သတင်းနှင့် လှုပ်ရှားမှုများ

     CMP ပို့ကုန်သွင်းကုန်ဆိုင်ရာ ကြီးကြပ်ရေးကော်မတီ၏လုပ်ငန်းများကို အ‌ထောက်အကူပြုနိုင်စေရန်စေ CMP  စနစ်ဖြင့်ဆောင်ရွက်သော အထည်ချုပ်လုပ်ငန်း၊ စက်မှုကုန်ထုတ်လုပ်ငန်း၊ ရေထွက်ပစ္စည်းလုပ်ငန်း၊ လယ်ယာထွက်ကုန်လုပ်ငန်း(၄)ခု၏ သတင်းအချက်အလက်များစုစည်းခြင်း၊ မြေပြင်ကွင်းဆင်းခြင်းတို့နှင့်ပတ်သက်ပြီး ခရိုင်ဦးစီးမှူးရုံးများအနေဖြင့် တာဝန်ပေးအပ်ထားသော လုပ်ငန်းအဖွဲ့၏တာဝန်များနှင့်အညီ လုပ်ငန်းဆောင်ရွက်ချက်များဆောင်ရွက်လျက်ရှိရာတွင် ရန်ကုန်တိုင်းဒေသကြီး CMP လုပ်ငန်းများမြေပြင်ကွင်းဆင်းစစ်ဆေးရေးအဖွဲ့ ဥက္ကဋ္ဌဦးဆောင်၍ အဖွဲ့ဝင် (၈) ဦးတို့မှ ၁၅-၁၂-၂၀၂၂ ရက်နေ့ နံနက် (၉:၃၀)နာရီအချိန်တွင် တောင်ဒဂုံမြို့နယ်၊ စက်မှုဇုန်(၁)ရှိ အမှတ်(၄၇၆)၊ မိုးကုတ်လမ်း၊ Golden Theparerg Gament Co.,Ltd. (အထည်ချုပ်လုပ်ငန်း)၊ အမှတ်(၁၈)လမ်းသစ်လမ်း၊ ရွာသာကြီးအကြီးစားစက်မှုဇုန်၊ Myanmar Dongtai Garments Co.,Ltd. (အထည်ချုပ်လုပ်ငန်း)နှင့် အမှတ်(၁၄၃/၁)၊ ကျန်စစ်သားရိပ်မွန်၊ Woorie M.J Shirt Co.,Ltd (အထည်ချုပ် လုပ်ငန်း)တို့အား စားသုံးသူရေးရာဦးစီးဌာန၊ ခရိုင်ဦးစီးမှူး ဦးဇော်မင်းလတ်က မြေပြင်ကွင်းဆင်းစစ်‌ဆေးမှုများ ပါဝင်ဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)

       ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ညောင်တုန်းမြို့နယ်၊ စားသုံးသူရေးရာဦးစီးဌာနအနေဖြင့် မိတ်ဖက်ဌာနများနှင့် ပူးပေါင်း၍ ကျုံတမာကျေးရွာ အလယ်တန်းကျောင်းတွင် ကျောင်းသား/ ကျောင်းသူ (၁၈၉)ယောက်အား (၁၄.၁၂.၂၀၂၂)နေ့ (၁၀:၀၀) နာရီမှ (၁၂:၀၀)အချိန်ထိ စားသုံးသူကာကွယ်ရေး အသိပညာပေးဟောပြောပွဲ ပြုလုပ်ခဲ့ပါသည်။

