HighLight News

            စားသုံးသူရေးရာဦးစီးဌာန၊ ညောင်တုန်းမြို့နယ်ဦးစီးမှူးရုံးမှ မြို့နယ်ဦးစီးမှူး ဦးအောင်လွင်နှင့်   ဝန်ထမ်းများသည် မြိုနယ်စည်ပင်သာယာရေးအဖွဲ့၊ မြန်မာနိုင်ငံရဲတပ်ဖွဲ့၊ မြို့နယ်အထွေထွေအုပ်ချုပ်ရေးဦးစီးဌာန၊ စစစ အဖွဲ့တို့နှင့် မြို့မဈေးအတွင်း စားအုန်းဆီလက်ကား အရောင်းဆိုင်(၁၂)ဆိုင်သို့ သွားရောက်၍ (၄.၃.၂၀၂၅) ရက်နေ့ တွင်  စားအုန်းဆီရောင်းချသည့် လက်ကားဆိုင်များသို့ ကွင်းဆင်းစစ်ဆေးခြင်းများ ဆောင်ရွက်ခဲ့ကြကြောင်း သိရှိရပါသည်။

           ထိုသို့ ကွင်းဆင်းဆောင်ရွက်ရာတွင် စားအုန်းဆီရောင်းချသော လက်ကားအရောင်းဆိုင်များအနေဖြင့် ဗီနိုင်ချိတ်ဆွဲ ရည်ညွှန်းဈေးနှုန်း မှန်ကန်စွာဖော်ပြထားခြင်း ရှိ/မရှိ ၊ စားအုန်းဆီလိုအပ်ချက်အပေါ် ဗူးသွပ်ဆီများ၊ ရောနှောဆီများ ရောင်းချခြင်းမှုရှိပါက သတ်မှတ်ကုန်အညွှန်းအမှတ်အသားဖော်ပြပါဝင်ခြင်းရှိ/ မရှိကိုလည်းကောင်း၊ ဆီရောင်းချပိဿာကို ကြည်ရှုစစ်ဆေးခြင်း၊ ဆီစာအုပ်ဖြင့် နေ့စဉ်ရောင်းချမှုစာရင်းများကို တိုက်ဆိုင်စစ်ဆေးခြင်းများပြုလုပ်ခဲ့ပြီး စားအုန်းဆီ လက်ကားအရောင်းဆိုင် (၁၂)ဆိုင်မှ ဆိုင်ရှင်များကို ရည်ညွှန်းဈေးကိုမှန်ကန်စွာ ဈေးတင်ရောင်းချရန်၊ ဗီနိုင်းကို မြင်သာသောနေရာတွင် ချိတ်ဆွဲထားရန်တို့ကို စစ်ဆေး၍ လိုအပ်သည်များမှာကြားကာ လိုက်နာမှုမရှိသော ဆိုင်ရှင်များကို နောက်တစ်ကြိမ်စစ်ဆေးတွေ့ရှိပါက စီမံခန့်ခွဲမှုနည်းလမ်းအရ အရေးယူဆောင်ရွက်သွားမည်ဖြစ်ကြောင်း စားအုန်းဆီ လက်ကားဖြန့်ဖြူးသည့် ဆိုင်(၁၂)ဆိုင်အား အသိပေးပြောကြားခဲ့ကြောင်း သိရှိရပါသည်။

DOCA(ဧရာဝတီ)

             ၄-၃-၂၀၂၅ ရက်နေ့ နံနက် (၁၁း၀၀)နာရီအချိန်တွင် ဓနုဖြူမြို့နယ်ကုန်ဈေးနှုန်းတည်ငြိမ်ရေးလုပ်ငန်းအဖွဲ့ဝင်များနှင့် မြို့နယ်စားသုံးသူရေးရာဦးစီးဌာန၊ စားအုန်းဆီလက်လီရောင်းချသောဆိုင် (၁၀)ဆိုင်အား ကွင်းဆင်းဈေးကွက်စောင့်ကြည့် စစ်ဆေးမှုကိုဆောင်ရွက်ခဲ့ပါသည်။

