HighLight News

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများကို ဆောင်ရွက်လျက်ရှိရာ (၂၅-၄-၂၀၂၃) ရက်နေ့၊ (၁၃:၀၀) နာရီအချိန်တွင် ခရိုင်ဦးစီးမှူးသည် ရွှေဘိုမြို့၊ ပဂိုးကုန်းကျေးရွာရှိ စက်သုံးဆီရောင်းဝယ်ရေးနှင့် ဆန်စက်လုပ်ငန်းရှင်အား တွေ့ဆုံဆွေးနွေးခဲ့ပါသည်။

     ထိုသို့တွေ့ဆုံဆွေးနွေးရာတွင် ခရိုင်ဦးစီးမှူးက စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးလုပ်ငန်းများနှင့် ပြည်တွင်းကုန်သွယ်ရေးဖွံ့ဖြိုးမှုလုပ်ငန်းများကို ဆောင်ရွက်လျက်ရှိကြောင်း၊ စားသုံးသူကာကွယ်ရေးလုပ်ငန်းများကိုဆောင်ရွက်ရာတွင် စားသုံးသူကာကွယ်ရေးဥပဒေ ၂၀၁၉နှင့် နည်းဥပဒေ ၂၀၁၉ပါ ပြဋ္ဌာန်းချက်များနှင့်အညီ ဆောင်ရွက်လျက်ရှိကြောင်း၊ ကုန်စည်ကိုထုတ်လုပ်သည့် စီးပွားရေးလုပ်ငန်းရှင်များအနေဖြင့် မိမိထုတ်လုပ်သည့်ကုန်စည်ပေါ်တွင် စားသုံးသူကာကွယ်ရေးဥပဒေ ၂၀၁၉၊ အခန်း(၁၈)တွင် ပြဌာန်းထားသည့်ကုန်အညွှန်းအမှတ်အသားများ ပြည့်စုံစွာထည့်သွင်းဖော်ပြ၍ ထုတ်လုပ်ရောင်းချရမည်ဖြစ်ကြောင်း၊ ကုန်အညွှန်းအမှတ်အသားများပြည့်စုံစွာဖော်ပြ၍ ဌာန၏အတည်ပြုချက်ရယူကြရန်လိုအပ်ကြောင်း၊  ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)ပါ အကြောင်းအရာများ၊ စားသုံးသူအခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များနှင့် စက်သုံးဆီရောင်းချရာ၌ (LED ဘုတ်)တွင် ကြေညာထားသည့်ဈေးနှုန်းနှင့်ရောင်းချသည့်ဈေးနှုန်းများ ကွာခြားမှုမရှိစေရေး အလေးထား၍ကြီးကြပ်ဆောင်ရွက်ရန်ဆွေးနွေးခဲ့ကြောင်း  သတင်းရရှိပါသည်။

DOCA(ရှမ်း)

     စားသုံးသူရေးရာဦးစီးဌာန၊ မြစ်ကြီးနားခရိုင်းဦးစီးမှူးရုံးမှ ဦးဘောမ်ဇုန်း(ရုံးအုပ်)သည် (၂၇-၄-၂၀၂၃) ရက်နေ့၊ (၁၃:၀၀) နာရီအချိန်တွင် နောင်နန်းရပ်ကွက်၊ လက်လီအရောင်းဆိုင်လုပ်ငန်းရှင် (၂) ဦးအား စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များလိုက်နာဆောင်ရွက်ရမည့်တာဝန်များနှင့်ပတ်သက်၍ ရှင်းလင်းဆွေးနွေးခဲ့ပါသည်။

     ထိုသို့ဆွေးနွေးရာတွင် စီးပွားရေးလုပ်ငန်းရှင်များအနေဖြင့် ကုန်အညွှန်းအမှတ်အသားဖော်ပြခြင်းဆိုင်ရာ ကုန်စည်အမျိုးအစားအလိုက် သတ်မှတ်ချက်နှင့်အညီ သိသာထင်ရှားစွာဖော်ပြရမည့်အချက်(၈)ချက်နှင့် စီးပွားရေးလုပ်ငန်ရှင်၏တာဝန်များဖြစ်သည့် စားသုံးသူကိုခွဲခြားမှုမရှိဘဲ ဖြောင့်မတ်မှန်ကန်စွာဆက်ဆံခြင်း၊ စီးပွားရေးလုပ်ငန်းလုပ်ကိုင်ရာတွင် စီးပွားရေးကျင့်ဝတ်၊ စည်းကမ်းနှင့်အညီ ဖြောင့်မတ်မှန်ကန်စွာဆောင်ရွက်ခြင်း၊ စားသုံးသူနစ်နာဆုံးရှုံးမှုဖြစ်ပွားစေမည့် ကုန်စည် သို့မဟုတ် ဝန်ဆောင်မှုကို တိုက်ရိုက်‌ရောင်းချခြင်း သို့မဟုတ် သွယ်ဝိုက်ရောင်းချခြင်းမှရှောင်ကြဉ်ခြင်း၊ ကုန်စည်နှင့်စပ်လျဉ်း၍ အာမခံချက်ပေးခြင်း၊ ကုန်စည်များကို ကုန်အညွှန်းအမှတ်အသားပြည့်စုံစွာဖော်ပြမှသာ ဈေးကွက်တွင် ရောင်းချခွင့်ရှိမည်ဖြစ်ကြောင်းတို့ကို ရှင်းလင်းဆွေးနွေးခဲ့ပြီး ကုန်အညွှန်းအမှတ်အသားဆိုင်ရာ အသိပညာပေးလက်ကမ်းစာစောင်များဖြန့်ဝေပေးခဲ့ပါသည်။

