HighLight News

     စစ်ကိုင်းတိုင်းဒေသကြီးအနေဖြင့် ၂၀၁၉-၂၀၂၀ခုနှစ်တွင် စိုက်ဧက (၆၄၀၉၄)ဧက၊ ၂၀၂၀-၂၀၂၁ခုနှစ်တွင် (၁၃.၁.၂၀၂၂)ရက်နေ့ထိ(၇၅၀၂၈)ဧကစိုက်ပျိုးနိုင်ခဲ့ပြီး၊ ၂၀၂၂-၂၀၂၃ခုနှစ်တွင် (၈၁၈၀၀) ဧက စိုက်ပျိုးရန် လျာထားလျှက်ရှိကြောင်း၊ ၂၀၂၀-၂၀၂၁ခုနှစ်တွင် (၁၃.၁.၂၀၂၂)ရက်နေ့ထိ ရိတ်သိမ်းဧက (၄၄၃၂၉)ရှိပြီး၊ အထွက်နှုန်းမှာ(၁)ဧကလျှင်(၄၁၅.၂၃)ပိဿာ ထွက်ရှိသဖြင့်၊ စုစုပေါင်းအထွက်ပိဿာ (၁၈၄၀၆၆၅၈)ထွက်ရှိပြီး၊ တိုင်းဒေသကြီးအတွင်း သုံးစွဲမှုအနေဖြင့် (၁)နှစ်လျှင် ဝါ စုစုပေါင်း (၇၄၆၇၆၄) ပိဿာ ရှိသည့်အတွက် (၁၇၆၅၉၈၉၄)ပိဿာ၊ တန်အားဖြင့်(၂၈၈၃၈) ပိုလျှံပါကြောင်း၊  (၁)ဧက ကုန်ကျ စရိတ်အနေဖြင့် မိုးကြိုရာသီအတွက် (၄၅၀၀၀၀)ကျပ် ကုန်ကျပြီး (၁)ဧကလျှင် (၄၁၅.၂၃)ပိဿာ ထွက်ရှိသဖြင့် သီးနှံပေါ်ချိန်တွင် (၁)ပိဿာ ရောင်းဈေး(၁၄၀၀)ကျပ် ဖြစ်သောကြောင့် (၁)ဧက တောင်သူ အကျိုးအမြတ်အနေဖြင့် (၁၅၀၀၀၀)ကျပ်ခန့် ရရှိပါကြောင်း၊ မုံရွာမြို့တွင် ငွေချည်-၆ (၁)ပိဿာလျှင် A အဆင့် ၁၈၀၀ ကျပ်၊ B အဆင့် ၁၇၀၀ ကျပ်၊ C အဆင့် ၁၆၀၀ ကျပ် ပေးဝယ်ကြပါတယ်။ ဝါဂွမ်း တစ်ပိဿာ ပေါက်‌ဈေး A အဆင့် ၅၇၀၀ကျပ်၊ B အဆင့် ၅၀၀၀ ကျပ်၊ C အဆင့် ၄၅၀၀ ကျပ်၊ ဝါစေ့တစ်ပိဿာ ၂၄၀၀ ကျပ်၊ ဝါစေ့ဆီ တစ်ပိဿာ ၄၀၀၀ ကျပ်၊ ဝါစေ့ဖတ် တစ်ပိဿာလျှင် ၆၀၀ ကျပ် ပေါက်ဈေးများရှိကြောင်း၊ ထို့နောက် စစ်ကိုင်းတိုင်းဒေသကြီးအတွင်းရှိ ဝါသီးနှံ အများဆုံး စိုက်ပျိုးသည့် ခရိုင်(၃)ခုဖြစ်‌သော စစ်ကိုင်း၊ မုံရွာ၊ ယင်းမာပင်ခရိုင်များရှိ ဝါစိုက်တောင်သူများနှင့် တွေ့ဆုံဆွေးနွေးမှုများအရ ဆောင်ရွက်ပေးစေလိုသည့်အချက်များ၊ ဝါစိုက်တောင်သူများ ကြုံတွေ့နေရသည့် အခက်အခဲများ၊ ပုဂ္ဂလိက ရက်ကန်း လုပ်ငန်းရှင်များ၏ အခက်အခဲများအားဆွေးနွေးပြောကြားခဲ့ပြီး စစ်ကိုင်းတိုင်းဒေသကြီးတွင် ဝါသီးနှံ အစု အဖွဲ့(၁၅)ဖွဲ့၊ တိုင်းဒေသကြီး ရက်ကန်းလုပ်ငန်းရှင်များအသင်း(၁)သင်း၊ မြို့နယ်အသင်း(၁၁)သင်းနှင့် အစုအဖွဲ့(၂၂)ဖွဲ့ ဖွဲ့စည်းဆောင်ရွက်လျက်ရှိပါကြောင်းနှင့် ဝါသီးနှံစိုက်ပျိုးထုတ်လုပ်မှုကဏ္ဍ ရေရှည်ဖွံ့ဖြိုး တိုးတက်စေ ရေးအတွက် စိုက်ပျိုး တောင်သူများ၊ ကုန်သည်အသင်းအဖွဲ့များ၊ လုပ်ငန်းရှင်များနှင့် စက်ရုံပိုင်ရှင်များ ပေါင်းစပ်ညှိနှိုင်းပြီး ဟန်ချက်ညီညီ ဆောင်ရွက်သွားရန်   လိုအပ်သကဲ့သို့ နိုင်ငံတော်ဘက်မှလည်းလိုအပ်သော ပံ့ပိုးမှုများ ဖော်ဆောင်ဖြည့်ဆည်းပေးပါက ဝါနှင့် ဝါထွက်ပစ္စည်းကဏ္ဍ ရေရှည် ဖွံ့ဖြိုး တိုးတက်မည်ဖြစ်ကြောင်း တိုင်းဒေသကြီးအစိုးရအဖွဲ့ စီးပွားရေးရာဝန်ကြီးက ပြောကြားခဲ့ပါသည်။