      အဆိုပါ အသိပညာပေး ဟောပြောပွဲတွင် ညောင်တုန်းမြို့နယ်စားသုံးသူရေးရာဦးစီးဌာန ဦးစီးမှူး ဦးအောင်လွင်သည် ဌာန၏ လုပ်ပိုင်ခွင့်နှင့် တာဝန်များအကြောင်း စားသုံးသူ၏ အခွင့်အရေးနှင့် စပ်လျဉ်း၍ အကောင်အထည်ဖော်ဆောင်ရွက်ခြင်း၊ အသိပညာပေးခြင်းနှင့် သတင်းအချက်အလက်များ ဖြန့်ဝေပေးခြင်း၊ သုတေသနပြုခြင်းနှင့် ယင်းသုတေသနကို ပြန်လည်သုံးသပ်၍ စားသုံးသူများ၏ အကျိုးအတွက် ဆောင်ရွက်ပေးခြင်း၊ တိုင်ကြားလာမှုများကို စုံစမ်းစစ်ဆေးရန်(သို့) ဘေးအန္တရာယ်ရှိသော ကုန်စည်/ ဝန်ဆောင်မှုများကို စောင့်ကြည့်စစ်ဆေးနိုင်ရန်၊ ဈေးကွက်အတွင်းမှ ပပျောက်စေရန်အလို့ငှာ ဒုတိယ ဦးစီးမှူးအောက်မနိမ့်သူကို စစ်ဆေးရေးမှူးအဖြစ် တာဝန်ပေးအပ်ခြင်း၊ အပြည်ပြည်ဆိုင်ရာ အဖွဲ့အစည်းများ၊ ဒေသဆိုင်ရာအဖွဲ့အစည်းများနှင့် ဆက်သွယ်ဆောင်ရွက်ခြင်း၊ ကုန်စည်/ ဝန်ဆောင်မှု ဘေးအန္တရာယ်ကင်းရှင်းစေရေးအလို့ငှာ စစ်ဆေးရန် လိုအပ်သည့် နေရာများသို့ ဝင်ရောက်စစ်ဆေးခြင်း၊ အချက်အလက်ရယူစုဆောင်းခြင်း၊ နမူနာပစ္စည်း ရယူခြင်းနှင့် သတင်းအချက်အလက်များရယူစုဆောင်း ခြင်းများကို စစ်ဆေးရေးအရာရှိအား တာဝန်ပေးအပ်ခြင်း၊  စားသုံးသူကို ကြီးမားသော အန္တရာယ် ဖြစ်စေသည့် သို့မဟုတ် နစ်နာဆုံးရှုံးစေမည့် ထူးခြားသော အခြေအနေတစ်ရပ်ရပ်ကို အချိန်မီတားဆီးဖော်ထုတ်နိုင်ရန်၊ စားသုံးသူကာကွယ်ရေးဆိုင်ရာ အသင်းအဖွဲ့များ ဖွဲ့စည်းဆောင်ရွက်နိုင်ရေး စီမံဆောင်ရွက်ခြင်းစသောအကြောင်းအရာများကို အကျယ်တဝင့် ရှင်းလင်းဟောပြော ဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

  ဧရာဝတီတိုင်းဒေသကြီး၊ ဖျာပုံခရိုင်၊ဘိုကလေးမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံနှင့်ဝန်ထမ်းများသည် ၂၀၂၂ခုနှစ်၊ ဒီဇယ်ဘာလ(၁၄)ရက်နေ့၊ နေ့လယ် (၁၂:၀၀)နာရီတွင် ဂွတ်ရှယ်သုံးထောင့်မုန့်တိုက်၌ မုန့်လုပ်သားများကို စားသုံးသူကာကွယ်ရေးအသိပညာပေးဟောပြောပွဲ ပြုလုပ်ခဲ့ပါသည်။

