ပြည်တွင်းကုန်သွယ်မှုသတင်း

             ဆောင်းရာသီကုန်ခါနီးအချိန်ဖြစ်၍ ရာသီဥတုမှာ နေ့ခင်းအချိန်များတွင် ပူပြင်းလာပြီး မနက်ခင်းအချိန်တွင် အေးလျက်ရှိနေပါသည်။ ထို့ကြောင့် ပြည်ခရိုင်၊ ပြည်မြို့ရှိ ပန်းဈေးကွက်အနေဖြင့် ယခုအချိန်တွင် ရောင်စုံပန်းများဖြစ်သော ဂန္ဓမာပန်း၊ သစ္စာပန်း၊ နှင်းဆီပန်း၊ မေမြို့ပန်း အစရှိသဖြင့် ပန်းများဈေးကွက်တွင် ရောင်းချလျက်ရှိနေပါသည်။ ထိုပန်းများကို ပြည်မြို့အနီးတဝိုက်ရှိ မှော်ဇာ၊ ကင်းပွန်းခြုံနှင့် ရွှေတောင်မြို့နယ်ရှိ ကသစ်ကိုင်းကျေးရွာများမှ လာရောက်ရောင်းချ ကြပါသည်။ ထိုကျေးရွာများမှ ပန်းများကို စီးပွားဖြစ်စိုက်ပျိုးကြသလို တစ်နိုင်တစ်ပိုင်လည်း စိုက်ပျိုးပါသည်။ ထွက်ရှိလာသောပန်းများကို ပန်းဒိုင်များ၊ ဈေးသည်များက အခင်းထဲအထိ လာရောက်ဝယ်ယူရောင်းချကြပါသည်။ ဈေးများတွင်ရောင်ချသော ပန်းများ၏ ဈေးနှုန်းများမှာ ဂန္ဓမာပန်း (အဖြူ၊ အဝါ) အကြီးအသေးရောရာ(၅)ခက်ပါတစ်စည်းလျှင် ၄၅၀၀ကျပ်၊ သစ္စာပန်း (၅)တံပါတစ်စည်းလျှင် ၂၀၀၀ကျပ်၊ နှင်းဆီပန်း အပွင့်အသေး (၁၀)ပွင့်ပါတစ်စည်းလျှင် ၃၅၀၀ကျပ်၊ နှင်းဆီပန်း (အကြီး) တစ်ပွင့်လျှင် ၅၀၀-၇၀၀ကျပ်၊ မေမြို့ပန်း (ကြွေဖြူ)တစ်စည်းလျှင် ၂၀၀၀ကျပ်၊ မေမြို့ပန်း (အက်စတာ)တစ်စည်းလျှင် ၅၀၀-၁၀၀၀ကျပ်ဖြင့် ရောင်းချလျှက်ရှိပါသည်။

             ပန်းဈေးများမှာ ယခင်နှစ်ထက်စာလျှင် ယခုနှစ်မှာဈေးများထက်ဝက်ခန့် မြင့်တက်လာရခြင်းမှာ မျိုးဈေးများကြီးမြင့်ခြင်း၊ အထွေထွေကုန်ကျစရိတ်များလည်း ကြီးမြင့်လာခြင်းတို့ကြောင့် ဖြစ်သည်ဟု သိရပါသည်။ ပြည်ဈေးမှတစ်ဆင့် ရန်ကုန်မြို့ရှိဈေးများနှင့် နေပြည်တော်မြို့သို့လည်း တင်ပို့ရောင်းချကြောင်း သိရှိရပါသည်။

DOCA(ပဲခူး)

          ထန်းလျက်ဆိုသည်မှာ ထန်းရည်ချိုကိုချက်၍ရသောအစားအစာတစ်မျိုးဖြစ်ပါသည်။ ထန်းလျက်သည် အချိုဓါတ်ပါသော စားစရာတစ်မျိုးဖြစ်ပြီး ထန်းလျက်ကိုတမျိုးတည်းစား၍ရသလို အရည်ကျို၍ မုန့်လက်ကောက်ကြော်၊ နှမ်းကပ်ကြော်တို့နှင့်တို့၍လည်းကောင်း အမျိုးမျိုးလုပ်စား၍ ရပါသည်။

