HighLight News

         ပြည်သူများနေ့စဉ်သုံးစွဲလျက်ရှိသော စားသုံးဆီများ ဈေးကွက်ပြတ်လပ်မှု မရှိစေရေး၊ ဈေးနှုန်းတည်ငြိမ်ရေးနှင့် ဈေးကစားမှုမရှိစေရေးရည်ရွယ်၍ စားသုံးဆီတင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်ကော်မတီအစည်းအဝေးအား ၁၇.၉.၂၀၂၁ ရက်နေ့ နံနက် ၁၀:၀၀ နာရီ တွင် Virtual meeting ဖြင့် ကျင်းပခဲ့ရာ စားသုံးဆီ တင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်ကော်မတီ ဥက္ကဌ၊ စားသုံးသူရေးရာဦးစီးဌာန၊ ညွှန်ကြားရေးမှူးချုပ် ဦးမြင့်ချိုက အဖွင့်အမှာစကားပြောကြားပါသည်။ ညွှန်ကြားရေးမှူးချုပ်က အဖွင့်အမှာစကားပြောကြားရာတွင် စားသုံးသူပြည်သူများအား ကျမ်းမာရေးနှင့်ညီညွတ်သော စားသုံးဆီများကို သင့်တင်မျှတသော ဈေးနှုန်းဖြင့်ဝယ်ယူသုံးစွဲ နိုင်ရေးဆောင်ရွက်ပေးရမည်ဖြစ်သကဲ့သို့ ရောင်းချသူများအနေဖြင့်လည်း သင့်လျော်သော အမြတ်အစွန်းရရှိနိုင်ရေး ဆောင်ရွက်ပေးရမည်ဖြစ်ရာ စားသုံးဆီဈေးနှုန်းတည်ငြိမ်ရေးနှင့် ဈေးကစားမှုမရှိစေရေးအတွက် ဆောင်ရွက်သွားမည့် အစီအမံများနှင့်ပတ်သက်၍ ရှင်းလင်း ဆွေးနွေးခဲ့ပါသည်။ ထို့နောက်အစည်းအဝေးသို့ တက်ရောက်လာသော စားသုံးဆီတင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်ကော်မတီအဖွဲ့ဝင်များနှင့် စားသုံးဆီ တင်သွင်းသည့် ကုမ္ပဏီများက သင့်တင့်သည့်ဈေးနှုန်းဖြင့် စားသုံးဆီများတင်သွင်းဖြန့်ဖြူးနိုင်ရေးအတွက် သင့်လျှော်မည့် အစီအမံများနှင့်ပတ်သက်၍ အသီးသီးအကြံပြု၊တင်ပြ၊ဆွေးနွေးခဲ့ကြပါသည်။

         အစည်းအဝေးသို့ စားသုံးဆီတင်သွင်း၊ သိုလှောင်၊ဖြန့်ဖြူးခြင်းလုပ်ငန်းကြီးကြပ် ကော်မတီ အဖွဲ့ဝင်များ၊ မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းမှတာဝန်ရှိသူများ၊ စားသုံးဆီတင်သွင်းသည့်ကုမ္ပဏီများမှ တာဝန်ရှိသူများ တက်ရောက်ခဲ့ကြပြီး အစည်းအဝေးကို နေ့လည် ၁၂:၀၀ နာရီတွင် ရုပ်သိမ်းခဲ့ကြောင်း သတင်းရရှိပါသည်။

