ပြည်ပကုန်သွယ်မှုသတင်းများ
အိန္ဒိယနိုင်ငံ၌ ကုလားပဲဖူလုံမှုအတွက် စိုးရိမ်ရန် မရှိကြောင်းပြောဆိုမှုနှင့်အတူ ရှေ့လာမည့် နေ့ရက်များအတွင်း ပဲစင်းငုံနှင့် မတ်ပဲတို့၏ ဈေးနှုန်းများ သင့်တင့်မှုမရှိပဲ လွန်ကဲစွာ မြင့်တက်မှုရှိ ပါက ပဲမျိုးစုံ ကုန်သွယ်မှုနှင့် စပ်လျဉ်း၍ ထိရောက်သော စီမံဆောင်ရွက်မှုများ လုပ်ဆောင်မည်ဟု အိန္ဒိယအစိုးရက သတိပေးပြောဆိုကြောင်း Hindu Business Line သတင်းဌာနက ဖော်ပြပါသည်။
ဗီယက်နမ်နိုင်ငံသည် ၂၀၂၃ခုနှစ်တွင် တောင်ကိုရီးယားနိုင်ငံ၏ တတိယမြောက် အကြီးမားဆုံးကုန်သွယ်ဖက်နိုင်ငံအဖြစ် နှစ်နှစ်ဆက်တိုက်ရပ်တည်နိုင်ခဲ့ကြောင်း ဒေတာအချက်အလက်များအရသိရပါသည်။ ၂၀၂၃ခုနှစ်တွင် တောင်ကိုရီးယားနိုင်ငံနှင့် ဗီယက်နမ်နိုင်ငံတို့၏ နှစ်နိုင်ငံအပြန်အလှန်ကုန်သွယ်မှုပမာဏမှာ စုစုပေါင်းအမေရိကန်ဒေါ်လာ (၇၉.၄၃) ဘီလီယံရှိခဲ့ပြီး တောင်ကိုရီးယားနိုင်ငံမှ ဗီယက်နမ်သို့ ပို့ကုန်တင်ပို့မှုပမာဏမှာ အမေရိကန်ဒေါ်လာ (၅၃.၄၉) ဘီလီယံရှိကာ သွင်းကုန်ပမာဏမှာ အမေရိကန်ဒေါ်လာ (၂၇.၅၅) ဘီလီယံရှိခဲ့ကြောင်း တောင်ကိုရီးယားနိုင်ငံ၊ နိုင်ငံတကာကုန်သွယ်ရေးအသင်း၏ ဒေတာအချက်အလက်များအရသိရပါသည်။ တောင်ကိုရီးယာ
ထိုင်းနှင့်သီရိလင်္ကာ နှစ်နိုင်ငံကြား လွတ်လပ်စွာကုန်သွယ်မှုသဘောတူစာချုပ်ကို ၃-၂-၂၀၂၄ ရက်နေ့တွင် လက်မှတ်ရေးထိုးခဲ့ရာ သီရိလင်္ကာနိုင်ငံအတွက် ဆယ်စုနှစ်များစွာအတွင်း တွေ့ကြုံနေရသည့် အဆိုးရွားဆုံးဘဏ္ဍာရေးအကျပ်အတည်းမှ ရုန်းထွက်နိုင်ရေး အထောက်အကူ ပြုနိုင်မည်ဟု မျှော်လင့်ရကြောင်း Bangkok Post သတင်းဌာနက ဖော်ပြပါသည်။
ကမ္ဘောဒီးယားနိုင်ငံတွင် ရော်ဘာထွေထွေဌာန၏ အချက်အလက်များအရ ၂၀၂၃ ခုနှစ် အတွက် ရော်ဘာကဏ္ဍ ထုတ်လုပ်မှုတန်ဖိုးမှာ အမေရိဒေါ်လာ ၅၃၆ သန်းရှိခဲ့ရာ ရော်ဘာစေး တင်ပို့မှုသည် ဒေါ်လာ ၄၉၀.၆ သန်း၊ ရော်ဘာသစ်သား တင်ပို့မှုသည် ဒေါ်လာ ၁.၆ သန်းနှင့် ပြည်တွင်း ရော်ဘာစေးသုံးစွဲမှုတန်ဖိုးသည် ဒေါ်လာ ၄၃.၈ သန်းပါဝင်ကြောင်း ဖနွမ်းပင်ပို့စ် သတင်းဌာနက ၆-၂-၂၀၂၄ ရက်နေ့တွင် ဖော်ပြပါသည်။
