ပြည်တွင်းကုန်သွယ်မှုသတင်း

      စစ်ကိုင်းတိုင်းဒေသကြီးသည် ဆန်ပိုဒေသများဖြစ်သော ကလေးခရိုင်နှင့် ကသာခရိုင်တို့တွင် စပါး/ဆန်ဈေးနှုန်းများမှာ ဈေးအေးနေပြီး၊ ရွှေဘိုခရိုင်တွင် စပါး/ဆန်ဈေးနှုန်းမှာ အနည်းငယ်ကျနေသော်လည်း မုံရွာခရိုင်နှင့် ကန့်ဘလူခရိုင်တို့တွင်  ဧရာမင်းစပါး/ဆန်ဈေနှုန်တို့မှား အနည်းငယ်တက်နေကြောင်း သိရပါသည်။

     စစ်ကိုင်းတိုင်းဒေသကြီးအတွင်း ဒီဇင်ဘာလ နောက်ဆုံးအပတ်တွင် ဖြစ်ပေါ်နေသော စပါး/ ဆန်ဈေးနှုန်းများမှာ ရွှေဘိုခရိုင်တွင် ရွှေဘိုပေါ်ဆန်း(စပါး) (ဟောင်း) တင်း ၁၀၀ လျှင် ကျပ်(၂၆၀၀၀၀၀)၊ ပေါ်ဆန်း (ဆန်) (ဟောင်း)  ၂၄  ပြည်ပါတစ်အိတ်လျှင် ကျပ်  ၈၈၀၀၀၊ ရွှေဘိုပေါ်ဆန်း(စပါး) (သစ်) တင်း ၁၀၀ လျှင် ကျပ်(၁၅၅၀၀၀၀)၊ ပေါ်ဆန်း(ဆန်)(သစ်) ၂၄ ပြည်ပါတစ်အိတ်လျှင်ကျပ်  ၅၅၀၀၀၊ ဧရာမင်း (စပါး) (ဟောင်း) တင်း ၁၀၀ လျှင် ကျပ် ၁၄၅၀၀၀၀၊ ဧရာမင်း(ဆန်) (ဟောင်း)  ၂၄ ပြည်ပါတစ်အိတ်လျှင် ကျပ် ၆၅၀၀၀၊ ဧရာမင်း(စပါး)(သစ်) တင်း ၁၀၀လျှင် ကျပ် ၁၀၀၀၀၀၀၊ ဧရာမင်း(ဆန်) (သစ်)  ၂၄ ပြည်ပါတစ် အိတ်လျှင် ကျပ် ၄၃၀၀၀၊ ရေဦးမြို့မှ ပေါ်ဆန်း (စပါး) (ဟောင်း)  တင်း ၁၀၀ လျှင် ကျပ် ၂၃၀၀၀၀၀၊ ပေါ်ဆန်း (ဆန်)(ဟောင်း)တစ်အိတ်လျှင် ကျပ် ၈၀၀၀၀၊  ပေါ်ဆန်း(စပါး)(သစ်)  တင်း ၁၀၀ လျှင် ကျပ် ၁၄၅၀၀၀၀၊ ပေါ်ဆန်း (ဆန်) (သစ်)တစ်အိတ်လျှင် ကျပ် ၅၀၀၀၀၊  ဧရာမင်း(စပါး)(ဟောင်း) တင်း ၁၀၀လျှင် ကျပ် ၁၃၀၀၀၀၀၊ ဧရာမင်း (ဆန်)(ဟောင်း)၂၄ ပြည်ပါတစ်အိတ်လျှင် ကျပ်  ၅၈၀၀၀၊ ဧရာမင်း (စပါး)(သစ်) တင်း ၁၀၀ လျှင် ကျပ် ၁၀၀၀၀၀၀ နှင့် ဧရာမင်း (ဆန်)(သစ်)၂၄ ပြည်ပါတစ်အိတ်လျှင်   ၄၀၀၀၀ ကျပ်တို့ဖြင့် အရောင်းအဝယ်ဖြစ်နေကြောင်း သိရပါသည်။

       ကလေးခရိုင်၊ ကလေးမြို့နယ်မှ ဧည့်မထ(စပါး)(ဟောင်း) တင်း ၁၀၀ လျှင် ကျပ် ၁၀၅၀၀၀၀၊ ဧည့်မထ (ဆန်)(ဟောင်း)‌ ၂၄ ပြည်ပါတစ်အိတ်လျှင် ကျပ် ၄၄၀၀၀၊ ဧည့်မထ(စပါး)(သစ်) တင်း ၁၀၀ လျှင် ကျပ် ၁၀၀၀၀၀၀၊ ဧည့်မထ(ဆန်)(သစ်)‌ ၂၄ ပြည်ပါတစ်အိတ်လျှင် ကျပ် ၃၇၀၀၀၊ ငစိန်(စပါး)(ဟောင်း)တင်း ၁၀၀ လျှင် ကျပ် ၉၅၀၀၀၀ ၊ ငစိန်(ဆန်)(ဟောင်း) ၂၄ ပြည်ပါတစ်အိတ်လျှင်  ကျပ် ၄၀၀၀၀၊ ငစိန်(စပါး)(သစ်)တင်း ၁၀၀ လျှင် ကျပ် ၉၅၀၀၀၀ ၊ ငစိန်(ဆန်)(သစ်)၂၄ပြည်ပါတစ်အိတ်လျှင် ကျပ် ၃၅၀၀၀၊ ဧရာမင်း (စပါး)(ဟောင်း) တင်း ၁၀၀ လျှင် ကျပ် ၁၃၅၀၀၀၀၊ ဧရာမင်း(ဆန်)(ဟောင်း) ၂၄ ပြည်ပါတစ်အိတ်လျှင် ကျပ် ၅၅၀၀၀၊ ဧရာမင်း (စပါး)(သစ်) တင်း ၁၀၀ လျှင် ကျပ် ၁၀၅၀၀၀၀၊ ဧရာမင်း(ဆန်)(သစ်) ၂၄ ပြည်ပါတစ်အိတ်လျှင် ကျပ် ၄၁၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

