ပြည်တွင်းကုန်သွယ်မှုသတင်း

               ကသာခရိုင်တွင် ကြက်သွန်နီ ဝင်ရောက်မှုအနေဖြင့် မန္တလေး-မုံရွာဘက်မှ အဝင်များပြီး ခင်ဦး၊ ရေဦးဘက်မှလည်း အဝင်ရှိကြောင်း သိရှိရပါသည်။ တစ်ပတ်လျှင် ကြက်သွန်နီဝင်ရောက်မှုမှာ မန္တလေး- မုံရွာဘက်မှ တစ်အိတ်လျှင် ၃၅ပိဿာပါ အိတ်ရေ(၂၀၀)ခန့်နှင့် ခင်ဦး-ရေဦးဘက်မှ တစ်အိတ်လျှင် ၅၀ပိဿာပါ အိတ်ရေ(၁၅၀)ခန့် ဝင်ရောက်ကြောင်း ကြက်သွန်နီကုန်သည်များထံမှ သိရှိရသည်။

              ယခုအပတ်အတွင်း လက်လီဈေးနှုန်းအနေဖြင့် ကြက်သွန်နီ တစ်ပိဿာလျှင် အသေး၊ အလတ်၊ အကြီး ပေါ်မူတည်၍  (၁၀၀၀/- ၊ ၁၂၀၀/-၊ ၁၄၀၀/-)ကျပ်ခန့်ထိရှိပြီး လက်ကားဈေးနှုန်းအနေဖြင့်       ( ၉၀၀/-၊ ၁၀၀/-၊ ၁၁၀၀/-) ကျပ်နှုန်းခန့် ရောင်းချလျက်ရှိကာ ယခင်အပတ်များနှင့် ဈေးနှုန်းနှိုင်းယှဉ်ပါက အတက်/ အကျမရှိဘဲ ဈေးနှုန်းတည်ငြိမ်လျက်ရှိကြောင်း သိရှိရပါသည်။

DOCA(စစ်ကိုင်း)

               စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ရွှေဘိုခရိုင် ပြည်တွင်းကုန်သွယ်ရေးဖွံ့ဖြိုးမှုနှင့် သုတေသနဌာနခွဲအနေဖြင့် သီးနှံများ၏ဈေးနှုန်းဆိုင်ရာ အချက်အလက်များနှင့် အရောင်းအဝယ်ဖြစ်မှုစာရင်းများကို ရွှေဘိုမြို့၊ ပဲပွဲစားများကထိန်တော် အသင်းမှတာဝန်ရှိသူများနှင့်  ချိတ်ဆက်၍ ပေးပို့ဆောင်ရွက်လျှက် ရှိပါသည်။