              စောင့်ကြည့်စစ်ဆေးရာတွင် ဓနုဖြူမြို့နယ် (၁၂)ရပ်ကွက်၊ (၇)ရပ်ကွက်၊ (၅)ရပ်ကွက်အတွင်း လက်ကားရောင်းချနေသော စားအုန်းဆီအရောင်းဆိုင်(၁၀)ဆိုင်သို့ ဓနုဖြူမြို့နယ်ကုန် ဈေးနှုန်းတည်ငြိမ်ရေးလုပ်ငန်း အဖွဲ့ဝင်များနှင့် မြို့နယ်ဦးစီးမှူး ဦးဝင်မင်းစိုးတို့မှ သွားရောက်၍ ဆိုင်များတွင် ဆီရောင်းချနေသည့်ပိဿာ၊ သတ်မှတ်ရည်ညွှန်းဈေး၊ ၁တစ်လအတွင်း ဆီစာအုပ်ဖြင့် ဝယ်ယူသူများ နေ့စဉ်စာရင်များ ရေးသွင်းထားမှုရှိ/ မရှိကိုစစ်ဆေးခြင်း၊ စားအုန်းဆီအရောင်းဆိုင်များမှ သတ်မှတ်ချက်များနှင့်အညီ ရောင်းချမှုရှိမရှိကိုစစ်ဆေးခြင်း၊ ၁လအတွင်း စားသုံးသူမှ ၁ပိဿာ ၅၀ တိတိကို ရောင်းချပေးရန်၊ နာရေးအရ စားသုံးသူပြည်သူများ ဆီလိုအပ်ပါက ရောင်းချပေးရန်ကို မှာကြားခဲ့ပြီး စားအုန်းဆီဝယ်ယူမှုနှင့် စပ်လျဉ်း၍ တိုင်ကြားချက်များမရှိစေရန် စိစစ်ဆောင်ရွက်သွာရန်ကို ဆိုင်ရှင်များအား အဖွဲ့မှမှာကြားခဲ့ပြီး သတ်မှတ်ချက်များအတိုင်းလိုက်နာမှုမရှိပါက စီးမံခန့်ခွဲမှု နည်းလမ်းအရအရေးယူဆောင်ရွက်ခံရမည်ဖြစ်၍ လုပ်ငန်းရှင်များက သိရှိလိုက်နာဆောင်ရွက်သွားမည်ဖြစ်၍  လက်မှတ်ရေးသွင်းခဲ့ကြောင်း သတင်းရရှိပါသည်။

DOCA(ဧရာဝတီ)

            ဧရာဝတီတိုင်းဒေသကြီး၊ မအူပင်ခရိုင်၊ စားသုံးသူရေးရာဦးစီးဌာန၊ ဓနုဖြူမြို့နယ်ဦးစီးမှူး ဦးဝင်မင်းစိုးနှင့် ဝန်ထမ်းများသည် (၄-၃-၂၀၂၅) ရက်နေ့၊ နံနက် (၀၉:၃၀) နာရီအချိန်တွင် ဓနုဖြူမြို့နယ်ဦးစီးမှူးရုံး၊ အစည်းဝေးခန်းမတွင် ကုန်မျိုးစုံရောင်းချသူလုပ်ငန်းရှင်(၁၀)ဦးအားတွေ့ဆုံ၍ စားသုံးသူကာကွယ်ပေးရေးအသိပညာပေးဟောပြောခဲ့ကြပါသည်။

