HighLight News

   စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး၊ ခရိုင်ဦးစီးမှူး၏လမ်းညွှန်မှုဖြင့် ရမည်းသင်းမြို့နယ်တာဝန်ခံနှင့် ဝန်ထမ်းနှစ်ဦးတို့သည် (၅-၇-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် ရမည်းသင်းမြို့နယ်၊ ရွာတန်းကျေးရွာသို့သွားရောက်၍ စပျစ်စိုက်ပျိုးထုတ်လုပ်သူတောင်သူများနှင့်တွေ့ဆုံဆွေးနွေးခဲ့ပါသည်။

  တွေ့ဆုံဆွေးနွေးရာတွင် ရွာတန်းကျေးရွာ၌ ကျေးရွာခွဲပေါင်း (၂၄) ရွာရှိကာ စပျစ်စိုက်ဧကပေါင်း (၃၁၀၀၀) ဧကကျော်ရှိကြောင်း၊ စိုက်ပျိုးသူတောင်သူဦးရေ (၅၀၀၀) ကျော်ရှိကြောင်း၊ စပျစ်ကို အောက်တိုဘာလ၊ နိုဝင်ဘာလနှင့် ဒီဇင်ဘာလများတွင် စတင်စိုက်ပျိုးပြီး တစ်ပင်နှင့် တစ်ပင်လျှင် အကွာအဝေးခုနှစ်ပေခွဲခြား၍ စိုက်ပျိုးရကြောင်း၊ စပျစ်စတင်စိုက်ပျိုးလျှင် သိန်း (၁၀၀) ကျော်ကုန်ကျကြောင်း၊ အဓိကအားဖြင့် စိုက်ပျိုးသောမျိုးမှာ အာဂျီချွန်း၊ အီတလီ (၃)၊ BQ (အညို)၊ မွန်ဒေါ (အမဲ)၊ ဝိုင်စပျစ် (အမဲ/အစိမ်း)၊ BK (အမဲ)၊ ဂျပန်စိမ်းမျိုးများစိုက်ပျိုးထားရှိကြောင်း၊ ဧပြီလ၊ မေလနှင့် ဇွန်လတို့တွင် မွေးကိုင်းဖြတ်ရကြောင်း၊ စက်တင်ဘာလ၊ အောက်တိုဘာလနှင့် နိုဝင်ဘာလများတွင် အသီးဖြတ်ရကြောင်း၊ ဖေဖော်ဝါရီလနှင့် မေလများတွင် အများဆုံးခူးဆွတ်ရကြောင်း၊ အထွက်နှုန်းများအနေဖြင့်  အာဂျီမျိုးမှာ တစ်ဧကလျှင် ပိဿာ (၄၀၀၀) မှ ပိဿာ (၇၀၀၀) အထိထွက်ရှိကြောင်း၊ ကျန်မျိုးများမှာ ပိဿာ (၄၀၀၀) မှ ပိဿာ (၅၀၀၀) အထိထွက်ရှိကြောင်း၊ စျေးနှုန်းမှာ တစ်ပိဿာလျှင် ကျပ် (၅၀၀၀) မှ ကျပ် (၁၀၀၀၀) အထိရှိကြောင်း၊ စိုက်ခင်းအရောက် လာရောက်ဝယ်ယူသောပွဲစားများရှိသည့်အပြင် ရန်ကုန်၊ မန္တလေးမြို့ကြီးများသို့လည်းတင်ပို့ရကြောင်း သိရှိရပါသည်။

DOCAမန္တလေး)

   (၅-၇-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် ခရိုင်စားသုံးသူရေးရာဦးစီးဌာနမှ ခရိုင်ဦးစီးမှူးဝန်ထမ်းများသည်  ကျောက်မဲမြို့၊ ခိုမုန်းကျေးရွာရှိ ကြက်မွေးမြူရေးဇုန်သို့သွားရောက်၍ မြို့နယ်မွေးမြူရေးနှင့်ကုသရေးဦးစီးဌာနနှင့်ပူးပေါင်း၍ ကွင်းဆင်းစစ်ဆေးခဲ့ကြောင်းသိရှိရပါသည်။

