ပြည်တွင်းကုန်သွယ်မှုသတင်း

              တောင်ငူခရိုင် ၊ တောင်ငူမြို့နယ်တွင် ကြံစိုက်ဧက ၃၃၈၂ ဧကရှိကြောင်း သက်ဆိုင်ရာဌာန ၏ စာရင်းဇယားများအရ သိရှိရပါသဖြင့် တောင်ငူမြို့နယ်သည် စပါး၊ ပဲပြီးလျှင် ကြံကို တတိယအများဆုံး စိုက်ပျိုးသည့် မြို့နယ်ဖြစ်ပါသည်။ အချို့သော တောင်သူများမှာ ယခင်နှစ်က စိုက်ပျိုးထားသည့် လမိုင်းခင်းများ ဖြစ်ကြပါသည်။

              တောင်ငူမြို့နယ်မှ ထွက်သော ကြံအများစုကို အနီးဆုံးသကြားစက်ဖြစ်သည့် အုတ်တွင်း မြို့နယ် ဗောဓိကုန်းသကြားစက်သို့ရောင်းချကြပါသည်။ သကြားစက်မှ ကြံစတင်ဝယ်ယူသည့်နေ့ကစ၍ နေ့စဉ်ကြံများကို ခုတ်ကြပါသည်။ သကြားစက်ရုံမှ ကွင်းထဲအရောက် ကားများလွှတ်၍ ဝယ်ယူပေး ပါသည်။ ကြံတစ်တန်လျှင် ၆၇၀၀၀၀ ကျပ် ဝယ်ယူပါသည်။

              ကြံခုတ်ရာသီတွင် လုပ်သားများလည်း ဝင်ငွေရကြပါသည်။ ကြံခုတ်တစ်ရက်အတွက် လုပ်သားခ ၆၀၀၀ ကျပ် ရရှိကြောင်း၊ လုပ်သား လေးယောက် တစ်အုပ်စုဖွဲ့၍ ကြံကားတစ်စီးတင်လျှင် ၂၄၀၀၀ ကျပ် ရရှိကြောင်း သိရှိရပါသည်။

              လမိုင်းခင်းများသည် တစ်ဧကလျှင် ၁၈ တန်မှ ၂၀ တန်အထိ ထွက်ရှိကြောင်း၊ အခင်းသစ် မြေကောင်းသည့်နေရာ၊ သွင်းအားစုထည့်သွင်းနိုင်သည့် နေရာများတွင် တစ်ဧကလျှင် ၂၇ တန်မှ ၃၀ တန်အထိ ထွက်ရှိကြောင်း သိရှိရပါသည်။

              ယခင်နှစ်က ကြံတစ်တန်လျှင် ၄၅၀၀၀ ကျပ်သာရရှိကြောင်း၊ ယခုနှစ်တွင် ကြံတစ်တန် လျှင် ၆၇၀၀၀ ကျပ်ရရှိကြောင်း၊ စက်သုံးဆီဈေး၊ သွင်းအားစု၊ မျိုးဈေးတက်လာသော်လည်း ကြံဈေးလည်း မြင့်သည့်အတွက် အကျိုးအမြတ်ရရှိကြောင်း၊ တစ်ဧက ကြံတန် ၂၀ ထွက်ရှိသူအတွက် ဝင်ငွေ ၁၃၄၀၀၀၀ ကျပ် ရရှိပြီး စိုက်ပျိုးစရိတ်ကုန်ကျငွေ ၆၂၀၀၀၀ ကျပ် နုတ်လျှင် အကျိုးအမြတ် ၇၂၀၀၀၀ ကျပ်ရရှိကြောင်း၊ တစ်ဧက အထွက်နှုန်းပိုသည့် တောင်သူများ အကျိုးအမြတ်ပိုရကြောင်း၊ ခင်းသစ် စိုက်ပျိုးသူများအနေဖြင့်  စိုက်ပျိုးစရိတ် ပိုသော်လည်း အထွက်နှုန်းလည်း ပိုပါကြောင်း ဒိုးအင်းကျေး ရွာမှ ကြံစိုက်တောင်သူ တစ်ဦး၏ ပြောကြားချက်အရ သိရှိရပါသည်။

DOCA(ပဲခူး)