            အဆိုပါအသိပညာပေးဟောပြောမှုတွင် ဓနုဖြူမြို့နယ်တာဝန်ခံ ဦးဝင်းမင်းစိုးမှ ကုန်မျိုးစုံလုပ်ငန်းရှင်များအား စားသုံးသူကာကွယ်ရေးဥပဒေ(၂၀၁၉)ကို ရှင်းလင်းဆွေးနွေးခဲ့ပြီးနောက် စားသုံးသူကာကွယ်ရေး လုပ်ငန်းစဉ်ကိစ္စရပ်ကိုရှင်းလင်းခြင်း၊ စားသုံးသူ၏အဓိပ္ပါယ်၊ စီးပွားရေးလုပ်ငန်းရှင်၏လိုက်နာရမည့်တာဝန်များ ကိုရှင်းလင်းခြင်းနှင့် စားသုံးသူကာကွယ်ရေးဥပဒေ၂၀၁၉၊ အခန်း(၁၈)တွင်ဖော်ပြထားသော ကုန်အညွှန်းအမှတ်အသားတွင် ပါရှိရမည့်အချက်များကို ရှင်းလင်းခြင်း၊ စားသုံးသူသည် လိုအပ်ချက်အရ ကုန်စည်ကိုဝယ်ယူအသုံးပြုရာတွင် ကုန်စည်ကြောင့် စားသုံးသူအခွင့်အရေးနစ်နာဆုံးရှုံးမှုဖြစ်ပေါ်လာပါက တိုင်ကြားနိုင်သည့် စားသုံးသူ၏အခွင့်အရေးရှိ၍ တိုင်ကြားနိုင်သည့် လိပ်စာများ၊ နည်းလမ်းများကို အကျယ်တဝင့်ရှင်းလင်းဆွေးနွေးခြင်းတို့ ဆောင်ရွက်ခဲ့ပါသည်။ ဆိုင်ရှင်လုပ်ငန်းရှင်များကလည်း မိမိတို့ရောင်းချသောကုန်စည်များတွင် ကုန်စည်၏တံဆိပ်အမှတ်အသား၊ အမျိုးအစား၊ အသားတင်ပမာဏ၊ ထားသိုပုံ၊ သိမ်းဆည်းမှုအညွှန်း၊ ထုတ်လုပ်သည့်ရက်စွဲ၊ သက်တမ်းကုန်ဆုံးရက်စွဲ၊ အမှတ်စဉ်၊ လုပ်ငန်းအမည်၊ လိပ်စာ၊ ဆက်သွယ်ရန်ဖုန်းနံပါတ်၊ ကျန်းမာရေးဘေးထွက်ဆိုးကျိုး၊ သက်ဆိုင်ရာဌာနတို့၏ ဖော်ပြရန်သတ်မှတ်ထားသော အချက်အလက်များပါဝင်သည့် ကုန်စည်ကိုသာရွေးချယ်ဦးစားပေးရောင်းချရမည်ကို သိရှိလာရပါကြောင်းနှင့် ထပ်မံသိရှိလိုသည်များကို ပြန်လည်မေးမြန်း ဆွေးနွေးခဲ့ကြကြောင်း သတင်းရရှိပါသည်။

DOCA(ဧရာဝတီ)

            စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည် (၃.၃.၂၀၂၅) ရက်နေ့ နံနက်(၀၉:၃၀) နာရီအချိန်တွင် ဇလွန်မြို့နယ်၊ ပုပ္ပါးလမ်း၊ လမ်းမတော်(မ)ရပ်ကွက်ရှိ မီးသတ်ဦးစီးမှူးရုံး၊ အစည်းအဝေးခန်းမတွင် မီးသတ်ဦးစီးဌာနရှိ ဝန်ထမ်းများနှင့် ဝန်ထမ်းမိသားစုများအား  စားသုံးသူကာကွယ်ရေး အသိပညာပေးဟောပြောခြင်းကို ဆောင်ရွက်ခဲ့ကြောင်းသိရသည်။