DOCA(ကချင်)

    စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ  ဝန်ထမ်းများသည် (၂၆-၄-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် မိတ်ဖက်ဌာနများဖြစ်သော မြို့နယ်စည်ပင်သာယာရေးအဖွဲ့၊ မြို့နယ်အထွေထွေအုပ်ချုပ်ရေးဦးစီးဌာနတို့နှင့်ပူးပေါင်း၍ လွိုင်ကော်မြို့၊ သီရိမင်္ဂလာဈေးအတွင်းရှိ စားသုံးဆီအရောင်းဆိုင်များအား မြန်မာနိုင်ငံစားသုံးသူကာကွယ်ရေးကော်မရှင်၏ (၂/၂၀၁၉) ပါ ကုန်အညွှန်းအမှတ်အသားသတ်မှတ်ချက်များနှင့်ကိုက်ညီမှုရှိ/မရှိ၊ ဈေးနှုန်းမြှင့်တင်ရောင်းချခြင်းရှိ/မရှိနှင့် ဈေးနှုန်းမြှင့်တင်ရောင်းချခြင်းရှိ/မရှိတို့ကို ဈေးကွက်စောင့်ကြည့်စစ်ဆေးဆောင်ရွက်ခဲ့ပါသည်။ ထိုသို့ ဈေးကွက်စောင့်ကြည့်စစ်ဆေးရာတွင် လွိုင်ကော်မြို့၊ သီရိမင်္ဂလာဈေးအတွင်းရှိ စားသုံးဆီအရောင်းဆိုင်များတွင် မြန်မာနိုင်ငံစားသုံးသူကာကွယ်ရေးကော်မရှင်၏ (၂/၂၀၁၉) ပါ ကုန်အညွှန်း အမှတ်အသားသတ်မှတ်ချက်များနှင့်ကိုက်ညီမှုရှိသောစားသုံးဆီအများစုကို တင်သွင်းရောင်းချလျက်ရှိရာ ဈေးနှုန်းများမှာ Goody စားသုံးဆီ၁ပိဿာလျှင် (၉၈၀၀) ကျပ်မှ (၁၀၀၀၀) ကျပ်ထိ၊ ငွေလဝန်းစားသုံးဆီ၁ပိဿာလျှင် (၈၇၀၀) ကျပ်မှ (၉၂၀၀) ကျပ်ထိ၊ အေးသူဇာရောနှောဆီ (၉၀) ကျပ်သားတစ်ဘူးလျှင် (၈၇၀၀) ကျပ်၊ ၁ပိဿာလျှင် (၉၂၀၀) ကျပ်၊ မြေပဲဆီ၁ပိဿာလျှင် (၁၃၅၀၀ )ကျပ်၊ နှမ်းဆီတစ်ပိဿာ (၁၄၀၀၀) ကျပ်၊ Boss အမှတ်တံဆိပ်၊ တောင်ကြီးအမှတ်တံဆိပ်၊ Super အမှတ်တံဆိပ်တို့အား ချိန်ခွက်ဖြင့် ၁ပိဿာလျှင် (၇၁၀၀) ကျပ်မှ (၇၅၀၀)ကျပ်ထိရောင်းချလျက်ရှိပြီး   စားသုံးဆီရောင်းချသည့် စီးပွားရေးလုပ်ငန်းရှင်များအနေဖြင့် ဈေးကွက်အတွင်း ဖြန့်ဖြူးရောင်းချသည့်စားသုံးဆီများတွင် ပင်ရင်းပါဝင်ပစ္စည်းကိုအခြေခံသောကုန်စည်၏အမျိုးအမည်အား မြန်မာဘာသာဖြင့်ဖော်ပြထားပြီး ကုန်စည်များ၏အသားတင်ပမာဏနှင့်အရွယ်အစားတို့ကို မြန်မာ့အလေးချိန်ယူနစ်ဖြစ်သော ပိဿာ၊ ကျပ်သားတို့ဖြင့် တိကျစွာဖော်ပြထားသောစားသုံးဆီများကိုသာ တင်သွင်းရောင်းချကြကြောင်း သတင်းရရှိပါသည်။

