HighLight News

    စီးပွားရေးနှင့်ကူးသန်းရောင်းဝယ်ဝန်ကြီးဌာန၊ ကရင်ပြည်နယ်၊ စားသုံးသူရေးရာဦးစီးဌာန၊ သတင်းအချက်အလက်နည်းပညာနှင့်အရည်အသွေးစီမံခန့်ခွဲရေးဌာနခွဲတာဝန်ခံ ဒေါ်သီတာဌေးသည်  (၂၆-၇-၂၀၂၃) ရက်နေ့ (ဗုဒ္ဓဟူးနေ့)၊ နေ့လယ် (၁၃:၀၀) နာရီအချိန်တွင် ကရင်ပြည်နယ်၊ စက်မှုကြီးကြပ်ရေးနှင့်စစ်ဆေးရေးဦးစီးဌာန၌ကျင်းပသော MSME လုပ်ငန်းကော်မတီ၏ (၁/၂၀၂၃) ဆုံးဖြတ်များပြီးပြတ်အောင်ဆောင်ရွက်မည့်အစီအစဉ်များအတွက် လုပ်ငန်းညှိနှိုင်းဆွေးနွေးပွဲသို့တက်ရောက်ခဲ့ကြောင်းသိရှိရသည်။

    အဆိုပါဆွေးနွေးပွဲတွင် ဆုံးဖြတ်ချက်များဖြစ်သော ထုတ်လုပ်မှုကဏ္ဍဦးစားပေးလုပ်ငန်း (၁၂) ခုကိုအားပေးမြှင့်တင်နိုင်ရန်၊ လုပ်ငန်းတူအစုအဖွဲ့အလိုက်နှင့် စက်မှုလုပ်ငန်းများအလိုက် လုပ်ငန်းစီမံချက် (Action Plan) များရေးဆွဲချမှတ်ဆောင်ရွက်ရန်၊ ပြည်ပရင်းနှီးမြှုပ်နှံမှု (FDI) များ၊ အကြီးစားစက်မှုလုပ်ငန်းများနှင့် MSME များချိတ်ဆက်ပေးနိုင်မည့် စက်မှုချိတ်ဆက်ဆောင်ရွက်မှုအစီအစဉ် (lndustrial Linkage Plan) တစ်ရပ်အား လုပ်ငန်းတူအစုအဖွဲ့အလိုက်သော်လည်းကောင်း အစီအစဉ်များရေးဆွဲဆောင်ရွက်ရန်၊ ကျွမ်းကျင်လုပ်သားများမွေးထုတ်ပေးနိုင်မည့် TVET အစီအစဉ် များနှင့် စွမ်းဆောင်ရည်မြှင့်တင်ရေးသင်တန်းများဖွင့်လှစ်သင်ကြားပေးနိုင်ရေး၊ ဒေသများအလိုက် ပညာရှင်များစုဖွဲ့၍ အစီအမံများရေးဆွဲအကောင်အထည်ဖော်ဆောင်ရွက်ရန်၊ MSME များအတွက် လက်ရှိရင်ဆိုင်နေရသောအခက်အခဲများဖြစ်သည့် ငွေကြေးအရင်းအနှီး၊ လျှပ်စစ်မီးရရှိမှု၊ ကျွမ်းကျင်လုပ်သားလိုအပ်မှု၊ မြေယာလိုအပ်မှုများ၊ နည်းပညာလိုအပ်ချက်၊ ဈေးကွက်ကျယ်ပြန့်စွာရရှိနိုင်ရေး၊ ထုတ်လုပ်သည့်ကုန်ပစ္စည်းများအား လွယ်ကူစွာဖြန့်ဖြူးနိုင်ရေးအတွက် ပံ့ပိုးဆောင်ရွက်ပေးရန်၊ MSME များ ပြည်တွင်းဈေးကွက်တည်ငြိမ်ရရှိရေးအတွက် နိုင်ငံတော်အစိုးရက ဈေးကွက်ထိန်းကျောင်းပေးမည့်အစီအစဉ်များဆောင်ရွက်ပေးရန်၊ MSME များဖွံ့ဖြိုးတိုးတက်ရေးအတွက် အဓိကလိုအပ်ချက်တစ်ရပ်ဖြစ်သည့် စီးပွားရေးဝန်းကျင်ကောင်း (Good Business Environment) တစ်ခုဖြစ်ပေါ်လာစေရေးအတွက် လုပ်ငန်းများဆောင်ရွက်ရာ၌ ကုန်ကျစရိတ်များလျှော့ချနိုင်ရေး၊ ဝင်ငွေများပိုမိုတိုးတက်ရရှိလာစေရေးနှင့် အခွင့်အလမ်းများပိုမိုရရှိလာနိုင်စေရေး စသည့်အချက် (၃) ချက်အား အဓိကအကောင်အထည်ဖော်ဆောင်ရွက်ပေးရန်တို့ကို ပါဝင်ဆွေးနွေးခဲ့ကြောင်းသိရှိရပါသည်။

