HighLight News

     စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်၊ ခရိုင်ဦးစီးမှူး၏ လမ်းညွှန် မှုအရရေစကြိုမြို့နယ်တာဝန်ခံ ဦးမြတ်မင်းနှင့် အဖွဲ့သည် (၂၁.၁၂.၂၀၂၁) ရက်နေ့၊ နေ့လည် (၂:၀၀) နာရီအချိန်တွင် ကျေးရွာတစ်ရွာ၊ ထုတ်ကုန်တစ်မျိုး ထုတ်လုပ်မှုနှင့် ပြည်တွင်းကဏ္ဍမြှင့်တင်နိုင်ရေး အတွက်ရေစကြိုမြို့၊ အမှတ်(၈)ရပ်ကွက်ရှိ သနပ်ခါးနံ့သာအမွှေးတိုင် ထုတ်လုပ်နေသည့် ဦးအောင်ဆန်း နှင့်တွေ့ဆုံပြီး သနပ်ခါးနံ့သာအမွှေးတိုင် ထုတ်လုပ်ရောင်းဝယ်မှုအခြေအနေနှင့် အကျိုးအမြတ်ရရှိ နိုင်မည့်အခြေအနေများကို မေးမြန်းဆွေးနွေးခဲ့ပါသည်။

      သနပ်ခါးနံ့သာအမွှေးတိုင်ထုတ်လုပ်သူလုပ်ငန်းရှင် ဦးအောင်ဆန်းက ပစ္စည်းကုန်ကြမ်းအနေ ဖြင့် ရေစကြိုမြို့နယ်၊ မြိုင်မြို့နယ်များမှ သနပ်ခါးစိုက်ပျိုးသည့် တောင်သူများထံမှ သနပ်ခါးကိုင်းဖျား ကိုင်းနားများနှင့် အမြစ်အခေါက်များကို ဝယ်ယူ၍ စက်ဖြင့်ကြိတ်ပြီး ထွက်ရှိလာသည့် သနပ်ခါးနှစ် များကို အမွှေးတိုင်လိပ်ခုံဖြင့် လိပ်ပြီးနောက် ခြောက်သွေ့အောင်နေပူ(၂)ရက်ခန့် လှန်းပေးရပါကြောင်း၊ ခြောက်သွေ့အောင် နေပူလှန်းပြီးနောက် အမွှေးနံ့သာရည်သုတ်လိမ်းရပါကြောင်း၊ သုတ်လိမ်းပြီးပါက ပါကင်ထုတ်ပိုးရပါကြောင်း အဆင့်ဆင့်ထုတ်လုပ်မှုများကို ပြောပြ၍သိရှိခဲ့ရပါတယ်။

     ဆက်လက်ပြီး သနပ်ခါးနံ့သာအမွှေးတိုင် ကုန်ကြမ်းများကို ရေစကြိုမြို့နယ်အတွင်းရှိ အိမ်တွင်း တစ်နိုင်တစ်ပိုင်ထုတ်လုပ်သူများက သနပ်ခါးအနှစ်ကြိတ်စက်များမှ အနှစ်များဝယ်ယူ၍ အမွှေးတိုင် ကြမ်းများလိပ်ပြီး လာရောက်ရောင်းချကြပါကြောင်း၊ ကုန်ကြမ်းအချောင်း (၂၀၀) ပါ (၁) စည်းကို (၁၆၀/- မှ ၂၀၀/-) ပေးဝယ်ရကြောင်း၊ ကုန်ကြမ်းများကို အမွှေးနံသာရည်သုတ်လိမ်း ရန်နှင့် ထုတ်ပိုး ရန်အတွက် နေ့စဉ်အလုပ်သမားဦးရေ (၃၅) ဦးခန့်ရှိပါကြောင်း၊ (၁) ဦးကို တစ်နေ့ (၄၅၀၀/-) ပေးရပါကြောင်း၊ တစ်နိုင်တစ်ပိုင် အမွှေးတိုင်ကုန်ကြမ်းလိပ်သည့် ထုတ်လုပ်သူများက