သီရိလင်္ကာနိုင်ငံတွင် အဓိကသီးနှံရာသီ၌ ဒီဇင်ဘာလအထိ စိုက်ပျိုးထားရှိပြီးဖြစ်သော ဧရိယာ အပေါ် အခြေခံလျက် မဟာရာသီစပါး ရိတ်သိမ်းမှုမှာ မက်ထရစ်တန်ချိန် ၂.၆၁ သန်းခန့် ထွက်ရှိနိုင်မည်ဟု သီရိလင်္ကာစိုက်ပျိုးရေး ဦးစီးဌာနက ပြောကြားခဲ့ပါသည်။
မဟာရာသီစပါး စိုက်ပျိုးထားရှိမှုမှာ ယခင်နှစ်ကထက် ၄.၀% တိုးတက်လျက် ဧရိယာ ၇၈၄,၃၅၇ ဟက်တာရှိပြီး သီးနှံရာသီအတွက် စိုက်ပျိုးရန် လျာထားချက်အပေါ် ၉၁% စိုက်ပျိုးနိုင်ခဲ့ကြောင်း သိရှိရသည်။
ဖိလစ်ပိုင်နိုင်ငံတွင် ဆန်စပါးလုပ်ငန်းကို အားကောင်းလာစေရန်အတွက် သိသာထင်ရှား သော လှုပ်ရှားမှုတစ်ခုအဖြစ် စိုက်ပျိုးရေးဦးစီးဌာန၊ ကုန်သွယ်ရေးနှင့် စက်မှုလုပ်ငန်းဦးစီးဌာနနှင့် အမျိုးသားဆည်မြောင်းဦးစီးဌာန တို့သည် ဆန်စပါးတန်ဖိုးကွင်းဆက် ဖွံ့ဖြိုးတိုးတက်မှုအစီအစဉ် (Integrated Rice Supply Chain Development) အကောင်အထည်ဖော်မှုဆိုင်ရာ နားလည်မှု စာချွန်လွှာတစ်စောင်ကို ၂-၂-၂၀၂၄ ရက်နေ့တွင် လက်မှတ်ရေးထိုးခဲ့ကြကြောင်း သိရှိရသည်။
ယခုနှစ်၌ ကာလကြာရှည် ခြောက်သွေ့မှုဖြစ်ပေါ်ခြင်း၏ သက်ရောက်မှုကြောင့် ဆန်စပါး ထုတ်လုပ်မှုကျဆင်းနိုင်ဖွယ်ရှိသဖြင့် နိုင်ငံ၏စပါးကျီဖြစ်သော လူဇုန်ကျွန်းအလယ်ပိုင်းဒေသ (Central Luzon) ရှိ စပါးစိုက်ခင်းများ၏ အခြေအနေကို အနီးကပ်စောင့်ကြည့်လျက်ရှိကြောင်း ဖိလစ်ပိုင် အမျိုးသားဆည်မြောင်းစီမံခန့်ခွဲရေးဌာန (NIA) က ၃၁-၁-၂၀၂၄ ရက်၊ ဗုဒ္ဓဟူးနေ့တွင် ပြောကြားခဲ့ပါသည်။
ဥရောပသမဂ္ဂ - ဗီယက်နမ် လွတ်လပ်စွာကုန်သွယ်မှုသဘောတူညီချက် (EVFTA) အရ ဗီယက်နမ်နိုင်ငံသည် ၂၀၂၃ ခုနှစ်တွင် အမေရိကန်ဒေါ်လာ ၇၁.၇ သန်းတန်ဖိုးရှိ ဆန်တန်ချိန် ၁၀၄၀၀၀ ခန့်ကို ဥရောပသမဂ္ဂ (EU) ဈေးကွက်သို့ တင်ပို့ခဲ့ပြီး တစ်နှစ်လျှင် ခွဲတမ်းဆန်တန်ချိန် ၈၀၀၀၀ ထက် ကျော်လွန် နေပါကြောင်း ဗီယက်နမ်အကောက်ခွန်ဦးစီးဌာန၏ ကိန်းဂဏန်းအချက် အလက်များအရ သိရသည်။
