HighLight News

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပုဂ္ဂလိကကဏ္ဍဖွံ့ဖြိုးရေးနှင့် MSMEs လုပ်ငန်းများဖွံ့ဖြိုးတိုးတက်ရေးလုပ်ငန်းများကို ပူးပေါင်းဆောင်ရွက်လျက်ရှိရာ ရွှေဘိုခရိုင်စားသုံးသူရေးရာဦးစီးဌာနမှ ခရိုင်ဦးစီးမှူးနှင့် ရွှေဘိုမြို့နယ်တာဝန်ခံတို့သည် (၂၂-၈-၂၀၂၃)ရက်နေ့၊ နေ့လယ်(၁၃:၀၀)နာရီအချိန်နှင့် (၂၃-၈-၂၀၂၃) ရက်နေ့၊ နံနက် (၁၁:၀၀)နာရီအချိန်တို့တွင် ရွှေဘိုမြို့၊ စက်မှုဇုန်ရှိ ဆန်စက်လုပ်ငန်းရှင် (၂)ဦးအား တွေ့ဆုံဆွေးနွေးခဲ့ကြပါသည်။

    ထိုသို့တွေ့ဆုံရာတွင် ခရိုင်ဦးစီးမှူးက ဆန်စက်ကြိတ်ခွဲထုတ်လုပ်နိုင်မှုအခြေအနေ၊ စပါး/ဆန်ဈေးနှုန်း၊ ဈေးကွက်အခြေအနေ၊ သိုလှောင်ထားရှိမှု၊ လက်ကျန်အခြေအနေနှင့် ကုန်စည်စီးဆင်းမှုအခြေအနေများကိုမေးမြန်းဆွေးနွေးခဲ့ပြီး ဌာန၏ မျှော်မှန်းချက်၊ ရည်မှန်းချက်များအကြောင်း၊ စားသုံးသူအခွင့်အရေးနှင့် လိုက်နာရမည့်တာဝန်များ၊ စီးပွားရေးလုပ်ငန်းရှင်၏တာဝန်များ၊ စားသုံးသူအခွင့်အရေးနှင့် အကျိုးစီးပွားနစ်နာဆုံးရှုံးမှုများရှိပါက တိုင်ကြားနိုင်ကြောင်းနှင့် တိုင်ကြားနိုင်သည့်နေရာများ၊ ဌာနနှင့်သက်ဆိုင်သောအကြောင်းများကို မေးမြန်းစုံစမ်းနိုင်သည့် Consumer Call Center နှင့်ပတ်သက်၍ အသိပညာပေးဆွေးနွေးခဲ့ကြောင်း သတင်းရရှိပါသည်။

DOCA(စစ်ကိုင်း)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနမှ ဌာနအကြီးအကဲ၏လမ်းညွှန်မှုနှင့်အညီ လက်အောက်တိုင်းဒေသကြီးနှင့်ပြည်နယ်ရုံးများ၊ ခရိုင်ရုံးများရှိ အရာထမ်း၊ အမှုထမ်းများ၏ လစာစရိတ်များကို ဒီဂျစ်တယ်နည်းလမ်းဖြင့် ထိ‌ရောက်စွာအသုံးပြုထုတ်ယူနိုင်စေရန်အတွက် ကရင်ပြည်နယ်ဦးစီးမှူးရုံးအနေဖြင့် ဝန်ထမ်းများ၏ လစာများကို Online Payment စနစ်ဖြင့်ထုတ်ယူနိုင်ရေးအတွက် ဆောင်ရွက်လျက်ရှိကြောင်သတင်းရရှိပါသည်။