DOCA

       ပဲခူးတိုင်းဒေသကြီး၊ စားသုံးသူရေးရာဦးစီးဌာနမှ ဦးဆောင်၍ စီးပွားရေးကဏ္ဍ ဖွံ့ဖြိုးတိုးတက်ရေးအတွက် ငွေကြေးလည်ပတ်စီးဆင်းမှု အဆင်ပြေစေရန် ရည်ရွယ်ပြီး ပဲခူးတိုင်းဒေသကြီးအစိုးရအဖွဲ့ ၊ လုံခြုံရေးနှင့် နယ်စပ်ရေးရာဝန်ကြီး၊ စီးပွားရေးရာဝန်ကြီးနှင့် ပဲခူးတိုင်းဒေသကြီးအတွင်းရှိ ပုဂ္ဂလိက ဘဏ်လုပ်ငန်းများမှ တာဝန်ရှိသူများ၊ ဆန်စက်လုပ်ငန်းရှင်များ တွေ့ဆုံပွဲကို (၈.၉.၂၀၂၁) ရက်နေ့ နေ့လည် ၂ : ၀၀ နာရီတွင် ပဲခူးတိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမ၌ ကျန်းမာရေးဝန်ကြီးဌာနမှ ထုတ်ပြန်ထားသော ကိုဗစ် ၁၉ စည်းမျဉ်းစည်းကမ်းများနှင့်အညီ ကျင်းပခဲ့ပြီး အဆိုပါအစည်းအဝေးသို့ ပဲခူးတိုင်းဒေသကြီး အထူးစုံစမ်း စစ်ဆေးရေးဦးစီးဌာန ၊ မြန်မာ့စီးပွားရေးဘဏ်၊ စက်မှုကြီးကြပ်ရေးနှင့် စစ်ဆေးရေးဦးစီးဌာန တို့မှ တာဝန်ရှိပုဂ္ဂိုလ်များ ၊ ပုဂ္ဂလိကဘဏ်လုပ်ငန်းများမှ တာဝန်ရှိသူများ (၁၁)ဦး ၊ဆန်စက်လုပ်ငန်းရှင် (၁၁)ဦး ၊ စုစုပေါင်း (၂၂)ဦး တက်ရောက်ခဲ့ပါသည်။

