HighLight News

    ဧရာဝတီတိုင်းဒေသကြီး၊ မအူပင်ခရိုင်၊ စားသုံးသူရေးရာဦးစီးဌာန၊ ပန်းတနော်မြို့နယ်ဦးစီးမှူး ဦးပိုးဖြူပိုင်မင်းနှင့် ဝန်ထမ်းများသည် (၂၃-၅-၂၀၂၃) ရက်နေ့၊ နံနက် (၀၉:၃၀) နာရီအချိန်တွင် ပန်းတနော်မြို့၊ ဆပ်သေကျေးရွာရှိ ကုန်မျိုးစုံရောင်းချသူလုပ်ငန်းရှင်(၅)ဦးအားတွေ့ဆုံ၍ စားသုံးသူကာကွယ်ပေးရေးအသိပညာပေးဟောပြောခဲ့ကြပါသည်။

 အဆိုပါအသိပညာပေးဟောပြောမှုတွင် ပန်းတနော်မြို့နယ်တာဝန်ခံ ဦးပိုးဖြူပိုင်မင်းက စားသုံးသူကာကွယ်ရေးဥပဒေ(၂၀၁၉)ကို ရှင်းလင်းဆွေးနွေးခဲ့ပြီးနောက် စားသုံးသူကာကွယ်ရေးလုပ်ငန်းစဉ်ကိစ္စရပ်ကိုရှင်းလင်းခြင်း၊ စားသုံးသူ၏အဓိပ္ပါယ်၊ စီးပွားရေးလုပ်ငန်းရှင်၏လိုက်နာရမည့်တာဝန်များကိုရှင်းလင်းခြင်းနှင့် စားသုံးသူကာကွယ်ရေးဥပဒေ၂၀၁၉၊ အခန်း(၁၈)တွင်ဖော်ပြထားသော ကုန်အညွှန်းအမှတ်အသားတွင် ပါရှိရမည့်အချက်များကိုရှင်းလင်းခြင်း၊ စားသုံးသူသည် လိုအပ်ချက်အရ ကုန်စည်ကိုဝယ်ယူအသုံးပြုရာတွင် ကုန်စည်ကြောင့် စားသုံးသူအခွင့်အရေးနစ်နာဆုံးရှုံးမှုဖြစ်ပေါ်လာပါက တိုင်ကြားနိုင်သည့်စားသုံးသူ၏အခွင့်အရေးရှိ၍ တိုင်ကြားနိုင်သည့် လိပ်စာများ၊ နည်းလမ်းများကို အကျယ်တဝင့်ရှင်းလင်းဆွေးနွေးခြင်းတို့ ဆောင်ရွက်ခဲ့ပါသည်။ ဆိုင်ရှင်လုပ်ငန်းရှင်များကလည်း မိမိတို့ရောင်းချသောကုန်စည်များတွင် ကုန်စည်၏တံဆိပ်အမှတ်အသား၊ အမျိုးအစား၊ အသားတင်ပမာဏ၊ ထားသိုပုံသိမ်းဆည်းမှုအညွှန်း၊ ထုတ်လုပ်သည့်ရက်စွဲ၊ သက်တမ်းကုန်ဆုံးရက်စွဲ၊ အမှတ်စဉ်၊ လုပ်ငန်းအမည်၊ လိပ်စာ၊ ဆက်သွယ်ရန်ဖုန်းနံပါတ်၊ ကျန်းမာရေးဘေးထွက်ဆိုးကျိုး၊ သက်ဆိုင်ရာဌာနတို့၏ ဖော်ပြရန်သတ်မှတ်ထားသောအချက်အလက်များပါဝင်သည့် ကုန်စည်ကိုသာရွေးချယ်ဦးစားပေးရောင်းချရမည်ကို သိရှိလာရပါကြောင်းနှင့် ထပ်မံသိရှိလိုသည်များကို ပြန်လည်မေးမြန်းဆွေးနွေးခဲ့ကြကြောင်း သတင်းရရှိပါသည်။

DOCA(ဧရာဝတီ)