           ပြည်မြို့နယ်တွင် ပန်းဂေါ်ဖီစိမ်းများကို ပန်းဂေါ်ဖီ အဖြူကဲ့သို့  စက်တင်ဘာလနှင့် ဒီဇင်ဘာ လတို့တွင် စိုက်ပျိုးပြီး ဆောင်းရာသီ ရိုးရိုးပန်းဂေါ်ဖီများပေါ်ချိန်တွင် ထွက်ပေါ်ကြပါသည်။ အေး၍ ခြောက်သွေ့သောဒေသများတွင် ပန်းဂေါ်ဖီအစိမ်းကို အပင်သက်တမ်း (၁၁)လခန့်အထိ ကြာမြင့်သည်ဟု သိရှိရပါသည်။ ပန်းဂေါ်ဖီစိမ်းစိုက်ပျိုးသည့် နေရာများမှာ အောင်ဆန်းပြည်သာယာဘက်ရှိ ဥယျာဉ် ခြံမြေများတွင် စိုက်ပျိုးကြပါသည်။ သဲဆန်သော နုန်းမြေများတွင်စိုက်ပျိုးနိုင်ပြီး တစ်ဧကလျှင် မျိုးစေ့အနေဖြင့် ပေါင်ဝက်ခန့်လိုအပ်သည်ဟု သိရှိရပါသည်။ ပန်းဂေါ်ဖီစိမ်းကို စိုက်ပျိုးပြီး ၂လခွဲ ၃လအကြာတွင် စတင်ခုတ်ယူနိုင်ပြီး အချိန်မီမခုတ်ပါက ပန်းပွင့်မှာ အရောင် ပြောင်းသွားသည်ဟု သိရှိရပါသည်။ ပန်းဂေါ်ဖီအစိမ်း တစ်ဧကလျှင် မျိုးအလိုက်ကွာခြားပြီး မျိုးကောင်းလျှင်ကောင်းသလို တစ်ဧကလျှင် ပျမ်းမျှ ၅-၆တန် ခန့်ထွက်ရှိသည်ဟု သိရှိရပါသည်။

            ပန်းဂေါ်ဖီစိမ်း ဈေးနှုန်းဈေးကွက်အနေဖြင့် ယခုအချိန်တွင်ဈေးကောင်းရနေပြီး ပန်းပွင့်ကြီး တစ်ပွင့်လျှင် ၈၀၀-၉၀၀ကျပ်၊ အပွင့်သေးလျှင် ၄၀၀-၅၀၀ကျပ် အထိရောင်းချကြောင်း သိရှိရပါသည်။ ပြည်ဒေသတွင် စိုက်ပျိုးသော ပန်းဂေါ်ဖီစိမ်းမှာ ဒေသတွင်းသာစားသုံးပြီး နယ်သို့တင်ပို့ ရောင်းချခြင်းမရှိကြောင်း သိရှိရပါသည်။ ပန်းဂေါ်ဖီစိမ်းမှာ ပန်းဂေါ်ဖီ အဖြူထက်နူးညံ့၍ စားသုံးသူများ အကြိုက်တွေ့သလို ကျန်းမားရေးအရပါ ဗီတာမင် K ဓါတ်ပါဝင်မှုများပြီး နှလုံးသွေး ကြောကျင်း ရောဂါ၊ သားအိမ်ကင်ဆာနှင့် ရင်သားကင်ဆာတို့ကိုပျောက်ကင်းကြောင်း သိရှိရပါသည်။ ပန်းဂေါ်ဖီ အစိမ်းမှာ ပန်းဂေါ်ဖီ အဖြူထက် ဈေးကောင်းပြီး လူကြိုက်များသဖြင့် ပိုမိုတိုးချဲ့စိုက်လျှင် စိုက်ပျိုးသူ အဖို့ ပိုမို အကျိုးအမြတ်ဖြစ်ထွန်းမည်ဖြစ်ကြောင်း လေ့လာသုံးသပ်တင်ပြလိုက်ရပါသည်။

DOCA(ပဲခူး)