      ဝါစိုက်ပျိုးထွက်ရှိမှု၊ ပြည်တွင်းသုံးစွဲမှုနှင့် ပြည်တွင်း ထုတ်လုပ်အသုံးပြုမှုမှ ပိုလျှံသည့် ဝါဂွမ်းများအား ပြည်ပတင်ပို့မှုဆိုင်ရာ ကိစ္စရပ်များနှင့်စပ်လျဉ်းသည့် ညှိနှိုင်းအစည်းအဝေးကို စစ်ကိုင်းတိုင်းဒေသကြီး၊ တိုင်းဒေသကြီးအစိုးရအဖွဲ့ အစည်းအဝေးခန်းမ၌ ၂၀၂၂ ခုနှစ် ဇန်နဝါရီလ (၁၃)ရက်နေ့တွင် Zoom Meeting ဖြင့် ပြုလုပ်ခဲ့ပြီး စစ်ကိုင်းတိုင်းဒေသကြီး တိုင်းဒေသကြီးအစိုးရအဖွဲ့ရုံး၊ စီးပွားရေးရာဝန်ကြီး၊ ဒေါ်ရီရီသန်း၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး ဦးကျော်ကျော်လွင်နှင့် ဝန်ထမ်းများ၊ စုစုပေါင်း (၅)ဦး တက်ရောက်ခဲ့ကြောင်း သတင်းရရှိပါသည်။

စားသုံးသူရေးရာဦးစီးဌာန(စစ်ကိုင်းတိုင်းဒေသကြီး)

            စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ဌာနခွဲစာရေး ဒေါ်ဝါဝါကြည်သည် ခရိုင်ဦးစီးမှူး၏ လမ်းညွှန်ချက်ဖြင့် ပြည်တွင်းမွေးမြူရေးကဏ္ဍဖွံ့ဖြိုးတိုးတက်စေရေးအတွက် (၁၃.၁.၂၀၂၂)ရက်နေ့၊ နံနက် (၁၀:၀၀) အချိန်တွင် ပခုက္ကူမြို့နယ်၊ ဆွဲကြီးကျေးရွာရှိ CP ကြက်မွေးမြူရေးလုပ်ငန်းလုပ်ကိုင်သည့် လုပ်ငန်းရှင် ဦးကျော်နိုင်သို့သွားရောက်မေးမြန်းခဲ့ရာ CP ကြက်မျိုးအနေဖြင့် ရာသီဥတုဒဏ်ခံနိုင်သော (Bel Ga) မျိုးကို မွေးမြူကြောင်း၊ တစ်နှစ်ပတ်လုံး(၆)ကြိမ်မွေးမြူပြီး၊ တစ်ကြိမ်မွေးမြူရာတွင် မျက်စိပွင့်စ အရွယ်ကြက်ပေါက်တစ်ကောင်လျှင်(၉၅၀)ကျပ်ဖြင့် အကောင်ရေ(၁၅၀၀)ခန့် မွေးမြူကြောင်း၊ ကြက်ပေါက်စလေး များအား(၂၆)ရက်သားအထိ မီးခန်းထဲတွင် စပါးခွံချ၍ အပူပေးပြီး မွေးမြူရကြောင်း သိရှိရပါသည်။

          ကြက်အစာအနေဖြင့် (၂)ပတ်သားအရွယ်တွင် 6010(အသားတိုးကြက်ငယ်စာ)၊ (၃)ပတ်သား အရွယ်တွင် 6020 (အသားတိုးကြက်လတ်စာ)၊ (၄)ပတ်သားအရွယ်တွင် 6030 (အသားတိုးကြက်ကြီး စာ)တို့အား အရွယ်အစားအလိုက် အစာကျွေးရပါကြောင်း၊ ကြက်အကောင်ရေ(၁၅၀၀)အတွက် (50) ကီလိုဝင် ကြက်အစာအိတ်(၁၅၀)ကျွေးရကြောင်း၊ (၇)ရက်သားမှ ရောင်းချသည့်အချိန်ထိ  ကာကွယ်ဆေး နှင့်ဓာတ်ဆားအားဆေးများကိုလည်း ရေဖျော်စနစ်ဖြင့် ကျွေးမွေးရကြောင်းသိရှိရပါသည်။

          CP ကြက် (Bel Ga)မျိုးကို (၄၅)ရက်သားမှ (၆၀)ရက်သားအတွင်းရောင်းချရကြောင်း၊ ကြက်အကောင်ကြီးထွားမှုပေါ်မူတည်၍ ပိဿာချိန်ထွက်ရှိမှု ကွဲပြားကြောင်း၊ တစ်ကောင်လျှင် ပျမ်းမျှ တစ်ပိဿာငါးဆယ်ကျပ်သားမှ တစ်ပိဿာရှစ်ဆယ်ကျပ်သားအထိရှိကြောင်း၊ ယခုပေါက်ဈေး အနေဖြင့် တစ်ပိဿာလျှင်(၄၂၅၀)ကျပ်ခန့်ဖြင့် ရောင်းချလျက် မြစ်ခြေမြို့နယ်ဒေသတွင်းနှင့် ပခုက္ကူ မြို့ပေါ်သို့ ဖြန့်ဖြူးရောင်းချကြောင်း သိရှိရပါသည်။