      ထိုဆွေးနွေးပွဲသို့ MSME ကော်မတီအဖွဲ့ဝင်(၉) ဦးနှင့် ကရင်ပြည်နယ်ကုန်သည်များနှင့် စက်မှုလက်မှုလုပ်ငန်းရှင်များအသင်းဥက္ကဋ္ဌတို့တက်ရောက်ဆွေးနွေးခဲ့ကြောင်း သတင်းရရှိပါ သည်။

DOCA(ကရင်)

    ကျောက်ဆည်ခရိုင်၊ စားသုံးသူရေးရာဦးစီးဌာနနှင့် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ပူးပေါင်း၍ (၂၁-၇-၂၀၂၃) ရက်နေ့တွင် စားသုံးသူကာကွယ်ရေးအသိပညာပေး Talk  Show  ဆွေးနွေးပွဲအား ကျောက်ဆည်ခရိုင်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန (Community Centre) ခန်းမ၌ ကျင်းပခဲ့ပါသည်။

    အဆိုပါဆွေးနွေးပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်ခင်နှင်းရီက အသိပညာပေး Talk  Show ဆွေးနွေးပွဲကျင်းပရခြင်း၏ ရည်ရွယ်ချက်များကိုရှင်းလင်းပြောကြားပြီးနောက် စားသုံးသူရေးရာဦးစီးဌာန၊ ကျောက်ဆည်ခရိုင်ဦးစီးမှူးရုံးမှ ဦးဇော်မင်းလတ် (ဦးစီးမှူး) က စားသုံးသူကာကွယ်ရေးဥပဒေပြဋ္ဌာန်းထားရှိမှု၊ ဥပဒေပါ စားသုံးသူအခွင့်အရေး (၈) ချက်နှင့် စားသုံးသူတို့၏တာဝန်များ၊ လုပ်ငန်းရှင်များလိုက်နာရမည့်တာဝန်များ၊ ကုန်အညွှန်းအမှတ်အသားဖော်ပြချက်များ၊ ကုန်စည်နှင့် ဝန်ဆောင်မှုနှင့်စပ်လျဉ်း၍ အာမခံပေးထားမှုအပေါ် စားသုံးသူကတောင်းဆိုနိုင်သည့်အခွင့်အရေးများကို အကျယ်တဝင့်ရှင်းလင်းဆွေးနွေးကာ စားသုံးသူများနစ်နာဆုံးရှုံးမှုများဖြစ်ပေါ်ပါက တိုင်းဒေသကြီး၊ ပြည်နယ်များရှိ Consumer Information & Complaint Center (CICC) များနှင့် Consumer Call Center No. ဖြစ်သည့် (1535) သို့ခေါ်ဆို၍ တိုင်ကြားနိုင်သည့်အပြင် စားသုံးသူရေးရာဦးစီးဌာန၏ Website ဖြစ်သော www .doca. gov. mm ထဲသို့ဝင်ရောက်ပြီးလည်းတိုင်ကြားနိုင်ပါကြောင်း ဆွေးနွေးပြောကြားခဲ့ပြီး ကျောက်ဆည်ခရိုင်၊ စားသုံးသူရေးရာဦးစီးဌာနလက်အောက်ရှိ မြို့နယ်များ၌ စားသုံးသူကာကွယ်ရေးအသိပညာပေး Talk  Show ဆွေးနွေးပွဲများကို ဆက်လက်ကျင်းပသွားမည်ဖြစ်ကြောင်း သတင်းရရှိပါသည်။

DOCA(မန္တလေး)