       ကသာခရိုင်၊ အင်းတော်မြို့နယ်မှ မှော်ဘီ(၂)(စပါး)(ဟောင်း) တင်း ၁၀၀ လျှင် ကျပ် ၉၀၀၀၀၀၊ မှော်ဘီ(၂)(ဟောင်း) ဆန် ၂၄ ပြည်ပါတစ်အိတ်လျှင် ကျပ် ၄၀၀၀၀၊ မှော်ဘီ(၂)(စပါး)(သစ်)တင်း ၁၀၀ လျှင် ကျပ် ၉၀၀၀၀၀၊ မှော်ဘီ(၂)(သစ်) ဆန် ၂၄ ပြည်ပါတစ်အိတ် လျှင် ကျပ် ၄၀၀၀၀၊ ဆင်းဧကရီ(၃)(စပါး) (ဟောင်း)တင်း ၁၀၀ လျှင် ကျပ် ၈၅၀၀၀၀၊ ဆင်းဧကရီ-၃(ဟောင်း)ဆန် ၂၄ ပြည်ပါတစ်အိတ်လျှင် ကျပ် ၃၆၀၀၀၊  ဆင်းဧကရီ(၃)(စပါး) (သစ်) တင်း ၁၀၀ လျှင် ကျပ် ၈၅၀၀၀၀၊ ဆင်းဧကရီ-၃(သစ်) ဆန် ၂၄ ပြည်ပါတစ်အိတ်လျှင် ကျပ် ၃၆၀၀၀၊ ဧရာမင်း (စပါး)(ဟောင်း)တင်း ၁၀၀ လျှင် ကျပ် ၁၀၀၀၀၀၀၊ ဧရာမင်း(ဆန်)(ဟောင်း) ၂၄ ပြည်ပါတစ်အိတ်လျှင် ကျပ် ၅၀၀၀၀၊ ဧရာမင်း (စပါး)(သစ်)တင်း ၁၀၀ လျှင် ကျပ် ၁၀၀၀၀၀၀၊ ဧရာမင်း(ဆန်)(ဟောင်း) ၂၄ ပြည်ပါတစ်အိတ်လျှင် ကျပ် ၅၀၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

        မုံရွာခရိုင်၊ မုံရွာမြို့တွင် ဧရာမင်း(စပါး)(ဟောင်း) တင်း ၁၀၀ လျှင် ကျပ် ၁၄၀၀၀၀၀၊  ဧရာမင်း (ဆန်)(ဟောင်း)  ၂၄ ပြည်ပါတစ်အိတ်လျှင် ကျပ် ၆၁၀၀၀၊ ဧရာမင်း(စပါး)(သစ်) တင်း ၁၀၀ လျှင် ကျပ် ၁၂၀၀၀၀၀၊  ဧရာမင်း (ဆန်)(သစ်) ၂၄ ပြည်ပါတစ်အိတ်လျှင် ကျပ် ၄၉၀၀၀၊ ပေါ်ဆန်း(စပါး) (ဟောင်း)တင်း ၁၀၀ လျှင် ကျပ် ၂၂၀၀၀၀၀၊ ပေါ်ဆန်း(ဆန်)(ဟောင်း) ၂၄ ပြည်ပါတစ်အိတ်လျှင် ကျပ် ၈၃၀၀၀၊ ဧရာမင်း (စပါး) (သစ်) တင်း ၁၀၀ လျှင် ကျပ် ၁၅၀၀၀၀၀၊  ဧရာမင်း (ဆန်)(သစ်) ၂၄ ပြည်ပါတစ်အိတ်လျှင် ကျပ် ၆၀၀၀၀၊ မနောသုခ (စပါး)(ဟောင်း)တင်း ၁၀၀ လျှင် ကျပ် ၁၂၀၀၀၀၀၊ မနောသုခ (ဆန်)(ဟောင်း) ၂၄ ပြည်ပါတစ်အိတ်လျှင် ကျပ် ၄၄၀၀၀၊  မနောသုခ(စပါး)(သစ်) တင်း ၁၀၀ လျှင် ကျပ် ၁၀၅၀၀၀၀၊ မနော သုခ(ဆန်)(သစ်) ၂၄ ပြည်ပါတစ်အိတ်လျှင် ကျပ် ၄၀၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

