HighLight News

    ချင်းပြည်နယ်အတွင်းရှိ စားသုံးသူပြည်သူများ၏အခွင့်အရေးနှင့် အကျိုးစီးပွားကိုအကာကွယ်ပေးနိုင်ရန်အတွက် စားသုံးသူကော်မတီအစည်းအဝေး (၇/၂၀၂၃) ကို ၂၀၂၃ခုနှစ်၊ ဇူလိုင်လ ၂၈ရက်နေ့၊ နေ့လယ် (၁၅:၀၀) နာရီအချိန်တွင် ချင်းပြည်နယ်အစိုးရအဖွဲ့ရုံး၊ စီးပွားရေးရာဝန်ကြီးခန်းမ၌ ကျင်းပပြုလုပ်ခဲ့ပါသည်။

    အစည်းအဝေးတွင် စားသုံးသူရေးရာကော်မတီဥက္ကဋ္ဌ စီးပွားရေးရာဝန်ကြီး ဦးဟန်ကျင့်ဇမ်းက အဖွင့်အမှာစကားပြောကြားပြီးနောက် ၂၀၂၃ခုနှစ်၊  ပြည်နယ်စားသုံးသူရေးရာကော်မတီ (၆/၂၀၂၃) အစည်းအဝေး၏ ဆုံးဖြတ်ချက်များပေါ် သက်ဆိုင်ရာကော်မတီဝင်များအနေဖြင့် အများပြည်သူကိုရှေးရှုပြီး  စားသုံးသူကာကွယ်ရေးလုပ်ငန်းများကို ထိထိရောက်ရောက်ဆောင်ရွက်နိုင်ရေးအတွက် အသိပညာပေးဟောပြောပွဲများကျင်းပခြင်း၊ ဈေးကွက်စောင့်ကြည့်ကွင်းဆင်းစစ်ဆေးခြင်းလုပ်ငန်းများကိုလက်တွေ့ဆောင်ရွက်နေကြကြောင်း၊ မိမိတို့စားသုံးသူရေးရာကော်မတီအနေဖြင့် ဈေးကွက်စောင့်ကြည့်စစ်ဆေးခြင်း၊ တရားမဝင်ကုန်စည်များကို ဈေးကွက်အတွင်း ဝင်ရောက်မှု မရှိစေရန် ဝိုင်းဝန်းတားဆီးပေးခြင်း၊ ကုန်ပစ္စည်းထုတ်လုပ်ရောင်းချနေသူများအား ကုန်အညွှန်းအမှတ်အသားပြည့်စုံစွာဖော်ပြရန် အသိပညာပေးခြင်း စသည်တို့ကိုဦးစားပေးဆောင်ရွက်သွားရမည်ဖြစ်ကြောင်း ရှင်းလင်းဆွေးနွေးခဲ့ပါသည်။ ထို့နောက် ကော်မတီအဖွဲ့ဝင်များက သက်ဆိုင်ရာကဏ္ဍအလိုက် ပူးပေါင်းဆောင်ရွက်နေမှုအခြေအနေများနှင့် ရှေ့ဆက်လက်ဆောင်ရွက်ရမည့်လုပ်ငန်းများကို  ရှင်းလင်းတင်ပြခဲ့ရာ စားသုံးသူရေးရာကော်မတီဥက္ကဋ္ဌ စီးပွားရေးရာဝန်ကြီးက လိုအပ်သည်များကို ပေါင်းစပ်ညှိနှိုင်းဆောင်ရွက်ပေးခဲ့ကြောင်းသိရှိရပါသည်။

DOCA(ချင်း)

    စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ဝန်ထမ်းများသည် ၂၀၂၃ခုနှစ်၊ ဇူလိုင်လ (၂၇) ရက်နေ့၊ နံနက် (၁၀:၀၀) နာရီအချိန်တွင် ပြည်နယ်စားသုံးသူရေးရာကော်မတီအဖွဲ့ဝင်များနှင့်ပူးပေါင်းကာ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ထုတ်ကုန်များလုံခြုံစိတ်ချရမှုရှိစေရန်အတွက် လွိုင်ကော်မြို့ပေါ်ရှိ စားသုံးဆီအမျိုးမျိုးထုတ်လုပ်ဖြန့်ဖြူးရောင်းချသည့် လုပ်ငန်းရှင် (၁၆) ဦးနှင့် တွေ့ဆုံဆွေးနွေးခဲ့ပါသည်။

