သတင်းနှင့် လှုပ်ရှားမှုများ
ပဲခူးတိုင်းဒေသကြီး ၊ ညောင်လေးပင်ခရိုင် ၊ ဒိုက်ဦးမြို့နယ်၊ သုံးခွကျေးရွာ ဘုန်းတော်ကြီး ကျောင်း၌ သြဂုတ် ၁၉ ရက် နံနက် ၁၁:၀၀ နာရီအချိန်က စိုက်ပျိုးရေး မွေးမြူရေးနှင့် ကုန်ထုတ်လုပ်မှု ဖွံ့ဖြိုးတိုးတက်ရေး နည်းပညာပေး သင်တန်းဆွေးနွေးပွဲ ကျင်းပပြုလုပ်ခဲ့ပါသည်။
စားသုံးသူရေးရာဦးစီးဌာန ၊ ဒိုက်ဦးမြို့နယ်တာဝန်ခံ ဦးမျိုးမြင့်သည် ဒိုက်ဦးမြို့နယ်တာဝန်ခံရုံးရှိ ဝန်ထမ်းများနှင့်အတူ သြဂုတ်လ ၂၃ ရက်နေ့ ၊ နေ့လည်ပိုင်းက ဒိုက်ဦးမြို့နယ်အတွင်း ရောင်းချလျက် ရှိသော စက်သုံးဆီအရောင်းဆိုင်များသို့ ကွင်းဆင်းစစ်ဆေးခဲ့ပါသည်။
ပဲခူးတိုင်းဒေသကြီး၊ ဒိုက်ဦးမြို့နယ် ၊ ပန်းကိုင်ကျေးရွာ ၊ ဘုန်းတော်ကြီးကျောင်း ဓမ္မာရုံ၌ (၂၂.၈.၂၀၂၂ )ရက်နေ့တွင် မြို့နယ်အုပ်ချုပ်ရေးမှူး ဦးဆောင်၍ ဌာနပေါင်းစုံ (၈) ဌာနမှ ပူးပေါင်းကာ စိုက်ပျိုး မွေးမြူရေးနှင့် ကုန်ထုတ်လုပ်မှု ဖွံဖြိုးတိုးတက်ရေး နည်းပညာပေး ဆွေးနွေးပွဲအား ကျင်းပ ပြုလုပ်ခဲ့ရာ စားသုံးသူရေးရာဦးစီးဌာန ဒိုက်ဦးမြို့နယ်တာဝန်ခံ ဦးမျိုးမြင့်မှ စားသုံးသူကာကွယ်ရေး အသိပညာပေးဆိုင်ရာ အကြောင်းအရာများကို ဟောပြောခဲ့ပါသည်။
ပဲခူးတိုင်းဒေသကြီး ညောင်လေးပင်ခရိုင်၊ ဒိုက်ဦးမြို့နယ် စားသုံးသူရေးရာဦးစီးဌာနမှ မြို့နယ် ဦးစီးမှူး ဦးမျိုးမြင့်နှင့် ဝန်ထမ်းများ ၊ မြို့နယ်စည်ပင်သာယာရေး၊ ပြန်ကြားရေးနှင့် ပြည်သူ့ ဆက်ဆံရေး ဦးစီးဌာနမှ ဝာဝန်ရှိသူများ ပူးပေါင်း၍ သြဂုတ် ၂၃ ရက်နေ့၊ နံနက်ပိုင်းက ဒိုက်ဦးမြို့ မြို့မဈေး အပြင်တန်းရှိ သွားတိုက်ဆေးရောင်းချနေသောဆိုင်များရှိ သွားတိုက်ဆေးများတွင် မြန်မာဘာသာဖြင့် ကုန်အညွှန်းအမှတ်အသား ဖော်ပြခြင်း ရှိ/မရှိ ဈေးကွက်စောင့်ကြည့် စစ်ဆေးခဲ့ပါသည်။
တောင်ငူခရိုင် ၊ ရေတာရှည်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၏ ဖိတ်ကြားချက်အရ ဩဂုတ်လ ၁၈ ရက်နေ့ မွန်းလွဲပိုင်းက ရေတာရှည်မြို့ ရွှေကြက်ယက် အခြေခံပညာ အထက်တန်းကျောင်းတွင် ကျင်းပသည့် အသိပညာပေးဟောပြောပွဲတွင် စားသုံးသူ ရေးရာ ဦးစီးဌာန တောင်ငူခရိုင်ဦးစီးမှူးရုံးမှ ဦးစီးမှူး ဦးစောသန်းထိုက်ကျော်က စားသုံးသူကာကွယ်ရေးဆိုင်ရာများ ကို အသိပညာပေးဟောပြောခဲ့ပါသည်။