      အဆိုပါဟောပြောပွဲတွင် စားသုံးသူရေးရာဦးစီးဌာန မြို့နယ်တာဝန်ခံမှ စားသုံးသူကာကွယ်ရေးဉပ‌ဒေကို ၂၀၁၉ခုနှစ်၊ မတ်လ( ၁၅ )ရက်နေ့တွင် ဥပဒေအခန်း ( ၂၅ )ခန်း ၊ ပုဒ်မ( ၈၄ )ခုဖြင့်  ပြဌာန်းထားရှိကြောင်း၊ မိမိတို့ထုတ်လုပ်သောကုန်စည်နှင့်ပတ်သက်ပြီး စားသုံးသူများအန္တရာယ်ကင်းရှင်း‌ရေး ၊ ကျန်းမာ‌ရေး ၊  စိတ်ကျေနပ်မှုရရှိရေးတို့အတွက် အာမခံချက်ပေးနိုင်သည့် အရည်အသွေး  မြင့်မားသည့်ကုန်စည်၊ ဝန်ဆောင်မှုများကိုဖော်ဆောင်ပေးနိုင်ဖို့ ဌာနအနေနဲ့မျှော်မှန်းချက်၊ရည်မှန်းချက်များထားရှိကြောင်း မိမိတို့ထုတ်လုပ်သောကုန်ပစ္စည်များတွင် ကုန်ညွှန်းအမှတ်တံဆိပ်များထည့် သွင်းဖော်ပြရေး၊ စာသုံးသူရေးရာဦးစီးဌာနဖြစ်သော တိုင်းနဲ့ပြည်နယ် ခရိုင်မြို့နယ်များတွင်လည်း    တိုင်ကြားမှုလက်ခံဆောင်ရွက်ရေးစင်တာ( CICC ) များဖွင့်လှစ်ထားကြောင်း၊ စားသုံးသူပြည်သူများအနေဖြင့် ကုန်စည် ၊ဝန်ဆောင်မှုများကို ဝယ်ယူသုံးစွဲခြင်းကြောင့် နစ်နာဆုံးရှုံးမှုများဖြစ်ပေါ်လာပါက  လူကိုယ်တိုင်ဖြစ်စေ ၊ဖုန်းဖြင့် ဖြစ်စေ ၊အခြားလူမှုကွန်ယက်မှဖြစ်စေ တိုင်ကြားနိုင်သကဲ့သို့ Call Center နံပါတ် 1535 မှလည်း ဆက်သွယ်တိုင်ကြားနိုင်ကြောင်း ရှင်းလင်းဆွေးနွေးခဲ့ပါသည်။

DOCA(ဧရာဝတီ)

        စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် စားသုံးသူကာကွယ်ရေးဥပဒေပါ ပြဋ္ဌာန်းချက်များအား သိရှိလိုက်နာဆောင်ရွက်နိုင်စေရန် စီးပွားရေးလုပ်ငန်းရှင်များနှင့် တွေ့ဆုံဆွေးနွေးအသိပညာပေးခြင်း၊ ထုတ်ကုန်များလုံခြုံစိတ်ချရမှုရှိစေရေးအတွက် ဈေးကွက်စောင့်ကြည့်စစ်ဆေးခြင်း ပြည်တွင်းကုန်သွယ်မှုကဏ္ဍဖွံ့ဖြိုးတိုးတက်လာစေရေးအတွက် စိုက်ပျိုး မွေးမြူသူတောင်သူများ စီးပွားရေးလုပ်ငန်းရှင်များနှင့် တွေ့ဆုံဆွေးနွေးခြင်း၊ သတင်းအချက်အလက်များဖြန့်ဝေပေးခြင်းလုပ်ငန်းများ ဆောင်ရွက်လျက်ရှိပါသည်။

         မင်းဘူးခရိုင်ဦးစီးမှူးရုံးမှ ဝန်ထမ်းများနှင့် ပွင့်ဖြူမြို့နယ်တာဝန်ခံသည် စားသုံးသူများ ဘေးအန္တရာယ်ကင်းရှင်းပြီး၊ ကုန်စည်နှင့်ဝန်ဆောင်မှုများ လုံခြုံစိတ်ချရမှုရှိစေရေးအတွက် (၁၃.၁၂.၂၀၂၂) ရက်နေ့ နံနက်(၁၁း၀၀)နာရီအချိန်တွင် ပွင့်ဖြူမြို့ အနောက်ပိုင်းရပ်ကွက်ရှိ “နေလ”ကွာစေ့ ထုတ်လုပ်သည့်လုပ်ငန်းရှင်နှင့် တွေ့ဆုံ၍ အသိပညာပေးဆွေးနွေးခဲ့ပါသည်။