    ကရင်ပြည်နယ်ဦးစီးမှူးရုံးမှ ဝန်ထမ်းများအနေဖြင့် (၂၄-၈-၂၀၂၃) ရက်နေ့တွင် Digiatal Payment စနစ်ဖြစ်သော Online Banking (ATM Card) ကိုအသုံးပြု၍ လစာစရိတ် (Payroll) များကို အလွယ်တကူထုတ်ယူရရှိနိုင်ရေးအတွက် AYA ဘဏ်နှင့်ချိတ်ဆက်ခဲ့ကြောင်း၊ AYA ဘဏ်မှ ဝန်ထမ်းများကလည်း ကရင်ပြည်နယ်ဦးစီးမှူးရုံးသို့လာရောက်၍ ဝန်ထမ်းများအား  ဘဏ်စာအုပ်နှင့် (ATM Card) စာရင်းများဖွင့်၍   Online Payment စနစ်ဖြင့် လစာထုတ်ယူနိုင်ရေးကိုဆောင်ရွက်ပေးခဲ့ကြောင်း၊ အဆိုပါကတ်များကို    ကရင်ပြည်နယ်ဦးစီးမှူးရုံးမှ  ဝန်ထမ်း(၁၇)ဦးပြုလုပ်ဆောင်ရွက်ခဲ့ကြကြောင်း သိရှိရပါသည်။

DOCA(ကရင်)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှုဖြင့် သရက်ခရိုင်ဦးစီးမှူးရုံးမှ ဝန်ထမ်းများနှင့် ကံမမြို့နယ်တာဝန်ခံ ဒုတိယဦးစီးမှူး ဒေါ်နွဲ့ယဉ်ဝင်းသည် ‌(၁၉-၈-၂၀၂၃)ရက်နေ့၊ နေ့လယ်(၁၄:၃၀)နာရီအချိန်တွင် ကံမမြို့၊ မြို့နယ်စည်ပင်သာယာရေးအဖွဲ့မှ  ဒုတိယဦးစီးမှူးနှင့်အတူ ကံမမြို့နယ်၊ ကျွန်းကလေးအုပ်စု၊ အုတ်ဖိုကျေးရွာရှိ ဦးကျော်မိုးလွင် (ဆယ်စုသစ်) စက်သုံးဆီဆိုင်သို့သွားရောက်၍ စက်သုံးဆီများဖြန့်ဖြူးရောင်းချရာ၌ သတ်မှတ်ထားသော အခြေခံရည်ညွှန်းဈေးဖြင့် အမှန်တကယ်ရောင်းချမှုရှိ/မရှိနှင့်  အချင်အတွယ်မှန်ကန်မှုရှိ/မရှိကို ကွင်းဆင်းစစ်ဆေးမှုများပြုလုပ်ခဲ့ပါသည်။         

    ထိုသို့ စစ်ဆေးရာတွင် ကံမမြို့နယ်တာဝန်ခံ ဒေါ်နွဲ့ယဉ်ဝင်းက စက်သုံးဆီရောင်းချဖြန့်ဖြူးလျက်ရှိသော ဆယ်စုသစ်ဆီဆိုင်မှ လုပ်ငန်းရှင်နှင့်တွေ့ဆုံ၍ သက်မှတ်ထားသော အခြေခံရည်ညွှန်းဈေးဖြင့်ရောင်းချရန်၊ ဈေးနှုန်းများကိုလည်း အများပြည်သူသိရှိအောင် LED Board များတွင်ဖော်ပြပေးရန်၊ နေ့စဉ်ရောင်းချနေသော ဈေးနှုန်းများကိုလည်းဖော်ပြပေးရန်၊ အချင်အတွယ်မှန်ကန်မှုရှိစေရန်၊ စက်သုံးဆီများကိုပုံးများ၊ ပေပါလိုက်ရောင်းချမည့်သူများကိုလည်း ရောင်းချခြင်းမပြုရန်၊ လုပ်ငန်းရှင်များအနေဖြင့် တရားမဝင်စက်ဆီ၊ ချောဆီများတင်သွင်းရောင်းချခြင်းမပြုစေရေး၊ ထုတ်ပြန်ထားသောညွှန်ကြားချက်များအတိုင်း လိုက်နာဆောင်ရွက်သွားရန်နှင့် စက်သုံးဆီပြတ်လတ်မှုမရှိစေရေးတို့ကို ရှင်းလင်းဆွေးနွေးခဲ့ကြောင်းသိရှိရပါသည်။