    တစ်ကြိမ်မွေးမြူလျှင် မွေးမြူသည့်အချိန်မှ ရောင်းချသည့်အချိန်ထိ သုံးစွဲမှုကုန်ကျစရိတ်မှာ ကြက်ပေါက်အကောင်ရေ (၁၅၀၀)ဝယ်ယူခ ၊ ကြက်စာဖိုး၊ ကာကွယ်ဆေးအားဆေးဖိုး၊ အလုပ်သမား ငှားရမ်းခအပါအဝင် စုစုပေါင်း(၈၁)သိန်းကျပ်ခန့်ကုန်ကျကြောင်း၊ ရောင်းချချိန်တွင် စုစုပေါင်း ပိဿာချိန်(၂၇၀၀)ခန့် ကုန်ချိန်ထွက်ရှိပြီး တစ်ပိဿာလျှင် (၄၂၅၀)ကျပ်ဖြင့် လက်လီရောင်းချသူ များသို့ ဖောက်သည်ပေးခဲ့ရသည့်အတွက် ဝင်ငွေမှာ ကျပ်သိန်း(၁၁၀)ခန့်ဖြစ်ပြီး အကျိုးအမြတ်အနေဖြင့် သိန်း(၂၀)ကျပ်ဝန်းကျင်ခန့်ရရှိသော်လည်း ကနဦးခြံဆောက်လုပ်စရိတ်မှာ သုံးဆယ်ငါးသိန်းမှ သိန်းလေးဆယ်ကြားရှိကြောင်းသိရှိရပါသည်။

          ယခင်နှစ်က CP ကြက်မွေးမြူရေးလုပ်ငန်းလုပ်ကိုင်ခဲ့ရာတွင် ကြက်များပျက်စီးမှုရှိခြင်း၊ ရောင်းချရာတွင် ဈေးနှုန်း/ဈေးကွက် ကောင်းမွန်မှုနည်းခြင်း၊ ကြက်စာဈေးနှုန်းများ ကြီးမြင့်ခြင်းတို့ ကြောင့် အရှုံးပေါ်ခဲ့သော်လည်း ယခုနှစ်တွင် CP  ကြက်မွေးမြူသူများအနေဖြင့်  ဝယ်လိုအားမြင့် တက်လျက်ရှိပြီး ဈေးနှုန်း/ဈေးကွက်ကောင်းမွန်သောကြောင့် အကျိုးအမြတ်ရရှိကြောင်း  သိရှိရပါသည်။

စားသုံးသူရေးရာဦးစီးဌာန(မကွေးတိုင်းဒေသကြီး)

          စားသုံးသူရေးရာဦးစီးဌာန၊ တောင်ငူခရိုင်၊ ဖြူးမြို့နယ်တာဝန်ခံ ဒေါ်သန္တာစိုးသည် ဖြူးမြို့နယ် ရှိ အမျိုးသမီးအိမ်တွင်းမှုသက်မွေးလုပ်ငန်းပညာသင်တန်းကျောင်းတွင် ၂၀၂၂ခုနှစ် ဇန်နဝါရီ ၁၃ ရက်နေ့တွင် ကျင်းပပြုလုပ်သည့် ဌာနဆိုင်ရာများပူးပေါင်း၍ ဌာနဆိုင်ရာအလိုက် သိသင့်သိထိုက်သည့် အချက်များကို သိရှိနိုင်စေရေး အသိပညာပေးဟောပြောပွဲတွင် စားသုံးသူကာကွယ်ရေးဆိုင်ရာ သိကောင်းစရာများကို အသိပညာပေးဟောပြောခဲ့ပါသည်။