   မန္တလေးတိုင်းဒေသကြီး၊ ညောင်ဦးမြို့ရှိ မဏိစည်သူဈေး၊ ဘုန်းစဉ်အခွန်လွတ်ဈေးနှင့် စတိုးဆိုင်များတွင်ဖြန့်ဖြူးရောင်းချလျက်ရှိသည့် စားသုံးဆီအမျိုးမျိုးနှင့်စပ်လျဉ်း၍ စားသုံးသူကာကွယ်ရေးဥပဒေအရ ကုန်စည်များ၌ ကုန်အညွှန်းအမှတ်အသားပြည့်စုံစွာပါရှိ/မရှိကို (၁၆-၇-၂၀၂၃) ရက်နေ့၊ နံနက် (၀၉:၀၀) နာရီအချိန်တွင် စားသုံးသူရေးရာဦးစီးဌာန၊ ညောင်ဦးခရိုင်ဦးစီးမှူးရုံးကဦးဆောင်၍  ဌာနဆိုင်ရာပူးပေါင်းအဖွဲ့ဖြင့် ကွင်းဆင်းစစ်ဆေးဆောင်ရွက်ခဲ့ပါသည်။

    ကွင်းဆင်းစစ်ဆေးဆောင်ရွက်ရာတွင် စားသုံးသူရေးရာဦးစီးဌာန၊ ညောင်ဦးခရိုင်ဦးစီးမှူးရုံးမှ ဦးသန်းစိုး (ဦးစီးအရာရှိ) နှင့် မြို့နယ်အထွေထွေအုပ်ချုပ်ရေးဦးစီးဌာ၊ မြို့နယ်စည်ပင်သာယာရေးအဖွဲ့၊ ခရိုင်ပြည်သူ့ကျန်းမာရေးဦးစီးဌာန၊ ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန စသည့်ဌာနဆိုင်ရာများဖြင့် ပူးပေါင်းပါဝင်ဆောင်ရွက်ခဲ့ပါသည်။ ကွင်းဆင်းစစ်ဆေးရာတွင် လက်ရှိဈေးကွက်အတွင်း၌ ရောင်းချလျက်ရှိသောစားသုံးဆီအမျိုးမျိုးတွင် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားများမှန်ကန်ပြည့်စုံစွာထည့်သွင်းပါဝင်မှုရှိ/မရှိကိုစစ်ဆေးကာ လက်လီ/လက်ကားရောင်းချနေသောဈေးဆိုင်များမှ တာဝန်ရှိသူများ၊ စီးပွားရေးလုပ်ငန်းရှင်များအနေဖြင့် စားသုံးဆီများအပါအဝင် ကုန်စည်အားလုံးထုတ်လုပ်ဝယ်ယူရောင်းချရာတွင် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားများကို ပြည့်စုံမှန်ကန်စွာထည့်သွင်းဖော်ပြရန်နှင့် မြန်မာဘာသာဖြင့် ထည့်သွင်းဖော်ပြထားသောကုန်စည်များ၊ သက်ဆိုင်ရာဌာနများ၏ ထောက်ခံချက်များပါဝင်သောကုန်စည်များကိုသာ ထုတ်လုပ်ရောင်းဝယ်မှုပြုရန်နှင့် သတ်မှတ်ချက်များနှင့်ကိုက်ညီမှုမရှိသေကုန်စည်များကို ထုတ်လုပ်ရောင်းဝယ်မှုမပြုရန် အသိပညာပေးခဲ့ပါကြောင်း၊ သတ်မှတ်ထုတ်ပြန်ထားသော ဥပဒေပြဋ္ဌာန်းချက်များနှင့်ညီညွတ်ကိုက်ညီမှုမရှိသောကုန်စည်များကို ဥပဒေပြဋ္ဌာန်းချက်များနှင့်အညီ အရေးယူဆောင်ရွက်မှုများဆောင်ရွက်သွားမည်ဖြစ်ပါကြောင်း၊ မိမိတို့၏ဥပဒေပါ ပြဋ္ဌာန်းချက်များကိုလည်း နည်းလမ်းပေါင်းစုံဖြင့် စားသုံးသူပြည်သူလူထုအပါအဝင် စီးပွားရေးလုပ်ငန်းရှင်များအား နေရာဒေသစုံစွာ ကျယ်ကျယ်ပြန့်ပြန့်အသိပေးဆောင်ရွက်ထားပြီးဖြစ်ပါကြောင်း၊ သို့ဖြစ်ပါ၍ စီးပွားလုပ်ငန်းရှင်များအနေဖြင့် ကုန်စည်များထုတ်လုပ်၍ အရောင်းအဝယ်ပြုလုပ်ရာတွင် သက်ဆိုင်ရာဌာနများ၏ပြဋ္ဌာန်းချက်ဥပဒေများအတိုင်း လိုက်နာဆောင်ရွက်သွားကြရန်နှင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များလိုက်နာရမည့်တာဝန်များ၊ တားမြစ်ချက်များ၊ ကုန်အညွှန်း အမှတ်အသားဖော်ပြခြင်းများနှင့်ပတ်သက်၍ အသိပေးဆောင်ရွက်ခဲ့ကြောင်းသိရှိရပါသည်။