အမွှေးတိုင်တုတ် ချောင်း (၁၀၀၀) ပါစည်းကို ကျပ် (၂၅၀/-)ပေးရပြီး အစာအနှစ် (၆)ပိဿာကို ကျပ်(၁၀၀၀/-) ပေးရကြောင်း ၊အစာအနှစ် (၆)ပိဿာကို အမွှေးတိုင်ကြမ်းအချောင်း (၈၀၀၀)ခန့် ရပြီး၊ (၂၀၀) ပါအစည်း (၄၀)ရပါကြောင်း၊ (၁)စည်းကို (၁၆၀/-)ရရှိကြောင်း၊ အငှားလိပ်ခိုင်းပါက (၁)စည်းကို (၇၀/-)ကျပ် ပေးရပြီး၊ လိပ်နိုင်ရင် လိပ်နိုင်သလောက် တွက်ချေကိုက်ကြောင်းကို သိရှိခဲ့ ရပါသည်။

      မိမိအနေဖြင့် သနပ်ခါးနံ့သာအမွှေးတိုင်ကို ၁၉၈၃ ခုနှစ်ကတည်းက စတင်ထုတ်လုပ်ခဲ့ပါ ကြောင်း မြို့နယ်မြေစာရင်းဦးစီးဌာနတွင် ၁၉၉၅ ခုနှစ်က အောင်သိဒ္ဓိ အမည်ဖြင့် ကုန်အမှတ်တံဆိပ် မှတ်ပုံတင်ပြုလုပ်ပြီး ထုပ်ပိုးမှုအနေဖြင့် အမွှေးတိုင်၏အရှည်မှာ (၁၁) လက်မအရှည် အထုပ်ကလေး (၁)ထုပ်လျှင် (၉)ချောင်းထည့်၍ ထုပ်ပိုးကြောင်း အထုပ်ကလေး (၉)ထုပ်ပါအထုပ်ကြီး (၁) ထုပ်လျှင် (၉၀၀/-)ကျပ်ဖြင့် ရောင်းချပါကြောင်း၊ အထုပ်(၃၀၀)ပါအိတ်ကြီး(၁)အိတ်ကို(၂၇၀၀၀၀/-)ကျပ် ရောင်းရပြီး ယခင်က (၁)လလျှင် အိတ်ကြီး(၄၀၀) မှ (၅၀၀)အိတ်ရောင်းရပါကြောင်း ကိုဗစ်ကာလ အတွင်း (၁)လလျှင် အိတ်ကြီး (၂၀၀)မှ (၂၅၀) အိတ်ခန့်သာ ရောင်းရပြီး၊မိမိအနေဖြင့် ရောင်းအား ကျဆင်းနေသော်လည်း တစ်နိုင်တစ်ပိုင် အိမ်တွင်းအမွှေးတိုင် ကုန်ကြမ်းထုတ်လုပ်သူများနှင့် ကုန်ချော ထုပ်ပိုးသည့်အလုပ်သမားများ လုပ်ငန်းမပြတ်လပ်စေရေးအတွက် နေ့စဉ် အမွှေးတိုင်ကြမ်း (၂၀၀) ပါအစည်း (၅၀၀၀) တန်ဖိုးအားဖြင့် (၁၀) သိန်းဖိုးခန့် ဝယ်ယူ၍ ကုန်ချောထုတ်လုပ်ပြီး မြန်မာ နိုင်ငံအတွင်းရှိ မြို့ကြီးများသို့ ဖြန့်ဖြူးရောင်းချလျှက်ရှိကြောင်း ထုတ်လုပ်သူလုပ်ငန်းရှင်၏ပြော ကြားချက်အရ သိရှိရပါသည်။

စားသုံးသူရေးရာဦးစီးဌာန(မကွေးတိုင်းဒေသကြီး)

