ပြည်တွင်းကုန်သွယ်မှုသတင်း

      သရက်မြို့၌ ကြက်သွန်နီစိုက်တောင်သူအများစုသည် သီတင်းကျွတ်ကာလတွင် ကြက်သွန်နီများကို စတင်ပျိုးထောင်လေ့ရှိကြပါသည်။ ယခုနှစ်တွင် မိုးရွာသွန်းမှု များသောကြောင့် ကြက်သွန်နီ ပျိုးပင်များစွာပျက်စီးခဲ့ရသဖြင့် တန်ဆောင်မုန်းလဆန်းတွင် တဖန်ပြန်လည် ပျိုးထောင်ကြပါသည်။ ၎င်းကိုတောင်သူအခေါ်ဖြင့် (ပျိုးနောက်ကျသည်)ဟုလည်းခေါ်ကြပါသည်။

          ကြက်သွန်နီများအား စတင်ပျိုးထောင်ရာတွင် (၁)လခွဲမှ (၂)လခန့်အထိ အချိန်ယူရပါကြောင်း၊ ပျိုးပင်များကြီးထွားလာချိန်တွင် စိုက်ကျဉ်းထဲသို့ခွဲ၍ စိုက်ရပြီး စိုက်ပျိုးရာတွင် တစ်ပင်နှင့် တစ်ပင်မှာ ပျမ်းမျှ(၆)လက်မခွာ၍ စိုက်ရပါကြောင်း၊ (၃)လကြာအောင် ရေသွင်းစိုက်ပျိုးရပြီး (၅)လအကြာတွင် ကြက်သွန်နီများကို စတင်တူးဖော်၍ ဈေးကွက်ထဲသို့ရောင်းချကြောင်း၊ သရက်မြို့၌ ကြက်သွန်နီစိုက်တောင်သူများအနေဖြင့် ယခုနှစ်တွင် ပျိုးချိန်နောက်ကျ၍ စိုက်ပျိုးရရှိသောကြောင့် ကြက်သွန်နီ(အသစ်)များမှာ မထွက်ရှိသေးသော်လည်း သရက်မြို့ မြို့မဈေး၌ ယခုဒီဇင်ဘာ စတုတ္ထပတ်တွင် ကြက်သွန်နီ(အဟောင်း)မှာ (၁)ပိဿာလျှင် ကျပ်(၄၅၀၀-၅၀၀၀)ဖြစ်၍ ဈေးကောင်းလျက်ရှိနေကြောင်း အနောက်ရပ်တောင်ပိုင်းရပ်ကွက်ရှိ မြန်မာခြံကျေးရွာ၌ ကြက်သွန်နီစိုက်ပျိုးသည့် တောင်သူ ဒေါ်ဆွေဆွေအေးထံမှ သိရပါသည်။

DOCA(မကွေး)

          ကယားပြည်နယ်တွင် ပဲအမျိုးမျိုးစိုက်ပျိုးလျက်ရှိရာပဲပုတ်ကိုလည်း အဓိကထားစိုက်ပျိုး ကြပါသည်။ ပဲပုတ်သည်လူအများစုကြိုက်နှစ်သက်ပြီး ကျန်းမာရေးနှင့်ညီညွတ်သည် Protein ဓာတ်ကြွယ်ဝသော အစားအစားတစ်မျိုးဖြစ်ပြီး ဒေသထွက်ပဲပုတ်စေ့မှ ပဲပြား၊ ပဲနို၊ ပဲပုတ်ပြားများ ထုတ်လုပ်ပြီး ဈေးကွက်အတွင်းရောင်းချကြရာ ပဲပုတ်ပြားသည်ဒေသထွက် ရိုးရာအစားအစား များတွင်တစ်မျိုးပါဝင်ပြီး ဒေသတွင်စားသုံးခြင်း၊ ဒေသထွက်လက်ဆောင်ပစ္စည်းအဖြစ်လည်း ရောင်းချလျှက်ရှိပါသည်။ ပဲပုတ်ကိုလွိုင်ကော်မြို့နယ်အတွင်းရှိ ကျေးရွာများတွင်အများဆုံးပြု လုပ်ရောင်းချကြပြီး ယခုလက်ရှိဒီဇင်ဘာလတွင်ပဲပုတ်ပြားတစ်ပိဿာလျှင် (၅၅၀၀)ကျပ်ဈေး ရှိပြီးယခင်နိုဝင်ဘာလတွင် ပဲပုတ်ပြားတစ်ပိဿာလျှင်(၆၀၀၀)ကျပ်အထိဈေးနှုန်းရှိခဲ့ပြီး ယခင် လနှင့်ယခုလနှိုင်းယှဉ်လျှင် ပဲပုတ်ပြားတစ်ပိဿာလျှင်(၅၀၀)ကျပ်ခန့် ဈေးနှုန်းကျဆင်းလာ ကြောင်း ပဲပုတ်စိုက်ပျိုးထုတ်လုပ်ရောင်းချသူတစ်ဦးထံမှသိရပါသည်။

