HighLight News

              ၂၀၂၄ ခုနှစ်၊ ဒီဇင်ဘာလ ၂ ရက်နေ့၊ ညနေ (၁၅:၀၀)နာရီအချိန် မြင်းခြံခရိုင်ကုန်သည်များနှင့် စက်မှုလက်မှုလုပ်ငန်းရှင်များအသင်း(MDCCI)အစည်းအဝေးခန်းမ၌ မြို့နယ်အတွင်းရှိ MSME လုပ်ငန်းများ ဖွံ့ဖြိုးတိုးတက်ရေးအတွက် စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူး ဦးသန်းစိုးနှင့် မြင်းခြံမြို့နယ်အတွင်းရှိ MSMEလုပ်ငန်းရှင်များ တွေ့ဆုံဆွေးနွေးပွဲအခမ်းအနားကျင်းပခဲ့ကြောင်းသိရသည်။

           ခရိုင်ဦးစီးမှူးမှ ဆွေးနွေးပြောကြားရာတွင် MSMEလုပ်ငန်းများတွင် အသုံးပြုရန်အတွက် စက်မှုလုပ်ငန်းသုံးစားအုန်းဆီများကို နိုင်ငံတော်မှရောင်းချထုတ်ပေးခဲ့ပါကြောင်း၊ ယခုအချိန်တွင် ဆက်လက်ထုတ်ပေးသွားမည်ဖြစ်ပြီး MSMEလုပ်ငန်းများတွင် အသုံးပြုရမည့်စားအုန်းဆီများအား လုပ်ငန်းရှင်များ လျှောက်ထားခဲ့သည့် စက်မှုလုပ်ငန်းများတွင် အမှန်တကယ်အသုံးပြုရမည်ဖြစ်ပါကြောင်း၊ စားအုန်းဆီသည် အရေးကြီးကုန်စည်အမျိုးအစားတွင်ပါဝင်သဖြင့် သတ်မှတ်လုပ်ငန်းမှလွဲ၍ အခြားနည်းဖြင့် ပြန်လည်သယ်ယူ၊ ရောင်းချ၊ သုံးစွဲခွင့်မရှိပါကြောင်း၊ လုပ်ငန်းရှင်များ၏ လစဉ်စားအုန်းဆီလိုအပ်ချက်များကို ကွင်းဆင်းစိစစ်၍ လုပ်ငန်းပမာဏအလိုက် ခွင့်ပြုပေးလျက်ရှိပါကြောင်း၊ စားသုံးသူရေးရာဦးစီးဌာနအနေဖြင့် MSMEလုပ်ငန်းများဖွံ့ဖြိုး တိုးတက်စေရေး၊ ကုန်စည်နှင့်ဝန်ဆောင်မှုများနှင့်ပတ်သက်၍ စားသုံးသူများထိခိုက်နစ်နာမှုမဖြစ်ပေါ်စေရေး ကာကွယ်ပေးခြင်း၊ စီးပွားရေးလုပ်ငန်းရှင်များအား ဥပဒေနှင့်အညီဆောင်ရွက် နိုင်စေရေးနှင့် ဖွံ့ဖြိုးတိုးတက်စေရေး ကူညီပေးခြင်း၊ MSMEလုပ်ငန်းများ ကြီးထွားလာစေရန် လုပ်ငန်းအမျိုးအစားအလိုက် သက်ဆိုင်ရာဌာန၊ အဖွဲ့အစည်းများနှင့်ချိတ်ဆက်၍ ထောက်ခံချက်များ၊ နည်းပညာများ၊ အရင်းအနှီးချေးငွေရရှိရေး၊ ပြပွဲပြိုင်ပွဲတွင်ပါဝင်ပြသနိုင်ရေး စသည့်လိုအပ်သည့်ပံ့ပိုးကူညီမှုများ ဆောင်ရွက်ပေးခြင်း၊ MSMEလုပ်ငန်းများမှ ထွက်ရှိလာသည့် ကုန်စည်များတွင် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြစေရေးတို့ကို ဆောင်ရွက်လျက်ရှိပါကြောင်း ဆွေးနွေးပြောကြားခဲ့ကြောင်းသိရသည်။