   ထိုသို့ တွေ့ဆုံဆွေးနွေးရာတွင် အဖွဲ့ဝင်များက စားသုံးဆီအမျိုးမျိုးနှင့်စပ်လျဉ်း၍ ဖြန့်ဖြူးရောင်းချရာတွင် ကုန်စည်၏အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ သိုထားသိမ်းဆည်းပုံအညွှန်းတို့ကို မြန်မာဘာသာဖြင့် မဖြစ်မနေလိုအပ်ပါကြောင်း၊ အသားတင်ပမာဏနှင့် အရွယ်အစားတို့ကို မြန်မာအလေးချိန်ယူနစ်ဖြစ်သော ပိဿာ/ကျပ်သားတို့ဖြင့်သာ တိကျစွာဖော်ပြရမည်ဖြစ်ပါကြောင်း၊ စီးပွားရေးလုပ်ငန်းရှင်များသည် မိမိတို့ထုတ်လုပ်ထားသောကုန်စည်များကို စားသုံးသူများဘေးအန္တရာယ်ကင်းရှင်းစေရန်အတွက် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားသတ်မှတ်ချက်များနှင့်ကိုက်ညီမှုရှိ/မရှိကိုသိရှိစေရန် စားသုံးသူရေးရာဦးစီးဌာနသို့လာရောက်၍ တင်ပြလျှောက်ထားနိုင်ပါကြောင်း၊ ကုန်အညွှန်းအမှတ်အသားသတ်မှတ်ချက်များနှင့်ကိုက်ညီမှုရှိမှသာ ဈေးကွက်အတွင်း ဖြန့်ဖြူးရောင်းချရမည်ဖြစ်ပါကြောင်း၊ စားသုံးဆီနှင့်စပ်လျဉ်း၍ ညွှန်ကြားချက် (၁/၂၀၂၁) အား ရှင်းလင်းဆွေးနွေးခဲ့ပြီးနောက် အဆိုပါညွှန်ကြားချက်များအား လိုက်နာဆောင်ရွက်မှုမရှိပါက ပြစ်မှုပြစ်ဒဏ်များကျခံရမည်ဖြစ်ကြောင်းနှင့် သက်ဆိုင်ရာဌာန၏ထောက်ခံချက်များလည်းရယူ ဆောင်ရွက်ရန်လိုကြောင်းတို့ကိုရှင်းလင်းဆွေးနွေးခဲ့ရာ စားသုံးဆီအမျိုးမျိုးထုတ်လုပ်ဖြန့်ဖြူးရောင်းချသည့်လုပ်ငန်းရှင်(၁၆) ဦးက သိရှိလိုသည်များအပြန်အလှန်မေးမြန်းဆွေးနွေးခဲ့ကြကြောင်း သိရှိရပါသည်။

DOCA(ကယား)

     စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူး ဦးသန်းဦး၊ ခရိုင်ဦးစီးမှူး ဦးမျိုးဝင်းနိုင် (ဦးစီးအရာရှိ) နှင့် ဝန်ထမ်းများသည် မြို့နယ်စည်ပင်သာယာရေးအဖွဲ့တို့နှင့်ပူးပေါင်း၍ (၂၈-၇-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် ဘားအံမြို့နယ်၊ ဘားကပ်ကျေးရွာ၊ ဘားကပ်ဈေး၌ လက်လီ/လက်ကားဖြန့်ဖြူးရောင်းချနေသော ကုန်စုံဆိုင်များရှိ ကုန်ပစ္စည်းများကို ထုတ်ကုန်လုံခြုံစိတ်ချရမှုရှိစေရေး စစ်ဆေးခဲ့ကြောင်းသိရှိရသည်။

  ထိုသို့စစ်ဆေးဆောင်ရွက်ရာတွင် စားသုံးသူပြည်သူများဘေးအန္တရာယ်ကင်းရှင်း၍ လုံခြုံစိတ်ချရမှုရှိစေရန်အတွက် စားသုံးသူကာကွယ်ရေးဥပဒေ၂၀၁၉ အခန်း (၁၈) ပါ ကုန်အညွှန်းအမှတ်အသားဖော်ပြခြင်းနှင့်ပတ်သက်၍ ပြဋ္ဌာန်းချက်များနှင့်ကိုက်ညီမှုရှိ/မရှိနှင့် သက်တမ်းလွန်ကုန်ပစ္စည်းများကို ဈေးကွက်အတွင်း ရောင်းချလျက်ရှိ/မရှိတို့ကိုစစ်ဆေးပြီးနောက် ကုန်အညွှန်အမှတ်အသားပြည့်စုံစွာဖော်ပြထားခြင်းမရှိသောကုန်စည်များကိုမရောင်းချရန်တို့ကိုသိရှိစေရန် ပြောကြားခဲ့ကြောင်းသိရှိရပါသည်။

