ဖြေရှင်းဆောင်ရွက်ပေးမှုများ

xxx အိုးမရွေးစတီးမီးဖိုနှင့် နှစ်ခုတွဲ အကင် စက်အမျိုးမျိုးဖြန့်ချီရေးမှ အိုးမရွေး လျှပ်စစ်မီးဖို(၁) လုံး အာမခံချက်(၆လ) အတွင်း လဲလှယ်ခွင့်ရှိသည်ပါရှိပြီး ဝယ်ယူသုံးစွဲ၍ (၂၈)ရက် အကြာတွင် ပျက်သွား၍ အာမခံထားသည့် အတိုင်းဆောင်ရွက်ပေးရန်တောင်းဆိုခဲ့ရာ ပြင်ဆင်မှုသာ ဆောင်ရွက်ပေးသဖြင့် နစ်နာသူမှတိုင်ကြား၍ စားသုံးသူရေးရာဦးစီးဌာန၊ မန္တလေးတိုင်းဒေသကြီး ဦးစီးမှူးရုံးမှ ရောင်းသူ/ဝယ်သူ(၂) ဦးအား ခေါ်ယူ၍ စေ့စပ်ညှိနှိုင်းဖြေရှင်းပေးခဲ့ရာ ရောင်းသူမှ အာမခံထားသည့်အတိုင်း မီးဖိုအသစ်(၁) လုံး လဲလှယ်ပေးခဲ့ခြင်း စားသုံးသူအကာအကွယ်ပေးရေး ဥပဒေ အခန်း(၆)၊ ပုဒ်မ(၇)၊ ပုဒ်မခွဲ(ခ) (၆) ကို တိကျစွာလိုက်နာဆောင်ရွက်ရန်  ဝန်ခံကတိလက်မှတ် ထိုးခြင်း၊ နစ်နာသူမှလည်း ကျေနပ် မှုရရှိခဲ့ပါသည်။

Ocean Supercentre (Ottarathiri) မှ ဝယ်ယူခဲ့သည့် Water Heater တွင် ချို့ယွင်းချက်ရှိ၍ Ocean Supercentre သို့ ဆက်သွယ်၍ ဖြေရှင်းဆောင်ရွက်ပေးရန် အရေးဆိုသော်လည်း ပြုပြင်ပေး ခြင်း မရှိသည့်အတွက် ရုံးချုပ် CICC သို့ တိုင်ကြားခဲ့ရာ တာဝန်ခံအား ဆက်သွယ်၍ ညှိနှိုင်းဖြေရှင်း ဆောင်ရွက်ပေးခဲ့သည့်အတွက် Ocean Supercentre မှ တာဝန်ခံသည် ဝယ်ယူသူဘက်သို့ ဆက်သွယ် ပြီး အသစ် (၁) လုံး လဲလှယ်ပေးခဲ့ပါသည်။ သို့သော် ဝယ်ယူသူဘက်မှ သုံးစွဲသည်မှာ အဆင်မပြေသော ကြောင့် ၂၂-၁၁-၂၀၁၇ ရက်နေ့တွင် SUI KANGAROO ကုမ္ပဏီကိုယ်စား Ocean Supercentre မှ တာဝန်ခံက ပစ္စည်းကို ငွေသားဖြင့် လဲလှယ်ပြီး ညှိနှိုင်းဆောင်ရွက်ခဲ့ပါသည်။

၂၀၁၆ခုနှစ်၊ ဇူလိုင်လအတွင်း ရခိုင်ပြည်နယ်၊ မြောက်ဦးခရိုင်၊ မင်းပြားမြို့နယ်တွင် ရောင်းချနေသောထမင်းကြော်၊ ခေါက် ဆွဲကြော်၊ မုန့်တီသုပ်များကိုဝယ်ယူစားသုံးသူ(၆၂)ဦး အော့အန်ခြင်း၊ ရင်ကြပ်ခြင်း၊ သတိလစ် ခြင်းများဖြစ်ခဲ့သဖြင့် စားအုန်းဆီ ပေးပို့ရောင်းချသော ပွဲရုံ ပင်ရင်းသို့ ဆက်လက်စုံစမ်းစစ်ဆေးခဲ့ရာရန်ကုန်မြို့၊ ညောင်ပင်လေး ဈေးရှိပွဲရုံမှ တစ်ဆင့်ဝယ်ယူရောင်းချသောစားအုန်းဆီမှ အစာအဆိပ်သင့်မှုဖြစ်ကြောင်းသိရှိခဲ့ရပါသည်။
ဆက်လက်၍ ရန်ကုန်တိုင်းဒေသကြီးအငြင်းပွားမှုဖြေရှင်းရေးအဖွဲ့မှ တစ်ဆင့်ခံစားအုန်းဆီဖြန့်ချီသည့် နေရာများသို့ ဝင်ရောက် စစ်ဆေးခဲ့ရာ စားအုန်းဆီများ သယ်ဆောင်ရာတွင် အသုံးပြုသည့် ပေပါများကြောင့်ဖြစ်ကြောင်း စစ်ဆေးသုံးသပ်ခဲ့ရပါသဖြင့်စားအုန်းဆီ ရောင်းချသော ပွဲရုံလုပ်ငန်းရှင်များအား ပေပါများ၊ ပုံးခွံများ သန့်ရှင်းစေရေး အစဉ်အမြဲဆောင်ရွက်သွားကြရန် သတိပေးခဲ့ခြင်း၊ စားသုံးဆီ တင်သွင်းရောင်းချသူများ အသင်းနှင့် ညှိနှိုင်း ၍ စားအုန်းဆီများ ဖြန့်ဖြူးရောင်းချရာတွင် သန့်ရှင်းသော ထုတ်ပိုးပစ္စည်းများ သုံးစွဲသွားရန် အသီးသီးတာဝန်ယူ ကြပ်မတ်သွားကြရန် ညှိနှိုင်းဆောင်ရွက်ခဲ့ပါသည်။