      ကျောက်မဲမြို့၊ ကြက်မွေးမြူရေးဇုန်စုစုပေါင်းအကျယ်အဝန်းမှာ (၈၀) ဧကရှိကြောင်းသိရှိရပြီး ကြက်မွေးမြူထုတ်လုပ်မှု၊ ထွက်ရှိမှု၊ တင်ပို့မှု၊ ဈေးနှုန်းဈေးကွက်အခြေအနေများနှင့်စပ်လျဉ်း၍ သိရှိလိုသည်များကို ကြက်မွေးမြူရေးလုက်ငန်းရှင် ဒေါ်နန်းပွင့်နိုင်နှင့်တွေ့ဆုံမေးမြန်းခဲ့ရာ မိမိသည် ကြက်မွေးမြူရေးဇုံတွင် (၄) ဧကပိုင်ဆိုင်ကြောင်း၊ လက်ရှိမွေးမြူထားရှိသည့်ကြက်များထဲမှ ဥထုတ်လုပ်ပေးနေသည့် ဥကြက်မအကောင်ရေ (၄၀၀၀၀) ကောင်၊ လက်ရှိမဥသေးသောကြက်ကောင်ရေ (၁၀၀၀၀) ကောင်၊ အပြည့်အဝမွေးမြူနိုင်သော ဥစားကြက်မကောင်ရေ (၅၀၀၀၀) ကောင်၊ အပြည့်အဝမွေးမြူနိုင်သောကြက်ပေါက်နှင့် ကြက်မဒါန်းကောင်ရေ (၇၀၀၀) ကောင်တို့ရှိကြောင်း၊ ကြက်ဥထွက်ရှိမှုမှာ တစ်လလျှင် ပျမ်းမျှအားဖြင့် (၄၆) ကောင်ရှိကြောင်း၊ ကြက်ခြံမှထွက်ရှိသည့်ကြက်ဥများကို မန္တလေးမြို့သို့ (၉၀%) နှင့် မြို့တွင်းတွင် (၁၀%) တင်ပို့ကြောင်း၊ ဥတုံးကြက်များကို လားရှိုးမြို့သို့ (၉၀%) နှင့် မြို့တွင်းတွင် (၁၀%) တင်ပို့ကြောင်း၊ ကြက်ဥဈေးနှုန်းများမှာ တစ်ပိဿာလျှင် ခြံကောက်ဈေး (၆၀၀၀) ကျပ်၊ ဥတုံးကြက်အိုတစ်ကောင်လျှင် အကောင်ပြတ်ခြံကောက်ဈေး (၁၁၀၀၀) ကျပ်ဖြစ်ကြောင်းသိရပြီး ၎င်းကြက်ခြံတွင် လုပ်သားဦးရေ (၃၁) ဦးရှိ၍ လုပ်အားခမှာ တစ်လလျှင် (၃၀၀၀၀၀) ကျပ်ပေးရကြောင်း မေးမြန်းသိရှိရပါသည်။

DOCA(ရှမ်း)

  ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ သီပေါမြို့နယ်၌ (၂၀၂၃-၂၀၂၄) ဘဏ္ဍာနှစ်အတွက် မြို့နယ်စည်ပင်သာယာရေးကော်မတီပိုင် အရပ်ရပ်အခွင့်အရေးလိုင်စင်အသစ်အနေဖြင့် ဆောင်ရွက်မည့် စံဖိတ်ကျွဲ၊ နွားပွဲဈေးကောက်လိုင်စင်နှင့် နမ့်အွန်ကျွဲ၊ နွားပွဲဈေးကောက်လိုင်စင်(၂)ခုတို့အား ဈေးပြိုင်လေလံစနစ်ဖြင့်ရောင်းချခြင်းကို (၆-၇-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် မြို့တော်ခန်းမ၌ ပြုလုပ်ဆောင်ရွက်ခဲ့ပါသည်။

  ရှေးဉီးစွာ မြို့နယ်လေလံရောင်းချမှုကြီးကြပ်ရေးခေါင်းဆောင် ဉီးပြေငြိမ်းက အမှာစကားပြောကြား၍ မြို့နယ်စည်ပင်သာယာရေးဌာနမှ အမှုဆောင်အရာရှိ ဉီးအောင်ဖေက ကျွဲ၊ နွားပွဲဈေးကောက်လုပ်ကိုင်ခွင့်ရရှိသူများအနေဖြင့် သတ်မှတ်ထားသောစည်းကမ်းချက်များနှင့်အညီ ဆောင်ရွက်ကြရန်နှင့် စည်းကမ်းချက်များကို အသေးစိတ်ရှင်းလင်းပြောကြားပြီး လေလံရောင်းချရေးကြီးကြပ်မှုအဖွဲ့များနှင့်အတူ စံဖိတ်နှင့် နမ့်အွန်ကျွဲ၊ နွားပွဲဈေးကောက်လိုင်စင်လျှောက်ထားသူတစ်ဉီးချင်းအား သတ်မှတ်အရည်အချင်းများနှင့်ကိုက်ညီမှုရှိ/မရှိတို့ကို စစ်ဆေးခြင်းများဆောင်ရွက်ခဲ့ကြပြီး ဈေးပြိုင်လေလံစနစ်ဖြင့် စိစစ်ရောင်းချပေးခဲ့ကြောင်း သိရှိရပါသည်။

DOCA(ရှမ်း)