DOCA(ကရင်)

     ၂၀၂၃ခုနှစ်၊ ဇူလိုင်လ (၂၈) ရက်နေ့၊ နံနက် (၁၀း၀၀) နာရီအချိန်တွင် စားသုံးသူရေးရာဦးစီးဌာန၊ ထားဝယ်မြို့မှ စစ်ဆေးရေးအရာရှိနှင့် ဝန်ထမ်းများသည် ပြည်သူ့ကျန်းမာရေးဦးစီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန၊ အသေးစားစက်မှုလက်မှုလုပ်ငန်းဦးစီးဌာန၊ စည်ပင်သာယာရေးအဖွဲ့တို့နှင့်အတူ ထားဝယ်မြို့ပေါ်ရှိ မုန့်တိုက်များအား စျေးကွက်စောင့်ကြည့်စစ်ဆေးခဲ့ကြပါသည်။

   ထိုသို့စစ်ဆေးဆောင်ရွက်ရာတွင် မုန့်တိုက်အတွင်းရောင်းချနေသော ပေါင်မုန့်၊ ကိတ်မုန့်များတွင် စားသုံးသူကာကွယ်ရေးဥပဒေ ၂၀၁၉၈ပါ ပြဋ္ဌာန်းချက်များနှင့်အညီ ကုန်အညွှန်းအမှတ်အသားဖော်ပြထားရှိခြင်းရှိ/မရှိနှင့် သက်တမ်းလွန်မုန့်များရောင်းချနေမှုရှိ/မရှိတို့ကိုစစ်ဆေးခဲ့ကြောင်း၊ မုန့်တိုက်လုပ်ငန်းရှင်များအား ကုန်အညွှန်းအမှတ်အသားဖော်ပြခြင်းနှင့်ပတ်သက်၍ စားသုံးသူရေးရာဦးစီးဌာနတွသို့လာရောက်၍ အသေးစိတ်မေးမြန်းဆွေးနွေးနိုင်ပါကြောင်း၊ ကုန်အညွှန်းအမှတ်အသားများကိုလည်း လာရောက်လျှောက်ထားစေလိုကြောင်းနှင့် အသိပညာပေးလက်ကမ်းစာစောင်များဖြန့်ဝေခဲ့ကြောင်းသိရှိရပါသည်။

DOCA(တနင်္သာရီ)                                                                                                  

     မန္တလေးတိုင်းဒေသကြီး၊ ညောင်ဦးမြို့၊ ရွှေစည်းခုံဘုရား၌ (၁၈-၇-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် စားသုံးသူရေးရာဦးစီးဌာန၊ ညောင်ဦးခရိုင်ဦးစီးမှူးရုံးကဦးဆောင်၍ ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ စက်မှုကြီးကြပ်ရေးနှင့်စစ်ဆေးရေးဦးစီးဌာန၊ အသေးစားစက်မှုလက်မှုလုပ်ငန်းဦးစီးဌာနတို့ပူးပေါင်း၍ ပုဂံ၊ ညောင်ဦးဒေသထွက်ကုန် လက်ဆောင်ပစ္စည်းထုတ်လုပ်ရောင်းချသော စီးပွားရေးလုပ်ငန်းရှင်များအား အသိပညာပေးဟောပြောဆွေးနွေးမှုများဆောင်ရွက်ခဲ့ကြပါသည်။