       ကန့်ဘလူခရိုင်၊ ကန့်ဘလူမြို့တွင် ဧရာမင်း(စပါး)(ဟောင်း)တင်း ၁၀၀ လျှင် ကျပ် ၁၂၅၀၀၀၀၊  ဧရာမင်း (ဆန်)(ဟောင်း) ၂၄ ပြည်ပါတစ်အိတ်လျှင် ကျပ် ၆၀၀၀၀၊ ဧရာမင်း(စပါး)(သစ်)တင်း ၁၀၀ လျှင် ကျပ် ၁၀၅၀၀၀၀၊  ဧရာမင်း (ဆန်)(သစ် ၂၄ ပြည်ပါတစ်အိတ်လျှင် ကျပ် ၄၅၀၀၀၊ ပေါ်ဆန်း(စပါး)(ဟောင်း) တင်း ၁၀၀ လျှင် ကျပ် ၂၂၅၀၀၀၀၊ ပေါ်ဆန်း (ဆန်)(ဟောင်း) ၂၄ ပြည်ပါတစ်အိတ်လျှင် ကျပ် ၈၀၀၀၀၊ ပေါ်ဆန်း(စပါး)(သစ်) တင်း ၁၀၀လျှင် ကျပ် ၁၆၀၀၀၀၀၊ ပေါ်ဆန်း (ဆန်)(သစ်) ၂၄ ပြည်ပါတစ်အိတ်လျှင် ကျပ် ၆၃၀၀၀ တို့ဖြင့် အရောင်းအဝယ်ဖြစ်နေကြောင်း သိရပါသည်။

       စစ်ကိုင်းတိုင်းဒေသကြီးမှအခြားတိုင်းဒေသကြီးများသို့ ဆန်စီးထွက်မှုမှာ ဒီဇင်ဘာလ စတုတ္တအပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၃၂၀၀၀အိတ်၊ မန္တလေးသို့ အိတ်ရေ ၅၃၁၀၀ အိတ်၊ မကွေးသို့ အိတ်ရေ ၁၀၀၀ အိတ်၊ နေပြည်တော်သို့ အိတ်ရေ ၉၅၀၀ အိတ်၊ ရှမ်း (တောင်)သို့ အိတ်ရေ ၉၀၀၀ အိတ်၊ ရှမ်း(မြောက်)သို့အိတ်ရေ ၉၀၀၀ အိတ်၊ ကချင်သို့ အိတ်ရေ ၃၀၀၀ အိတ်၊ စုစုပေါင်းအိတ်ရေ (၁၁၆၆၀၀)အိတ်၊ တန်အားဖြင့် (၅၈၃၀)တန်စီးထွက်ခဲ့ပြီး၊ ယခု ဒီဇင်ဘာလ နောက်ဆုံးအပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၃၂၀၀၀ အိတ်၊ မန္တလေး သို့ အိတ်ရေ ၇၈၁၀၀ အိတ်၊ မကွေးသို့ အိတ်ရေ ၁၀၀၀ အိတ်၊ နေပြည်တော်သို့ အိတ်ရေ ၉၅၀၀ အိတ်၊ ရှမ်း (တောင်)သို့ အိတ်ရေ ၉၀၀၀ အိတ်၊ ရှမ်း(မြောက်)သို့ အိတ်ရေ ၉၀၀၀ အိတ်၊ ကချင်သို့ အိတ်ရေ ၂၀၀၀ အိတ်၊ စုစုပေါင်းအိတ်ရေ (၁၄၀၆၀၀)အိတ်၊ တန်အားဖြင့် (၇၀၃၀)တန်စီးထွက်ခဲ့သည့်အတွက် ယခင်အပတ်နှင့်နှိုင်းယှဉ်လျှင် ယခုအပတ်တွင် အိတ်ရေ (၂၄၀၀၀) အိတ် တန်အားဖြင့် (၁၂၀၀)တန် ပိုမို စီးထွက်ခဲ့ပါကြောင်း သိရှိရပါသည်။

DOCA(စစ်ကိုင်း)

        စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံး အနေဖြင့် စားသုံးသူအခွင့်အရေးနှင့် အကျိုးစီးပွားကာကွယ်ပေးရန်အတွက် စားသုံးသူကာကွယ်ရေး လုပ်ငန်းများကို ဆောင်ရွက်လျက်ရှိရာ ခရိုင်ဦးစီးမှူးနှင့် ရွှေဘိုမြို့နယ်တာဝန်ခံတို့သည် ဒီဇင်ဘာလ(၂၃)ရက်နေ့ နံနက်(၁၁:၃၀)နာရီအချိန်တွင် ရွှေဘိုမြို့ တဂဏန်းကျေးရွာရှိ အောင်ဆုမွန်စက်သုံးဆီ အရောင်းဆိုင်မှ တာဝန်ခံနှင့် တွေ့ဆုံဆွေးနွေးခဲ့ပါသည်။