၂၀၂၄ ခုနှစ်အတွက် ရေးဆွဲထားသော စီမံချက်နှင့်အညီ ဆန်တန်ချိန် ၃ သန်းခန့် တင်သွင်း ရန် အင်ဒိုနီးရှားနိုင်ငံ၏ လျာထားချက်သည် ဖိလစ်ပိုင်နိုင်ငံက တင်သွင်းရန် စီစဉ်ထားသော ဗီယက်နမ်ဆန်ပမာဏနှင့် တူညီလုနီးပါးရှိကြောင်း၊ ကမ္ဘာ့ ဆန်အများဆုံး တင်သွင်းသောနိုင်ငံ တစ်ခုဖြစ်လာမည့် အင်ဒိုနီးရှားသည် ဗီယက်နမ် ဆန်တင်ပို့မှုနယ်ပယ်အတွက်လည်း အဓိက ဖောက်သည်တစ်ဦး ဖြစ်လာမည်ဖြစ်ကြောင်း ဟနွိုင်းအခြေစိုက် Vietnam News သတင်းဌာန၏ ဖော်ပြချက်အရ သိရှိရသည်။
အိန္ဒိယနိုင်ငံ၊ စိုက်ပျိုးရေးဝန်ကြီးဌာနသည် အနောက်ဘင်္ဂလားဒေသထွက် ဘာစမာတီ မဟုတ်သော အရည်အသွေးကောင်းမွန်သည့် ဆန်အမျိုးအစား ၅ မျိုးဖြစ်သည့် Gobindabhog ၊ Tulaipanji ၊ Kataribhog ၊ Kalonunia နှင့် Radhunipagal တို့အတွက် ဘာစမာတီမဟုတ်သော ဆန်မွှေးအဆင့်အတန်းသတ်မှတ်ခြင်းနှင့် အမှတ်အသားပြုခြင်းဆိုင်ရာစည်းမျဉ်းများကို ထုတ်ပြန် ကြေညာခဲ့ပါသည်။
အိန္ဒိယနိုင်ငံ၌ ဆန်နှင့်စပါးဈေးနှုန်းများ မြင့်တက်နေသဖြင့် သိုလှောင်ဈေးကစားမှုများကို ဟန့်တားနိုင်ရန် ပြည်နယ်များနှင့် ပြည်ထောင်စုနယ်မြေများရှိ လက်လီရောင်းချသူများနှင့် လက်ကားရောင်းချသူများ အပါအဝင် ဆန်ကြိတ်ခွဲထုတ်လုပ်သူများနှင့် ကုန်သည်များအနေဖြင့် ၄င်းတို့၏ ဆန်ကုန်လက်ကျန်ပမာဏများကို စားသုံးသူရေးရာ၊ စားနပ်ရိက္ခာနှင့် ပြည်သူ့ရောင်းချ ဖြန့်ဖြူးရေးဝန်ကြီးဌာန လက်အောက်ရှိ စားနပ်ရိက္ခာနှင့် ပြည်သူရောင်းချဖြန့်ဖြူးရေးဦးစီးဌာန၏ ဝက်ဘ်ဆိုက် Portal တွင် အပတ်စဉ် သောကြာနေ့တိုင်း ထုတ်ဖော်ကြေညာသွားရန် အစိုးရက ၂-၂-၂၀၂၄ နေ့တွင် ညွှန်ကြားချက်ထုတ်ပြန်ခဲ့ပါသည်။
ထိုင်းနိုင်ငံ၌ နိုင်ငံခြားငွေလဲနှုန်းများ မတည်ငြိမ်မှု၊ ထိုင်းဆန်၏ ယှဉ်ပြိုင်နိုင်စွမ်းကျဆင်းမှု၊ ဈေးနှုန်းအကြိတ်အနယ်ပြိုင်ဆိုင်ရမှု၊ အယ်လ်နီညို ရာသီဥတုဖြစ်စဉ်၏ အကျိုးသက်ရောက်မှုနှင့် အိန္ဒိယနိုင်ငံ၏ ဆန်ပို့ကုန်အပေါ် တားမြစ်ကန့်သတ်သည့် မူဝါဒချမှတ်ထားရှိမှု စသည့် မြောက်မြား စွာသော စွန့်စားရမည့်အချက်များမှာ ယခုနှစ်ဆန်တင်ပို့မှုလုပ်ငန်းလုပ်ကိုင်ရာတွင် ဆက်လက်ကြုံ တွေ့နေရဦးမည်ဖြစ်ကြောင်း ထိုင်းဆန်တင်ပို့သူများအသင်းက ပြောကြားခဲ့ပါသည်။