      ဖျာပုံခရိုင်၊ ဒေးဒရဲမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံဦးသိန်းမောင်သည် (၁၉-၅-၂၀၂၃) ရက်နေ့၊ နေ့လယ် (၁၃:၀၀) နာရီအချိန်တွင် ဒေးဒရဲမြို့၊ မြို့မဈေးရှိ ကုန်မျိုးစုံရောင်းချသောလုပ်ငန်းရှင်များအား မြို့နယ်တာဝန်ခံရုံး၌ စားသုံးသူကာကွယ်ရေးအသိပညာပေးဟောပြောပွဲကိုကျင်းပပြုလုပ်ခဲ့ပါသည်။

  ဟောပြောပွဲတွင် မြို့နယ်တာဝန်ခံဦးသိန်းမောင်က လုပ်ငန်းရှင်များအနေဖြင့် ရောင်းချနေသောကုန်စည်များတွင် သတ်မှတ်ထားသောကုန်အညွှန်းအမှတ်အသားဖော်ပြချက်များပါဝင်စေရန်ဖြစ်ကြောင်း၊ တားမြစ်ထားသောကုန်စည်များရောင်းချမှုမရှိစေရန်ဖြစ်ကြောင်း၊ လုပ်ငန်းရှင်များလိုက်နာရမည့်တာဝန်များကိုသိရှိစေရန်ဖြစ်ကြောင်း၊ စားသုံးသူများနစ်နာမှုဖြစ်ပေါ်လာပါကတိုင်ကြားနိုင်မှုအခြေအနေများ၊ လုပ်ငန်းရှင်များအနေဖြင့် လိုက်နာဆောင်ရွက်မှုမရှိပါက စားသုံးသူကာကွယ်ရေးဥပဒေ ၂၀၁၉အရ အရေးယူဆောင်ရွက်သွားမည်ဖြစ်ကြောင်း အသိပညာပေးဟောပြောခြင်းကိုဆောင်ရွက်ခဲ့ပါသည်။

DOCA(ဧရာဝတီ)

   စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအုပင်ခရိုင်ဦးစီးမှူးရုံးနှင့် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ခရိုင်ဦးစီးမှူးရုံးတို့ပူးပေါင်းဆောင်ရွက်မှုဖြင့် (၁၉-၅-၂၀၂၃) ရက်နေ့၊ နံနက် (၁၁:၀၀) နာရီအချိန်တွင် စားသုံးသူကာကွယ်ရေးနှင့်ပတ်သက်၍ Online Shoping ဝယ်ယူအသုံးပြုရာတွင် စားသုံးသူပြည်သူများနစ်နာမှုမရှိစေရန် အသိပညာပေး Talk Show ကျင်းပပြုလုပ်ခဲ့ပါသည်။

    အဆိုပါအခမ်းအနားတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ခရိုင်ဦးစီးမှူး ဒေါ်ခင်သန္တာထွေးက Online Shoping ရောင်းချမှုနှင့်ပတ်သက်၍ မေးမြန်းရာ မအူပင်ခရိုင်၊ စားသုံးသူရေးရာဦးစီးဌာနမှ  ဒု-ခရိုင်ဦးစီးမှူး ဦးအောင်ဇော်ဦးက စားသုံးသူများ Online Shoping ဝယ်ယူရာတွင် စားသုံးသူများရင်ဆိုင်တွေ့ကြုံနေရသည့် အချက်အလက်များနှင့် နစ်နာဆုံးရှုံးမှုများဖြစ်ပေါ်လာပါက တိုင်ကြားနိုင်သည့်နည်းလမ်းများကို စားသုံးသူပြည်သူများအသေးစိတ်သိရှိနိုင်ရန် အကျယ်တဝင့်ရှင်းလင်းဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

