သတင်းနှင့် လှုပ်ရှားမှုများ

         စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာနအနေဖြင့် ဝန်ထမ်းများ၏ လူစွမ်းအားအရင်းအမြစ်တိုးတက်လာစေပြီး ဌာန၏ လုပ်ငန်းဆောင်ရွက်ချက်များကို လွယ်ကူလျင်မြန် သွက်လက်စွာ ဆောင်ရွက်နိုင်စေရန်နှင့် အသိပညာပေးလုပ်ငန်းများဆောင်ရွက်ရာတွင် မိမိတို့ တာဝန်ယူဆောင်ရွက်နေသော ဌာန၏လုပ်ငန်းစဉ်များအကြောင်းကို နှစ်ပတ်တစ်ကြိမ်  Thursday Talk အစီအစဉ်ဖြင့် အသိပညာပေးဆွေးနွေးခြင်းများဆောင်ရွက်လျက်ရှိပါသည်။

          အခမ်းအနားတွင် စားသုံးသူရေးရာဌာနခွဲတာဝန်ခံ ဦးစီးအရာရှိ ဒေါ်ခိုင်မို့မို့က ပဲစားသုံးမှု မြှင့်တင်ရေး သိကောင်းစရာခေါင်းစဉ်ဖြင့် ဆွေးနွေးဟောပြော ခဲ့ရာတွင် ပဲမျိုးစုံများမှ ပဲစဉ်းငုံ၊ ပဲတီစိမ်းနှင့် မတ်ပဲ (၃)မျိုးတို့၏ မုန့်မျိုးစုံပြုလုပ်ပုံအဆင့်ဆင့်နှင့် ကျန်းမာရေးရှုထောင့်အရ အာဟာရပြည့် အသားဓါတ်သာမက အမျှင်ဓါတ်များပါဝင်ပြီး အခွံချွတ်ပဲအခြမ်းစားသုံးခြင်းဖြင့် ရောဂါကာကွယ်နိုင်ခြင်း အကျိုးကျေးဇူးများကို သိရှိနိုင်စေရန် ဆွေးနွေးပြောကြားခြင်း၊ ပဲအမျိုးမျိုးမှ ပရိုတင်းအသားဓါတ်၊ သံဓါတ်အာဟာရပြည့်ပါဝင်မှုအပြင် ဟင်းချက်စားသုံးခြင်းဖြင့်လည်းကောင်း၊ မုန့်မျိုးစုံ၊ ဖျော်ရည်အဖြစ် အရည်အသွေးမီ နည်းစနစ် မှန်ကန်စွာ အသုံးပြုနိုင်သည့်အပြင် ကျန်းမာရေးရှုထောင့်အရ အကာအကွယ်ပြုနိုင်သော အရိုးပွ ရောဂါ၊ ဆီးချို၊ နှလုံး၊ ကိုယ်ခန္ဓာအဝလွန်ခြင်းအတွက် ထိန်းချုပ်နိုင်ကြောင်း ၊မိမိတို့ ဒေသထွက်ပဲမျိုးစုံများမှ အရည်အသွေးမြှင့် မုန့်မျိုးစုံပြုလုပ်နည်းစနစ်များ၊ အိမ်တွင်းမိသားစုစားသောက်နိုင်မှုနည်းပညာများ၊ အရသာရှိအာဟာရပြည့်အဆင့်မီ တန်ဖိုးမြှင့် (Value Added) ထုတ်ကုန်ပစ္စည်းအဖြစ် ထုတ်လုပ်နိုင်ခြင်းနှင့် အမျိုးသားရေးတာဝန်တစ်ရပ်အဖြစ် စားသုံးခြင်းအလေ့အထကောင်းများ ရရှိစေရး၊ ဟင်းချိုမှုန့်အစား အာဟာရပြည့်ဟင်းခတ်မှုန့် သုံးစွဲပြုလုပ်နိုင်ကြောင်း၊ အလှူ၊ မင်္ဂလာဆောင်၊ ဧည့်ခံပွဲများတွင် ကျယ်ကျယ်ပြန့်ပြန့် သုံးစွဲနိုင်ကြောင်းနှင့် ဒေသထွက်ပဲစားသုံးမှု မြှင့်တင်လာစေရေးအတွက် စားသုံးသူများ ဘေးကင်း လုံခြုံစိတ်ချရစေသော စားသောက်နည်းစနစ်၊ အရည်အသွေးမီ ရွေးချယ်စားသောက်တတ်သော နည်းလမ်းကောင်းများကို သိစေကြောင်းနှင့် မြန်မာနှင့် အိန္ဒိယနိုင်ငံတို့အကြား  “G to G” အစီအစဉ်ဖြင့် မတ်ပဲနှင့် ပဲစဉ်းငုံရောင်းဝယ်မှု  ပူးပေါင်းဆောင်ရွက်ရေးဆိုင်ရာ  နားလည်မှု စာချွန်လွှာကို ၂၀၂၁ခုနှစ် ဇွန်လ ၁၈ရက်နေ့တွင် နှစ်နိုင်ငံ အစိုးရများအကြား လက်မှတ်ရေးထိုးခဲ့ကြကြောင်း၊ (၂.၁၁.၂၀၂၂)ရက်နေ့တွင် မြန်မာ့ပဲများ တင်ပို့နိုင်ရေး လုပ်ငန်း ကြီးကြပ်ရေးအဖွဲ့အား အဖွဲ့ဝင်(၁၅)ဦးဖြင့် ဖွဲ့စည်းတာဝန် ပေးအပ်ခဲ့ပြီး ၂၀၂၃ခုနှစ်ပဲရာသီတွင် ဥရောပနိုင်ငံများသို့ မြန်မာပဲတီစိမ်းများ တင်ပို့နိုင်ရန်အတွက် ဆောင်ရွက်လျက်ရှိကြောင်း၊ အိန္ဒိယနိုင်ငံမှ မြန်မာနိုင်ငံ၏ ပဲများကိုသာ အနှစ်သာရပြည့်၊ အာဟာရ ပြည့်ဝ၍ ပိုမိုကြိုက်နှစ်သက်ကြောင်း၊ ဥရောပသမဂ္ဂနိုင်ငံများ၏ အစားအစာ ဘေးကင်းလုံခြုံမှုဆိုင်ရာ စည်းကမ်းများနဲ့အညီ မြန်မာနိုင်ငံ၏ သက်ဆိုင်ရာဌာနများ၏ သတ်မှတ်စံချိန်စံညွှန်းများနှင့် အညီ ထုတ်လုပ်တင်ပို့နိုင်ရန် ပူးပေါင်းဆောင်ရွက်ကြရမည်ဖြစ်ကြောင်း သိရသည်။