       အဆိုပါဆွေးနွေးပွဲတွင် ပဲခူးတိုင်းဒေသကြီးအစိုးရအဖွဲ့ ၊ စီးပွားရေးရာဝန်ကြီးက အဖွင့်အမှာစကား ပြောကြားရာတွင် ပဲခူးတိုင်းဒေသကြီးအတွင်း ဆန်စပါးထွက်ရှိမှုအခြေအနေ ၊ စိုက်ပျိုးရေးနှင့်ပတ်သက်၍ အလေးထားဆောင်ရွက်ပေးနေမှုအခြေအနေများ၊ ဆန်စက်လုပ်ငန်းရှင်များ လုပ်ငန်းလည်ပတ်မှု အဆင်ပြေစေရန် ငွေကြေး စီးဆင်းမှု လွယ်ကူမြန်ဆန်စေရေး အခြေအနေများနှင့်ပတ်သက်၍ ရှင်းလင်းပြောကြားခဲ့ပါသည်။ ဆက်လက်၍ ပဲခူးတိုင်းဒေသကြီး၊ အထူးစုံစမ်းစစ်ဆေးရေးဦးစီးဌာန၊ ညွှန်ကြားရေးမှူးက ၎င်းတို့ ဌာနမှ လုပ်ဆောင်ပေးရသည့် စီးပွားရေးနှင့်ပတ်သက်သည့် သတင်းအချက်အလက်အခြေအနေများကို ရှင်းလင်းဆွေးနွေးခြင်း၊ ပဲခူးတိုင်းဒေသကြီး မြန်မာ့စီးပွားရေးဘဏ် ၊ တိုင်းဒေသကြီးဦးစီးမှူးက မြန်မာ့စီးပွားရေးဘဏ်အား တစ်နိုင်ငံလုံး အတိုင်းအတာအားဖြင့် ဘဏ်ခွဲပေါင်း (၃၀၀) ကျော်ဖြင့် ရပ်တည်လျက်ရှိကြောင်း ၊ ဘဏ်များ၌ အပ်နှံထားသည့် ငွေများအား ထုတ်ယူရန်လိုအပ်သည့် ဆန်စက်ပိုင်ရှင်များ၏ ထုတ်ယူလိုသည့် လနှင့် ငွေကြေးပမာဏများကို ပဲခူးတိုင်းဒေသကြီး အစိုးရအဖွဲ့မှတစ်ဆင့် မြန်မာနိုင်ငံတော် ဗဟိုဘဏ်သို့ တင်ပြပါက အဆင်ပြေနိုင်မည်ဖြစ်ပါကြောင်း အကြံပြုပြောကြားခြင်း၊ ပဲခူးတိုင်းဒေသကြီး စက်မှုကြီးကြပ်ရေးနှင့် စစ်ဆေးရေးဦးစီးဌာန ၊ တိုင်းဒေသကြီးဦးစီးမှူးက မိမိတို့ဌာနအနေဖြင့် အသေးစားနှင့် အလတ်စားစီးပွားရေးလုပ်ငန်းများအတွက် ဆောင်ရွက်ပေးနေမှုအခြေအနေများ ၊ဆန်စက် လုပ်ငန်းရှင်များအနေဖြင့် ဘဏ်များမှ ငွေထုတ် ၊ ငွေယူ၊ ချေးငွေ လုပ်ငန်းများဆောင်ရွက်ရာတွင် စက်မှုကြီးကြပ်၏ ထောက်ခံစာလိုအပ်ပါက ဌာနမှ ချက်ချင်းစိစစ်၍ ထောက်ခံပေးလျက်ရှိကြောင်း၊ ပဲခူးတိုင်းဒေသကြီး၊ စားသုံးသူရေးရာဦးစီးဌာန ၊ တိုင်းဒေသကြီးဦးစီးမှူးက နောက်လ စပါးလှိုင်လှိုင်ပေါမည့်အချိန်တွင် ဆန်စက်လုပ်ငန်းရှင်များအနေဖြင့် စပါးဝယ်ယူနိုင်ရေးအတွက် ဘဏ်များ၌ အပ်နှံထားသည့် မိမိတို့၏ငွေများအား ပြန်လည်ထုတ်ယူရာတွင် လွယ်ကူလျှင်မြန်စေရန်ရည်ရွယ်၍ ယခု အစည်းအဝေးကို ကျင်းပခြင်းဖြစ်ပါကြောင်း၊ ဆန်စက်လုပ်ငန်းရှင်များ၏ တင်ပြချက်များအပေါ် စိစစ်သုံးသပ်၍ ဆောင်ရွက်ပေးနိုင်မည့်အခြေအနေများ၊ သက်ဆိုင်ရာဌာနများနှင့်ပူးပေါင်း၍ ဆက်လက်ဆောင်ရွက်မည့် အခြေအနေများကို ရှင်းလင်းဆွေးနွေးပြီး တက်ရောက်လာကြသော ပုဂ္ဂလိက ဘဏ်လုပ်ငန်းများမှ တာဝန်ရှိ သူများက ဘဏ်လုပ်ငန်းလည်ပတ်နေရသည့် အခြေအနေများကို ရှင်းလင်းဆွေးနွေးပြီး ဆန်စက်လုပ်ငန်းရှင်များမှ စပါးပေါ်ချိန်တွင် အခက်အခဲများစွာ ကြုံတွေ့နေရကြောင်း၊ ယခုကာလတွင် ငွေထုတ်ယူခွင့်မရသည့် ပြဿနာသည် အဓိကအခန်းကဏ္ဍမှ ပါဝင်ကြောင်း ၊ စပါးသိုလှောင်မှုနှင့် ပတ်သက်၍ တွေ့ကြုံနေရသည့် အခြေအနေများကို ဆွေးနွေးတင်ပြကြရာ သက်ဆိုင်ရာ အစိုးရဌာနများမှ ပြန်လည်ဆွေးနွေးဖြေကြားခဲ့ပါသည်။ ထို့နောက် ပဲခူးတိုင်းဒေသကြီး အစိုးရအဖွဲ့၊ စီးပွားရေးရာဝန်ကြီးက ဒေသအကျိုးအတွက် လုပ်နိုင်သ၍ ဆောင်ရွက်ပေးသွားမည်ဖြစ်ပါကြောင်း၊ ပြောင်းလဲဖြစ်ပေါ်လာသော နိုင်ငံရေးအခြေအနေများ ၊ လတ်တလောကျ‌ရောက်လာသော ကျန်းမာရေးအခြေအနေများကြောင့် ယိမ်းယိုင်လာသည့် စီးပွားရေး အခြေအနေများကြောင့် လူမှုစီးပွားရေးတွင် ထိခိုက်မှုများစွာ ကြုံတွေ့နေရကြောင်း၊ စိုက်ပျိုးနည်းစနစ်များ ပိုမိုတိုးတက်စေရန် ၊ငွေကြေးလည်ပတ်စီးဆင်းမှုအဆင်‌ပြေမှသာ စီးပွားရေးလုပ်ငန်းများ ပြန်လည်ဦးမော့ လာမည်ဖြစ်ပါကြောင်း ၊ လုပ်ငန်းများဆောင်ရွက်ရာတွင် (Recovery) စနစ်ကို ကျင့်သုံးမည်ဖြစ်ပြီး ကိုဗစ် ၁၉ ကာလတွင် ထိခိုက်မှုရှိသော စီးပွားရေးလုပ်ငန်းရှင်များအတွက် ဘဏ်စနစ်များ၊ သွင်းအားစုအခက်အခဲများ၊ စီးပွားရေးနှင့် ပတ်သက်၍ ဝန်ထုပ်ဝန်ပိုးအခက်အခဲများကို နည်းလမ်းတကျ လျှော့ချနိုင်ရေးအတွက် သက်ဆိုင်ရာဌာနများနှင့် ပူးပေါင်း၍ ဖြေရှင်းဆောင်ရွက်ပေးမည် ဖြစ်ပါကြောင်းကို အကျယ်တဝင့် ဆွေးနွေးပြောကြားခဲ့ကြောင်း သတင်းရရှိပါသည်။

