သတင်းနှင့် လှုပ်ရှားမှုများ
စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်တာဝန်ခံဦးအောင်ဇော်ဦးသည် ၈.၆.၂၀၂၂ ရက်နေ့ နံနက် (၀၉:၀၀)အချိန်တွင် သုန်ကြိုင်ကျေးရွာ အုပ်ချုပ်ရေးမှူးနေအိမ်တွင် ပြည်သူ (၃၁)ဦးအား မိတ်ဖက်ဌာန ကျန်းမာရေးဦးစီးဌာန၊ ပြန်ကြားရေးနှင့် ပြည်သူဆက်ဆံရေးဦးစီးဌာနတို့နှင့်အတူ ပူးပေါင်း၍ ကျေးလက်နေပြည်သူများအား စားသုံးသူကာကွယ်ပေးရေးအသိပညာပေး ဟောပြောပွဲ ကျင်းပပြုလုပ်ခဲ့ကြပါသည်။
စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်တာဝန်ခံ ဦးဝင်းမင်းစိုးသည် အမှတ်(၃)ရပ်ကွက် ရွှေဟင်္သာဆီစက်သို့ (၈.၆.၂၀၂၂) ရက်နေ့တွင် ထုတ်ကုန်လုံခြုံစိတ်ချရမှုရှိစေရန်နှင့် SMEဖွံ့ဖြိုးတိုးတက်စေရေး ကွင်းဆင်းစစ်ဆေးဆောင်ရွက်ခဲ့ပါသည်။
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်ဦးစီးမှူးရုံး၊ ခရိုင်ဦးစီးမှူး ဦးဇော်လင်းအောင်နှင့် မြောင်းမြမြို့နယ်ဦးစီးမှူး ဦးလှထွဋ်ဦးတို့သည် (၇.၆.၂၀၂၂)ရက်နေ့ နေ့လည် (၁၃;၀၀)နာရီအချိန်က မြောင်းမြခရိုင်ဦးစီးမှူးရုံးခန်း၌ စက်သုံးဆီတင်သွင်း၊ ရောင်းချဖြန့်ဖြူးသည့် လုပ်ငန်းရှင်များအား ခေါ်ယူတွေ့ဆုံဆွေးနွေးခဲ့ပါသည်။
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဖျာပုံခရိုင်၊ဘိုကလေးမြို့နယ်တာဝန်ခံနှင့် ဝန်ထမ်းတို့သည် ဇွန်လ (၃)ရက်နေ့၊ နံနက်(၁၀:၀၀)မှ (၁၁:၃၀)နာရီအထိ ဆန်စက်လုပ်သား (၂၀)ဦးတို့အား စားသုံးသူကာကွယ်ရေး အသိပညာပေးဟောပြောပွဲကို ဘိုကလေးမြို့နယ် သရက်ချောင်းကျေးရွာ(တစ်သုံးလုံး)ဆန်စက်တွင် ကျင်းပပြုလုပ်ခဲ့ပါသည်။
မွန်ပြည်နယ်၊ ဆန်စက်လုပ်ငန်းရှင်များအသင်း ၂၀၂၂-၂၀၂၅ ခုနှစ်၊ နှစ်ပတ်လည်အသင်း စုံညီနှင့် အမှုဆောင်သစ်ရွေးချယ်တင်မြှောက်ပွဲအခမ်းအနားကို ၇.၆.၂၀၂၂ ရက် (၁၀:၀၀) နာရီချိန်တွင် စားသုံးသူရေးရာဦးစီးဌာန၊ မွန်ပြည်နယ်၊ ပြည်နယ်ဦးစီးမှူးရုံး၌ ကျင်းပပြုလုပ်ခဲ့ရာ မွန်ပြည်နယ် ဆန်စက်လုပ်ငန်းရှင်အသင်း နာယက၊ ဥက္ကဌ၊ ပြည်နယ်စားသုံးသူရေးရာဦးစီးဌာန ၊ပြည်နယ်ဦးစီးမှူးနှင့် ဆန်စက်လုပ်ငန်းရှင်များ စုစုပေါင်း (၆၂) ဦးတက်ရောက်ခဲ့ကြောင်း သိရှိရသည်။