           ထိုသို့စစ်ဆေးရာတွင် စက်သုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ နေ့စဉ်သတ်မှတ်ထုန်ပြန်ပေးသည့် ရည်ညွှန်းဈေးအတိုင်း ရောင်းချမှုရှိ/မရှိ၊ အချိန်အတွယ်နှင့်အလေးချိန် မှန်ကန်မှုရှိ/မရှိစစ်ဆေးရာ သတ်မှတ်ရည်ညွှန်းဈေးအတိုင်း ရောင်းချလျက်ရှိပြီး၊ အချိန်အတွယ်မှန်ကန်ကြောင်း စစ်ဆေးတွေ့ရှိရသဖြင့်  ဌာနမှဆောင်ရွက်နေသည့် စားသုံးသူကာကွယ်ရေးလုပ်ငန်းများကို စက်သုံးဆီရောင်းချသည့် စီးပွားရေးလုပ်ငန်းရှင်များ သိရှိနိုင်စေရန် စားသုံးသူကာကွယ်ရေးဥပဒေပါ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏ တာဝန်များ၊ ကုန်စည်နှင့်စပ်လျဉ်း၍ အာမခံချက်ပေးခြင်း၊   ကုန်စည်နှင့်စပ်လျဉ်း၍ အာမခံပေးထားမှုအပေါ် စားသုံးသူကတောင်းဆိုနိုင်သည့် အခွင့်အရေးများ၊  စားသုံးသူအခွင့်အရေးနှင့် အကျိုးစီးပွား ထိခိုက်နစ်နာမှုများရှိပါက တိုင်ကြားနိုင်သည့် အကြောင်းများ၊ တိုင်ကြားခြင်းအပေါ်  စိစစ်ညှိနှိုင်းဖြေရှင်း ဆောင်ရွက်ပေးခြင်းအကြောင်းများ၊ လုပ်ငန်းရှင်များအနေဖြင့် ကုန်စည်နှင့်ဝန်ဆောင်မှုများ ထုတ်လုပ်၊ ဖြန့်ဖြူး၊ ရောင်းချရာတွင် ကုန်အညွှန်းအမှတ်အသားအပါအဝင် လိုက်နာဆောင်ရွက်ရမည့်အချက်များကို စုံစမ်းနိုင်ရန်ရည်ရွယ်၍ ဌာနအနေဖြင့် Consumer Call Center ဝန်ဆောင်မှုများကို ဆောင်ရွက်ပေးလျက်ရှိရာ Consumer Call Centerနံပါတ် ၁၅၃၅သို့ ရုံးဖွင့်ရက်ရုံးချိန်အတွင်းမည်သည့် Operator Ph No. ကဖြစ်စေခေါ်ဆို၍ သိရှိလိုသည်များကို စုံစမ်းမေးမြန်းနိုင်သည့်အကြောင်းများ ရှင်းလင်းဆွေးနွေးခဲ့ပြီး စားသုံးသူကာကွယ်ရေး  အသိပညာပေးလက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။         

DOCA(စစ်ကိုင်း)

          မြန်မာနိုင်ငံတွင်သာမက ကမ္ဘာပေါ်ရှိ တိုင်းပြည်လူမျိုးတိုင်းကပင် အံ့ဩဘနန်းချီးမွမ်းခြင်းခံ ရသော လွန်းရာကျော် ကြိုးကြီးချိတ်ခေါ် ကြိုးချိတ်အထည်သည် မြန်မာနိုင်ငံတွင် စတင်ပေါ်ပေါက် လာပုံ သမိုင်းကြောင်းကို အကျဉ်းမျှ တင်ပြလိုပါသည်။

          မြန်မာသက္ကရာဇ်(၁၁၈၁)ခုနှစ်မှ(၁၁၉၉)ခုနှစ်အတွင်း ဘကြီးတော်မင်းတရားသည် မဏိပူရ ကသည်းပြည်၊ အာသံပြည်များသို့ သွားရောက်တိုက်ခိုက်ပြီးလျှင် ကသည်းရက်ကန်းသည်များကို ခေါ်ဆောင်လာ၍ အမရပူရ စစ်ကိုင်းရှိ ရက်ကန်းသည်များအား ကြိုးချိတ်အထည်ရက်လုပ်ခြင်း ပညာကို သင်ကြားစေပါသည်။ ၎င်းခေါ်ဆောင်လာရာတွင် လင်းဇင်းအက္ကဘတ်ဆိုသူ ရက်ကန်းပညာ ရှင်ကြီးမှာ ကြိုးချိတ်အထည်ရက်လုပ်ခြင်းကို အထူးတတ်ကျွမ်း၍ အမရပူရ ရက်ကန်းသည်များအား သင်ကြားခဲ့သည်။ ထိုအချိန်မှစ၍ အမရပူရမြို့တွင် ကြိုးချိတ်အထည်ရက်လုပ်ခြင်းကို အထူးတတ် ကျွမ်းလာပါသည်။ ထို့ကြောင့် “ အချိတ်အစ- မဏိပူရက” ဟူ၍လည်းကောင်း၊ “အချိတ်ကြီးအစ- ဘကြီးတော်ဘုရားလက်ထက်က” ဟူ၍လည်းကောင်း ဆိုစမှတ်ပြုကြပါသည်။