        စားသုံးသူရေးရာဦးစီးဌာန၊ မုံရွာခရိုင်ဦးစီးမှူးရုံးမှ ခရိုင်ဦးစီးမှူးနှင့် ဒု-ခရိုင်ဦးစီးမှူးတို့သည် ၂၀၂၁ခုနှစ် ဒီဇင်ဘာလ ၂၁ ရက်နေ့ နံနက် ၁၀နာရီအချိန်တွင် မုံရွာမြို့၊ စက်မှုဇုန်ရပ်ကွက်၊ “ငွေဇင်” မုန့်လုပ်ငန်းရှင်နှင့်တွေ့ဆုံ၍ စားသုံးသူကာကွယ်ရေးဥပဒေ(၂၀၁၉)၊ အခန်း(၁၈)အရ ကုန်အညွှန်း အမှတ်အသားဆိုင်ရာပြဋ္ဌာန်းချက်များနှင့်ပတ်သက်၍ စီးပွားရေးလုပ်ငန်းရှင်များ သိရှိလိုက်နာ ဆောင်ရွက်နိုင်စေရန်အတွက် အသိပညာပေးဆွေးနွေးခဲ့ပါသည်။ ထိုသို့တွေ့ဆုံဆွေးနွေးရာတွင် စားသုံးသူကာကွယ်ရေးဥပဒေပါစားသုံးသူ၏ အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏ တာဝန်များ၊ ကုန်အညွှန်းအမှတ်အသားဖော်ပြရန်အချက်များ၊ ပုဒ်မ(၄၃)ပြဋ္ဌာန်းချက်ပါ မြန်မာဘာသာ ဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ ရေးသားဖော်ပြရန်နှင့် ထုတ်လုပ်သည့်ကုန်စည်အမျိုးအစားအလိုက် ဖော်ပြရမည့် အချက်အလက် များအား ပြည့်စုံမှုရှိစေရန် ဆွေးနွေးခဲ့ကြောင်း၊ ကုန်အညွှန်းအမှတ်အသားဖော်ပြခြင်းနှင့်စပ်လျဉ်းပြီး ထုတ်ကုန်များအပေါ်တွင် ဖော်ပြရန်အချက်များ၊ စားသောက်ကုန်အမျိုးအစားအလိုက် ထုတ်လုပ်သူ စီးပွားရေးလုပ်ငန်းရှင်များမှ တာဝန်ယူမှုတာဝန်ခံမှုရှိစေရေးနှင့် သတင်းအချက်အလက်များ ပြည့်စုံစွာ ဖော်ပြပါရှိရေးဆွေးနွေးခဲ့ကြောင်းနှင့် စီးပွားရေးလုပ်ငန်းရှင်များလိုက်နာရမည့်တာဝန်များ နှင့် တားမြစ် ချက်များကိုလည်း အသေးစိတ်ဆွေးနွေးပြောကြားခဲ့ပြီး စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်းအမှတ်အသားတွင် ဖော်ပြပါရှိရမည့် လက်ကမ်းစာစောင်များ ဖြန့်ဝေပေးခဲ့ကြောင်း သိရှိရသည်။

 စားသုံးသူရေးရာဦးစီးဌာန(စစ်ကိုင်းတိုင်းဒေသကြီး)

စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူး ဦးဝေဠုအောင် ဦးဆောင်၍ ဒု-ခရိုင်ဦးစီးမှူး၊ ပခုက္ကူမြို့နယ်တာဝန်ခံနှင့် ဝန်ထမ်းများအဖွဲ့ သည် ဒီဇင်ဘာလ (၂၁)ရက်နေ့၊ နံနက်(၁၀:၀၀)နာရီအချိန်တွင် ပခုက္ကူမြို့ ၊ မြို့ရှောင်လမ်းမ ပေါ်ရှိ “ရွှေဗျိုင်းဖြူ” စက်သုံးဆီ အရောင်းဆိုင်အား သတ်မှတ်ထားသော အထူး‌ဈေးနှုန်းနှင့်‌ အမှန်တကယ်ရောင်းချခြင်းရှိ/မရှိ၊အရည်အသွေး၊ အချင်အတွယ် ပြည့်မှီခြင်းရှိ/မရှိကွင်းဆင်း စစ်ဆေးခဲ့ပါသည်။
စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် မြန်မာနိုင်ငံစက်သုံးဆီတင်သွင်း ဖြန့်ဖြူးရောင်းချရေးအသင်းတို့နှင့် ပူးပေါင်းပြီး ပြည်သူများ သက်သာသော ဈေးနှုန်းဖြင့် ဝယ်ယူရရှိနိုင်ရန် ရည်ရွယ်၍ ဗဟိုဘဏ်မှ ရည်ညွှန်းငွေလဲလှယ်နှုန်းဖြင့် တိုက်ရိုက်ရောင်းချ ပေးသည့် နိုင်ငံခြားငွေဖြင့် မှာယူတင်သွင်းခဲ့သည့် စက်သုံးဆီများကို တိုင်းဒေသကြီး/ ပြည်နယ် များရှိ စက်သုံးဆီအရောင်းဆိုင်များတွင် ၂၀၂၁ ခုနှစ်၊ အောက်တိုဘာလမှ စတင်၍ ဖြန့်ဖြူး ရောင်းချ ပေးလျက်ရှိရာ မကွေးတိုင်းဒေသကြီးအတွင်း အထူးဈေးနှုန်းဖြင့်ရောင်းချပေးသည့် စက်သုံးဆီအရောင်းဆိုင်များအနက် ရွှေဗျိုင်းဖြူဆီဆိုင်မှာ သတ်မှတ်ဈေးနှုန်းအတိုင်း ရောင်းချ ပေးနေသည့် စက်သုံးဆီအရောင်းဆိုင် တစ်ဆိုင်ဖြစ်ပါသည်။
ခရိုင်ဦးစီးမှူးနှင့် ဝန်ထမ်းများအဖွဲ့သည် ပခုက္ကူမြို့၊ မြို့ရှောင်လမ်းမပေါ်ရှိ “ရွှေဗျိုင်းဖြူ” စက်သုံးဆီဆိုင်သို့ ကွင်းဆင်းစစ်ဆေးမေးမြန်းရာ မန်နေဂျာမှ စတုတ္ထအကြိမ် မြောက်အနေဖြင့် စက်သုံးဆီ(၃)မျိုးကို သတ်မှတ်ထားသော အထူးဈေးနှုန်းဖြင့် ရောင်းချပေး နေကြောင်း၊ Diesel (၁)လီတာ (၁၂၃၁/-)ကျပ်၊ Premium (၁)လီတာ (၁၂၃၇/-)ကျပ်၊ 92 (၁)လီတာ(၁၂၉၄/-)ကျပ်ဖြင့် ရောင်းချ ပေးကြောင်း၊ကားတစ်စီးလျှင် တစ်ခေါက်နှုန်းသာရောင်း ချကြောင်း၊ ပေပါ/ပုံးခွံများဖြင့် မရောင်းချကြောင်း စသည့်သတ်မှတ်ထားသော စည်းကမ်းချက် များကိုလည်း လိုက်နာဆောင်ရွက်လျက်ရှိကြောင်း၊ နေ့စဉ် စက်သုံးဆီအရောင်း စာရင်းများ ကိုလည်း စားသုံးသူရေးရာဦးစီးဌာန၊ မကွေးတိုင်းဒေသကြီးနှင့်ပခုက္ကူ ခရိုင်ဦးစီးမှူးရုံး သို့အချိန် နှင့်တစ်ပြေးညီပေးပို့လျက်ရှိကြောင်း၊ မိမိတို့"ရွှေဗျိုင်းဖြူ"စက်သုံးဆီဆိုင် ရုံးချုပ်မှ အထူး ဈေးနှုန်းဖြင့် ဆီခွဲတမ်းပြည့်လျှင် အကြောင်းကြားသောကြောင့် ဆီရောင်းချမှုကို ရပ်နား၍ ပုံမှန် ဈေးနှုန်းဖြင့် ပြန်လည် ရောင်းချပေးပါကြောင်း သိရှိခဲ့ရပါသည်။