            ဆွေးနွေးပွဲသို့တက်ရောက်လာသည့် MSMEလုပ်ငန်းရှင်များမှ သိရှိလိုသည်များကို ဆွေးနွေးမေးမြန်းရာ ခရိုင်ဦးစီးမှူးမှ ပြန်လည်ဖြေကြားဆွေးနွေးခဲ့ပြီး လုပ်ငန်းရှင်(၄၀)ဦးတက်ရောက်ခဲ့ပြီး၊ စားသုံးသူရေးရာဦးစီးဌာန၊ မြင်းခြံခရိုင် ဦးစီးမှူးနှင့် MSMEလုပ်ငန်းရှင်များ တွေ့ဆုံဆွေးနွေးပွဲအခမ်းအနားကို ညနေ (၁၆:၃၀)နာရီအချိန်တွင် အောင်မြင်စွာ ရုပ်သိမ်းခဲ့ကြောင်းသိရှိရပါသည်။

DOCA(မန္တလေး)

            စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူး ဦးသန်းစိုး(လက်ထောက်ညွှန်ကြား ရေးမှူး) သည်(၂၇.၁၁.၂၀၂၄)ရက်နေ့၊ ညနေ (၁၅:၃၀) နာရီအချိန်တွင် စားသုံးသူရေးရာ ဦးစီးဌာန၊ ညောင်ဦးခရိုင်ဦးစီးမှူးရုံးအစည်းအဝေးခန်းမ၌ ညောင်ဦးခရိုင်ရှိ ဆီကုန်သည်နှင့် ဆီလုပ်ငန်းရှင်များအား အွန်လိုင်းရောင်းချမှုများ၊ စားသုံးသူကာကွယ်ရေးနှင့် ပတ်သက်သည့် အကြောင်းအရာများနှင့်စပ်လျဉ်း၍ အသိပညာပေးဟောပြောပွဲအား ဆောင်ရွက်ခဲ့ကြောင်းသိရသည်။

               ဟောပြောဆွေးနွေးမှုတွင် ခရိုင်ဦးစီးမှူး ဦးသန်းစိုးမှ အွန်လိုင်းစနစ်ဖြင့် ရောင်းချခြင်းလုပ်ငန်းဆိုသည်မှာ ကုန်စည်ကိုဖြစ်စေ၊ ဝန်ဆောင်မှုကိုဖြစ်စေ အွန်လိုင်း (Online) စနစ်မှတစ်ဆင့် ဝန်ဆောင်မှုပေး၍ ရောင်းချသည့်လုပ်ငန်းကို ဆိုလိုတာဖြစ်ပါကြောင်း၊ အွန်လိုင်းမှဝယ်ယူသည့်အခါ ရယူသုံးစွဲသူများအနေဖြင့် သတိထားရမည့် လိမ်လည်နိုင်သည့် ပုံစံ(၂)မျိုးကိုအထူးဂရုပြု၍ သိရှိထားရန်လိုအပ်ပါကြောင်း၊ ပထမအချက်အနေဖြင့် ငွေကြေးရယူသည့်လိမ်လည်မှုဖြစ်ပြီး ဥပမာအနေဖြင့် မှာယူသုံးစွဲသူမှ ငွေကြိုလွှဲပြီးနောက် Social Network Account များ ပိတ်သွားခြင်း၊ ဝယ်ယူသူအားဘလော့လိုက်ခြင်း၊ အွန်လိုင်းစနစ်ဖြင့် ရောင်းချခြင်းလုပ်ငန်းမှတ်ပုံတင်ထားမှုမရှိသည့်အတွက် မြေပြင်လိပ်စာရှာမရခြင်း၊ ဖုန်းနံပါတ်များအား ဘလော့ပြုလုပ်သွားခြင်းနှင့် Deactivate ပြုလုပ်သွားခြင်း၊ ဒုတိယအချက်အနေဖြင့် ကုန်စည်/ ဝန်ဆောင်မှုအရည်အသွေးနှင့် စပ်လျဉ်းသည့် လိမ်လည်မှုမျိုးဖြစ်ပြီး၊ ဥပမာ ကုန်စည်/ ဝန်ဆောင်မှုကို အမှန်တကယ်ရောင်းချသော်လည်း ဝယ်ယူပြီးနောက် ပစ္စည်းများပို့သည့် အခါ(သို့မဟုတ်) ဝန်ဆောင်မှုပေးသည့်အခါ ဝယ်ယူစဉ်က သဘောတူညီထားသည့် အချက်များ နှင့်မကိုက်ညီခြင်း၊ ဝယ်ယူထားသည့် ကုန်စည်/ ဝန်ဆောင်မှုနှင့်စပ်လျဉ်း၍ နစ်နာဆုံးရှုံးမှု ဖြစ်ပါ်လာပါက တာဝန်ယူမှု၊ တာဝန်ခံမှုမရှိခြင်း စသည်ဖြင့်လိမ်လည်နိုင်သောကြောင့် ဝယ်ယူသုံးစွဲသူများအနေဖြင့် နစ်နာဆုံးရှုံးမှုများ ဖြစ်စေနိုင်ပါကြောင်း၊ သို့ဖြစ်ပါ၍ တက်ရောက်လာသောလုပ်ငန်းရှင်များအနေဖြင့် မိမိတို့မှာ အွန်လိုင်းစနစ်ဖြင့် ရောင်းဝယ် မှုပြုလုပ်သော လုပ်ငန်းရှင်များရှိပါက အွန်လိုင်းစနစ်ဖြင့် ရောင်းချခြင်းလုပ်ငန်းမှတ်ပုံတင်ကြရန် လိုအပ်ပါကြောင်းနှင့် အွန်လိုင်းမှ ဝယ်ယူသုံးစွဲသူများရှိလျှင်လည်း အထက်ပါဟောပြော ဆွေးနွေးမှုများကို သတိပြုကြရန်လိုအပ်ပါကြောင်းနှင့် အွန်လိုင်းစနစ်ဖြင့် ရောင်းချခြင်းလုပ်ငန်း ဆောင်ရွက် လိုသူများသည် သတ်မှတ်ချက်များနှင့်ကိုက်ညီရမည်ဖြစ်ပြီး၊ သတ်မှတ်ချက်များအား လည်းကောင်း၊ မှတ်ပုံတင်လက်မှတ်ရရှိသူများအနေဖြင့် ပြင်ဆင်လျှောက်ထားခြင်း၊ သက်တမ်း တိုးလျှောက်ထား ခြင်းများနှင့် ပတ်သက်သည့်အချက်များကိုလည်းကောင်း၊ မှတ်ပုံတင်လက် မှတ်ရရှိသူ၏ တာဝန်များနှင့်အခွင့်အရေးများကိုလည်းကောင်း၊ အွန်လိုင်းရောင်းချခြင်းများ၏ အားသာချက်၊ အားနည်းချက်များ ၊ စိစစ်သင့်သည့်အချက်များ၊ သက်ဆိုင်ရာဌာနများ၏ ဆောင်ရွက်မှုများ၊ မှတ်ပုံတင်ထားသည့် အွန်လိုင်းရောင်းချမှုလုပ်ငန်းများမှ ရွေးချယ်ဝယ်ယူ ခြင်းဖြင့် ရရှိလာမည့်အကျိုးရလဒ်များနှင့် စားသုံးသူကာကွယ်ရေးဥပဒေပါ စီးပွားရေးလုပ်ငန်း ရှင်များ သိသင့်သိထိုက်သည့် အကြောင်းအရာများအား အသိပညာပေးဟောပြောဆွေးနွေးခဲ့ရာ ဟောပြောဆွေးနွေးပွဲသို့ ညောင်ဦးခရိုင်အတွင်းရှိ ဆီကုန်သည်နှင့်ဆီလုပ်ငန်းရှင်များ စုစုပေါင်း ( ၂၀)ဦးတက်ရောက်ခဲ့ကြောင်း သိရှိရပါသည်။