          ထန်းလျက်တွင် ကယ်လိုရီနှင့်ကာဗိုဟိုက်ဒရိတ်ဓါတ်များပါဝင်သည့်အပြင် ဖရက်တို့၊ ဂလူးကို့စ်၊ ဆူးခရို့စ်၊ သံဓါတ်၊ ကယ်လဆီယမ်၊ မဂ္ဂနီဆီယမ်၊ ပိုတက်ဆီယမ်နှင့် ခန္ဓာကိုယ် အတွက်လိုအပ်သော အခြားသတ္တုဓါတ်များလည်းပါဝင်ပြီး Vitamin C နှင့် Vitamin A တို့ ကြွယ်ဝစွာ ပါဝင်သောကြောင့် ကင်ဆာရောဂါဖြစ်နိုင်ခြေကို လျော့ကျစေသောကြောင့် စားသုံးသင့်သော အစားအစာတမျိုးဖြစ်ပါသည်။ တောင်ငူမြို့နယ်အတွင်း ထန်းလျက်တောင့် တစ်ပိဿာလျှင် ၆၅၀၀ ကျပ်၊ ထန်းလျက်(အဖြူ/အညို) တစ်ပိဿာလျှင် ၆၀၀၀ ကျပ်၊ ကြံသကာတစ်ပိဿာလျှင် ၆၀၀၀ ကျပ်၊ ထန်းလျက်ပျဉ်းတစ်ပိဿာလျှင် ၆၅၀၀ကျပ်ဖြင့် ပုံမှန်ရောင်းဝယ်လျက်ရှိကြောင်း စိန်သရဖူကုန်စုံ ဆိုင်ပိုင်ရှင်ဖြစ်သူ ဦးအာရ်ဂျွန်း၏ ပြောကြားချက်အရ သိရှိရပါသည်။

DOCA(ပဲခူး)

ကျေးလက်နေပြည်သူအများစုသည် နံနံက်ခင်းအဆာပြေအတွက် ထမင်းကိုစားသုံးမှုများ ကြပြီး ၊ မြို့နေလူတန်းစားအများစုမှာ အခြားမုန့်ပဲသရေစာများကိုစားသုံးကြသလို လ္ဘက်ရည်ဆိုင် များတွင် လ္ဘက်ရည်နှင့်တွဲဖက်၍  အီကြာကွေးနှင့်ပဲပလာတာများကိုလည်း နေ့စဉ်စားသုံးကြပါသည်။ လူအများစားသုံးမှုများသည့် အီကြာကွေးနှင့်ပဲပလာတာပြုလုပ်ရန်အတွက်ဂျုံကိုအသုံးပြုရပြီး ဂျုံ တစ်ပိဿာလျှင်(၇၅၀၀)ကျပ်ဝန်းကျင်ဖြင့် ဝယ်ယူသုံးစွဲရကြောင်း ဂျုံတစ်ပိဿာကို အီကြာကွေး ပြုလုပ်ပါက ယနေ့ခေတ်ပုံမှန်အရွယ်အစားအနေဖြင့် အီကြာကွေး(၄၅)ချောင်းခန့်ရရှိနိုင်ပြီး၊ ပလာ တာပြုလုပ်ပါက(၅၀)ခုခန့် ရရှိနိုင်ပါသည်။ ကြော်ရန်အတွက် ဆီသုံးစွဲရမှုအနေဖြင့် ဂျုံတစ်ပိဿာ လျှင် ဆီတစ်ပိဿာခွဲခန့် ကုန်ကျနိုင်ပါကြောင်း၊ အီကြာကွေးတစ်ချောင်းလျှင်(၆၀၀)ကျပ်ဝန်းကျင်၊ ပဲပလာတာတစ်ချပ်လျှင်(၇၀၀)ကျပ်ဝန်းကျင်များဖြင့် ရောင်းချလျက်ရှိကြောင်းသိရှိရသည်။ တစ်ရက် လျှင် ဂျုံပိဿာချိန်နှစ်ပိဿာသုံးပိဿာခန့် ပြုလုပ်ရောင်းချရပါကြောင်း၊ ရောင်းချမှုဈေးနှုန်းနှင့် အရွယ်အစားများမှာ တစ်ဆိုင်နှင့်တစ်ဆိုင်မတူညီနိုင်ကြောင်းနှင့် စားသုံးသူအား စိတ်စေတနာထား ၍ လုပ်ကိုင်ဆောင်ရွက်လျက်ရှိရာ ကိုယ့်မိတ်နှင့်ကိုယ်နေ့စဉ်လာရောက်စားသုံးမှုများ၍ ရောင်းအား ကျဆင်းမှုမရှိပဲ ပုံမှန်ရောင်းချရပါကြောင်း လ္ဘက်ရည်ဆိုင်လုပ်ငန်းရှင်များထံမှ သိရသည်။