          ယခုတစ်ပတ်တွင် ညောင်လေးပင်ခရိုင်၏   ဓာတ်မြေသြဇာ စျေးနှုန်းများ အနေဖြင့်  ယူရီးယား အာမို ၅၀ kg တစ်အိတ်လျှင် ၁၁၀၀၀၀ကျပ် ၊ ယူရီးယား သြဘာ ၅၀ kg တစ်အိတ်လျှင် ၁၁၀၀၀၀ကျပ် ၊  ယူရီးယား ရွှေနဂါး ၅၀ kg တစ်အိတ်လျှင် ၁၁၀၀၀၀ကျပ် ၊  တီစူပါ (သံကွင်း) တရုတ် 50 kg တစ်အိတ်လျှင် ၁၃၀၀၀၀ ကျပ် ၊ ရွှေကောမတ် မြန်မာ့သြဘာ ၅၀ kg တစ်အိတ်လျှင် ၁၂၅၀၀၀ကျပ် ၊  ပိုတက် ဂျာမနီ ၅၀ kg တစ်အိတ်လျှင် ၁၅၅၀၀၀ကျပ် ၊ ကွန်ပေါင်း အာမို ၅၀ kg တစ်အိတ်လျှင် ၁၂၅၀၀၀ကျပ် ၊ ကွန်ပေါင်း သြဘာ ၅၀ kg တစ်အိတ်လျှင် ၁၃၀၀၀၀ကျပ် ၊ ကွန်ပေါင်း ၁၅ : ၁၅ : ၁၅ ကောမတ် ၅၀ kg တစ်အိတ်လျှင် ၁၃၅၀၀၀ကျပ် ၊ အာမို  ၁၆ : ၁၆ : ၁၆ တရုတ် ၅၀ kg တစ်အိတ်လျှင် ၁၄၅၀၀၀ကျပ်ဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။  

          ယခင်အပတ်ဈေးနှုန်းနှင့် ယခုတစ်ပတ် ဈေးနှုန်း နှိုင်းယှဉ်ကြည့်ပါက ယခုတစ်ပတ်တွင် ယူရီးယား အာမို ၅၀ kg တစ်အိတ်လျှင်      ၅၀၀၀ ကျပ် ၊   ယူရီးယား သြဘာ ၅၀ kg တစ်အိတ်လျှင် ၅၀၀၀ကျပ်  ၊ ယူရီးယား ရွှေနဂါး ၅၀ kg တစ်အိတ်လျှင် ၁၀၀၀၀ကျပ် ကျဆင်းသွားခဲ့ပြီး တီစူပါ (သံကွင်း) တရုတ် 50 kg တစ်အိတ်လျှင် ၅၀၀၀ကျပ် မြင့်တက်သွားကြောင်း သိရှိရပါသည်။ ထို့အပြင် ရွှေကောမတ် မြန်မာ့သြဘာ ၅၀ kg တစ်အိတ်လျှင် ၂၅၀၀၀ကျပ် ၊ ပိုတက် ဂျာမနီ ၅၀ kg တစ်အိတ်လျှင် ၃၀၀၀ကျပ် ၊ ကွန်ပေါင်း အာမို ၅၀ kg တစ်အိတ်လျှင် ၁၅၀၀၀ကျပ် ၊ ကွန်ပေါင်း သြဘာ ၅၀ kg တစ်အိတ်လျှင် ၂၀၀၀၀ကျပ် ၊ ကွန်ပေါင်း ၁၅ : ၁၅ : ၁၅ ကော်မတ် ၅၀ kg တစ်အိတ်လျှင် ၂၀၀၀၀ကျပ် ၊ အာမို  ၁၆ : ၁၆ : ၁၆ တရုတ် ၅၀ kg တစ်အိတ်လျှင် ၁၅၀၀၀ကျပ် အသီးသီးကျဆင်းသွားကြောင်း သိရှိရပါသည်။          

DOCA(ပဲခူး)