DOCA(မကွေး)

စားသုံးသူရေးရာဦးစီးဌာန၊ မင်းဘူးခရိုင်ဦးစီးမှူးနှင့်ဝန်ထမ်းများသည် ဒေသခံပြည်သူများ အစားအသောက်များ ဘေးကင်းလုံခြုံစွာ သုံးစွဲနိုင်စေရေးအတွက် ၂၀၂၁ခုနှစ် ဒီဇင်ဘာ(၂၁)ရက် နံနက် (၁၀:၃၀)ချိန်တွင် ခရိုင်ဦးစီးမှူးရုံး၌ မင်းဘူးမြို့မဈေးကြီးအတွင်း ကုန်အညွှန်းအမှတ်အသား မပြည့်စုံသော စားသောက်ကုန်များ ဖြန့်ဖြူးရောင်းချလျက်ရှိသည့် လုပ်ငန်းရှင်များနှင့်တွေ့ဆုံ ဆွေးနွေးခြင်းနှင့် အသိပညာပေးလုပ်ငန်းများဆောင်ရွက်ခဲ့ပါသည်။
ထိုသို့ဆောင်ရွက်ရာ၌ ခရိုင်စားသုံးသူရေးရာဦးစီးဌာန လက်ထောက်ညွှန်ကြားရေးမှူး ဒေါ်စုစုထွန်း၊ မင်းဘူးမြို့နယ်တာဝန်ခံ ဦးမြင့်ကြည်နှင့်ခရိုင်ဦးစီးမှူးရုံးမှ ဝန်ထမ်း (၅)ဦးတို့မှ မုန့်လုပ်ငန်းရှင်(၁၀)ဦးအား ကုန်အညွှန်းအမှတ်အသားများ ပြည့်စုံစွာဖော်ပြကြရန်နှင့် ကုန်အညွှန်း အမှတ်အသားမပြည့်စုံသောကုန်ပစ္စည်းများ ဖြန့်ဖြူးရောင်းချခြင်းတွေ့ရှိပါက အရေးယူဆောင်ရွက်သွားမည့် ဥပဒေအကြောင်းအရာများအား အသိပညာပေးရှင်းလင်းဆွေးနွေး ပြောကြားခဲ့ပြီး လုပ်ငန်းရှင်များမှ လိုအပ်သော ကုန်အညွှန်းအမှတ်အသားများကို အမြန်ဆုံး ပြည့်စုံစွာပါရှိလာစေရန် ဆောင်ရွက်သွားမည်ဖြစ်ကြောင်းဆွေးနွေးခဲ့ပြီး အစည်းအဝေးကို (၁၂:၀၀)အချိန်တွင် ရုတ်သိမ်းခဲ့ ပါသည်။
စားသုံးသူရေးရာဦးစီးဌာန မင်းဘူးခရိုင်အနေဖြင့် မိမိခရိုင်အတွင်းရှိ စားသုံးသူပြည်သူများ လုံခြုံစိတ်ချရမှုရှိစေရေးအတွက် လုပ်ငန်းရှင်များအား ခေါ်ယူတွေ့ဆုံဆွေးနွေးခြင်းနှင့် ဘေးကင်း လုံခြုံစိတ်ချရသော အစားအသောက်များ ဈေးကွက်အတွင်း ဝယ်ယူသုံးစွဲနိုင်စေရေးအတွက် ဈေးကွက်စောင့်ကြည့်စစ်ဆေးခြင်းများကို အခါအားလျော်စွာ ဆောင်ရွက်လျက်ရှိကြောင်းသတင်းရရှိပါသည်။
စားသုံးသူရေးရာဦးစီးဌာန(မကွေးတိုင်းဒေသကြီး)