          ရတနာပုံ မန္တလေးခေတ်တွင် ကြိုးချိတ်ထည်များရက်လုပ်ခြင်းသည် အင်းဝခေတ် အမရပူရ ခေတ်ကဲ့သို့ မဟုတ်တော့ဘဲ အလွန်ပင်ကျယ်ပြန့်ဆန်းပြားလာပြီးလျှင် ကြိုးချိတ်ထည်ရက်လုပ်ခြင်း နှင့် ကြိုးချိတ် အသွင်အပြင်၊ အဆင်အသွေးတို့မှာ အထွတ်အထိပ်သို့ ရောက်လာပါသည်။ တင်စား၍ ပြရလျှင် အင်းဝ၊ ညောင်ရမ်းခေတ်တွင် ကြိုးချိတ်ရက်လုပ်ခြင်းပညာရပ်များ သန္ဓေတည်၍ အမရပူရ ခေတ်တွင် မွေးဖွားလာပြီး၊ ရတနာပုံခေတ်တွင် ကြီးထွားလာပါသည်။

          ရတနာပုံခေတ်၌ ကြိုးချိတ်အထည်များသည် အဆင်အသွေး ခမ်းနားဆန်းပြာလာပြီး၊ ဘုရင် မင်းမြတ်များ အထူးအလေးပေးဝတ်ဆင်ကြပါသည်။ သီပေါမင်းဝတ်ဆင်သော “ပိုး”တောင်ရှည်ပုဆိုး ၏ အောက်နားတွင် ဒေါင်း၊ ခြင်္သေ့၊ ဟင်္သာ စသည့် ရုပ်လုံးတော်အချိတ်ထည်များရက်လုပ်ကြောင်း၊ ဘုရင်၊ မိဖုရားများသာ ဝတ်ဆင်ရန် သတ်မှတ်ထားသော ကြိုးချိတ်အထည်များကို မည်သူမျှဝတ်ဆင် ခွင့်မရှိဟု သိရပါသည်။ ဘုရင်မင်းမြတ်ဝတ်ဆင်ပြီး(ဝတ်လဲတော်) ပုဆိုးများကို မောင်းမ မိဿံ၊ အခြွေအရံများနှင့် စစ်သူရဲကောင်းများအား ဆုတော်လာဘ်တော်အဖြစ် ချီးမြှင့်ပါသည်။ ရတနာပုံ ခေတ်က ရက်လုပ်သောကြိုးချိတ်ထည်များမှာ အလွန်ခမ်းနားဆန်းပြား၍ မန္တလေးမြို့ စာကြည့်တိုက် နှင့် ပြတိုက်များတွင် ယနေ့တိုင်တွေ့မြင်နိုင်ပြီး၊ ပျဉ်မနားမင်းသားနှင့် စုဖုရားလတ် ဝတ်ဆင်သော ကြိုးချိတ်ထည်များပါဝင်ပြီး၊ စုဖုရားလတ် ဝတ်ဆင်သော ကြိုးချိတ်အထည်မှာ လွန်းပေါင်း(၂၆၄) လွန်းအထိ ရက်ခတ်ထား၍ အလွန်ပင်အဆင့်မြင့်ပြီး ကျက်သရေရှိကြောင်း သိရပါသည်။

လွန်းရာကျော် ကြိုးကြီးချိတ်ခေါ်တွင်ပုံ

          လွန်းရာကျော် ကြိုးကြီးချိတ်ဟူသည်မှာ (၁) လွန်းရာကျော် (၂) ကြိုးကြီး (၃) အချိတ်ဟူသော ဝေါဟာရများကို ပေါင်းစပ်ခေါ်ဝေါ်ခြင်း ဖြစ်ပါသည် -

လွန်းရာကျော် ဆိုသည်မှာ  ကြိုးချိတ်အထည်ကို လွန်းတစ်ရာကျော်၊ နှစ်ရာကျော်ဖြင့် ရက် ခတ်ရသဖြင့် လွန်းရာကျော် ဟုခေါ်ပါသည်။ လွန်းတစ်ရာမကျော်ပါက လွန်းရာကျ ဟု ခေါ် ပါသည်။

ကြိုး ဆိုသည်မှာ အထည်၏အဆင်တွင် အကွေ့၊ အကောက်၊ အတွန့်၊ အလိမ်များကို ကြိုး ဟု ခေါ်ပါသည်။ ကြိုးတွင်လည်း အရန်ကြိုး၊ အဖြည့်ကြိုး၊ ကြိုးငယ်၊ ကြိုးကြီး ဟူ၍ရှိပါသည်။