DOCA(ကယား)

    (၂၇-၄-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံး၏ အစည်းအဝေးခန်းမ၌ ဝန်ထမ်းများသည် ပြည်တွင်းကုန်သွယ်မှုလုပ်ငန်းများနှင့်စပ်လျဉ်း၍ အသိပညာဗဟုသုတများတိုးပွားစေရန်ရည်ရွယ်၍ ကျင်းပပြုလုပ်သည့် “လယ်ယာထွက်ကုန်သီးနှံဆိုင်ရာတွက်ချက်မှုအခြေခံအကြောင်းသိကောင်းစရာ” ခေါင်းစဉ်ဖြင့် Thursday Talk အသိပညာပေးဆွေးနွေးပွဲကျင်းပဆောင်ရွက်ခဲ့ရာ ဝန်ထမ်းစုစုပေါင်း (၁၆) ဦးတက်ရောက်ခဲ့ပါသည်။

     အဆိုပါ Thursday Talk အသိပညာပေးဆွေးနွေးပွဲတွင် စားသုံးသူရေးရာဦးစီးဌာန၊ ကယားပြည် နယ်ဦးစီးမှူးရုံးမှ ဒု-ဦးစီးမှူး ဦးမြင့်စိုးက လယ်ယာထွက်ကုန်သီးနှံဆိုင်ရာတွက်ချက်မှုအခြေခံအကြောင်း ဆွေးနွေးရာတွင် တင်းမှ ပိဿာတွက်နည်း၊တင်းမှ ပြည်တွက်နည်း၊ ပေါင်မှ ပိဿာတွက်နည်း၊ ပေါင်မှ တန်တွက်နည်း၊ ပိဿာမှ တန်တွက်နည်း၊ စားသုံးပိုလျှံတွက်နည်း၊ မျိုးတစ်ဧက၏ကုန်ကျစရိတ်တွက်နည်း၊  သီးနှံအထွက်နှုန်း၏အလေအလွင့်များတွက်နည်း စသည်တို့ကို ရှင်းလင်းဆွေးနွေးခဲ့ခြင်း၊ တက်ရောက်လာသည့်ဝန်ထမ်းများနှင့်   အပြန်အလှန်မေးမြန်းဆွေးနွေးခဲ့ကြခြင်းတို့ဆောင်ရွက်ကာ နေ့လယ် (၁၁:၀၀) နာရီအချိန်တွင် Thursday Talk ဆွေးနွေးခြင်းအား အောင်မြင်စွာပြီးမြောက်ခဲ့ကြောင်းနှင့် Thursday Talk အသိပညာပေးဆွေးနွေးခြင်းဖြင့် ဝန်ထမ်းများသည် ပြည်တွင်းကုန်သွယ်မှုလုပ်ငန်းများနှင့်စပ်လျဉ်း၍ အသိပညာဗဟုသုတများတိုးပွားပြီး ဌာနလုပ်ငန်းများဆောင်ရွက်ရာတွင် အထောက်အကူဖြစ်စေပါကြောင်း သိရှိရပါသည်။

DOCA(ကယား)

    (၂၆-၄-၂၀၂၃) ရက်နေ့၊ နံနက် (၁၀:ဝ၀) နာရီအချိန်တွင် ရန်ကင်းမြို့နယ်၊ အမှတ် (၃)၊ မြဉ္စူလမ်း(ပါရမီ)ရှိ “Lemon Baby Products” လုပ်ငန်းအား အစားအသောက်နှင့်ဆေးဝါးကွပ်ကဲရေးဦးစီးဌာန(ရန်ကုန်)ကဦးဆောင်၍ မြို့နယ်ပြည်သူ့ကျန်းမာရေး၊ မြို့နယ်ထွေ/အုပ်၊ မြို့နယ်စည်/ပင်(ကျန်းမာ‌ရေး)၊ စားသုံးသူရေးရာဦးစီးဌာန(အရှေ့ပိုင်းခရိုင်)တို့ပူးပေါင်း၍ ကလေးအာဟာရဖြည့်စွက်အစာများကို Online တွင် ဈေးကွက်တင်ရောင်းချနေခြင်းရှိ/မရှိကို ရှောင်တခင်ဝင်ရောက်စစ်ဆေးခဲ့ကြောင်း သိရှိရပါသည်။

DOCA(ရန်ကုန်)