DOCA(စစ်ကိုင်း)

     ပြည်ထောင်စုနယ်မြေ၊ စားသုံးသူရေးရာဦးစီးဌာန၊ နေပြည်တော်ဦးစီးမှူးရုံးနှင့် Diamond Dragon Companyတို့ ပူးပေါင်း၍ သက်သာသောဈေးနှုန်းဖြင့် စားသုံးသူ ပြည်သူများထံသို့ ဘူးသွင်းပြီး စားအုန်းဆီများကို        (၂၇-၁၁-၂၀၂၂)ရက်နေ့တွင် ဇမ္ဗူသီရိမြို့နယ်၊ သပြေကုန်းဈေး၊ မြို့မဈေးနှင့် ချယ်ရီဈေးတို့တွင်လည်းကောင်း၊ ပုဗ္ဗသီရိမြို့နယ်၊ ကျည်တောင်ကန်ဈေးနှင့် တပင်ရွှေထီး(တပ်ဈေး) တို့တွင်လည်းကောင်း၊ စုစုပေါင်း စည်ပင်သာယာဈေး (၅)ဈေးတွင် တစ်ပိဿာ (၅၃၀၀)ကျပ်နှုန်းဖြင့် လူတစ်ဦး တစ်ပိဿာနှုန်းဖြင့် ပြည်သူများ လက်ဝယ်အရောက် ရောင်းချပေးခဲ့ကြောင်း သတင်းရရှိပါသည်။

DOCA(ပြည်ထောင်စုနယ်မြေ)

          စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှဝန်ထမ်းများသည် ၂၀၂၂ ခုနှစ် ၊ နိုဝင်ဘာလ (၂၄) ရက်နေ့၊ နေ့လည်(၁၃:၀၀)နာရီအချိန်တွင် ပြည်နယ်ဦးစီးမှူးရုံး အစည်းအဝေးခန်းမ၌ တရားမဝင်ကုန်သွယ်မှုနှင့် စပ်လျဉ်း၍ အသိပညာဗဟုသုတတိုးပွားစေရန် “တရားမဝင်ကုန်သွယ်မှုပပျောက်ရေးအတွက် ဆောင်ရွက်သင့်သည့်နည်းလမ်းများခေါင်းစဉ်” ဖြင့် Thursday Talk အသိပညာပေး ဆွေးနွေးပွဲ ကျင်းပဆောင်ရွက်ခဲ့ရာ စုစုပေါင်းဝန်ထမ်း (၁၃) ဦးတက်ရောက်ခဲ့ပါသည်။