DOCA(မန္တလေး)

             ကျောက်ဆည်ခရိုင်၊ စားသုံးသူရေးရာဦးစီးဌာနနှင့်  ပြန်ကြားရေးနှင့်ပြည်သူ့ဆက်ဆံရေး ဦးစီးဌာနတို့ပူးပေါင်း၍ ၂၀၂၄ ခုနှစ်နိုဝင်ဘာလ(၂၈)ရက်နေ့တွင် စဉ့်ကိုင်မြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာန Community Center ခန်းမ၌ အွန်လိုင်းရောင်းဝယ်မှုဆိုင်ရာ စားသုံးသူအသိပညာပေး Talk Show  ဆွေးနွေးပွဲကိုကျင်းပခဲ့ပါသည်။ အဆိုပါဆွေးနွေးပွဲတွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ဒေါ်ဝင်းဝင်းသန်း(မြို့နယ်ဦးစီးမှူး)မှအသိပညာပေး   Talk Show  ဆွေးနွေးပွဲကျင်းပရခြင်း၏ ရည်ရွယ်ချက်များအားပြောကြားခဲ့ပြီး ကျောက်ဆည်ခရိုင်၊ စားသုံးသူရေးရာဦးစီးဌာန၊ စဉ့်ကိုင်မြို့နယ်တာဝန်ခံ ဦးစိုးလွင်မှ Online Shopping နှင့်ပတ်သက်၍ စားသုံးသူပြည်သူများ ရင်ဆိုင်ကြုံတွေ့နေသည့်အချက်များ၊ Online Shopping နှင့်ပတ်သက်၍ စားသုံးသူပြည်သူများဝယ်ယူခြင်းမပြုမီ သတိပြုရမည့်အချက်များ၊စားသုံးသူများ၏အခွင့်အရေးနှင့် စားသုံးသူများအနေဖြင့် ကုန်စည်သို့မဟုတ်ဝန်ဆောင်မှုများနှင့် ပတ်သက်၍ နစ်နာဆုံးရှုံးမှုများကြုံတွေ့လာပါက တိုင်ကြားနိုင်သည့်နည်းလမ်းများနှင့် ပြည်ထောင်စုနယ်မြေ၊ တိုင်းဒေသကြီး၊ ပြည်နယ်များနှင့် ခရိုင်များတွင်လည်းစားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ(CICC)ရုံးများဖွင့်လှစ်ထားကြောင်းကိုလည်း ဆွေးနွေးပြောကြားခဲ့ကြောင်းသတင်း ရရှိပါသည်။