အချိတ် ဆိုသည်မှာ အဆင်ဒီဇိုင်းကို ခေါ်ခြင်းမဟုတ်ပါ၊ ရက်လုပ်သော နည်းကိုသာ ခေါ်ခြင်း ဖြစ်ပါသည်။ ကြိုးချိတ်ထည်ရက်လုပ်သောအခါ ရှေ့ဦးပထမ လွန်းကလေးသည်သူနှင့် ဆိုင် သော ပင်စားကော်ပြီးပါက ဒုတိယလွန်းကလေးက ဆက်လက်ကော်ရန် ဖြစ်ပါသည်။ ပထမ လွန်းကလေးအဆုံးနှင့် ဒုတိယလွန်းကလေးအစ၌ အဖောက်ချည်နှစ်စဆုံရာတွင် ဒုတိယ အဖောက်ချည်သည် ပထမလွန်းကလေး အဖောက်ချည်ဝကို ချိတ်ပြီးမှ ၎င်းနှင့်ဆိုင်သော ပင်စားကိုကော်ရပါသည်။ ထိုအတူ ဒုတိယလွန်းကလေးအဆုံးနှင့် တတိယလွန်းကလေး အစတွင် အဖောက်ချည်နှစ်ပင်ဆုံရာ၌ တတိယလွန်းကလေး အဖောက်ချည်က ဒုတိယလွန်း ကလေးအဖောက်ချည်ကို ချိတ်ပြီးမှ မိမိနှင့်သက်ဆိုင်သော ပင်စားကို ကော်ရခြင်းဖြစ်ပါ သည်။ ဤသို့အဖောက်တစ်ပင်နှင့်တစ်ပင်ချိတ်ဆက်သောနေရာကို လင်းမြွေရိုး၊ လွန်းဖုဟူ၍ ခေါ်ပါသည်။ ဤသို့ အဖောက်တစ်ပင်နှင့် တစ်ပင်ချိတ်ဆက်ရခြင်းများ အထည်သားတွင် အဖောက်ချည်လွတ်မသွားအောင်၊ အထည်သားကျဲ မသွားအောင်ပြုလုပ်ခြင်း ဖြစ်ပါသည်။ ဤကဲ့သို့ အဖောက်ချည်တစ်ပင်နှင့် တစ်ပင်ချိတ်ဆက်ခြင်းကြောင့် အချိတ် ဟူသော ဝေါဟာရ ပေါ်လာရပါသည်။

ခေတ်သက္ကရာဇ်အလိုက် အုပ်စိုးသော ဘုရင်များလက်ထက် ကြိုးချိတ်ရက်လုပ်သော ဒေသများ

          ညောင်ရမ်းခေတ်(၁၇၃၃မှ ၁၇၅၅ထိ) ဟံသာဝတီမင်းလက်ထက်၌ ရက်လုပ်သောဒေသမှာ- အင်းဝ၊ ကုန်းဘောင်ခေတ်ဦး(၁၇၅၂မှ၁၇၆ဝထိ) အလောင်းဘုရားမင်းလက်ထက်၌ ရက်လုပ်သော ဒေသများမှာ- ရွှေဘိုနှင့်အင်းဝ၊ ကုန်းဘောင်ခေတ်(၁၇၆၃မှ၁၇၇၆ထိ)ဆင်ဖြူရှင်မင်းလက်ထက်၌ ရက်လုပ်သောဒေသများ- အင်းဝနှင့် အမရပူရ၊ အမရပူရ ခေတ်ဦး(၁၇၈၂မှ၁၈၅၉ထိ) ဘိုးတော်မင်း လက်ထက်၌ ရက်လုပ်သောဒေသများမှာ- အင်းဝ၊ အမရပူရနှင့် စစ်ကိုင်း၊ အမရပူရခေတ် (၁၈၁၉မှ၁၈၃၇ထိ) ဘကြီးတော် မင်းလက်ထက်၌ ရက်လုပ်သောဒေသများမှာ- အင်းဝ၊ အမရပူရနှင့် စစ်ကိုင်း၊ အမရပူရခေတ်နှောင်း (၁၈၄၆ မှ ၁၈၅၃ထိ) ပုဂံမင်းလက်ထက်၌ ရက်လုပ်သောဒေသ များမှာ- အမရပူရနှင့် စစ်ကိုင်း၊ ရတနာပုံခေတ်(၁၈၅၃မှ ၁၈၈၅ထိ) မင်းတုန်းမင်းနှင့် သီပေါမင်း လက်ထက်၌ ရက်လုပ်သောဒေသများမှာ-အမရပူရ၊ မန္တလေးနှင့် စစ်ကိုင်း။

စစ်ကိုင်းမြို့ ရက်ကန်းလုပ်ငန်း

          ရက်ကန်းလုပ်ငန်းကို ရှေးဘိုးဘွားအဆက်ဆက်မှ လက်ဆင့်ကမ်းအမွေအဖြစ်ရယူပြီး ယခု ချိန်ထိ လုပ်ကိုင်လျက်ရှိရာ စစ်ကိုင်းမြို့နယ်တွင် ရက်ကန်းလုပ်ငန်းလုပ်ကိုင်သည့် ကျေးရွာ(၃၃)ရွာ ကျော်တွင် တစ်ပိုင်တစ်နိုင် ရက်ကန်းလုပ်ငန်း လုပ်ကိုင်သူပေါင်း(၂၀၀၀)ကျော်ခန့်ရှိပါသည်။ စစ်ကိုင်းမြို့ပေါ်၌ လက်ရက်ကန်းလုပ်ကိုင်သူ(၃၀)ဦး၊ စက်ရက်ကန်း(၅)ဦး စုစုပေါင်း(၃၅)ဦး ရှိသည့် အနက် ပိုးအချိတ်ရက်ကန်းစင်(၁၅၀ )စင်ခန့်ရှိပါသည်။