DOCA(မန္တလေး)

    မန္တလေးတိုင်းဒေသကြီး၊ ငါန်းဇွန်မြို့တွင် (၁၃-၇-၂၀၂၃) ရက်နေ့၊ နံနက် (၀၇:၀၀) နာရီအချိန်၌ မြို့နယ်စားသုံးသူရေးရာဦးစီးဌာနကဦးဆောင်၍ ငါန်းဇွန်မြို့၊ မြို့မဈေးနှင့်ဈေးအတွင်းအပြင်ရှိ စားသုံးဆီရောင်းချသောဈေးဆိုင်များအား စားသုံးဆီများနှင့်ပတ်သက်၍ စားသုံးဆီအမျိုးမျိုးတွင် ကုန်အညွှန်းအမှတ်အသားပြည့်စုံစွာပါဝင်မှုရှိ/မရှိ၊ ထုတ်ပြန်ထားသောညွှန်ကြားချက်များနှင့်ကိုက်ညီမှုရှိ/မရှိတို့ကိုကွင်းဆင်းစစ်ဆေးဆောင်ရွက်ခဲ့ပါသည်။

    ကွင်းဆင်းဆောင်ရွက်မှုတွင် စားသုံးသူရေးရာဦးစီးဌာန၊ မြို့နယ်တာဝန်ခံနှင့် မြို့နယ်စည်ပင်သာယာရေးအဖွဲ့မှ အမှုဆောင်အရာရှိနှင့်ဝန်ထမ်းများ၊ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိနှင့်ဝန်ထမ်းတို့ဖြင့် ပူးပေါင်းဆောင်ရွက်ခဲ့ကြပါသည်။ စားသုံးဆီအမျိုးမျိုးသည် နေ့စဉ်ချက်ပြုတ်စားသောက်မှုတွင် မပါမဖြစ်ထည့်သွင်းအသုံးပြုရသည့် ကုန်စည်ဖြစ်သည့်အတွက် သတ်မှတ်စံချိန်စံညွှန်းများနှင့်ကိုက်ညီမှုမရှိသောဆီများနှင့် ပြန်လည်သန့်စင်ထားသည့်ဆီများအား ဈေးကွက်အတွင်းရောင်းချပါက  စားသုံးသူများကိုဘေးန္တရာယ်ဖြစ်ပွားစေခြင်း၊ ဘေးန္တရာယ်ဖြစ်စေနိုင်သည့်ဆီများကို ရေရှည်စားသုံးမိပါက စားသုံးသူများအနေဖြင့် ကျန်းမာရေးဆိုင်ရာဆိုးကျိုးများဖြစ်ပွားလာနိုင်ပါကြောင်း၊ ပင်ရင်းပါဝင်ပစ္စည်းကို အခြေခံသောကုန်စည်၏အမျိုးအမည်ကို မြန်မာဘာသာဖြင့် တိကျစွာဖော်ပြစေခြင်းနှင့်စပ်လျဉ်း၍ လိုက်နာဆောင်ရွက်ကြရန်နှင့် စီးပွားရေးလုပ်ငန်းရှင်များအနေဖြင့် ကုန်စည်များထုတ်လုပ်၍ အရောင်းအဝယ်ပြုလုပ်ရာတွင် သက်ဆိုင် ရာဌာနများ၏ ပြဋ္ဌာန်းချက်ဥပဒေများအတိုင်း လိုက်နာဆောင်ရွက်သွားကြရန်နှင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များလိုက်နာရမည့်တာဝန်များ၊ တားမြစ်ချက်များ၊ ကုန်အညွှန်းအမှတ်အသားဖော်ပြခြင်းများနှင့်ပတ်သက်၍ သိရှိလိုက်နာရန် အသိပညာပေးဆောင်ရွက်ခဲ့ကြောင်းသိရှိရပါသည်။

DOCA(မန္တလေး)