DOCA(ကယား)

          ကယားပြည်နယ် ဒီဇင်ဘာလစတုတ္ထပတ်အတွင်းဖြစ်ပေါ်နေသော ဓါတ်မြေဩဇာ ဈေးနှုန်းများမှာ ယူးရီးယား(အာမို)တစ်အိတ်လျှင် (၁၁၃၀၀၀)ကျပ်၊ ယူးရီးယား(ဩဘာ) တစ်အိတ်လျှင်(၁၁၀၀၀၀)ကျပ်၊ တီစူပါ(သံကွင်း)တစ်အိတ်လျှင်(၁၃၅၀၀၀)ကျပ်၊ ပုလဲရွှေတောင် တစ်အိတ်လျှင်(၁၁၀၀၀၀)ကျပ်၊ ရွှေကောမတ်တစ်အိတ်လျှင်(၁၃၅၀၀၀)ကျပ်၊ ပိုတက်(ဂျာမနီ) တစ်အိတ်လျှင်(၁၃၅၀၀၀)ကျပ်၊ ကူကြာကူတစ်အိတ်လျှင်(၁၀၅၀၀၀)ကျပ်တို့ဖြင့် အရောင်း အဝယ်ဖြစ်ကြလျှက်ရှိပြီး ယခင်အပတ်နှင့် ဈေးနှုန်းနှိုင်းယှဉ်ကြည့်လျှင် ယူးရီးယား(အာမို) တစ်အိတ်လျှင်(၂၀၀၀)ကျပ်၊ ယူးရီးယား(ဩဘာ) တစ်အိတ်လျှင်(၅၀၀၀)ကျပ်၊ တီစူပါ(သံကွင်း) တစ်အိတ်လျှင်(၁၅၀၀၀)ကျပ်၊ ပုလဲရွှေတောင် တစ်အိတ်လျှင်(၅၀၀၀)ကျပ်၊ ပိုတက်(ဂျာမနီ) တစ်အိတ်လျှင်(၅၀၀၀)ကျပ်တို့ဖြင့် ဈေးနှုန်းကျဆင်းလျှက်ရှိပါကြောင်း ဓါတ်မြေဩဇာ အရောင်းဆိုင်ထံမှ သိရှိရပါသည်။

DOCA(ကယား)

         စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မင်းဘူးခရိုင်၊ ပွင့်ဖြူမြို့နယ်တာဝန်ခံ ဒု-ဦးစီးမှူးဒေါ်ဌေးဌေးဝင်းသည် (၁၆.၁၂.၂၀၂၂)နေ့ နံနက်(၁၀:၀၀)နာရီ အချိန်တွင် ပြည်တွင်းကုန်သွယ်မှုဖွံ့ဖြိုးတိုးတက်စေရေးအတွက် ပွင့်ဖြူမြို့နယ် ကံသာကြီးကျေးရွာ၌ မိုးစပါးစိုက်ပျိုးထုတ်လုပ်သူ တောင်သူဦးငယ်လေးနှင့်တွေ့ဆုံ၍ မိုးစပါးရိတ်သိမ်းနေမှု အခြေအနေအား ကွင်းဆင်းလေ့လာဆွေးနွေးခဲ့ပါသည်။