ပိုးစစ်အချိတ်ထည်လုပ်ငန်း

စစ်ကိုင်းမြို့ပေါ်တွင် သီင်္ဂီစန်း၊ ပန်းဝတ်ရည်၊ သီရိသစ္စာ၊ ဇွဲမာန၊ အောင်ရတနာနှင့် လွင် စသည့် ပိုးစစ်အချိတ်ထည်ရက်လုပ်ပြီး၊ လက်လီ/လက်ကားဖြန့်ဖြူးရောင်းချသည့်လုပ်ငန်းများရှိပါ သည်။ ကုန်ကြမ်းများကိုမန္တလေး(အမရပူရ)မှ ဝယ်ယူရာတရုတ်မှဝင်သော“ပိုး”တစ်ပိဿာလျှင် ကျပ်(၄)သိန်း ပေါက်ဈေးရှိကြောင်း၊ ပိုးအချိတ် တစ်ထည်ရက်လုပ်ရန် တစ်စင်လျှင် ရက်ကန်းရက်သူ (၂)ဦး ဖြင့် ရက်လုပ်ရာ အချိန် (၁)လ သို့မဟုတ် (၁)လခွဲ ခန့်ကြာပြီး၊ ပိုးချိတ်တစ်ထည် လုပ်အားခ တစ်ဦးလျှင် ကျပ်(၁)သိန်း(၄)သောင်းခန့်ပေးရကြောင်း၊ ပိုးစစ်ချိတ်တစ်ထည် စုစုပေါင်းကုန်ကျစရိတ် မှာ ကျပ်(၅)သိန်းခန့် ကုန်ကျကြောင်း၊ ပိုးစစ်ချိတ် တစ်ထည်ရောင်းဈေးနှုန်းများမှာ အနိမ့်ဆုံး ကျပ် (၆)သိန်းမှ အမြင့်ဆုံးကျပ်(၁၀)သိန်းခန့်ဖြစ်ပြီး၊ ပိုးဖဲချိတ် တစ်ထည်ရောင်းဈေးနှုန်းမှာ ကျပ် (၃)သိန်း မှ ကျပ်(၄)သိန်း ခွဲကြား၊ ချည်ချိတ်တစ်ထည် ရောင်းဈေးနှုန်းမှာ ကျပ်(၅)သောင်းမှကျပ်(၁)သိန်းကြား၊ ကြိုက်နှစ်သက်ရာ ဒီဇိုင်းများရေးဆွဲ၍ ကွန်ပျူတာဖြင့် ဒီဇိုင်းဖော်ရက်လုပ်သော ပိုး(ထိုင်း)ချိတ်ထည် များမှာ ကျပ်(၄)သောင်းမှ ကျပ်(၆)သောင်းခွဲကြား ပေါက်ဈေးအသီးသီးရှိပါကြောင်း၊ မန္တလေးမြို့၊ ရန်ကုန်မြို့နှင့် တောင်ကြီးမြို့ စသည့်ဈေးကွက်များသို့ တင်ပို့ရောင်းချသည့်အပြင် အမှာစာများ ရှိပါကလည်း ရက်လုပ်ကြောင်း သီင်္ဂီစန်း ပိုးစစ်အချိတ်ထည်လုပ်ငန်းရှင် ဒေါ်အေးအေးစန်းထံမှ သိရှိရပါသည်။သန်းသန်းတင်(မုံရွာ)

ကိုးကာစာအုပ် - ၂၀၀၄ခုနှစ်၊ စာပေဗိမာန်စာမူဆု၊ မြန်မာ့ယဥ်ကျေးမှုနှင့် အနုပညာဆိုင်ရာစာပေ  ပထမဆု၊ ရေးသားသူ-ဦးရွှေထွန်း

            ပခုက္ကူမြေပဲဈေးကွက်တွင် ဒီဇင်ဘာ(တတိယ)ပတ်အတွင်း မြေပဲဈေးများ ဆက်လက်ကျဆင်းပြီး အရောင်းအဝယ်ဖြစ်လျက်ရှိပါသည်။ ယခုတစ်ပတ်တွင် (၃)လ မြေပဲတောင့်(အခြောက်) များ ယောနယ်ဒေသမှ အများဆုံးဝင်ရောက်လျက်ရှိပြီး ဈေးကွက်အတွင်းသို့ တစ်ပတ်အတွင်း ကုန်ချိန်ပိဿာ(၅၀၀၀၀)ခန့်၊ အိတ်(၂၀၀၀)ခန့်ဝင်ရောက်လျက်ရှိကြောင်း၊ မြေပဲတောင့် (အခြောက်) တစ်ပိဿာ ကျပ်(၂၉၅၀/ ၃၀၀၀)ဈေးဖြင့် ပေါက်ဈေးရှိပြီး၊ မြေပဲဆံမှာ မြေပဲ(အဆံ) ဝင်ရောက်မှု နည်းပြီး မြို့ပေါ်ရှိလုပ်ငန်းရှင်များမှ မြေပဲတောင့်များကို ကြိတ်ခွဲပြီး အဆံထုတ်ရောင်းချလျက်ရှိကြောင်း၊ ဈေးကွက်အနေဖြင့် ယခုတစ်ပတ်အတွင်း မြေပဲဆံတစ်ပိဿာလျှင် လက်ကားဈေးကျပ် (၄၉၅၀/  ၄၉၀၀)ဈေးဖြင့် အရောင်းအဝယ်ဖြစ်လျက်ရှိကြောင်း သိရှိရသည်။