          ၂၀၂၂ခုနှစ် ဒီဇင်ဘာလ တတိယပတ်အတွင်း ရွှေဘိုမြို့နယ်တွင် အခြေခံစားကုန်များဖြစ်သော ရွှေဘိုပေါ်ဆန်းဆန်(ဟောင်း) တစ်ပြည်လျှင် ၃၇၀၀ကျပ်၊ ဧရာမင်းဆန်(ဟောင်း) တစ်ပြည်လျှင် ၂၈၀၀ကျပ်၊ရွှေဘိုပေါ်ဆန်းဆန်(သစ်) တစ်ပြည်လျှင် ၂၄၀၀ကျပ်၊ ဧရာမင်းဆန်(သစ်) တစ်ပြည်လျှင် ၁၉၀၀ကျပ်ဖြင့် အရောင်းအဝယ်ဖြစ်လျက်ရှိသည်။ကြက်သွန်နီ လက်လီဈေးမှာ (ကြီး)တစ်ပိဿာလျှင် ၅၂၀၀ကျပ်၊ (လတ်) တစ်ပိဿာလျှင် ၄၈၀၀ကျပ်၊ (သေး)တစ်ပိဿာလျှင် ၃၇၀၀ကျပ်နှုန်းဖြင့် အရောင်းအဝယ် ဖြစ်လျက်ရှိသည်။ ကြက်သွန်ဖြူလက်လီဈေးမှာ (ဗမာ)တစ်ပိဿာလျှင် ၃၅၀၀ကျပ်မှ ၄၀၀၀ကျပ်ထိ၊ ရှမ်း ကြက်သွန်ဖြူ တစ်ပိဿာလျှင် ၄၅၀၀ကျပ်မှ ၅၀၀၀ကျပ်ထိ ၊ (ကြူကုပ်) တစ်ပိဿာလျှင် ၅၀၀၀ကျပ်မှ ၆၀၀၀ကျပ်ထိ၊ ချင်းတစ်ပိဿာလျှင် ၁၃၀၀ကျပ်မှ ၁၅၀၀ကျပ်ထိ ၊ ငရုတ်သီးခြောက် အမျိုးအစားအလိုက် ၁၇၀၀၀ကျပ်မှ ၁၈၀၀၀ကျပ်ထိ အာလူး တစ်ပိဿာလျှင် ၁၈၀၀ကျပ်မှ ၂၆၀၀ကျပ်ထိ ၊ခရမ်းချဉ်သီး တစ်ပိဿာလျှင် ၁၂၀၀ကျပ်ဖြင့် အရောင်းအဝယ် ဖြစ်နေပါသည်။

       ကြက်ဥ လက်လီဈေးနှုန်းမှာ (ကြီး)တစ်လုံးလျှင် ၂၅၀ကျပ်၊ (သေး) တစ်လုံးလျှင် ၂၀၀ကျပ် ၊ ဘဲဥ (ကြီး) တစ်လုံးလျှင် (၃၀၀)ကျပ်၊ (သေး)တစ်လုံးလျှင် (၂၅၀)ကျပ်ရှိသည်။ ရွှေဘိုမြို့၏ အသား/ငါး ဈေးနှုန်းများမှာ ကြက်သား(CP)  တစ်ပိဿာလျှင် ၉၀၀၀ကျပ်မှ ၁၀၀၀၀ကျပ်ထိ၊ကြက်သား (ဗမာ)တစ်ပိဿာလျှင် ၁၀၀၀၀ ကျပ်မှ ၁၃၀၀၀ကျပ်ထိ၊  ဝက်သား တစ်ပိဿာလျှင် ၁၄၀၀၀ကျပ်မှ ၁၈၀၀၀ကျပ်ထိ၊ အမဲသားတစ်ပိဿာလျှင် ၁၄၀၀၀ကျပ်မှ ၁၆၀၀၀ကျပ်ထိ၊  ငါးမြစ်ချင်း တစ်ပိဿာလျှင် ၇၀၀၀ကျပ်၊ ငါးကြင်း တစ်ပိဿာလျှင် ၆၀၀၀ကျပ်ဖြင့် ရောင်းဝယ်နေကြောင်း သိရသည်။

        စားသုံးဆီ ဈေးနှုန်းများမှာ ပဲဆီသန့် တစ်ပိဿာလျှင် ၈၅၀၀ကျပ်မှ ၉၀၀၀ကျပ်ထိ၊  စားအုန်းဆီ တစ်ပိဿာလျှင် ၅၄၀၀ကျပ်နှင့် နှမ်းဆီ တစ်ပိဿာလျှင် ၉၀၀၀ကျပ်ဖြင့် အရောင်းအဝယ်ဖြစ်နေကြောင်း သိရသည်။

DOCA(စစ်ကိုင်း)