          အခမ်းအနားတွင် မြို့နယ်စီမံအုပ်ချုပ်ရေး အဖွဲ့ ဥက္ကဌ ဦးစောမင်းသူက အဖွင့်အမှာစကား ပြောကြားပြီး မြို့နယ်ဥပဒေအရာရှိ ဒေါ်အိသိမ့်သိမ့်သွယ် နှင့်  မြို့နယ်ပြည်သူ့ရဲတပ်ဖွဲ့မှူးရုံးမှ ဒုတိယရဲမှူးအောင်လင်းတို့က လိင်ပိုင်းဆိုင်ရာအကြမ်းဖက်မှု တားဆီးကာကွယ်ရေးကိုလည်းကောင်း၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန မြို့နယ်ဦးစီးမှူး ဒေါ်နွယ်နွယ်အေးက စာအုပ်စာပေဖတ်သည့် အကျိုးကျေးဇူးများ ကိုလည်းကောင်း၊ တိုင်းရင်းဆေးပညာဦးစီးဌာန မြို့နယ်ဦးစီးမှူး ဒေါ်ဝင်းဝင်းအေးက အမျိုးသမီးငယ်များ ကျန်းမာရေးနှင့်တိုင်းရင်းဆေးအကြောင်းတို့ကို ဟောပြောကြပါသည်။ အခမ်းအနားသို့ ဌာန ဆိုင်ရာများ၊ သင်တန်းကျောင်းအုပ်ကြီးနှင့်နည်းပြများ၊ သင်တန်းသူများ စုစုပေါင်း ၆၅ ဦးတက်ရောက် ကြောင်း သိရှိရပါသည်။

စားသုံးသူရေးရာဦးစီးဌာန(ပဲခူးတိုင်းဒေသကြီး)

         စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်သည် ၂၀၂၂ ခုနှစ် ဇန်နဝါရီ ၁၃ ရက်နေ့တွင် တောင်ငူမြို့၊ ခရိုင်မိုးလေဝသနှင့်ဇလဗေဒညွှန်ကြားမှုဦးစီးဌာနရုံး၌ ကျင်းပသည့် စားသုံးသူကာကွယ်ရေးဆိုင်ရာ အသိပညာပေးဟောပြောပွဲသို့ တက်ရောက်၍ စားသုံးသူကာကွယ်ရေးဆိုင်ရာကိစ္စရပ်များနှင့် အသိပညာပေးခြင်းများအား ပြုလုပ်ခဲ့ပါသည်။

        အဆိုပါ ဟောပြောပွဲတွင် မိုးလေဝသနှင့်ဇလဗေဒညွှန်ကြားမှုဦးစီးဌာန ခရိုင်ဦးစီးမှူးဦးမျိုးမြင့်အောင်က အဖွင့်အမှာ စကားပြောကြားခဲ့ပြီး စားသုံးသူရေးရာဦးစီးဌာန တောင်ငူမြို့နယ်တာဝန်ခံ ဦးမြင့်သူက စားသုံးသူအခွင့်အရေးနှင့်တာဝန်များ၊ စားသုံးသူအငြင်းပွားမှုကို ညှိနှိုင်းဖြေရှင်းဆောင် ရွက်ပေးမှုများ၊ မြန်မာဘာသာဖြင့် ကုန်အညွှန်းအမှတ်အသား ပြည့်စုံစွာဖော်ပြသည့် ကုန်စည်များ အား ရွေးချယ်ဝယ်ယူသင့်သည့်အကြောင်းများကို ရှင်းလင်းဟောပြောပြီး တက်ရောက်လာသူများ ကသိရှိလိုသည်များကို မေးမြန်းကြရာ ခရိုင်ဦးစီးမှူးနှင့် မြို့နယ်တာဝန်ခံတို့က ရှင်းလင်း ဖြေကြားပေးခဲ့ပါသည်။ ဟောပြောပွဲသို့ မိုးလေဝသနှင့်ဇလဗေဒညွှန်ကြားမှုဦးစီးဌာန ခရိုင်ဦးစီးမှူးရုံးမှ အရာထမ်း၊ အမှုထမ်း ၁၁ ဦး တက်ရောက်ကြောင်း သိရှိရပါသည်။

စားသုံးသူရေးရာဦးစီးဌာန(ပဲခူးတိုင်းဒေသကြီး)