DOCA(မန္တလေး)

          ယခုချိန်အခါသည် ဆောင်းအကုန် နွေရာသီသို့ စတင်ဝင်ရောက်လာပြီဖြစ်ရာ ပူပြင်းလှသော အပူဒဏ်ကိုခံစားလာသည်နှင့်အမျှ လူအများသည် အေးမြသောနေရာများကို ရှာဖွေ၍နေထိုင်ကြ သလို၊ အေးမြသောအရည်များကိုလည်း သောက်သုံးလာကြပါသည်။ ရာသီအချိန်အခါလိုက် ပေါ်ထွက်သည့်သစ်သီးဖျော်ရည်များ၊ ရာသီနှင့်လိုက်ဖက်သော ဖျော်ရည်များ၊ အခြားအေးမြ ချိုစိမ့် သော မြန်မာ့သောက်သုံးစရာမုန့်များကိုလည်းသောက်သုံးမှုများလာကြရာ မုန့်လက်ဆောင်းမှာ လည်းတစ်ခုအပါဝင်ဖြစ်ပါသည်။ မြင်းခြံမြို့ပေါ်တွင်မုန့်လက်ဆောင်းများအား အရိပ်ကောင်းသော နေရာများ၌ နှစ်စဉ်ရောင်းချလျက်ရှိရာ ဖေဖော်ဝါရီလနောက်ဆုံးပတ်ခန့်မှစ၍ မုန့်လက်ဆောင်း များကို စတင်ရောင်းချလျက်ရှိရာ နေပူပူအမောပြေ သောက်သုံးသူများလာသဖြင့် ရောင်းအား ကောင်းလာသည်ကို တွေ့ရပါသည်။ မုန့်လက်ဆောင်းသည် ရာသီနှင့်အလိုက်ဖက်ဆုံး မုန့်တစ်မျိုး ဖြစ်သလို သောက်လိုက်လျှင်လည်း ရင်ထဲအေး၍ အမောပြေစေပါသည်။

          မုန့်လက်ဆောင်းကို ထန်းလျက်၊ ဆား၊ မုန့်ဖတ်၊ သကြား၊ အုန်းသီး ၊ နှမ်းလှော်ထောင်း၊ ရေခဲ တို့ဖြင့် ပြုလုပ်ရကြောင်း ၊ မုန့်လက်ဆောင်း တစ်ခွက်လျှင် (၁၀၀၀) ကျပ်ဖြင့် ရောင်းချရကြောင်း၊ ယခုလိုပူပြင်းသောရာသီတွင် နေအပူဒဏ်ကြောင့် ပြင်ပလုပ်ငန်းများလုပ်ကိုင်ဆောင်ရွက်ရန် ခက်ခဲ ပင်ပန်းနိုင်သည်ဖြစ်ရာ မုန့်လက်ဆောင်းပြုလုပ်တတ်သူများအနေဖြင့် သက်တောင့်သက်သာဖြင့် လုပ်ငန်းများရရှိ၍ မိသားစုစားဝတ်နေရေးအဆင်ပြေသလို မုန့်လက်ဆောင်းမှာကလေးလူကြီး ကြိုက်နှစ်သက်၍ တစ်ရက်လျှင်(၅၀၀၀၀)ကျပ်မှ(၆၀၀၀၀)ကျပ်ခန့်ထိ ရောင်းအားကောင်းကာ အဆင်ပြေလျက်ရှိကြောင်း သိရှိရသည်။

DOCA(မန္တလေး)