    မိုးစပါးများအားဇွန်လမှ စတင်၍(၅)ဧကခန့် စိုက်ပျိုးထားရှိပါကြောင်း၊ ဧရာပဒေသာစပါးများကိုသာ စိုက်ပျိုးထားပါကြောင်း၊ စတင်စိုက်ပျိုးချိန်တွင် ထယ်ထိုးရန်အတွက် ထွန်စက်ကြီးမောင်းနှင်ခမှာ တစ်ဧကလျှင် ကျပ်(၄၀၀၀၀)ကုန်ကျပါကြောင်း၊ ထွန်စက်ဖြင့်ထယ်ထိုးပြီးနောက် ထပ်မံ၍ ထွန်(၁)ရှဉ်း လျှင် ကျပ်(၁၄၀၀၀)ဖြင့် ထွန်(၃)ရှဉ်းအတွက် (၂)ကြိမ်ထွန်ခ ကျပ်(၈၄၀၀၀)ကုန်ကျပါကြောင်း၊ ထွန်စက် ဖြင့်ထယ်ထိုးပြီးချိန်တွင် ဓါတ်မြေဩဇာအောက်ခံပက်ရန်အတွက် ကျပ်(၁၅၀၀၀)ကုန်ကျပါကြောင်း၊ မျိုးဘိုးမှာ တစ်ဧကလျှင် တစ်တင်းခွဲနှုန်းဖြင့် ကျပ်(၂၂၅၀၀)ကျန်ကျပါကြောင်း၊ ၎င်းနောက် မျိုးတစ်တင်းခွဲအား တိုက်ရိုက်အစေ့ချခမှာ တစ်ဧကလျှင် ကျပ်(၂၅၀၀၀)ကုန်ကျပါကြောင်း၊ အပင်ပေါက် များစတင်ပေါက်ချိန်တွင် အပင်အားဆေးနှင့်ပေါင်းအုပ်ဆေးမှာ ကျပ်(၁၅၀၀၀)ကုန်ကျပါကြောင်း၊ အပင်တစ်လခွဲသားအရွယ်တွင် ပိုးသတ်ဆေးနှင့် အပင်အားဆေး(၂)မျိုးပေါင်း ကျပ်(၃၀၀၀၀) ကုန်ကျပါကြောင်း၊ အစေ့များအား တိုက်ရိုက်ချသောကြောင့် အချို့နေရာများတွင် အပင်များကျဲနေသဖြင့် အပေါက်ဖာရပါသောကြောင့် မျိုးပင်ပေါက်များအားတစ်ရာလျှင် ကျပ်(၁၅၀၀၀)နှင့် ပျိုးပင်ပေါက် (၂၀၀)ဝယ်ယူ၍ဖာရပါသဖြင့် ကျပ်(၃၀၀၀၀)ကုန်ကျပါကြောင်း၊ စပါးအနှံများမထွက်ခင် အပင်များ ပါးနေသဖြင့် အပင်အားဆေး နှင့် ပိုးသတ်ဆေး(၂)မျိုးပေါင်း ကျပ်(၆၀၀၀၀)ဘိုးအား လူငှား(၂)ဦးဖြင့် ပက်ဖျန်းရာ လူငှား(၁)ဦးလျှင် နေ့တစ်ဝက်ခကျပ်(၂၅၀၀)ဖြင့် ကျပ်(၅၀၀၀)ကုန်ကျပါကြောင်း၊ ထို့နောက် ပေါင်းပင်၊ မြက်ပင်များကို လည်းလူငှား(၆)ဦးဖြင့် နေ့တစ်ဝက်ငှားရမ်းခအနေဖြင့် (၁)ဦးလျှင် ကျပ် (၂၅၀၀)ဖြင့် (၆)ဦး ကျပ်(၁၅၀၀၀)ကုန်ကျပါကြောင်း၊ ယခု ဒီဇင်ဘာလတွင် စတင်ရိတ်သိမ်းနေပြီ ဖြစ်ပါကြောင်း၊ စပါးများရိတ်သိမ်းရာတွင် ရိတ်သိမ်းခြွေလှေ့စက်ဖြင့်ရိတ်သိမ်းရသဖြင့် ငှားရမ်းခအနေဖြင့် (၁)ဧကလျှင်ကျပ်(၁)သိန်း ကုန်ကျပါကြောင်း၊ လယ်ထဲတွင် တစ်ခါတည်းရိတ်သိမ်းပြီး စပါးများအား ကုန်သည်များထံသို့ တိုက်ရိုက်ရောင်းချပါကြောင်း၊ ဧရာပဒေသာ စပါး(၁)တင်းလျှင် ကျပ်(၁၄၀၀၀) ရရှိပါကြောင်း၊ (၁)ဧကလျှင် ပျမ်းမျှ တင်း(၈၀)ခန့်ထွက်ရှိမည်ဟု ခန့်မှန်းပါကြောင်း၊ (၁)ဧက ကုန်ကျစရိတ်မှာ ကျပ်(၄၄၁၅၀၀)ကုန်ကျပြီး  ရှိရမှုဝင်ငွေမှာ ကျပ်(၁၁၂၀၀၀၀)ဖြစ်၍ အကျိုးအမြတ်အနေဖြင့် ကျပ်(၆၇၈၅၀၀)ရရှိမည်ဟု ခန့်မှန်းပါကြောင်း၊ မိုးစပါးစိုက်ပျိုးသည့် တောင်သူဦးငယ်လေးထံမှ သိရှိရပါသည်။