ပဲခူးတိုင်းဒေသကြီး(DOCA)

          ပဲခူးတိုင်းဒေသကြီး၊ စားသုံးသူရေးရာဦးစီးဌာနမှ ဦးဆောင်၍ စိုက်ပျိုးရေးလုပ်ငန်းသုံး ဓာတ်မြေသြဇာ စျေးနှုန်းမြှင့်တင်မှု မရှိစေရေး၊ စျေးနှုန်းစျေးကွက်အခြေအနေများ တည်ငြိမ်စေရေးအတွက် ရည်ရွယ်ပြီး ပဲခူးတိုင်းဒေသကြီးအစိုးရအဖွဲ့ ၊ စီးပွားရေးရာဝန်ကြီးနှင့် စိုက်ပျိုးရေးသုံး ဓာတ်မြေသြဇာနှင့် ပိုးသတ်ဆေးရောင်းချသော ကုမ္ပဏီများ၊ စီးပွားရေးလုပ်ငန်းရှင်များ တွေ့ဆုံပွဲကို (၁.၉.၂၀၂၁) ရက်နေ့ နေ့လည်တွင် ပဲခူးတိုင်းဒေသကြီး အစိုးရအဖွဲ့ရုံး ၊ အစည်းအဝေးခန်းမ၌ ကျန်းမာရေးဌာနမှ ထုတ်ပြန်ထားသော ကိုဗစ် ၁၉ စည်းမျဉ်းစည်းကမ်းများနှင့်အညီ ကျင်းပခဲ့ပြီး အဆိုပါ အစည်းအဝေးသို့ သက်ဆိုင်ရာအစိုးရ ဌာနများနှင့် စီးပွားရေးလုပ်ငန်းရှင် (၁၅)ဦး တက်ရောက်ခဲ့ပါသည်။