          အဆိုပါ Thursday Talk အသိပညာပေးဆွေးနွေးပွဲတွင် စားသုံးသူရေးရာဦးစီးဌာန၊ ပြည်နယ် ဦးစီးမှူး ဦးမြင့်အောင် က အဖွင့်အမှာစကားပြောကြားခဲ့ပြီး ဦးစီးအရာရှိ ဦးမိုးညွန့်ဦးက တရားမဝင် ကုန်သွယ်မှုနှင့် စပ်လျဉ်း၍ အသိပညာဗဟုသုတ တိုးပွားစေရန်ရည်ရွယ်၍ ကုန်သွယ်ရေး၏ အခြေခံ သဘောတရားများ၊ ကုန်သွယ်ရေးအမျိုးအစားများ၊ တရားမဝင်ကုန်သွယ်မှု၏အဓိပ္ပါယ်၊ တရားမဝင် ကုန်သွယ်မှု၏ သဘောတရားများ၊ တရားမဝင်ကုန် သွယ်မှုဖြစ်ပေါ်စေသည့် အကြောင်းတရားများ၊ တရားမဝင်ကုန်သွယ်မှုဖြစ်ပေါ်ခြင်း၏ သက်ရောက်မှုများ၊ မြန်မာနိုင်ငံ၏ ခေတ်အဆက်ဆက် စီးပွား ရေးနှင့် ကုန်သွယ်မှုသမိုင်းကြောင်းများ၊ မြန်မာနိုင်ငံတွင် ဖြစ်ပေါ်နေသော တရားမဝင်ကုန်သွယ်မှုများ၊ တရားမဝင်ကုန်သွယ်မှုနှင့် ဆက်စပ်ဖြစ်ပေါ်နေသော တရားမဝင်စီးပွားရေးများ၊ တရားမဝင်ကုန်သွယ်မှုများကြောင့် တရားဝင်ကုန်သွယ်မှုနှင့် စီးပွားရေးအပေါ်သက်ရောက်မှုများ၊ တရားမဝင်ကုန်သွယ်မှု ပပျောက်ရေးအတွက် နိုင်ငံတော်မှ ဆောင်ရွက်လျက်ရှိသည့် အစီအမံများ၊ တရားမဝင်ကုန်သွယ်မှုများ လျော့နည်းစေရေး ဖြေလျော့ပေးရန်လိုအပ်သည့်အချက်များ၊ ကြိုတင်ကာကွယ်ရေးနည်းလမ်းများနှင့် တားဆီးကာကွယ်ရေးနည်းလမ်းများ စသည့်အချက်များ ရှင်းလင်းဆွေးနွေးခဲ့ပြီး တက်ရောက်သည့် ဝန်ထမ်းများက သိလိုသည်များ အပြန်အလှန်မေးမြန်းဆွေးနွေးခဲ့ကြပြီး နေ့လယ် (၁၄:၀၀)နာရီအချိန် တွင် Thursday Talk ဆွေးနွေးခြင်းအား အောင်မြင်စွာပြီးမြောက်ခဲ့ကြောင်းနှင့် Thursday Talk အသိပညာပေးဆွေးနွေးခြင်းဖြင့် ဝန်ထမ်းများ တရားမဝင်ကုန်သွယ်မှုနှင့်စပ်လျဉ်း၍  အသိပညာဗဟုသုတတိုးပွားပြီး ဌာနဆိုင်ရာများနှင့် လုပ်ငန်းများပူးပေါင်းဆောင်ရွက်ရာတွင် အထောက်အကူဖြစ် ကြောင်းသိရပါသည်။

DOCA(ကယား)

       မော်လမြိုင်အေးခန်းစက်ရုံများ (Coldstore)  အစုအဖွဲ့ ဖွဲ့စည်းခြင်းအခမ်းအနားကို ၂၀၂၂ ခုနှစ်၊ နိုဝင်ဘာလ (၂၇) ရက်၊ တနင်္ဂနွေနေ့ နံနက်(၁၀)နာရီအချိန်တွင် မွန်ပြည်နယ် စားသုံးသူရေးရာဦးစီးဌာန၊ ပြည်နယ်ဦးစီးမှူးရုံး အစည်းအဝေးခန်းမ၌ ပြုလုပ်ရာ အခမ်းအနားသို့ ပြည်နယ်ဦးစီးမှူးနှင့် ဝန်ထမ်းများ၊ အအေးခန်းစက်ရုံလုပ်ငန်းရှင်များ စုစုပေါင်း(၁၉)ဦး တက်ရောက်ပါသည်။