DOCA(မကွေး)

          ၂၀၂၂ ခုနှစ် ၊ ဒီဇင်ဘာလ စတုတ္ထပတ်အတွင်း လွိုင်ကော်မြို့နယ် အခြေခံစားကုန်များ ဖြစ်သော အခြေခံစားကုန်ဈေးနှုန်းများမှာ ရွှေဘိုပေါ်ဆန်း တစ်ပြည်လျှင် (၄၃၀၀) ကျပ်၊ ရွှေရင်အေး တစ်ပြည် (၂၉၅၀) ကျပ်၊ ဇီယာ တစ်ပြည်(၂၀၀၀)ကျပ်ဖြင့်လည်းကောင်း စားသုံးဆီအနေဖြင့် စားအုန်းဆီတစ်ပိဿာလျှင် (၅၈၀၀)  ကျပ်၊ မြေပဲဆီ တစ်ပိဿာလျှင်(၁၂၀၀၀)ကျပ်၊ နှမ်းဆီ တစ်ပိဿာလျှင်(၁၃၀၀၀)ကျပ် တို့ဖြင့် လည်းကောင်း စားဖိုဆောင်သီးနှံအနေဖြင့် ကြက်သွန်နီလက်လီတစ်ပိဿာလျှင် (၄၀၀၀)ကျပ်မှ (၄၅၀၀) ကျပ် ထိ ၊ ကြက်သွန်ဖြူ(ရှမ်း) လက်လီ တစ်ပိဿာလျှင်(၄၂၀၀)ကျပ် မှ (၄၈၀၀)ကျပ်ထိ၊ ချင်းတက် လက်လီ တစ်ပိဿာလျှင်(၁၁၀၀)ကျပ် မှ (၁၅၀၀)ကျပ်ထိ ၊ ငရုတ်ခြောက် အမျိုးအစား အလိုက်(၁၄၀၀၀)ကျပ်မှ(၁၇၀၀၀)ကျပ်ထိ၊ အာလူး (၂၃၀၀)ကျပ် မှ (၂၅၀၀)ကျပ်ထိ ၊ ခရမ်းချဉ်သီး တစ်ပိဿာလျှင်(၁၃၀၀)ကျပ် မှ (၁၅၀၀)ကျပ် တို့ဖြင့် လည်းကောင်း၊ ကြက်ဥလက်လီ ဈေးနှုန်းမှာ  ကြီး တစ်လုံး(၂၃၀) ကျပ်၊ သေး တစ်လုံး(၂၁၀)ကျပ်၊ ဘဲဥ(ကြီး) တစ်လုံး (၂၆၀) ကျပ်၊ ဘဲဥ (သေး)တစ်လုံး(၂၄၀)ကျပ်ဖြင့်လည်းကောင်း၊ လွိုင်ကော်မြို့၏ သား/ငါး ဈေးနှုန်းမှ ကြက်သား (ဗမာ) တစ်ပိဿာလျှင် (၁၁၀၀၀)ကျပ်မှ (၁၂၀၀၀)ကျပ်၊ ဝက်သား တစ်ပိဿာလျှင် (၁၄၀၀၀) ကျပ်မှ(၁၅၀၀၀)ကျပ်ထိ၊အမဲသား တစ်ပိဿာလျှင်(၁၄၀၀၀)ကျပ်မှ (၁၅၀၀၀)ကျပ်ထိ၊ငါးမြစ်ချင်း တစ်ပိဿာလျှင်(၈၀၀၀)ကျပ်မှ(၉၀၀၀)ကျပ်ထိ၊ ငါးကြင်းတစ်ပိဿာလျှင် (၉၀၀၀)ကျပ်မှ(၁၀၀၀၀) ကျပ်တို့ဖြင့် အရောင်းအဝယ်ဖြစ်နေကြောင်း လွိုင်ကော်မြို့ သီရိမင်္ဂလာဈေးအတွင်းရောင်းချနေသော ဈေးသည်များထံမှ သိရပါသည်။

DOCA(ကယား)