          ဟောပြောပွဲတွင် စားသုံးသူရေးရာဦးစီးဌာနမှ မြို့နယ်တာဝန်ခံ ဦးသန့်ဇင်ဦးက စားသုံးသူရေးရာ ဦးစီးဌာန၏ သမိုင်းအကျဉ်း၊ မျှော်မှန်းချက်၊ ရည်မှန်းချက်များအကြောင်း၊ စားသုံးသူကာကွယ်ရေးဥပဒေပါ စားသုံးသူ၏ အဓိပ္ပါယ်ဖွင့်ဆိုချက်၊ စားသုံးသူအခွင့်အရေးနှင့်တာဝန်များ၊ စားသုံးသူများသည် ကုန်စည်ကို ရွေးချယ်ဝယ်ယူတတ်စေရန်၊ ကုန်အညွှန်းအမှတ်အသားနှင့် စပ်လျဉ်း၍ ဖော်ပြပါရှိသည့် အချက်အလက်များကို သေချာစွာစိစစ်ဝယ်ယူနိုင်ရန်၊ အစားအသောက်နှင့် ကုန်စည်တွေပေါ်မှာ ဖော်ပြရမည့် ကုန်အညွှန်း အမှတ်အသားများအကြောင်း၊ ဝယ်ယူအသုံးပြုခဲ့သော ကုန်စည်နှင့် ဝန်ဆောင်မှုများကြောင့် နစ်နာဆုံးရှုံးမှုများ ဖြစ်ပေါ်လာပါက ပြောဆိုတင်ပြ တိုင်ကြားခွင့်နှင့် ပြန်လည်ကုစားနိုင်ခွင့်များအကြောင်း၊  ပြစ်မှုနှင့် ပြစ်ဒဏ်များအကြောင်း၊ စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ (Consumer Information and Complaint Center) CICC ဖွင့်လှစ်ထားရှိမှုအခြေအနေကိုလည်ကောင်း၊ စားသုံးသူရေးရာဦးစီး ဌာန၏ လုပ်ငန်းဆောင်ရွက်ချက်များအကြောင်း သိရှိလိုပါက www.doca.gov.mm Website တွင် ဝင်ရောက်လေ့လာနိုင်ကြောင်းနှင့် Consumer Call Center 1535 သို့ ဆက်သွယ်မေးမြန်းနိုင်ကြောင်းကိုလည်းကောင်း စသည်တို့ကို အသိပညာပေးဟောပြောဆွေးနွေးခဲ့ပြီး၊ စားသုံးသူကာကွယ်ရေးဆိုင်ရာ လက်ကမ်းစာစောင်များ ဖြန့်ဝေခဲ့ကြောင်း သိရှိရပါသည်။

DOCA(ဧရာဝတီ)

            စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူမြို့နယ်တာဝန်ခံရုံးအနေဖြင့် ၂၀၂၅ ခုနှစ် ၊ မတ်လ ၃ ရက်နေ့ နံနက်(၀၉:၃၀)နာရီအချိန်တွင် ကန့်ဘလူမြို့နယ်တာဝန်ခံ ဦးမျိုးဝင်းသန်းသည် ကန့်ဘလူမြို့ပေါ်ရှိ ဘိလပ်မြေနှင့် အိမ်ဆောက်ပစ္စည်းရောင်းချသည့်ဆိုင်များ သို့အပတ်စဉ်ကွင်းဆင်းစစ်ဆေးခြင်း ဆောင်ရွက်လျက်ရှိကြောင်း သိရသည်။

         ထိုသို့ကွင်းဆင်းစစ်ဆေးရာတွင် ကန့်ဘလူမြို့ပေါ်ရှိ ဘိလပ်မြေရောင်းချသည့်ဆိုင်များ၏ ဘိလပ်မြေဝယ်ယူရရှိမှုအခြေအနေ၊ လက်ကျန်အခြေအနေနှင့် ဈေးနှုန်း၊ ဈေးကွက်အခြေအနေတို့အား ကွင်းဆင်းစိစစ်ခဲ့ရာ ဘိလပ်မြေနှင့် ဆောက်လုပ်ရေးလုပ်ငန်းသုံးပစ္စည်းများကို မန္တလေးမြို့မှဝယ်ယူရကြောင်း၊ ဘိလပ်မြေများ ပစ္စည်းပြတ်လပ်မှုမရှိကြောင်း လုပ်ငန်းရှင်များထံမှ သိရှိရပါသည်။

DOCA(စစ်ကိုင်း)