ရောင်းချခဲ့ရာ စားသုံးသူများ စိတ်ကျေနပ်စွာဝယ်ယူခွင့်ရရှိခြင်းရှိ/မရှိ၊ သတ်မှတ်ရည်ညွှန်းဈေးနှုန်းဖြင့် ရောင်းချခြင်းရှိ/မရှိ၊ သတ်မှတ်အရေအတွက်အတိုင်း ရောင်းချခြင်းရှိ/မရှိ ဈေးကွက်စောင့်ကြည့်စစ်ဆေးခဲ့ကြကြောင်းသိရှိရပါသည်။

DOCA(မွန်)

    ၈.၁၂.၂၀၂၃ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

          ကရင်ပြည်နယ်၊ ဘားအံမြို့ပေါ်ရှိ ဒေသခံတောင်သူများသည် ရာသီပေါ်သီးနှံများကို မိသားစု အပိုဝင်ငွေရရှိရန်အတွက် ပဲတောင့်ရှည်အပင်များ တစ်ပိုင်တစ်နိုင်စိုက်ပျိုးလျက်ရှိသည်။ ပဲတောင့်ရှည်သည် ရာသီစာ သီးနှံမဟုတ်ဘဲ တစ်နှစ်ပတ်လုံး ရရှိနိုင်သော အစိမ်းရောင်သီးနှံတစ်မျိုးဖြစ်သည်။ ရှင်သန်ပေါက်ရောက်ရာ ရေ၊ မြေ၊ သဘာဝနှင့် မျိုးစိတ်ပေါ်မူတည်၍ ၁၂ လက်မမှ ၃၀ လက်မအထိ အရှည်ရှိသည်။ ဒေသခံတောင်သူများအနေဖြင့် မိမိတို့စိုက်ခင်းမှ ထွက်ရှိလာသော ပဲတောင့်ရှည်များကို ဘားအံမြို့ပေါ်ရှိ ဈေးများသို့ ကိုယ်တိုင်ရောင်းချခြင်း (သို့မဟုတ်) တစ်ဆင့်ပြန်လည်ရောင်းချသူများအား ဖောက်သည် ပေး၍လည်း ရောင်းချကြပါသေးသည်။ ဘားအံမြို့ပေါ်ရှိ ရေးပေါ်ဈေးသို့ လာရောက်ရောင်းချသော ပဲတောင့်ရှည် စျေးနှုန်းများမှ တစ်ပိဿာလျှင် ၂၅၀၀ ကျပ်နှုန်းဖြင့်လည်းကောင်း၊ သုံးဆယ်ကျပ်သားလျှင် ၁၀၀၀ ကျပ်နှုန်းဖြင့်လည်းကောင်း ဈေးကောင်းရရှိ၍ အရောင်းအဝယ်ဖြစ်နေကြောင်း သိရသည်။ 

        ပဲတောင့်ရှည်တွင် ဗီတာမင်အေ၊ ပရိုတင်း၊ သံဓာတ်နှင့် ပိုတက်စီယမ်တို့ ကြွယ်ဝစွာပါရှိသည့် အပြင် ဗီတာမင်စီ၊ မဂ္ဂနီစီယမ်နှင့် မဂ္ဂနီစ်တို့လည်းပါဝင်သည်။ ထို့ကြောင့် ပဲတောင့်ရှည်ကို အားအင် ပြည့်ဝသောအစားအစာအဖြစ် စားသုံးသင့်သည်။ ကယ်လိုရီနည်းသော အစိမ်းရောင်သီးနှံဖြစ်သည့် ပဲတောင့် ရှည်ကို ပုံမှန်စားသုံးပေးခြင်းဖြင့် ခန္ဓာကိုယ်အလေးချိန်ကို လျော့ချနိုင်ခြင်း၊ ဓာတ်တိုး ဆန့်ကျင်ပစ္စည်းများ ကြွယ်ဝစွာပါရှိသည့်အတွက် ကင်ဆာရောဂါအမျိုးမျိုးမှ ကာကွယ်ပေးနိုင်ကြောင်း သိရသည်။ ပဲတောင့်ရှည် စားသုံးခြင်းဖြင့် အိုမင်းရင့်ရော်မှုကိုနှောင့်နှေးစေပြီး အရွယ်တင်နုပျိုစေသည့်အပြင် နှလုံးသွေးကြောနှင့် သက်ဆိုင်သောရောဂါများကို ကာကွယ်ပေးခြင်း၊ ပိုတက်စီယမ်ကြွယ်ဝသည့်အတွက် သွေးတိုးရောဂါ ဖြစ်ခြင်းမှလည်း ကြိုတင်ကာကွယ်စေနိုင်ပါသည်။ ပဲတောင့်ရှည်သည် စားသုံးသူများအတွက် ဆေးဖက် ဝင်ပြီး၊ ဘေးထွက်ဆိုးကျိုးမရှိစေဘဲ တစ်နှစ်ပတ်လုံး အလွယ်တကူဝယ်ယူရရှိနိုင်ကာ အာဟာရလည်း ဖြစ်စေသည့်အတွက် စားသုံးပေးသင့်ကြောင်း ရေးသားအပ်ပါသည်။

DOCA(ကရင်)