              စစ်ကိုင်းတိုင်းဒေသကြီး၊ ရွှေဘိုခရိုင်တွင် ၂၀၂၁-၂၀၂၂ခုနှစ်၌ ပဲတီစိမ်း (မိုးကြို)(၄၃၀၂၈)ဧက စိုက်ပျိုးခဲ့ပြီး ရွှေဘိုမြို့နယ်တွင် (၉၅၁၈)ဧက၊ ဝက်လက်မြို့နယ်တွင် (၁၅၉)ဧက၊ ခင်ဦးမြို့နယ်တွင် (၂၀၃၉၉)ဧက၊ ရေဦးမြို့နယ်တွင်(၄၅၅)ဧက၊ တန့်ဆည်မြို့နယ်တွင်(၁၁၉၇)ဧကနှင့် ဒီပဲယင်းမြို့နယ်တွင် (၁၁၃၀၀)ဧက စိုက်ပျိုးကြောင်း၊ ၂၀၂၀-၂၀၂၁ခုနှစ်တွင် ပဲတီစိမ်း(မိုးကြို)(၅၀၁၉၅)ဧကစိုက်ပျိုးခဲ့ပြီး ၂၀၂၁-၂၀၂၂ ခုနှစ်တွင် (၄၃၀၂၈)ဧကစိုက်ပျိုးသဖြင့် ယခင်နှစ်အောက် (၇၁၆၇)ဧက လျော့နည်း စိုက်ပျိုးကြောင်း သက်ဆိုင်ရာဌာန၏စာရင်းများအရ သိရှိရပါသည်။ ယခင်နှစ်အောက် လျော့နည်းစိုက်ပျိုးရခြင်းမှာ စိုက်ပျိုးထားရှိချိန်တွင် မိုးရွာသွန်းမှုမရှိပါက ရေရရှိနိုင်ရန် မြေအောက်ရေကို စက်ဖြင့်စုတ်ယူ၍ သွင်းခြင်းများ ဆောင်ရွက်ရသဖြင့် ယခုနှစ်တွင် ပိုးသတ်ဆေးနှင့် သွင်းအားစုဈေးနှုန်းများသာမက စက်သုံးဆီဈေးနှုန်းများလည်း ယခင်နှစ် ထက်မြင့်မားမှုကြောင့်ဖြစ်ကြောင်း၊ သို့သော်လည်း ယခုနှစ်နွေသီးနှံပဲတီစိမ်းများစိုက်ပျိုးရာတွင်  မိုးပုံမှန်ရွာသွန်းမှုကြောင့် စက်ရေတင်ခြင်းလုပ်ငန်းများကို လိုအပ်မှသာ (အနည်းငယ်သာ) ဆောင်ရွက်ရကြောင်း တောင်သူများထံမှသိရှိရပါသည်။ ၎င်းစိုက်ပျိုးထားသော ပဲတီစိမ်းများသည် မေလလယ်ခန့်မှစတင်၍ ဈေးကွက်အတွင်းသို့ရောက်ရှိလာပြီး စတင်ပေါ်ချိန် အဖွင့်ဈေးမှာ (၁)တင်းလျှင် (၄၈၀၀ဝိ/-)မှ(၅၂၀၀ဝိ/-) ထိရှိခဲ့ရာမှ ဇွန်လဒုတိယပတ်၌ (၁)တင်းလျှင် (၃၈၀၀ဝိ/-)မှ (၄၀၀၀ဝိ/-)ထိပေါက်ဈေးရှိကြောင်း၊ ရွှေဘိုဈေးကွက်သို့ ရောက်ရှိလာသော ပဲတီစိမ်များမှာ ရေဆင်း-၁၁နှင့် ရေဆင်း-၁၄မျိုးများဖြစ်ပြီး၊ ရွှေဘိုခရိုင် ရွှေဘိုမြို့နယ်အနောက်ဘက်ခြမ်းရှိ မူးရေဝင်သည့်ကျေးရွာများ၊ ရွှေဘိုမြို့တောင်ဘက်ခြမ်းရှိ ဝက်လက်မြို့နယ်မှ ကျေးရွာအချို့အပြင် ဒီပဲယင်းမြို့နယ် မူးမြစ် အနောက်ဘက်ကမ်းရှိ ကျေးရွာများမှ အများဆုံးလာရောက် ရောင်းချကြကြောင်း၊  ဝယ်ယူရရှိသည့် ပဲတီစိမ်းများကို မန္တလေးဈေးကွက်သို့ ဆက်လက်တင်ပို့ ရောင်းချကြကြောင်းနှင့် မေလအတွင်း ရွှေဘိုမြို့ ပဲ၊ နှမ်းကုန်စည်ဒိုင်အနေဖြင့် ပဲတီစိမ်း (၅၁၅၀၀)တင်း အရောင်းအဝယ်ဖြစ်ကြောင်း သိရှိရပါသည်။

DOCA(စစ်ကိုင်း)

                စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စက်သုံးဆီတင်သွင်း သိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ ရည်ညွှန်းလက္ကားစျေးနှုန်းများအား နေ့စဉ်ထုတ်ပြန်ပေးလျှက်ရှိပြီး စားသုံးသူရေးရာဦးစီးဌာန၊ မကွေးခရိုင်ဦးစီးမှူးရုံးမှ ဝန်ထမ်းများသည် မကွေးမြို့ပေါ်ရှိ စက်သုံးဆီဆိုင်များအား စက်သုံးဆီတင်သွင်း/ သိုလှောင်/ ဖြန့်ဖြူးခြင်းလုပ်ငန်း ကြီးကြပ်ရေးကော်မတီမှ ထုတ်ပြန်ပေးထားသော စက်သုံးဆီစျေးနှုန်းများအတိုင်း ရောင်းချမှုရှိ/မရှိအား နေ့စဉ်ကွင်းဆင်း စိစစ်ကြီးကြပ်လျှက်ရှိပါသည်။

            မကွေးမြို့ပေါ်ရှိ စက်သုံးဆီဆိုင်များသည် ပုံမှန်ဆိုင်ဖွင့်ရောင်းချလျက်ရှိကြပြီး ၂၀၂၂ခုနှစ် ၊ မေလ စတုတ္ထပတ်အတွင်း ဒီဇယ်(ရိုးရိုး) (၁)လီတာ (၂၃၇၅)ကျပ်၊ ဒီဇယ်(ပရီမီယမ်) (၁) လီတာ (၂၄၀ဝိ/-)ကျပ်၊ ဓါတ်ဆီ(92)(၁)လီတာ(၂၂၇ဝိ/-)ကျပ်နှင့် ဓါတ်ဆီ(95) (၁)လီတာ (၂၃၈၅)ကျပ် အသီးသီးရှိခဲ့ပြီး ၂၀၂၂ ခုနှစ် ၊ ဇွန်လ ပထမပတ်အတွင်း  ဒီဇယ်(ရိုးရိုး)  (၁)လီတာ (၂၄၅၅)ကျပ်၊  ဒီဇယ်(ပရီမီယမ်)    (၁)လီတာ (၂၄၈၅)ကျပ်၊ ဓါတ်ဆီ(92)(၁)လီတာ( ၂၂၀၅) ကျပ်နှင့် ဓါတ်ဆီ (95)(၁) လီတာ (၂၂၅၅)ကျပ်တို့ဖြစ်သဖြင့် ယခင်မေလ စတုတ္ထပတ်နှင့် ယခုဇွန်လ ပထမပတ်တို့ နှိုင်းယှဉ် ကြည့်ပါက ဒီဇယ်(ရိုးရိုး)(၁) လီတာလျှင် (၈ဝိ/-)ကျပ်နှင့် ဒီဇယ် (ပရီမီယမ်) (၁)လီတာ လျှင်(၈၅) ကျပ်တို့   စျေးနှုန်းမြှင့်တက်ခဲ့ပြီး ဓါတ်ဆီ(92)(၁)လီတာလျှင် (၆၅)ကျပ်နှင့် ဓါတ်ဆီ (95)(၁)လီတာ (၁၃ဝိ/-)ကျပ်တို့ စျေးနှုန်းသက်သာလာကြောင်း တွေ့ရှိရပါသည်။

DOCA(မကွေး)

             စစ်ကိုင်းတိုင်းဒေသကြီး၊ ကလေးခရိုင်၊ သာစည်ကျေးရွာတွင် နှစ်ရှည်လိုင်ချီးသီးပင်များအား  မြေယာလွတ် မိမိအိမ်ဝန်းများအတွင်း တစ်ပိုင်တစ်နိုင် စိုက်ပျိုးခြင်းအားဖြင့် မိုးတွင်းကာလတွင် အပိုဝင်ငွေအဖြစ် နှစ်စဉ်ရရှိလျက်ရှိကြောင်း သိရသည်။