      အသိပညာပေးဆွေးနွေးရာတွင် စီးပွားရေးလုပ်ငန်းရှင်အနေဖြင့် ကုန်စည်များထုတ်လုပ်ဖြန့်ဖြူးရောင်းချရာတွင် စီးပွားရေးလုပ်ငန်းရှင်များ သိရှိလိုက်နာဆောင်ရွက်စေရန်အတွက် စားသုံးသူကာကွယ်ရေးဥပဒေ(၂၀၁၉)ပါ စားသုံးသူအခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏ တာဝန်များနှင့် အခန်း(၁၈) ကုန်အညွှန်းအမှတ်အသားဆိုင်ရာ ပြဋ္ဌာန်းချက်များနှင့် မြန်မာနိုင်ငံ စားသုံးသူကာကွယ်ရေးကော်မရှင်မှ ထုတ်ပြန်ထားသည့် ညွှန်ကြားချက်အမှတ်(၂/၂၀၁၉)အရ အသင့်စားမုန့်အမျိုးမျိုးတွင် ပါရှိရမည့်အချက်များ၊ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ အခြားဘာသာတစ်ခုဖော်ပြလိုပါက တွဲလျက်ဖြစ်စေ၊ ရေးသားဖော်ပြရမည်ဖြစ်ကြောင်း အသေးစိတ်ရှင်းလင်းဆွေးနွေးခဲ့ပြီး လုပ်ငန်းရှင်များအနေဖြင့် မိမိတို့ထုတ်လုပ်သောကုန်စည်များတွင် ကုန်အညွှန်းအမှတ်အသားများ ပြည့်စုံမှန်ကန်စွာဖော်ပြနိုင်ရန်နှင့် ကုန်အမှတ်တံဆိပ်ဖော်ပြရာတွင် ပြည်စုံမှန်ကန်မှု ရှိ/မရှိကို မိမိတို့ဌာနသို့ တင်ပြစိစစ်လျှောက်ထားနိုင်ပါကြောင်းနှင့် ကုန်အညွှန်းအမှတ်အသား ပြည့်စုံမှုမရှိသည့် ကုန်စည်များတွေ့ရှိလာပါက ဥပဒေအရ အရေးယူဆောင်ရွက်သွားမည်ဖြစ်သဖြင့် လိုက်နာ ဆောင်ရွက်စေလိုကြောင်း အသိပညာပေးဆွေးနွေးခဲ့ပါသည်။

DOCA(မကွေး)

      ဧရာဝတီတိုင်းဒေသကြီး၊ ဟင်္သာတခရိုင်၊ စားသုံးသူရေးရာဦးစီးဌာနအနေဖြင့် စိုက်ပျိုးရေးဦးစီးဌာန၊ စည်ပင်သာယာရေးဦးစီးဌာနတို့နှင့်ပူးပေါင်း၍ ဇလွန်မြို့၊ လမ်းမတော်တောင်ရပ်ကွက်ရှိ ဓါတ်မြေဩဇာအရောင်းဆိုင်များအား (၁၄.၁၂.၂၀၂၂)ရက်နေ့ နံနက် (၀၈:၃၀) နာရီအချိန်တွင် ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

          ထိုသို့ကွင်းဆင်းစစ်ဆေးခဲ့ရာတွင် ဈေးကွက်အတွင်းရောင်းချနေသော ကုန်စည်များသည် ဝယ်ယူစားသုံးသူမိဘပြည်သူများအား ဘေးအန္တရာယ်မဖြစ်စေရန်နှင့် ကုန်စည်များပေါ်တွင် ကုန်အညွှန်းအမှတ်အသားပြည့်စုံမှု ရှိ/မရှိ၊ တရားဝင်ကုန်စည်များရောင်းချခြင်းရှိ/မရှိ တို့ကိုစစ်ဆေးခဲ့ပြီး၊ စားသုံးသူများအနေဖြင့် ကုန်စည်များ ဝယ်ယူအသုံးပြုရာတွင်လည်း ကုန်စည်နှင့် ပတ်သက်သည့် သတင်းအချက်အလက်များ ပြည့်စုံစွာရရှိနိုင်ပြီး စိတ်ကြိုက်ရွေး ချယ်ဝယ်ယူနိုင်ရေး၊ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)ပါ ကုန်အညွှန်းအမှတ်အသားဖော်ပြခြင်းဆိုင်ရာ ညွှန်ကြားချက်အကြောင်း၊ စီးပွားရေးလုပ်ငန်းရှင်များ အနေဖြင့်ညွှန်ကြားချက်များအား လိုက်နာဆောင်ရွက်ရန်နှင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များအကြောင်းအသိပညာပေး ဆွေးနွေးခဲ့ပြီး၊ ဓါတ်မြေဩဇာအရောင်းဆိုင် (၃)ဆိုင်အားစစ်ဆေးခဲ့ကြောင်း သိရှိရပါသည်။

DOCA(ဧရာဝတီ)