HighLight News

    စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ သာယာဝတီခရိုင်ဦးစီးမှူးရုံး၌ (၂၀-၇-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် စားသုံး/ထုတ်လုံတာဝန်ခံ ဒေါ်ခိုင်ခိုင်ရီသည် မုန့်မျိုးစုံထုတ်လုပ်ဖြန့်ဖြူးရောင်းချနေသော လုပ်ငန်းရှင်ဦးဇော်မျိုးဝင်းနှင့်တွေ့ဆုံ၍ စားသုံးသူကာကွယ်ရေးဥပဒေ အခန်း (၁၈) ပါ ကုန်စည်များအပေါ်တွင် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ ထုတ်လုပ်ထားသောကုန်စည်များကိုသာရောင်းချရန်၊ ဥပဒေအခန်း (၁၀) ပါ စီးပွားရေးလုပ်ငန်းရှင်၏တာဝန်များနှင့် အခန်း (၁၁) ပါ  အန္တရာယ်ကင်းသောစားသောက်ကုန်ဖြစ်စေရေး အထူးအလေးပေးဆောင်ရွက်ရန်ကိစ္စရပ်များကိုဆွေးနွေးပြောကြားခဲ့ပြီးနောက် အသိပညာပေးလက်ကမ်းစာစောင်များဖြန့်ဝေခဲ့ကြောင်း သိရှိရပါသည်။

DOCA(ပဲခူး)

    စားသုံးသူရေးရာဦးစီးဌာန၊ တောင်ငူခရိုင်၊ ဖြူးမြို့နယ်တာဝန်ခံ ဒေါ်သန္တာစိုးနှင့် ဖြူးမြို့ နယ်တာဝန်ခံရုံးမှ ဝန်ထမ်းများသည် ဖြူးမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ တိုင်းရင်းဆေးပညာဦးစီးဌာနတို့မှ တာဝန်ရှိသူများနှင့်ပူးပေါင်း၍ အခြေခံပညာကျောင်းများမှ ကျောင်းသား/ကျောင်းသူများသိသင့်သိထိုက်သည့် အသိပညာဗဟုသုတများရရှိစေရန်အတွက် အသိပညာပေးဟောပြောပွဲများဆောင်ရွက်ပေးလျက်ရှိပါသည်။

   ၂၀၂၃ခုနှစ်၊ ဇူလိုင်လ ၂၀ရက်နေ့တွင် ဖြူးမြို့နယ်တာဝန်ခံရုံးမှ ဌာနခွဲစာရေး ဒေါ်ပပလင်းသည် ဖြူးမြို့၊ တပ်တွင်း အခြေခံပညာအလယ်တန်းကျောင်းခွဲ၌ ကျောင်းသား/ကျောင်းသူ ၅၈ဦးကိုလည်းကောင်း၊ ဇူလိုင်လ ၂၁ရက်နေ့တွင် မြို့နယ်တာဝန်ခံ ဒေါ်သန္တာစိုးသည် ဖြူးမြို့နယ်၊ ညောင်ကားယား၊ အခြေခံပညာမူလတန်းလွန်ကျောင်း၌ ကျောင်းသား/ကျောင်းသူ ၁၄၆ဦးကိုလည်းကောင်း စားသုံးသူကာကွယ်ရေးဆိုင်ရာများအသိပညာပေးဟောပြောခဲ့ပါသည်။

     ဟောပြောပွဲတွင် စားသုံးသူ၏အခွင့်အရေးနှင့်တာဝန်များ၊ စားသုံးသူနစ်နာဆုံးရှုံးမှုမဖြစ်စေရေးအတွက် ဦးစီးဌာန၏ဆောင်ရွက်ပေးနေမှုများ၊ ကုန်စည်များဝယ်ယူသုံးစွဲရာတွင် ကုန်စည်တွင်ဖော်ပြထားသော ကုန်အညွှန်းအမှတ်အသားကိုဖတ်ရှုရန်နှင့် ကုန်အညွှန်းအမှတ်အသားနှင့်အညီ လိုက်နာဆောင်ရွက်ရန် အရေးကြီးပုံများ၊ စားသုံးသူနစ်နာဆုံးရှုံးမှုများဖြစ်ပေါ်ပါက တိုင်ကြားနိုင်ခြင်းများကိုဟောပြောဆွေးနွေးခဲ့ပါသည်။

              ထို့တူ ပူးပေါင်းအဖွဲ့ဝင်များဖြစ်သော ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် တိုင်းရင်းဆေးပညာဦးစီးဌာနတို့မှ တာဝန်ရှိသူများကလည်း မိမိတို့ဌာနနှင့်သက်ဆိုင်သည့် အသိပညာဗဟုသုတများကိုဟောပြောခဲ့ကြောင်းနှင့် ဌာနဆိုင်ရာများပူးပေါင်း၍ အခြေခံပညာကျောင်းများတွင် အသိပညာပေးခြင်းကို ဆက်လက်ဆောင်ရွက်သွားမည်ဖြစ်ကြောင်းသိရပါသည်။