             မိမိအိမ်နောက်ဖေးတွင် စိုက်ပျိုးထားသည့် လိုင်ချီးသီးပင်များကို ကိုင်းပွား၍ စိုက်ပျိုးမည်ဆိုပါက နှစ်ချင်း အသီးသီးပြီး အစေ့မှစိုက်ပျိုးမည်ဆိုပါက ( ၁၀ ) နှစ်မှ ( ၁၅ ) ခန့် ကြာမှ အသီးများ စတင်သီးသည်ဟု သာစည်ကျေးရွာနေ လိုင်ချီးစိုက်ပျိုးသူ ဒေါ်လှစိန်မှ ပြောကြားပါသည်။

            လိုင်ချီးသီးသည် အရသာအလွန်ချိုသော်လည်း သကြားဓါတ်သည် သဘာဝသစ်သီး သကြားဓါတ်ဖြစ်ပါသည်။ အမျှင်ဓါတ်ကြွယ်ဝစွာပါရှိသောကြောင့် အစာကျေညက်လွယ်ပြီး အရွယ်တင် နုပျိုစေရန်နှင့် အသက်ရှည်စေရန်အတွက် တိုင်းရင်းဆေးဝါးကုထုံးများတွင်လည်း အသုံးပြုလေ့ရှိသည်ဟု လေ့လာသိရှိရပါသည်။

             လိုင်ချီးသီးသည် ဇန်နဝါရီလတွင် စတင်ဖူးပွင့်ပြီး ဧပြီလ နောက်ဆုံးပတ်တွင် စတင် အသီးများရောင်းချပြီး ဇွန်လတွင် အသီးများ ခူးဆွတ်ရောင်းချပြီးဖြစ်ပါသည်။ အပင်အရွယ်အစား ပေါ်မူတည်၍ အသီးအနည်း/အများ အလိုက် ဝင်ငွေရရှိမှု ကွာခြားပါသည်။ ပေါ်စတွင် လိုင်ချီးသီး တစ်လုံးလျှင် ( ၅၀ ) ကျပ်ခန့် ဈေးနှုန်းရရှိပြီး အသီးလှိုင်လာပါက အလုံး ( ၃၀ - ၃၅ ) လုံးလျှင် ( ၁၀၀၀ ) ကျပ်ဖြင့် ရောင်းချရပါသည်။ အချို့အပင်များသည် တစ်ရာသီတွင် ( ၁၀၀၀၀၀ ) ကျပ်ခန့်နှင့် အပင်ကြီးပါက ( ၃၀၀၀၀၀ ) ကျပ်ခန့် ပုံမှန်ဝင်ငွေ ရရှိလျက်ရှိပါသည်။

              ထိုကဲ့သို့  မိမိတို့၏အိမ်ဝန်းခြံများအတွင်း ရာသီစာသီးနှံဖြစ်သည့် လိုင်ချီးသီး စိုက်ပျိုးထားရှိခြင်းဖြင့် နှစ်စဉ်ငွေပုံမှန်ရရှိနေကြောင်း သိရသည်။

DOCA(စစ်ကိုင်း)