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်၊ မြို့သစ်မြို့နယ်တာဝန်ခံသည် (၄-၇-၂၀၂၃) ရက်နေ့၊ နေ့လယ် (၁၄:၃၀) နာရီအချိန်တွင် အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့၊ မီးသတ်ဦးစီးဌာန၊ ရပ်ကွက်အုပ်ချုပ်ရေးမှူးတို့နှင့်အတူပူးပေါင်း၍ မြို့သစ်မြို့၊ မြို့မစျေးအတွင်းရှိ စားသောက်ကုန်နှင့် မုန့်မျိုးစုံရောင်းချနေသောဆိုင်များတွင် ကုန်အညွှန်းအမှတ်အသားများပြည့်စုံမှုရှိ/မရှိတို့ကို  ကွင်းဆင်းစစ်ဆေးဆောင်ရွက်ခဲ့ပြီးနောက် အသိပညာပေးမှုများဆောင်ရွက်ခဲ့ပါသည်။       

 ထိုသို့ ကွင်းဆင်းစစ်ဆေး၍ အသိပညာပေးဆောင်ရွက်ရာတွင် မြို့နယ်ဦးစီးမှူး ဦးဆယ်မောင်က ဈေးသည်များကို မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)ပါ အကြောင်းအရာများ၊ ၎င်းညွှန်ကြားချက်ပါ ကုန်အညွှန်းအမှတ်အသားများပြည့်စုံစွာဖော်ပြထားသောကုန်စည်များကိုသာ ဆိုင်တင်ရောင်းချကြရန်ဖြစ်ကြောင်း၊ စားသုံးသူအခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ စားသုံးရန်မသင့်တားမြစ်ထားသော စားသောက်ကုန်များကို ဖြန့်ဖြူးရောင်းချခြင်းမပြုကြရန်ဖြစ်ကြောင်းနှင့် စစ်ဆေးတွေ့ရှိပါက စားသုံးသူကာကွယ်ရေးဥပဒေအရ အရေးယူဆောင်ရွက်သွားမည်ဖြစ်ကြောင်း အသေးစိတ်ရှင်းလင်းဆွေးနွေးခဲ့ပါသည်။

DOCA(မကွေး)

    စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ စစ်ဆေးရေးမှူး ဦးကျော်မိုးလွင်သည် (၅-၇-၂၀၂၃) ရက်နေ့၊ နံနက် (၁၁:၃၀) နာရီအချိန်တွင် မိုးညှင်းမြို့၊ မြို့မရပ်ကွက်ရှိ “ဦးကျော်အောင်” လက်လီ/လက်ကားဖြန့်ဖြူးရောင်းချသော ကုန်စုံဆိုင်သို့သွားရောက်ကာ ကုန်အညွှန်းအမှတ်အသားဖော်ပြခြင်းနှင့်ပတ်သက်၍ စားသုံးသူကာကွယ်ရေးဥပဒေ ၂၀၁၉ပါ ပြဋ္ဌာန်းချက်များနှင့်ကိုက်ညီမှုရှိ/မရှိကို ဈေးကွက်စောင်ကြည့်စစ်ဆေးခဲ့ပါသည်။ 

  ထိုသို့ စစ်ဆေးခဲ့ရာတွင် ပလက်တီနမ်ဝှိုက်ကော်ဖီ(ကော်ဖီ)အမှတ်တံဆိပ်ပါ အသင့်ဖျော်ရည်ထုပ်များတွင် ကုန်စည်အမျိုးအစားအလိုက် သတ်မှတ်ချက်များနှင့်အညီ မြန်မာဘာသာဖြင့် သိသာထင်ရှားစွာဖော်ပြရမည့် ကုန်စည်၏အမျိုးအမည်၊ အရွယ်အစား၊ အရေအတွက် အသားတင်ပမာဏနှင့် သုံးစွဲပုံနည်းလမ်းများ စသည့် ကုန်အညွှန်းအမှတ်အသားများဖော်ပြထားရှိခြင်း ရှိ/မရှိကို ဈေးကွက်စောင့်ကြည့်စစ်ဆေးခဲ့ရာ ကုန်ညွှန်းအမှတ်အသားပြည့်စုံစွာဖော်ပြထားရှိကြောင်း စစ်ဆေးတွေ့ရှိရပြီး အခြားကုန်စည်များကို ရောင်းချဖြန့်ဖြူးရာတွင်လည်း ကုန်အညွှန်းအမှတ်အသားပြည့်စုံမှန်ကန်မှုမရှိသောကုန်စည်များကိုမရောင်းချရန် အသိပညာပေးဆွေးနွေးခဲ့ကာ ကုန်အညွှန်းအမှတ်အသားဖော်ပြခြင်းဆိုင်ရာ လက်ကမ်းစာစောင်များဖြန့်ဝေခဲ့ကြောင်း သတင်းရရှိပါသည်။

DOCA(ကချင်)