စားသုံးသူရေးရာဦးစီးဌာန၊ ဧရာဝတီတိုင်းဒေသကြီးဦးစီးမှူးရုံးမှ ဦးစံကြည် ဦးဆောင်၍ မအူပင်ခရိုင်၊ စားသုံးသူရေးရာ ဦးစီးဌာနမှ ခရိုင်ဦးစီးမှူး ဦးဇော်မင်း၊ ဒုခရိုင်ဦးစီးမှူး ဦးအောင်ဇော်ဦးနှင့် ဝန်ထမ်းများသည် မအူပင် မြို့နယ်၊ တော်တလုပ်ကျေးရွာအုပ်စု၊ ကျီးချောင်းကျေးရွာရှိ ရှူးဂါးဂိမ်း ပြောင်းစိုက်ပျိုး အောင်မြင် ဖြစ်ထွန်းမှုများကို (၂၀.၁၂.၂၀၂၁) ရက်နေ့ နံနက်(၁၀:၀၀)နာရီမှ (၁၂:၀၀) နာရီ အချိန်အထိ သွားရောက် ကွင်းဆင်းလေ့လာခဲ့ပါသည်။
မအူပင်မြို့နယ်၊ တော်တလုပ်ကျေးရွာအုပ်စု၊ ကျီးချောင်းကျေးရွာတွင် တောင်သူ ဦးဌေးဝင်း စိုက်ပျိုးထားသည့် (၁)လသားအရွယ်ပြောင်းပင်များကို ကွင်းဆင်းလေ့လာရာ၌ တောင်သူဦးဌေးဝင်း က မိမိ၏ ကိုင်းမြေ(၁)ဧကပေါ်တွင် ရှူးဂါးဂိမ်း ပြောင်းမျိုး (၁)ထုပ်လျှင် (၁၅၀၀၀)ကျပ်ဖြင့် (၃)ထုပ် ဝယ်ယူစိုက်ပျိုးခဲ့ပါသည်။
ထိုသို့စိုက်ပျိုးရာတွင် သွင်းအားစုအနေဖြင့် ထိုင်းပုလဲ (၁)အိတ် အသုံးပြုခဲ့ရပြီး ပြောင်းပင် များအတွက် ရေလိုအပ်ပါက ရေတင်ပေးရကြောင်း၊ ပြောင်းပင်များသည် တစ်ပင်လျှင် (၁)ဖူး၊ (၂)ဖူး ထွက်ရှိနိုင်ပြီး ပြောင်းပင်များမှာ (၂၅၀၀)ခန့်ရှိ၍ (၁)ပင်လျှင် (၁)ဖူးနှုန်း ဖြင့်တွက်ချက်ပါက ပြောင်းဖူး (၂၅၀၀)ဖူးခန့် ထွက်ရှိနိုင်သဖြင့် ယနေ့မအူပင်ဈေးကွက်တွင် ပြောင်း (၁)ဖူးလျှင် (၂၅၀)ကျပ်နှုန်းဖြင့် အရောင်းအဝယ်ရှိကြောင်း၊ ပြောင်းပေါ်ချိန်တွင် ကျဈေး ဖြစ်ပါက (၁)ဖူးလျှင် (၂၀၀)ကျပ်နှုန်းထက်မနိမ့်ကျနိုင်သဖြင့် ထွက်ရှိသော ပြောင်းဖူးမှ ရောင်းရငွေ(၅)သိန်းခန့် ရရှိနိုင်ပါသည်။ သို့ဖြစ်ပါ၍ တွက်ချေကိုက်ပြီး အကျိုးအမြတ်ရှိသော စိုက်ပျိုး သင့်သည့် သီးနှံဖြစ်ကြောင်း သိရှိခဲ့ရပါသည်။
တိုင်းဒေသကြီးဦးစီးမှူးရုံးမှ ဌာနခွဲ့မှူးဦးစံကြည်နှင့် ခရိုင်ဦးစီးမှူး ဦးဇော်မင်းတို့သည် မြို့နယ်ဈေးကွက်မှ ရန်ကုန်ဈေးကွက်ရရှိနိုင်ရေး အားထုတ်ကြိုးပမ်းဆောင်ရွက်ရန် သွင်းအားစုများကို စနစ်တစ်ကကျ သုံးစွဲရန်နှင့် တောင်သူအများ စုအားကျလာသည့် ဈေးကွက်ဝင်သီးနှံ အဆင့်ထိဆောင်ရွက်နိုင်ရန်တို့ကို အလေးထား ဆွေးနွေးခဲ့ကြောင်း သတင်းရရှိပါသည်။
ဧရာဝတီတိုင်းဒေသကြီး
စားသုံးသူရေးရာဦးစီးဌာန