          ရှမ်းပြည်နယ်(တောင်ပိုင်း) အောင်ပန်းဒေသတွင် ယခုတစ်ပတ် ပြောင်းသီးနှံမှာ တစ်ပိဿာလျှင်  (၁၄၈၀-၁၄၉၅)ကျပ်ဖြင့် ဈေးရှိနေပြီးဧရာဝတီ၊ မြစ်ကြီးနား၊ မြင်းခြံ နှင့် တပ်ကုန်း‌ ‌‌ဒေသများဘက်မှ ပြောင်းထွက်ရှိမှုကောင်းလာ၍ ရပ်စောက် နှင့် အေးသာယာဒေသတို့မှ ပြောင်းလက် ကျန်နည်းပါးလာကာ ဝယ်လက်ပါး၍ စီးဆင်းမှုနည်းပါးလာပါသည်။

          ကြက်သွန်ဖြူသီးနှံမှာ တစ်ပိဿာလျှင် ထူး ၁-၄၅၀၀ကျပ်၊ ထူး ၂-၄၈၀၀ကျပ်၊ ထူး ၃-၅၀၀၀ကျပ်၊ ထူး ၄-၆၀၀၀ကျပ်၊ ထူး ၅-၆၅၀၀ကျပ်၊ ထူးလွန်-၇၀၀၀ကျပ် နှင့် ဥတစ်လုံးဆိုဒ်မှာ ၂၅၀၀၀ကျပ်ဖြင့် ဈေးကွက်အဝင်များကာ စီးဆင်းမှုကောင်းနေပါသည်။

          အာလူးသီးနှံမှာ တစ်ပိဿာလျှင် မားကစ် S2/S1-၅၀၀၀ကျပ်၊ မျက်နီ S2/S1-၄၀၀၀ကျပ်၊ OK-၃၃၀၀ကျပ်၊ A1-၃၀၀၀ကျပ် နှင့် ဆွဲသီး-၂၅၀၀ကျပ်ဖြင့် ဈေးကွက်အဝင်များပြီး ဝယ်လက် ကောင်းနေသောကြောင့် စီးဆင်းမှုမှာ ကောင်းနေပါသည်။

          ချင်းသီးနှံမှာ အခက်ကြီး တစ်ပိဿာလျှင် (၃၀၀၀)ကျပ် နှင့် အလတ်မှာ (၂၅၀၀)ကျပ် ဖြင့် ဈေးငြိမ်လျက်ရှိပြီး စီးဆင်းမှုမှာ ကောင်းနေပါသည်။

          ကုန်စိမ်းသီးနှံများတွင် ဂေါ်ဖီ (၇၀၀-၁၀၀၀)ကျပ်၊ ပန်းမုံလာ (၇၀၀-၁၀၀၀)ကျပ်၊ ရွှေပဲ (၆၀၀၀-၆၅၀၀)ကျပ်၊ မုန်ညှင်း(၁၂၀၀-၁၅၀၀)ကျပ်၊ ဖရုံသီး (၁၃၀၀-၁၅၀၀)ကျပ်၊ ခရမ်းသီး (၃၀၀၀- ၃၅၀၀)ကျပ်၊ ခရမ်းချဉ်သီး (၆၀၀-၁၀၀၀)ကျပ်၊ ငြုပ်ပွ (၄၀၀၀-၄၉၀၀)ကျပ်၊ မုန်လာဥနီ (၂၅၀၀-၃၀၀၀)ကျပ်၊ ဘိုစား (၅၅၀၀-၆၀၀၀)ကျပ်ဖြင့် အသီးသီးဈေးရှိနေကြပြီး ဂေါ်ဖီ၊ ပန်းမုံလာ နှင့် ဖရုံသီး သီးနှံတို့မှာသယ်ယူရေးလမ်းကြောင်း နှင့် ဝယ်လက်နည်းမှုတို့ကြောင့်ဈေးကျဆင်းနေပြီးကျန်ကုန်စိမ်း သီးနှံများမှာ ဈေးတည်ငြိမ်လျက်ရှိပြီး အလှူ၊ ပွဲတော်ရက်များကြောင့် အဝယ်များသဖြင့် စီးဆင်းမှုမှာ ကောင်းနေပါကြောင်း လေ့လာသိရှိရပါသည်။

DOCA(ရှမ်း)