DOCA(မန္တလေး)

           ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ်တွင် ၂၀၂၄ ခုနှစ်၊ ဒီဇင်ဘာလ (၃) ရက်နေ့၊ နံနက် (၁၀:၀၀) နာရီအချိန်တွင် အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့၊ ကျန်းမာရေးဦးစီးဌာန၊ မီးသတ်ဦးစီးဌာန၊ စားသုံးသူရေးရာဦးစီးဌာနတို့ပါဝင်သော ဌာနဆိုင်ရာပူးပေါင်းအဖွဲ့ဖြင့် ကျိုက်လတ်မြို့နယ်အတွင်းရောင်းချနေသော ဆေးဆိုင်များအား ကွင်းဆင်းစစ်ဆေးခဲ့ကြောင်းသိရသည်။

          အဆိုပါ ကွင်းဆင်းစစ်ဆေးရာ၌ ဆေးဆိုင်များတွင် ဆေးဝါးပြတ်လပ်မှုမရှိစေရေး၊ သက်ဆိုင်ရာဌာနများ၏ထောက်ခံချက် ဖော်ပြထားရှိမှုအခြေအနေ၊ သက်တမ်းလွန်ရက်စွဲ ဖော်ပြထားရှိမှုအခြေအနေ၊ ထားသိုသိမ်းဆည်းမှုအခြေအနေ၊ ဈေးနှုန်းမှန်ကန်စွာရောင်းချနေမှုအခြေအနေများကို ကွင်းဆင်းစစ်ဆေးခဲ့ကြောင်း သတင်းရရှိပါသည်။

DOCA(ဧရာဝတီ)

             စားသုံးသူရေးရာဦးစီးဌာန၊ ဇလွန်မြို့နယ်ဦးစီးမှူးသည် (၄.၁၂.၂၀၂၄)ရက်နေ့ နံနက် (၁၀:၃၀) နာရီအချိန်တွင် ဇလွန်မြို့နယ်၊ ဆန်တန်းရပ်ကွက်၊ ဓမ္မာရုံလမ်းရှိ အောင်ဇေယျသန်းဆန်စက်လုပ်ငန်းရှင် ဦးမျိုးဇင်ကျော်နှင့်တွေ့ဆုံ၍ ပြည်တွင်းကုန်သွယ်မှုဖွံ့ဖြို့ရေးနှင့် SME လုပ်ငန်းများဖွံ့ဖြိုးတိုးတက် စေရေးဆွေးနွေးခြင်း ဆောင်ရွက်ခဲ့ကြောင်းသိရသည်။

           ထိုသို့တွေ့ဆုံဆွေးနွေးရာတွင် မြန်မာနိုင်ငံဆန်စပါးအသင်းချုပ် MRF မှ လအလိုက်ထုတ်ပြန် ၏ပေးသော သင့်တင့်မျှတသော ဈေးကွက်ဈေးနှုန်းဖြင့်  ဆန်များဖြန့်ဖြူး ရောင်းချနိုင်ရေးကိုကြော်ငြာချက်ပါ ဆန်ဈေးနှုန်းများနှင့် အညီ ရောင်းချရန်၊ ဈေးနှုန်းမြှင့်တင်‌ရောင်းချခြင်း၊ အရည်အသွေးမမှန် မကန်ရောင်းချခြင်းများ မပြုလုပ်ရန် ဆွေးနွေးခဲ့ကြောင်းသိရသည်။ ထို့အပြင် စီးပွားရေးလုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့် စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် သတ်မှတ်အရည်အသွေးပြည့်မီသော ကုန်စည်များကိုသာရောင်းချရန်၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်းစသည့်တို့ကို အသိပညာပေး ဟောပြောခဲ့ကြောင်း သိရှိရပါသည်။

DOCA(ဧရာဝတီ)