      ဧရာဝတီတိုင်းဒေသကြီး၊ မြောင်းမြခရိုင်၊ မြောင်းမြမြို့နယ်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့နှင့် စားသုံးသူရေးရာဦးစီးဌာနတို့ပူးပေါင်း၍ (၂၆-၇-၂၀၂၃) ရက်နေ့၊ နေ့လယ် (၁၄:၀၀) နာရီအချိန်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန၊ Community Centre ခန်းမ၌ စားသုံးသူကာကွယ်ရေးအသိပညာပေး Talk Show ပြုလုပ်ခဲ့ပါသည်။

     ထိုသို့ဟောပြောဆွေးနွေးရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူးက  စားသုံးသူအသိပညာပေး Talk Show ပြုလုပ်ရခြင်း၏ရည်ရွယ်ချက်ကိုရှင်းလင်းပြောကြားခဲ့ပါကြောင်း၊ စားသုံးသူရေးရာဦးစီးဌာန၊ မြို့နယ်ဦးစီးမှူး ဦးလှထွဋ်ဦးက ဌာန၏မျှော်မှန်းချက်၊ ရည်မှန်းချက်များ၊ ရှေ့ဆက်လက်ဆောင်ရွက်ရမည့်လုပ်ငန်းတာဝန်များကို ဦးစွာရှင်းလင်းပြောကြားခဲ့ပါကြောင်း၊ ထို့နောက် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနကထုတ်ပြန်ထားသော စားသုံးသူကာကွယ်ရေးဥပဒေ ၂၀၁၉ပါ ပြဋ္ဌာန်းချက်များမှ အခန်း (၉) ပါ စားသုံးသူ၏အခွင့်အရေး (၈) ချက်နှင့် တာဝန် (၄) ချက်၊ အခန်း (၁၀) ပါ စီးပွားရေးလုပ်ငန်းရှင်၏တာဝန် (၁၁) ချက်၊ အခန်း (၂၃) ပါ တားမြစ်ချက်များ၊ အခန်း (၂၄) ပါ ပြစ်မှုပြစ်ဒဏ်များအကြောင်းကိုရှင်းလင်းပြောကြားခဲ့ပါကြောင်း၊ အခန်း (၁၈) ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ-၄၁ ပုဒ်မခွဲ (ခ) နှင့် (ဆ) တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ အခြားဘာသာတစ်ခု (သို့) တစ်ခုထက်ပို၍တွဲလျက်ဖြစ်စေ ရေးသားဖော်ပြရမည်ဖြစ်ပြီး ကုန်စည်အမျိုးအစားအလိုက် သတ်မှတ်ထားသည့်ဥပဒေများနှင့်အညီဆောင်ရွက်ကြရန် အသိပညာပေးခဲ့ကြောင်း၊ စက်သုံးဆီနှင့်ပတ်သက်ပြီး သယ်ယူ/သိုလှောင်/ဖြန့်ဖြူးရောင်းဝယ်နေသော စက်သုံးဆီအရောင်းဆိုင်များအနေဖြင့် PPRD ကထုတ်ပြန်ထားသော သတ်မှတ်ရည်ညွှန်းဈေးထက် ပိုမိုရောင်းချခြင်းရှိ/မရှိနှင့် ပြည်သူများအဆင်ပြေစွာဝယ်ယူနိုင်ရေးအတွက် မြို့နယ်အတွင်းရှိ စက်သုံးဆီအရောင်းဆိုင်များ ဆီပြတ်လပ်မှုမရှိစေရေးနှင့် ပုံမှန်ဖွင့်လှစ်ရောင်းချနိုင်ရေးတို့အတွက် ကွင်းဆင်းဆောင်ရွက်နေရပါကြောင်း၊ စီးပွားရေးလုပ်ငန်းရှင်များအနေဖြင့် ဥပဒေပါအချက်အလက်များကိုသိရှိလိုပါက စားသုံးသူရေးရာဦးစီးဌာန၊ ခရိုင်ဦးစီးမှူးရုံးတွင်လည်းကောင်း၊ စားသုံးသူရေးရာဦးစီးဌာန၊ ရုံးချုပ်၏ www. doca. gov. mm Website တွင်လည်းဝင်ရောက်လေ့လာကြည့်ရှုနိုင်ပါကြောင်း၊ စားသုံးသူများနစ်နာမှုရှိလာပါက စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ (CICC) သို့ လူကိုယ်တိုင်ဖြစ်စေ၊ တယ်လီဖုန်းဖြင့်ဖြစ်စေ တိုင်ကြားနိုင်ပါကြောင်း အသိပညာပေးဟောပြောဆွေးနွေးခဲ့မှုကိုသိရှိရပါသည်။

DOCA(ဧရာဝတီ)