          ကျိုက်လတ်မြို့နယ်တွင် Covid-19 ကာလအတွင်းဒေသ ထုတ်ကုန်လုပ်ငန်းများထုတ်လုပ်မှု နှေးကွေးလျက်ရှိရာ ပြန်လည်ဦးမော့လာစေရေးနှင့် လုပ်ငန်းများဖွံ့ဖြိုးတိုးတက်လာစေရန် ရည်ရွယ်၍ ကျိုက်လတ်မြို့နယ်စားသုံးသူရေးရာဦးစီးဌာနမှမြို့နယ်တာဝန်ခံ ဦးစိုးမင်းထိုက်သည် ငါးရံ့ခြောက်ဖုတ်လုပ်ငန်း ရှင်အသင်းများနှင့် ၂၀၂၂ ခုနှစ်၊ ဇန်နဝါရီလ(၁၀)ရက်နေ့၊ နေ့လည်(၁၃:၀၀)နာရီတွင် မြို့နယ်စားသုံးသူရေးရာ ဦးစီးဌာနရုံး၌ တွေ့ဆုံဆွေးနွေးခဲ့ကြောင်း သိရှိရပါသည်။

       အဆိုပါဆွေးနွေးပွဲတွင်မြို့နယ်တာဝန်ခံကလက်ရှိလုပ်ငန်းဆောင်ရွက်နေမှုအခြေအနေနှင့်အခက်အခဲများ၊ ဈေးနှုန်း‌ဈေးကွက်အခြေအနေများ၊ ရှေ့ဆက်လက်ဆောင်ရွက်မည့် အစီအစဉ်များအားမေးမြန်းခဲ့ရာ အသင်းဥက္ကဌ ဦးဇော်မင်းဦးက ရောင်းဝယ်ဖောက်ကားမှုအနေဖြင့် ယခင်နှစ် ငါးရံ့ကုန်ကြမ်းဝယ်ဈေးမှာတစ် ပိဿာလျှင်(၄၇၀၀/၄၈၀၀)ကျပ်ဈေးသာရှိပြီး  ယခုနှစ်တွင်(၅၈၀၀/၆၀၀၀)ကျပ်ထိ ဈေးမြင့်တက်လာပါကြောင်း၊ ယခင်နှစ်ကာလများက ကုန်ကြမ်းကို မြို့ပေါ်မှာ အထိုင်ဖြင့်ဝယ်ယူရရှိပြီး ယခုနှစ်တွင် အင်းချောင်းများရှိသည့် ခမုံကျေးရွာ၊ ဖောင်ရိုးဆိပ်ကျေးရွာများသို့ ကွင်းဆင်းဝယ်ယူနေရပါကြောင်း၊ လုပ်ငန်းရှင်တစ်ဦးလျှင် ထုတ်လုပ်နိုင်မှု ကုန်ကြမ်း တစ်နှစ်စာ ပျှမ်းမျှ ပိဿာ (၁၀,၀၀၀)ခန့် ဝယ်ယူလေ့ရှိသော်လည်း ယခုနှစ်တွင်   လိုချင်သည့်  ငါးအရွယ်အစားမရသဖြင့်   ပိသာ (၅,၀၀၀) ခန့်သာ ဝယ်ယူထားရှိကြောင်း၊ တပို့တွဲလဝက်ခန့်တွင် ငါးခွဲလို့ရမည့် အရွယ်အစားဖြစ်လာမှာဖြစ်၍ ကျန်အချိန်ပိဿာ ၅,၀၀၀ ကို စောင့်ဆိုင်းဖြည့်တင်းဝယ်ယူရမှာဖြစ်ကြောင်းဆွေးနွေးပါသည်။