          အဆိုပါဆွေးနွေးပွဲတွင် ပဲခူးတိုင်းဒေသကြီးအစိုးရအဖွဲ့ ၊ စီးပွားရေးရာဝန်ကြီးက ပဲခူးတိုင်းဒေသကြီးအနေဖြင့် သွင်းအားစုမြေသြဇာစျေးနှုန်းများ ထူးထူးခြားခြားမြင့်တက်နေခြင်းနှင့် ပတ်သက်၍ ဖြစ်သင့်ဖြစ်ထိုက်သည်ထက် မြင့်တက်ခဲ့သည်ကို လျစ်လျူရှု၍ မရပါကြောင်း၊ လယ်ယာ စိုက်ပျိုးရေးတွင် အဓိက သွင်းအားစုဖြစ်သော မြေသြဇာလုပ်ငန်းရှင်ကြီးများအနေဖြင့် မိမိတို့ ဒေသတွင်း တောင်သူအခက်အခဲများကို ကူညီဖြေရှင်းပေးရန်နှင့် ထူးခြားစျေးနှုန်းများကို ပြန်လည်သုံးသပ်ဖြေရှင်း ပေးပါရန် တွေ့ဆုံခြင်းဖြစ်ပါကြောင်း အဖွင့်အမှာစကား ပြောကြားခဲ့ပါသည်။ ဆက်လက်၍ ပဲခူးတိုင်းဒေသကြီး ၊ စိုက်ပျိုးရေးဦးစီးဌာနမှ ဒုတိယတိုင်းဒေသကြီး ဦးစီးမှူးက စိုက်ပျိုးရေးဆိုင်ရာကိစ္စရပ်များနှင့်ပတ်သက်၍ ဆွေးနွေးပြောကြားခဲ့ပြီးနောက် ပဲခူးတိုင်းဒေသကြီး ၊ စားသုံးသူရေးရာဦးစီးဌာန ၊ တိုင်းဒေသကြီးဦးစီးမှူးက ဓာတ်မြေသြဇာ စျေးနှုန်းများ မြှင့်တက်နေခြင်းနှင့် ပတ်သက်၍ အဖြေရှာရန် လိုအပ်ပါကြောင်း၊ မိမိတို့ဌာနအနေဖြင့် တင်ပြလာသည်များကို ကဏ္ဍအလိုက် ဖြေရှင်းသွားမည်ဖြစ်ပါကြောင်းနှင့် စားသုံးသူရေးရာကိစ္စရပ်များနှင့်ပတ်သက်၍ အကျယ်တဝင့် ဆွေးနွေး ပြောကြားခဲ့ပါသည်။ ထို့နောက် ပဲခူးတိုင်းဒေသကြီး ၊ အထူးစုံစမ်းစစ်ဆေးရေးဦးစီးဌာန ၊ ညွှန်ကြားရေးမှူးက မိမိတို့ဌာနအနေဖြင့် စီးပွားရေးမသမာမှု၊ ဝန်ထမ်းမသမာမှု၊ နိုင်ငံတော်မြေပေါ် မြေအောက် တရားမဝင် အဖွဲ့အစည်းကို ဖော်ထုတ်ရသော ဌာနဖြစ်ပါကြောင်းနှင့် စီးပွားရေး အခြေအနေများနှင့် ပတ်သက်၍ ဆွေးနွေးခဲ့ပြီး ပဲခူးတိုင်း‌ဒေသကြီး ၊ ပဲနှမ်းကုန်သည်အသင်း ဥက္ကဌက တောင်သူများ၏ အခက်အခဲများနှင့်ပတ်သက်၍ အကျယ်တဝင့် ဆွေးနွေးခဲ့ပြီး တွေ့ဆုံပွဲ အခမ်းအနားသို့ တက်‌ရောက်လာသူ လုပ်ငန်းရှင်များမှ ကုန်ကြွေးစနစ်ဖြင့် သွင်းအားစုများကို ယခင်နှစ် အတိုင်း အကြွေးစနစ်ဖြင့် ကုန်ကြွေးမ‌ပေးနိုင်ခြင်း၏ အဓိက အကြောင်းအရင်းမှာ စိုက်ပျိုးရေးလုပ်ငန်းသုံး ဓာတ်မြေသြဇာ ၊ ပိုးသတ်ဆေးရောင်းချသော ကုမ္ပဏီများမှ ယခုနှစ်တွင် ငွေကြိုပေးသွင်းစနစ်ဖြင့်သာ ပစ္စည်းရောင်းချခြင်းအတွက်ကြောင့် လုပ်ငန်းရှင်များမှ တောင်သူများသို့ အကြွေးစနစ်ဖြင့် ရောင်းချ၍ မရခြင်းဖြစ်ကြောင်းနှင့် သွင်းအားစုကုန်ပစ္စည်းများ သယ်ယူရာတွင် လမ်းပန်းဆက်သွယ်ရေးအရ အခက်အခဲများ ရှိပါကြောင်း ၊ မြန်မာနိုင်ငံတွင် ဓာတ်မြေသြဇာစက်ရုံ(၅) ရုံလုံး လည်ပတ်ရန် လိုအပ်ပါကြောင်းကို ဆွေးနွေးခဲ့ပြီး သက်ဆိုင်ရာဌာနဆိုင်ရာများမှ ပြန်လည်ဆွေးနွေးခဲ့ပါသည်။ ထို့နောက် ပဲခူးတိုင်းဒေသကြီးအစိုးရအဖွဲ့ ၊ စီးပွားရေးရာဝန်ကြီးက တောင်သူများ၏ လူနေမှုဘဝတိုးတက်မှသာ ဒေသတွင်းစီးပွားရေးတိုးတက်မည်ဖြစ်ပါကြောင်း သွင်းကုန်အစားထိုးသဘာဝ ဓာတ်မြေသြဇာများ ကျယ်ကျယ်ပြန့်ပြန့် ဆောင်ရွက်ရန် အသိပညာပေးရေးလုပ်ငန်းများ ပိုမိုလုပ်ဆောင်ရန် လိုအပ်ပါကြောင်းနှင့် မိမိတို့ပဲခူးတိုင်းဒေသကြီးအတွင်း အခြေခံစားသောက်ကုန်များနှင့်ပတ်သက်၍ ဆောင်ရွက်နေမှုများ အကြောင်းကို အကျဘ်တဝင့် ဆွေးနွေးပြောကြားခဲ့ကြောင်း သတင်းရရှိပါသည်။