       ၂၀၂၂ ခုနှစ် ဒီဇင်ဘာလ စတုတ္ထပတ်အတွင်း မုံရွာမြို့နယ်တွက် အခြေခံစားကုန်များဖြစ်သော ရွှေဘိုပေါ်ဆန်းဆန်တစ်ပြည် (၃၅၀၀)ကျပ်၊ ဧရာမင်းဆန်တစ်ပြည်အဟောင်း (၂၅၀၀) ကျပ်နှင့် ဧရာမင်းဆန်တစ်ပြည်အသစ်(၂၀၀၀)ကျပ်ဖြင့်အရောင်းအဝယ် ဖြစ်လျက်ရှိပါသည်။ စားအုန်းဆီ တစ်ပိဿာလျှင်(၅၃၀၀)ကျပ်၊ မြေပဲဆီတစ်ပိဿာလျှင်(၉၅၀၀) ကျပ်၊ နှမ်းဆီ တစ်ပိဿာလျှင် (၉၅၀၀) ကျပ်တို့ဖြင့် အရောင်းအဝယ်ဖြစ် လျက်ရှိပါသည်။ ကြက်သွန်နီ လက်လီ တစ်ပိဿာလျှင် (၃၅၀၀)ကျပ်မှ (၄၀၀၀) ကျပ်ထိ၊ ကြက်သွန်ဖြူလက်လီ(ဗမာ) တစ်ပိဿာ လျှင် (၅၀၀၀)ကျပ်မှ (၅၅၀၀) ကျပ်ထိ၊ ကြက်သွန်ဖြူ (ရှမ်း)တစ်ပိဿာလျှင် (၄၅၀၀)ကျပ်မှ (၅၀၀၀)ကျပ်ထိ၊ ကြက်သွန်ဖြူ(ကြူကုတ်) တစ်ပိဿာလျှင် (၄၅၀၀)ကျပ်မှ(၅၀၀၀)ကျပ်ထိ၊ ချင်း တက်တစ်ပိဿာ လျှင် (၁၅၀၀)ကျပ်မှ (၁၇၀၀)ကျပ်ထိ၊ ငရုတ်ခြောက်အမျိုးအစားအလိုက်  (၁၆၀၀၀)  ကျပ် မှ (၁၇၀၀၀)ကျပ်ထိ၊ အာလူး (၂၀၀၀)ကျပ်မှ (၂၁၀၀) ကျပ်ထိ၊ ခရမ်းချဉ်သီး တစ်ပိဿာလျှင် (၉၀၀)ကျပ်မှ (၁၀၀၀)ကျပ်တို့ဖြင့်အရောင်းအဝယ်ဖြစ်လျက်ပါသည်။

          ကြက်ဥလက်လီဈေးနှုန်းမှ ကြီး တစ်လုံး(၂၅၀)ကျပ်၊ သေးတစ်လုံး(၂၀၀)ကျပ်၊ ဘဲဥ(ကြီး) တစ်လုံး (၃၀၀)ကျပ်၊ သေးတစ်လုံး(၂၅၀)ကျပ်ရှိသည်။ မုံရွာမြို့၏ သား/ ငါးဈေးနှုန်းမှ ကြက်သား (CP) တစ်ပိဿာ( ၉၀၀၀)ကျပ်မှ  (၁၀၀၀၀)ကျပ်ထိ ၊ ကြက်သား(ဗမာ) တစ်ပိဿာလျှင် (၁၂၀၀၀) ကျပ်၊ ဝက်သားတစ်ပိဿာ(၁၅၀၀၀)ကျပ်မှ (၁၆၀၀၀) ကျပ်ထိ၊ အမဲသားတစ်ပိဿာ (၁၅၀၀၀) ကျပ်မှ (၁၆၀၀၀)ကျပ်ထိ၊ ငါးမြစ်ချင်းတစ်ပိဿာလျှင်(၆၀၀၀)ကျပ်၊ ငါးကြင်း တစ်ပိဿာလျှင် (၆၀၀၀) ကျပ် တို့ဖြင့်အရောင်းအဝယ်ဖြစ်နေကြောင်း သိရပါသည်။

          ဒီဇင်ဘာလ စတုတ္ထပတ်တွင် အခြေခံစားကုန်များဖြစ်သည့် စားအုန်းဆီ၊ ကြက်သွန်နီနှင့် အာလူး  ယခင်လပတ်ထက်  ဈေးအနည်းငယ်ကျကြောင်း  သိရှိရပါသည်။

DOCA(စစ်ကိုင်း)