          ဆက်လက်၍ အတွင်းရေးမှူး ဦးထွန်းထွန်းကငါးရံ့ အချိန် ၁၀ပိဿာခွဲလျှင် ဈေးကွက်ဝင် ငါးရံ့ခြောက်ဖုတ် ၁ ပိဿာ ရရှိကြောင်း၊ ယခင်နှစ်က ငါးခွဲလုပ်သားခ ငါး အချိန်ပိဿာ (၁၀) ခွဲလျှင် ကျပ် (၃၀၀၀) ၊ယခုနှစ်တွင် ကျပ် (၄၀၀၀) ပေးရကြောင်း၊ ကုန်ကြမ်းဝယ်ယူစရိတ်၊ သယ်ယူစရိတ်၊ လုပ်သားစရိတ်၊ ထုပ်ပိုးစရိတ်နှင့် ထုပ်ပိုးပစ္စည်းစရိတ်အဖက်ဖက်က ဈေးမြင့်တက်လာသလို ဈေးကွက်ဖြန့်ဖြူးရာတွင်လည်း ယခင်နှစ်များကဲ့သို့ နယ်စုံ တင်ပို့ရောင်းချ၍ မရသဖြင့် ဒေသတွင်းနှင့်ရန်ကုန်ဈေးကွက်၊ City Mark များကိုသာ အဓိကထားပြီးရောင်းချနေရကြောင်း၊ ယခင်နှစ်က (၆)ကျပ်သားတစ်ဘူးကို ကျပ် (၅၀၀၀) ၊(၁၂)ကျပ်သားတစ်ဘူးကို ကျပ် (၁၀၀၀၀) ရောင်းချခဲ့ပြီး ယခုအခါ ယင်းဈေးဖြင့် တွက်ချေမကိုက်သဖြင့် ဈေးမြင့်တင်ရောင်းချမှသာလျှင် တွက်ချေကိုက်မည်ဖြစ်ကြောင်း ဆွေးနွေးခဲ့ပါသည်။

ဆက်လက်၍ မြို့နယ်တာဝန်ခံက လုပ်ငန်းရှင်များတင်ပြဆွေးနွေးမှုအပေါ် ဈေးနှုန်းမြှင့်တင်ရောင်းချခြင်းမပြုဘဲ အလေးချိန်အား (၆)ကျပ်သား အစား (၅)ကျပ်သား၊ (၁၂)ကျပ်သား အစား (၁၀)ကျပ်သား လျော့၍ မူလဈေးနှုန်းအတိုင်းရောင်းချပါက ဖြစ်နိုင်ချေရှိ/မရှိစဉ်းစားစေချင်ပါကြောင်း၊ လုပ်ငန်းရှင်များအနေဖြင့် ထုတ်လုပ်မှုကုန်ကျစရိတ်များ၊ လျော့နိုင်သမျှလျော့နည်းအောင် ကြိုးစားထုတ်လုပ်ရန်နှင့် တွက်ချေကိုက်သော လုပ်ငန်းများဖြစ်စေရေး၊ ဈေးကွက်တင်ပို့ရာတွင်လည်း ကုန်အညွှန်းအမှတ်အသားများအား သတ်မှတ်ချက်နှင့်အညီမှန်ကန်စွာဖော်ပြပါရှိရေး၊ ဌာနအနေဖြင့် ပုဂ္ဂလိကကဏ္ဍများ ဖွံ့ဖြိုးတိုးတက်စေရေးကို ဆောင်ရွက်လျက်ရှိကြောင်း၊ လုပ်ငန်းရှင်များ၏ လိုအပ်ချက်များအား ကူညီဆောင်ရွက်ပေးသွားမည်ဖြစ်ကြောင်း အကြံပြုဆွေးနွေးခဲ့ရာ လုပ်ငန်းရှင်များက အလေးချိန်လျော့၍ မူလဈေးနှုန်းအတိုင်း ရောင်းချသွားမည်ဖြစ်ကြောင်းဆုံးဖြတ်ခဲ့ကြပါသည်။

          အဆိုပါဆွေးနွေးပွဲသို့ ငါးရံ့ခြောက်ဖုတ် လုပ်ငန်းရှင်အသင်းမှ လုပ်ငန်းရှင်(၁၁)ဦးတက်ရောက်  ခဲ့ကြောင်းသတင်းရရှိပါသည်။

စားသုံးသူရေးရာဦးစီးဌာန(ဧရာဝတီ)