ပဲခူးတိုင်းဒေသကြီး(DOCA)

လက်ရှိကာလတွင် COVID-19 ရောဂါကူစက်ပြန့်ပွားမှုမြှင့်တက်လာခြင်းကြောင်း ပဲခူးတိုင်းဒေသကြီးအတွင်းရှိ ပြည်သူများအနေဖြင့် ယခင်ကထက်ကြက်ဥစားသုံးမှုများပြားလျှက်ရှိပြီး ကြက်ဥဝယ်လိုအားမြှင့်တက်လာခြင်းတို့ကြောင့် မူလကြက်ဉဈေးနှုန်း (လက်လီ) တစ်လုံးလျှင် ၁၄ဝိ/- ၊ ၁၅ဝိ/- ရှိရာမှ လတ်တလော ကြက်ဉတစ်လုံးလျှင် ၁၆ဝိ/- ၁၇ဝိ/- ဖြင့် ဈေးနှုန်းဖြစ်ပေါ်လျှက်ရှိပါကြောင်းနှင့် Mask (၅၀)ပါ တစ်ဗူးလျှင် ၂၅၀ဝိ/- ၊ Handgel ဘူးသေးတစ်ဗူး လျှင် (၁၀၀ဝိ/-)၊ ဘူးလတ်တစ်ဗူးလျှင် (၂၅၀ဝိ/-) ကျပ်ဖြင့် ရောင်းချလျှက် ရှိပြီး ဈေးကွက်လိုအပ်ချက်အား ရန်ကုန်ပင်မဒိုင်ကြီးများမှ မှာယူရောင်းချလျှက်ရှိနေပါကြောင်းသိရှိရပါသည်။