DOCA(ပဲခူး)

    စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ ဌာနခွဲစာရေး ဦးအောင်ဝင်း (အုတ်တွင်းမြို့နယ်တာဝန်) သည် အစားအသောက်နှင့်ဆေးဝါးကွပ်ကဲရေးဦးစီးဌာန၊ တောင်ငူခရိုင်ဦးစီးမှူးရုံးမှ ဒုတိယကြီးကြပ်ရေးမှူး ဦးကျော်လင်းထွန်း၊ အုတ်တွင်းမြို့နယ်၊ စည်ပင်သာယာရေးအဖွဲ့မှ ကျွဲပွဲဈေးတာဝန်ခံ ဦးအောင်သူထွန်းတို့ဦးဆောင်သော အဖွဲ့ဝင်များနှင့်အတူ ၂၀၂၃ခုနှစ်၊ ဇူလိုင်လ ၂၁ရက်နေ့၊ နံနက်ပိုင်းအချိန်တွင် အုတ်တွင်းမြို့နယ်၊ ကျွဲပွဲမြို့တွင်ရောင်းချနေသော အလှကုန်ပစ္စည်းများ၊ အစားအသောက်များနှင့်ဆေးဝါးများ၌ စားသုံးသူများအား အန္တရာယ်ဖြစ်စေနိုင်မှုရှိ/မရှိကို ကွင်းဆင်းစစ်ဆေးခဲ့ပါသည်။

 ပူးပေါင်းအဖွဲ့ဝင်များသည် ကျွဲပွဲဈေးနှင့် ကျွဲပွဲမြို့ရှိ ကုန်စုံဆိုင်ကြီးများတွင်ရောင်းချနေသော အလှကုန်ပစ္စည်းများနှင့် အစားအသောက်များ၌ ခွင့်မပြုဓာတုပစ္စည်းများပါဝင်မှုမရှိစေရေးနှင့် သက်တမ်းလွန်ကုန်စည်များမဖြစ်စေရေးကိုလည်းကောင်း၊ ကုန်အညွှန်းအမှတ်အသားများဖော်ပြထားခြင်းများကိုလည်းကောင်း၊ ဆေးဆိုင်များ၌ရောင်းချသော အိမ်သုံးဆေးဝါးများတွင် တရားမဝင်ဆေးဝါးများမဖြစ်စေရေးနှင့် သက်တမ်းလွန်ဆေးဝါးများမဖြစ်စေရေးကိုလည်းကောင်း စစ်ဆေးကြည့်ရှုခဲ့ပြီး အစားအသောက်နှင့်ဆေးဝါးကွပ်ကဲရေးဦးစီးဌာနက ကုန်စည်နမူနာများကိုကောက်ယူခဲ့ပါသည်။

     စားသုံးသူရေးရာဦးစီးဌာနမှ အဖွဲ့ဝင်အဖြစ် လိုက်ပါဆောင်ရွက်သူ ဌာနခွဲစာရေး ဦးအောင်ဝင်းက စားသုံးသူကာကွယ်ရေးဥပဒေတွင် ကုန်စည်များ၌ ကုန်အညွှန်းအမှတ်အသားများဖော်ပြရန် ပြဋ္ဌာန်းထားပါကြောင်း၊ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ညွှန်ကြားချက်ကို အရောင်းဆိုင်များသို့ ဖြန့်ဝေထားပြီးဖြစ်ပါကြောင်း၊ သို့ဖြစ်ပါ၍ အရောင်းဆိုင်များအနေဖြင့် သတ်မှတ်ကုန်အညွှန်းအမှတ်အသားပြည့်စုံစွာဖော်ပြထားခြင်းမရှိသောကုန်စည်များကို ရောင်းချခြင်းမပြုကြရန် အသိပညာပေးပြောကြားခဲ့ကြောင်းသိရပါသည်။

DOCA(ပဲခူး)

   ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံ ဦးအောင်နိုင်ဦးနှင့်ဝန်ထမ်းများသည် (၂၀-၇-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် ရွှေတောင်မြို့နယ်၊ ဝါးလည်ကျေးရွာရှိ အ.မ.ကသို့သွားရောက်၍ စားသုံးသူအသိပညာပေးဟောပြောပွဲဆောင်ရွက်ခဲ့ပါသည်။