          အဆိုပါ အခမ်းအနားတွင် စားသုံးသူရေးရာဦးစီးဌာန၊ ပြည်နယ်ဦးစီးမှူးမှ အဖွင့်အမှာစကား ပြောကြားသည်။ ထို့နောက်အခမ်းအနားသို့ တက်ရောက်လာသော အအေးခန်းစက်ရုံ လုပ်ငန်းရှင်များက မော်လမြိုင်အေးခန်းစက်ရုံများ (Coldstore)  အစုအဖွဲ့၏ ဥက္ကဌ၊ ဒု-ဥက္ကဌ၊ အတွင်းရေးမှူး၊ စာရင်းစစ်များ တင်မြှောက်ခဲ့ပြီး မော်လမြိုင်အေးခန်းစက်ရုံများ (Coldstore)  အစုအဖွဲ့အား အဖွဲ့ဝင်(၁၅)ဦးဖြင့် ရွေးချယ်တင်မြှောက် ဖွဲ့စည်းခဲ့ကြောင်း သိရသည်။

DOCA(မွန်)

      မွန်ပြည်နယ်၊မော်လမြိုင်မြို့၊ ငွေမိုးဟိုတယ်၌ စိုက်ပျိုးရေးဦးစီးဌာနမှ ဦးဆောင်ကျင်းပသော “ရော်ဘာအထွက်နှုန်းတိုးတက်ရေးနှင့် အရည်အသွေးမြင့်မားရေးအလုပ်ရုံဆွေးနွေးပွဲ”ကို ၂၀၂၂ ခုနှစ်၊ နိုဝင်ဘာလ ၂၄ ရက် နံနက် ၈ နာရီခွဲ အချိန်တွင် ကျင်းပခဲ့သည်။ ဆွေးနွေးပွဲသို့ မွန်ပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးဇော်လင်းထွန်း ၊ စိုက်ပျိုးရေးဦးစီးဌာနမှဝန်ထမ်းများ၊ စားသုံးသူရေးရာဦးစီးဌာနမှ ပြည်နယ်ဦးစီးမှူးနှင့်ဝန်ထမ်းများ၊ ရော်ဘာလုပ်ငန်းရှင်များ စုစုပေါင်း(၃၀) ဦး တက်ရောက်ခဲ့ပါသည်။

     အဆိုပါ အလုပ်ရုံဆွေးနွေးပွဲတွင် မွန်ပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးဇော်လင်းထွန်း မှ လမ်းညွှန်အမှာစကားပြောကြားပြီး၊ စိုက်ပျိုးရေးဦးစီးဌာန၊ ညွှန်ကြားရေးမှူးချုပ်မှ (Online) ဖြင့် အမှာစကားပြောကြားခဲ့ပါသည်။ ဆက်လက်ပြီး စာတမ်းရှင်(၆)ဦးမှ တစ်ဦးချင်းစီအလိုက် စာတမ်းဖတ်ကြားခြင်း၊ တက်ရောက်လာသူများမှ အဖွဲ့လိုက် ရော်ဘာအထွက်နှုန်းတိုးတက်ရေးနှင့် အရည်အသွေးမြင့်မားရေးအတွက် အချက်အလက်များ ဆွေးနွေးဖော်ထုတ်ခြင်း၊ အဖွဲ့လိုက် ကိုယ်စားလှယ်တစ်ဦးမှ အချက်အလက်များအား ဆွေးနွေးတင်ပြခြင်း၊ ဆွေးနွေးပွဲတွင် ရရှိလာသောရလဒ်များမှ လုပ်ငန်းရှင်များ၏ ရင်ဆိုင်နေရသောအခက်အခဲတစ်ခုချင်းစီကို ပြည်နယ်ဝန်ကြီးချုပ်မှ ပြန်လည်ဖြေကြားပေးပြီး အလုပ်ရုံဆွေးနွေးပွဲကို ညနေ(၄)နာရီတွင် ရုတ်သိမ်းခဲ့ကြောင်း သိရှိရသည်။

DOCA(မွန်)