          ဈေးကွက်အတွင်းရှိ မြေပဲများကို ဒေသတွင်းနေရာနှံ့အပြားနှင့် ရန်ကုန်တိုင်းဒေသကြီးသို့ ကုန်ချိန်အများဆုံး တင်ပို့လျက်ရှိကြောင်းသိရှိရပြီး ပြည်ပပို့ကုန်အဖြစ် ယိုးဒယားနိုင်ငံသို့လည်း မြေပဲဆံများကို တင်ပို့ဖြန့်ဖြူးရောင်းချလျက်ရှိကြောင်း သိရှိရသည်။  ယခုတစ်ပတ်အတွင်းတွင် မြေပဲဈေးကွက်အေး၍ အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(မကွေး)

         မကွေးတိုင်းဒေသကြီး၊ သရက်ခရိုင်၊ ကံမမြို့နယ် တောင်ချောင်းဘက်ရှိလိမ်ဒုံး၊ ပြောင်ကျ၊ ပယ်ကျ၊ ဒန်းကိုင်း၊ ထန်းတပင်၊ ရွှေစင်၊ အလယ်ရွာစသည့်ကျေးရွာများမှထွက်ရှိသည့် ပဲမျိုးစုံသီးနှံများအနက် ဒီဇင်ဘာတတိယပတ်တွင်ကံမမြို့ပေါ်ရှိ ပွဲရုံများသို့ ပဲတီစိမ်းသီးနှံမှာ (၃၀)ပိဿာဝင်တစ်အိတ်လျှင် ကျပ်(၆၇၅၀၀)ဖြင့်နေ့စဉ် (၁၅)အိတ်ခန့်ဝင်ရောက်ကြောင်း၊ မတ်ပဲသီးနှံမှာ (၃၀)ပိဿာဝင် တစ်အိတ် လျှင် ကျပ်(၈၄၇၅၀)ဖြင့်နေ့စဉ် (၅၀)အိတ်ခန့်ဝင်ရောက်ကြောင်း၊ ထို့အပြင် ပဲစဉ်းငုံ(အသစ်)များထွက်ပေါ် လျက်ရှိရာ (၃၀)ပိဿာဝင် တစ်အိတ်လျှင် ကျပ်(၇၉၅၀၀)ဖြင့် (၄/၅)အိတ်ခန့် စတင်ဝင်ရောက်လျက်ရှိပါကြောင်းနှင့်  နေ့စဉ်ဝယ်ယူရရှိသည့် သီးနှံများကိုပြည်မြို့သို့ ကားဖြင့်တင်ပို့ရောင်းချရပါကြောင်း၊ ကံမမြို့ ပေါ်ရှိ ကုန်သည်တစ်ဦးထံမှ သိရပါသည်။

           မြောက်ချောင်းဘက်ရှိ ရေနံ့သာ၊ ဆုံကုန်း၊ ခြောက်ပင်၊ သံပုရာ၊ ဥသျှစ်ကုန်း၊ မင်းတည်းစသည့် ကျေးရွာများမှ ထွက်ရှိသည့် ပဲတီစိမ်းသီးနှံမှာလည်း ဒီဇင်ဘာလ တတိယပတ်တွင် ရေနံ့သာကျေးရွာရှိ ပွဲရုံများမှ(၃၀)ပိဿာဝင် တစ်အိတ်လျှင် ကျပ်(၆၉၀၀၀)ဖြင့် လက်ကျန်ပဲများအား ဝယ်ယူလျက်ရှိပါ ကြောင်း၊ နေ့စဉ် (၁၅)အိတ်ခန့်ဝင်ရောက်ကြောင်း၊ မတ်ပဲသီးနှံမှာ (၃၀)ပိဿာဝင် တစ်အိတ်လျှင် ကျပ် (၈၆၂၅၀)ဖြင့် နေ့စဉ်(၇၀ မှ ၈၀)အိတ်ခန့် ဝင်ရောက်ကြောင်း၊ မြေပဲသီးနှံဖြစ်သော မြေပဲဆံဖြူ အလုံးသေး (၁)ပိဿာလျှင် ကျပ်(၄၃၅၀)၊ အလုံးကြီး (၁)ပိဿာလျှင် ကျပ်(၄၅၀၀)ဈေးရှိပြီး၊ မြေပဲဆံဖြူ (၁)ပိဿာလျှင် ကျပ်(၅၆၀၀)ဈေးဖြင့်အရောင်းအဝယ်ဖြစ်လျက်ရှိပါကြောင်း၊ နေ့စဉ်ဝယ်ယူရရှိသည့် သီးနှံများကို ရေနံ့သာကျေးရွာရှိ ကုန်ကားများဖြင့် ပြည်မြို့သို့ တင်ပို့ရောင်းချရပါကြောင်း၊ တောင်ချောင်း နှင့် မြောက်ချောင်း သီးနှံဈေးနှုန်းကွာခြားရခြင်းမှာ ရေနံ့သာမှ ကံမမြို့သို့ကားသယ်ယူခစရိတ် ကွာခြားရခြင်းကြောင့်ဖြစ်ပါကြောင်း ရေနံ့သာကုန်သည်တစ်ဦးထံမှ သိရှိရပါသည်။

DOCA(မကွေး)