  ကျောက်ဆည်ခရိုင်၊ စားသုံးသူရေးရာဦးစီးဌာနသည် ပြည်တွင်းကုန်သွယ်မှုလုပ်ငန်းများဖွံဖြိုးတိုးတက်ရေးအတွက် အလားအလာရှိသော အဓိကသီးနှံများ၏ စတင်စိုက်ပျိုးမှုမှသည် စျေးကွက်တင်ပို့ရောင်းချမှုအခြေအနေများအား သိရှိနိုင်ရေးအတွက် (၁၉-၅-၂၀၂၃) ရက်နေ့တွင် ကျောက်ဆည်မြို့နယ်၊ ရွာသာကျေးရွာရှိ  ဝါကုန်သည် ဦးအေးမင်း(အလင်းရောင်ဝါစက်)နှင့် ထနောင်းကုန်းကျေးရွာရှိ ဝါစိုက်ပျိုးသော ဦးကျော် ကျော်တို့အား မိုးကြိုဝါစိုက်ပျိုးထွက်ရှိမှု၊ စျေးနှုန်းစျေးကွက်အခြေအနေများအား ကွင်းဆင်းမေးမြန်းခဲ့ပါသည်။

 ကျောက်ဆည်ခရိုင်တွင် မိုးကြိုဝါစိုက်ပျိုးမှုအနေဖြင့် စဉ့်ကိုင်မြို့နယ်၌ (၂၁၀) ဧကနှင့် မြစ်သားမြို့နယ်၌ (၁၀၀၉) ဧက၊ စုစုပေါင်း(၁၂၁၉) ဧကစိုက်ပျိုးလျက်ရှိပါသည်။ မိုးကြိုဝါအား ဖေဖော်ဝါရီလ၊ မတ်လနှင့် ဧပြီလများတွင် စတင်စိုက်ပျိုးပြီး ဇူလိုင်လနှင့် သြဂုတ်လများတွင် ရိတ်သိမ်းကြောင်း၊ မိုးနှောင်းဝါအား သြဂုတ်လတွင် စတင်စိုက်ပျိုးပြီး ဒီဇင်ဘာလတွင် စတင်ထွက်ရှိမည်ဖြစ်ကြောင်း၊ မျိုးအနေဖြင့် တောင်သူအများစုမှာ ငွေချည်(၆)နှင့် (ရာကာ)အိန္ဒိယမျိုးများအား အများဆုံးစိုက်ပျိုးကြကြောင်း၊ စိုက်ပျိုးရာတွင် ဝါ(၁)ဧကလျှင် မျိုးတစ်ထုပ်ခွဲမှ နှစ်ထုပ်အထိကုန်ကျပြီး တစ်ထုပ်လျှင် (၃၂၀၀၀/-) ကျပ်ပေးရကြောင်း၊ တစ်ဧကကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် စုစုပေါင်း (၇၀၀၀၀၀) ကျပ်ကုန်ကျကြောင်း၊ အထွက်နှုန်းအနေဖြင့် တစ်ဧကလျှင် (၆၀၀-၇၀၀) ပိဿာထွက်ရှိကြောင်း၊ ထွက်ရှိလာသော ဝါများအား မန္တလေးစျေးကွက်သို့တင်ပို့ရောင်းချကြောင်း၊ ဝါစျေးနှုန်းအနေဖြင့် ယခင်နှစ်၌ ဝါ(၁)ပိဿာလျှင် (၃၃၀၀-၃၅၀၀) ကျပ်၊ ဝါစေ့ (၁)ပိဿာလျှင် (၁၄၀၀/-) ကျပ်နှင့် ဝါဂွမ်း(၁)ပိဿာလျှင် (၇၃၀၀-၇၄၀၀)ကျပ်စျေးများရရှိခဲ့ကြောင်း၊ ယခုနှစ်တွင် ဝါသီးနှံများထွက်ပေါ်ခြင်း မရှိသေးဘဲ စိုက်ပျိုးထားသောမိုးကြိုဝါသီးနှံများမှာလည်း အောင်မြင်ဖြစ်ထွန်းနေကြောင်း သိရှိပါသည်။

DOCA(မန္တလေး)

