သတင်းအချက်အလက်နည်းပညာဌာနခွဲတာဝန်ခံသည် ဆန်စက်လုပ်ငန်းရှင်နှင့်တွေ့ဆုံ
၄-၉-၂၀၂၄ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံး၊ သတင်းအချက်အလက်နည်းပညာဌာနခွဲတာဝန်ခံသည် ပြည်နယ်ဦးစီးမှူးရုံး၌ မုဒုံမြို့နယ်မှ “ချမ်းမွန်” ဆန်စက်လုပ်ငန်းရှင်နှင့်တွေ့ဆုံဆွေးနွေးခဲ့သည်။
ထိုသို့တွေ့ဆုံဆွေးနွေးရာတွင် သတင်းအချက်အလက်နည်းပညာဌာနခွဲတာဝန်ခံက ဆန်စက်လုပ်ငန်းရှင်အား ဆန်စက်များရှိ ဆန်စပါးသိုလှောင်ရုံများမှာ စပါးတင်း (၅၀၀၀) နှင့်အထက်၊ ဆန်တန်ချိန် (၅၀)နှင့်အထက်ဖြစ်ပါက သိုလှောင်ရုံမှတ်ပုံတင်ခြင်းကို မဖြစ်မနေဆောင်ရွက်ရမည်ဖြစ်ကြောင်း၊ သိုလှောင်ရုံမှတ်ပုံတင်ခြင်းကို www. myro. com. mm Website တွင် ဝင်ရောက်လျှောက်ထားနိုင်ကြောင်းကိုဆွေးနွေးခဲ့ပြီး သိုလှောင်ရုံမှတ်ပုံတင်လျှောက်ထားရန်အတွက် လိုအပ်သော စာရွက်စာတမ်းများ၊ ထောက်ခံချက်များ၊ ဓာတ်ပုံများကိုပြင်ဆင်ထားရှိရန်နှင့် သိုလှောင်ရုံမှတ်ပုံတင်ရရှိပြီးလျှင် ကုန်ဝင်၊ ကုန်ထွက်၊ လက်ကျန်စာရင်းများကို သိုလှောင်ရုံလုပ်ငန်းစဉ်တွင် လစဉ်လဆန်း (၁) ရက်နေ့မှ (၅) ရက်နေ့အတွင်း ပုံမှန်ဖြည့်သွင်းသွားရန် ရှင်းလင်းဆွေးနွေးခဲ့ကြောင်းသိရှိရပါသည်။
DOCA(မွန်)