ကြက်ဥနှင့် Mask များစျေးနှုန်းမြှင့်တင်မှုကို လျှော့ချနိုင်ရေးအတွက် ပဲခူးတိုင်း‌ဒေသကြီး၊ စားသုံးသူရေးရာဦးစီးဌာနသည် သက်ဆိုင်ရာခရိုင်အလိုက် မြေပြင်ကွင်းဆင်းစစ်ဆေး၍ ပဲခူးတိုင်းဒေသကြီးအတွင်းရှိ ကြက်ဉမွေးမြူထုတ်လုပ်ရောင်းချနေသည့် လက္ကား ကုန်သည်ကြီးများနှင့်တွေ့ဆုံ၍ ထုတ်လုပ်မှုကုန်ကျစရိတ်နှင့် လိုက်လျောညီထွေရှိသည့်အမြတ်အစွန်း ရောင်းချရေးနှင့် အမြတ်အစွန်းကြီးမားစွာ မြှင့်တင်ရောင်းချခြင်းများမပြုရေး ၊ ကြက်ဥအပါအဝင် ကျန်းမာရေးအထောက်အကူပြုပစ္စည်းများအား စျေးနှုန်း အဆမတန် မြှင့်တင်ရောင်းချခြင်းမျိုး မပြုလုပ်ကြရန် အသိပေးခြင်း၊ သတိပေးခြင်းများ ဆောင်ရွက် လျှက်ရှိကြောင်း ၊ ကြက်ဥနှင့် Mask များစျေးနှုန်းမြှင့်တင်လာမှုနှင့်ပတ်သက်၍ သက်ဆိုင်ရာ ခရိုင်အလိုက်စိစစ်ဆောင်ရွက်နေစဉ်အတွင်း ပြည်သူများအနေဖြင့်လည်း ကြက်ဥနှင့် ကျန်းမာရေးအထောက်အကူပြုပစ္စည်းများအပေါ် လိုအပ်သည်ထက် ပိုလျှံဝယ်ယူမှုမပြုဘဲ မိမိလိုအပ်သလောက်သာ ဝယ်ယူအသုံးပြုရန် အသိပေးခြင်းများ ဆောင်ရွက်လျှက်ရှိကြောင်းသတင်းရရှိပါသည်။

တာချီလိတ်ကုန်သွယ်ရေးစခန်းနှင့် ကျိုင်းတုံ ပို့ကုန်/သွင်းကုန်ရုံး၏ ဇူလိုင်လပထမပတ်အတွင်း ကုန်သွယ်မှုအခြေအနေများမှာ တာချီလိတ်နယ်စပ်(မယ်ယန်း)မှတစ်ဆင့် အမေရိကန်ဒေါ်လာ (၁၄၆၂၅၀.၇၇)တန်ဖိုးဖြင့် ကျွန်းသစ် 6-19X0.5-2X6-25.5 (၇၆)မက်ထရစ်တန်၊ အမေရိကန်ဒေါ်လာ (၇၂၀၀၂.၉၅)တန်ဖိုးဖြင့် ကျွန်းသစ် 10-14X10-14X10-24.5 (51)မက်ထရစ်တန်၊ အမေရိကန်ဒေါ်လာ (၄၄၇၉၆.၈၉)တန်ဖိုးဖြင့် ကျွန်းသစ် 6-9X6-9X10-23  (43)မက်ထရစ်တန်၊ အမေရိကန်ဒေါ်လာ (၄၂၃၉၅.၀၀)တန်ဖိုးဖြင့် ကျွန်းသစ် 4X0.5-2X1-5.5 (31)မက်ထရစ်တန်၊ အမေရိကန်ဒေါ်လာ (၃၇၉၂၃.86)တန်ဖိုးဖြင့် ကျွန်းသစ် 4X0.5-2X6-18.5 (23)မက်ထရစ်တန်၊ အမေရိကန်ဒေါ်လာ (28826.82)တန်ဖိုးဖြင့်   ကျွန်းသစ် Conversion 1-15X0.5-1.5X1 (42)မက်ထရစ်တန်၊ အမေရိကန်ဒေါ်လာ (27846.00)တန်ဖိုးဖြင့်   လက်ဖက်ခြောက် (၇၁၄၀၀)kg ၊ အမေရိကန်ဒေါ်လာ (၂၇၄၆၅.၃၇) တန်ဖိုးဖြင့်   ကျွန်းသစ် 5X0.5-2X6-16.5 (15)မက်ထရစ်တန်၊ အမေရိကန်ဒေါ်လာ (26031.08) တန်ဖိုးဖြင့်   ရေသန့်ဗူး (၂၀၀၀၀၀)kg ၊ အမေရိကန်ဒေါ်လာ (26031.08)တန်ဖိုးဖြင့်   ပလပ်စတစ်ရေသန့်ဗူး (၂၀၀၀၀၀)kg တို့ကိုတင်ပို့ခဲ့ပြီး အမေရိကန်ဒေါ်လာ (၈၃၁၆၉၂.၈၀)တန်ဖိုးဖြင့် ဒီဇယ်ဆီ (၁၆၂၄၄)ပေပါ၊ အမေရိကန်ဒေါ်လာ (၄၆၄၀၀၀.၀၀) တန်ဖိုးဖြင့် ဘိလပ်မြေ (၅၈၀၀၀၀၀)kg ၊ အမေရိကန်ဒေါ်လာ (၃၀၈၆၁၂) တန်ဖိုးဖြင့် မော်တာဓာတ်ဆီ (၆၂၇၉)ပေပါ ၊ အမေရိကန်ဒေါ်လာ (၂၆၆၄၀.၀၀)တန်ဖိုးဖြင့် အဝတ်လျှော် ဆပ်ပြာမှုန့် (၆၀၀၀၀)kg ၊ အမေရိကန်ဒေါ်လာ (၂၄၉၅၀.၄၀)တန်ဖိုးဖြင့် 100% သန့်စင်ပြီး ပဲပုတ်ဆီ (၂၄၉၅၀)kg ၊ အမေရိကန်ဒေါ်လာ (၁၃၂၀၀.၀၀) တန်ဖိုးဖြင့် သံချောင်း (၃၀၀၀၀)kg ၊ အမေရိကန်ဒေါ်လာ (၁၂၆၀၀.၀၀)တန်ဖိုးဖြင့် ကြွေထည်ပစ္စည်း (၃000)M2 ၊ အမေရိကန်ဒေါ်လာ (12000.00)တန်ဖိုးဖြင့် ကွန်ကရစ်အမိုးပြား (၅၀၀၀၀)kg ၊ အမေရိကန်ဒေါ်လာ (10500.00)တန်ဖိုးဖြင့် Activated Carbon (15000)kg တို့နှင့် အမေရိကန်ဒေါ်လာ (10000.00)တန်ဖိုးဖြင့် ပလပ်စတစ်ကြိုး (10000)kg တို့ကိုလည်း တင်သွင်းနိုင်ခဲ့ ပါတယ်။