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့် ပခုက္ကူခရိုင် ဦးစီးမှူး၏လမ်းညွှန်မှုဖြင့် စားသုံးသူအခွင့်အရေးနှင့် အကျိုးစီးပွားတို့ကိုကာကွယ်ရန်အတွက် (၁၉-၅-၂၀၂၃) ရက်နေ့၊ နံနက် (၀၉:၀၀) နာရီအချိန်တွင် ဆိပ်ဖြူမြို့၊ ကိုးတောင့်ကျေးရွာရှိ ဒေါ်မြင့်မြင့်မော်စာသင်ဝိုင်းသို့သွားရောက်၍ ဆရာ/ဆရာမ(၂)ဦး၊ ကျောင်းသား/ကျောင်းသူ (၃၂)ဦး၊ စုစုပေါင်း(၃၄)ဦးနှင့် (၂၂-၅-၂၀၂၃) ရက်နေ့၊ နံနက် (၀၉:၀၀) နာရီအချိန်တွင် ဆိပ်ဖြူမြို့၊ အနောက်ပိုင်းရပ်ကွက်ရှိ ဒေါ်သီတာထွေးကျူရှင်စာသင်ဝိုင်းသို့သွားရောက်၍ ဆရာ/ဆရာမ(၁)ဦး၊ ကျောင်းသား/ကျောင်းသူ(၁၁)ဦး၊ စုစုပေါင်း(၁၂)ဦးတို့အား စားသုံးသူ ကာကွယ်ရေးဆိုင်ရာ အသိပညာပေးဟောပြောပွဲပြုလုပ်ခဲ့ပါသည်။

     အသိပညာပေးဟောပြောပွဲတွင် ပခုက္ကူခရိုင်ဦးစီးမှူးရုံးမှ ဆိပ်ဖြူမြို့နယ်တာဝန်ခံ ဦးဇော်နေလင်းက ဌာန၏သမိုင်းကြောင်း၊ မျှော်မှန်းချက်၊ ရည်မှန်းချက်များ၊ ဌာနကဆောင်ရွက်နေသည့် လုပ်ငန်းများအကြောင်း၊ စားသုံးသူကာကွယ်ရေးဥပဒေ ၂၀၁၉၊ အခန်း(၉)ပါ စားသုံးသူများ ရရှိနိုင်မည့်အခွင့်အရေးများနှင့် လိုက်နာရမည့်တာဝန်များ၊ စားသုံးသူကာကွယ်ရေးဥပဒေ ၂၀၁၉၊ အခန်း(၁၈)ပါ ကုန်စည်များတွင် ဖော်ပြရမည့်ကုန်အညွှန်းအမှတ်အသားများကို နမူနာပစ္စည်းများပြသ၍ ကျယ်ကျယ်ပြန့်ပြန့်ရှင်းလင်းပြီး ယခုကဲ့သို့ ကုန်အညွှန်းအမှတ်အသား များပြည့်စုံစွာမပါလျှင် ဝယ်ယူစားသောက်ရောင်းချခြင်းမပြုစေချင်ကြောင်း၊ ကုန်အညွှန်းအမှတ်အသားပြည့်စုံမှသာလျှင် ဝယ်ယူသုံးစွဲစေလို ကြောင်း ရှင်းလင်းဆွေးနွေးခဲ့ပြီး ကုန်စည်နှင့်ဝန်ဆောင်မှုကိုဝယ်ယူသုံးစွဲရာတွင် နစ်နာဆုံးရှုံးမှုများဖြစ်ပေါ်လာပါက ပြောရေးဆိုခွင့်၊ တိုင်ကြား နိုင်ခွင့်၊ ပြန်လည်ကုစားနိုင်ခွင့်များနှင့် CICC ရုံးများဖွင့်လှစ်ထားရှိပြီးဖြစ်၍ နစ်နာသည့်စားသုံးသူများက တိုင်ကြားနိုင်ကြောင်း၊ Facebook စာမျက်နှာ၊ DOCA Myanmar Mobile Application နှင့်  Consumer Call Center (1535)တို့တွင် တိုင်ကြားနိုင်ကြောင်းတို့ကို အသေးစိတ်ရှင်းလင်းဆွေးနွေးပြီးနောက် တက်ရောက်လာသောဆရာမများနှင့် ကျောင်းသား/ကျောင်းသူများကို စားသုံးသူကာကွယ်ရေးဆိုင်ရာ အသိပညာပေးလက်ကမ်းစာစောင်များဖြန့်ဝေပေးခဲ့ပါသည်။

DOCA(မကွေး)