  အဆိုပါဟောပြောပွဲတွင် ရွှေတောင်မြို့နယ်ရှိ မြို့နယ်တာဝန်ခံနှင့်ဝန်ထမ်းများသည် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ တိုင်းရင်းဆေးပညာဦးစီးဌာန၊ အားကစားနှင့်ကာယပညာဦးစီးဌာနတို့နှင့်ပူးပေါင်း၍ ဆောင်ရွက်ခဲ့ကြပါသည်။ ဟောပြောပွဲတွင် ရွှေတောင် မြို့နယ်ရုံးမှ ‌ဒေါ်ယဉ်ယဉ်ဆင့်က စားသုံးသူအခွင့်အရေးများအကြောင်း၊ စားသုံးသူများလိုက်နာရမည့်တာဝန်နှင့်ဝတ္တရားများ၊ ကုန်အညွှန်းအမှတ်အသားပါ စားသုံးသူအခွင့်အရေး (၈) ချက်တို့ကို ကျောင်းသား/ကျောင်းသူ (၄၅) ဦးတို့အား  ဆွေးနွေးဟောပြောခဲ့ကြပါသည်။ ထို့ပြင် အစားအစာများကိုဘေးအန္တရာယ်ကင်းရှင်းစွာဝယ်ယူစားသုံးနိုင်ရန်လည်းပြောကြားခဲ့ကြောင်း သိရှိရပါသည်။

DOCA(ပဲခူး)

  စားသုံးသူရေးရာဦးစီးဌာန၊ တောင်ငူခရိုင်ဦးစီးစီးမှူးရုံးမှ တောင်ငူမြို့နယ်တာဝန်ခံ ဦးမြင့်သူသည် တောင်ငူခရိုင်စီမံအုပ်ချုပ်ရေးအဖွဲ့ဥက္ကဋ္ဌ၊ ဦးနေဝင်းအောင်ဦးဆောင်၍ ခရိုင်/မြို့နယ်အဆင့်ဌာနဆိုင်ရာများမှ တာဝန်ရှိသူများပါဝင်သောအဖွဲ့သည် (၂၄-၇-၂၀၂၃) ရက်နေ့တွင်  တောင်ငူ မြို့နယ်၊ ခပေါင်းတိန်စံပြကျေးရွာရှိ စိုက်ပျိုးမွေးမြူရေးလုပ်ငန်းများသို့သွားရောက်ကြည့်ရှုအားပေးရာတွင် အဖွဲ့ဝင်အဖြစ် လိုက်ပါဆောင်ရွက်ခဲ့ပါသည်။

    ခရိုင်စီမံအုပ်ချုပ်ရေးအဖွဲ့ဥက္ကဋ္ဌသည် Nilar Forzen Foods Co.,Ltd (NFF) နှင့် ခပေါင်းတိန်ကျေးရွာရှိ တောင်သူလယ်သမားများ အကျိုးတူပူးပေါင်းစိုက်ပျိုးသည့်ဂျပန်နိုင်ငံသို့တင်ပို့မည့် ရုံးပတီသီး (၁၆.၇၅) ဧကစိုက်ပျိုးအောင်မြင်ဖြစ်ထွန်းနေမှုများနှင့် ထပ်မံစိုက်ပျိုးမည့်အပင်များပျိုးထောင်ထားရှိမှုများကို ကြည့်ရှုအားပေးခဲ့ပါသည်။ ရုံးပတီသီးကို ဧက၆၀အထိတိုးချဲ့စိုက်ပျိုးရန်လည်း စီစဉ်ဆောင်ရွက်ထားပြီးဖြစ်ပါသည်။

      ခပေါင်းတိန်ကျေးရွာတွင် ‘ဝ’ ဥကိုလည်းစမ်းသပ်စိုက်ပျိုးရာ အောင်မြင်ဖြစ်ထွန်းနေသဖြင့် စီးပွားဖြစ်စိုက်ပျိုးနိုင်ရေးကိုဆောင်ရွက်သွားနိုင်ရန် စီစဉ်ဆောင်ရွက်နေပြီဖြစ်ကြောင်းလည်း သိရပါသည်။

    ထို့တူ ကျေးလက်ဒေသဖွံ့ဖြိုးတိုးတက်ရေးဦးစီးဌာန၏အစီအစဉ်ဖြင့် တစ်အိမ်ထောင်လျှင် ဒေသကြက်မ ၆ကောင်နှုန်းမွေးမြူထားရာ အိမ်ထောင်စု ၁၆၅စုရှိသဖြင့် ဒေသကြက်မကောင်ရေ ၉၉၀ကိုလည်းမွေးမြူထားရှိပါသည်။ မကြာတော့သည့်အချိန်ကာလတွင် ခပေါင်းတိန် ကျေးရွာမှ ဒေသကြက်သားများကိုထုတ်လုပ်နိုင်တော့မည်ဖြစ်ကြောင်း သိရပါသည်။

DOCA(ပဲခူး)