   ဟောပြောဆွေးနွေးရာတွင် ရှေးဦးစွာ စားသုံးသူရေးရာဦးစီးဌာန၊ ညောင်ဦးခရိုင်ဦးစီးမှူးရုံးမှ ဦးစီးအရာရှိ ဦးသန်းစိုးက စားသုံးသူကာကွယ်ရေးဥပဒေပါ စားသုံးသူ၏အဓိပ္ပါယ်၊ စီးပွားရေးလုပ်ငန်းရှင်၏အဓိပ္ပါယ်နှင့်တာဝန်များ၊ တာမြစ်ချက်များကိုလည်းကောင်း၊ ကုန်အညွှန်းအမှတ်အသားများအကြောင်းကိုရှင်းလင်းပြောကြား၍ မိမိတို့သည် စီးပွားရေးလုပ်ငန်းရှင်များဖြစ်သည့်အတွက် စီးပွား ရေးကျင့်ဝတ်စည်းကမ်းများနှင့်အညီ လုပ်ဆောင်ကြရန်လိုအပ်ပါကြောင်း၊ မိမိတို့အကျိုးစီးပွားအတွက်သာကြည့်ပြီး စားသုံးသူများထိခိုက်နစ်နာစေသည့်အပြုအမူ၊ လုပ်ဆောင်မှုများကိုရှောင်ကြဉ်ရမည်ဖြစ်ပါကြောင်း၊ စားသုံးသူအပေါ် စိတ်စေတနာအပြည့်အဝထားရန်နှင့် မိမိတို့၏စိတ်စေတနာအလျောက် ပြန်လည်အကျိုးသက်ရောက်လာမှာဖြစ်ပါကြောင်း၊ မိမိတို့၏ ပုဂံ၊ ညောင်ဦးဒေသများသည် ကမ္ဘာ့အမွေအနှစ်ဝင် ရှေးဟောင်းအထင်ကရနေရာဒေသတစ်ခုဖြစ်သည့်အတွက် ပြည်တွင်းပြည်ပခရီးသွားများ အချိန်နှင့်အမျှ အမြဲမပြတ်လာရောက်လျက်ရှိပြီး မိမိတို့အိမ်/ဒေသသို့ပြန်သည့်အခါ ပုဂံ၊ ညောင်ဦးဒေသ၏ ဒေသထွက်အစားအစာနှင့်အသုံးအဆောင်ပစ္စည်းများကို အမှတ်တရအနေဖြင့်သော်လည်းကောင်း၊ မြတ်နိုးကြိုက်နှစ်သက်၍သော်လည်းကောင်း ဝယ်ယူကြပါကြောင်း၊ ထို့ကြောင့် စီးပွားရေးလုပ်ငန်းရှင်များအနေဖြင့် မိမိတို့၏အရပ်ဒေသဂုဏ်၊ မိမိတို့ထုတ်လုပ်သည့်ကုန်စည်၏အရည်အသွေးနှင့် နာမည်ဂုဏ်သတင်းများမှာ ကောင်းမွန်ခိုင်မာစေရန်လိုပါကြောင်း၊ သို့ဖြစ်ပါ၍ စီးပွားရေးလုပ်ငန်းရှင်များအနေဖြင့် ကုန်စည်များထုတ်လုပ်ရောင်းဝယ်ရာတွင် သက်ဆိုင်ရာဌာနများ၏ ဥပဒေပါပြဋ္ဌာန်းချက်များ၊ သတ်မှတ်ချက်များ၊ ထောက်ခံချက်များကိုသိရှိနားလည်ထားရမည်ဖြစ်ပြီး စည်းကမ်းချက်များအတိုင်း လိုက်နာဆောင်ရွက်ကြရမည်လည်းဖြစ်ပါကြောင်း စသည်ဖြင့် အသိပေးဟောပြောဆွေးနွေးခဲ့ပါသည်။

     ဆက်လက်၍ သက်ဆိုင်ရာဌာနများမှ ပုဂံဒေသထွက် ယွန်းထည်နှင့်ပုန်းရည်ကြီးများကို နိုင်ငံတကာသို့ထိုးဖောက်ရောင်းချနိုင်ရေး ကြိုးပမ်းဆောင်ရွက်ရန်နှင့် ကုန်ထုတ်လုပ်မှုမြှင့်တင်နိုင်ရေး၊ ပုဂံဒေသထွက်ပစ္စည်းများအား နိုင်ငံတကာခရီးသွားကျယ်ပြန့်စွာသိရှိဝယ်ယူအသုံးပြုနိုင်ရေးအတွက် အားပေးမြှင့်တင်ဆောင်ရွက်ရေးတို့ကိုဟောပြောဆွေးနွေးခဲ့ကြပြီး အဆိုပါဟောပြောဆွေးနွေးပွဲသို့ ရွှေစည်းခုံဘုရားအတွင်းအပြင်ရှိ ဈေးဆိုင်များမှ ဈေးရောင်းချသူများ၊ လုပ်ငန်းရှင်များ၊ စုစုပေါင်း (၇၀) ဦးတက်ရောက်ခဲ့ကြကြောင်းနှင့် ဟောပြောဆွေးနွေးမှုများအပြီးတွင် ပူးပေါင်းအဖွဲ့သည် ဘုရားအတွင်း/အပြင်ရှိ ပုဂံဒေသထွက် လက်ဆောင်ပစ္စည်းရောင်းချသောဆိုင်များသို့သွားရောက်၍ ထုတ်ကုန်များလုံခြုံစိတ်ချရမှုရှိစေရေး ဈေးကွက်စောင့်ကြည့်စစ်ဆေးခဲ့ကြကြောင်းသိရှိရပါသည်။

DOCA(မန္တလေး)