          စစ်ကိုင်းမြို့နယ်တွင် မိရိုးဖလာ လက်ဆင့်ကမ်းအမွေအဖြစ် ဆွေစဉ်မျိုးဆက် ရက်ကန်းလုပ်ငန်းကို လုပ်ကိုင်လျှက်ရှိရာ စစ်ကိုင်းမြို့နယ်တွင် ရက်ကန်းလုပ်ငန်းလုပ်ကိုင်သည့်  ကျေးရွာ (၃၃) ရွာကျော်တွင် တစ်ပိုင်တစ်နိုင် ရက်ကန်းလုပ်ငန်း လုပ်ကိုင်သူပေါင်း(၂၀၀၀) ကျော်ခန့်ရှိသဖြင့် ၂၀၁၄ ခုနှစ်က ပြည်တွင်းကုန်သွယ်မှုမြှင့်တင်ရေးဦးစီးဌာနမှ  ဦးဆောင်၍ စစ်ကိုင်းမြို့နယ်ရက်ကန်းအသင်းကို အလုပ်အမှုဆောင်(၂၅)ဦး၊ အသင်းသား(၂၂၆၀)ဦးဖြင့် ဖွဲ့စည်းခဲ့ပါသည်။ စစ်ကိုင်းမြို့ပေါ်၌ လက်ရက်ကန်းလုပ်ကိုင်သူ (၃၀)ဦးနှင့် စက်ရက်ကန်းလုပ်ကိုင်သူ (၅)ဦး၊ ပေါင်း(၃၅)ဦးခန့် ရှိရာ  စစ်ကိုင်းမြို့၊ အိုးဘိုရပ်ကွက်ရှိ ဒေါ်ဇာဇာစိုး၏ တစ်ပိုင်တစ်နိုင် အိမ်တွင်းစီးပွားဖြစ် လုပ်ကိုင်သော လက်ရက်ကန်းလုပ်ငန်းသို့ ဇွန်လ ၂ ရက်နေ့က စားသုံးသူရေးရာဦးစီးဌာန၊ စစ်ကိုင်းခရိုင် ဦးစီးမှူး၊ ဒု-ခရိုင်ဦးစီးမှူးနှင့် ဝန်ထမ်း(၁)ဦး သွားရောက်တွေ့ဆုံခဲ့ပါသည်။

     ရက်ကန်းလုပ်ငန်းရှင် ဒေါ်ဇာဇာစိုးသည် လွန်ခဲ့သည့် နှစ်(၂၀)ခန့်က လက်ရက်ကန်းစင် (၅) စင် အား အရင်းအနှီးငွေကျပ် တစ်သိန်းဖြင့်မတည်၍ စတင်လုပ်ကိုင်ခဲ့ကြောင်း၊ လက်ရက်ကန်းစင် (၅)စင်တွင် အမျိုးသမီးလုပ်သား(၈)ဦးအား အလုပ်အကိုင် အခွင့်အလမ်းများ ပေးနိုင်ပါကြောင်း၊ လက်ရက်ကန်းအတွက် လိုအပ်သော ကုန်ကြမ်း ရိုးရိုးချည်( စီလွန်ချည်) ကို စစ်ကိုင်းမြို့၊ ချမ်းသာ ပိုးထည်တိုက်မှ ဝယ်ယူကြောင်း၊ လက်ရက်ကန်းစင်(၁)စင်၊ လုံချည်(၁)ကွင်းလျှင် (၅/၆) ရက် ရက်လုပ်ရပြီး လက်ခ (၂၅၀၀ဝိ/-)ရကြောင်း၊ လုံချည် (၁)ကွင်းလျှင် ရင်းနှီးငွေအနေဖြင့် ချည်ဘိုး (၁၅၀၀ဝိ/-)နှင့် လုပ်အားခ (၂၅၀၀ဝိ/-)၊ ပေါင်း(၄၀၀၀ဝိ/-) ရှိပြီး (၄၅၀၀ဝိ/-) ဖြင့် ကုန်ကြမ်း ဝယ်ယူသော စစ်ကိုင်းမြို့ရှိ ချမ်းသာပိုးထည်တိုက်သို့ ပြန်သွင်းကြောင်း၊ လက်ကန်းစင်(၁)စင်လျှင် ပျမ်းမျှ လုံချည်(၅)ကွင်းနှုန်းဖြင့် (၅)စင်လျှင် လုံချည်(၂၅)ကွင်း ထွက်ရှိပြီး အလုပ်ရှင်တစ်ဦးအနေဖြင့် အမြတ်များစွာမယူဘဲ အလုပ်သမားအား သင့်လျော်သော လုပ်ခများပေး၍ လုပ်ငန်းများကို လုပ်ကိုင်လျှက်ရှိကြောင်း ရက်ကန်းလုပ်ငန်းရှင် ဒေါ်ဇာဇာစိုးထံမှ သိရှိရပါသည်။

DOCA(စစ်ကိုင်း)