DOCA(မကွေး)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် စားသုံးဆီတင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်‌ရေးကော်မတီကိုဖွဲ့စည်းပြီး ပြည်ပမှတင်သွင်းလာသည့် စားသုံးဆီများ သတ်မှတ်အရည်အသွေးနှင့် စံချိန်စံညွှန်းများနှင့်ပြည့်မီစေရေး၊ စားသုံးသူပြည်သူများ ကျန်းမာရေးနှင့်ညီညွှတ်သော စားသုံးဆီများကိုသုံးစွဲနိုင်ရေး၊ စျေးနှုန်းတည်ငြိမ်စွာဝယ်ယူစားသုံးနိုင်ရေး၊ စားအုန်းဆီကမ္ဘာ့စျေးနှုန်းဖြစ်ပေါ်ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့်စျေးနှုန်းများဖြစ်ပေါ်စေရေး ထိန်းကြောင်းဆောင်ရွက်လျက်ရှိရာ မကွေးတိုင်းဒေသကြီးဦးစီးမှူး၊ ခရိုင်ဦးစီမှူးတို့၏ လမ်းညွှန်မှုဖြင့် (၂၁-၈-၂၀၂၃) ရက်နေ့၊ နေ့လယ် (၁၆:၀၀) နာရီအချိန်တွင် မကွေးမြို့၊ ရန်မျိုးနိုင်ရပ်ကွက်၌ ကုမ္ပဏီများမှ ဖြန့်ဖြူးရောင်းချသော‌ စားအုန်းဆီများကို မကွေးတိုင်းဒေသကြီးဆီကုန်သည်များနှင့် ဆီလုပ်ငန်းရှင်များအသင်း၏ စျေးကားဖြင့် စားအုန်းဆီ(၁)ပိဿာလျှင် (၄၄၅၀)ကျပ်နှုန်းဖြင့်ရောင်းချနေမှုအား မကွေးခရိုင်ဦးစီးမှူး ဒေါ်တင်တင်လှ (လက်ထောက်ညွှန်ကြားရေးမှူး)နှင့် ဦးအောင်ဖြိုးဝေ (ဒု-ဦးစီးမှူး) တို့က သွား‌ရောက်စိစစ်ကြပ်မတ်ခဲ့ပါသည်။

     ထို့သို့ ကွင်းဆင်းကြီးကြပ်ဆောင်ရွက်ရာ၌ စားသုံးသူပြည်သူများ၊ အဆင်ပြေချောမွေ့စွာဝယ်ယူနိုင်ရေး၊ စားအုန်းဆီစျေးနှုန်းများမှန်ကန်ရေး၊ အလေးချိန်ပြည့်ဝမှန်ကန်မှုရှိစေရေး၊ စားအုန်းဆီများကိုဝယ်ယူရာတွင် စနစ်တကျရှိစေရေး ကြီးကြပ်ပူးပေါင်းဆောင်ရွက်ခဲ့ပြီး မကွေးတိုင်းဒေသကြီး၊ ဆီကုန်သည်နှင့်ဆီလုပ်ငန်းရှင်များအသင်းအား စားသုံးသူပြည်သူများကိုယ်စား ဌာနအနေဖြင့် အထူးကျေးဇူးတင်ရှိပါကြောင်းပြောကြားခဲ့ကြောင်းသိရှိရပါသည်။

DOCA(မကွေး)

  စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးအနေဖြင့် ဌာန၏လုပ်ဆောင်ချက်များဖြစ်သော စားသုံးသူကာကွယ်ရေးနှင့် ပြည်တွင်းကုန်သွယ်မှုသတင်းများကို ကရင်ပြည်နယ်ဦးစီးမှူးရုံးမှ ဌာနခွဲဝန်ထမ်းများက သတင်းအသီးသီးရေးသားပေးပို့လျက်ရှိရာ ဝန်ထမ်းတိုင်း သတင်းပါဝင်မှုအရည်အသွေးနှင့် အရေအတွက်တိုးတက်စေရေး၊ သတင်းရေးသားပါဝင်မှုတိုင်းအတွက် သတင်းတို ၁ပုဒ်လျှင် ၅၀၀ကျပ်၊ သတင်းလတ် ၁ပုဒ်လျှင် ၁၀၀၀ကျပ်၊ သတင်းရှည် ၁ပုဒ်လျှင် ၂၀၀၀ကျပ်၊ ဆောင်းပါး ၁ပုဒ်လျှင် ၅၀၀၀ကျပ်နှုန်းဖြင့် သတင်းရေးသားပါဝင်သူ ဝန်ထမ်းများကို (၂၄-၈-၂၀၂၃) ရက်နေ့တွင် ဆုချီးမြှင့်ခဲ့ရာ Website သတင်းပါဝင်မှုအတွက် ပြည်နယ်မှူးက တစ်ပုဒ်လျှင် ၅၀၀ကျပ်ဖြင့် စုစုပေါင်း ၄၄ပုဒ်အတွက်လည်ကောင်း၊  Commerce Journal တွင် သတင်းပါဝင်မှုအတွက် သတင်းနည်းဌာနခွဲတာဝန်ခံ ဦမျိုးဝင်းနိုင်(ဦးစီးအရာရှိ)က တစ်ပုဒ်လျှင် ၁၀၀၀ကျပ်ဖြင့်လည်းကောင်း သတင်းရေးသားသူများအား စာမူခများအသီးသီးချီးမြှင့်ပေးအပ်ခဲ့သည်။

   ၂၀၂၃ခုနှစ်၊ ဇူလိုင်လနှင့်ဩဂုတ်လအတွင်း သတင်းရေးသားပါဝင်မှုအနေဖြင့် ဦးမျိုးဝင်းနိုင် (ဦးစီးအရာရှိ) က ၁၀ပုဒ်၊ ဒေါ်ဇာခြည်အောင်(ဦးစီးမှူး)က ၈ပုဒ်၊ ဒေါ်သီတာဌေး (ဒုကြီးကြပ်ရေးမှူး)က  ၇ပုဒ်၊ ဒေါ်မေသဇင်ဖူး(ဒု-ဦးစီးမှူး)က ၁ပုဒ်၊ ဒေါ်နန်းပွင့်စန်းစန်း(ဒု-ဦးစီးမှူး)က ၃ပုဒ်၊ ဒေါ်စုနွေးသီရိမောင် (အကြီးတန်းစာရေး)က ၄ပုဒ်၊ ဒေါ်ဇူးမီမီဇော်မင်း(အငယ်တန်းစာရေး)က ၂ပုဒ်၊ ဒေါ်အေးအေးထွန်း (အငယ်တန်းစာရေး)က ၂ပုဒ်၊ ဒေါ်စောပြည့်မာလာ(အငယ်တန်းစာရေး)က ၂ပုဒ်၊ ဒေါ်နန်းအေးမူ (ရုံးအကူမှူး)က ၄ပုဒ်နှင့် ဒေါ်ရီရီအောင်(ရုံးအကူမှူး)က ၂ပုဒ်၊ စုစုပေါင်း ၄၄ပုဒ်ရေးသားပါဝင်ခဲ့ကြောင်းသိရသည်။

      စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးရှိ ဝန်ထမ်းများအနေဖြင့် မိမိတို့ဌာန၏လုပ်ဆောင်ချက်များနှင့်ပတ်သက်၍ သတင်းရေးသားတတ်စေရန်အလို့ငှာ ဝန်ထမ်းစွမ်းဆောင်ရည်မြှင့်တင်ရေးအထောက်အကူပြု သတင်းရေးသားနည်းဆိုင်ရာသင်တန်းများသို့တက်ရောက်ခဲ့ကြပြီး သတင်းရေးသားမှုအရည်အသွေးတိုးတက်စေရေးအတွက် ကြိုးပမ်းဆောင်ရွက်လျက်ရှိကြောင်းသိရပါသည်။

DOCA(ကရင်)