ပို့ကုန်/သွင်းကုန်ရုံး (ကျိုင်းတုံမြို့)၏ ဇူလိုင်လပထမပတ်အတွင်း သွင်းကုန်ပစ္စည်းများမှာ အမေရိကန်ဒေါ်လာ (၀.၀၂၄)တန်ဖိုးဖြင့် ကွန်ပေါင်းဓာတ်မြေဩဇာ (၂၀၀၀၀၀)kg ၊ အမေရိကန်ဒေါ်လာ(၀.၀၁၂) တန်ဖိုးဖြင့် နေကြာစေ့ (၁၀၀၀၀)kg ၊ အမေရိကန်ဒေါ်လာ (၀.၀02)တန်ဖိုးဖြင့် Toilet Tissue Paper (2၀၀၀)kg ၊ အမေရိကန် ဒေါ်လာ (၀.၀၀2)တန်ဖိုးဖြင့် Foam Slipper (3၀၀၀)ရံ၊ အမေရိကန်ဒေါ်လာ (0.00၂) တန်ဖိုးဖြင့် Staff Doll (၁၀၀၀)ခု  ၊ အမေရိကန်ဒေါ်လာ (၀.၀၀၁) တန်ဖိုးဖြင့် ပုဝါ (၁၀၀၀)ထည် တို့ကို တင်သွင်းခဲ့ပြီး ယခုတစ်ပတ်တွင် ပို့ကုန်များမရှိပါကြောင်းသတင်းရရှိပါတယ်။

ကုန်သွယ်မှုပမာဏနှိုင်းယှဉ်ချက်အနေဖြင့် မယ်ယန်းစခန်း၏ ပို့ကုန်/သွင်းကုန်များနှင့်ကျိုင်းတုံရုံး၏ ပို့ကုန်/သွင်းကုန်များမှာတော့ ယခင်အပတ်ထက်ပိုလာခဲ့ပါတယ်လို့ ကုန်သွယ်ရေးစခန်းများမှသိရှိရပါတယ်။

စားသုံးသူရေးရာဦးစီးဌာန(ရှမ်းပြည်နယ်)